पुष्करमाहात्म्येऽजोगन्धेश्वरमाहात्म्यवर्णनम्

श्लोक 1 (skanda.7.294.1)

ईश्वर उवाच। ततो गच्छेन्महादेवि कौबेरात्पूर्वसंस्थितम्। गव्यूतिपंचके देवि पुष्करंनाम नामतः। यत्र सिद्धो महादेवि कैवर्तो मत्स्यघातकः

īśvara uvāca| tato gacchenmahādevi kauberātpūrvasaṁsthitam| gavyūtipaṁcake devi puṣkaraṁnāma nāmataḥ| yatra siddho mahādevi kaivarto matsyaghātakaḥ

ईश्वर ने कहा—हे महादेवी, फिर कौबेर से पूर्व में स्थित, पाँच गव्यूति की दूरी पर, पुष्कर नाम से प्रसिद्ध स्थान को जाओ, जहाँ मत्स्यघाती केवट सिद्धि को प्राप्त हुआ था।

श्लोक 2 (skanda.7.294.2)

देव्युवाच। सविस्तरं मम ब्रूहि कथं स सिद्धिमाप वै। कथयस्व प्रसादेन देवदेव महेश्वर

devyuvāca| savistaraṁ mama brūhi kathaṁ sa siddhimāpa vai| kathayasva prasādena devadeva maheśvara

देवी ने कहा—मुझे विस्तार से बताइए कि उसने सिद्धि कैसे प्राप्त की; हे देवदेव महेश्वर, कृपा करके कहिए।

श्लोक 3 (skanda.7.294.3)

ईश्वर उवाच। शृणु त्वं यत्पुरावृत्तं देवि स्वारोचिषेंतरे। आसीत्कश्चिद्दुराचारः कैवर्तो मत्स्यघातकः

īśvara uvāca| śṛṇu tvaṁ yatpurāvṛttaṁ devi svārociṣeṁtare| āsītkaściddurācāraḥ kaivarto matsyaghātakaḥ

ईश्वर ने कहा—हे देवी, स्वारोचिष मन्वंतर में जो पूर्वकाल में घटित हुआ था, वह सुनो: कोई दुराचारी मत्स्यघाती केवट था।

श्लोक 4 (skanda.7.294.4)

स कदाचिच्चरन्पापः पुष्करे तु जगाम वै। ददर्श शांकरं वेश्म लतापादपसंकुलम्

sa kadāciccaranpāpaḥ puṣkare tu jagāma vai| dadarśa śāṁkaraṁ veśma latāpādapasaṁkulam

वह पापी कभी घूमते हुए पुष्कर गया; उसने लताओं और वृक्षों से आच्छादित शंकर का मंदिर देखा।

श्लोक 5 (skanda.7.294.5)

स माघमासे शीतार्त्तः क्लिन्नजालसमन्वितः। प्रासादमारुरोहार्त्तः सूर्यतापजिघृक्षया

sa māghamāse śītārttaḥ klinnajālasamanvitaḥ| prāsādamārurohārttaḥ sūryatāpajighṛkṣayā

माघ मास में शीत से पीड़ित, गीले जाल से युक्त वह व्याकुल होकर सूर्य के ताप को पाने की इच्छा से मंदिर के शिखर पर चढ़ गया।

श्लोक 6 (skanda.7.294.6)

ततः स क्लिन्नजालं तच्छोषणाय रवेः करैः। प्रासादध्वजदंडाग्रे संप्रसारितवांस्तदा

tataḥ sa klinnajālaṁ tacchoṣaṇāya raveḥ karaiḥ| prāsādadhvajadaṁḍāgre saṁprasāritavāṁstadā

तब उसने उस गीले जाल को सुखाने के लिए उसे मंदिर के ध्वजदंड के अग्रभाग पर सूर्य की किरणों में फैला दिया।

श्लोक 7 (skanda.7.294.7)

ततः प्रासादतो देवि जाड्यात्संपतितः क्रमात्। स मृतः सहसा देवि तस्मिन्क्षेत्रे शिवस्य च

tataḥ prāsādato devi jāḍyātsaṁpatitaḥ kramāt| sa mṛtaḥ sahasā devi tasminkṣetre śivasya ca

फिर, हे देवी, जड़ता के कारण वह क्रमशः मंदिर से गिर पड़ा, और शिव के उसी क्षेत्र में अचानक मर गया।

श्लोक 8 (skanda.7.294.8)

जालं तस्य प्रभूतेन जीर्णकालेन यत्तदा। ध्वजा बद्धा यतो जालैः प्रासादे सा शुभेऽभवत्

jālaṁ tasya prabhūtena jīrṇakālena yattadā| dhvajā baddhā yato jālaiḥ prāsāde sā śubhe'bhavat

उसका जाल, जो बहुत समय बीतने से जीर्ण हो गया था, उसी से बनी एक ध्वजा मंदिर पर शुभरूप से बाँधी गई।

श्लोक 9 (skanda.7.294.9)

ततोऽसौ ध्वजमाहात्म्याज्जातोऽवन्यां नराधिपः। ऋतध्वजेति विख्यातः सौराष्ट्रविषये सुधीः। स हि स्फूर्जद्ध्वजाग्रेण रथेन पर्यटन्महीम्

tato'sau dhvajamāhātmyājjāto'vanyāṁ narādhipaḥ| ṛtadhvajeti vikhyātaḥ saurāṣṭraviṣaye sudhīḥ| sa hi sphūrjaddhvajāgreṇa rathena paryaṭanmahīm

फिर वह उस ध्वजा के माहात्म्य से पृथ्वी पर सौराष्ट्र देश में राजा हुआ, ऋतध्वज नाम से विख्यात, बुद्धिमान; वह चमकती हुई ध्वजा वाले रथ से पृथ्वी पर विचरण करता था,

श्लोक 10 (skanda.7.294.10)

कामभोगाभिभूतात्मा राज्यं चक्रे प्रतापवान्। ततोऽसौ भवने शंभोर्ददौ शोभासमन्विताम्। ध्वजां शुभ्रां विचित्रां च नान्यत्किंचिदपि प्रभुः

kāmabhogābhibhūtātmā rājyaṁ cakre pratāpavān| tato'sau bhavane śaṁbhordadau śobhāsamanvitām| dhvajāṁ śubhrāṁ vicitrāṁ ca nānyatkiṁcidapi prabhuḥ

कामभोगों में डूबी आत्मा वाला वह प्रतापी राजा राज्य करता था; फिर उसने शंभु के मंदिर में शोभायुक्त, शुभ्र, विचित्र ध्वजा ही अर्पित की, अन्य कुछ भी नहीं, वह प्रभु।

श्लोक 11 (skanda.7.294.11)

ततो जातिस्मरो राजा प्रभासक्षेत्रमागतः। तत्रायतनं ध्वजाजालसमन्वितम्

tato jātismaro rājā prabhāsakṣetramāgataḥ| tatrāyatanaṁ dhvajājālasamanvitam

फिर पूर्वजन्म का स्मरण करने वाला वह राजा प्रभासक्षेत्र में आया; वहाँ जाल जैसी (जीर्ण) ध्वजा से युक्त एक मंदिर [देखा]—

श्लोक 12 (skanda.7.294.12)

अजोगन्धस्य देवस्य पूर्वमाराधितस्य च। प्रासादं कारयामास शिवोपकरणानि च

ajogandhasya devasya pūrvamārādhitasya ca| prāsādaṁ kārayāmāsa śivopakaraṇāni ca

वह पूर्वकाल में आराधित अजोगन्ध देव का था; उसने वहाँ मंदिर बनवाया और शिव-पूजा की सामग्री भी उपलब्ध कराई।

श्लोक 13 (skanda.7.294.13)

नित्यं पूजयते भक्त्या तल्लिंगं पापनाशनम्। दशवर्षसहस्राणि राज्यं चक्रे महामनाः

nityaṁ pūjayate bhaktyā talliṁgaṁ pāpanāśanam| daśavarṣasahasrāṇi rājyaṁ cakre mahāmanāḥ

वह उस पापनाशक लिंग की सदा भक्तिपूर्वक पूजा करता था; दस हजार वर्षों तक उस महामना ने राज्य किया।

श्लोक 14 (skanda.7.294.14)

तल्लिंगस्य प्रभावेन ततः कालाद्दिवं गतः। तस्मात्तत्र प्रयत्नेन गत्वा लिंगं प्रपूजयेत्

talliṁgasya prabhāvena tataḥ kālāddivaṁ gataḥ| tasmāttatra prayatnena gatvā liṁgaṁ prapūjayet

उस लिंग के प्रभाव से वह कालांतर में स्वर्ग को गया; इसलिए वहाँ प्रयत्नपूर्वक जाकर उस लिंग की पूजा करनी चाहिए।

श्लोक 15 (skanda.7.294.15)

स्नात्वा पश्चिमतः कुण्डे पुष्करे पापतस्करे। यत्र ब्रह्माऽयजत्पूर्वं यज्ञैर्विपुलदक्षिणैः

snātvā paścimataḥ kuṇḍe puṣkare pāpataskare| yatra brahmā'yajatpūrvaṁ yajñairvipuladakṣiṇaiḥ

पापों को हरने वाले पुष्कर के पश्चिमी कुण्ड में स्नान करके, जहाँ पूर्वकाल में ब्रह्मा ने प्रचुर दक्षिणा वाले यज्ञों से यजन किया था—

श्लोक 16 (skanda.7.294.16)

समाहूय च तीर्थानि पुष्करात्तत्र भामिनि। तस्मिन्कुण्डे तु विन्यस्य अजोगन्ध समीपतः। प्रतिष्ठाप्य महालिंगमजोगन्धेति नामतः

samāhūya ca tīrthāni puṣkarāttatra bhāmini| tasminkuṇḍe tu vinyasya ajogandha samīpataḥ| pratiṣṭhāpya mahāliṁgamajogandheti nāmataḥ

हे भामिनी, पुष्कर से समस्त तीर्थों को वहाँ बुलाकर, उस कुण्ड में अजोगन्ध के समीप स्थापित कर, अजोगन्ध नाम से महालिंग की प्रतिष्ठा करनी चाहिए।

श्लोक 17 (skanda.7.294.17)

त्रिपुष्करे महादेवि कुण्डे पातकनाशने। सौवर्णं कमलं तत्र दद्याद्ब्राह्मणपुंगवे

tripuṣkare mahādevi kuṇḍe pātakanāśane| sauvarṇaṁ kamalaṁ tatra dadyādbrāhmaṇapuṁgave

हे महादेवी, पापनाशक त्रिपुष्कर कुण्ड में वहाँ श्रेष्ठ ब्राह्मण को स्वर्णकमल देना चाहिए।

श्लोक 18 (skanda.7.294.18)

देवं संपूज्य विधिवद्गन्धपुष्पाक्षतादिभिः। मुच्यते पातकैः सर्वैः सप्तजन्मार्जितैरपि

devaṁ saṁpūjya vidhivadgandhapuṣpākṣatādibhiḥ| mucyate pātakaiḥ sarvaiḥ saptajanmārjitairapi

गंध, पुष्प, अक्षत आदि से विधिपूर्वक उस देव की पूजा करके, मनुष्य सात जन्मों में अर्जित सभी पापों से भी मुक्त हो जाता है।