ऋषितोयानदीमाहात्म्यवर्णनम्

श्लोक 1 (skanda.7.296.1)

ईश्वर उवाच। तस्मादाग्नेयदिग्भागे गव्यूतिसप्तकेन च। स्थानं देवकुलंनाम देवानां यत्र संगमः

īśvara uvāca| tasmādāgneyadigbhāge gavyūtisaptakena ca| sthānaṁ devakulaṁnāma devānāṁ yatra saṁgamaḥ

ईश्वर ने कहा—उससे आग्नेय दिशा में, सात गव्यूति की दूरी पर, देवकुल नामक स्थान है, जहाँ देवताओं का संगम होता है।

श्लोक 2 (skanda.7.296.2)

ऋषीणां यत्र सिद्धानां पुरा लिंगे निपातिते। यस्माज्जातो महादेवि तस्माद्देवकुलं स्मृतम्

ṛṣīṇāṁ yatra siddhānāṁ purā liṁge nipātite| yasmājjāto mahādevi tasmāddevakulaṁ smṛtam

जहाँ पूर्वकाल में सिद्ध ऋषियों के सामने लिंग गिरा था; हे महादेवी, जिससे वह स्थान उत्पन्न हुआ, उसी से वह देवकुल कहलाया।

श्लोक 3 (skanda.7.296.3)

तस्य पश्चिमदिग्भाग ऋषितोया महानदी। ऋषीणां वल्लभा देवि सर्वपातकनाशिनी

tasya paścimadigbhāga ṛṣitoyā mahānadī| ṛṣīṇāṁ vallabhā devi sarvapātakanāśinī

उसके पश्चिम दिशा में महानदी ऋषितोया है, हे देवी, जो ऋषियों को प्रिय और समस्त पातकों की नाशिनी है।

श्लोक 4 (skanda.7.296.4)

तत्र स्नात्वा नरः सम्यक्पितॄणां निर्वपेन्नरः। सप्तवर्षायुतान्येव पितॄणां तृप्तिमावहेत्

tatra snātvā naraḥ samyakpitṝṇāṁ nirvapennaraḥ| saptavarṣāyutānyeva pitṝṇāṁ tṛptimāvahet

वहाँ भलीभाँति स्नान करके पितरों का तर्पण करने वाला मनुष्य पितरों को सत्तर हजार वर्षों तक तृप्ति प्रदान करता है।

श्लोक 5 (skanda.7.296.5)

सुवर्णं तत्र देयं तु अजिनं कंबलं तथा। आषाढे त्वमावास्यायां यत्किञ्चिद्दीयते ध्रुवम्

suvarṇaṁ tatra deyaṁ tu ajinaṁ kaṁbalaṁ tathā| āṣāḍhe tvamāvāsyāyāṁ yatkiñciddīyate dhruvam

वहाँ स्वर्ण, मृगचर्म और कंबल भी देना चाहिए; आषाढ़ की अमावस्या को जो कुछ भी दिया जाता है, वह निश्चय ही फलदायी होता है।

श्लोक 6 (skanda.7.296.6)

वर्द्धते षोडशगुणं यावदायाति पूर्णिमा

varddhate ṣoḍaśaguṇaṁ yāvadāyāti pūrṇimā

वह सोलह गुना बढ़ता जाता है, जब तक कि पूर्णिमा नहीं आ जाती।

श्लोक 7 (skanda.7.296.7)

सुवर्णं तत्र देयं तु अजिनं कंबलं तथा। मुच्यते पातकैः सर्वैः सप्तजन्मकृतैरपि

suvarṇaṁ tatra deyaṁ tu ajinaṁ kaṁbalaṁ tathā| mucyate pātakaiḥ sarvaiḥ saptajanmakṛtairapi

वहाँ स्वर्ण, मृगचर्म और कंबल भी देना चाहिए; इससे मनुष्य सात जन्मों में किए गए सभी पापों से भी मुक्त हो जाता है।