पर्णादित्य माहात्म्य वर्णन

श्लोक 1 (skanda.7.259.1)

ईश्वर उवाच। ततो गच्छेन्महादेवि पर्णादित्यं सुरेश्वरम्। प्राचीसरस्वतीकूले तटे चोत्तरतः स्थितम्॥

īśvara uvāca| tato gacchet mahādevi parṇādityaṁ sureśvaram| prācīsarasvatīkūle taṭe cottarataḥ sthitam||

ईश्वर ने कहा—इसके बाद, हे महादेवी! देवेश्वर पर्णादित्य के दर्शन हेतु जाना चाहिए, जो प्राची सरस्वती के तट पर उत्तर दिशा में स्थित हैं।

श्लोक 2 (skanda.7.259.2)

पुरा त्रेतायुगे देवि पर्णादो नाम वै द्विजः। प्रभासं क्षेत्रमासाद्य तपस्तेपे सुदारुणम्। आराधयामास रविं भक्त्या परमया युतः॥

purā tretāyuge devi parṇādo nāma vai dvijaḥ| prabhāsaṁ kṣetramāsādya tapastepe sudāruṇam| ārādhayāmāsa raviṁ bhaktyā paramayā yutaḥ||

हे देवी! त्रेतायुग में पर्णाद नामक एक ब्राह्मण था, जिसने प्रभासक्षेत्र में पहुँचकर अत्यन्त कठोर तपस्या की और परम भक्ति से सूर्यदेव की आराधना की।

श्लोक 3 (skanda.7.259.3)

तर्पयित्वा ततः सूर्यं धूपमाल्यविलेपनैः। वेदोक्तैः स्तवनैः सूक्तैर्दिवारात्रं समाहितः॥

tarpayitvā tataḥ sūryaṁ dhūpamālyavilepanaiḥ| vedoktaiḥ stavanaiḥ sūktairdivārātraṁ samāhitaḥ||

वह धूप, माला और अनुलेपन से सूर्य को तृप्त करके, वेदोक्त स्तवनों और सूक्तों द्वारा दिन-रात एकाग्रचित्त होकर उनकी आराधना करता रहा।

श्लोक 4 (skanda.7.259.4)

एवं च ध्यायतस्तस्य कालेन महता ततः। तुतोष भगवान्सूर्यो वाक्यमेतदुवाच ह॥

evaṁ ca dhyāyatastasya kālena mahatā tataḥ| tutoṣa bhagavānsūryo vākyametaduvāca ha||

इस प्रकार ध्यान करते हुए उसका दीर्घ काल व्यतीत हो गया। तब भगवान सूर्य प्रसन्न होकर उससे यह वचन बोले।

श्लोक 5 (skanda.7.259.5)

परितुष्टोऽस्मि विप्रेन्द्र तपसानेन सुव्रत। वरं वरय भद्रं ते नित्यं यन्मनसेप्सितम्॥

parituṣṭo'smi viprendra tapasānena suvrata| varaṁ varaya bhadraṁ te nityaṁ yanmanasepsitam||

हे विप्रेन्द्र! हे सुव्रत! मैं तुम्हारी इस तपस्या से अत्यन्त प्रसन्न हूँ। तुम्हारा कल्याण हो; जो कुछ तुम्हारे मन में सदैव अभीष्ट हो, वह वर माँग लो।

श्लोक 6 (skanda.7.259.6)

ब्राह्मण उवाच। एष एव वरः कामो यत्तुष्टो भगवान्स्वयम्। दर्शनं तव देवेश स्वप्नेष्वपि च दुर्ल्लभम्॥

brāhmaṇa uvāca| eṣa eva varaḥ kāmo yattuṣṭo bhagavānsvayam| darśanaṁ tava deveśa svapneṣvapi ca durllabham||

ब्राह्मण ने कहा—स्वयं भगवान का प्रसन्न होना ही मेरे लिए सबसे बड़ी कामना-पूर्ति है। हे देवेश! आपका दर्शन तो स्वप्न में भी दुर्लभ है।

श्लोक 7 (skanda.7.259.7)

अवश्यं यदि दातव्यो वरो मम दिवाकर। अत्र संनिहतो देव सदा त्वं भव भास्कर॥

avaśyaṁ yadi dātavyo varo mama divākara| atra saṁnihato deva sadā tvaṁ bhava bhāskara||

फिर भी, हे दिवाकर! यदि मुझे अवश्य ही वर देना है, तो हे देव भास्कर! आप सदा इसी स्थान पर सन्निहित रहें।

श्लोक 8 (skanda.7.259.8)

तव प्रसादात्ते यांतु तव लोकं दिवा कर। एवं भविष्यतीत्युक्त्वा ह्यन्तर्धानं गतो रविः॥

tava prasādātte yāṁtu tava lokaṁ divā kara| evaṁ bhaviṣyatītyuktvā hyantardhānaṁ gato raviḥ||

आपकी कृपा से यहाँ आने वाले लोग आपके लोक को प्राप्त हों। "ऐसा ही होगा" यह कहकर सूर्य अन्तर्धान हो गए।

श्लोक 9 (skanda.7.259.9)

पर्णादोऽपि स्थितस्तत्र तस्याराधनतत्परः। तत्र भाद्रपदे मासे षष्ठ्यां स्नानं समाचरेत्। पर्णादित्यं ततः पश्येन्न स दुःखमवाप्नुयात्॥

parṇādo'pi sthitastatra tasyārādhanatatparaḥ| tatra bhādrapade māse ṣaṣṭhyāṁ snānaṁ samācaret| parṇādityaṁ tataḥ paśyenna sa duḥkhamavāpnuyāt||

पर्णाद भी वहीं उनकी आराधना में तत्पर रहते हुए स्थित रहा। जो मनुष्य भाद्रपद मास की षष्ठी तिथि को वहाँ स्नान करके पर्णादित्य का दर्शन करता है, वह कभी दुःख नहीं पाता।

श्लोक 10 (skanda.7.259.10)

गोशतस्य प्रयागे तु सम्यग्दत्तस्य यत्फलम्। तत्फलं लभते मर्त्यः पर्णादित्यस्य दर्शनात्॥

gośatasya prayāge tu samyagdattasya yatphalam| tatphalaṁ labhate martyaḥ parṇādityasya darśanāt||

प्रयाग में विधिपूर्वक सौ गौओं के दान का जो फल प्राप्त होता है, वही फल मनुष्य को पर्णादित्य के दर्शन मात्र से प्राप्त हो जाता है।

श्लोक 11 (skanda.7.259.11)

ये सेवंते महाकुष्ठं पांगुल्यं च विवर्चिकाः। पर्णादित्यं न जानंति नूनं ते मंदबुद्धयः॥

ye sevaṁte mahākuṣṭhaṁ pāṁgulyaṁ ca vivarcikāḥ| parṇādityaṁ na jānaṁti nūnaṁ te maṁdabuddhayaḥ||

जो लोग भीषण कुष्ठरोग, पंगुता और विवर्चिका (चर्मरोग) से पीड़ित होकर भी पर्णादित्य को नहीं जानते, वे निश्चय ही मंदबुद्धि हैं।