शशापान माहात्म्य वर्णन

श्लोक 1 (skanda.7.258.1)

ईश्वर उवाच। ततो गच्छेन्महादेवि शशापानमिति स्मृतम्। तस्यैव दक्षिणे तीर्थं सर्वपापप्रणाशनम्॥

īśvara uvāca| tato gacchet mahādevi śaśāpānam iti smṛtam| tasyaiva dakṣiṇe tīrthaṁ sarvapāpapraṇāśanam||

ईश्वर ने कहा—इसके बाद, हे महादेवी! शशापान नामक तीर्थ को जाना चाहिए, जो उसी (त्रितकूप) के दक्षिण में स्थित है और समस्त पापों का नाश करने वाला है।

श्लोक 2 (skanda.7.258.2)

यस्मिन्स्नात्वा नरः सम्यङ्नापमृत्युभयं लभेत्। शृणु यस्मात्तदुत्पत्तिं वदतो मम वल्लभे॥

yasmin snātvā naraḥ samyaṅ nāpamṛtyubhayaṁ labhet| śṛṇu yasmāt tadutpattiṁ vadato mama vallabhe||

जहाँ भलीभाँति स्नान करने से मनुष्य को अकाल मृत्यु का भय नहीं रहता। हे प्रिये! मेरे द्वारा कहे जाने वाले उसके उत्पत्ति-वृत्तान्त को सुनो।

श्लोक 3 (skanda.7.258.3)

मथित्वा सागरं देवा गृहीत्वाऽमृतमुत्तमम्। सत्वरास्तत्र ते गत्वा पपुश्चैव यथेप्सया॥

mathitvā sāgaraṁ devā gṛhītvā'mṛtamuttamam| satvarāstatra te gatvā papuścaiva yathepsayā||

समुद्र का मन्थन करके सर्वोत्तम अमृत प्राप्त करने के बाद देवता शीघ्रता से वहाँ जाकर इच्छानुसार उसका पान करने लगे।

श्लोक 4 (skanda.7.258.4)

पिबतां तत्र पीयूषं देवानां वरवर्णिनि। बिन्दवः पतिता भूमौ शतशोथ सहस्रशः॥

pibatāṁ tatra pīyūṣaṁ devānāṁ varavarṇini| bindavaḥ patitā bhūmau śataśotha sahasraśaḥ||

हे वरवर्णिनी! उस अमृत का पान करते हुए देवताओं की सैकड़ों-हजारों बूँदें पृथ्वी पर गिर पड़ीं।

श्लोक 5 (skanda.7.258.5)

एतस्मिन्नेव काले तु शशकस्तत्र चागतः। प्रविष्टः सलिले तत्र तृषार्तो वरवर्णिनि॥

etasminneva kāle tu śaśakastatra cāgataḥ| praviṣṭaḥ salile tatra tṛṣārto varavarṇini||

ठीक उसी समय वहाँ एक खरगोश आया, जो प्यास से व्याकुल होकर उस जल में प्रविष्ट हो गया।

श्लोक 6 (skanda.7.258.6)

अमरत्वमनुप्राप्तो वर्द्धते सलिलालये। तं दृष्ट्वा त्रिदशाः सर्वे स्पर्द्धमाना मुहुर्मुहुः। ज्ञात्वामृतान्वितं तोयं मन्त्रं चक्रुर्भयान्विताः॥

amaratvamanuprāpto varddhate salilālaye| taṁ dṛṣṭvā tridaśāḥ sarve spardhamānā muhurmuhuḥ| jñātvāmṛtānvitaṁ toyaṁ mantraṁ cakrurbhayānvitāḥ||

वह अमरत्व को प्राप्त कर उस जलाशय में बढ़ने लगा। उसे देखकर बार-बार ईर्ष्या करते हुए समस्त देवताओं ने, यह जानकर कि यह जल अमृतमिश्रित है, भयभीत होकर आपस में मंत्रणा की।

श्लोक 7 (skanda.7.258.7)

अमृतं पतितं भूमौ भक्षयिष्यंति मानवाः। ततोऽमर्त्त्या भविष्यंति नात्र कार्या विचारणा॥

amṛtaṁ patitaṁ bhūmau bhakṣayiṣyanti mānavāḥ| tato'marttyā bhaviṣyanti nātra kāryā vicāraṇā||

उन्होंने सोचा—पृथ्वी पर गिरा हुआ यह अमृत यदि मनुष्य खा लेंगे, तो वे भी अमर हो जाएँगे; इसमें कोई सन्देह नहीं करना चाहिए।

श्लोक 8 (skanda.7.258.8)

तिर्यग्योन्यां समुत्पन्नः कृपणः शशको ह्ययम्। अस्माभिः स्पर्द्धते तस्मात्ततो भयमुपस्थितम्॥

tiryagyonyāṁ samutpannaḥ kṛpaṇaḥ śaśako hyayam| asmābhiḥ spardhate tasmāttato bhayamupasthitam||

"यह तिर्यक् योनि में उत्पन्न तुच्छ खरगोश भी अब हमारे समकक्ष हो गया है, इसीलिए हमें भय उत्पन्न हो गया है।"

श्लोक 9 (skanda.7.258.9)

अथ प्राप्तो निशानाथो व्याधिना स परिप्लुतः। अब्रवीत्त्रिदशान्सर्वानमृतं मे प्रयच्छत॥

atha prāpto niśānātho vyādhinā sa pariplutaḥ| abravīttridaśānsarvānamṛtaṁ me prayacchata||

तभी रात्रि के स्वामी चन्द्रमा, जो किसी रोग से पीड़ित थे, वहाँ आ पहुँचे। उन्होंने सब देवताओं से कहा—मुझे अमृत दो।

श्लोक 10 (skanda.7.258.10)

कृच्छ्रेण महता प्राप्तो नाहं शक्तो विसर्पितुम्। अथोचुस्त्रिदशाः सर्वे सर्वमस्माभिर्भक्षितम्॥

kṛcchreṇa mahatā prāpto nāhaṁ śakto visarpitum| athocustridaśāḥ sarve sarvamasmābhirbhakṣitam||

"मैं बड़ी कठिनाई से यहाँ पहुँचा हूँ, अब आगे चलने में समर्थ नहीं हूँ।" तब समस्त देवताओं ने कहा—हम सबने तो सारा अमृत खा लिया है।

श्लोक 11 (skanda.7.258.11)

विस्मृतस्त्वं निशानाथ चिरात्कस्मादिहागतः। कुरुष्व वचनं चन्द्र अस्माकं तिमिरापह॥

vismṛtastvaṁ niśānātha cirātkasmādihāgataḥ| kuruṣva vacanaṁ candra asmākaṁ timirāpaha||

"हे निशानाथ! तुम विस्मृत हो गए थे, अब इतने समय बाद यहाँ क्यों आए हो? हे तिमिरनाशक चन्द्र! हमारी बात मानो।"

श्लोक 12 (skanda.7.258.12)

अस्मिञ्जलेऽमृतं भूरि पतितं पिबतां हि नः। तत्पिबस्व निशानाथ सर्वमेतज्जलाशयम्॥

asmiñjale'mṛtaṁ bhūri patitaṁ pibatāṁ hi naḥ| tatpibasva niśānātha sarvametajjalāśayam||

"जब हम पी रहे थे, तब इस जल में बहुत-सा अमृत गिर गया था; अतः हे निशानाथ! तुम इस सारे जलाशय को ही पी जाओ।"

श्लोक 13 (skanda.7.258.13)

अर्द्धं निपतितं चात्र सत्यमेतन्निशामय। तेषां तद्वचनं श्रुत्वा शीतरश्मिस्त्वरान्वितः॥

arddhaṁ nipatitaṁ cātra satyametannśāmaya| teṣāṁ tadvacanaṁ śrutvā śītaraśmistvarānvitaḥ||

"यहाँ आधा अमृत गिरा हुआ है, यह सत्य समझो।" उनके यह वचन सुनकर शीतरश्मि चन्द्रमा शीघ्रता से,

श्लोक 14 (skanda.7.258.14)

तृषार्तो वाऽपिबत्तोयं शशकेन समन्वितम्। अस्थिशेषं तु तत्तस्य कायं पीयूषभक्षणात्॥

tṛṣārto vā'pibattoyaṁ śaśakena samanvitam| asthiśeṣaṁ tu tattasya kāyaṁ pīyūṣabhakṣaṇāt||

प्यास से व्याकुल होकर उस जल को खरगोश सहित पी गया। उस खरगोश का शरीर अमृतपान के कारण अस्थिशेष रह गया।

श्लोक 15 (skanda.7.258.15)

तत्क्षणात्पुष्टिमगमत्कान्त्या परमया युतः। धातुषु क्षीयमाणेषु पुष्टो हि सुधया हि सः॥

tatkṣaṇātpuṣṭimagamatkāntyā paramayā yutaḥ| dhātuṣu kṣīyamāṇeṣu puṣṭo hi sudhayā hi saḥ||

चन्द्रमा उसी क्षण परम कान्ति से युक्त होकर पुष्ट हो गया, क्योंकि जब उसकी शारीरिक धातुएँ क्षीण हो रही थीं, तब वह अमृत से पुष्ट हो गया।

श्लोक 16 (skanda.7.258.16)

स चापि शशकस्तस्य न मृतो जठरं गतः। अद्यापि दृश्यते तत्र देहे पीयूषभक्षणात्॥

sa cāpi śaśakastasya na mṛto jaṭharaṁ gataḥ| adyāpi dṛśyate tatra dehe pīyūṣabhakṣaṇāt||

वह खरगोश भी चन्द्रमा के उदर में जाकर भी नहीं मरा; अमृतपान के कारण वह आज भी उसके शरीर-मंडल में दिखाई देता है।

श्लोक 17 (skanda.7.258.17)

तत्क्षणात्तुष्टिमगमत्कान्त्या परमया युतः। अब्रुवन्खन्यतामेतद्यथा भूयो जलं भवेत्॥

tatkṣaṇāttuṣṭimagamatkāntyā paramayā yutaḥ| abruvankhanyatāmetadyathā bhūyo jalaṁ bhavet||

वह उसी क्षण परम कान्ति से युक्त होकर तृप्त हो गया। तब देवताओं ने कहा—इस स्थान को और खोदा जाए, जिससे यहाँ पुनः जल हो जाए।

श्लोक 18 (skanda.7.258.18)

अस्माकं संगमादेतच्छुष्कं श्वभ्रं जलाशयम्। तद्युक्तं च कृतं कर्म नैतत्साधुविचेष्टितम्॥

asmākaṁ saṅgamādetacchuṣkaṁ śvabhraṁ jalāśayam| tadyuktaṁ ca kṛtaṁ karma naitatsādhuviceṣṭitam||

"हमारे मिलने-जुलने के कारण यह जलाशय सूखा गड्ढा बन गया है; हमने जो कार्य किया है, वह उचित नहीं, यह अच्छा आचरण नहीं है।"

श्लोक 19 (skanda.7.258.19)

ततोऽखनंश्च ते सर्वे यावत्तोयविनिर्गमः। अथाब्रुवंस्ततः सर्वे हर्षेण महतान्विताः॥

tato'khanaṁśca te sarve yāvattoyavinirgamaḥ| athābruvaṁstataḥ sarve harṣeṇa mahatānvitāḥ||

तब उन सभी ने तब तक खोदा जब तक कि जल का प्रवाह न फूट पड़ा। इसके पश्चात् वे सब अत्यन्त हर्ष से युक्त होकर बोले—

श्लोक 20 (skanda.7.258.20)

यस्माच्छशेन संयुक्तं पीतमेतज्जलाशयम्। चन्द्रेण हि शशापानं तस्मादेतद्भविष्यति॥

yasmācchaśena saṁyuktaṁ pītametajjalāśayam| candreṇa hi śaśāpānaṁ tasmādetadbhaviṣyati||

"चूँकि चन्द्रमा ने खरगोश सहित यह जलाशय पिया था, इसीलिए यह 'शशापान' नाम से प्रसिद्ध होगा।"

श्लोक 21 (skanda.7.258.21)

अत्रागत्य नरः स्नानं यः करिष्यति भक्तितः। स यास्यति परं स्थानं यत्र देवो महेश्वरः॥

atrāgatya naraḥ snānaṁ yaḥ kariṣyati bhaktitaḥ| sa yāsyati paraṁ sthānaṁ yatra devo maheśvaraḥ||

जो मनुष्य यहाँ आकर भक्तिपूर्वक स्नान करेगा, वह उस परम स्थान को प्राप्त करेगा, जहाँ महेश्वर देव विराजमान हैं।

श्लोक 22 (skanda.7.258.22)

अत्रान्नं संप्रदास्यंति ब्राह्मणेभ्यः समाहिताः। सर्वयज्ञफलं तेषां भविष्यति न संशयः॥

atrānnaṁ saṁpradāsyanti brāhmaṇebhyaḥ samāhitāḥ| sarvayajñaphalaṁ teṣāṁ bhaviṣyati na saṁśayaḥ||

जो लोग यहाँ एकाग्रचित्त होकर ब्राह्मणों को अन्नदान करेंगे, उन्हें सम्पूर्ण यज्ञों का फल प्राप्त होगा, इसमें सन्देह नहीं।

श्लोक 23 (skanda.7.258.23)

अस्मिन्दृष्टे सुराः सर्वे दृष्टाः स्युः सर्वदेवताः। एवमुक्त्वा सुराः सर्वे जग्मुश्चैव सुरालयम्॥

asmindṛṣṭe surāḥ sarve dṛṣṭāḥ syuḥ sarvadevatāḥ| evamuktvā surāḥ sarve jagmuścaiva surālayam||

इसका दर्शन करने से समस्त देवताओं का दर्शन हो जाता है। ऐसा कहकर सब देवता अपने देवलोक को चले गए।

श्लोक 24 (skanda.7.258.24)

अथ कालेन महता प्राप्ता तत्र सरस्वती। वडवाग्निं समादाय तयानुप्लावितं पुनः॥

atha kālena mahatā prāptā tatra sarasvatī| vaḍavāgniṁ samādāya tayānuplāvitaṁ punaḥ||

फिर दीर्घ काल बीतने पर सरस्वती नदी वहाँ पहुँची और वडवाग्नि (समुद्राग्नि) को साथ लेकर उसने उस स्थान को पुनः जल से आप्लावित कर दिया।

श्लोक 25 (skanda.7.258.25)

ततो मेध्यतरं जातं तीर्थं च वरवर्णिनि। तस्मात्सर्वप्रयत्नेन तत्र स्नानं समाचरेत्॥

tato medhyataraṁ jātaṁ tīrthaṁ ca varavarṇini| tasmātsarvaprayatnena tatra snānaṁ samācaret||

हे वरवर्णिनी! इस प्रकार यह तीर्थ और भी अधिक पवित्र हो गया। अतः सम्पूर्ण प्रयत्न से वहाँ स्नान करना चाहिए।