संगालेश्वरमाहात्म्यवर्णनम्

श्लोक 1 (skanda.7.300.1)

ईश्वर उवाच। तस्यैवोत्तरदिग्भागे किञ्चिद्वायव्यसंस्थितम्। संगालेश्वरनामास्ति सर्वपातकनाशनम्

īśvara uvāca| tasyaivottaradigbhāge kiñcidvāyavyasaṁsthitam| saṁgāleśvaranāmāsti sarvapātakanāśanam

ईश्वर ने कहा—उसी के उत्तर भाग में, कुछ वायव्य दिशा में स्थित, संगालेश्वर नाम से एक स्थान है, जो समस्त पातकों का नाशक है।

श्लोक 2 (skanda.7.300.2)

तत्र ब्रह्मा च विष्णुश्च लिंगस्याराधनोद्यतौ। शक्रश्चैव महातेजा लिंगं पूजितवान्प्रिये

tatra brahmā ca viṣṇuśca liṁgasyārādhanodyatau| śakraścaiva mahātejā liṁgaṁ pūjitavānpriye

वहाँ ब्रह्मा और विष्णु लिंग की आराधना में तत्पर थे; और हे प्रिये, महातेजस्वी शक्र ने भी उस लिंग की पूजा की।

श्लोक 3 (skanda.7.300.3)

वरुणो धनदश्चैव धर्मराजोऽथ पावकः। आदित्यैर्वसुभिश्चैव लोकपालैः समंततः

varuṇo dhanadaścaiva dharmarājo'tha pāvakaḥ| ādityairvasubhiścaiva lokapālaiḥ samaṁtataḥ

वरुण, धनद (कुबेर), धर्मराज तथा पावक (अग्नि), आदित्यों और वसुओं के साथ, सब ओर से लोकपालों ने—

श्लोक 4 (skanda.7.300.4)

आराधितं महालिंगं संगालेश्वरनामभृत्। पूजयित्वा तु ते सर्वे दृष्ट्वा माहात्म्यमुत्तमम्

ārādhitaṁ mahāliṁgaṁ saṁgāleśvaranāmabhṛt| pūjayitvā tu te sarve dṛṣṭvā māhātmyamuttamam

संगालेश्वर नाम धारण करने वाले उस महालिंग की आराधना की; उसकी पूजा करके, उसका उत्तम माहात्म्य देखकर वे सब—

श्लोक 5 (skanda.7.300.5)

ऊचुश्च सहसा देवि परमानंदसंयुताः। देवानां निवहैर्यस्मात्समागत्य प्रतिष्ठितम्। संगालेश्वरनामास्य भविष्यति धरातले

ūcuśca sahasā devi paramānaṁdasaṁyutāḥ| devānāṁ nivahairyasmātsamāgatya pratiṣṭhitam| saṁgāleśvaranāmāsya bhaviṣyati dharātale

हे देवी, परमानंद से युक्त होकर सहसा बोल उठे—'चूँकि यह देवताओं के समूह के आकर यहाँ प्रतिष्ठित होने से बना है, इसलिए पृथ्वी पर इसका नाम संगालेश्वर होगा।'

श्लोक 6 (skanda.7.300.6)

संगालेश्वरनामानं पूजयिष्यंति मानवाः। न तेषामन्वये कश्चिन्निर्धनः संभविष्यति

saṁgāleśvaranāmānaṁ pūjayiṣyaṁti mānavāḥ| na teṣāmanvaye kaścinnirdhanaḥ saṁbhaviṣyati

मनुष्य संगालेश्वर नाम से इसकी पूजा करेंगे; उनके वंश में कोई भी निर्धन नहीं होगा।

श्लोक 7 (skanda.7.300.7)

गोसहस्रस्य दत्तस्य कुरुक्षेत्रे च यत्फलम्। तत्फलं समवाप्नोति संगालेश्वरदर्शनात्

gosahasrasya dattasya kurukṣetre ca yatphalam| tatphalaṁ samavāpnoti saṁgāleśvaradarśanāt

कुरुक्षेत्र में एक हजार गायें देने का जो फल है, वही फल संगालेश्वर के दर्शन से प्राप्त होता है।

श्लोक 8 (skanda.7.300.8)

अमावास्यां च संप्राप्य स्नानं कृत्वा विधानतः। यः करोति नरः श्राद्धं पितॄणां रोषवर्जितः। पितरस्तस्य तृप्यंति यावदाभूतसंप्लवम्

amāvāsyāṁ ca saṁprāpya snānaṁ kṛtvā vidhānataḥ| yaḥ karoti naraḥ śrāddhaṁ pitṝṇāṁ roṣavarjitaḥ| pitarastasya tṛpyaṁti yāvadābhūtasaṁplavam

अमावस्या को आकर विधिपूर्वक स्नान करके जो मनुष्य क्रोधरहित होकर पितरों का श्राद्ध करता है, उसके पितर प्रलय पर्यंत तृप्त रहते हैं।

श्लोक 9 (skanda.7.300.9)

अर्धक्रोशं च तत्क्षेत्रं समंतात्परिमण्डलम्। सर्वकामप्रदं नृणां सर्वपातकनाशनम्

ardhakrośaṁ ca tatkṣetraṁ samaṁtātparimaṇḍalam| sarvakāmapradaṁ nṛṇāṁ sarvapātakanāśanam

और वह क्षेत्र, चारों ओर आधा कोस के घेरे में, मनुष्यों की सब कामनाओं को देने वाला और सब पापों का नाशक है।

श्लोक 10 (skanda.7.300.10)

अस्मिन्क्षेत्रे महादेवि जीवा उत्तममध्यमाः। कालेन निधनं प्राप्तास्तेऽपि यांति परां गतिम्

asminkṣetre mahādevi jīvā uttamamadhyamāḥ| kālena nidhanaṁ prāptāste'pi yāṁti parāṁ gatim

हे महादेवी, इस क्षेत्र में उत्तम और मध्यम जीव, काल से मृत्यु को प्राप्त होकर भी, परम गति को जाते हैं।

श्लोक 11 (skanda.7.300.11)

गृहीत्वानशनं ये तु प्राणांस्त्यक्ष्यंति मानवाः। निश्चयं ते महादेवि लीयंते परमेश्वरे

gṛhītvānaśanaṁ ye tu prāṇāṁstyakṣyaṁti mānavāḥ| niścayaṁ te mahādevi līyaṁte parameśvare

और हे महादेवी, जो मनुष्य अनशन ग्रहण करके अपने प्राण त्यागेंगे, वे निश्चय ही परमेश्वर में लीन हो जाते हैं।

श्लोक 12 (skanda.7.300.12)

गवा हता द्विजहता ये च वै दंष्ट्रिभिर्हता। आत्मनो घातका ये तु सर्पदष्टाश्च ये मृताः

gavā hatā dvijahatā ye ca vai daṁṣṭribhirhatā| ātmano ghātakā ye tu sarpadaṣṭāśca ye mṛtāḥ

जो गाय से मारे गए, ब्राह्मण से मारे गए, दाढ़ों वाले पशुओं से मारे गए, जो आत्मघाती हैं, और जो सर्प के डसने से मरे,

श्लोक 13 (skanda.7.300.13)

शय्यायां विगतप्राणा ये च शौचविवर्जिताः। अस्मिंस्तीर्थे महापुण्ये अपुनर्भवदायके

śayyāyāṁ vigataprāṇā ye ca śaucavivarjitāḥ| asmiṁstīrthe mahāpuṇye apunarbhavadāyake

जो शय्या पर प्राणहीन हुए, और जो शौच से रहित थे—वे सब इस महापुण्य, पुनर्जन्मरहित करने वाले तीर्थ में—

श्लोक 14 (skanda.7.300.14)

दत्तैः षोडशभिः श्राद्धैर्वृषोत्सर्गे कृते पुनः। विधिवद्भोजितैर्विप्रैर्भवेन्मुक्तिर्न संशयः

dattaiḥ ṣoḍaśabhiḥ śrāddhairvṛṣotsarge kṛte punaḥ| vidhivadbhojitairviprairbhavenmuktirna saṁśayaḥ

सोलह श्राद्ध देने से, और पुनः वृषोत्सर्ग करने पर, विधिपूर्वक ब्राह्मणों को भोजन कराने से, निःसंदेह मुक्ति पा लेते हैं।

श्लोक 15 (skanda.7.300.15)

एवमुक्त्वा सुराः सर्वे गतवंतस्त्रिविष्टपम्

evamuktvā surāḥ sarve gatavaṁtastriviṣṭapam

ऐसा कहकर सभी देवता स्वर्गलोक को चले गए।

श्लोक 16 (skanda.7.300.16)

संगालेश्वरमाहात्म्यं संक्षेपात्कथितं तव। श्रुतं हरति पापानि दुःखशोकांस्तथैव च

saṁgāleśvaramāhātmyaṁ saṁkṣepātkathitaṁ tava| śrutaṁ harati pāpāni duḥkhaśokāṁstathaiva ca

इस प्रकार संगालेश्वर का माहात्म्य तुम्हें संक्षेप में कहा गया; इसे सुनना पापों को, तथा दुःख और शोक को भी हर लेता है।