ऋषितोयामाहात्म्यवर्णनम्

श्लोक 1 (skanda.7.297.1)

देव्युवाच। देवदेव जगन्नाथ संसारार्णवतारक। सविस्तरं तु मे ब्रूहि ऋषितोयामहोदयम्

devyuvāca| devadeva jagannātha saṁsārārṇavatāraka| savistaraṁ tu me brūhi ṛṣitoyāmahodayam

देवी ने कहा—हे देवदेव, हे जगन्नाथ, हे संसार-सागर से पार उतारने वाले, मुझे ऋषितोया का महात्म्य विस्तार से बताइए।

श्लोक 2 (skanda.7.297.2)

ऋषितोयेति तन्नाम कथं ख्यातं धरातले। कथं सा पुनरायाता देवदारुवने शुभे

ṛṣitoyeti tannāma kathaṁ khyātaṁ dharātale| kathaṁ sā punarāyātā devadāruvane śubhe

'ऋषितोया' यह नाम पृथ्वी पर कैसे प्रसिद्ध हुआ? और हे शुभे, वह पुनः देवदारुवन में कैसे आई?

श्लोक 3 (skanda.7.297.3)

ईश्वर उवाच। शृणु देवि प्रवक्ष्यामि सावधाना वचो मम। माहात्म्यमृषितोयायाः सर्वपातकनाशनम्

īśvara uvāca| śṛṇu devi pravakṣyāmi sāvadhānā vaco mama| māhātmyamṛṣitoyāyāḥ sarvapātakanāśanam

ईश्वर ने कहा—हे देवी, सुनो, मैं कहता हूँ, सावधान होकर मेरे वचन सुनो: ऋषितोया का माहात्म्य, जो समस्त पातकों का नाशक है।

श्लोक 4 (skanda.7.297.4)

देवदारुवने पुण्य ऋषयस्तपसा युताः। निवसंति वरारोहे शतशोथ सहस्रशः

devadāruvane puṇya ṛṣayastapasā yutāḥ| nivasaṁti varārohe śataśotha sahasraśaḥ

हे वरारोहे, पवित्र देवदारुवन में तपस्या से युक्त ऋषि सैकड़ों और हजारों की संख्या में निवास करते हैं।

श्लोक 5 (skanda.7.297.5)

तेषां निवसतां तत्र बहुकालो गतः प्रिये। पुत्रपौत्रैः प्रवृद्धास्ते दारुकं व्याप्य संस्थिताः

teṣāṁ nivasatāṁ tatra bahukālo gataḥ priye| putrapautraiḥ pravṛddhāste dārukaṁ vyāpya saṁsthitāḥ

हे प्रिये, वहाँ उनके निवास करते हुए बहुत काल बीत गया; पुत्र-पौत्रों से बढ़े हुए वे दारुक वन में फैलकर बस गए।

श्लोक 6 (skanda.7.297.6)

ते सर्वे चिंतयामासुः समेत्य च परस्परम्। सरस्वती महापुण्या शिरस्याधाय वाडवम्

te sarve ciṁtayāmāsuḥ sametya ca parasparam| sarasvatī mahāpuṇyā śirasyādhāya vāḍavam

वे सब आपस में मिलकर विचार करने लगे—महापुण्या सरस्वती, जो वडवाग्नि को अपने शिर पर धारण करती है,

श्लोक 7 (skanda.7.297.7)

प्रभासं चिरकालेन क्षेत्रं चैव गमिष्यति। वापीकूपतडागादि मुक्त्वा सागरगामिनीम्

prabhāsaṁ cirakālena kṣetraṁ caiva gamiṣyati| vāpīkūpataḍāgādi muktvā sāgaragāminīm

वह चिरकाल बाद बावली, कुआँ, तालाब आदि को छोड़कर, सागर की ओर बहने वाली होकर, प्रभासक्षेत्र को ही चली जाएगी।

श्लोक 8 (skanda.7.297.8)

नाह्लादं कुरुते चेतः स्नानदानजपेषु च। ब्रह्माणं प्रार्थयिष्यामो गत्वा ब्रह्मनिकेतनम्

nāhlādaṁ kurute cetaḥ snānadānajapeṣu ca| brahmāṇaṁ prārthayiṣyāmo gatvā brahmaniketanam

स्नान, दान और जप में हमारा चित्त आह्लाद नहीं पाता; इसलिए हम ब्रह्मलोक जाकर ब्रह्मा से प्रार्थना करेंगे।

श्लोक 9 (skanda.7.297.9)

ईश्वर उवाच। एवं निमन्त्र्य ते सर्वे ऋषयस्तपसोज्ज्वलाः। गतास्ते ब्रह्मलोकं तु द्रष्टुं देवं पितामहम्। तुष्टुवुर्विविधैः स्तोत्रैर्ब्रह्माणं कमलोद्भवम्

īśvara uvāca| evaṁ nimantrya te sarve ṛṣayastapasojjvalāḥ| gatāste brahmalokaṁ tu draṣṭuṁ devaṁ pitāmaham| tuṣṭuvurvividhaiḥ stotrairbrahmāṇaṁ kamalodbhavam

ईश्वर ने कहा—इस प्रकार निश्चय करके तपस्या से उद्दीप्त वे सब ऋषि पितामह देव के दर्शन के लिए ब्रह्मलोक गए, और उन्होंने कमलजन्मा ब्रह्मा की विविध स्तोत्रों से स्तुति की।

श्लोक 10 (skanda.7.297.10)

ऋषय ऊचुः। नमः प्रणवरूपाय विश्वकर्त्रे नमोनमः। तथा विश्वस्य रक्षित्रे नमोऽस्तु परमात्मने

ṛṣaya ūcuḥ| namaḥ praṇavarūpāya viśvakartre namonamaḥ| tathā viśvasya rakṣitre namo'stu paramātmane

ऋषियों ने कहा—प्रणवरूप, विश्व के रचयिता को नमस्कार, बार-बार नमस्कार; और विश्व के रक्षक परमात्मा को नमस्कार हो।

श्लोक 11 (skanda.7.297.11)

तथा तस्यैव संहर्त्रे नमो ब्रह्मस्वरूपिणे। पितामह नमस्तुभ्यं सुरज्येष्ठ नमोऽस्तु ते

tathā tasyaiva saṁhartre namo brahmasvarūpiṇe| pitāmaha namastubhyaṁ surajyeṣṭha namo'stu te

और उसी के संहारक, ब्रह्मस्वरूप को नमस्कार; हे पितामह, आपको नमस्कार, हे देवताओं में ज्येष्ठ, आपको नमस्कार हो।

श्लोक 12 (skanda.7.297.12)

चतुर्वक्त्र नमस्तुभ्यं पद्मयोने नमोऽस्तु ते। विरंचये नमस्तुभ्यं विधये वेधसे नमः

caturvaktra namastubhyaṁ padmayone namo'stu te| viraṁcaye namastubhyaṁ vidhaye vedhase namaḥ

हे चतुर्मुख, आपको नमस्कार; हे कमलयोनि, आपको नमस्कार हो; हे विरंचि, आपको नमस्कार; हे विधि, हे वेधा, आपको नमस्कार।

श्लोक 13 (skanda.7.297.13)

चिदानन्द नमस्तुभ्यं हिरण्यगर्भ ते नमः। हंसवाहन ते नित्यं पद्मासन नमोऽस्तुते

cidānanda namastubhyaṁ hiraṇyagarbha te namaḥ| haṁsavāhana te nityaṁ padmāsana namo'stute

हे चिदानंद, आपको नमस्कार; हे हिरण्यगर्भ, आपको नमस्कार; हे सदा हंसवाहन, हे पद्मासन, आपको नमस्कार हो।

श्लोक 14 (skanda.7.297.14)

एवं संस्तुवतां तेषामृषीणामूर्ध्वरेतसाम्। उवाच परमप्रीतो ब्रह्मा लोकपितामहः

evaṁ saṁstuvatāṁ teṣāmṛṣīṇāmūrdhvaretasām| uvāca paramaprīto brahmā lokapitāmahaḥ

इस प्रकार ऊर्ध्वरेता उन ऋषियों के स्तुति करते रहने पर, अत्यंत प्रसन्न होकर लोकपितामह ब्रह्मा ने कहा—

श्लोक 15 (skanda.7.297.15)

स्वागतं वै द्विजश्रेष्ठा युष्माकं कृतवानहम्। स्तोत्रेणानेन दिव्येन वृणुध्वं वरमुत्तमम्

svāgataṁ vai dvijaśreṣṭhā yuṣmākaṁ kṛtavānaham| stotreṇānena divyena vṛṇudhvaṁ varamuttamam

'हे द्विजश्रेष्ठो, मैंने तुम्हारा स्वागत किया है; इस दिव्य स्तोत्र से प्रसन्न होकर श्रेष्ठ वर माँगो।'

श्लोक 16 (skanda.7.297.16)

ऋषय ऊचुः। अभिषेकाय नो देव नदीं पापप्रणाशिनीम्। विलोक्यते सुरश्रेष्ठ देहि नो वरमुत्तमम्

ṛṣaya ūcuḥ| abhiṣekāya no deva nadīṁ pāpapraṇāśinīm| vilokyate suraśreṣṭha dehi no varamuttamam

ऋषियों ने कहा—हे देव, हमारे अभिषेक के लिए पापनाशिनी नदी दिखाई पड़े; हे सुरश्रेष्ठ, हमें वही श्रेष्ठ वर दीजिए।

श्लोक 17 (skanda.7.297.17)

ईश्वर उवाच। इत्युक्तस्तैस्तदा ब्रह्मा मुनिभिस्तपसोज्ज्वलैः। वीक्षांचक्रे तदा सर्वा मूर्तिमत्यश्च निम्नगाः

īśvara uvāca| ityuktastaistadā brahmā munibhistapasojjvalaiḥ| vīkṣāṁcakre tadā sarvā mūrtimatyaśca nimnagāḥ

ईश्वर ने कहा—तपस्या से उद्दीप्त उन मुनियों द्वारा इस प्रकार कहे जाने पर, ब्रह्मा ने तब सभी मूर्तिमती, पृथ्वी पर बहने वाली नदियों को देखा—

श्लोक 18 (skanda.7.297.18)

गङ्गा च यमुना चैव तथा देवी सरस्वती। चन्द्रभागा च रेवा च शरयूर्गंडकी तथा

gaṅgā ca yamunā caiva tathā devī sarasvatī| candrabhāgā ca revā ca śarayūrgaṁḍakī tathā

गंगा, और यमुना भी, और उसी प्रकार देवी सरस्वती; चंद्रभागा, और रेवा, और शरयू तथा गंडकी भी।

श्लोक 19 (skanda.7.297.19)

तापी चैव वरारोहे तथा गोदावरी नदी। कावेरी चन्द्रपुत्री च शिप्रा चर्मण्वती तथा

tāpī caiva varārohe tathā godāvarī nadī| kāverī candraputrī ca śiprā carmaṇvatī tathā

हे वरारोहे, तापी भी, और उसी प्रकार गोदावरी नदी; कावेरी, चंद्रपुत्री, शिप्रा तथा चर्मण्वती भी।

श्लोक 20 (skanda.7.297.20)

सिन्धुश्च वेदिका चैव नदाः सर्वे वरानने। मूर्तिमत्यः स्थिताः सर्वाः पवित्राः पापनाशिनी

sindhuśca vedikā caiva nadāḥ sarve varānane| mūrtimatyaḥ sthitāḥ sarvāḥ pavitrāḥ pāpanāśinī

हे वरानने, सिंधु भी, और वेदिका भी, तथा अन्य सभी नद-नदियाँ—वे सब मूर्तिमती, पवित्र, पापनाशिनी रूप में वहाँ खड़ी थीं।

श्लोक 21 (skanda.7.297.21)

दृष्ट्वा पितामहः सर्वा गत्वरा धरणीं प्रति। देवदारुवने रम्ये प्रभासे क्षेत्र उत्तमे। कमण्डलौ कृता दृष्टिर्विविशुस्ताः कमण्डलुम्

dṛṣṭvā pitāmahaḥ sarvā gatvarā dharaṇīṁ prati| devadāruvane ramye prabhāse kṣetra uttame| kamaṇḍalau kṛtā dṛṣṭirviviśustāḥ kamaṇḍalum

पितामह ने उन सबको पृथ्वी की ओर जाती हुई देखकर, रम्य देवदारुवन में, उत्तम प्रभासक्षेत्र में, अपनी दृष्टि कमंडलु पर डाली; वे सब कमंडलु में प्रविष्ट हो गईं।

श्लोक 22 (skanda.7.297.22)

ब्रह्मोवाच। धृताः सर्वा महापुण्या नद्यो ब्रह्मकमण्डलौ। प्रविष्टाः पृथिवीं यांतु ऋषीणामनुकम्पया

brahmovāca| dhṛtāḥ sarvā mahāpuṇyā nadyo brahmakamaṇḍalau| praviṣṭāḥ pṛthivīṁ yāṁtu ṛṣīṇāmanukampayā

ब्रह्मा ने कहा—ब्रह्मा के कमंडलु में धारण की गई ये सभी महापुण्य नदियाँ, ऋषियों पर अनुकंपा करके पृथ्वी में प्रविष्ट हों।

श्लोक 23 (skanda.7.297.23)

प्रहिणोमि यद्येकां च ह्यन्या रुष्यति मे द्विजाः। तस्मात्सर्वाः प्रमोक्ष्यामि कमण्डलुकृतालयाः

prahiṇomi yadyekāṁ ca hyanyā ruṣyati me dvijāḥ| tasmātsarvāḥ pramokṣyāmi kamaṇḍalukṛtālayāḥ

हे द्विजो, यदि मैं इनमें से एक को ही भेजूँ, तो दूसरी मुझसे रुष्ट होगी; इसलिए कमंडलु में निवास कराकर मैं इन सबको एक साथ मुक्त करूँगा।

श्लोक 24 (skanda.7.297.24)

ईश्वर उवाच। ततो ब्रह्मा मुमोचाऽथ तत्रस्थाश्च महापगाः। मुक्त्वा ब्रह्मा मुनीन्सर्वान्प्रोवाचेदं पुनःपुनः

īśvara uvāca| tato brahmā mumocā'tha tatrasthāśca mahāpagāḥ| muktvā brahmā munīnsarvānprovācedaṁ punaḥpunaḥ

ईश्वर ने कहा—तब ब्रह्मा ने वहाँ स्थित उन महानदियों को मुक्त किया; मुक्त करके ब्रह्मा ने सभी मुनियों से बार-बार यह कहा—

श्लोक 25 (skanda.7.297.25)

ऋषिभिः प्रार्थ्यमानेन नद्यो मुक्ता मया यतः। तोयरूपा महावेगा अभिषेकाय सत्वराः

ṛṣibhiḥ prārthyamānena nadyo muktā mayā yataḥ| toyarūpā mahāvegā abhiṣekāya satvarāḥ

'चूँकि ऋषियों की प्रार्थना पर मेरे द्वारा ये नदियाँ जल के रूप में, महावेगवती, अभिषेक के लिए शीघ्रगामी मुक्त की गई हैं,

श्लोक 26 (skanda.7.297.26)

ऋषितोयेति नाम्ना सा भविष्यति धरातले। ऋषीणां वल्लभा देवी सर्वपातकनाशिनी

ṛṣitoyeti nāmnā sā bhaviṣyati dharātale| ṛṣīṇāṁ vallabhā devī sarvapātakanāśinī

वह पृथ्वी पर 'ऋषितोया' नाम से प्रसिद्ध होगी, ऋषियों को प्रिय, समस्त पातकों की नाशिनी देवी।

श्लोक 27 (skanda.7.297.27)

ईश्वर उवाच। एवं देवि समायाता देवदारुवने नदी। ऋषितोयेति विख्याता पवित्रा च वरानने

īśvara uvāca| evaṁ devi samāyātā devadāruvane nadī| ṛṣitoyeti vikhyātā pavitrā ca varānane

ईश्वर ने कहा—हे देवी, इस प्रकार देवदारुवन में वह नदी आई, ऋषितोया नाम से विख्यात और पवित्र, हे वरानने।

श्लोक 28 (skanda.7.297.28)

तूर्यदुंदुभिनिर्घोषैर्वेदमङ्गलनिःस्वनैः। समुद्रं प्रापिता देवी ऋषिभिर्वेदपारगैः

tūryaduṁdubhinirghoṣairvedamaṅgalaniḥsvanaiḥ| samudraṁ prāpitā devī ṛṣibhirvedapāragaiḥ

तुरही और दुंदुभि के घोष से, वेद के मंगल स्वरों से, वेदपारंगत ऋषियों द्वारा वह देवी समुद्र तक पहुँचाई गई।

श्लोक 29 (skanda.7.297.29)

सर्वत्र सुलभा देवी त्रिषु स्थानेषु दुर्लभा। महोदये महातीर्थे मूलचंडीशसन्निधौ

sarvatra sulabhā devī triṣu sthāneṣu durlabhā| mahodaye mahātīrthe mūlacaṁḍīśasannidhau

वह देवी सर्वत्र सुलभ है, किंतु तीन स्थानों में दुर्लभ है—महोदय महातीर्थ में, मूलचण्डीश के समीप,

श्लोक 30 (skanda.7.297.30)

समुद्रेण समेता तु यत्र सा पूर्ववाहिनी। यत्रर्षितोया लभ्येत तत्र किं मृग्यते परम्

samudreṇa sametā tu yatra sā pūrvavāhinī| yatrarṣitoyā labhyeta tatra kiṁ mṛgyate param

और जहाँ वह समुद्र से मिलकर पूर्व की ओर बहती है—जहाँ ऋषितोया प्राप्त हो, वहाँ और क्या ढूँढ़ना है?

श्लोक 31 (skanda.7.297.31)

मनुष्यास्ते सदा धन्यास्तत्तोयं तु पिबंति ये। अस्थीनि यत्र लीयंते षण्मासाभ्यन्तरेण तु

manuṣyāste sadā dhanyāstattoyaṁ tu pibaṁti ye| asthīni yatra līyaṁte ṣaṇmāsābhyantareṇa tu

वे मनुष्य सदा धन्य हैं जो उस जल को पीते हैं, जिसमें हड्डियाँ छह महीनों के भीतर गल जाती हैं।

श्लोक 32 (skanda.7.297.32)

प्रातःकाले वहेद्गंगा सायं च यमुना तथा

prātaḥkāle vahedgaṁgā sāyaṁ ca yamunā tathā

प्रातःकाल वहाँ गंगा बहती है, और सायंकाल यमुना।

श्लोक 33 (skanda.7.297.33)

नदीसहस्रसंयुक्ता मध्याह्ने तु सरस्वती। अपराह्णे वहेद्रेवा सायाह्ने सूर्यपुत्रिका

nadīsahasrasaṁyuktā madhyāhne tu sarasvatī| aparāhṇe vahedrevā sāyāhne sūryaputrikā

मध्याह्न में हजार नदियों से युक्त सरस्वती, अपराह्न में रेवा, और सायाह्न में सूर्यपुत्री बहती है।

श्लोक 34 (skanda.7.297.34)

एवं जानन्नरो यस्तु तत्र स्नानविचक्षणः। आचरेद्विधिना श्राद्धं स तस्याः फलभाग्भवेत्

evaṁ jānannaro yastu tatra snānavicakṣaṇaḥ| ācaredvidhinā śrāddhaṁ sa tasyāḥ phalabhāgbhavet

इस प्रकार जो मनुष्य जानकर वहाँ स्नान में निपुण होकर विधिपूर्वक श्राद्ध करता है, वह उसके फल का भागी होता है।

श्लोक 35 (skanda.7.297.35)

एवं संक्षेपतः प्रोक्तमृषितोयामहोदयम्। सर्वपापहरं नृणां सर्वकामफलप्रदम्

evaṁ saṁkṣepataḥ proktamṛṣitoyāmahodayam| sarvapāpaharaṁ nṛṇāṁ sarvakāmaphalapradam

इस प्रकार संक्षेप में ऋषितोया का महात्म्य कहा गया, जो मनुष्यों के समस्त पापों को हरने वाला और सब कामनाओं का फल देने वाला है।