ब्रह्मेश्वर माहात्म्य वर्णन

श्लोक 1 (skanda.7.248.1)

ईश्वर उवाच। ततो गच्छेन्महादेवि पूर्वोक्तं ब्रह्मपूजितम्। सरस्वत्यास्तटे संस्थं पर्णादित्यस्य पश्चिमे

īśvara uvāca| tato gacchenmahādevi pūrvoktaṁ brahmapūjitam| sarasvatyāstaṭe saṁsthaṁ parṇādityasya paścime

ईश्वर ने कहा—हे महादेवी, इसके पश्चात् पहले बताए गए, ब्रह्मा द्वारा पूजित, सरस्वती के तट पर पर्णादित्य के पश्चिम में स्थित उसी स्थान पर जाना चाहिए।

श्लोक 2 (skanda.7.248.2)

तस्योत्पत्तिं प्रवक्ष्यामि शृणुष्वैकमनाः प्रिये। सृजतो ब्रह्मणः पूर्वं भूतग्रामं चतुर्विधम्

tasyotpattiṁ pravakṣyāmi śṛṇuṣvaikamanāḥ priye| sṛjato brahmaṇaḥ pūrvaṁ bhūtagrāmaṁ caturvidham

हे प्रिये, अब मैं उसकी उत्पत्ति का वर्णन करूँगा, एकाग्रचित्त होकर सुनो। पूर्वकाल में जब ब्रह्मा चार प्रकार के प्राणिसमूह की सृष्टि कर रहे थे—

श्लोक 3 (skanda.7.248.3)

उत्पन्नाद्भुतरूपाढ्या नारी कमललोचना। कंबुग्रीवा सुकेशांता बिंबोष्ठी तनुमध्यमा

utpannādbhutarūpāḍhyā nārī kamalalocanā| kaṁbugrīvā sukeśāṁtā biṁboṣṭhī tanumadhyamā

—एक अद्भुत सुंदर रूप वाली, कमल के समान नेत्रों वाली, शंख के समान ग्रीवा वाली, सुंदर केश वाली, बिंबफल के समान ओष्ठ वाली और कृश कटि वाली स्त्री प्रकट हुई।

श्लोक 4 (skanda.7.248.4)

गंभीरनाभिः सुश्रोणी पीनश्रोणिपयोधरा। पूर्णचन्द्रमुखी सा तु गूढगुल्फा सितानना

gaṁbhīranābhiḥ suśroṇī pīnaśroṇipayodharā| pūrṇacandramukhī sā tu gūḍhagulphā sitānanā

वह गहरी नाभि वाली, सुंदर नितंबों वाली, भरे हुए नितंब और स्तनों वाली, पूर्णचंद्र के समान मुख वाली, छिपे हुए टखनों वाली और उज्ज्वल मुख वाली थी।

श्लोक 5 (skanda.7.248.5)

न देवी न च गन्धर्वी नासुरी न च पन्नगी। यादृग्रूपा वरारोहा तादृशी सा व्यजायत

na devī na ca gandharvī nāsurī na ca pannagī| yādṛgrūpā varārohā tādṛśī sā vyajāyata

वह न देवी थी, न गंधर्वी, न असुर-कन्या और न ही नागकन्या; ऐसी सुंदर रूप वाली सुडौल स्त्री पहले कभी नहीं जन्मी थी।

श्लोक 6 (skanda.7.248.6)

तां दृष्ट्वा रूपसंपन्नां ब्रह्मा कामवशोऽभवत्। अथ तां प्रार्थयामास रत्यर्थं वरवर्णिनि

tāṁ dṛṣṭvā rūpasaṁpannāṁ brahmā kāmavaśo'bhavat| atha tāṁ prārthayāmāsa ratyarthaṁ varavarṇini

उस रूपसम्पन्न स्त्री को देखकर ब्रह्मा काम के वश में हो गए। हे वरवर्णिनि, तब उन्होंने रति के लिए उससे प्रार्थना की।

श्लोक 7 (skanda.7.248.7)

अथ प्रार्थयतस्तस्य न्यपतत्पंचमं शिरः। खररूपं महादेवि तेन पापेन तत्क्षणात्

atha prārthayatastasya nyapatatpaṁcamaṁ śiraḥ| khararūpaṁ mahādevi tena pāpena tatkṣaṇāt

हे महादेवी, जैसे ही उन्होंने यह प्रार्थना की, उसी पाप के कारण उसी क्षण उनका पाँचवाँ सिर गधे का रूप धारण करके गिर पड़ा।

श्लोक 8 (skanda.7.248.8)

ततो ज्ञात्वा महत्पापं दुहितुः कामसंभवम्। घृणया परया युक्तः प्रभासं क्षेत्रमागतः

tato jñātvā mahatpāpaṁ duhituḥ kāmasaṁbhavam| ghṛṇayā parayā yuktaḥ prabhāsaṁ kṣetramāgataḥ

तब अपनी पुत्री के प्रति उत्पन्न हुए इस महापाप को जानकर, वे अत्यंत ग्लानि से युक्त होकर प्रभासक्षेत्र में आए।

श्लोक 9 (skanda.7.248.9)

न कायस्य यतः शुद्धिर्विना तीर्थावगाहनात्। स स्नातः सलिले पुण्ये सरस्वत्या वरानने

na kāyasya yataḥ śuddhirvinā tīrthāvagāhanāt| sa snātaḥ salile puṇye sarasvatyā varānane

क्योंकि तीर्थ में स्नान किए बिना शरीर की शुद्धि नहीं होती, इसलिए हे वरानने, उन्होंने सरस्वती के पवित्र जल में स्नान किया।

श्लोक 10 (skanda.7.248.10)

लिंगं संस्थापयामास देवदेवस्य शूलिनः। ततो विकल्मषो भूत्वा जगाम स्वगृहं पुनः

liṅgaṁ saṁsthāpayāmāsa devadevasya śūlinaḥ| tato vikalmaṣo bhūtvā jagāma svagṛhaṁ punaḥ

उन्होंने त्रिशूलधारी देवाधिदेव का लिंग स्थापित किया; उसके बाद निष्पाप होकर वे पुनः अपने गृह को लौट गए।

श्लोक 11 (skanda.7.248.11)

स्नात्वा सारस्वते तोये यस्तल्लिंगं प्रपश्यति। सर्वपापविनिर्मुक्तो ब्रह्मलोके महीयते

snātvā sārasvate toye yastalliṅgaṁ prapaśyati| sarvapāpavinirmukto brahmaloke mahīyate

जो कोई सारस्वत जल में स्नान करके उस लिंग का दर्शन करता है, वह समस्त पापों से मुक्त होकर ब्रह्मलोक में पूजित होता है।

श्लोक 12 (skanda.7.248.12)

चैत्रे शुक्लचतुर्दश्यां यस्तं पश्यति मानवः। स याति परमं स्थानं यत्र देवो महेश्वरः

caitre śuklacaturdaśyāṁ yastaṁ paśyati mānavaḥ| sa yāti paramaṁ sthānaṁ yatra devo maheśvaraḥ

चैत्र मास की शुक्ल चतुर्दशी को जो मनुष्य उसका दर्शन करता है, वह उस परम स्थान को प्राप्त होता है जहाँ भगवान महेश्वर विराजते हैं।