अंशुमतीमाहात्म्ये जरद्गवेश्वरमाहात्म्यवर्णनम्

श्लोक 1 (skanda.7.344.1)

ईश्वर उवाच। ततो गच्छेन्महादेवि लिंगं पापप्रणाशनम्। कपिलेश्वरस्यैशान्यामुत्तरेण व्यवस्थितम्

īśvara uvāca| tato gacchenmahādevi liṅgaṁ pāpapraṇāśanam| kapileśvarasyaiśānyām uttareṇa vyavasthitam

ईश्वर ने कहा—हे महादेवि, तदनन्तर कपिलेश्वर के ईशान कोण में, उत्तर दिशा में स्थित पापनाशक लिंग के पास जाना चाहिए।

श्लोक 2 (skanda.7.344.2)

जरद्गवेश्वरंनाम जरद्गवप्रतिष्ठितम्। ब्रह्महत्यादि पापानां नाशनं नात्र संशयः

jaradgaveśvaraṁ nāma jaradgavapratiṣṭhitam| brahmahatyādi pāpānāṁ nāśanaṁ nātra saṁśayaḥ

जरद्गव द्वारा प्रतिष्ठित, जरद्गवेश्वर नामक वह लिंग ब्रह्महत्या आदि पापों का नाशक है, इसमें कोई संशय नहीं है।

श्लोक 3 (skanda.7.344.3)

तत्रैव संस्थिता देवि देवी अंशुमती नदी। तत्र स्नात्वा विधानेन पिडदानं तु दापयेत्

tatraiva saṁsthitā devi devī aṁśumatī nadī| tatra snātvā vidhānena piṇḍadānaṁ tu dāpayet

वहीं, हे देवि, अंशुमती नामक देवी नदी स्थित है। वहाँ विधिपूर्वक स्नान करके पिण्डदान करना चाहिए।

श्लोक 4 (skanda.7.344.4)

वर्षकोटिशतं साग्रं पितॄणां तृप्तिमावहेत्। वृषभस्तत्र दातव्यो ब्राह्मणे वेदपारगे

varṣakoṭiśataṁ sāgraṁ pitṝṇāṁ tṛptim āvahet| vṛṣabhastatra dātavyo brāhmaṇe vedapārage

यह पितरों को सौ करोड़ वर्षों से भी अधिक तृप्ति प्रदान करता है। वहाँ वेदपारंगत ब्राह्मण को वृषभ का दान करना चाहिए।

श्लोक 5 (skanda.7.344.5)

ततस्तु पूजयेद्देवं गन्धपुष्पैर्जरद्गवम्। पञ्चामृतरसेनैव तथा गुग्गुलुधूपनैः

tatastu pūjayeddevaṁ gandhapuṣpairjaradgavam| pañcāmṛtarasenaiva tathā gugguludhūpanaiḥ

तत्पश्चात् गन्ध-पुष्पों से, पंचामृत के रस से तथा गुग्गुल के धूप से जरद्गव देव का पूजन करना चाहिए।

श्लोक 6 (skanda.7.344.6)

स्तुतिदण्डनमस्कारैः प्रदक्षिणैरहर्निशम्। ब्राह्मणान्भोजयेत्तत्र भक्ष्यभोज्यैः पृथग्विधैः। एकेन भोजितेनैव कोटिर्भवति भोजिता

stutidaṇḍanamaskāraiḥ pradakṣiṇairaharniśam| brāhmaṇānbhojayettatra bhakṣyabhojyaiḥ pṛthagvidhaiḥ| ekena bhojitenaiva koṭirbhavati bhojitā

स्तुति, दण्डवत् प्रणाम और प्रदक्षिणाओं से रात-दिन पूजा करे। वहाँ ब्राह्मणों को विविध प्रकार के भक्ष्य-भोज्य पदार्थों से भोजन कराना चाहिए। एक को भोजन कराने से ही एक करोड़ को भोजन कराने का फल मिलता है।

श्लोक 7 (skanda.7.344.7)

कृते सिद्धोदकंनाम तत्तीर्थं परिकीर्त्तितम्। जरद्गवेश्वरं तीर्थं कलौ तु परिकीर्त्यते

kṛte siddhodakaṁ nāma tattīrthaṁ parikīrtitam| jaradgaveśvaraṁ tīrthaṁ kalau tu parikīrtyate

सत्ययुग में वह तीर्थ सिद्धोदक नाम से प्रसिद्ध था; कलियुग में वही तीर्थ जरद्गवेश्वर नाम से विख्यात है।