देविका पर उमापति माहात्म्य वर्णन

श्लोक 1 (skanda.7.276.1)

ईश्वर उवाच। ततो गच्छेन्महादेवि ऋषितीर्थस्य सन्निधौ। कामिकं हि परं क्षेत्रं देविकानाम नामतः

īśvara uvāca| tato gacchenmahādevi ṛṣitīrthasya sannidhau| kāmikaṁ hi paraṁ kṣetraṁ devikānāma nāmataḥ

ईश्वर ने कहा—हे महादेवी, फिर ऋषितीर्थ के समीप जाना चाहिए, जहाँ देविका नाम से प्रसिद्ध एक परम कामनापूरक क्षेत्र है।

श्लोक 2 (skanda.7.276.2)

महासिद्धिवनं तत्र ऋषिसिद्धसमावृतम्। नानाद्रुमलताकीर्णं पर्वतैरुपशोभितम्

mahāsiddhivanaṁ tatra ṛṣisiddhasamāvṛtam| nānādrumalatākīrṇaṁ parvatairupaśobhitam

वहाँ महासिद्धिवन है, जो ऋषियों और सिद्धों से घिरा हुआ है, नाना वृक्षों और लताओं से व्याप्त है, और पर्वतों से सुशोभित है।

श्लोक 3 (skanda.7.276.3)

चंपकैर्बकुलैर्दिव्यैरशोकैः स्तबकैः परैः। पुन्नागैः किंकिरातैश्च सुगन्धैर्नागकेसरैः

caṁpakairbakulairdivyairaśokaiḥ stabakaiḥ paraiḥ| punnāgaiḥ kiṁkirātaiśca sugandhairnāgakesaraiḥ

वह चम्पा, बकुल, दिव्य अशोक के पूर्ण गुच्छों से, पुन्नाग, किंकिरात तथा सुगन्धित नागकेसर वृक्षों से युक्त है।

श्लोक 4 (skanda.7.276.4)

मल्लिकोत्पलपुष्पैश्च पाटलापारिजातकैः। चूतचंपकपित्थैश्च श्रीफलैः पनसैस्तथा

mallikotpalapuṣpaiśca pāṭalāpārijātakaiḥ| cūtacaṁpakapitthaiśca śrīphalaiḥ panasaistathā

मल्लिका और कमल के फूलों से, पाटल और पारिजात वृक्षों से, आम्र, चम्पा और कैथ के वृक्षों से, तथा बेल और कटहल के वृक्षों से भी सुशोभित है।

श्लोक 5 (skanda.7.276.5)

खर्जूरैर्बदरैश्चान्यैर्मातुलिंगैः सदाडिमैः। जंबीरैश्चैव दिव्यैश्च नारंगैरुप शोभितम्

kharjūrairbadaraiścānyairmātuliṁgaiḥ sadāḍimaiḥ| jaṁbīraiścaiva divyaiśca nāraṁgairupa śobhitam

खजूर, बेर और अन्य वृक्षों से, बिजौरा नीबू और अनार से, तथा दिव्य जामुन और नारंगी के वृक्षों से भी वह सुशोभित है।

श्लोक 6 (skanda.7.276.6)

शिखिभिः कोकिलाभिश्च गीयमानं तु षट्पदैः। मृगैर्ऋक्षैर्वराहैश्च सिंहैर्व्याघ्रैस्तथा परैः

śikhibhiḥ kokilābhiśca gīyamānaṁ tu ṣaṭpadaiḥ| mṛgairṛkṣairvarāhaiśca siṁhairvyāghraistathā paraiḥ

मोर, कोयल और भ्रमरों के गीतों से गूँजता हुआ, मृग, भालू, सूअर, सिंह, व्याघ्र आदि अन्य पशुओं से युक्त,

श्लोक 7 (skanda.7.276.7)

श्वापदैर्विविधाकारैः कन्दरै र्गह्वरैस्तथा। सुरासुरगणैः सिद्धैर्यक्षगन्धर्वपन्नगैः

śvāpadairvividhākāraiḥ kandarai rgahvaraistathā| surāsuragaṇaiḥ siddhairyakṣagandharvapannagaiḥ

नाना प्रकार के वन्य पशुओं से, गुफाओं और कन्दराओं से युक्त, तथा देवताओं, असुरों, सिद्धों, यक्षों, गन्धर्वों और नागों के समूहों से भरा हुआ,

श्लोक 8 (skanda.7.276.8)

अप्सरोरगनागैश्च बहुभिस्तु समाकुलम्। केचित्स्तुवंति ईशं तु केचिन्नृत्यंति चाग्रतः

apsaroraganāgaiśca bahubhistu samākulam| kecitstuvaṁti īśaṁ tu kecinnṛtyaṁti cāgrataḥ

अप्सराओं, उरगों और नागों से भी अत्यन्त व्याप्त वह वन है। वहाँ कोई ईश्वर की स्तुति करते हैं तो कोई उनके सम्मुख नृत्य करते हैं,

श्लोक 9 (skanda.7.276.9)

पुष्पैर्वृष्टिं तु मुञ्चंति मुखवाद्यानि चापरे। हसंति चापरे हृष्टा गर्जंति च तथापरे

puṣpairvṛṣṭiṁ tu muñcaṁti mukhavādyāni cāpare| hasaṁti cāpare hṛṣṭā garjaṁti ca tathāpare

कोई फूलों की वर्षा करते हैं, कोई मुख से वाद्य बजाते हैं, कोई प्रसन्न होकर हँसते हैं, तो कोई गरजते हैं,

श्लोक 10 (skanda.7.276.10)

ऊर्द्ध्वबाहवस्तथा चान्ये अन्ये ध्यायंति तद्गताः। तस्मिन्स्थानं महादेवि देविकायास्तटे शुभे

ūrddhvabāhavastathā cānye anye dhyāyaṁti tadgatāḥ| tasminsthānaṁ mahādevi devikāyāstaṭe śubhe

कोई भुजाएँ ऊपर उठाए खड़े हैं, तो कोई उसी में लीन होकर ध्यान करते हैं। हे महादेवी, उसी देविका नदी के शुभ तट पर उस स्थान में,

श्लोक 11 (skanda.7.276.11)

उमापतीश्वरो नाम तत्राहं संस्थितः सदा। युगेयुगे सदा पूर्णे कल्पे मन्वन्तरे तथा

umāpatīśvaro nāma tatrāhaṁ saṁsthitaḥ sadā| yugeyuge sadā pūrṇe kalpe manvantare tathā

उमापतीश्वर नाम से मैं वहाँ सदा स्थित रहता हूँ—प्रत्येक युग में, प्रत्येक पूर्ण कल्प में, तथा प्रत्येक मन्वन्तर में।

श्लोक 12 (skanda.7.276.12)

न त्यजामि सदा देवि देविकायास्तटं शुभम्। दुर्ल्लभं सर्वलोकेऽस्मिन्पवित्रं सुप्रियं हि मे

na tyajāmi sadā devi devikāyāstaṭaṁ śubham| durllabhaṁ sarvaloke'sminpavitraṁ supriyaṁ hi me

हे देवी, मैं देविका के उस शुभ तट को कभी नहीं छोड़ता; वह समस्त लोकों में दुर्लभ, पवित्र और मुझे अत्यन्त प्रिय है।

श्लोक 13 (skanda.7.276.13)

त्वया सह स्थितश्चाहं तस्मि न्स्थाने वरानने। उमया युक्तदेहत्वात्तेन ख्यातं उमापतिः

tvayā saha sthitaścāhaṁ tasmi nsthāne varānane| umayā yuktadehatvāttena khyātaṁ umāpatiḥ

हे वरानने, मैं उस स्थान में तुम्हारे साथ स्थित रहता हूँ; उमा से युक्त शरीर होने के कारण ही वहाँ मैं उमापति के नाम से प्रसिद्ध हूँ।

श्लोक 14 (skanda.7.276.14)

पुष्यमासे त्वमावस्यां दद्याच्छ्राद्धं समाहितः। न पश्यामि क्षयं तस्य तस्मिन्दत्तस्य पार्वति

puṣyamāse tvamāvasyāṁ dadyācchrāddhaṁ samāhitaḥ| na paśyāmi kṣayaṁ tasya tasmindattasya pārvati

पुष्य मास की अमावस्या को जो एकाग्रचित्त होकर वहाँ श्राद्ध करता है, हे पार्वती, वहाँ दिए गए दान का मैं कोई क्षय होते नहीं देखता।

श्लोक 15 (skanda.7.276.15)

ब्रह्महत्यासहस्रं तु तस्य दर्शनतो व्रजेत्। गोभूहिरण्यवासांसि तत्र दद्याद्विचक्षणः

brahmahatyāsahasraṁ tu tasya darśanato vrajet| gobhūhiraṇyavāsāṁsi tatra dadyādvicakṣaṇaḥ

उनके दर्शन मात्र से हज़ार ब्रह्महत्याओं का पाप दूर हो जाता है; विवेकी पुरुष को वहाँ गौ, भूमि, सुवर्ण और वस्त्रों का दान करना चाहिए।

श्लोक 16 (skanda.7.276.16)

स एकः परमः पुत्रो यो गत्वा तत्र सुन्दरि। ददेच्छ्राद्धं पितॄणां च तस्यांतो नैव विद्यते

sa ekaḥ paramaḥ putro yo gatvā tatra sundari| dadecchrāddhaṁ pitṝṇāṁ ca tasyāṁto naiva vidyate

हे सुन्दरी, वही एकमात्र परम पुत्र है जो वहाँ जाकर पितरों को श्राद्ध अर्पित करता है; उसके उस पुण्य का कोई अन्त नहीं है।

श्लोक 17 (skanda.7.276.17)

देवैः सर्वैः समाहूता स्नानार्थं सा सरिद्वरा। देविकेति समाख्याता तेन सा पापनाशिनी

devaiḥ sarvaiḥ samāhūtā snānārthaṁ sā saridvarā| deviketi samākhyātā tena sā pāpanāśinī

वह श्रेष्ठ नदी समस्त देवताओं द्वारा स्नान के लिए बुलाई गई थी, इसीलिए वह 'देविका' नाम से प्रसिद्ध हुई और पाप का नाश करने वाली है।