दामोदरमाहात्म्यवर्णनम्

श्लोक 1 (skanda.7.366.1)

ईश्वर उवाच। अथ ते संप्रवक्ष्यामि क्षेत्रगर्भं महोदयम्। तद्वस्त्रापथमाहात्म्यं यत्र रैवतको गिरिः

īśvara uvāca| atha te saṁpravakṣyāmi kṣetragarbhaṁ mahodayam| tadvastrāpathamāhātmyaṁ yatra raivatako giriḥ

ईश्वर ने कहा—अब मैं तुम्हें क्षेत्र के गर्भ का महान् माहात्म्य बताता हूँ, अर्थात् वस्त्रापथ का वह माहात्म्य जहाँ रैवतक पर्वत स्थित है।

श्लोक 2 (skanda.7.366.2)

दामोदरं रैवतके भवं वस्त्रापथे तथा। एतद्रैवतकं क्षेत्रं वस्त्रापथमिति स्मृतम्

dāmodaraṁ raivatake bhavaṁ vastrāpathe tathā| etadraivatakaṁ kṣetraṁ vastrāpathamiti smṛtam

दामोदर रैवतक पर वैसे ही विराजते हैं जैसे वस्त्रापथ में; यही रैवतक क्षेत्र वस्त्रापथ के नाम से स्मृत है।

श्लोक 3 (skanda.7.366.3)

सुवर्णरेवा यत्रस्था नदी पातकनाशनी। यत्र साक्षात्स्थितः कृष्णो दामोदर इति स्मृतः

suvarṇarevā yatrasthā nadī pātakanāśinī| yatra sākṣātsthitaḥ kṛṣṇo dāmodara iti smṛtaḥ

जहाँ सुवर्णरेवा नामक पापनाशिनी नदी स्थित है, जहाँ स्वयं कृष्ण साक्षात् दामोदर नाम से स्थित हैं।

श्लोक 4 (skanda.7.366.4)

यत्र स्थितं मृगीकुण्डं महापातकनाशनम्। सकृच्छ्राद्धे कृते यत्र कल्पकोटिसहस्रकम्। पितॄणां जायते तृप्तिरपुनर्भवकांक्षिणी

yatra sthitaṁ mṛgīkuṇḍaṁ mahāpātakanāśanam| sakṛcchrāddhe kṛte yatra kalpakoṭisahasrakam| pitṝṇāṁ jāyate tṛptirapunarbhavakāṁkṣiṇī

जहाँ महापातकनाशक मृगीकुण्ड स्थित है, जहाँ एक बार श्राद्ध करने पर पितरों को हजार करोड़ कल्पों तक वह तृप्ति प्राप्त होती है जो पुनर्जन्म न चाहने की कामना से युक्त है।

श्लोक 5 (skanda.7.366.5)

देव्युवाच। भगवन्विस्तराद्ब्रूहि दामोदरमहोदयम्। क्षेत्रगर्भस्य माहात्म्यं कर्णिकारूपसंस्थितम्

devyuvāca| bhagavanvistarādbrūhi dāmodaramahodayam| kṣetragarbhasya māhātmyaṁ karṇikārūpasaṁsthitam

देवी ने कहा—हे भगवन्, दामोदर के महान् माहात्म्य को विस्तारपूर्वक कहिए, क्षेत्र के गर्भ के उस माहात्म्य को जो कर्णिका के रूप में स्थित है।

श्लोक 6 (skanda.7.366.6)

ईश्वर उवाच। शृणु देवि प्रवक्ष्यामि दामोदरहरिं प्रति। इतिहासं पुराख्यातमृषिभिः कल्पवासिभिः

īśvara uvāca| śṛṇu devi pravakṣyāmi dāmodarahariṁ prati| itihāsaṁ purākhyātamṛṣibhiḥ kalpavāsibhiḥ

ईश्वर ने कहा—हे देवि, सुनो, मैं हरि दामोदर के विषय में वह प्राचीन इतिहास कहता हूँ जो कल्पों में निवास करने वाले ऋषियों द्वारा पूर्वकाल में कहा गया था।

श्लोक 7 (skanda.7.366.7)

गंगातीरे शुभे रम्ये पुण्ये जनपदाकुले। ऋषिभिः सेविते नित्यं स्वर्गमार्गप्रदे ध्रुवम्

gaṁgātīre śubhe ramye puṇye janapadākule| ṛṣibhiḥ sevite nityaṁ svargamārgapade dhruvam

गंगा के उस शुभ, रमणीय, पुण्य तथा जनपदों से भरे तट पर, जो सदा ऋषियों द्वारा सेवित है और निश्चय ही स्वर्ग का मार्ग देने वाला है—

श्लोक 8 (skanda.7.366.8)

तत्र ज्ञानविदो विप्रा यजंति विविधैर्मखैः। ऋषयः सांख्ययोगेन दानेनैवेतरे जनाः

tatra jñānavido viprā yajaṁti vividhairmakhaiḥ| ṛṣayaḥ sāṁkhyayogena dānenaivetare janāḥ

वहाँ ज्ञानी ब्राह्मण विविध यज्ञों से यजन करते हैं, ऋषिगण सांख्य-योग से, तथा अन्य लोग केवल दान से।

श्लोक 9 (skanda.7.366.9)

ब्राह्मणाः क्षत्रिया वैश्याः शूद्रा स्वर्गमभीप्सवः। सेवंते तज्जलं दिव्यं देवानामपि दुर्लभम्

brāhmaṇāḥ kṣatriyā vaiśyāḥ śūdrā svargamabhīpsavaḥ| sevaṁte tajjalaṁ divyaṁ devānāmapi durlabham

स्वर्ग की इच्छा रखने वाले ब्राह्मण, क्षत्रिय, वैश्य तथा शूद्र उस दिव्य जल का सेवन करते हैं, जो देवताओं के लिए भी दुर्लभ है।

श्लोक 10 (skanda.7.366.10)

तत्र राजा गजोनाम बली सर्वजनाधिपः। गंगाजलाभिषेकार्थं त्यक्वा राज्यं जगाम ह

tatra rājā gajonāma balī sarvajanādhipaḥ| gaṁgājalābhiṣekārthaṁ tyakvā rājyaṁ jagāma ha

वहाँ गज नामक एक बलवान् राजा था, जो समस्त प्रजा का अधिपति था; वह गंगाजल में अभिषेक के लिए राज्य त्यागकर चला गया।

श्लोक 11 (skanda.7.366.11)

भार्या तस्य सती साध्वी पुत्रिणी रूपसंयुता। साऽप्ययात्सह तेनैव भर्त्रा वै भर्तृवत्सला

bhāryā tasya satī sādhvī putriṇī rūpasaṁyutā| sā'pyayātsaha tenaiva bhartrā vai bhartṛvatsalā

उसकी पत्नी सती-साध्वी, पुत्रवती तथा सुरूपा थी; वह भी अपने पति के प्रति स्नेहशील होकर उसी के साथ चली गई।

श्लोक 12 (skanda.7.366.12)

संगता नाम नाम्ना च दक्षा दाक्षायणी यथा। एवं निवसतोस्तत्र वर्षाणामयुतं गतम्

saṁgatā nāma nāmnā ca dakṣā dākṣāyaṇī yathā| evaṁ nivasatostatra varṣāṇāmayutaṁ gatam

उसका नाम संगता था, और वह दक्ष-पुत्री सती के समान निपुण थी। इस प्रकार दोनों के वहाँ रहते-रहते दस हजार वर्ष बीत गए।

श्लोक 13 (skanda.7.366.13)

आजगाम ऋषिस्तत्र भद्रोनाम महायशाः। सहितो बहुभिर्विप्रैर्जपहोमपरायणैः

ājagāma ṛṣistatra bhadronāma mahāyaśāḥ| sahito bahubhirviprairjapahomaparāyaṇaiḥ

वहाँ भद्र नामक एक महायशस्वी ऋषि आए, जो जप और होम में तत्पर अनेक ब्राह्मणों के साथ थे।

श्लोक 14 (skanda.7.366.14)

त्यक्त्वा संसारमार्गं तु स्वर्गमार्गजिगीषवः। गंगानिषेवणं कृत्वा स्फोटयित्वाऽऽत्मजं मलम्

tyaktvā saṁsāramārgaṁ tu svargamārgajigīṣavaḥ| gaṁgāniṣevaṇaṁ kṛtvā sphoṭayitvā''tmajaṁ malam

संसार-मार्ग को त्यागकर, स्वर्ग-मार्ग के इच्छुक वे ऋषि गंगा का सेवन करके तथा शरीर के मल को धोकर—

श्लोक 15 (skanda.7.366.15)

जलं दत्त्वा तु भूतेभ्यः पूजयित्वा जनार्द्दनम्। यावद्यांति नदीतीर ऋषयो भद्रकादयः। तावत्पश्यंति राजानं गजं वरगजोपमम्

jalaṁ dattvā tu bhūtebhyaḥ pūjayitvā janārddanam| yāvadyāṁti nadītīra ṛṣayo bhadrakādayaḥ| tāvatpaśyaṁti rājānaṁ gajaṁ varagajopamam

तथा भूतों को जल देकर और जनार्दन की पूजा करके, ज्यों ही भद्र आदि ऋषि नदी-तट पर जा रहे थे, त्यों ही उन्होंने श्रेष्ठ गज के समान राजा गज को देखा।

श्लोक 16 (skanda.7.366.16)

तेनैव दृष्टा मुनयो राज्ञा निहतकल्मषाः। सप्तर्षयो यथा स्वर्गे सुरराजेन धीमता

tenaiva dṛṣṭā munayo rājñā nihatakalmaṣāḥ| saptarṣayo yathā svarge surarājena dhīmatā

उसी राजा ने उन पापरहित मुनियों को देखा, जैसे स्वर्ग में बुद्धिमान् देवराज सप्तर्षियों को देखते हैं।

श्लोक 17 (skanda.7.366.17)

तमृषिं स च संप्रेक्ष्य पदानि दश पंच च। आगच्छन्त्वत्र पूजार्हा भवतो मम मन्दिरम्

tamṛṣiṁ sa ca saṁprekṣya padāni daśa paṁca ca| āgacchantvatra pūjārhā bhavato mama mandiram

उस ऋषि को देखकर तथा पंद्रह पग आगे बढ़कर उसने कहा—हे पूजा के योग्य आप सब मेरे इस भवन में पधारें।

श्लोक 18 (skanda.7.366.18)

पश्यंतु संगतां सर्वे मम भार्यां यशस्विनीम्। तस्याः पूजां समादाय यो मार्गो मनसि स्थितः

paśyaṁtu saṁgatāṁ sarve mama bhāryāṁ yaśasvinīm| tasyāḥ pūjāṁ samādāya yo mārgo manasi sthitaḥ

आप सब मेरी यशस्विनी पत्नी संगता को देखें; उससे पूजा ग्रहण करके फिर उस मार्ग पर चलें जो आपके मन में स्थित है।

श्लोक 19 (skanda.7.366.19)

तं गच्छध्वं महाभागाः पुण्याः पुण्यमभीप्सवः। एवमुक्तास्तु ते राज्ञा ऋषयः कौतुकान्विताः। आजग्मुर्मंदिरं शुभ्रं पुरंदरपुरोपमम्

taṁ gacchadhvaṁ mahābhāgāḥ puṇyāḥ puṇyamabhīpsavaḥ| evamuktāstu te rājñā ṛṣayaḥ kautukānvitāḥ| ājagmurmaṁdiraṁ śubhraṁ puraṁdarapuropamam

हे महाभाग्यशाली, पुण्यात्मा तथा पुण्य के इच्छुक ऋषियो, उसी मार्ग पर चलें। राजा द्वारा ऐसा कहे जाने पर वे ऋषि कौतुकयुक्त होकर उसके इंद्रपुरी के समान उज्ज्वल भवन में आए।

श्लोक 20 (skanda.7.366.20)

आसनानि विचित्राणि दत्त्वा तेषां मनस्विनी। संगता राजराजेन सार्द्धमग्रे व्यवस्थिता

āsanāni vicitrāṇi dattvā teṣāṁ manasvinī| saṁgatā rājarājena sārddhamagre vyavasthitā

बुद्धिमती संगता उन्हें विचित्र आसन देकर राजाधिराज के साथ उनके सामने खड़ी हुई।

श्लोक 21 (skanda.7.366.21)

कृत्वा करपुटं राजा ऋषीणां पुण्यकर्मणाम्। बभाषे वचनं राजा भद्रो भद्रं सुसंगतम्

kṛtvā karapuṭaṁ rājā ṛṣīṇāṁ puṇyakarmaṇām| babhāṣe vacanaṁ rājā bhadro bhadraṁ susaṁgatam

पुण्यकर्मा ऋषियों के समक्ष हाथ जोड़कर राजा ने भद्र मुनि से सुसंगत तथा मंगलमय वचन कहे।

श्लोक 22 (skanda.7.366.22)

वसुधा वसुसंपूर्णा मंडिता नगरी पुरी। पर्वतैश्च समुद्रैश्च सरिद्भिश्च सरोवरैः

vasudhā vasusaṁpūrṇā maṁḍitā nagarī purī| parvataiśca samudraiśca saridbhiśca sarovaraiḥ

यह धरती धन-धान्य से परिपूर्ण है, नगरों और पुरों से सुसज्जित है, पर्वतों, समुद्रों, नदियों तथा सरोवरों से युक्त है—

श्लोक 23 (skanda.7.366.23)

ग्रामैश्चतुष्पथैर्घोरैर्गोकुलैराकुलीकृता। नररत्नैरश्वरत्नैर्गजरत्नैस्तु संकुला

grāmaiścatuṣpathairghoraiḥ gokulairākulīkṛtā| nararatnairaśvaratnairgajaratnaistu saṁkulā

गाँवों तथा भयावह चौराहों से भरी, गोकुलों से व्याप्त, तथा नर-रत्नों, अश्व-रत्नों और गज-रत्नों से परिपूर्ण है।

श्लोक 24 (skanda.7.366.24)

दुस्त्यजा भोगभोक्तृणां परं ज्ञानमजानताम्। संसारेऽत्र महाघोरे पुनरावृत्तिकारिणि

dustyajā bhogabhoktṛṇāṁ paraṁ jñānamajānatām| saṁsāre'tra mahāghore punarāvṛttikāriṇi

किंतु जो भोगों को भोगने वाले हैं और परम ज्ञान को नहीं जानते, उनके लिए इस भयंकर तथा पुनरावृत्तिकारी संसार का त्याग कठिन है।

श्लोक 25 (skanda.7.366.25)

पतंति पुरुषा भद्र पत्राणीव पुनःपुनः। कृतेन येन विप्रेंद्र स्वर्गं प्राप्नोति निर्मलम्। दानेन तपसा चैव तत्त्वमा चक्ष्व सुव्रत

pataṁti puruṣā bhadra patrāṇīva punaḥpunaḥ| kṛtena yena viprendra svargaṁ prāpnoti nirmalam| dānena tapasā caiva tattvamā cakṣva suvrata

हे भद्र, मनुष्य पत्तों के समान बार-बार गिरते हैं। हे विप्रेंद्र, हे सुव्रत, मुझे सत्य बताइए कि किस कर्म से—दान से अथवा तप से—मनुष्य निर्मल स्वर्ग को प्राप्त करता है।

श्लोक 26 (skanda.7.366.26)

भद्र उवाच। तीर्थानि तोयपूर्णानि देवाः पाषाणमृन्मयाः। आत्मस्थं ये न पश्यंति ते न पश्यंति तत्परम्

bhadra uvāca| tīrthāni toyapūrṇāni devāḥ pāṣāṇamṛnmayāḥ| ātmasthaṁ ye na paśyaṁti te na paśyaṁti tatparam

भद्र ने कहा—तीर्थ जल से भरे हैं, देवता पत्थर और मिट्टी के बने हैं; जो अपने भीतर स्थित आत्मा को नहीं देखते, वे उस परम तत्त्व को भी नहीं देख पाते।

श्लोक 27 (skanda.7.366.27)

संति तीर्थान्यनेकानि पुण्यान्यायतनानि च। पुण्यतोया पवित्रश्च सरितः सागरास्तथा। बहुपुण्यप्रदा पृथ्वी स्थानेस्थाने पदेपदे

saṁti tīrthānyanekāni puṇyānyāyatanāni ca| puṇyatoyā pavitraśca saritaḥ sāgarāstathā| bahupuṇyapradā pṛthvī sthānesthāne padepade

अनेक पुण्यमय तीर्थ तथा पवित्र स्थान हैं; नदियाँ तथा समुद्र पुण्यजल से पवित्र हैं; और यह पृथ्वी प्रत्येक स्थान पर, प्रत्येक पग पर बहुत पुण्य देने वाली है।

श्लोक 28 (skanda.7.366.28)

यद्यस्ति तव राजेंद्र ज्ञानं ज्ञानवतां वर। विष्णुं जिष्णुं हृषीकेशं शंखिनं गदिनं तथा

yadyasti tava rājeṁdra jñānaṁ jñānavatāṁ vara| viṣṇuṁ jiṣṇuṁ hṛṣīkeśaṁ śaṁkhinaṁ gadinaṁ tathā

हे राजेंद्र, हे ज्ञानवानों में श्रेष्ठ, यदि तुम्हें ज्ञान है तो जानो—विष्णु, जिष्णु, हृषीकेश, शंखधारी तथा गदाधारी को,

श्लोक 29 (skanda.7.366.29)

चतुर्भुजं महाबाहुं प्रभासे दैत्यसूदनम्। वाराहं वामनं चैव नारसिंहं बलार्जुनम्

caturbhujaṁ mahābāhuṁ prabhāse daityasūdanam| vārāhaṁ vāmanaṁ caiva nārasiṁhaṁ balārjunam

चतुर्भुज, महाबाहु, प्रभास में दैत्यों के संहारकर्ता को, वाराह, वामन, नरसिंह तथा अर्जुन के बलस्वरूप को,

श्लोक 30 (skanda.7.366.30)

रामं रामं च रामं च पुरुषोत्तममेव च। पुंडरीकेक्षणं चैव गदापाणिं तथैव च

rāmaṁ rāmaṁ ca rāmaṁ ca puruṣottamameva ca| puṁḍarīkekṣaṇaṁ caiva gadāpāṇiṁ tathaiva ca

परशुराम, रामचंद्र तथा बलराम को, स्वयं पुरुषोत्तम को, कमलनयन तथा गदापाणि को,

श्लोक 31 (skanda.7.366.31)

राघवं शक्रदमनं गोविंदं बहुपुण्यदम्। जयं च भूधरं चैव देवदेवं जनार्द्दनम्

rāghavaṁ śakradamanaṁ goviṁdaṁ bahupuṇyadam| jayaṁ ca bhūdharaṁ caiva devadevaṁ janārddanam

राघव को, इंद्र के मद को दमन करने वाले को, बहुत पुण्य देने वाले गोविंद को, जय को, पृथ्वी को धारण करने वाले देवदेव जनार्दन को,

श्लोक 32 (skanda.7.366.32)

सुरोत्तमं श्रीधरं च हरिं योगीश्वरं तथा। कपिलेशं भूतनाथं श्वेतद्वीपपतिं हरिम्

surottamaṁ śrīdharaṁ ca hariṁ yogīśvaraṁ tathā| kapileśaṁ bhūtanāthaṁ śvetadvīpapatiṁ harim

देवताओं में श्रेष्ठ श्रीधर को, योगीश्वर हरि को, कपिलेश्वर को, भूतनाथ को, श्वेतद्वीप के स्वामी हरि को,

श्लोक 33 (skanda.7.366.33)

बदर्याश्रमवासौ च नरनारायणौ तथा। पद्मनाभं सुनाभं च हयग्रीवं विशां पते

badaryāśramavāsau ca naranārāyaṇau tathā| padmanābhaṁ sunābhaṁ ca hayagrīvaṁ viśāṁ pate

हे प्रजापते, बदरी आश्रम के निवासी नर-नारायण को, पद्मनाभ, सुनाभ तथा हयग्रीव को भी जानो,

श्लोक 34 (skanda.7.366.34)

द्विजनाथं धरानाथं खड्गपाणिं तथैव च। दामोदरं जलावासं सर्वपापहरं हरिम्

dvijanāthaṁ dharānāthaṁ khaḍgapāṇiṁ tathaiva ca| dāmodaraṁ jalāvāsaṁ sarvapāpaharaṁ harim

द्विजों के स्वामी को, पृथ्वी के स्वामी को, खड्गधारी को, तथा जल में निवास करने वाले, सब पापों को हरने वाले हरि दामोदर को।

श्लोक 35 (skanda.7.366.35)

एतान्येव हि स्थानानि देवदेवस्य चक्रिणः। गच्छते यत्र तत्रैव मुच्यते सर्वपातकैः

etānyeva hi sthānāni devadevasya cakriṇaḥ| gacchate yatra tatraiva mucyate sarvapātakaiḥ

ये ही चक्रधारी देवाधिदेव के स्थान हैं; जो भी इनमें से कहीं भी जाता है, वह सब पापों से मुक्त हो जाता है।

श्लोक 36 (skanda.7.366.36)

गंगा च यमुना चैव तथा देवी सरस्वती। दृषद्वती गोमती च तापी कावेरिणी तथा

gaṁgā ca yamunā caiva tathā devī sarasvatī| dṛṣadvatī gomatī ca tāpī kāveriṇī tathā

गंगा, यमुना, तथा देवी सरस्वती, दृषद्वती, गोमती, तापी तथा कावेरी—

श्लोक 37 (skanda.7.366.37)

नर्मदा शर्मदा चैव नदी गोदावरी तथा। शतद्रुश्च तथा विंध्या पयोष्णी वरदा तथा

narmadā śarmadā caiva nadī godāvarī tathā| śatadruśca tathā viṁdhyā payoṣṇī varadā tathā

सुख देने वाली नर्मदा, नदी गोदावरी, शतद्रु, विंध्या, पयोष्णी तथा वरदा—

श्लोक 38 (skanda.7.366.38)

चर्मण्वती च सरयूर्गंडकी चंडपापहा। चंद्रभागा विपाशा च शोणश्चैव पुनःपुनः

carmaṇvatī ca sarayurgaṁḍakī caṁḍapāpahā| caṁdrabhāgā vipāśā ca śoṇaścaiva punaḥpunaḥ

चर्मण्वती, सरयू, भीषण पापों को हरने वाली गंडकी, चंद्रभागा, विपाशा, तथा बार-बार स्मरणीय शोण नदी—

श्लोक 39 (skanda.7.366.39)

एताश्चान्याश्च बहवो हिमवत्प्रभवाः शुभाः। तासु स्नातो नरः स्वर्गं याति पातकवर्जितः

etāścānyāśca bahavo himavatprabhavāḥ śubhāḥ| tāsu snāto naraḥ svargaṁ yāti pātakavarjitaḥ

ये तथा हिमालय से उत्पन्न अन्य अनेक शुभ नदियाँ हैं; इनमें स्नान करने वाला मनुष्य पापरहित होकर स्वर्ग जाता है।

श्लोक 40 (skanda.7.366.40)

वनानि नंदनादीनि पर्वता मंदरादयः। नामोच्चारेण येषां हि पापं याति रसातले

vanāni naṁdanādīni parvatā maṁdarādayaḥ| nāmoccāreṇa yeṣāṁ hi pāpaṁ yāti rasātale

नंदन आदि वन, मंदर आदि पर्वत—जिनके केवल नाम के उच्चारण से ही पाप रसातल को चला जाता है।

श्लोक 41 (skanda.7.366.41)

गज उवाच। भद्रं हि भाषितं भद्र आख्यानममृतोपमम्। पृच्छामि सर्वधर्मज्ञ त्वामहं किंचिदेव हि

gaja uvāca| bhadraṁ hi bhāṣitaṁ bhadra ākhyānamamṛtopamam| pṛcchāmi sarvadharmajña tvāmahaṁ kiṁcideva hi

गज ने कहा—हे भद्र, आपने जो अमृत के समान आख्यान कहा है वह मंगलमय है। हे सर्वधर्मज्ञ, मैं आपसे कुछ और पूछना चाहता हूँ।

श्लोक 42 (skanda.7.366.42)

यस्मिन्मासे दिने यस्मिंस्तीर्थे यस्मिन्क्रमान्नरैः। अक्षयं सेव्यते स्वर्गस्तन्ममाचक्ष्व सुव्रत

yasminmāse dine yasmiṁstīrthe yasminkramānnaraiḥ| akṣayaṁ sevyate svargastanmamācakṣva suvrata

किस मास में, किस दिन, किस तीर्थ में, किस विधि से मनुष्यों द्वारा सेवन किए जाने पर अक्षय स्वर्ग प्राप्त होता है—हे सुव्रत, वह मुझे बताइए।

श्लोक 43 (skanda.7.366.43)

स्नानं दानं जपो होमः स्वाध्यायो देवतार्चनम्। अक्षयो येन वै स्वर्गस्तन्मे गदितुमर्हसि

snānaṁ dānaṁ japo homaḥ svādhyāyo devatārcanam| akṣayo yena vai svargastanme gaditumarhasi

स्नान, दान, जप, होम, स्वाध्याय अथवा देवता की अर्चना—इनमें से किससे अक्षय स्वर्ग मिलता है, यह मुझे बताने योग्य हैं आप।

श्लोक 44 (skanda.7.366.44)

भद्र उवाच। श्रूयतां राजशार्दूल कथां कथयतो मम। यां श्रुत्वा मुच्यते पापान्नरो नरवरोत्तम

bhadra uvāca| śrūyatāṁ rājaśārdūla kathāṁ kathayato mama| yāṁ śrutvā mucyate pāpānnaro naravarottama

भद्र ने कहा—हे राजशार्दूल, हे नरवरोत्तम, मेरे द्वारा कही जाने वाली उस कथा को सुनो, जिसे सुनकर मनुष्य पापों से मुक्त हो जाता है।

श्लोक 45 (skanda.7.366.45)

ऋषीणां कथितं पूर्वं नारदेन महात्मना

ṛṣīṇāṁ kathitaṁ pūrvaṁ nāradena mahātmanā

यह कथा पूर्वकाल में महात्मा नारद द्वारा ऋषियों को कही गई थी।

श्लोक 46 (skanda.7.366.46)

एवं पृष्टश्च तैः सर्वैर्नारदो मुनिसत्तमः। कथयामास संहृष्टो मेघदुदुभिनिस्वनैः

evaṁ pṛṣṭaśca taiḥ sarvairnārado munisattamaḥ| kathayāmāsa saṁhṛṣṭo meghadudubhinisvanaiḥ

इस प्रकार उन सबके द्वारा पूछे जाने पर मुनिश्रेष्ठ नारद ने प्रसन्न होकर, मेघ और दुंदुभि के समान गंभीर स्वर में, यह कथा सुनाई।

श्लोक 47 (skanda.7.366.47)

रम्ये हिमवतः पृष्ठे समवाये मया श्रुतम्। तदहं तव वक्ष्यामि श्रोतुकामं नरर्षभ

ramye himavataḥ pṛṣṭhe samavāye mayā śrutam| tadahaṁ tava vakṣyāmi śrotukāmaṁ nararṣabha

हिमालय के रमणीय शिखर पर उस सभा में मैंने इसे सुना था; हे नरश्रेष्ठ, सुनने के इच्छुक तुम्हें अब मैं वही सुनाता हूँ।

श्लोक 48 (skanda.7.366.48)

तीर्थान्येव हि सर्वाणि पुनरावर्त्तकानि तु। अक्षयाँल्लभते लोकांस्तत्तीर्थं कथयामि ते

tīrthānyeva hi sarvāṇi punarāvarttakāni tu| akṣayāṁllabhate lokāṁstattīrthaṁ kathayāmi te

सभी तीर्थ तो पुनरावृत्ति कराने वाले हैं अर्थात् वहाँ से पुनः लौटना पड़ता है; किंतु मैं तुम्हें उस तीर्थ के विषय में बताता हूँ, जहाँ से अक्षय लोक प्राप्त होते हैं।

श्लोक 49 (skanda.7.366.49)

मार्गशीर्षे कान्यकुब्ज उषित्वा राजसत्तम। न शोचति नरो नारी स्वर्गं याति परावरम्

mārgaśīrṣe kānyakubja uṣitvā rājasattama| na śocati naro nārī svargaṁ yāti parāvaram

हे राजसत्तम, मार्गशीर्ष मास में कान्यकुब्ज में निवास करके पुरुष अथवा स्त्री शोक नहीं करता, तथा सर्वोत्तम स्वर्ग को प्राप्त होता है।

श्लोक 50 (skanda.7.366.50)

पौषस्य पौर्णमासी या यदि सा क्रियतेऽर्बुदे। वर्षाणामर्बुदं स्वर्गे मोदते पितृभिः सह

pauṣasya paurṇamāsī yā yadi sā kriyate'rbude| varṣāṇāmarbudaṁ svarge modate pitṛbhiḥ saha

यदि पौष मास की पूर्णिमा अर्बुद पर्वत पर मनाई जाए, तो मनुष्य पितरों के साथ करोड़ों वर्षों तक स्वर्ग में आनंद पाता है।

श्लोक 51 (skanda.7.366.51)

माघ्यां यदि गयाश्राद्धं पितॄणां यच्छते नरः। त्रयाणामपि देवानां चतुर्थः स प्रजायते

māghyāṁ yadi gayāśrāddhaṁ pitṝṇāṁ yacchate naraḥ| trayāṇāmapi devānāṁ caturthaḥ sa prajāyate

यदि माघ मास में मनुष्य गया में पितरों का श्राद्ध करता है, तो वह त्रिदेवों के साथ चौथे रूप में जन्म लेता है।

श्लोक 52 (skanda.7.366.52)

फाल्गुन्यां हिमवत्पृष्ठे वसन्नेकां निशां नरः। स याति परमं स्थानं यत्र देवो जनार्द्दनः

phālgunyāṁ himavatpṛṣṭhe vasannekāṁ niśāṁ naraḥ| sa yāti paramaṁ sthānaṁ yatra devo janārddanaḥ

फाल्गुन मास में हिमालय के शिखर पर एक रात्रि बिताने वाला मनुष्य उस परम स्थान को जाता है जहाँ देव जनार्दन निवास करते हैं।

श्लोक 53 (skanda.7.366.53)

चैत्र्यां श्राद्धं प्रभासे तु ये कुर्वंति मनीषिणः। न ते मर्त्त्या भवन्तीह कुलजैः सह सत्तमाः

caitryāṁ śrāddhaṁ prabhāse tu ye kurvaṁti manīṣiṇaḥ| na te marttyā bhavantīha kulajaiḥ saha sattamāḥ

जो विवेकी लोग चैत्र मास में प्रभास क्षेत्र में श्राद्ध करते हैं, वे श्रेष्ठजन अपने कुल के साथ इस लोक में मर्त्य नहीं रहते।

श्लोक 54 (skanda.7.366.54)

चतुर्भुजे तु वैशाख्यां ये कुर्वंति जलप्रिये। तथावंत्यां नरः कश्चित्स याति परमां गतिम्

caturbhuje tu vaiśākhyāṁ ye kurvaṁti jalapriye| tathāvaṁtyāṁ naraḥ kaścitsa yāti paramāṁ gatim

जो वैशाख मास में जल-प्रिय चतुर्भुज तीर्थ में अथवा अवंती में कर्म करते हैं, वह मनुष्य परम गति को प्राप्त होता है।

श्लोक 55 (skanda.7.366.55)

ज्यैष्ठ्यां ज्येष्ठर्क्षयुक्तायां श्राद्धं च त्रितकूपके। कुर्युर्युगानि ते त्रीणि वसंति नाकसद्मनि

jyaiṣṭhyāṁ jyeṣṭharkṣayuktāyāṁ śrāddhaṁ ca tritakūpake| kuryuryugāni te trīṇi vasaṁti nākasadmani

जो लोग ज्येष्ठ नक्षत्र से युक्त ज्येष्ठ मास में त्रितकूप में श्राद्ध करते हैं, वे तीन युगों तक स्वर्ग-भवन में निवास करते हैं।

श्लोक 56 (skanda.7.366.56)

यो व्रजेशवने नद्यां दिनानि नव पंच च। तिष्ठते च नरः स्वर्गं वैकुण्ठमभिगच्छति

yo vrajeśavane nadyāṁ dināni nava paṁca ca| tiṣṭhate ca naraḥ svargaṁ vaikuṇṭhamabhigacchati

जो मनुष्य व्रजेश वन में नदी के तट पर चौदह दिन तक ठहरता है, वह स्वर्ग को, अर्थात् वैकुंठ को प्राप्त होता है।

श्लोक 57 (skanda.7.366.57)

श्रावणस्य तु मासस्य पूर्णायां पूर्वसागरे। स्नानं दानं जपं श्राद्धं नरः कुर्वन्न शोचति

śrāvaṇasya tu māsasya pūrṇāyāṁ pūrvasāgare| snānaṁ dānaṁ japaṁ śrāddhaṁ naraḥ kurvanna śocati

श्रावण मास की पूर्णिमा को पूर्व सागर में स्नान, दान, जप तथा श्राद्ध करने वाला मनुष्य शोक नहीं करता।

श्लोक 58 (skanda.7.366.58)

तथा भाद्रपदे क्षेत्रे प्रभासे शशिभूषणम्। पूजयित्वा नरो लिंगं देवलिंगी भवेत्ततः

tathā bhādrapade kṣetre prabhāse śaśibhūṣaṇam| pūjayitvā naro liṁgaṁ devaliṁgī bhavettataḥ

इसी प्रकार भाद्रपद मास में प्रभास क्षेत्र में चंद्रभूषण के लिंग की पूजा करने वाला मनुष्य तब देव-स्वरूप हो जाता है।

श्लोक 59 (skanda.7.366.59)

आश्विने चंद्रभागायां श्राद्धं स्नानं करोति यः। स्थानं युगसहस्राणां कृतं तेन त्रिविष्टपे

āśvine caṁdrabhāgāyāṁ śrāddhaṁ snānaṁ karoti yaḥ| sthānaṁ yugasahasrāṇāṁ kṛtaṁ tena triviṣṭape

आश्विन मास में चंद्रभागा नदी पर जो श्राद्ध तथा स्नान करता है, उसने स्वर्ग में हजार युगों के लिए स्थान अर्जित कर लिया।

श्लोक 60 (skanda.7.366.60)

अष्टाक्षरैश्चतुर्बाहुं ध्यायंति मुनिसत्तमाः। बहुनाऽत्र किमुक्तेन गजाहं प्रवदामि ते

aṣṭākṣaraiścaturbāhuṁ dhyāyaṁti munisattamāḥ| bahunā'tra kimuktena gajāhaṁ pravadāmi te

श्रेष्ठ मुनि अष्टाक्षर मंत्र से चतुर्भुज भगवान् का ध्यान करते हैं। हे गज, यहाँ अधिक कहने से क्या लाभ? मैं तुम्हें सार बताता हूँ।

श्लोक 61 (skanda.7.366.61)

दामोदरसमं तीर्थं न भूतं न भविष्यति। मासानां कार्त्तिकः श्रेष्ठः कार्त्तिके भीष्मपंचकम्

dāmodarasamaṁ tīrthaṁ na bhūtaṁ na bhaviṣyati| māsānāṁ kārttikaḥ śreṣṭhaḥ kārttike bhīṣmapaṁcakam

दामोदर के समान तीर्थ न कभी हुआ है, न होगा। महीनों में कार्तिक श्रेष्ठ है, और कार्तिक में भीष्मपंचक श्रेष्ठ है।

श्लोक 62 (skanda.7.366.62)

तत्रापि द्वादशी श्रेष्ठा राजन्दामोदरे जले। किमन्यैर्बहुभिस्तीर्थेः कि क्षेत्रैः कि महावनैः। दामोदरे नरः स्नात्वा सर्वपापैः प्रमुच्यते

tatrāpi dvādaśī śreṣṭhā rājandāmodare jale| kimanyairbahubhistīrtheḥ ki kṣetraiḥ ki mahāvanaiḥ| dāmodare naraḥ snātvā sarvapāpaiḥ pramucyate

हे राजन्, उसमें भी दामोदर के जल में द्वादशी तिथि श्रेष्ठ है। अन्य अनेक तीर्थों से, क्षेत्रों से, महावनों से क्या लाभ? दामोदर में स्नान करके मनुष्य सब पापों से मुक्त हो जाता है।

श्लोक 63 (skanda.7.366.63)

गज उवाच। भद्र भद्रं त्वया प्रोक्तं रसायनमिवापरम्। भूयोऽहं श्रोतुमिच्छामि तीर्थस्यास्य महाफलम्

gaja uvāca| bhadra bhadraṁ tvayā proktaṁ rasāyanamivāparam| bhūyo'haṁ śrotumicchāmi tīrthasyāsya mahāphalam

गज ने कहा—हे भद्र, आपने जो कहा वह किसी दुर्लभ रसायन के समान मंगलमय है। मैं इस तीर्थ के महान् फल के विषय में और अधिक सुनना चाहता हूँ।

श्लोक 64 (skanda.7.366.64)

के देशाः किं प्रमाणं तु का नदी केः च पर्वताः। जना वसंति के तत्र ऋषयः के तपस्विनः

ke deśāḥ kiṁ pramāṇaṁ tu kā nadī keḥ ca parvatāḥ| janā vasaṁti ke tatra ṛṣayaḥ ke tapasvinaḥ

वहाँ के देश कौन से हैं, उसका विस्तार कितना है, कौन सी नदी है, कौन से पर्वत हैं, वहाँ कौन से लोग निवास करते हैं तथा कौन से ऋषि और तपस्वी हैं?

श्लोक 65 (skanda.7.366.65)

भद्र उवाच। पृथिवी वसुसंपूर्णा सागरेण तु वेष्टिता। मंडिता नगरैर्ग्रामैः सुरैः परपुरंजय

bhadra uvāca| pṛthivī vasusaṁpūrṇā sāgareṇa tu veṣṭitā| maṁḍitā nagarairgrāmaiḥ suraiḥ parapuraṁjaya

भद्र ने कहा—हे शत्रु-नगरों के विजेता, यह पृथ्वी धन-धान्य से परिपूर्ण है, समुद्र से घिरी है, तथा नगरों, गाँवों और देवताओं से सुसज्जित है।

श्लोक 66 (skanda.7.366.66)

वाराणसी प्रभासं च संगमं सितकृष्णयोः। एवं साराणि तीर्थानि यस्मान्मृत्युहराणि च

vārāṇasī prabhāsaṁ ca saṁgamaṁ sitakṛṣṇayoḥ| evaṁ sārāṇi tīrthāni yasmānmṛtyuharāṇi ca

वाराणसी, प्रभास, तथा श्वेत और श्याम नदियों का संगम—ये तीर्थ इसलिए सारभूत हैं क्योंकि ये मृत्यु का भी हरण करते हैं।

श्लोक 67 (skanda.7.366.67)

दामोदरेति ये नूनं स्मरंतो यत्र तत्र हि। ते वसंति हरेर्गेहं न सरंति कदाचन

dāmodareti ye nūnaṁ smaraṁto yatra tatra hi| te vasaṁti harergehaṁ na saraṁti kadācana

जो भी लोग जहाँ कहीं भी निश्चयपूर्वक 'दामोदर' का स्मरण करते हैं, वे हरि के घर में निवास करते हैं तथा कभी भटकते नहीं।

श्लोक 68 (skanda.7.366.68)

सोमनाथस्य सान्निध्य उदयन्तो गिरिर्महान्। तस्य पश्चिमभागे तु रैवतक इति स्मृतः

somanāthasya sānnidhya udayanto girirmahān| tasya paścimabhāge tu raivataka iti smṛtaḥ

सोमनाथ के समीप उदयंत नामक एक विशाल पर्वत है; उसके पश्चिम भाग में रैवतक नामक पर्वत स्मृत है।

श्लोक 69 (skanda.7.366.69)

वाहिनी वहते तत्र नदी कांचनशेखरात्। धातवस्तत्र ते रक्ताः श्वेता नीलास्तथाऽसिताः

vāhinī vahate tatra nadī kāṁcanaśekharāt| dhātavastatra te raktāḥ śvetā nīlāstathā'sitāḥ

वहाँ स्वर्णशिखर से एक नदी बहती है; वहाँ की धातुएँ लाल, श्वेत, नील तथा काली हैं।

श्लोक 70 (skanda.7.366.70)

पाषाणाः कुञ्जराकाराश्चान्ये सैरिभसन्निभाः। चणकाकृतयश्चान्ये अन्ये गोक्षुरकप्रभाः

pāṣāṇāḥ kuñjarākārāścānye sairibhasannibhāḥ| caṇakākṛtayaścānye anye gokṣurakaprabhāḥ

कुछ पत्थर हाथी के आकार के हैं, कुछ भैंसे के समान, कुछ चने के आकार के, तथा कुछ गाय के खुर के समान चमकीले हैं।

श्लोक 71 (skanda.7.366.71)

वृक्षा वल्ल्यश्च गुल्माश्च संतानाः संत्यनेकशः। सर्वं तत्कांचनमयं मूलं पुष्पं फलं दलम्

vṛkṣā vallyaśca gulmāśca saṁtānāḥ saṁtyanekaśaḥ| sarvaṁ tatkāṁcanamayaṁ mūlaṁ puṣpaṁ phalaṁ dalam

वहाँ अनेक प्रकार के वृक्ष, लताएँ, झाड़ियाँ तथा उनकी संतति हैं—वहाँ जड़, फूल, फल तथा पत्ता, सब सोने के बने हैं।

श्लोक 72 (skanda.7.366.72)

न हि पश्यति पापात्मा मुक्तः पापेन पश्यति। सेव्यते स गिरिर्नित्यं धातुवादपरैर्नरैः

na hi paśyati pāpātmā muktaḥ pāpena paśyati| sevyate sa girirnityaṁ dhātuvādaparairnaraiḥ

पापी आत्मा वाला व्यक्ति इसे नहीं देख पाता; पाप से मुक्त व्यक्ति ही इसे देख पाता है। उस पर्वत का सेवन नित्य ही रसवाद (धातुवाद) में लगे लोग करते हैं।

श्लोक 73 (skanda.7.366.73)

ब्राह्मणैः क्षत्रियैर्वैश्यैः शूद्रैः शूद्रानुगैर्बहिः। पक्षिणस्तत्र बहवः शिवाशिवगिरस्तदा

brāhmaṇaiḥ kṣatriyairvaiśyaiḥ śūdraiḥ śūdrānugairbahiḥ| pakṣiṇastatra bahavaḥ śivāśivagirastadā

ब्राह्मणों, क्षत्रियों, वैश्यों, शूद्रों तथा बाहर से आए उनके अनुयायियों द्वारा भी। वहाँ शुभ और अशुभ बोलियाँ बोलने वाले अनेक पक्षी हैं।

श्लोक 74 (skanda.7.366.74)

हंससारसचक्राह्वाः शुककोकिलबर्हिणः। मृगाश्च वानरेन्द्राश्च हंसा व्याघ्रास्तथैव च

haṁsasārasacakrāhvāḥ śukakokilabarhiṇaḥ| mṛgāśca vānareṁdrāśca haṁsā vyāghrāstathaiva ca

हंस, सारस तथा चक्रवाक पक्षी, शुक, कोकिल तथा मयूर; हिरण, श्रेष्ठ वानर, हंस तथा व्याघ्र भी वहाँ हैं।

श्लोक 75 (skanda.7.366.75)

तत्तीर्थस्य प्रभावेन न दुष्टान्याचरंति ते। कालेन मृत्युमायांति पशुपक्षिसरीसृपाः

tattīrthasya prabhāvena na duṣṭānyācaraṁti te| kālena mṛtyumāyāṁti paśupakṣisarīsṛpāḥ

उस तीर्थ के प्रभाव से वे दुष्ट आचरण नहीं करते; वहाँ के पशु, पक्षी तथा सरीसृप समय आने पर ही मृत्यु को प्राप्त होते हैं।

श्लोक 76 (skanda.7.366.76)

सर्वे विमानमारूढा गच्छन्ति हरिमन्दिरम्। वायुना पातितं यत्र पत्रपुष्पफलादिकम्

sarve vimānamārūḍhā gacchaṁti harimaṁdiram| vāyunā pātitaṁ yatra patrapuṣpaphalādikam

वे सब विमान पर आरूढ़ होकर हरि-मंदिर को जाते हैं—यहाँ तक कि वायु द्वारा गिराए गए पत्ते, फूल तथा फल भी उसी गति को पाते हैं।

श्लोक 77 (skanda.7.366.77)

तस्या नद्या जलं स्पृष्ट्वा सर्वं वै मुक्तिमाप्नुते। सा नदी पृथिवीं भित्त्वा पातालादागता नृप

tasyā nadyā jalaṁ spṛṣṭvā sarvaṁ vai muktimāpnute| sā nadī pṛthivīṁ bhittvā pātālādāgatā nṛpa

उस नदी के जल का स्पर्श करके सब कुछ मुक्ति प्राप्त कर लेता है। हे राजन्, वह नदी पृथ्वी को भेदकर पाताल से ऊपर आई है।

श्लोक 78 (skanda.7.366.78)

पूर्वं पन्नगराजस्तु तेन मार्गेण चागतः। स्नातुं दामोदरे तीर्थे यममृत्युप्रघातिनि

pūrvaṁ pannagarājastu tena mārgeṇa cāgataḥ| snātuṁ dāmodare tīrthe yamamṛtyupraghātini

पूर्वकाल में सर्पराज उसी मार्ग से आकर यम और मृत्यु को भी पराभूत करने वाले दामोदर तीर्थ में स्नान करने आया था।

श्लोक 79 (skanda.7.366.79)

स्वर्गादागत्य चन्द्रोऽपि यष्टुं यज्ञं सुपुष्कलम्। यक्ष्मरोगाद्विनिर्मुक्तो गतः स्वर्गं निरामयः

svargādāgatya candro'pi yaṣṭuṁ yajñaṁ supuṣkalam| yakṣmarogādvinirmukto gataḥ svargaṁ nirāmayaḥ

स्वर्ग से आकर चंद्रमा ने भी एक अत्यंत समृद्ध यज्ञ किया; क्षय रोग से मुक्त होकर वे नीरोग होकर स्वर्ग को लौट गए।

श्लोक 80 (skanda.7.366.80)

बलिना चैव दानानि दत्तान्यागत्य कार्तिके। हरिश्चन्द्रेण विधिना नलेन नहुषेण च

balinā caiva dānāni dattānyāgatya kārtike| hariścandreṇa vidhinā nalena nahuṣeṇa ca

कार्तिक मास में यहाँ आकर बलि ने दान दिए, तथा विधिपूर्वक हरिश्चंद्र, नल तथा नहुष ने भी,

श्लोक 81 (skanda.7.366.81)

नाभागेनांबरीषाद्यैः कृतं कर्म सुदुष्करम्। दत्त्वा दानान्यनेकानि गजा गावो हया रथाः

nābhāgenāṁbarīṣādyaiḥ kṛtaṁ karma suduṣkaram| dattvā dānānyanekāni gajā gāvo hayā rathāḥ

तथा नाभाग, अंबरीष आदि ने अत्यंत दुष्कर कर्म किए, हाथी, गाय, घोड़े, रथ आदि अनेक दान देकर,

श्लोक 82 (skanda.7.366.82)

अनडुत्कांचना भूमिं रत्नानि विविधानि च। छत्राणि विप्रमुख्येभ्यो यानानि चैव वाससी

anaḍutkāṁcanā bhūmiṁ ratnāni vividhāni ca| chatrāṇi vipramukhyebhyo yānāni caiva vāsasī

बैल, सोना, भूमि, विविध प्रकार के रत्न, श्रेष्ठ ब्राह्मणों को छत्र, वाहन तथा वस्त्र भी दिए,

श्लोक 83 (skanda.7.366.83)

अन्नानि रसमिश्राणि दत्त्वा दामोदराग्रतः। गतास्ते विष्णु भुवनं नागच्छंति महीतले

annāni rasamiśrāṇi dattvā dāmodarāgrataḥ| gatāste viṣṇu bhuvanaṁ nāgacchaṁti mahītale

तथा दामोदर के सम्मुख रसयुक्त अन्न देकर वे विष्णु-लोक को गए और अब पृथ्वी पर नहीं लौटते।

श्लोक 84 (skanda.7.366.84)

पत्रं पुष्पं फलं तोयं तस्मिंस्तीर्थे ददाति यः। द्विजानां भक्तिसंयुक्तः स याति जलशायिनम्

patraṁ puṣpaṁ phalaṁ toyaṁ tasmiṁstīrthe dadāti yaḥ| dvijānāṁ bhaktisaṁyuktaḥ sa yāti jalaśāyinam

जो व्यक्ति उस तीर्थ में भक्तिपूर्वक ब्राह्मणों को पत्ता, फूल, फल अथवा जल देता है, वह जल में शयन करने वाले भगवान् को प्राप्त होता है।

श्लोक 85 (skanda.7.366.85)

प्रकृतिं चापि यो दद्यान्मुष्टिं वाथ क्षुधार्थिने। विमानवरमारूढः स सोमं प्रति गच्छति

prakṛtiṁ cāpi yo dadyānmuṣṭiṁ vātha kṣudhārthine| vimānavaramārūḍhaḥ sa somaṁ prati gacchati

और जो भूख से पीड़ित किसी को अन्न की एक मुट्ठी भी देता है, वह श्रेष्ठ विमान पर आरूढ़ होकर चंद्रलोक की ओर जाता है।

श्लोक 86 (skanda.7.366.86)

दामोदराग्रतः कृत्वा पर्वतानन्नसंभवान्। पूजितान्फलपुष्पैश्च दीपं दद्यात्सवर्त्तिकम्

dāmodarāgrataḥ kṛtvā parvatānannasaṁbhavān| pūjitānphalapuṣpaiśca dīpaṁ dadyātsavarttikam

दामोदर के सम्मुख अन्न से बने पर्वतों को बनाकर, फल-फूलों से पूजित करके, बत्तीसहित दीपक भी अर्पित करना चाहिए।

श्लोक 87 (skanda.7.366.87)

अवाप्य दुष्करं स्थानं कुलानां तारयेच्छतम्। चतुरंगुलमात्रेपि दत्ते दामोदराग्रतः

avāpya duṣkaraṁ sthānaṁ kulānāṁ tārayecchatam| caturaṁgulamātrepi datte dāmodarāgrataḥ

इस दुर्लभ स्थान को पाकर मनुष्य सौ पीढ़ियों को तार देता है; दामोदर के सम्मुख चार अंगुल मात्र का भी दान करने पर—

श्लोक 88 (skanda.7.366.88)

दाने युगसहस्राणि स्वर्गलोके महीयते। मा गच्छ हिमवत्पृष्ठं मलयं मा च मन्दरम्

dāne yugasahasrāṇi svargaloke mahīyate| mā gaccha himavatpṛṣṭhaṁ malayaṁ mā ca mandaram

उस दान से मनुष्य हजार युगों तक स्वर्गलोक में महिमामंडित होता है। हिमालय के शिखर पर मत जाओ, मलय पर मत जाओ, मंदर पर भी मत जाओ—

श्लोक 89 (skanda.7.366.89)

गच्छ रैवतकं शैलं यत्र दामोदरः स्थितः। कृत्वा मासोपवासं तु द्विजो दामोदराग्रतः

gaccha raivatakaṁ śailaṁ yatra dāmodaraḥ sthitaḥ| kṛtvā māsopavāsaṁ tu dvijo dāmodarāgrataḥ

अपितु उस रैवतक पर्वत पर जाओ, जहाँ दामोदर स्थित हैं। दामोदर के सम्मुख एक मास का उपवास करने वाला द्विज—

श्लोक 90 (skanda.7.366.90)

न निवर्तति कालेन दामोदरपुरं व्रजेत्। करोत्यनशनं यश्च नरो नार्यथवा पुनः। सर्व लोकानतिक्रम्य स हरेर्गेहमाप्नुयात्

na nivartati kālena dāmodarapuraṁ vrajet| karotyanaśanaṁ yaśca naro nāryathavā punaḥ| sarva lokānatikramya sa haregehamāpnuyāt

समय आने पर लौटता नहीं, अपितु दामोदरपुर को जाता है। तथा जो पुरुष अथवा स्त्री भी अनशन करता है, वह सब लोकों को लाँघकर हरि के घर को प्राप्त होता है।

श्लोक 91 (skanda.7.366.91)

विघ्नानि तत्र तिष्ठन्ति नित्यं पञ्चशतानि च। धर्मविध्वंसकर्तॄणि नरस्तत्र न गच्छति

vighnāni tatra tiṣṭhaṁti nityaṁ paṁcaśatāni ca| dharmavidhvaṁsakartṝṇi narastatra na gacchati

वहाँ नित्य पाँच सौ विघ्न रहते हैं, जो धर्म का नाश करने वाले हैं; किंतु धर्मपरायण मनुष्य वहाँ उनके वश में नहीं जाता।

श्लोक 92 (skanda.7.366.92)

प्रद्युम्नबलशैनेयगदाचक्रादिभिः सदा। शतलक्षप्रमाणैस्तु सेव्यते स गिरिर्महान्

pradyumnabalaśaineyagadācakrādibhiḥ sadā| śatalakṣapramāṇaistu sevyate sa girirmahān

वह विशाल पर्वत सदा प्रद्युम्न, बलराम, सात्यकि, गद तथा चक्र आदि के साथ लाखों-करोड़ों की संख्या में सेवित होता है।

श्लोक 93 (skanda.7.366.93)

क्रीडंति नार्यस्तेषां हि नित्यं दामोदराग्रतः। सुचन्द्रवदना गौर्यः श्यामाश्चैव सुमध्यमाः

krīḍaṁti nāryasteṣāṁ hi nityaṁ dāmodarāgrataḥ| sucandravadanā gauryaḥ śyāmāścaiva sumadhyamāḥ

उनकी स्त्रियाँ नित्य दामोदर के सम्मुख क्रीड़ा करती हैं—चंद्रमुखी, गौरवर्णा, कुछ श्यामवर्णा, तथा सबकी कमर पतली है।

श्लोक 94 (skanda.7.366.94)

नितंबिन्यः सुकेशाश्च शुभ्राः स्वायतलोचनाः। सुगंडा ललिताश्चैव सुकक्षाः सुपयोधराः

nitaṁbinyaḥ sukeśāśca śubhrāḥ svāyatalocanāḥ| sugaṁḍā lalitāścaiva sukakṣāḥ supayodharāḥ

भारी नितंबों वाली, सुंदर केशों वाली, उज्ज्वल, विशाल नेत्रों वाली, सुंदर कपोलों वाली, चंचल, सुंदर पार्श्व तथा सुंदर वक्षवाली।

श्लोक 95 (skanda.7.366.95)

शोभमानाः सुजंघाश्च सुपादाः सुन्दरांगुलीः। राजपुत्र्यो गिरौ तस्मिन्हसंति च रमंति च

śobhamānāḥ sujaṁghāśca supādāḥ sundarāṁgulīḥ| rājaputryo girau tasminhasaṁti ca ramaṁti ca

शोभायमान, सुंदर जंघाओं वाली, सुंदर चरणों तथा अंगुलियों वाली वे राजकन्याएँ उस पर्वत पर हँसती और क्रीड़ा करती हैं।

श्लोक 96 (skanda.7.366.96)

कौसुंभं पादयुगले कुंकुमं पीतकंचुकम्। ब्राह्मणीभ्यो ददन्तीह स्पर्द्धमानाः पृथक्पृथक्

kausuṁbhaṁ pādayugale kuṁkumaṁ pītakaṁcukam| brāhmaṇībhyo dadantīha spardhamānāḥ pṛthakpṛthak

एक-दूसरे से होड़ करते हुए वे अपने चरणों में कुसुंभी रंग, कुंकुम तथा पीत रंग की चोली अलग-अलग रूप में ब्राह्मणियों को देती हैं।

श्लोक 97 (skanda.7.366.97)

भक्ष्यं भोज्यं च पेयं च लेह्यं चोष्यं च पिच्छिलम्। तांबूलं पुष्पसंयुक्तं कार्तिके हरिवासरे

bhakṣyaṁ bhojyaṁ ca peyaṁ ca lehyaṁ coṣyaṁ ca picchilam| tāṁbūlaṁ puṣpasaṁyuktaṁ kārtike harivāsare

कार्तिक मास में हरि के दिवस पर चबाने, खाने, पीने, चाटने तथा चूसने योग्य पदार्थ, तथा फूलों सहित तांबूल भी अर्पित किया जाता है।

श्लोक 98 (skanda.7.366.98)

दृष्ट्वा तु रेवतीकुंडं प्रदद्यात्फलमुत्तमम्। पुत्रिणी ऋद्धिसंपन्ना सुभगा जायते सती

dṛṣṭvā tu revatīkuṁḍaṁ pradadyātphalamuttamam| putriṇī ṛddhisaṁpannā subhagā jāyate satī

रेवतीकुंड का दर्शन करके उत्तम फल अर्पित करना चाहिए; इससे सती स्त्री संतानवती, समृद्ध तथा सौभाग्यशाली होती है।

श्लोक 99 (skanda.7.366.99)

एवं कृत्वा तु सा रात्रि नीयते निद्रया विना। वेदघोषैः सुपुण्यैस्तु भारताख्यानवाचनैः

evaṁ kṛtvā tu sā rātri nīyate nidrayā vinā| vedaghoṣaiḥ supuṇyaistu bhāratākhyānavācanaiḥ

इस प्रकार करके वह रात्रि बिना नींद के व्यतीत की जाती है—अत्यंत पुण्यमय वेदघोष तथा महाभारत की कथा के पठन से,

श्लोक 100 (skanda.7.366.100)

हुंकृतैस्तलशब्दैश्च तालशब्दैः पुनःपुनः। देशभाषाविभाषिण्यो रामामण्डलमध्यतः। हास्यनृत्यसमायुक्ता राजन्दामोदराग्रतः

huṁkṛtaistalaśabdaiśca tālaśabdaiḥ punaḥpunaḥ| deśabhāṣāvibhāṣiṇyo rāmāmaṁḍalamadhyataḥ| hāsyanṛtyasamāyuktā rājandāmodarāgrataḥ

बार-बार हुंकार, तालियों की ध्वनि तथा ताल के शब्दों से; हे राजन्, देशी भाषाएँ बोलती हुई स्त्रियाँ, सुंदरियों के मंडल के बीच, हास्य और नृत्य से युक्त होकर दामोदर के सम्मुख विराजती हैं।

श्लोक 101 (skanda.7.366.101)

पञ्चपाषाणकं हर्म्यं यः करोति शिवालयम्। पंचवर्षसहस्राणि स्वर्ग लोके महीयते

paṁcapāṣāṇakaṁ harmyaṁ yaḥ karoti śivālayam| paṁcavarṣasahasrāṇi svarga loke mahīyate

जो व्यक्ति पाँच पत्थरों का शिवालय बनाता है, वह पाँच हजार वर्षों तक स्वर्गलोक में महिमामंडित होता है।

श्लोक 102 (skanda.7.366.102)

दशपाषाणसंयुक्तं कृत्वा दामोदराग्रतः। दशवर्षसहस्राणि स्वर्गे हल्लति मल्लति

daśapāṣāṇasaṁyuktaṁ kṛtvā dāmodarāgrataḥ| daśavarṣasahasrāṇi svarge hallati mallati

दस पत्थरों से युक्त शिवालय दामोदर के सम्मुख बनाकर, मनुष्य दस हजार वर्षों तक स्वर्ग में आनंदपूर्वक विचरण करता है।

श्लोक 103 (skanda.7.366.103)

शतपाषाणकं हर्म्यं यः करोति महन्नृप। मन्दिरं सुन्दरं शुभ्रं स याति हरिमन्दिरम्

śatapāṣāṇakaṁ harmyaṁ yaḥ karoti mahannṛpa| mandiraṁ sundaraṁ śubhraṁ sa yāti harimandiram

हे महान् राजन्, जो सौ पत्थरों का सुंदर तथा उज्ज्वल मंदिर बनाता है, वह हरि के मंदिर को प्राप्त होता है।

श्लोक 104 (skanda.7.366.104)

कृत्वा साहस्रिकं चैत्यं बहुरूपसमन्वितम्। सर्वाँल्लोकानतिक्रम्य परं ब्रह्माधिगच्छति

kṛtvā sāhasrikaṁ caityaṁ bahurūpasamanvitam| sarvāṁllokānatikramya paraṁ brahmādhigacchati

हजार पत्थरों का, अनेक रूपों से युक्त मंदिर बनाकर, मनुष्य सब लोकों को लाँघकर परब्रह्म को प्राप्त होता है।

श्लोक 105 (skanda.7.366.105)

पंचवर्णध्वजं दद्याद्दामोदरगृहोपरि। तं तु प्रमाणवर्षाणि दिव्यानि स दिवं व्रजेत्

paṁcavarṇadhvajaṁ dadyāddāmodaragṛhopari| taṁ tu pramāṇavarṣāṇi divyāni sa divaṁ vrajet

दामोदर के मंदिर के ऊपर पंचवर्णी ध्वजा अर्पित करनी चाहिए; इससे मनुष्य उतने ही दिव्य वर्षों तक स्वर्ग को प्राप्त होता है।

श्लोक 106 (skanda.7.366.106)

तस्य गव्यूतिमात्रेण क्षेत्रं वस्त्रापथं शुभम्। यद्दृष्ट्वा सर्वपापानि विलीयन्ते बहूनि च

tasya gavyūtimātreṇa kṣetraṁ vastrāpathaṁ śubham| yaddṛṣṭvā sarvapāpāni vilīyante bahūni ca

उससे दो कोस की दूरी पर वह शुभ वस्त्रापथ क्षेत्र है, जिसे देखने मात्र से मनुष्य के अनेक पाप विलीन हो जाते हैं।

श्लोक 107 (skanda.7.366.107)

राजंस्तत्पदमायाति यद्गत्वा न निवर्त्तते। पूजयित्वा भवं देवं भवसंभवनाशनम्

rājaṁstatpadamāyāti yadgatvā na nivarttate| pūjayitvā bhavaṁ devaṁ bhavasaṁbhavanāśanam

हे राजन्, भवसंभव को नष्ट करने वाले देव भव की पूजा करके मनुष्य उस पद को प्राप्त होता है, जहाँ जाकर वह फिर लौटता नहीं।

श्लोक 108 (skanda.7.366.108)

नरो नारी नृपश्रेष्ठ शिवलोके महीयते। तच्छ्रुत्वा वचनं तस्य भद्रस्य च सुभाषितम्

naro nārī nṛpaśreṣṭha śivaloke mahīyate| tacchrutvā vacanaṁ tasya bhadrasya ca subhāṣitam

हे नृपश्रेष्ठ, पुरुष अथवा स्त्री शिवलोक में महिमामंडित होते हैं। भद्र के उस सुभाषित वचन को सुनकर—

श्लोक 109 (skanda.7.366.109)

आगतः कार्तिकीं कर्त्तुं देवे दामोदरे ततः। ऋग्यजुःसामसंयुक्तैर्ब्राह्मणैर्ब्रह्मवित्तमैः

āgataḥ kārtikīṁ karttuṁ deve dāmodare tataḥ| ṛgyajuḥsāmasaṁyuktairbrāhmaṇairbrahmavittamaiḥ

राजा गज ऋक्, यजुः तथा साम वेद से युक्त, ब्रह्मज्ञान में श्रेष्ठ ब्राह्मणों के साथ देव दामोदर के समक्ष कार्तिकी व्रत करने आया।

श्लोक 110 (skanda.7.366.110)

क्षत्रियैः क्षत्रधर्मज्ञैर्वैश्यैर्दानपरायणैः। सह शूद्रैः समायातस्तस्मिंस्तीर्थे गजो नृपः

kṣatriyaiḥ kṣatradharmajñairvaiśyairdānaparāyaṇaiḥ| saha śūdraiḥ samāyātastasmiṁstīrthe gajo nṛpaḥ

क्षत्रिय-धर्म को जानने वाले क्षत्रियों, दान-परायण वैश्यों तथा शूद्रों के साथ राजा गज उस तीर्थ में आया।

श्लोक 111 (skanda.7.366.111)

दत्त्वा दानान्यनेकानि हुत्वा हविर्हुताशने। अग्निष्टोमादिकान्यज्ञान्हयमेधादिकान्बहून्। चकार विधिवद्राजा गजस्तत्र समाहितः

dattvā dānānyanekāni hutvā havirhutāśane| agniṣṭomādikānyajñānhayamedhādikānbahūn| cakāra vidhivadrājā gajastatra samāhitaḥ

वहाँ अनेक दान देकर, अग्नि में हवि की आहुति देकर, एकाग्रचित्त होकर राजा गज ने अग्निष्टोम तथा अश्वमेध आदि अनेक यज्ञ विधिपूर्वक संपन्न किए।

श्लोक 112 (skanda.7.366.112)

ततश्च न्यवसत्तत्र तपः कर्तुं सहर्षिभिः। ऊर्द्ध्वपादाः स्थिता विप्राः पीत्वा धूममधोमुखाः। शुष्कपत्राशनाश्चान्ये अन्ये वै फलभोजनाः

tataśca nyavasattatra tapaḥ kartuṁ saharṣibhiḥ| ūrddhvapādāḥ sthitā viprāḥ pītvā dhūmamadhomukhāḥ| śuṣkapatrāśanāścānye anye vai phalabhojanāḥ

तत्पश्चात् वह ऋषियों के साथ तपस्या करने के लिए वहीं बस गया। कुछ ब्राह्मण पैर ऊपर करके खड़े रहते, कुछ सिर नीचा करके धुआँ पीते, कुछ सूखे पत्तों पर निर्वाह करते तथा कुछ केवल फल खाकर रहते थे।

श्लोक 113 (skanda.7.366.113)

मूलानि चान्ये भक्षंति अन्ये वार्यंशना द्विजाः। आलोकंति स्वमन्ये च तथान्ये जलशायिनः

mūlāni cānye bhakṣaṁti anye vāryaṁśanā dvijāḥ| ālokaṁti svamanye ca tathānye jalaśāyinaḥ

कुछ केवल कंद-मूल खाते, कुछ द्विज केवल जल पर निर्वाह करते; कुछ (सूर्य को) एकटक देखते रहते, तथा कुछ जल में शयन करते थे।

श्लोक 114 (skanda.7.366.114)

पञ्चाग्निसाधकाश्चान्ये शिलाचूर्णस्य भक्षकाः। जपंति चान्ये संशुद्धा गायत्रीं वेदमातरम्। सावित्रीं मनसा चान्ये देवीमन्ये सरस्वतीम्

paṁcāgnisādhakāścānye śilācūrṇasya bhakṣakāḥ| japaṁti cānye saṁśuddhā gāyatrīṁ vedamātaram| sāvitrīṁ manasā cānye devīmanye sarasvatīm

कुछ पंचाग्नि की साधना करते, कुछ शिला-चूर्ण खाकर रहते थे; कुछ पवित्र होकर वेदमाता गायत्री का जप करते, कुछ मन में सावित्री का, तथा कुछ देवी सरस्वती का ध्यान करते थे।

श्लोक 115 (skanda.7.366.115)

सूक्तानि हि पवित्राणि ब्रह्मणा निर्मितानि च। अन्येऽवसंस्तदा तत्र द्वादशाक्षरचिन्तकाः

sūktāni hi pavitrāṇi brahmaṇā nirmitāni ca| anye'vasaṁstadā tatra dvādaśākṣaracintakāḥ

कुछ ब्रह्मा द्वारा रचित पवित्र सूक्तों का पाठ करते थे, तथा अन्य कुछ वहाँ द्वादशाक्षर मंत्र का चिंतन करते हुए निवास करते थे।

श्लोक 116 (skanda.7.366.116)

आलोक्य सर्वशास्त्राणि विचार्य च पुनःपुनः। इदमेव सुनिष्पन्नं ध्येयो नारायणः सदा

ālokya sarvaśāstrāṇi vicārya ca punaḥpunaḥ| idameva suniṣpannaṁ dhyeyo nārāyaṇaḥ sadā

समस्त शास्त्रों को देखकर तथा बार-बार विचार करके उन्होंने यही निष्कर्ष निकाला कि नारायण ही सदा ध्यान करने योग्य हैं।

श्लोक 117 (skanda.7.366.117)

आराधितः सुदुष्पारे भवे भगवतो विना। तथा नान्यो महादेवात्पतन्तं योऽभिरक्षति

ārādhitaḥ suduṣpāre bhave bhagavato vinā| tathā nānyo mahādevātpataṁtaṁ yo'bhirakṣati

इस अत्यंत दुस्तर संसार में उन भगवान् की आराधना के बिना, तथा महादेव के अतिरिक्त कोई अन्य नहीं है जो पतनोन्मुख जीव की रक्षा करे।

श्लोक 118 (skanda.7.366.118)

गतागतानि वर्तंते चंद्रसूर्यादयो ग्रहाः। अद्यापि न निवर्तंते द्वादशाक्षरचिंतकाः

gatāgatāni vartaṁte caṁdrasūryādayo grahāḥ| adyāpi na nivartaṁte dvādaśākṣaraciṁtakāḥ

चंद्र, सूर्य तथा अन्य ग्रह गमन-आगमन में लगे रहते हैं; किंतु द्वादशाक्षर मंत्र का चिंतन करने वाले आज तक वापस नहीं लौटते।

श्लोक 119 (skanda.7.366.119)

येऽक्षरा ऋषयश्चान्ये देवलोकजिगीषवः। प्राप्नुवंति ततः स्थानं दग्धबीजं च तत्तथा

ye'kṣarā ṛṣayaścānye devalokajigīṣavaḥ| prāpnuvaṁti tataḥ sthānaṁ dagdhabījaṁ ca tattathā

जो अक्षर ऋषि हैं, तथा अन्य जो देवलोक की इच्छा रखते हैं, वे वहाँ से वह स्थान प्राप्त करते हैं, जहाँ उनका (पुनर्जन्म का) बीज भी दग्ध हो जाता है।

श्लोक 120 (skanda.7.366.120)

सकृदुच्चरितं येन हरिरित्यक्षरद्वयम्। बद्धः परिकरस्तेन मोक्षाय गमनं प्रति

sakṛduccaritaṁ yena haririty akṣaradvayam| baddhaḥ parikarastena mokṣāya gamanaṁ prati

जिसने एक बार भी 'हरि' इन दो अक्षरों का उच्चारण किया है, उसने मोक्ष की ओर जाने का संकल्प बाँध लिया है।

श्लोक 121 (skanda.7.366.121)

एकभक्तं तथा नक्तमयाच्यमुषितं तथा। एवमादीनि चान्यानि कृत्वा दामोदराग्रतः। कृतकृत्या भवंतीह यावदाभूतसंप्लवम्

ekabhaktaṁ tathā naktamayācyamuṣitaṁ tathā| evamādīni cānyāni kṛtvā dāmodarāgrataḥ| kṛtakṛtyā bhavaṁtīha yāvadābhūtasaṁplavam

एक बार भोजन करना, रात्रि में बिना माँगे भोजन करना, तथा उपवास करना—इन आदि व्रतों को दामोदर के सम्मुख करके, वे सृष्टि के प्रलय होने तक कृतकृत्य हो जाते हैं।

श्लोक 122 (skanda.7.366.122)

स राजा ऋषिभिः सार्द्धं यावत्तिष्ठति तत्र वै। विमानानि सहस्राणि तावत्तत्रागतानि च

sa rājā ṛṣibhiḥ sārddhaṁ yāvattiṣṭhati tatra vai| vimānāni sahasrāṇi tāvattatrāgatāni ca

जब तक वह राजा ऋषियों के साथ वहाँ रहा, तब तक वहाँ हजारों विमान आते रहे।

श्लोक 123 (skanda.7.366.123)

गंधर्वाप्सरस्तत्र सिद्धचारणकिन्नराः। सर्वे विमानमारूढाः शतशोऽथ सहस्रशः

gaṁdharvāpsarastatra siddhacāraṇakinnarāḥ| sarve vimānamārūḍhāḥ śataśo'tha sahasraśaḥ

वहाँ गंधर्व, अप्सराएँ, सिद्ध, चारण तथा किन्नर—सभी विमानों पर आरूढ़ होकर सैकड़ों और हजारों की संख्या में आए।

श्लोक 124 (skanda.7.366.124)

सर्वैर्जनपदैः सार्द्ध स राजा भार्यया सह। गतो विमानमारूढो यत्तत्पदमनामयम्

sarvairjanapadaiḥ sārddha sa rājā bhāryayā saha| gato vimānamārūḍho yattatpadamanāmayam

अपनी समस्त प्रजा के साथ तथा अपनी पत्नी सहित वह राजा विमान पर आरूढ़ होकर उस अनामय पद को प्राप्त हुआ।

श्लोक 125 (skanda.7.366.125)

य इदं पठते नित्यं शृणुयाद्वाऽपि मानवः। सर्वपापविनिर्मुक्तः परं ब्रह्माधिगच्छति

ya idaṁ paṭhate nityaṁ śṛṇuyādvā'pi mānavaḥ| sarvapāpavinirmuktaḥ paraṁ brahmādhigacchati

जो मनुष्य इसे नित्य पढ़ता है, अथवा इसे सुनता भी है, वह समस्त पापों से मुक्त होकर परब्रह्म को प्राप्त करता है।