गन्धर्वकन्यावृत्तान्तवर्णनम्

श्लोक 1 (skanda.7.25.1)

ईश्वर उवाच। स गन्धर्वस्तदा देवि आरिराधयिषुर्भवम्। सोमवारव्रतंनाम पप्रच्छ मुनिसत्तमम्

īśvara uvāca| sa gandharvastadā devi ārirādhayiṣurbhavam| somavāravrataṁnāma papraccha munisattamam

ईश्वर ने कहा—हे देवी! तब उस गंधर्व ने भव की आराधना करने की इच्छा से मुनिश्रेष्ठ से सोमवार-व्रत नामक व्रत के विषय में पूछा।

श्लोक 2 (skanda.7.25.2)

गन्धर्व उवाच। कथं सोमव्रतं कार्यं विधानं तस्य कीदृशम्। कस्मिन्काले च तत्कार्यं सर्वं विस्तरतो वद

gandharva uvāca| kathaṁ somavrataṁ kāryaṁ vidhānaṁ tasya kīdṛśam| kasminkāle ca tatkāryaṁ sarvaṁ vistarato vada

गंधर्व ने कहा—सोम-व्रत किस प्रकार करना चाहिए, उसकी विधि कैसी है? किस समय वह करना चाहिए—यह सब विस्तार से बताइए।

श्लोक 3 (skanda.7.25.3)

गोशृंग उवाच। साधुसाधु महाप्राज्ञ सर्वसत्त्वोपकारकम्। यन्न कस्यचिदाख्यातं तदद्य कथयामि ते

gośṛṁga uvāca| sādhusādhu mahāprājña sarvasattvopakārakam| yanna kasyacidākhyātaṁ tadadya kathayāmi te

गोशृंग ने कहा—साधु, साधु, हे महाप्राज्ञ! जो सर्वप्राणियों के हित के लिए है और जो किसी को नहीं बताया गया, वह मैं आज तुम्हें बताता हूँ।

श्लोक 4 (skanda.7.25.4)

सर्वरोगहरं दिव्यं सर्वसिद्धिप्रदायकम्। सोमवारव्रतंनाम सर्वकामफलप्रदम्

sarvarogaharaṁ divyaṁ sarvasiddhipradāyakam| somavāravrataṁnāma sarvakāmaphalapradam

सर्वरोगनाशक, दिव्य, सर्वसिद्धिप्रदायक सोमवार-व्रत नामक यह व्रत सभी कामनाओं का फल देने वाला है।

श्लोक 5 (skanda.7.25.5)

सर्वकालिकमादेयं वर्णानां शुभकारकम्। नारी नरैः सदा कार्यं दृष्ट्वादृष्ट्वा फलोदयम्

sarvakālikamādeyaṁ varṇānāṁ śubhakārakam| nārī naraiḥ sadā kāryaṁ dṛṣṭvādṛṣṭvā phalodayam

यह सर्वकाल में ग्रहणीय है, सभी वर्णों के लिए शुभकारक है; फल दिखे या न दिखे, स्त्री और पुरुष दोनों को यह सदा करना चाहिए।

श्लोक 6 (skanda.7.25.6)

ब्रह्मविष्ण्वादिभिर्देवैः कृतमेतन्महाव्रतम्। पुनस्तु सोमराजेन दक्षशापहतेन च

brahmaviṣṇvādibhirdevaiḥ kṛtametanmahāvratam| punastu somarājena dakṣaśāpahatena ca

यह महाव्रत ब्रह्मा-विष्णु आदि देवताओं द्वारा किया गया, और पुनः दक्ष के शाप से आहत सोमराज द्वारा भी—

श्लोक 7 (skanda.7.25.7)

आराधितोऽनेन शंभुः शंभुध्यानपरेण तु। ततस्तुष्टो महादेवः सोमराजस्य भक्तितः

ārādhito'nena śaṁbhuḥ śaṁbhudhyānapareṇa tu| tatastuṣṭo mahādevaḥ somarājasya bhaktitaḥ

—इसके द्वारा शंभु-ध्यान में तत्पर होकर शंभु की आराधना की गई; तब महादेव सोमराज की भक्ति से प्रसन्न हुए,

श्लोक 8 (skanda.7.25.8)

तेनोक्तं यदि तुष्टोऽसि प्रतिष्ठास्थो निरंतरम्

tenoktaṁ yadi tuṣṭo'si pratiṣṭhāstho niraṁtaram

—और उनसे कहा गया, "यदि आप प्रसन्न हैं तो सदा प्रतिष्ठित रहें"—

श्लोक 9 (skanda.7.25.9)

यावच्चंद्रश्च सूर्यश्च यावत्तिष्ठंति भूधराः। तावन्मे स्थापितं लिंगमुमया सह तिष्ठतु

yāvaccaṁdraśca sūryaśca yāvattiṣṭhaṁti bhūdharāḥ| tāvanme sthāpitaṁ liṁgamumayā saha tiṣṭhatu

"—जब तक चंद्र-सूर्य रहें, जब तक पर्वत स्थित रहें, तब तक मेरा स्थापित लिंग उमा सहित स्थित रहे।"

श्लोक 10 (skanda.7.25.10)

स्थापितं तु तदा तेन प्रार्थयित्वा महेश्वरम्। आत्मनामांकितं कृत्वा ततो रोगैर्व्यमुच्यत

sthāpitaṁ tu tadā tena prārthayitvā maheśvaram| ātmanāmāṁkitaṁ kṛtvā tato rogairvyamucyata

इस प्रकार महेश्वर से प्रार्थना करके, उनके द्वारा वह लिंग अपने नाम से अंकित करके स्थापित किया गया; तत्पश्चात् वे रोगों से मुक्त हो गए।

श्लोक 11 (skanda.7.25.11)

ततः शुद्धशरीरोऽसौ गगनस्थो विराजते

tataḥ śuddhaśarīro'sau gaganastho virājate

तब शुद्धशरीर होकर वे आकाश में स्थित होकर सुशोभित होते हैं।

श्लोक 12 (skanda.7.25.12)

तदाप्रभृति ये केचित्कुर्वंति भुवि मानवाः। तेऽपि तत्पदमायांति विमलांगाश्च सोमवत्

tadāprabhṛti ye kecitkurvaṁti bhuvi mānavāḥ| te'pi tatpadamāyāṁti vimalāṁgāśca somavat

तब से जो भी मनुष्य पृथ्वी पर इस व्रत को करते हैं, वे भी सोम के समान निर्मल शरीर होकर उसी पद को प्राप्त करते हैं।

श्लोक 13 (skanda.7.25.13)

अथ किं बहुनोक्तेन विधानं तस्य कीर्त्तये। यस्मिन्कस्मिंश्च मासे वा शुक्ले सोमस्य वासरे

atha kiṁ bahunoktena vidhānaṁ tasya kīrttaye| yasminkasmiṁśca māse vā śukle somasya vāsare

अब अधिक कहने से क्या लाभ? इसकी विधि बताता हूँ। जिस किसी भी मास में, शुक्ल पक्ष के सोमवार को—

श्लोक 14 (skanda.7.25.14)

दंतकाष्ठं पुरा ब्राह्मे कृत्वा स्नानं समाचरेत्। स्वधर्मविहितं कर्म कृत्वा स्थाने मनोरमे

daṁtakāṣṭhaṁ purā brāhme kṛtvā snānaṁ samācaret| svadharmavihitaṁ karma kṛtvā sthāne manorame

—प्रातःकाल दंतकाष्ठ करके स्नान करना चाहिए; अपने धर्मानुसार कर्म करके एक मनोरम स्थान में,

श्लोक 15 (skanda.7.25.15)

सुसमे भूतले शुद्धे न्यस्य कुम्भं सुशोभितम्। चूतपल्लवविन्यस्ते चंदनेन सुचित्रिते

susame bhūtale śuddhe nyasya kumbhaṁ suśobhitam| cūtapallavavinyaste caṁdanena sucitrite

समतल शुद्ध भूमि पर, सुशोभित कलश स्थापित कर, आम्र-पल्लवों से सज्जित, चंदन से सुचित्रित,

श्लोक 16 (skanda.7.25.16)

श्वेतवस्त्रपरीधाने सर्वाभरणभूषिते। आदौ पात्रे तु संन्यस्य आधारसहितं शिवम्

śvetavastraparīdhāne sarvābharaṇabhūṣite| ādau pātre tu saṁnyasya ādhārasahitaṁ śivam

श्वेत वस्त्र से आवृत, सभी आभूषणों से भूषित उस कलश में, पहले पात्र में आधार सहित शिव को स्थापित कर,

श्लोक 17 (skanda.7.25.17)

अष्टमूर्त्यष्टकं दिक्षु सोमनाथं सशक्तिकम्। उमया सहितं तत्र श्वेतपुष्पैश्च पूजयेत्

aṣṭamūrtyaṣṭakaṁ dikṣu somanāthaṁ saśaktikam| umayā sahitaṁ tatra śvetapuṣpaiśca pūjayet

दिशाओं में अष्टमूर्ति की स्थापना कर, शक्ति सहित सोमनाथ को, वहाँ उमा सहित श्वेत पुष्पों से पूजना चाहिए।

श्लोक 18 (skanda.7.25.18)

विविधं भक्ष्यभोज्यं च फलं वै बीजपूर कम्। अनेनैव तु मंत्रेण सर्वं तत्रैव कारयेत्

vividhaṁ bhakṣyabhojyaṁ ca phalaṁ vai bījapūra kam| anenaiva tu maṁtreṇa sarvaṁ tatraiva kārayet

नाना प्रकार के खाद्य-भोज्य, तथा बीजपूरक फल—यह सब वहीं इसी मंत्र से अर्पित करना चाहिए—

श्लोक 19 (skanda.7.25.19)

ओं नमः पंचवक्त्राय दशबाहुत्रिनेत्रिणे। श्वेतं वृषभमारूढ श्वेताभरणभूषित

oṁ namaḥ paṁcavaktrāya daśabāhutrinetriṇe| śvetaṁ vṛṣabhamārūḍha śvetābharaṇabhūṣita

"ॐ नमः पंचवक्त्राय, दशबाहु-त्रिनेत्रधारी को, श्वेत वृषभ पर आरूढ़, श्वेत आभूषणों से भूषित,

श्लोक 20 (skanda.7.25.20)

उमादेहार्द्धसंयुक्त नमस्ते सर्वमूर्तये। अनेनैव तु मंत्रेण पूजां होमं च कारयेत्

umādehārddhasaṁyukta namaste sarvamūrtaye| anenaiva tu maṁtreṇa pūjāṁ homaṁ ca kārayet

उमा के अर्धांग से युक्त, सर्वमूर्ति को नमस्कार।" इसी मंत्र से पूजा और होम करना चाहिए।

श्लोक 21 (skanda.7.25.21)

कृत्वैवं च दिने रात्रौ पश्यंश्चैवं स्वपेन्नरः। दर्भशय्या समारूढो ध्यायन्सोमेश्वरं हरम्

kṛtvaivaṁ ca dine rātrau paśyaṁścaivaṁ svapennaraḥ| darbhaśayyā samārūḍho dhyāyansomeśvaraṁ haram

इस प्रकार दिन में करके, रात्रि में भी देखते हुए मनुष्य को इसी प्रकार सोना चाहिए—दर्भशय्या पर आरूढ़ होकर हर सोमेश्वर का ध्यान करते हुए।

श्लोक 22 (skanda.7.25.22)

एवं कृतेऽष्टादशानां कुष्ठानां नाशनं भवेत्। द्वितीये सोमवारे तु करंजं दन्तधावनम्

evaṁ kṛte'ṣṭādaśānāṁ kuṣṭhānāṁ nāśanaṁ bhavet| dvitīye somavāre tu karaṁjaṁ dantadhāvanam

ऐसा करने से अठारह प्रकार के कुष्ठ रोगों का नाश होता है। दूसरे सोमवार को करंज का दंतधावन करके—

श्लोक 23 (skanda.7.25.23)

देवं संपूजयेत्सूक्ष्मं ज्येष्ठाशक्तिसमन्वितम्। शतपत्रैः पूजयित्वा मधु प्राश्य यथाविधि

devaṁ saṁpūjayetsūkṣmaṁ jyeṣṭhāśaktisamanvitam| śatapatraiḥ pūjayitvā madhu prāśya yathāvidhi

—सूक्ष्म देव को ज्येष्ठा शक्ति सहित पूजना चाहिए; शतपत्र पुष्पों से पूजा करके, विधिपूर्वक मधु का सेवन करके,

श्लोक 24 (skanda.7.25.24)

नारंगं तत्र दत्त्वा तु शेषं पूर्ववदाचरेत्। एवं कृते द्वितीये तु गोलक्षफलमाप्नुयात्

nāraṁgaṁ tatra dattvā tu śeṣaṁ pūrvavadācaret| evaṁ kṛte dvitīye tu golakṣaphalamāpnuyāt

वहाँ नारंगी अर्पित कर, शेष पूर्ववत् आचरण करना चाहिए। इस प्रकार द्वितीय सोमवार को करने से गोलक्ष (एक लाख गौओं) का फल मिलता है।

श्लोक 25 (skanda.7.25.25)

सोमवारे तृतीये तु अपामार्गसमुद्भवम्। दंतकाष्ठादिकं कृत्वा त्रिनेत्रं च प्रपूजयेत्

somavāre tṛtīye tu apāmārgasamudbhavam| daṁtakāṣṭhādikaṁ kṛtvā trinetraṁ ca prapūjayet

तीसरे सोमवार को अपामार्ग से उत्पन्न दंतकाष्ठ आदि करके त्रिनेत्र की पूजा करनी चाहिए,

श्लोक 26 (skanda.7.25.26)

फलं च दाडिमं दद्याज्जातीपुष्पैश्च पूजयेत्। रजन्यामंगुरं प्राश्य सिद्धियुक्तं तु पूजयेत्

phalaṁ ca dāḍimaṁ dadyājjātīpuṣpaiśca pūjayet| rajanyāmaṁguraṁ prāśya siddhiyuktaṁ tu pūjayet

अनार का फल अर्पित करे और जाती के पुष्पों से पूजा करे; रात्रि में अदरक का सेवन कर सिद्धियुक्त देव की पूजा करे।

श्लोक 27 (skanda.7.25.27)

चतुर्थे सोमवारे तु काष्ठमौदुम्बरं स्मृतम्। पूजयेत्तत्र गौरीशं सूक्ष्मया सहितं तथा

caturthe somavāre tu kāṣṭhamaudumbaraṁ smṛtam| pūjayettatra gaurīśaṁ sūkṣmayā sahitaṁ tathā

चौथे सोमवार को उदुंबर की लकड़ी का दंतकाष्ठ स्मृत है; वहाँ सूक्ष्मा शक्ति सहित गौरीश की पूजा करे,

श्लोक 28 (skanda.7.25.28)

नारिकेलफलं दद्याद्दमनेन प्रपूजयेत्। शर्करां प्राशयेद्रात्रौ जागरं चैव कारयेत्

nārikelaphalaṁ dadyāddamanena prapūjayet| śarkarāṁ prāśayedrātrau jāgaraṁ caiva kārayet

नारियल का फल अर्पित करे और दमन (पत्तों) से पूजा करे; रात्रि में शर्करा का सेवन करे और जागरण करे।

श्लोक 29 (skanda.7.25.29)

पञ्चमे सोमवारे तु पूजयेच्च गणाधिपम्। विभूत्या सहितं देवं कुन्दपुष्पैः प्रपूजयेत्

pañcame somavāre tu pūjayecca gaṇādhipam| vibhūtyā sahitaṁ devaṁ kundapuṣpaiḥ prapūjayet

पाँचवें सोमवार को गणाधिप की भी पूजा करे; विभूति शक्ति सहित देव को कुंद पुष्पों से पूजे,

श्लोक 30 (skanda.7.25.30)

आश्वत्थं दन्तकाष्ठं च अर्घ्यं वै द्राक्षया तथा। मोचं च प्राशयेद्रात्रावश्वमेधफलं लभेत्

āśvatthaṁ dantakāṣṭhaṁ ca arghyaṁ vai drākṣayā tathā| mocaṁ ca prāśayedrātrāvaśvamedhaphalaṁ labhet

अश्वत्थ का दंतकाष्ठ तथा द्राक्षा से अर्घ्य दे; रात्रि में केले के फूल का सेवन करने से अश्वमेध का फल प्राप्त होता है।

श्लोक 31 (skanda.7.25.31)

षष्ठे सोमस्य वारे तु सुरूपं नाम पूजयेत्। कर्पूरं प्राशयेत्तत्र भक्त्या परमया युतः

ṣaṣṭhe somasya vāre tu surūpaṁ nāma pūjayet| karpūraṁ prāśayettatra bhaktyā paramayā yutaḥ

छठे सोमवार को सुरूप नामक रूप की पूजा करे; परम भक्ति से युक्त होकर वहाँ कर्पूर का सेवन करे।

श्लोक 32 (skanda.7.25.32)

सप्तमे सोमवारे तु दन्तकाष्ठं च मल्लिका। सर्वज्ञं पूजयेत्तत्र दीप्तया सहितं तथा

saptame somavāre tu dantakāṣṭhaṁ ca mallikā| sarvajñaṁ pūjayettatra dīptayā sahitaṁ tathā

सातवें सोमवार को मल्लिका का दंतकाष्ठ करके, वहाँ दीप्ता शक्ति सहित सर्वज्ञ की पूजा करे,

श्लोक 33 (skanda.7.25.33)

जम्बीरं च फलं दद्याज्जातीपुष्पैश्च पूजयेत्। लवङ्गं प्राशयेत्तत्र तस्यानन्तफलं भवेत्

jambīraṁ ca phalaṁ dadyājjātīpuṣpaiśca pūjayet| lavaṅgaṁ prāśayettatra tasyānantaphalaṁ bhavet

और नींबू का फल अर्पित करे, जाती पुष्पों से पूजा करे; वहाँ लौंग का सेवन करे—इसका फल अनंत होता है।

श्लोक 34 (skanda.7.25.34)

अष्टमे सोमवारे तु अमोघायुतमीश्वरम्। कदलीफलकेनार्घ्यं मरुबकेन पूजयेत्। रात्रौ तु प्राशयेद्दुग्धमग्निष्टोमफलं लभेत्

aṣṭame somavāre tu amoghāyutamīśvaram| kadalīphalakenārghyaṁ marubakena pūjayet| rātrau tu prāśayeddugdhamagniṣṭomaphalaṁ labhet

आठवें सोमवार को अमोघा शक्ति सहित ईश्वर की पूजा करे, केले के फल से अर्घ्य दे, मरुबक से पूजा करे; रात्रि में दूध का सेवन करने से अग्निष्टोम का फल प्राप्त होता है।

श्लोक 35 (skanda.7.25.35)

गंगास्नाने कृते सम्यक्कोटिधा यत्फलं स्मृतम्। दशहेमसहस्राणां कुरुक्षेत्रे रवेर्ग्रहे

gaṁgāsnāne kṛte samyakkoṭidhā yatphalaṁ smṛtam| daśahemasahasrāṇāṁ kurukṣetre ravergrahe

गंगा-स्नान करने से जो फल करोड़गुना स्मृत है; कुरुक्षेत्र में सूर्यग्रहण के समय दस सहस्र स्वर्ण देने से,

श्लोक 36 (skanda.7.25.36)

ब्राह्मणे वेदविदुषे यद्दत्त्वा फल माप्नुयात्। तत्पुण्यं कोटिगुणितमस्मिन्नाचरिते व्रते

brāhmaṇe vedaviduṣe yaddattvā phala māpnuyāt| tatpuṇyaṁ koṭiguṇitamasminnācarite vrate

वेदविद्वान् ब्राह्मण को दान देकर जो फल मिलता है, वह पुण्य करोड़गुना होकर इस व्रत के पालन से प्राप्त होता है।

श्लोक 37 (skanda.7.25.37)

गजानां तु शते दत्ते लक्षे च रथवाजिनाम्। तत्फलं कोटिगुणितं सोमवारव्रते कृते

gajānāṁ tu śate datte lakṣe ca rathavājinām| tatphalaṁ koṭiguṇitaṁ somavāravrate kṛte

सौ हाथियों तथा एक लाख रथ-अश्वों के दान से जो फल मिलता है, वह करोड़गुना होकर सोमवार-व्रत करने से प्राप्त होता है।

श्लोक 38 (skanda.7.25.38)

गुग्गुलोर्धूपनं कृत्वा कोटिशो यत्फलं लभेत्। तत्पुण्यं तु भवेत्तस्य सोमवारव्रते कृते

guggulordhūpanaṁ kṛtvā koṭiśo yatphalaṁ labhet| tatpuṇyaṁ tu bhavettasya somavāravrate kṛte

गुग्गुल की धूप देने से जो करोड़गुना फल मिलता है, वही पुण्य सोमवार-व्रत करने से प्राप्त होता है।

श्लोक 39 (skanda.7.25.39)

सर्वैश्वर्यसमायुक्तः शिवतुल्यपराक्रमः। रुद्रलोके वसेत्तावद्ब्रह्मणः प्रलयावधि

sarvaiśvaryasamāyuktaḥ śivatulyaparākramaḥ| rudraloke vasettāvadbrahmaṇaḥ pralayāvadhi

सर्वैश्वर्य से युक्त, शिव के समान पराक्रमी होकर, वह ब्रह्मा के प्रलय-पर्यंत रुद्रलोक में निवास करता है।

श्लोक 40 (skanda.7.25.40)

संप्राप्ते नवमे वारे कुर्यादुद्यापनं शुभम्। यथा भवति गन्धर्व तथा वक्ष्यामि तेऽधुना

saṁprāpte navame vāre kuryādudyāpanaṁ śubham| yathā bhavati gandharva tathā vakṣyāmi te'dhunā

नौवाँ सोमवार आने पर शुभ उद्यापन करना चाहिए। हे गंधर्व! वह जैसे होता है, वैसे अब मैं तुम्हें बताता हूँ।

श्लोक 41 (skanda.7.25.41)

मंडलं मंडपं कुण्डं पताकाध्वजशोभितम्। तोरणानि च चत्वारि कुण्डं कृत्वा विधानतः

maṁḍalaṁ maṁḍapaṁ kuṇḍaṁ patākādhvajaśobhitam| toraṇāni ca catvāri kuṇḍaṁ kṛtvā vidhānataḥ

मंडल, मंडप, कुंड, पताका-ध्वज से सुशोभित, चार तोरण—विधिपूर्वक कुंड बनाकर,

श्लोक 42 (skanda.7.25.42)

मध्ये वेदिः प्रकर्त्तव्या चतुरस्रा सुशोभना। निष्पाद्य मंडलं तत्र मध्ये पद्मं प्रकल्पयेत्

madhye vediḥ prakarttavyā caturasrā suśobhanā| niṣpādya maṁḍalaṁ tatra madhye padmaṁ prakalpayet

मध्य में चतुष्कोण सुशोभित वेदी बनानी चाहिए। मंडल तैयार करके उसके मध्य में कमल की रचना करनी चाहिए।

श्लोक 43 (skanda.7.25.43)

कलशानष्टदिग्भागे सहिरण्यान्पृथक्पृथक्। स्थापयित्वा तु शक्तिस्ता वामाद्याः पूर्वतः क्रमात्

kalaśānaṣṭadigbhāge sahiraṇyānpṛthakpṛthak| sthāpayitvā tu śaktistā vāmādyāḥ pūrvataḥ kramāt

आठों दिशाओं में सुवर्णयुक्त पृथक्-पृथक् कलश स्थापित करके, वामा आदि शक्तियों को पूर्व से क्रमशः—

श्लोक 44 (skanda.7.25.44)

कर्णिकायां तु पद्मस्य श्रीसोमेशं महाप्रभम्। प्रतिमारूपसंपन्नं हेमजं शक्तिसंयुतम्

karṇikāyāṁ tu padmasya śrīsomeśaṁ mahāprabham| pratimārūpasaṁpannaṁ hemajaṁ śaktisaṁyutam

—और कमल की कर्णिका में महाप्रभावशाली श्रीसोमेश को, प्रतिमा-रूप में संपन्न, सुवर्णमय, शक्ति सहित,

श्लोक 45 (skanda.7.25.45)

रुक्मशय्यासमारूढं मनोन्मन्या समन्वितम्। हेमपात्रादिके पात्रे मधुना परिपूरिते

rukmaśayyāsamārūḍhaṁ manonmanyā samanvitam| hemapātrādike pātre madhunā paripūrite

सुवर्ण-शय्या पर आरूढ़, मनोन्मनी से युक्त, मधु से भरे स्वर्णपात्र आदि में,

श्लोक 46 (skanda.7.25.46)

रुक्मशय्यासमाच्छन्ने तत्रस्थं पूजयेत्क्रमात्। अनंतादिशिखंड्यंतैर्नामभिः क्रमशोऽर्चयेत्

rukmaśayyāsamācchanne tatrasthaṁ pūjayetkramāt| anaṁtādiśikhaṁḍyaṁtairnāmabhiḥ kramaśo'rcayet

सुवर्ण-शय्या से ढके स्थान में स्थित उनकी क्रमशः पूजा करे; अनंत से लेकर शिखंडी तक के नामों से क्रमशः अर्चना करे।

श्लोक 47 (skanda.7.25.47)

गन्धस्रग्धूपदीपैश्च नैवेद्यैश्च पृथग्विधैः। वस्त्रालंकारतांबूलच्छत्रचामरदर्प्पणम्

gandhasragdhūpadīpaiśca naivedyaiśca pṛthagvidhaiḥ| vastrālaṁkāratāṁbūlacchatracāmaradarppaṇam

गंध, माला, धूप, दीप तथा पृथक्-पृथक् नैवेद्यों से; वस्त्र, आभूषण, तांबूल, छत्र, चामर तथा दर्पण—

श्लोक 48 (skanda.7.25.48)

दीपघंटावितानं च पर्यंकं च सतू लिकम्। सोमेश्वरं समुद्दिश्य देयं पौराणिके गुरौ

dīpaghaṁṭāvitānaṁ ca paryaṁkaṁ ca satū likam| someśvaraṁ samuddiśya deyaṁ paurāṇike gurau

दीप, घंटा, वितान, तथा गद्दी सहित पर्यंक—सोमेश्वर के उद्देश्य से यह सब पौराणिक गुरु को देना चाहिए।

श्लोक 49 (skanda.7.25.49)

भूषयित्वा तथाऽऽचार्य्यं होमं तत्रैव कारयेत्। बलिकर्मावसाने च रात्रौ तत्रैव जागृयात्

bhūṣayitvā tathā''cāryyaṁ homaṁ tatraiva kārayet| balikarmāvasāne ca rātrau tatraiva jāgṛyāt

आचार्य को इस प्रकार भूषित करके, वहीं होम करना चाहिए; बलिकर्म की समाप्ति पर रात्रि में वहीं जागरण करना चाहिए।

श्लोक 50 (skanda.7.25.50)

पञ्चगव्यं ततः पीत्वा ध्यायेत्सोमेश्वरं हृदि। प्रभाते तु ततः स्नात्वा ध्यायेत्तं च विधानतः

pañcagavyaṁ tataḥ pītvā dhyāyetsomeśvaraṁ hṛdi| prabhāte tu tataḥ snātvā dhyāyettaṁ ca vidhānataḥ

तत्पश्चात् पंचगव्य पीकर हृदय में सोमेश्वर का ध्यान करना चाहिए; प्रातःकाल स्नान करके फिर विधिपूर्वक उनका ध्यान करना चाहिए।

श्लोक 51 (skanda.7.25.51)

ततो भक्त्या च गंधर्व क्षीरखण्डादिनिर्म्मितम्। भक्ष्यभोज्यैरनेकैश्च भोजयेद्ब्राह्मणानथ

tato bhaktyā ca gaṁdharva kṣīrakhaṇḍādinirmmitam| bhakṣyabhojyairanekaiśca bhojayedbrāhmaṇānatha

तत्पश्चात्, हे गंधर्व! भक्तिपूर्वक क्षीर-खंड आदि से बने तथा अनेक खाद्य-भोज्य पदार्थों से ब्राह्मणों को भोजन कराना चाहिए।

श्लोक 52 (skanda.7.25.52)

वस्त्रयुग्मं ततो दत्त्वा गां च दत्त्वा विसर्जयेत्

vastrayugmaṁ tato dattvā gāṁ ca dattvā visarjayet

तत्पश्चात् वस्त्र-युगल तथा गौ देकर उन्हें विदा करना चाहिए।

श्लोक 53 (skanda.7.25.53)

एवं चीर्णव्रतः सम्यग्लभते पुण्यमक्षयम्। धनधान्यसमृद्धात्मा पुत्रदारसमन्वितः

evaṁ cīrṇavrataḥ samyaglabhate puṇyamakṣayam| dhanadhānyasamṛddhātmā putradārasamanvitaḥ

इस प्रकार व्रत का सम्यक् पालन करने वाला अक्षय पुण्य प्राप्त करता है; वह धन-धान्य से समृद्ध तथा पुत्र-पत्नी से युक्त होता है।

श्लोक 54 (skanda.7.25.54)

न कुले जायते तस्य दरिद्रो दुःखितोऽपिवा। अपुत्रो लभते पुत्रान्वन्ध्या पुत्रवती भवेत्

na kule jāyate tasya daridro duḥkhito'pivā| aputro labhate putrānvandhyā putravatī bhavet

उसके कुल में कोई दरिद्र अथवा दुःखी नहीं होता; निःसंतान पुत्र प्राप्त करता है, बांझ स्त्री पुत्रवती हो जाती है।

श्लोक 55 (skanda.7.25.55)

काकवंध्या तु या नारी मृतवत्सा च दुर्भगा। कन्याप्रसूश्च या कार्यमाभिरेतद्विशेषतः

kākavaṁdhyā tu yā nārī mṛtavatsā ca durbhagā| kanyāprasūśca yā kāryamābhiretadviśeṣataḥ

जो स्त्री एक ही संतान वाली, संतान-मृत्यु से पीड़ित, दुर्भाग्यशाली, या केवल कन्याओं को जन्म देने वाली हो—विशेष रूप से इन्हें यह व्रत करना चाहिए।

श्लोक 56 (skanda.7.25.56)

एवं कृते विधाने तु देहपाते शिवं व्रजेत्। कल्पकोटिसहस्राणि कल्पकोटिशतानि च। भुंक्तेऽसौ विपुलान्भो गान्यावदाभूतसंप्लवम्

evaṁ kṛte vidhāne tu dehapāte śivaṁ vrajet| kalpakoṭisahasrāṇi kalpakoṭiśatāni ca| bhuṁkte'sau vipulānbho gānyāvadābhūtasaṁplavam

इस प्रकार विधि पूर्ण होने पर देहपात के समय शिवलोक को प्राप्त होता है; वह हजारों करोड़ कल्पों और सैकड़ों करोड़ कल्पों तक, प्रलय-पर्यंत विशाल भोगों का उपभोग करता है।

श्लोक 57 (skanda.7.25.57)

इति ते कथितं सर्वं सोमवारव्रतं क्रमात्। गच्छ शीघ्रं महाभाग यत्र सोमेश्वरः स्थितः

iti te kathitaṁ sarvaṁ somavāravrataṁ kramāt| gaccha śīghraṁ mahābhāga yatra someśvaraḥ sthitaḥ

इस प्रकार यह संपूर्ण सोमवार-व्रत क्रमशः तुम्हें बताया गया। हे महाभाग! अब शीघ्र जाओ, जहाँ सोमेश्वर स्थित हैं।

श्लोक 58 (skanda.7.25.58)

ईश्वर उवाच। इत्युक्तः सच गन्धर्वः पुत्र्या सह वरानने। सर्वोपहारसंयुक्तः प्रभासक्षेत्रमाश्रितः

īśvara uvāca| ityuktaḥ saca gandharvaḥ putryā saha varānane| sarvopahārasaṁyuktaḥ prabhāsakṣetramāśritaḥ

ईश्वर ने कहा—हे वरानने! ऐसा कहे जाने पर वह गंधर्व अपनी पुत्री सहित, सभी उपहारों से युक्त होकर प्रभासक्षेत्र में गया।

श्लोक 59 (skanda.7.25.59)

तत्र सोमेश्वरं दृष्ट्वा आनन्दाश्रुपरिप्लुतः। यात्राक्रमेण संपूज्य चक्रे सोमव्रतं क्रमात्

tatra someśvaraṁ dṛṣṭvā ānandāśrupariplutaḥ| yātrākrameṇa saṁpūjya cakre somavrataṁ kramāt

वहाँ सोमेश्वर के दर्शन कर, आनंद के अश्रुओं से भीगकर, यात्रा-क्रम से पूजा करके उसने क्रमशः सोम-व्रत किया।

श्लोक 60 (skanda.7.25.60)

पुत्र्या सह महाभागस्तस्य तुष्टो महेश्वरः। सर्वरोगविनाशं च सर्वकामसमृद्धिदम्। ददौ गन्धर्वराज्यं च भक्तिं चैवात्मनस्तथा

putryā saha mahābhāgastasya tuṣṭo maheśvaraḥ| sarvarogavināśaṁ ca sarvakāmasamṛddhidam| dadau gandharvarājyaṁ ca bhaktiṁ caivātmanastathā

उस पुत्री सहित महाभाग्यशाली गंधर्व से महेश्वर प्रसन्न हुए और उन्हें सर्वरोग-विनाश तथा सर्वकामना-समृद्धि प्रदान की; और गंधर्व-राज्य तथा अपनी भक्ति भी प्रदान की।