गोपालस्वामिहरिमाहात्म्यवर्णनम्

श्लोक 1 (skanda.7.311.1)

ईश्वर उवाच। ततो गच्छेन्महादेवि गोपालस्वामिनं हरिम्। चण्डीशात्पूर्वदिग्भागे धनुषां विंशतौ स्थितम्

īśvara uvāca| tato gacchenmahādevi gopālasvāminaṁ harim| caṇḍīśātpūrvadigbhāge dhanuṣāṁ viṁśatau sthitam

ईश्वर ने कहा—हे महादेवि, फिर चण्डीश से पूर्व दिशा में बीस धनुष की दूरी पर स्थित गोपालस्वामी हरि के पास जाना चाहिए।

श्लोक 2 (skanda.7.311.2)

सर्वपापोपशमनं दारिद्र्यौघविनाशनम्। तं दृष्ट्वा पूजयित्वा च माघे मासि विशेषतः। पूजा जागरणं कृत्वा तत्र गच्छेत्परं पदम्

sarvapāpopaśamanaṁ dāridryaughavināśanam| taṁ dṛṣṭvā pūjayitvā ca māghe māsi viśeṣataḥ| pūjā jāgaraṇaṁ kṛtvā tatra gacchetparaṁ padam

वह सब पापों को शान्त करने वाला और दरिद्रता के प्रवाह का नाशक है। उसे देखकर और पूजा करके, विशेषतः माघ मास में, वहाँ पूजा और जागरण करके मनुष्य परम पद को प्राप्त होता है।