न्यंकुमती माहात्म्य वर्णन

श्लोक 1 (skanda.7.261.1)

ईश्वर उवाच। ततो गच्छेन्महादेवि यत्र न्यंकुमती नदी। मर्यादार्थं समानीता क्षेत्रशांत्यै च शंभुना॥

īśvara uvāca| tato gacchet mahādevi yatra nyaṁkumatī nadī| maryādārthaṁ samānītā kṣetraśāṁtyai ca śambhunā||

ईश्वर ने कहा—इसके बाद, हे महादेवी! वहाँ जाना चाहिए जहाँ न्यंकुमती नदी है, जिसे शम्भु ने क्षेत्र की मर्यादा और शान्ति के लिए वहाँ लाया था।

श्लोक 2 (skanda.7.261.2)

तस्यैव दक्षिणे भागे सर्वपापप्रणाशिनी। तस्यां स्नात्वा च वै सम्यग्यः श्राद्धं कुरुते नरः। स पितॄंस्तारयेत्सर्वान्नरकान्नात्र संशयः॥

tasyaiva dakṣiṇe bhāge sarvapāpapraṇāśinī| tasyāṁ snātvā ca vai samyagyaḥ śrāddhaṁ kurute naraḥ| sa pitṝṁstārayetsarvānnarakānnātra saṁśayaḥ||

उसी के दक्षिण भाग में यह समस्त पापों का नाश करने वाली नदी है। जो मनुष्य उसमें भलीभाँति स्नान करके श्राद्ध करता है, वह अपने समस्त पितरों को नरक से तार देता है, इसमें कोई सन्देह नहीं।

श्लोक 3 (skanda.7.261.3)

वैशाखे शुक्लपक्षे तु तृतीयायां च भामिनि। स्नात्वा तु तर्पयेद्भक्त्या तिलदर्भजलैः प्रिये। श्राद्धं कृतं भवेत्तेन गंगायां नात्र संशयः॥

vaiśākhe śuklapakṣe tu tṛtīyāyāṁ ca bhāmini| snātvā tu tarpayedbhaktyā tiladarbhajalaiḥ priye| śrāddhaṁ kṛtaṁ bhavettena gaṁgāyāṁ nātra saṁśayaḥ||

हे भामिनी! हे प्रिये! वैशाख मास के शुक्लपक्ष की तृतीया को वहाँ स्नान करके जो भक्तिपूर्वक तिल, कुश और जल से तर्पण करता है, उसके द्वारा किया गया वह श्राद्ध गंगा में किए गए श्राद्ध के समान फलदायी होता है, इसमें कोई सन्देह नहीं।