वस्त्रापथक्षेत्रभवमाहात्म्यवर्णनम्

श्लोक 1 (skanda.7.367.1)

ईश्वर उवाच। ततो गच्छेन्महादेवि क्षेत्रं वस्त्रापथं पुनः। यत्प्रभासस्य सर्वस्वं क्षेत्रं नाभिः प्रियं मम

īśvara uvāca| tato gacchenmahādevi kṣetraṁ vastrāpathaṁ punaḥ| yatprabhāsasya sarvasvaṁ kṣetraṁ nābhiḥ priyaṁ mama

ईश्वर ने कहा—हे महादेवि, तत्पश्चात् पुनः वस्त्रापथ क्षेत्र को जाना चाहिए, जो प्रभास का सर्वस्व है, मुझे प्रिय वह नाभिस्वरूप क्षेत्र है।

श्लोक 2 (skanda.7.367.2)

यत्र साक्षाद्भवो देवः सृष्टिसंहारकारकः। पृथिव्यां स त्वधिष्ठाता तत्त्वानामादिमः प्रभुः

yatra sākṣādbhavo devaḥ sṛṣṭisaṁhārakārakaḥ| pṛthivyāṁ sa tvadhiṣṭhātā tattvānāmādimaḥ prabhuḥ

जहाँ सृष्टि और संहार करने वाले देव भव स्वयं साक्षात् विराजमान हैं; वे पृथ्वी पर अधिष्ठाता तथा समस्त तत्त्वों के आदि प्रभु हैं।

श्लोक 3 (skanda.7.367.3)

स स्वयंभूः स्थितस्तत्र प्रभासे भूतिदो भवः। भवतीदं जगद्यस्मात्तस्माद्भव इति स्मृतः

sa svayaṁbhūḥ sthitastatra prabhāse bhūtido bhavaḥ| bhavatīdaṁ jagadyasmāttasmādbhava iti smṛtaḥ

वे स्वयंभू, ऐश्वर्य देने वाले भव प्रभास में वहीं स्थित हैं; चूँकि यह जगत् उन्हीं से उत्पन्न होता है, इसीलिए वे 'भव' कहलाते हैं।

श्लोक 4 (skanda.7.367.4)

यः सकृत्कुरुते यात्रां क्षेत्रे वस्त्रापथे पुनः। विगाह्य तत्र तीर्थानि कृतकृत्यः स जायते

yaḥ sakṛtkurute yātrāṁ kṣetre vastrāpathe punaḥ| vigāhya tatra tīrthāni kṛtakṛtyaḥ sa jāyate

जो कोई भी एक बार भी वस्त्रापथ क्षेत्र की यात्रा करता है और वहाँ के तीर्थों में स्नान करता है, वह कृतकृत्य हो जाता है।

श्लोक 5 (skanda.7.367.5)

अथ दृष्ट्वा भवं देवं सकृत्पूज्यविधानतः। केदारयात्राफलभाक्स भवेन्मनुजोत्तमः

atha dṛṣṭvā bhavaṁ devaṁ sakṛtpūjyavidhānataḥ| kedārayātrāphalabhāksa bhavenmanujottamaḥ

और देव भव का दर्शन करके, एक बार भी विधिपूर्वक पूजा करके, वह श्रेष्ठ मनुष्य केदार-यात्रा के फल का भागी होता है।

श्लोक 6 (skanda.7.367.6)

चैत्रे मासि भवं दृष्ट्वा न पुनर्जायते भुवि। वैशाख्यामथवा सम्यग्भवं दृष्ट्वा विमुच्यते

caitre māsi bhavaṁ dṛṣṭvā na punarjāyate bhuvi| vaiśākhyāmathavā samyagbhavaṁ dṛṣṭvā vimucyate

चैत्र मास में भव का दर्शन करके मनुष्य पृथ्वी पर पुनः जन्म नहीं लेता; अथवा वैशाख मास में भली-भाँति भव का दर्शन करके मुक्त हो जाता है।

श्लोक 7 (skanda.7.367.7)

वाराणस्यां कुरुक्षेत्रे नर्मदायां तु यत्फलम्। तत्फलं निमिषार्द्धेन भवं दृष्ट्वा दिनेदिने

vārāṇasyāṁ kurukṣetre narmadāyāṁ tu yatphalam| tatphalaṁ nimiṣārddhena bhavaṁ dṛṣṭvā dinedine

वाराणसी में, कुरुक्षेत्र में, अथवा नर्मदा में जो फल प्राप्त होता है, वही फल भव का प्रतिदिन दर्शन करने से आधे निमिष में ही मिल जाता है।

श्लोक 8 (skanda.7.367.8)

दुर्ल्लभस्तत्र वासस्तु दुर्ल्लभं भवदर्शनम्। प्रेतत्वं नैव तस्यास्ति न याम्या नारकी व्यथा

durllabhastatra vāsastu durllabhaṁ bhavadarśanam| pretatvaṁ naiva tasyāsti na yāmyā nārakī vyathā

वहाँ निवास दुर्लभ है, तथा भव का दर्शन भी दुर्लभ है; जो इसे प्राप्त करता है, उसे न तो प्रेतत्व प्राप्त होता है, न यम की पीड़ा और न नरक की व्यथा।

श्लोक 9 (skanda.7.367.9)

येषां भवालये प्राणा गता वै वरवर्णिनि। धन्यानामपि धन्यास्ते देवानामपि देवताः

yeṣāṁ bhavālaye prāṇā gatā vai varavarṇini| dhanyānāmapi dhanyāste devānāmapi devatāḥ

हे वरवर्णिनि, जिनके प्राण भव के आलय में निकलते हैं, वे धन्यों में भी धन्य हैं, देवताओं में भी देवता हैं।

श्लोक 10 (skanda.7.367.10)

वस्त्रापथे मतिर्येषां भवे येषां मतिः स्थिरा। गोदानं तत्र शंसंति ब्राह्मणानां च भोजनम्। पिंडदानं च तत्रैव कल्पांतं तृप्तिमा वहेत्

vastrāpathe matiryeṣāṁ bhave yeṣāṁ matiḥ sthirā| godānaṁ tatra śaṁsaṁti brāhmaṇānāṁ ca bhojanam| piṁḍadānaṁ ca tatraiva kalpāṁtaṁ tṛptimā vahet

जिनकी बुद्धि वस्त्रापथ में लगी है, जिनका मन भव में स्थिर है—वे वहाँ गोदान तथा ब्राह्मण-भोजन की प्रशंसा करते हैं; और वहीं किया गया पिंडदान कल्प के अंत तक तृप्ति प्रदान करता है।

श्लोक 11 (skanda.7.367.11)

इति संक्षेपतः प्रोक्तं माहात्म्यं ते भवोद्भवम्। श्रुतं पापोपशमनं यज्ञायुतफलप्रदम्

iti saṁkṣepataḥ proktaṁ māhātmyaṁ te bhavodbhavam| śrutaṁ pāpopaśamanaṁ yajñāyutaphalapradam

इस प्रकार तुम्हें संक्षेप में भव से उत्पन्न यह माहात्म्य कहा गया; इसे सुनने मात्र से पाप शांत होते हैं और यह दस हजार यज्ञों का फल देने वाला है।