सिद्धेश्वर माहात्म्य वर्णन

श्लोक 1 (skanda.7.260.1)

ईश्वर उवाच। ततो गच्छेन्महादेवि देवं सिद्धेश्वरं परम्। तस्यैव पश्चिमे भागे सिद्धैः संस्थापितं पुरा॥

īśvara uvāca| tato gacchet mahādevi devaṁ siddheśvaraṁ param| tasyaiva paścime bhāge siddhaiḥ saṁsthāpitaṁ purā||

ईश्वर ने कहा—इसके बाद, हे महादेवी! परम देव सिद्धेश्वर के दर्शन हेतु जाना चाहिए, जिन्हें उसी (पर्णादित्य) के पश्चिम भाग में प्राचीन काल में सिद्धों ने स्थापित किया था।

श्लोक 2 (skanda.7.260.2)

सिद्धा नाम सुराः पूर्वं तत्रागत्य वरानने। लिंगं संस्थापयामासुः सिद्ध्यर्थं सर्ववस्तुषु॥

siddhā nāma surāḥ pūrvaṁ tatrāgatya varānane| liṅgaṁ saṁsthāpayāmāsuḥ siddhyarthaṁ sarvavastuṣu||

हे वरानने! पूर्वकाल में सिद्ध नामक देवगण वहाँ आकर, समस्त वस्तुओं में सिद्धि प्राप्त करने के लिए, इस लिंग की स्थापना की थी।

श्लोक 3 (skanda.7.260.3)

ततस्तुष्टो महादेवि तेषां दृष्ट्वा तपो महत्। अणिमादिकमैश्वर्यं तेषां सर्वं ददौ शिवः॥

tatastuṣṭo mahādevi teṣāṁ dṛṣṭvā tapo mahat| aṇimādikamaiśvaryaṁ teṣāṁ sarvaṁ dadau śivaḥ||

हे महादेवी! तब उनकी महान तपस्या को देखकर प्रसन्न होकर शिव ने उन्हें अणिमा आदि समस्त ऐश्वर्य (सिद्धियाँ) प्रदान कीं।

श्लोक 4 (skanda.7.260.4)

अब्रवीदत्र मे नित्यं सानिध्यं च भविष्यति॥

abravīdatra me nityaṁ sānidhyaṁ ca bhaviṣyati||

उन्होंने कहा—यहाँ मेरी सन्निधि सदा बनी रहेगी।

श्लोक 5 (skanda.7.260.5)

चैत्रे शुक्लचतुर्द्दश्यां योऽत्र मां पूजयिष्यति। स यास्यति परं स्थानं प्रसादान्मम पुण्यकृत्॥

caitre śuklacaturddaśyāṁ yo'tra māṁ pūjayiṣyati| sa yāsyati paraṁ sthānaṁ prasādānmama puṇyakṛt||

"चैत्र मास के शुक्लपक्ष की चतुर्दशी को जो यहाँ मेरी पूजा करेगा, वह पुण्यकर्मा मेरी कृपा से परम स्थान को प्राप्त करेगा।"

श्लोक 6 (skanda.7.260.6)

एवमुक्त्वाऽथ भगवाञ्जगामादर्शनं ततः। सिद्धाश्चैव तदाऽऽगत्य पूजयंति महेश्वरम्॥

evamuktvā'tha bhagavāñjagāmādarśanaṁ tataḥ| siddhāścaiva tadā'āgatya pūjayaṁti maheśvaram||

ऐसा कहकर भगवान अदृश्य हो गए। तभी से सिद्धगण वहाँ आकर महेश्वर की पूजा करते हैं।

श्लोक 7 (skanda.7.260.7)

यस्तमाराधयेद्भक्त्या संसिद्धिं लभतेऽद्भुताम्। ईप्सितां च सुरश्रेष्ठे तस्मात्तं पूजयेत्सदा॥

yastamārādhayedbhaktyā saṁsiddhiṁ labhate'dbhutām| īpsitāṁ ca suraśreṣṭhe tasmāttaṁ pūjayetsadā||

जो कोई भक्तिपूर्वक उनकी आराधना करता है, वह अद्भुत सिद्धि तथा अभीष्ट फल प्राप्त करता है। इसलिए, हे देवश्रेष्ठे! सदा उनकी पूजा करनी चाहिए।