गुप्तप्रयागमाहात्म्यवर्णनम्

श्लोक 1 (skanda.7.298.1)

ईश्वर उवाच। ऋषितोयापश्चिमे तु तत्र गव्यूतिमात्रतः। संगालेश्वरनामास्ति सर्वपातकनाशनः

īśvara uvāca| ṛṣitoyāpaścime tu tatra gavyūtimātrataḥ| saṁgāleśvaranāmāsti sarvapātakanāśanaḥ

ईश्वर ने कहा—ऋषितोया से पश्चिम में, एक गव्यूति मात्र की दूरी पर, संगालेश्वर नाम से एक स्थान है, जो समस्त पातकों का नाशक है।

श्लोक 2 (skanda.7.298.2)

गुप्तस्तत्र प्रयागश्च देवो वै माधवस्तथा। जाह्नवी यमुना चैव देवी तत्र सरस्वती

guptastatra prayāgaśca devo vai mādhavastathā| jāhnavī yamunā caiva devī tatra sarasvatī

वहाँ गुप्त प्रयाग है, और माधव देव भी; और वहाँ जाह्नवी, यमुना, तथा देवी सरस्वती भी हैं।

श्लोक 3 (skanda.7.298.3)

अन्यानि तत्र तीर्थानि बहूनि च वरानने। स्नात्वा दृष्ट्वा पूजयित्वा मुक्तः स्यात्सर्वकिल्बिषैः

anyāni tatra tīrthāni bahūni ca varānane| snātvā dṛṣṭvā pūjayitvā muktaḥ syātsarvakilbiṣaiḥ

हे वरानने, वहाँ और भी अनेक तीर्थ हैं; स्नान, दर्शन और पूजा करके मनुष्य सब पापों से मुक्त हो जाता है।

श्लोक 4 (skanda.7.298.4)

पार्वत्युवाच। कथय त्वं महेशान सर्वदेवनमस्कृत। तीर्थराजः प्रयागस्तु कथं विष्णुः सनातनः

pārvatyuvāca| kathaya tvaṁ maheśāna sarvadevanamaskṛta| tīrtharājaḥ prayāgastu kathaṁ viṣṇuḥ sanātanaḥ

पार्वती ने कहा—हे महेश, समस्त देवताओं से नमस्कृत, बताइए कि तीर्थराज प्रयाग कैसे सनातन विष्णु है?

श्लोक 5 (skanda.7.298.5)

कथं गंगा च यमुना तथा देवी सरस्वती। अन्यान्यपि बहून्येव तीर्थानि वृषभध्वज

kathaṁ gaṁgā ca yamunā tathā devī sarasvatī| anyānyapi bahūnyeva tīrthāni vṛṣabhadhvaja

हे वृषभध्वज, गंगा, यमुना, देवी सरस्वती तथा अन्य भी अनेक तीर्थ कैसे

श्लोक 6 (skanda.7.298.6)

समायातानि तत्रैव संगालेश्वरसंनिधौ। संगालेशेति किं नाम ह्येतन्मे वद कौतुकम्

samāyātāni tatraiva saṁgāleśvarasaṁnidhau| saṁgāleśeti kiṁ nāma hyetanme vada kautukam

वहीं संगालेश्वर के समीप आकर मिले? 'संगालेश' यह नाम क्या है? कौतूहलवश यह मुझे बताइए।

श्लोक 7 (skanda.7.298.7)

ईश्वर उवाच। पुरा वै लिंगपतने सर्वदेवसमागमे। सार्धत्रितयकोटीनि पुण्यानि सुरसुन्दरि

īśvara uvāca| purā vai liṁgapatane sarvadevasamāgame| sārdhatritayakoṭīni puṇyāni surasundari

ईश्वर ने कहा—हे सुरसुन्दरी, पूर्वकाल में लिंग के गिरने पर, समस्त देवताओं के समागम में, साढ़े तीन करोड़ पवित्र—

श्लोक 8 (skanda.7.298.8)

तीर्थानि तीर्थराजोऽयं प्रयागः समुपस्थितः। आत्मानं गोपयामास तीर्थकोटिभिरावृतम्

tīrthāni tīrtharājo'yaṁ prayāgaḥ samupasthitaḥ| ātmānaṁ gopayāmāsa tīrthakoṭibhirāvṛtam

तीर्थ [एकत्र हुए, तब] यह तीर्थराज प्रयाग उपस्थित होकर, करोड़ों तीर्थों से घिरा हुआ, स्वयं को छिपा लिया।

श्लोक 9 (skanda.7.298.9)

ततस्तत्र समायाता ब्रह्मविष्णुपुरोगमाः। विबुधास्तीर्थराजं तं ददृशुर्दिव्यचक्षुषा

tatastatra samāyātā brahmaviṣṇupurogamāḥ| vibudhāstīrtharājaṁ taṁ dadṛśurdivyacakṣuṣā

फिर वहाँ ब्रह्मा और विष्णु आदि देवगण आए, और उन विद्वानों ने दिव्य दृष्टि से उस तीर्थराज को देखा।

श्लोक 10 (skanda.7.298.10)

तीर्थकोटिभिराकीर्णं पवित्रं पापनाशनम्। लिंगस्य पतनं श्रुत्वा महादुःखेन संवृताः

tīrthakoṭibhirākīrṇaṁ pavitraṁ pāpanāśanam| liṁgasya patanaṁ śrutvā mahāduḥkhena saṁvṛtāḥ

करोड़ों तीर्थों से भरा हुआ, पवित्र, पापनाशक—लिंग के गिरने का समाचार सुनकर वे महाशोक से घिर गए,

श्लोक 11 (skanda.7.298.11)

स्थिताः सर्वे तदा देवि ब्रह्माद्याः सुरसत्तमाः

sthitāḥ sarve tadā devi brahmādyāḥ surasattamāḥ

और हे देवी, तब ब्रह्मा आदि सभी श्रेष्ठ देवता वहीं ठहर गए।

श्लोक 12 (skanda.7.298.12)

एतस्मिन्नेव काले तु देवो रुद्रः सनातनः। निरानंदः समायातो वाक्यमेतदुवाच ह

etasminneva kāle tu devo rudraḥ sanātanaḥ| nirānaṁdaḥ samāyāto vākyametaduvāca ha

उसी समय सनातन रुद्र देव आनंदरहित होकर वहाँ आए और यह वचन कहा—

श्लोक 13 (skanda.7.298.13)

शृणुध्वं वचनं देवा ब्रह्मविष्णुपुरोगमाः। ऋषिशापान्निपतितं मम लिंगमनुत्तमम्। तस्माल्लिंगं पूजयत सर्वकामार्थसिद्धये

śṛṇudhvaṁ vacanaṁ devā brahmaviṣṇupurogamāḥ| ṛṣiśāpānnipatitaṁ mama liṁgamanuttamam| tasmālliṁgaṁ pūjayata sarvakāmārthasiddhaye

'हे देवो, ब्रह्मा-विष्णु आदि, मेरा वचन सुनो: ऋषि के शाप से मेरा अनुपम लिंग गिर पड़ा है; इसलिए सब कामनाओं और अर्थों की सिद्धि के लिए उस लिंग की पूजा करो।'

श्लोक 14 (skanda.7.298.14)

एवमुक्त्वा महादेवो देशे तस्मिन्स्थितः प्रिये। ब्राह्मं च वैष्णवं रौद्रं तत्र कुण्डत्रयं स्मृतम्

evamuktvā mahādevo deśe tasminsthitaḥ priye| brāhmaṁ ca vaiṣṇavaṁ raudraṁ tatra kuṇḍatrayaṁ smṛtam

ऐसा कहकर महादेव उसी प्रदेश में स्थित हो गए, हे प्रिये; वहाँ ब्रह्मकुण्ड, वैष्णवकुण्ड और रौद्रकुण्ड—ये तीन कुण्ड स्मृत हैं,

श्लोक 15 (skanda.7.298.15)

चतुर्थं त्रिसंगमाख्यं नदीनां यत्र संगमः। गंगायाश्च सरस्वत्याः सूर्यपुत्र्यास्तथैव च

caturthaṁ trisaṁgamākhyaṁ nadīnāṁ yatra saṁgamaḥ| gaṁgāyāśca sarasvatyāḥ sūryaputryāstathaiva ca

और चौथा त्रिसंगम नाम से है, जहाँ गंगा, सरस्वती और सूर्यपुत्री (यमुना) नदियों का संगम होता है।

श्लोक 16 (skanda.7.298.16)

कोटिरेका च तीर्थानां ब्रह्मकुण्डे व्यवस्थिता। तथा च वैष्णवे कुण्डे कोटिरेका प्रकीर्तिता

koṭirekā ca tīrthānāṁ brahmakuṇḍe vyavasthitā| tathā ca vaiṣṇave kuṇḍe koṭirekā prakīrtitā

ब्रह्मकुण्ड में एक करोड़ तीर्थ स्थित हैं, और वैष्णव कुण्ड में भी एक करोड़ तीर्थ कहे गए हैं।

श्लोक 17 (skanda.7.298.17)

सार्धकोटिस्तु संप्रोक्ता शिवकुण्डे प्रकीर्तिता। पश्चिमे ब्रह्मकुण्डं च पूर्वे वै वैष्णवं स्मृतम्

sārdhakoṭistu saṁproktā śivakuṇḍe prakīrtitā| paścime brahmakuṇḍaṁ ca pūrve vai vaiṣṇavaṁ smṛtam

शिवकुण्ड में डेढ़ करोड़ तीर्थ कहे गए हैं। पश्चिम में ब्रह्मकुण्ड है, और पूर्व में वैष्णव कुण्ड स्मृत है,

श्लोक 18 (skanda.7.298.18)

मध्यभागे स्थितं यच्च रुद्रकुण्डं प्रकीर्तितम्। कुण्डमध्याद्विनिर्गत्य यत्र गंगा वरानने

madhyabhāge sthitaṁ yacca rudrakuṇḍaṁ prakīrtitam| kuṇḍamadhyādvinirgatya yatra gaṁgā varānane

और मध्य भाग में जो स्थित है, वह रुद्रकुण्ड कहा गया है; कुण्डों के मध्य से निकलकर, हे वरानने, जहाँ गंगा

श्लोक 19 (skanda.7.298.19)

सूर्यपुत्र्या समेता च तत्त्रिसंगम उच्यते। अनयोरंतरे सूक्ष्मे तत्र गुप्ता सरस्वती

sūryaputryā sametā ca tattrisaṁgama ucyate| anayoraṁtare sūkṣme tatra guptā sarasvatī

सूर्यपुत्री से मिलती है, वह त्रिसंगम कहलाता है; इन दोनों के सूक्ष्म अंतराल में वहाँ सरस्वती छिपी हुई है।

श्लोक 20 (skanda.7.298.20)

एषु सन्निहितो नित्यं प्रयागस्तीर्थनायकः। अत्रागत्य नरो यस्तु माघमासे वरानने

eṣu sannihito nityaṁ prayāgastīrthanāyakaḥ| atrāgatya naro yastu māghamāse varānane

इन सबमें तीर्थों का नायक प्रयाग सदा उपस्थित रहता है; हे वरानने, जो मनुष्य यहाँ माघ मास में आकर—

श्लोक 21 (skanda.7.298.21)

स्नायात्प्रभातसमये मकरस्थे रवौ प्रिये। किञ्चिदभ्युदिते सूर्ये शृणु तस्य च यत्फलम्

snāyātprabhātasamaye makarasthe ravau priye| kiñcidabhyudite sūrye śṛṇu tasya ca yatphalam

प्रातःकाल, सूर्य के मकर राशि में होने पर, सूर्योदय के कुछ समय बाद स्नान करे, उसका फल सुनो।

श्लोक 22 (skanda.7.298.22)

आद्येनैकेन स्नानेन पापं यन्मनसा कृतम्। व्यपोहति नरः सम्यक्छ्रद्धायुक्तो जितेन्द्रियः

ādyenaikena snānena pāpaṁ yanmanasā kṛtam| vyapohati naraḥ samyakchraddhāyukto jitendriyaḥ

पहले ही स्नान से मन से किए गए पाप को, श्रद्धायुक्त और जितेंद्रिय मनुष्य भलीभाँति दूर कर देता है।

श्लोक 23 (skanda.7.298.23)

वाचिकं तु द्वितीयेन कायिकं तु तृतीयकात्। संसर्गजं चतुर्थेन रहस्यं पञ्चमेन तु

vācikaṁ tu dvitīyena kāyikaṁ tu tṛtīyakāt| saṁsargajaṁ caturthena rahasyaṁ pañcamena tu

दूसरे स्नान से वाचिक पाप, तीसरे से कायिक पाप; चौथे से संसर्गजन्य, और पाँचवें से गुप्त पाप—

श्लोक 24 (skanda.7.298.24)

उपपातकानि षष्ठेन स्नानेनैव व्यपोहति

upapātakāni ṣaṣṭhena snānenaiva vyapohati

छठे स्नान से ही उपपातकों को दूर कर देता है।

श्लोक 25 (skanda.7.298.25)

अभिषेकेण कुण्डानां सप्तकृत्वो वरानने। महांति चैव पापानि क्षाल्यंते पुरुषैः सदा

abhiṣekeṇa kuṇḍānāṁ saptakṛtvo varānane| mahāṁti caiva pāpāni kṣālyaṁte puruṣaiḥ sadā

हे वरानने, कुण्डों में सात बार अभिषेक करने से बड़े-बड़े पाप भी पुरुषों के सदा धुल जाते हैं।

श्लोक 26 (skanda.7.298.26)

यः स्नाति सकलं मासं प्रयागे गुप्तसंज्ञके। ब्रह्मादिभिर्न तद्वक्तुं शक्यते कल्पकोटिभिः

yaḥ snāti sakalaṁ māsaṁ prayāge guptasaṁjñake| brahmādibhirna tadvaktuṁ śakyate kalpakoṭibhiḥ

जो गुप्त नामक प्रयाग में पूरे महीने स्नान करता है, उसका फल ब्रह्मा आदि भी करोड़ों कल्पों में नहीं कह सकते।

श्लोक 27 (skanda.7.298.27)

यानि कानि च तीर्थानि प्रभासे संति भामिनि। तेभ्योऽतिवल्लभं तीर्थं सर्वपापप्रणाशनम्

yāni kāni ca tīrthāni prabhāse saṁti bhāmini| tebhyo'tivallabhaṁ tīrthaṁ sarvapāpapraṇāśanam

हे भामिनी, प्रभास में जितने भी तीर्थ हैं, उन सबसे अधिक प्रिय यह तीर्थ है, जो समस्त पापों का नाशक है।

श्लोक 28 (skanda.7.298.28)

एषां संरक्षणार्थाय मया वै तत्र मातरः। पूजनीयाः प्रयत्नेन नैवेद्यैर्विविधैः शुभैः

eṣāṁ saṁrakṣaṇārthāya mayā vai tatra mātaraḥ| pūjanīyāḥ prayatnena naivedyairvividhaiḥ śubhaiḥ

इनकी रक्षा के लिए मेरे द्वारा वहाँ मातृकाओं की प्रयत्नपूर्वक, विविध शुभ नैवेद्यों से पूजा की जानी चाहिए,

श्लोक 29 (skanda.7.298.29)

कृष्णपक्षे चतुर्दश्यां श्रद्धायुक्तेन चेतसा। तासामनुचरा देवि भूतप्रेताश्च कोटिशः

kṛṣṇapakṣe caturdaśyāṁ śraddhāyuktena cetasā| tāsāmanucarā devi bhūtapretāśca koṭiśaḥ

कृष्णपक्ष की चतुर्दशी को, श्रद्धायुक्त चित्त से; हे देवी, उनके अनुचर भूत-प्रेत करोड़ों की संख्या में हैं।

श्लोक 30 (skanda.7.298.30)

तेषां भयविनाशाय ता मातॄश्च प्रपूजयेत्। अस्मिंस्तीर्थे नरः स्नात्वा ब्रह्महत्यां व्यपोहति

teṣāṁ bhayavināśāya tā mātṝśca prapūjayet| asmiṁstīrthe naraḥ snātvā brahmahatyāṁ vyapohati

उनके भय के विनाश के लिए उन मातृकाओं की पूजा करनी चाहिए; इस तीर्थ में स्नान करके मनुष्य ब्रह्महत्या को भी दूर कर देता है।

श्लोक 31 (skanda.7.298.31)

यः कश्चित्कुरुते श्राद्धं पितॄनुद्दिश्य भक्तितः। उद्धरेच्च पितुर्वर्गं मातुर्वर्गं नरोत्तमः

yaḥ kaścitkurute śrāddhaṁ pitṝnuddiśya bhaktitaḥ| uddharecca piturvargaṁ māturvargaṁ narottamaḥ

जो कोई पितरों के उद्देश्य से भक्तिपूर्वक श्राद्ध करता है, वह नरश्रेष्ठ पिता के कुल और माता के कुल दोनों का उद्धार करता है।

श्लोक 32 (skanda.7.298.32)

वृषभस्तत्र दातव्यः सम्यग्यात्राफलेप्सुभिः। एवं यः कुरुते यात्रां तस्य फलमनन्तकम्

vṛṣabhastatra dātavyaḥ samyagyātrāphalepsubhiḥ| evaṁ yaḥ kurute yātrāṁ tasya phalamanantakam

यात्रा का पूर्ण फल चाहने वालों को वहाँ बैल देना चाहिए; इस प्रकार जो यात्रा करता है, उसका फल अनंत होता है।

श्लोक 33 (skanda.7.298.33)

एवं गुप्तप्रयागस्य माहात्म्यं कथितं तव। श्रुत्वाभिनन्द्य पुरुषः प्राप्नुयाच्छंकरालयम्

evaṁ guptaprayāgasya māhātmyaṁ kathitaṁ tava| śrutvābhinandya puruṣaḥ prāpnuyācchaṁkarālayam

इस प्रकार गुप्त प्रयाग का माहात्म्य तुम्हें बताया गया; इसे सुनकर आनंदित होने वाला पुरुष शंकर के धाम को प्राप्त करता है।