माधवमाहात्म्यवर्णनम्

श्लोक 1 (skanda.7.299.1)

ईश्वर उवाच। तस्यैव दक्षिणे भागे नातिदूरे व्यवस्थितम्। शंखचक्रगदाधारी माधवस्तत्र संस्थितः

īśvara uvāca| tasyaiva dakṣiṇe bhāge nātidūre vyavasthitam| śaṁkhacakragadādhārī mādhavastatra saṁsthitaḥ

ईश्वर ने कहा—उसी के दक्षिण भाग में, न अधिक दूर, स्थित हैं शंख, चक्र और गदा धारण करने वाले माधव।

श्लोक 2 (skanda.7.299.2)

एकादश्यां सिते पक्षे सोपवासो जितेन्द्रियः। यस्तं पूजयते भक्त्या गंधपुष्पानुलेपनैः। स याति परमं स्थानमपुनर्भवदायकम्

ekādaśyāṁ site pakṣe sopavāso jitendriyaḥ| yastaṁ pūjayate bhaktyā gaṁdhapuṣpānulepanaiḥ| sa yāti paramaṁ sthānamapunarbhavadāyakam

शुक्लपक्ष की एकादशी को उपवास करके, जितेन्द्रिय होकर, जो गंध, पुष्प और अनुलेपन से भक्तिपूर्वक उनकी पूजा करता है, वह पुनर्जन्मरहित परम स्थान को प्राप्त होता है।

श्लोक 3 (skanda.7.299.3)

अत्र गाथा पुरा गीता ब्रह्मणा लोककर्तृणा। विष्णुकुण्डे नरः स्नात्वा यो वै माधवमर्चयेत्। स यास्यति परं स्थानं यत्र देवो हरिः स्वयम्

atra gāthā purā gītā brahmaṇā lokakartṛṇā| viṣṇukuṇḍe naraḥ snātvā yo vai mādhavamarcayet| sa yāsyati paraṁ sthānaṁ yatra devo hariḥ svayam

यहाँ लोक के रचयिता ब्रह्मा द्वारा पूर्वकाल में यह गाथा गाई गई थी—'विष्णुकुण्ड में स्नान करके जो मनुष्य माधव की अर्चना करता है, वह उस परम स्थान को जाएगा जहाँ स्वयं देव हरि विराजते हैं।'

श्लोक 4 (skanda.7.299.4)

एतत्ते सर्वमाख्यातं माहात्म्यं विष्णुदैवतम्। सर्वकामप्रदं नृणां सर्वपातकनाशनम्

etatte sarvamākhyātaṁ māhātmyaṁ viṣṇudaivatam| sarvakāmapradaṁ nṛṇāṁ sarvapātakanāśanam

यह सब तुम्हें बताया गया, विष्णु-देवता का यह माहात्म्य, जो मनुष्यों की सब कामनाओं को देने वाला और सब पापों का नाशक है।