मृगाननाभोजवृत्तान्तवर्णनम्

श्लोक 1 (skanda.7.371.1)

ईश्वर उवाच। अधुना संप्रवक्ष्यामि मंगलात्पश्चिमे व्रजेत्। तत्र सिद्धेश्वरं पश्येत्सर्वसिद्धिप्रदायकम्

īśvara uvāca| adhunā saṁpravakṣyāmi maṁgalātpaścime vrajet| tatra siddheśvaraṁ paśyetsarvasiddhipradāyakam

ईश्वर ने कहा—अब मैं आगे कहता हूँ। मंगल-स्थान से पश्चिम की ओर जाना चाहिए; वहाँ सब सिद्धियाँ देने वाले सिद्धेश्वर का दर्शन करना चाहिए।

श्लोक 2 (skanda.7.371.2)

तत्रैव चक्रतीर्थं तु तीर्थकोटिफलप्रदम्। लोकेश्वरं स्वयंभूतं पूर्वमिंद्रेश्वरेति च

tatraiva cakratīrthaṁ tu tīrthakoṭiphalapradam| lokeśvaraṁ svayaṁbhūtaṁ pūrvamiṁdreśvareti ca

वहीं चक्रतीर्थ है, जो करोड़ों तीर्थों का फल देने वाला है, तथा स्वयंभू लोकेश्वर है, जो पहले इंद्रेश्वर कहलाता था।

श्लोक 3 (skanda.7.371.3)

दृष्ट्वा तं विधिवद्देवि ततो यक्षवनं व्रजेत्। मंगलात्पश्चिमे भागे यत्र देवी स्वयं स्थिता

dṛṣṭvā taṁ vidhivaddevi tato yakṣavanaṁ vrajet| maṁgalātpaścime bhāge yatra devī svayaṁ sthitā

हे देवि, उसका विधिपूर्वक दर्शन करके फिर यक्षवन को जाना चाहिए, जो मंगल-स्थान के पश्चिम भाग में है, जहाँ देवी स्वयं विराजमान हैं।

श्लोक 4 (skanda.7.371.4)

यक्षेश्वरी महाभागा वांछितार्थप्रदायिनी। तां संपूज्य विधानेन ततो वस्त्रापथं पुनः

yakṣeśvarī mahābhāgā vāṁchitārthapradāyinī| tāṁ saṁpūjya vidhānena tato vastrāpathaṁ punaḥ

वह महाभाग्यशालिनी यक्षेश्वरी वांछित अर्थ को देने वाली हैं। उनकी विधिपूर्वक पूजा करके फिर पुनः वस्त्रापथ को जाना चाहिए।

श्लोक 5 (skanda.7.371.5)

गिरिं रैवतकं गत्वा कुर्याद्यात्राविधानतः। मृगीकुंडादितीर्थानि संति तत्रैव कोटिशः

giriṁ raivatakaṁ gatvā kuryādyātrāvidhānataḥ| mṛgīkuṁḍāditīrthāni saṁti tatraiva koṭiśaḥ

रैवतक पर्वत पर जाकर विधिपूर्वक यात्रा करनी चाहिए; वहीं मृगीकुंड आदि करोड़ों तीर्थ स्थित हैं।

श्लोक 6 (skanda.7.371.6)

यद्भुक्तिशिखरे देवि सीमालिंगं हि तत्स्मृतम्। दशकोटिस्तु तीर्थानि तत्र संति वरानने

yadbhuktiśikhare devi sīmāliṁgaṁ hi tatsmṛtam| daśakoṭistu tīrthāni tatra saṁti varānane

हे देवि, हे वरानने, भुक्तिशिखर पर जो सीमालिंग स्मृत है, वहाँ दस करोड़ तीर्थ स्थित हैं।

श्लोक 7 (skanda.7.371.7)

यत्र वै यादवाः सिद्धाः कलौ ये बुद्धिरूपिणः। शतसहस्रार्बुदं च लिंगं तत्रैव तिष्ठति

yatra vai yādavāḥ siddhāḥ kalau ye buddhirūpiṇaḥ| śatasahasrārbudaṁ ca liṁgaṁ tatraiva tiṣṭhati

जहाँ वे यादव सिद्ध हुए, जो कलियुग में बुद्धि के स्वरूप हैं; वहीं लाखों-करोड़ों लिंग स्थित हैं।

श्लोक 8 (skanda.7.371.8)

गजेंद्रस्य पदं तत्र तत्रैव रसकूपिकाः। सप्त कुण्डानि तत्रैव रैवते पर्वतोत्तमे

gajeṁdrasya padaṁ tatra tatraiva rasakūpikāḥ| sapta kuṇḍāni tatraiva raivate parvatottame

वहीं गजेंद्र का पद है, वहीं रस-कूपिकाएँ हैं; उस श्रेष्ठ रैवतक पर्वत पर ही सात कुण्ड भी हैं।

श्लोक 9 (skanda.7.371.9)

अंबिका च स्थिता देवी प्रद्युम्नः सांब एव च। लिंगाकारे पर्वते तु तत्र तीर्थानि कोटिशः

aṁbikā ca sthitā devī pradyumnaḥ sāṁba eva ca| liṁgākāre parvate tu tatra tīrthāni koṭiśaḥ

वहीं देवी अंबिका विराजमान हैं, तथा प्रद्युम्न और सांब भी हैं; उस लिंगाकार पर्वत पर करोड़ों तीर्थ हैं।

श्लोक 10 (skanda.7.371.10)

मृगीकुंडं च तत्रैव कालमेघस्तथैव च। क्षेत्रपालस्वरूपेण महोदधि स्वयं स्थितः। दामोदरश्च तत्रैव भवो ब्रह्माण्डनायकः

mṛgīkuṁḍaṁ ca tatraiva kālameghastathaiva ca| kṣetrapālasvarūpeṇa mahodadhi svayaṁ sthitaḥ| dāmodaraśca tatraiva bhavo brahmāṇḍanāyakaḥ

वहीं मृगीकुंड है, वहीं कालमेघ भी हैं; क्षेत्रपाल के रूप में महासमुद्र स्वयं वहाँ स्थित है; वहीं दामोदर भी हैं, तथा ब्रह्मांड के स्वामी भव भी वहीं हैं।

श्लोक 11 (skanda.7.371.11)

पार्वत्युवाच। श्रुतानि तव तीर्थानि देवेश वदतस्तव। गंगा सरस्वती पुण्या यमुना च महानदी

pārvatyuvāca| śrutāni tava tīrthāni deveśa vadatastava| gaṁgā sarasvatī puṇyā yamunā ca mahānadī

पार्वती ने कहा—हे देवेश, आपके कहने पर मैंने ये तीर्थ सुने—गंगा, पवित्र सरस्वती, तथा महानदी यमुना।

श्लोक 12 (skanda.7.371.12)

गोदावरी गोमती च नदी तापी च नर्मदा। सरयूः स्वर्णरेखा च तमसा पापनाशिनी

godāvarī gomatī ca nadī tāpī ca narmadā| sarayūḥ svarṇarekhā ca tamasā pāpanāśinī

गोदावरी, गोमती नदी, तापी, नर्मदा, सरयू, स्वर्णरेखा, तथा पापनाशिनी तमसा।

श्लोक 13 (skanda.7.371.13)

नद्यः समुद्रसंयोगाः सर्वाः पुण्याः श्रुता मया। मोक्षारण्यानि दिव्यानि दिव्यक्षेत्राणि यानि च

nadyaḥ samudrasaṁyogāḥ sarvāḥ puṇyāḥ śrutā mayā| mokṣāraṇyāni divyāni divyakṣetrāṇi yāni ca

नदियों के समुद्र-संगम, ये सब पवित्र तीर्थ मैंने सुने हैं; तथा दिव्य मोक्षारण्य और जो दिव्य क्षेत्र हैं, वे भी।

श्लोक 14 (skanda.7.371.14)

नगर्यो मुक्तिदायिन्यस्ताः श्रुतास्त्वत्प्रसादतः। ब्रह्मविष्णुशिवादीनां सूर्येंदुवरुणस्य च

nagaryo muktidāyinyastāḥ śrutāstvatprasādataḥ| brahmaviṣṇuśivādīnāṁ sūryeṁduvaruṇasya ca

मुक्ति देने वाली नगरियाँ भी आपकी कृपा से मैंने सुनी हैं; तथा ब्रह्मा, विष्णु, शिव आदि की, सूर्य, चंद्र तथा वरुण की—

श्लोक 15 (skanda.7.371.15)

देवतानां ऋषीणां च संति स्थानान्यनेकशः। परं देव त्वया पुण्यं प्रभासं कथितं मम

devatānāṁ ṛṣīṇāṁ ca saṁti sthānānyanekaśaḥ| paraṁ deva tvayā puṇyaṁ prabhāsaṁ kathitaṁ mama

देवताओं तथा ऋषियों के अनेक स्थान हैं। किंतु हे देव, आपने मुझे परम पवित्र प्रभास के विषय में कहा है।

श्लोक 16 (skanda.7.371.16)

तस्माद्यच्चाधिकं प्रोक्तं क्षेत्रं वस्त्रापथं त्वया। शृण्वंत्या च मया पूर्वं न पृष्टं कारणं तदा

tasmādyaccādhikaṁ proktaṁ kṣetraṁ vastrāpathaṁ tvayā| śṛṇvaṁtyā ca mayā pūrvaṁ na pṛṣṭaṁ kāraṇaṁ tadā

तथा उससे भी अधिक जो वस्त्रापथ क्षेत्र आपने कहा, उसे सुनते हुए भी मैंने पहले उसका कारण नहीं पूछा था।

श्लोक 17 (skanda.7.371.17)

इदानीं च श्रुतं सर्वं स्वस्थाहं कारणं वद। प्रभावं प्रथमं ब्रूहि क्षेत्रस्य च भवस्य च

idānīṁ ca śrutaṁ sarvaṁ svasthāhaṁ kāraṇaṁ vada| prabhāvaṁ prathamaṁ brūhi kṣetrasya ca bhavasya ca

अब मैंने सब कुछ सुन लिया है, और स्वस्थचित्त हूँ; अब उसका कारण बताइए। पहले क्षेत्र का तथा भव का प्रभाव कहिए।

श्लोक 18 (skanda.7.371.18)

कस्मिन्देशे च तत्तीर्थं शिवः केनात्र संस्थितः। स्वयंभूर्भगवान्रुद्रः कथं तत्र स्थितः स्वयम्। प्रभो मे महदाश्चर्यं वर्तते तद्वदाधुना

kasmindeśe ca tattīrthaṁ śivaḥ kenātra saṁsthitaḥ| svayaṁbhūrbhagavānrudraḥ kathaṁ tatra sthitaḥ svayam| prabho me mahadāścaryaṁ vartate tadvadādhunā

वह तीर्थ किस देश में है, तथा शिव वहाँ किसके द्वारा स्थापित हुए? स्वयंभू भगवान् रुद्र वहाँ स्वयं कैसे स्थित हुए? हे प्रभो, मुझे इसमें महान् आश्चर्य है; अब वह मुझे बताइए।

श्लोक 19 (skanda.7.371.19)

ईश्वर उवाच। वस्त्रापथस्य क्षेत्रस्य प्रभावं प्रथमं शृणु। पश्चाद्भवस्य माहात्म्यं शृणु त्वं च वरानने

īśvara uvāca| vastrāpathasya kṣetrasya prabhāvaṁ prathamaṁ śṛṇu| paścādbhavasya māhātmyaṁ śṛṇu tvaṁ ca varānane

ईश्वर ने कहा—पहले वस्त्रापथ क्षेत्र का प्रभाव सुनो; हे वरानने, उसके बाद भव का माहात्म्य भी सुनो।

श्लोक 20 (skanda.7.371.20)

कान्यकुब्जे महाक्षेत्रे राजा भोजेति विश्रुतः। पुरा पुण्ययुगे धर्म्यः प्रजा धर्मेण शासति

kānyakubje mahākṣetre rājā bhojeti viśrutaḥ| purā puṇyayuge dharmyaḥ prajā dharmeṇa śāsati

पूर्वकाल में पुण्ययुग में कान्यकुब्ज नामक महाक्षेत्र में भोज नाम से विख्यात एक धर्मात्मा राजा था, जो प्रजा का धर्मपूर्वक शासन करता था।

श्लोक 21 (skanda.7.371.21)

विशालाक्षो दीर्घबाहुर्विद्वान्वाग्ग्मी प्रियंवदः। सर्वलक्षणसंपूर्णो बह्वाश्चर्यविलोककः

viśālākṣo dīrghabāhurvidvānvāggmī priyaṁvadaḥ| sarvalakṣaṇasaṁpūrṇo bahvāścaryavilokakaḥ

वह विशाल नेत्रों वाला, लंबी भुजाओं वाला, विद्वान्, वाक्पटु, मधुरभाषी तथा सब शुभ लक्षणों से संपन्न था, और अनेक आश्चर्यों को देखने वाला था।

श्लोक 22 (skanda.7.371.22)

वनात्कदाचिदभ्येत्य वनपालोऽब्रवीदिदम्। आश्चर्यं भ्रमता देव वने दृष्टं मयाधुना

vanātkadācidabhyetya vanapālo'bravīdidam| āścaryaṁ bhramatā deva vane dṛṣṭaṁ mayādhunā

एक बार वन से आकर वनपाल ने यह कहा—हे देव, वन में विचरण करते हुए मैंने अभी एक आश्चर्य देखा है।

श्लोक 23 (skanda.7.371.23)

गिरौ विषमभूभागे वहुवृक्षसमाकुले। मृगयूथगता नारी मया दृष्टा मृगानना

girau viṣamabhūbhāge vahuvṛkṣasamākule| mṛgayūthagatā nārī mayā dṛṣṭā mṛgānanā

पर्वत के ऊबड़-खाबड़, वृक्षों से भरे भूभाग में, मृगों के झुंड में विचरती हुई एक मृगमुखी स्त्री मैंने देखी है।

श्लोक 24 (skanda.7.371.24)

मृगवत्प्लवते बाला सदा तत्रैव दृश्यते। इति श्रुत्वा वचो राजा तुष्टस्तस्मै धनं ददौ

mṛgavatplavate bālā sadā tatraiva dṛśyate| iti śrutvā vaco rājā tuṣṭastasmai dhanaṁ dadau

वह बाला मृग की भाँति उछलती-कूदती है, और सदा वहीं दिखाई देती है। यह वचन सुनकर राजा प्रसन्न हुआ और उसे धन दिया।

श्लोक 25 (skanda.7.371.25)

चतुरं तुरगं दिव्यं वाससी स्वर्णभूषणम्। इदानीमेव यास्यामि सेनाध्यक्ष त्वया सह

caturaṁ turagaṁ divyaṁ vāsasī svarṇabhūṣaṇam| idānīmeva yāsyāmi senādhyakṣa tvayā saha

[उसे] एक कुशल घोड़ा, दिव्य वस्त्र तथा स्वर्ण-आभूषण [दिए]। [राजा ने कहा—] हे सेनाध्यक्ष, मैं अभी ही तुम्हारे साथ चलूँगा।

श्लोक 26 (skanda.7.371.26)

अश्वानां दशसाहस्रं वागुराणां त्वनेकधा। पत्तयो यांतु सर्वत्र वेष्टयंतु गिरिंवरम्

aśvānāṁ daśasāhasraṁ vāgurāṇāṁ tvanekadhā| pattayo yāṁtu sarvatra veṣṭayaṁtu giriṁvaram

दस हजार घोड़े तथा अनेक प्रकार के जाल लिए हुए, पैदल सैनिक सब ओर जाएँ और उस श्रेष्ठ पर्वत को घेर लें।

श्लोक 27 (skanda.7.371.27)

न हंतव्यो मृगः कश्चिद्रक्षणीया हि सा मृगी। स्त्रीवेषधारिणी नारी मृगी भवति भूतले

na haṁtavyo mṛgaḥ kaścidrakṣaṇīyā hi sā mṛgī| strīveṣadhāriṇī nārī mṛgī bhavati bhūtale

कोई भी मृग नहीं मारा जाए; उस मृगी की रक्षा की जाए—वह स्त्री का वेष धारण किए हुए नारी ही मृगी के रूप में पृथ्वी पर विद्यमान है।

श्लोक 28 (skanda.7.371.28)

क्व यास्यति वराकी सा मद्बलैः परिपीडिता। शस्त्रास्त्रवर्जितं सैन्यं वनपालपदानुगम्

kva yāsyati varākī sā madbalaiḥ paripīḍitā| śastrāstravarjitaṁ sainyaṁ vanapālapadānugam

वह बेचारी मेरे बल से घिरी हुई कहाँ जाएगी? सेना शस्त्र-अस्त्र से रहित हो, तथा वनपाल के पद-चिह्नों का अनुसरण करे।

श्लोक 29 (skanda.7.371.29)

अहोरात्रेण संप्राप्तं बहुव्याधजनाग्रतः। अश्वाधिरूढो बलवान्भोजराजो ययौ स्वयम्

ahorātreṇa saṁprāptaṁ bahuvyādhajanāgrataḥ| aśvādhirūḍho balavānbhojarājo yayau svayam

रात-दिन में पहुँचे हुए अनेक व्याधों के आगे-आगे, घोड़े पर चढ़ा हुआ बलवान् राजा भोज स्वयं चला।

श्लोक 30 (skanda.7.371.30)

निःशब्दपदसञ्चारः संज्ञासंकेतभाषकः। गिरिं संवेष्टयामास वागुराभिः स्वयं नृपः

niḥśabdapadasañcāraḥ saṁjñāsaṁketabhāṣakaḥ| giriṁ saṁveṣṭayāmāsa vāgurābhiḥ svayaṁ nṛpaḥ

पैरों की आहट न करते हुए, केवल संकेतों से संवाद करते हुए, राजा ने स्वयं जालों से उस पर्वत को घेर लिया।

श्लोक 31 (skanda.7.371.31)

वनपालेन सहितो मृगयूथं ददर्श सः। सा मृगी मृगमध्यस्था नारीदेहा मुखे मृगी। मृगवच्चेष्टते बाला धावते च मृगैः सह

vanapālena sahito mṛgayūthaṁ dadarśa saḥ| sā mṛgī mṛgamadhyasthā nārīdehā mukhe mṛgī| mṛgavaccheṣṭate bālā dhāvate ca mṛgaiḥ saha

वनपाल के साथ उसने मृगों के झुंड को देखा। वह मृगी मृगों के बीच खड़ी थी—उसका शरीर स्त्री का था, केवल मुख मृगी का था। वह बाला मृग के समान चेष्टा करती हुई मृगों के साथ दौड़ती थी।

श्लोक 32 (skanda.7.371.32)

अश्वगंधान्समाघ्राय सन्त्रस्ता मृगयूथपाः। क्षुब्धा भ्रान्ताः क्षणे तस्मिन्सर्वे यांति दिशो दश

aśvagaṁdhānsamāghrāya santrastā mṛgayūthapāḥ| kṣubdhā bhrāntāḥ kṣaṇe tasminsarve yāṁti diśo daśa

घोड़ों की गंध को सूँघते ही मृगों के झुंड भयभीत हो उठे; उस क्षण सब क्षुब्ध और भ्रमित होकर दसों दिशाओं में भाग गए।

श्लोक 33 (skanda.7.371.33)

मृगवक्त्रा तु या नारी मृगैः कतिपयैः सह। प्लवमाना निपतिता वागुरायां विचेतना

mṛgavaktrā tu yā nārī mṛgaiḥ katipayaiḥ saha| plavamānā nipatitā vāgurāyāṁ vicetanā

वह मृगमुखी स्त्री, कुछ मृगों के साथ भागते हुए, जाल में जा गिरी और मूर्च्छित हो गई।

श्लोक 34 (skanda.7.371.34)

बलाध्यक्षेण विधृता मृगैः सह शनैर्नृपः। ददर्श महदाश्चर्यं भोजराजो जनैर्वृतः

balādhyakṣeṇa vidhṛtā mṛgaiḥ saha śanairnṛpaḥ| dadarśa mahadāścaryaṁ bhojarājo janairvṛtaḥ

सेनापति द्वारा उसे मृगों सहित थाम लिया गया। तत्पश्चात् राजा भोज ने अपने लोगों से घिरे हुए, धीरे-धीरे जाकर उस महान् आश्चर्य को देखा।

श्लोक 35 (skanda.7.371.35)

ततः कोलाहलो जातः परमानंदिनिस्वनः। मृगैः सह समानिन्ये कान्यकुब्जं मृगीं नृपः

tataḥ kolāhalo jātaḥ paramānaṁdinisvanaḥ| mṛgaiḥ saha samāninye kānyakubjaṁ mṛgīṁ nṛpaḥ

तब वहाँ अत्यंत आनंदपूर्ण कोलाहल उठा। राजा उस मृगी को मृगों के साथ कान्यकुब्ज ले आया।

श्लोक 36 (skanda.7.371.36)

दिव्यवस्त्रसमाच्छन्ना दिव्याभरणभूषिता। नरयानस्थिता नारी प्रविवेश मृगैर्वृता

divyavastrasamācchannā divyābharaṇabhūṣitā| narayānasthitā nārī praviveśa mṛgairvṛtā

दिव्य वस्त्रों से आच्छादित तथा दिव्य आभूषणों से विभूषित होकर, पालकी में बैठी हुई वह स्त्री मृगों से घिरी हुई नगर में प्रविष्ट हुई।

श्लोक 37 (skanda.7.371.37)

वादित्रैर्ब्रह्मघोषैश्च नीयते नृपमंदिरम्। जनैर्जानपदैर्मार्गे दृश्यते नृपमन्दिरे

vāditrairbrahmaghoṣaiśca nīyate nṛpamaṁdiram| janairjānapadairmārge dṛśyate nṛpamandire

वाद्यों तथा वेदघोष के साथ उसे राजमंदिर ले जाया गया; मार्ग में नगरवासी लोग उसे राजमंदिर की ओर जाते हुए देखते रहे।

श्लोक 38 (skanda.7.371.38)

नीयमाना नागरैश्च महदाश्चर्यभाषकैः। पुण्ये मुहूर्त्ते संप्राप्ते सा मृगी नृपमन्दिरम्

nīyamānā nāgaraiśca mahadāścaryabhāṣakaiḥ| puṇye muhūrtte saṁprāpte sā mṛgī nṛpamandiram

नगरवासी उसे लाते हुए बड़े आश्चर्य से बातें करते रहे। एक शुभ मुहूर्त में वह मृगी राजमंदिर पहुँची।

श्लोक 39 (skanda.7.371.39)

प्रतीहारेण राजेन्द्र वचसा वारितो जनः। गतः सेनापतिः सैन्यं गृहीत्वा स्वनिकेतनम्

pratīhāreṇa rājeṁdra vacasā vārito janaḥ| gataḥ senāpatiḥ sainyaṁ gṛhītvā svaniketanam

हे राजेंद्र, द्वारपाल के वचन से भीड़ को रोक दिया गया; सेनापति अपनी सेना लेकर अपने निवास को लौट गया।

श्लोक 40 (skanda.7.371.40)

राजापि स्वगृहं प्राप्य स्नात्वा संपूज्य देवताः। तां मृगीं स्नापयामास दिव्यगन्धानुलेपनाम्

rājāpi svagṛhaṁ prāpya snātvā saṁpūjya devatāḥ| tāṁ mṛgīṁ snāpayāmāsa divyagaṁdhānulepanām

राजा भी अपने घर पहुँचकर, स्नान करके तथा देवताओं की पूजा करके, उस मृगी को दिव्य सुगंधित लेप से स्नान कराने लगा।

श्लोक 41 (skanda.7.371.41)

कुङ्कुमेन विलिप्तांगीं दिव्यवस्त्रावगुंठिताम्। यथोचितं यथास्थानं दिव्याभरणभूषिताम्

kuṅkumena vilipatāṁgīṁ divyavastrāvaguṁṭhitām| yathocitaṁ yathāsthānaṁ divyābharaṇabhūṣitām

उसका शरीर कुंकुम से लेपित किया गया, दिव्य वस्त्र से आच्छादित किया गया, तथा यथोचित रूप से हर स्थान पर दिव्य आभूषणों से विभूषित किया गया।

श्लोक 42 (skanda.7.371.42)

एकांते निर्जने राजा बभाषे चारुलोचनाम्। का त्वं कस्य सुता केन कारणेन मृगैः सह

ekāṁte nirjane rājā babhāṣe cārulocanām| kā tvaṁ kasya sutā kena kāraṇena mṛgaiḥ saha

एकांत, निर्जन स्थान में राजा ने उस सुंदर नेत्रों वाली से कहा—तुम कौन हो, किसकी पुत्री हो, तथा किस कारण मृगों के साथ थीं?

श्लोक 43 (skanda.7.371.43)

स्त्रीणां शरीरं ते कस्मान्मृगीणां वदनं कुतः। इति सर्वं समाचक्ष्व परं कौतूहलं हि मे

strīṇāṁ śarīraṁ te kasmānmṛgīṇāṁ vadanaṁ kutaḥ| iti sarvaṁ samācakṣva paraṁ kautūhalaṁ hi me

तुम्हारा शरीर स्त्री का है, किंतु मुख मृगी का क्यों है? यह सब बताओ, मुझे अत्यंत कौतूहल है।

श्लोक 44 (skanda.7.371.44)

एवं सा प्रोच्यमानापि न बभाषे कथंचन। मूकवन्न विजानाति न च भुंक्ते सुलोचना

evaṁ sā procyamānāpi na babhāṣe kathaṁcana| mūkavanna vijānāti na ca bhuṁkte sulocanā

इस प्रकार पूछे जाने पर भी वह कुछ नहीं बोली। वह सुंदर नेत्रों वाली मूक के समान कुछ नहीं जानती थी और न ही भोजन करती थी।

श्लोक 45 (skanda.7.371.45)

न भुंक्ते पृथिवीपालो न राज्यं बहु मन्यते। न दारैर्विद्यते कार्यं नाश्वैर्न च गजै रथैः

na bhuṁkte pṛthivīpālo na rājyaṁ bahu manyate| na dāraivrilidyate kāryaṁ nāśvairna ca gajai rathaiḥ

राजा भी भोजन नहीं करता था, राज्य को भी अधिक महत्त्व नहीं देता था; न उसे रानियों से, न अश्वों से, न हाथियों-रथों से कोई प्रयोजन रह गया था।

श्लोक 46 (skanda.7.371.46)

तदेव राज्यं ते दारास्ते गजास्तद्धनं बहु। प्रमदामदसंरक्तं यत्र संक्रीडते मनः

tadeva rājyaṁ te dārāste gajāstaddhanaṁ bahu| pramadāmadasaṁraktaṁ yatra saṁkrīḍate manaḥ

उसके लिए वही राज्य, वही रानियाँ, वही हाथी, वही बहुत धन है, जहाँ प्रिया के प्रति मोहासक्त मन क्रीड़ा करता है।

श्लोक 47 (skanda.7.371.47)

आहूयाह प्रतीहारं तया संमोहितो नृपः। पुरोधसं गुरुं विप्रानाचार्याञ्छीघ्रमानय

āhūyāha pratīhāraṁ tayā saṁmohito nṛpaḥ| purodhasaṁ guruṁ viprānācāryāñchīghramānaya

उससे मोहित हुए राजा ने द्वारपाल को बुलाकर कहा—पुरोहित, गुरु, ब्राह्मणों तथा आचार्यों को शीघ्र ले आओ।

श्लोक 48 (skanda.7.371.48)

दैवज्ञानथ मन्त्रज्ञान्भिषजस्तांत्रिकांस्तथा। इति सन्नोदितो राज्ञा प्रतीहारो ययौ स्वयम्

daivajñānatha mantrajñānbhiṣajastāṁtrikāṁstathā| iti sannodito rājñā pratīhāro yayau svayam

तथा ज्योतिषियों, मंत्रज्ञों, वैद्यों तथा तांत्रिकों को भी। इस प्रकार राजा द्वारा आदेशित द्वारपाल स्वयं चला गया।

श्लोक 49 (skanda.7.371.49)

आजगाम स वेगेन समानीय द्विजोत्तमान्। राज्ञे विज्ञापयामास देव विप्राः समागताः

ājagāma sa vegena samānīya dvijottamān| rājñe vijñāpayāmāsa deva viprāḥ samāgatāḥ

वह श्रेष्ठ ब्राह्मणों को लेकर वेग से लौट आया। उसने राजा को सूचित किया—हे देव, ब्राह्मण आ गए हैं।

श्लोक 50 (skanda.7.371.50)

प्रवेशय गुरुं द्वाःस्थं संप्राप्तान्मद्धिते रतान्। इति सन्नोदितो राज्ञा तथा चक्रे स बुद्धिमान्

praveśaya guruṁ dvāḥsthaṁ saṁprāptānmaddhite ratān| iti sannodito rājñā tathā cakre sa buddhimān

द्वारपाल से कहा—गुरु को तथा जो मेरे हित में तत्पर होकर आए हैं, उन्हें अंदर आने दो। राजा द्वारा इस प्रकार आदेशित उस बुद्धिमान् ने वैसा ही किया।

श्लोक 51 (skanda.7.371.51)

अभ्युत्थाय नृपः पूर्वं नमस्कृत्य प्रपूज्य च। आसनेषूपविष्टांस्तान्बभाषे कार्यतत्परः

abhyutthāya nṛpaḥ pūrvaṁ namaskṛtya prapūjya ca| āsaneṣūpaviṣṭāṁstānbabhāṣe kāryatatparaḥ

राजा ने पहले उठकर, नमस्कार करके तथा पूजा करके, फिर आसनों पर बैठे उन सबसे, कार्य में तत्पर होकर, यह कहा।

श्लोक 52 (skanda.7.371.52)

इदमाश्चर्यमेवैकं कथं शक्यं निवेदितुम्। जानीत हि स्वयं सर्वे लोकतः शास्त्रतोऽपि वा

idamāścaryamevaikaṁ kathaṁ śakyaṁ niveditum| jānīta hi svayaṁ sarve lokataḥ śāstrato'pi vā

इस अकेले आश्चर्य को कैसे कहूँ? आप सभी स्वयं ही इसे लोक-अनुभव से अथवा शास्त्र से जानें।

श्लोक 53 (skanda.7.371.53)

कथमेषा समुत्पन्ना कस्येदं कर्मणः फलम्। अस्यां केन प्रकारेण वचनं मानुषं भवेत्

kathameṣā samutpannā kasyedaṁ karmaṇaḥ phalam| asyāṁ kena prakāreṇa vacanaṁ mānuṣaṁ bhavet

यह कैसे उत्पन्न हुई? यह किसके कर्म का फल है? किस प्रकार से इसमें मानवीय वाणी प्रकट हो सकती है?

श्लोक 54 (skanda.7.371.54)

स्वयं मनुष्यवदना कथमेषा भविष्यति। सावधानैर्द्विजैर्भूयः सर्वं संचिन्त्य चोच्यताम्

svayaṁ manuṣyavadanā kathameṣā bhaviṣyati| sāvadhānairdvijairbhūyaḥ sarvaṁ saṁcintya cocyatām

वह स्वयं मनुष्य-मुख वाली कैसे हो सकेगी? हे सावधान द्विजो, इस सबका पुनः विचार करके बताइए।

श्लोक 55 (skanda.7.371.55)

विप्रा ऊचुः। देव सारस्वतो नाम कुरुक्षेत्रे द्विजोत्तमः। ऊर्द्ध्वरेताः सरस्वत्यां तपस्तेपे जितेन्द्रियः

viprā ūcuḥ| deva sārasvato nāma kurukṣetre dvijottamaḥ| ūrddhvaretāḥ sarasvatyāṁ tapastepe jitendriyaḥ

ब्राह्मणों ने कहा—हे देव, कुरुक्षेत्र में सारस्वत नामक एक श्रेष्ठ ब्राह्मण है, जो ब्रह्मचारी तथा जितेंद्रिय होकर सरस्वती के तट पर तप करता है।

श्लोक 56 (skanda.7.371.56)

कथयिष्यति सर्वं ते तेनादिष्टा मृगी स्वयम्। इति श्रुत्वा वचो राजा ययौ सारस्वतं द्विजम्

kathayiṣyati sarvaṁ te tenādiṣṭā mṛgī svayam| iti śrutvā vaco rājā yayau sārasvataṁ dvijam

उसके द्वारा निर्देशित होकर वह मृगी स्वयं तुम्हें सब कुछ बता देगी। यह वचन सुनकर राजा उस सारस्वत ब्राह्मण के पास गया।

श्लोक 57 (skanda.7.371.57)

सरस्वतीजले स्नातं प्रभासे ध्यानतत्परम्। दृष्ट्वा प्रदक्षिणीकृत्य साष्टांगं तं प्रणम्य च। उपविष्टो नृपो भूमौ प्रांजलिः सञ्जितेन्द्रियः

sarasvatījale snātaṁ prabhāse dhyānatatparam| dṛṣṭvā pradakṣiṇīkṛtya sāṣṭāṁgaṁ taṁ praṇamya ca| upaviṣṭo nṛpo bhūmau prāṁjaliḥ sañjitendriyaḥ

सरस्वती के जल में स्नान किए हुए, प्रभास में ध्यानरत उस ऋषि को देखकर, उनकी प्रदक्षिणा करके तथा साष्टांग प्रणाम करके, राजा हाथ जोड़कर, इंद्रियों को वश में करके भूमि पर बैठ गया।

श्लोक 58 (skanda.7.371.58)

मनुष्यपदसंचारं श्रुत्वा ज्ञात्वा च कारणम्। सारस्वतो बभाषेऽथ तं नृपं भक्तितत्परम्

manuṣyapadasaṁcāraṁ śrutvā jñātvā ca kāraṇam| sārasvato babhāṣe'tha taṁ nṛpaṁ bhaktitatparam

राजा के मानव-मार्ग में आने का समाचार सुनकर तथा उसका कारण जानकर, सारस्वत ने उस भक्तिपरायण राजा से कहा।

श्लोक 59 (skanda.7.371.59)

सारस्वत उवाच। भोजराज शुभं तेऽस्तु ज्ञातं तत्कारणं मया। मृगानना त्वया नारी समानीता वनात्किल

sārasvata uvāca| bhojarāja śubhaṁ te'stu jñātaṁ tatkāraṇaṁ mayā| mṛgānanā tvayā nārī samānītā vanātkila

सारस्वत ने कहा—हे भोजराज, तुम्हारा कल्याण हो; मैं उसका कारण जानता हूँ। तुम वन से मृगमुखी नारी को ले आए हो, ऐसा सुना है।

श्लोक 60 (skanda.7.371.60)

महदाश्चर्यमेवैतत्तव चेतसि वर्त्तते। आदिष्टा तु मया बाला सर्वं ते कथयिष्यति

mahadāścaryamevaitattava cetasi varttate| ādiṣṭā tu mayā bālā sarvaṁ te kathayiṣyati

यह तुम्हारे मन में एक महान् आश्चर्य बना हुआ है। किंतु मेरे द्वारा निर्देशित होकर वह बाला तुम्हें सब कुछ बताएगी।

श्लोक 61 (skanda.7.371.61)

जानाम्यहं महाराज चरित्रं जन्म यादृशम्। आश्चर्यं संभवेल्लोके कथ्यमानं तया स्वयम्

jānāmyahaṁ mahārāja caritraṁ janma yādṛśam| āścaryaṁ saṁbhavellloke kathyamānaṁ tayā svayam

हे महाराज, मैं उसका चरित्र तथा जैसा जन्म हुआ है, वह जानता हूँ। जब वह स्वयं कहेगी, तो लोक में आश्चर्य होगा।

श्लोक 62 (skanda.7.371.62)

इत्यादिश्य गतो वेगाद्रथेनादित्यवर्चसा। अहोरात्रद्वयेनैव संप्राप्तो नृप मन्दिरम्

ityādiśya gato vegādrathenādityavarcasā| ahorātradvayenaiva saṁprāpto nṛpa mandiram

यह कहकर वह सूर्य के समान तेजस्वी रथ पर वेगपूर्वक चला, और केवल दो दिन-रात में ही राजमंदिर पहुँच गया।

श्लोक 63 (skanda.7.371.63)

प्रविश्य च मृगीं दृष्ट्वा यत्रास्ते मृगलोचना। तया सारस्वतो ज्ञातो धर्मज्ञः सर्वविद्द्विजः

praviśya ca mṛgīṁ dṛṣṭvā yatrāste mṛgalocanā| tayā sārasvato jñāto dharmajñaḥ sarvaviddvijaḥ

प्रवेश करके तथा जहाँ वह मृगनयनी थी, वहाँ मृगी को देखकर, उस धर्मज्ञ, सर्वज्ञ ब्राह्मण सारस्वत को उसने पहचान लिया।

श्लोक 64 (skanda.7.371.64)

मृग्युवाच। एष सर्वं हि जानाति कारणं यच्च यादृशम्। वर्त्तमानं भविष्यं च भूतं यद्भुवनत्रये

mṛgyuvāca| eṣa sarvaṁ hi jānāti kāraṇaṁ yacca yādṛśam| varttamānaṁ bhaviṣyaṁ ca bhūtaṁ yadbhuvanatraye

मृगी ने कहा—यह सब कुछ जानते हैं—जो भी कारण जैसा भी है; तीनों लोकों में जो भूत, वर्तमान तथा भविष्य है, वह सब।

श्लोक 65 (skanda.7.371.65)

एतेन मरणं ज्ञातं मदीयं पूर्वजन्मनि। वस्त्रापथे महाक्षेत्रे तपस्तप्तं भवालये

etena maraṇaṁ jñātaṁ madīyaṁ pūrvajanmani| vastrāpathe mahākṣetre tapastaptaṁ bhavālaye

इन्होंने ही मेरे पूर्वजन्म की मृत्यु को जाना है, वस्त्रापथ महाक्षेत्र में, भव के आलय में तप किया हुआ है।

श्लोक 66 (skanda.7.371.66)

विधूय कलुषं सर्वं ज्ञानमुत्पाद्य यत्नतः। जरामरणनिर्मुक्तः प्रत्यक्षं दृष्टवान्भवम्

vidhūya kaluṣaṁ sarvaṁ jñānamutpādya yatnataḥ| jarāmaraṇanirmuktaḥ pratyakṣaṁ dṛṣṭavānbhavam

उन्होंने सब मलिनता को धोकर, यत्नपूर्वक ज्ञान उत्पन्न करके, जरा-मृत्यु से मुक्त होकर, साक्षात् भव का दर्शन किया है।

श्लोक 67 (skanda.7.371.67)

अस्य तुष्टो भवो देवो ज्ञातं तीर्थस्य कारणम्। आदिष्टया मया वाच्यं भवेज्जन्मनि कारणम्

asya tuṣṭo bhavo devo jñātaṁ tīrthasya kāraṇam| ādiṣṭayā mayā vācyaṁ bhavejjanmani kāraṇam

उनसे प्रसन्न होकर देव भव ने उन्हें तीर्थ का कारण भी बताया। उन्हीं के द्वारा निर्देशित होकर मुझे भी अपने जन्म का कारण कहना है।

श्लोक 68 (skanda.7.371.68)

इति चिन्तापरा यावत्तावद्विप्रः समागतः। तस्मै प्रणामपरमा मूर्च्छिता निपपात सा

iti ciṁtāparā yāvattāvadvipraḥ samāgataḥ| tasmai praṇāmaparamā mūrcchitā nipapāta sā

इस प्रकार सोचते-सोचते ही तब तक वह ब्राह्मण आ पहुँचा। उसे प्रणाम करते हुए वह मूर्च्छित होकर गिर पड़ी।

श्लोक 69 (skanda.7.371.69)

अथ सारस्वतो ज्ञानाज्ज्ञातवान्कारणं च तत्। आनयन्तु द्विजा वेगात्कलशं तोयसंभृतम्

atha sārasvato jñānājjñātavānkāraṇaṁ ca tat| ānayantu dvijā vegātkalaśaṁ toyasaṁbhṛtam

तब सारस्वत ने अपने ज्ञान से उस कारण को जान लिया, और कहा—ब्राह्मण शीघ्र ही जल से भरा कलश ले आएँ।

श्लोक 70 (skanda.7.371.70)

सवौंषधीः पल्लवांश्च दूर्वाः पुष्पाणि चाक्षतान्। धूपं च चंदनं चैव गोमयं मधुसर्पिषी

savauṁṣadhīḥ pallavāṁśca dūrvāḥ puṣpāṇi cākṣatān| dhūpaṁ ca caṁdanaṁ caiva gomayaṁ madhusarpiṣī

साथ ही औषधियाँ, पल्लव, दूर्वा, फूल, अक्षत, धूप, चंदन, गोबर, मधु तथा घृत भी लाएँ।

श्लोक 71 (skanda.7.371.71)

इत्यादिष्टैर्द्विजैर्वेगात्समानीतं नृपाज्ञया। उपलिप्य च भूभागं स्वस्तिकं संनिवेश्य च

ityādiṣṭairdvijairvegātsamānītaṁ nṛpājñayā| upalipya ca bhūbhāgaṁ svastikaṁ saṁniveśya ca

इस प्रकार निर्देशित उन ब्राह्मणों ने राजा की आज्ञा से शीघ्र ही सब कुछ ला दिया। भूमि को लीपकर तथा स्वस्तिक बनाकर—

श्लोक 72 (skanda.7.371.72)

तत्राग्निकार्यं कृत्वाऽथ वेदान्कुंभे निधाय सः। इन्द्रं तस्मिंश्च विन्यस्य दिक्पालांश्च यथाक्रमम्। हुत्वाग्निं स चरुं कृत्वा ग्रहपूजामकारयत्

tatrāgnikāryaṁ kṛtvā'tha vedānkuṁbhe nidhāya saḥ| indraṁ tasmiṁśca vinyasya dikpālāṁśca yathākramam| hutvāgniṁ sa caruṁ kṛtvā grahapūjāmakārayat

वहाँ अग्नि-कर्म करके, कुंभ में वेदों को स्थापित करके, उसमें इंद्र का तथा क्रमशः दिक्पालों का भी न्यास करके, अग्नि में हवन करके तथा चरु बनाकर, उन्होंने ग्रहों की पूजा भी संपन्न की।

श्लोक 73 (skanda.7.371.73)

तोयं सुवर्णपात्रस्थं कृत्वा कुंभान्स्वयं गुरुः। अभिषेकं ततश्चक्रे मुहूर्ते सार्वकामिके

toyaṁ suvarṇapātrasthaṁ kṛtvā kuṁbhānsvayaṁ guruḥ| abhiṣekaṁ tataścakre muhūrte sārvakāmike

स्वर्ण-पात्र में स्थित जल को कलशों से लेकर, गुरु ने स्वयं ही सर्वकाम्य मुहूर्त में अभिषेक किया।

श्लोक 74 (skanda.7.371.74)

अभिषिक्ता तु सा तेन पूता स्नानार्थवारिणा। जाता सचेतना बाला सर्वं पश्यति चक्षुषा

abhiṣiktā tu sā tena pūtā snānārthavāriṇā| jātā sacetanā bālā sarvaṁ paśyati cakṣuṣā

उस पवित्र स्नान-जल से अभिषिक्त होकर वह बाला सचेत हो गई, और अपनी आँखों से सब कुछ देखने लगी।

श्लोक 75 (skanda.7.371.75)

शृणोति सर्वं जानाति चरित्रं पूर्वजन्मनः। बदरीफलमात्रं तु पुरोडाशं ददौ गुरुः

śṛṇoti sarvaṁ jānāti caritraṁ pūrvajanmanaḥ| badarīphalamātraṁ tu puroḍāśaṁ dadau guruḥ

वह सब सुनने लगी और अपने पूर्वजन्म का चरित्र जानने लगी। तब गुरु ने उसे बेर के फल के बराबर पुरोडाश दिया।

श्लोक 76 (skanda.7.371.76)

तयोपभुक्तं यत्नेन ततश्चक्रे स मार्ज्जनम्। मानुषे वचने कर्णे ददौ ज्ञानं गुरुस्ततः

tayopabhuktaṁ yatnena tataścakre sa mārjjanam| mānuṣe vacane karṇe dadau jñānaṁ gurustataḥ

उसने यत्नपूर्वक उसे ग्रहण किया। तब गुरु ने शुद्धि-कर्म किया, और उसे मानव वाणी का ज्ञान कान में देकर प्रदान किया।

श्लोक 77 (skanda.7.371.77)

गुरवे दक्षिणां दत्त्वा ततः सा च मृगानना। भोजराजाय सर्व च चरित्रं पूर्वजन्मनः

gurave dakṣiṇāṁ dattvā tataḥ sā ca mṛgānanā| bhojarājāya sarva ca caritraṁ pūrvajanmanaḥ

गुरु को दक्षिणा देकर, फिर उस मृगमुखी ने भोजराज को अपने पूर्वजन्म का सारा चरित्र सुनाने का आरंभ किया।

श्लोक 78 (skanda.7.371.78)

वक्तुं प्रचक्रमे बाल्याद्यद्वृत्तं पूर्वजन्मनि। नमस्कृत्य गुरुं पूर्वं ब्राह्मणान्क्षत्रियांस्तथा

vaktuṁ pracakrame bālyādyadvṛttaṁ pūrvajanmani| namaskṛtya guruṁ pūrvaṁ brāhmaṇānkṣatriyāṁstathā

जो कुछ उसके पूर्वजन्म में घटित हुआ था, उसे बाल्यावस्था से कहना आरंभ किया, पहले गुरु को, फिर ब्राह्मणों तथा क्षत्रियों को नमस्कार करके।

श्लोक 79 (skanda.7.371.79)

मृग्युवाच। न विषादस्त्वया कार्यो राजञ्च्छ्रुत्वा मयोदितम्। इतस्त्वं सप्तमे स्थाने कलिंगाधिपतेः सुतः

mṛgyuvāca| na viṣādastvayā kāryo rājañcchrutvā mayoditam| itastvaṁ saptame sthāne kaliṁgādhipateḥ sutaḥ

मृगी ने कहा—हे राजन्, जो मैं कहूँ उसे सुनकर तुम्हें शोक नहीं करना चाहिए। इससे सातवें जन्म में तुम कलिंग के अधिपति के पुत्र थे।

श्लोक 80 (skanda.7.371.80)

मृते पितरि बालस्त्वं स्वभिषिक्तः स्वमंत्रिभिः। अहं हि वंगराजस्य संजाता दुहिता किल

mṛte pitari bālastvaṁ svabhiṣiktaḥ svamaṁtribhiḥ| ahaṁ hi vaṁgarājasya saṁjātā duhitā kila

पिता के मरने पर बालक होते हुए भी तुम्हारा अपने ही मंत्रियों द्वारा अभिषेक किया गया। मैं तो वंगराज की पुत्री के रूप में उत्पन्न हुई थी।

श्लोक 81 (skanda.7.371.81)

परिणीता त्वया देव पित्रा दत्ता स्वयं नृप। त्वयाऽहं पट्टमहिषी कृता योषिद्वरा यतः

pariṇītā tvayā deva pitrā dattā svayaṁ nṛpa| tvayā'haṁ paṭṭamahiṣī kṛtā yoṣidvarā yataḥ

हे देव, मेरे पिता ने स्वयं मुझे दिया, और तुमने मुझसे विवाह किया, हे नृप। तुमने मुझे पटरानी बनाया, क्योंकि मैं स्त्रियों में श्रेष्ठ थी।

श्लोक 82 (skanda.7.371.82)

युवा जातः क्रमेणैव हिंस्रः क्रूरो बभूव ह। न वेदशास्त्रकुशलो दयाधर्मविवर्जितः

yuvā jātaḥ krameṇaiva hiṁsraḥ krūro babhūva ha| na vedaśāstrakuśalo dayādharmavivarjitaḥ

जवान होते-होते तुम क्रमशः हिंसक तथा क्रूर हो गए—न वेद-शास्त्र में कुशल रहे, न दया-धर्म से युक्त रहे।

श्लोक 83 (skanda.7.371.83)

लुब्धो मानी महाक्रोधी सत्याचार बहिष्कृतः। न देवं न गुरुं विप्रान्नो जानाति दुराशयः

lubdho mānī mahākrodhī satyācāra bahiṣkṛtaḥ| na devaṁ na guruṁ viprānno jānāti durāśayaḥ

लोभी, अभिमानी, अत्यंत क्रोधी, सत्य के आचरण से रहित हो गए; उस दुष्ट बुद्धि वाले ने न देव को, न गुरु को, न ब्राह्मणों को माना।

श्लोक 84 (skanda.7.371.84)

विरक्ता हि प्रजास्तस्य ब्राह्मणोच्छेदकारकः। समासन्नैर्नृपैस्तस्य देशः सर्वो विलुंपितः। सैन्यं सर्वं समादाय युद्धायोपजगाम सः

viraktā hi prajāstasya brāhmaṇocchedakārakaḥ| samāsannairnṛpaistasya deśaḥ sarvo viluṁpitaḥ| sainyaṁ sarvaṁ samādāya yuddhāyopajagāma saḥ

तुम्हारी प्रजा तुमसे विरक्त हो गई, तुम ब्राह्मणों का उच्छेद करने वाले बन गए। पड़ोसी राजाओं द्वारा तुम्हारा सारा राज्य लूट लिया गया, तब तुमने सारी सेना लेकर युद्ध के लिए प्रस्थान किया।

श्लोक 85 (skanda.7.371.85)

सहैवाहं गता देव युद्धं जातं नृपैः सह। हारितं सैनिकैस्तस्य गता नष्टा दिशो दश

sahaivāhaṁ gatā deva yuddhaṁ jātaṁ nṛpaiḥ saha| hāritaṁ sainikaistasya gatā naṣṭā diśo daśa

हे देव, मैं भी तुम्हारे साथ ही गई थी। राजाओं के साथ युद्ध हुआ। तुम्हारे सैनिक पराजित हो गए, तथा दसों दिशाओं में भागकर नष्ट हो गए।

श्लोक 86 (skanda.7.371.86)

त्यक्त्वा धर्मं निजं राजा पलायनपरोऽभवत्। गच्छमानस्तु नृपतिः शत्रुभिः परिपीडितः

tyaktvā dharmaṁ nijaṁ rājā palāyanaparo'bhavat| gacchamānastu nṛpatiḥ śatrubhiḥ paripīḍitaḥ

अपने धर्म को त्यागकर वह राजा भागने में तत्पर हो गया; भागते हुए उस राजा को शत्रुओं ने चारों ओर से घेर लिया।

श्लोक 87 (skanda.7.371.87)

तवास्मिन्वादे दुष्टात्मा हतो लोकविरोधकः। देहं तस्य गृहीत्वाग्नौ प्रविष्टाहं नृपोत्तम

tavāsminvāde duṣṭātmā hato lokavirodhakaḥ| dehaṁ tasya gṛhītvāgnau praviṣṭāhaṁ nṛpottama

हे नृपोत्तम, उस युद्ध में तुम्हारा वह दुष्टात्मा, लोक-विरोधी स्वरूप मारा गया। उसका शरीर लेकर मैं अग्नि में प्रविष्ट हो गई।

श्लोक 88 (skanda.7.371.88)

मृतस्यैवं गतिर्नास्ति नरके स विपच्यते। मृतं कांतं समादाय भार्याग्नौ प्रविशेद्यदि

mṛtasyaivaṁ gatirnāsti narake sa vipacyate| mṛtaṁ kāntaṁ samādāya bhāryāgnau praviśedyadi

इस प्रकार मरने वाले की कोई गति नहीं होती, वह नरक में पकता है—किंतु यदि पत्नी अपने मृत पति को लेकर अग्नि में प्रवेश करे,

श्लोक 89 (skanda.7.371.89)

सा तारयति पापिष्ठं यावदाभूतसंप्लवम्। इह पापक्षयं कृत्वा पश्चात्स्वर्गे महीयते

sā tārayati pāpiṣṭhaṁ yāvadābhūtasaṁplavam| iha pāpakṣayaṁ kṛtvā paścātsvarge mahīyate

तो वह उस अत्यंत पापी को भी प्रलय-काल तक तार देती है; और वह स्वयं यहाँ पाप का क्षय करके पश्चात् स्वर्ग में महिमामंडित होती है।

श्लोक 90 (skanda.7.371.90)

अतस्त्वं ब्राह्मणो जातो देशे मालवके नृप। तस्यैव तत्र भार्याहं संभूता ब्राह्मणी नृप

atastvaṁ brāhmaṇo jāto deśe mālavake nṛpa| tasyaiva tatra bhāryāhaṁ saṁbhūtā brāhmaṇī nṛpa

हे नृप, तत्पश्चात् तुम मालव देश में ब्राह्मण होकर जन्मे। हे नृप, वहीं उसी के लिए मैं ब्राह्मणी पत्नी बनकर उत्पन्न हुई।

श्लोक 91 (skanda.7.371.91)

धनधान्यसमृद्धोऽभूत्तथा जीवधनाधिकः। मृतः पिता मृता माता स च भ्रातृविवर्जितः

dhanadhānyasamṛddho'bhūttathā jīvadhanādhikaḥ| mṛtaḥ pitā mṛtā mātā sa ca bhrātṛvivarjitaḥ

वह धन-धान्य से समृद्ध था तथा पशु-धन से भी अधिक था; उसके पिता मर चुके थे, माता भी मर चुकी थी, और वह भाई-रहित भी था।

श्लोक 92 (skanda.7.371.92)

धनधान्यसमृद्धोऽपि लुब्धो भ्रमति भूतले। अतीव कोपनो विप्रो वेदपाठविवर्जितः

dhanadhānyasamṛddho'pi lubdho bhramati bhūtale| atīva kopano vipro vedapāṭhavivarjitaḥ

धन-धान्य से समृद्ध होते हुए भी वह लोभी होकर पृथ्वी पर भटकता था; वह ब्राह्मण अत्यंत क्रोधी था तथा वेदपाठ से रहित था।

श्लोक 93 (skanda.7.371.93)

स्नानसंध्यादिहीनश्च मायावी याचते जनम्। भक्तिं करोमि परमां स च क्रुध्यति मां प्रति

snānasaṁdhyādihīnaśca māyāvī yācate janam| bhaktiṁ karomi paramāṁ sa ca krudhyati māṁ prati

वह स्नान-संध्या आदि से रहित तथा मायावी था, लोगों से माँगता फिरता था। मैं उसकी परम भक्ति करती थी, फिर भी वह मुझ पर क्रोध करता था।

श्लोक 94 (skanda.7.371.94)

संतानं तस्य वै नास्ति धनरक्षापरो हि सः। न ददाति न चाश्नाति न जुहोति स रक्षति

saṁtānaṁ tasya vai nāsti dhanarakṣāparo hi saḥ| na dadāti na cāśnāti na juhoti sa rakṣati

उसकी कोई संतान नहीं थी, वह केवल धन की रक्षा में लगा रहता था; न वह दान देता, न स्वयं खाता, न हवन करता—केवल रक्षा करता रहता।

श्लोक 95 (skanda.7.371.95)

न तर्पणं तिलैर्विप्रो विदधात्यतिलोभतः। कार्त्तिकेऽपि च संप्राप्ते विष्णुपूजाविवर्जितः

na tarpaṇaṁ tilairvipro vidadhātyatilobhataḥ| kārttike'pi ca saṁprāpte viṣṇupūjāvivarjitaḥ

अत्यंत लोभ के कारण वह ब्राह्मण तिलों से तर्पण भी नहीं करता था; कार्तिक मास आने पर भी विष्णु-पूजा से रहित रहता था।

श्लोक 96 (skanda.7.371.96)

दीपं ददाति नो विप्रो मासमेकं निरन्तरम्। न भुंक्ते शाकपत्रं स एकाहारो निरंतरम्

dīpaṁ dadāti no vipro māsamekaṁ nirantaram| na bhuṁkte śākapatraṁ sa ekāhāro niraṁtaram

वह ब्राह्मण पूरे एक मास तक निरंतर दीपक भी नहीं जलाता था; न ही वह शाक-पत्ते खाता था—वह निरंतर एक ही बार भोजन करता था।

श्लोक 97 (skanda.7.371.97)

मासे नभस्ये संप्राप्ते प्राप्ते कृष्णे नृपोत्तम। न करोति गृहे श्राद्धं स्नानतर्पणवर्जितः

māse nabhasye saṁprāpte prāpte kṛṣṇe nṛpottama| na karoti gṛhe śrāddhaṁ snānatarpaṇavarjitaḥ

हे नृपोत्तम, भाद्रपद मास तथा कृष्णपक्ष के आने पर भी वह घर में श्राद्ध नहीं करता था, स्नान-तर्पण से भी रहित रहता था।

श्लोक 98 (skanda.7.371.98)

न जानाति दिनं पित्र्यं पक्षमेकं निरन्तरम्। अन्यत्र भुंक्ते विप्रोऽसौ क्षयाहेऽपि समागते

na jānāti dinaṁ pitryaṁ pakṣamekaṁ nirantaram| anyatra bhuṁkte vipro'sau kṣayāhe'pi samāgate

पूरे पक्ष भर वह पितरों के दिन को भी नहीं जानता था; अपने पिता के श्राद्ध-दिवस के आने पर भी वह ब्राह्मण अन्यत्र भोजन करता था।

श्लोक 99 (skanda.7.371.99)

मकरस्थेऽपि संक्रांतौ कृशरान्नं ददाति न। तिलान्सुवर्णं तारं वा वस्त्रं वा फलमेव च। शाकपत्रं स पुष्पं वा न ददाति तथेंधनम्

makarasthe'pi saṁkrāntau kṛśarānnaṁ dadāti na| tilānsuvarṇaṁ tāraṁ vā vastraṁ vā phalameva ca| śākapatraṁ sa puṣpaṁ vā na dadāti tatheṁdhanam

मकर संक्रांति के अवसर पर भी वह खिचड़ी का दान नहीं करता था; न तिल, न सोना, न चाँदी, न वस्त्र, न फल; न शाक-पत्ता, न फूल, और न ही ईंधन देता था।

श्लोक 100 (skanda.7.371.100)

गवां गवाह्निकं नैव कथं मुक्तिर्भविष्यति। न याति विष्णुशरणं संप्राप्ते दक्षिणायने

gavāṁ gavāhnikaṁ naiva kathaṁ muktirbhaviṣyati| na yāti viṣṇuśaraṇaṁ saṁprāpte dakṣiṇāyane

वह गायों का दैनिक सम्मान भी नहीं करता था—ऐसे में उसे मुक्ति कैसे मिलती? दक्षिणायन आने पर भी वह विष्णु की शरण में नहीं जाता था।

श्लोक 101 (skanda.7.371.101)

धेनुं ददाति नो विप्रो ग्रहणे चंद्रसूर्ययोः

dhenuṁ dadāti no vipro grahaṇe caṁdrasūryayoḥ

वह ब्राह्मण चंद्रग्रहण अथवा सूर्यग्रहण के समय भी गाय का दान नहीं करता था।

श्लोक 102 (skanda.7.371.102)

एकापि दत्ता सुपयस्विनी सा सवस्त्रघंटाभरणोपपन्ना। वत्सेन युक्ता हि ददाति दात्रे मुक्तिं कुलस्यास्य करोति वृद्धिम्

ekāpi dattā supayasvinī sā savastraghaṁṭābharaṇopapannā| vatsena yuktā hi dadāti dātre muktiṁ kulasyāsya karoti vṛddhim

एक भी सुदुग्धा गाय, यदि वस्त्र, घंटी तथा आभूषणों से सज्जित होकर, बछड़े सहित दान की जाए, तो वह दाता को मुक्ति देती है, तथा उसके कुल की वृद्धि करती है।

श्लोक 103 (skanda.7.371.103)

यावंति रोमाणि भवंति तस्यास्तावंति वर्षाणि महीयते सः। ब्रह्मालये सिद्ध गणैर्वृतोऽसौ संतिष्ठते सूर्यसमानतेजाः

yāvaṁti romāṇi bhavaṁti tasyāstāvaṁti varṣāṇi mahīyate saḥ| brahmālaye siddha gaṇairvṛto'sau saṁtiṣṭhate sūryasamānatejāḥ

उस गाय के शरीर पर जितने रोम होते हैं, उतने ही वर्षों तक वह दाता महिमामंडित होता है; ब्रह्मलोक में सिद्धगणों से घिरा हुआ वह सूर्य के समान तेजस्वी होकर स्थित रहता है।

श्लोक 104 (skanda.7.371.104)

देवालयं नो विदधाति वापीं कूपं तडागं न करोति कुण्डम्। पुण्यं विवाहं सुजनोपकारं नासौ सतां वा द्विजमंदिरं च

devālayaṁ no vidadhāti vāpīṁ kūpaṁ taḍāgaṁ na karoti kuṇḍam| puṇyaṁ vivāhaṁ sujanopakāraṁ nāsau satāṁ vā dvijamaṁdiraṁ ca

वह न मंदिर बनवाता, न बावली, न कुआँ, न तालाब, न कुंड बनवाता; न पवित्र विवाह, न सज्जनों की सहायता, न सत्पुरुषों के लिए द्विज-निवास ही बनवाता।

श्लोक 105 (skanda.7.371.105)

धनं सदा भूमिगतं करोति धर्मं न जानाति कुलस्य चासौ। अहं हि तस्यानुगता भवामि कथं हि कांतं परिवर्जयामि

dhanaṁ sadā bhūmigataṁ karoti dharmaṁ na jānāti kulasya cāsau| ahaṁ hi tasyānugatā bhavāmi kathaṁ hi kāntaṁ parivarjayāmi

वह सदा धन को भूमि में गाड़ देता था, अपने कुल के धर्म को भी नहीं जानता था। मैं तो उसकी अनुगामिनी थी—मैं अपने पति को कैसे त्याग सकती थी?

श्लोक 106 (skanda.7.371.106)

एवं हि वर्त्तमानः स कालधर्ममुपेयिवान्। धनलोभान्मया देव मरणं परिवर्जितम्

evaṁ hi varttamānaḥ sa kāladharmamupeyivān| dhanalobhānmayā deva maraṇaṁ parivarjitam

इस प्रकार रहते हुए वह काल-धर्म को प्राप्त हो गया। हे देव, धन के लोभ के कारण मैंने भी उसके साथ मृत्यु को त्याग दिया।

श्लोक 107 (skanda.7.371.107)

पश्यन्त्या गोत्रिभिः सर्वं गृहीतं धनसंचयम्। कालेन महता देव मृताऽहं द्विजमंदिरे

paśyantyā gotribhiḥ sarvaṁ gṛhītaṁ dhanasaṁcayam| kālena mahatā deva mṛtā'haṁ dvijamaṁdire

मैं देखती रही, और उसके सगोत्रियों ने वह सारा संचित धन ले लिया। हे देव, दीर्घकाल पश्चात् मैं भी उसी द्विज-निवास में मर गई।

श्लोक 108 (skanda.7.371.108)

श्वेतसर्पः समभवद्देशे तस्मिन्नरोत्तम। तत्रैवाहं ब्राह्मणस्य संजाता तनया नृप

śvetasarpaḥ samabhavaddeśe tasminnarottama| tatraivāhaṁ brāhmaṇasya saṁjātā tanayā nṛpa

हे नरोत्तम, उस देश में [वह ब्राह्मण] श्वेत सर्प बना। हे नृप, वहीं मैं एक ब्राह्मण की पुत्री बनकर उत्पन्न हुई।

श्लोक 109 (skanda.7.371.109)

वर्षेष्टमे तु संप्राप्ते परिणीता द्विजन्मना। तस्मिन्नेव गृहे सर्पो मदीये वसते नृप

varṣeṣṭame tu saṁprāpte pariṇītā dvijanmanā| tasminneva gṛhe sarpo madīye vasate nṛpa

आठवें वर्ष में पहुँचने पर एक ब्राह्मण द्वारा मुझसे विवाह किया गया। हे नृप, वह सर्प भी मेरे उसी घर में निवास करता था।

श्लोक 110 (skanda.7.371.110)

भार्या ममेति संदष्टो रात्रौ भर्त्ता महा हिना। मृतोऽपि ब्राह्मणैः सर्पो लगुडैर्विनिपातितः

bhāryā mameti saṁdaṣṭo rātrau bharttā mahā hinā| mṛto'pi brāhmaṇaiḥ sarpo laguḍairvinipātitaḥ

'यह मेरी पत्नी है' यह सोचकर उस महासर्प ने रात्रि में मेरे पति को डस लिया। वे मर गए, और ब्राह्मणों ने उस सर्प को भी लाठियों से मार डाला।

श्लोक 111 (skanda.7.371.111)

वैधव्यं मम दत्त्वा तु द्विजसर्पौ मृतावुभौ। पित्रा मात्रा महाशोकं कृत्वा मे मुण्डितं शिरः

vaidhavyaṁ mama dattvā tu dvijasarpau mṛtāvubhau| pitrā mātrā mahāśokaṁ kṛtvā me muṇḍitaṁ śiraḥ

उस द्विज तथा सर्प दोनों ने मरकर मुझे वैधव्य दे दिया। पिता तथा माता ने महाशोक करके मेरा सिर मुँड़वा दिया।

श्लोक 112 (skanda.7.371.112)

वसाना श्वेतवस्त्रं च विष्णुभक्तिपरायणा। मासोपवासनिरता यानि तीर्थान्यनेकशः

vasānā śvetavastraṁ ca viṣṇubhaktiparāyaṇā| māsopavāsaniratā yāni tīrthānyanekaśaḥ

मैं श्वेत वस्त्र धारण करके, विष्णु-भक्ति में परायण होकर, मासोपवास में तत्पर होकर, अनेक तीर्थों की यात्रा करने लगी।

श्लोक 113 (skanda.7.371.113)

सर्पस्तु मकरो जातो गोदावर्यां शिवालये। देवं भीमेश्वरं द्रष्टुं गताऽहं स्वजनैः सह

sarpastu makaro jāto godāvaryāṁ śivālaye| devaṁ bhīmeśvaraṁ draṣṭuṁ gatā'haṁ svajanaiḥ saha

वह सर्प गोदावरी में एक मकर बना। मैं अपने स्वजनों के साथ भीमेश्वर देव के दर्शन को गोदावरी के शिवालय गई।

श्लोक 114 (skanda.7.371.114)

यावत्स्नातुं प्रविष्टाऽहं वृता सर्वजनैर्नृप। मकरेण तदा दृष्टा भार्येयं मम वल्लभा। गृहीता मकरेणाहं नेतुमंतर्जले नृप

yāvatsnātuṁ praviṣṭā'haṁ vṛtā sarvajanairnṛpa| makareṇa tadā dṛṣṭā bhāryeyaṁ mama vallabhā| gṛhītā makareṇāhaṁ netumaṁtarjale nṛpa

हे नृप, ज्यों ही मैं सब जनों से घिरी हुई स्नान के लिए उतरी, त्यों ही उस मकर ने मुझे देखा और सोचा—'यह मेरी प्रिय पत्नी है'। हे नृप, मुझे उस मकर ने जल के भीतर ले जाने के लिए पकड़ लिया।

श्लोक 115 (skanda.7.371.115)

हाहाकारः समभवज्जनः क्षुब्धः समंततः। कुंताघातेन केनासौ मकरस्तु निपातितः

hāhākāraḥ samabhavajjanaḥ kṣubdhaḥ samaṁtataḥ| kuṁtāghātena kenāsau makarastu nipātitaḥ

चारों ओर हाहाकार मच गया, लोग व्याकुल हो उठे। किसी के भाले के प्रहार से उस मकर को मार गिराया गया।

श्लोक 116 (skanda.7.371.116)

झषवक्त्रः स्थिता चाहं मृता कृष्टा जनैर्बहिः। अग्निं दत्त्वा जले क्षिप्त्वा भस्म लोका गृहान्गताः

jhaṣavaktraḥ sthitā cāhaṁ mṛtā kṛṣṭā janairbahiḥ| agniṁ dattvā jale kṣiptvā bhasma lokā gṛhāngatāḥ

मैं मछली के मुख में फँसी हुई ही मर चुकी थी; लोगों ने मुझे बाहर खींचा, अग्नि-संस्कार करके भस्म को जल में प्रवाहित किया, फिर सब लोग अपने घर लौट गए।

श्लोक 117 (skanda.7.371.117)

स्त्रीवधाल्लुब्ध्वको जातो झषस्तीर्थप्रभावतः। मानुषीं योनिमापन्नस्तस्मिन्नेव महावने

strīvadhāllubdhvako jāto jhaṣastīrthaprabhāvataḥ| mānuṣīṁ yonimāpannastasminneva mahāvane

स्त्री-वध के फलस्वरूप वह लोभी मत्स्य भी तीर्थ के प्रभाव से उसी महावन में मानव-योनि को प्राप्त हुआ।

श्लोक 118 (skanda.7.371.118)

अग्नेर्जलाच्च सर्पाच्च गजात्सिंहादवृषादपि। झषाद्विस्फोटकान्मृत्युर्येषां ते नरके गताः

agnerjalācca sarpācca gajātsiṁhādavṛṣādapi| jhaṣādvisphoṭakānmṛtyuryeṣāṁ te narake gatāḥ

अग्नि से, जल से, सर्प से, हाथी से, सिंह से, वृष से, मत्स्य से अथवा विस्फोटक रोग से जिनकी मृत्यु होती है, वे नरक को जाते हैं—

श्लोक 119 (skanda.7.371.119)

आत्महा भ्रूणहा स्त्रीहा ब्रह्मघ्नः कूटसाक्ष्यदः। कन्याविक्रयकर्ता च मिथ्या ब्रतधरस्तु यः

ātmahā bhrūṇahā strīhā brahmaghnaḥ kūṭasākṣyadaḥ| kanyāvikrayakartā ca mithyā vratadharastu yaḥ

जैसे आत्महत्यारा, भ्रूणहत्यारा, स्त्रीहत्यारा, ब्रह्महत्यारा, झूठी गवाही देने वाला, कन्या को बेचने वाला, तथा झूठा व्रत धारण करने वाला—

श्लोक 120 (skanda.7.371.120)

विक्रीणाति क्रतुं यस्तु मद्यपः स्याद्द्विजस्तु यः। राजद्रोही स्वर्णचौरो ब्रह्मवृत्तिविलोपकः

vikrīṇāti kratuṁ yastu madyapaḥ syāddvijastu yaḥ| rājadrohī svarṇacauro brahmavṛttivilopakaḥ

जो यज्ञ को बेच देता है, जो द्विज होकर मद्यपान करता है, जो राजद्रोही है, जो स्वर्ण-चोर है, तथा जो ब्राह्मण की वृत्ति का नाश करने वाला है—

श्लोक 121 (skanda.7.371.121)

गोघ्नस्तु निक्षेपहरो ग्रामसीमाहरस्तु यः। सर्वे ते नरकं यांति या च स्त्री पतिवंचका

goghnastu nikṣepaharo grāmasīmāharastu yaḥ| sarve te narakaṁ yāṁti yā ca strī pativaṁcakā

जो गोहत्यारा है, जो धरोहर हड़प लेता है, जो गाँव की सीमा का अपहरण करता है—ये सब नरक को जाते हैं, तथा जो स्त्री अपने पति को धोखा देती है, वह भी।

श्लोक 122 (skanda.7.371.122)

झषमृत्युप्रभावेन जाता क्रौंची वने नृप। गोदावरीवने व्याधो भ्रमते मृगमार्गकः

jhaṣamṛtyuprabhāvena jātā krauṁcī vane nṛpa| godāvarīvane vyādho bhramate mṛgamārgakaḥ

हे नृप, मत्स्य-मृत्यु के प्रभाव से मैं वन में क्रौंची बनी। गोदावरी के वन में एक व्याध भी मृगों को ढूँढ़ता हुआ घूमता था।

श्लोक 123 (skanda.7.371.123)

वने क्रौंचः सकामो मां मुदा कामयितुमुद्यतः। दृष्टाहं भ्रमता तेन व्याधेनाकृष्य कार्मुकम्

vane krauṁcaḥ sakāmo māṁ mudā kāmayitumudyataḥ| dṛṣṭāhaṁ bhramatā tena vyādhenākṛṣya kārmukam

वन में एक कामातुर क्रौंच पक्षी मुझे प्रसन्नतापूर्वक प्रेम करने के लिए उद्यत हुआ। घूमते हुए उस व्याध ने मुझे देख लिया और अपना धनुष खींच लिया।

श्लोक 124 (skanda.7.371.124)

हतः क्रौंचो मृतो राजन्नष्टा स्थानादहं ततः। गोदावरीवने तस्मिन्नेवंरूपं ददर्श तम्

hataḥ krauṁco mṛto rājannaṣṭā sthānādahaṁ tataḥ| godāvarīvane tasminnevaṁrūpaṁ dadarśa tam

हे राजन्, वह क्रौंच मारा गया और मर गया, तथा मैं उस स्थान से भाग गई। उस गोदावरी के वन में एक ऋषि ने उस दृश्य को इसी रूप में देखा।

श्लोक 125 (skanda.7.371.125)

ऋषिर्व्याधं शशापाथ दृष्ट्वा कर्म विगर्हितम्। कामधर्ममकुर्वाणं प्रिया संभाषतत्परम्। क्रौंचं त्वमवधीर्यस्मात्तस्मात्सिंहो भविष्यसि

ṛṣirvyādhaṁ śaśāpātha dṛṣṭvā karma vigarhitam| kāmadharmamakurvāṇaṁ priyā saṁbhāṣatatparam| krauṁcaṁ tvamavadhīryasmāttasmātsiṁho bhaviṣyasi

उस निंदनीय कर्म को देखकर ऋषि ने उस व्याध को शाप दिया—तुमने उस क्रौंच को मारा, जो कामधर्म का पालन करते हुए अपनी प्रिया से बातचीत करने में तत्पर था—इसलिए तुम सिंह बनोगे।

श्लोक 126 (skanda.7.371.126)

ऋषिस्तेन विनीतेन स्थित्वा सन्तोषितो नृप। ऋषिर्वदति तस्याग्रे न मे मिथ्या वचो भवेत्

ṛṣistena vinītena sthitvā saṁtoṣito nṛpa| ṛṣirvadati tasyāgre na me mithyā vaco bhavet

हे नृप, वह व्याध विनम्र होकर खड़ा रहा, जिससे ऋषि संतुष्ट हुए। ऋषि ने उसके सामने कहा—मेरा वचन असत्य नहीं हो सकता।

श्लोक 127 (skanda.7.371.127)

सिंहस्थस्य प्रसादं ते करिष्ये मुक्तिहेतवे। सुराष्ट्रदेशे भविता सिंहो रैवतके गिरौ

siṁhasthasya prasādaṁ te kariṣye muktihetave| surāṣṭradeśe bhavitā siṁho raivatake girau

किंतु सिंह होने पर भी मुक्ति के हेतु मैं तुम्हारे प्रति अनुग्रह करूँगा। तुम सुराष्ट्र देश में रैवतक पर्वत पर सिंह बनोगे।

श्लोक 128 (skanda.7.371.128)

वस्त्रापथे महा क्षेत्रे मुक्तिस्ते विहिता ध्रुवा। इत्युक्त्वा स ऋषिर्देव गतो भीमेश्वरं प्रति। दुर्वचःश्रवणाद्व्याधः क्रमात्पंचत्वमाययौ

vastrāpathe mahā kṣetre muktiste vihitā dhruvā| ityuktvā sa ṛṣirdeva gato bhīmeśvaraṁ prati| durvacaḥśravaṇādvyādhaḥ kramātpaṁcatvamāyayau

वस्त्रापथ महाक्षेत्र में तुम्हारी मुक्ति निश्चित रूप से विहित है। हे देव, यह कहकर वह ऋषि भीमेश्वर की ओर चले गए। उस कठोर वचन को सुनकर व्याध शीघ्र ही मृत्यु को प्राप्त हुआ।

श्लोक 129 (skanda.7.371.129)

क्रौंची क्रौंचवियोगेन गता सा च वनांतरे। मृता दैववशाज्जाता मृगी रैवतके गिरौ

krauṁcī krauṁcaviyogena gatā sā ca vanāṁtare| mṛtā daivavaśājjātā mṛgī raivatake girau

वह क्रौंची अपने प्रिय क्रौंच के वियोग में वन के भीतर चली गई; वहाँ वह मर गई, और दैववश रैवतक पर्वत पर मृगी बनकर जन्मी।

श्लोक 130 (skanda.7.371.130)

मृगयूथगता नित्यं मोदते मदविह्वला। व्याधः सिंहः समभवद्गिरेस्तस्य महावने

mṛgayūthagatā nityaṁ modate madavihvalā| vyādhaḥ siṁhaḥ samabhavadgirestasya mahāvane

वह सदा मृगों के झुंड में रहकर मद से विह्वल होकर आनंद पाती थी। वह व्याध उसी पर्वत के महावन में सिंह बना।

श्लोक 131 (skanda.7.371.131)

कामार्ता भ्रमता दृष्टा मृगी सिंहेन यत्नतः। तत्र संभ्रमते नित्यं सिंहश्चापि मृगी वने

kāmārtā bhramatā dṛṣṭā mṛgī siṁhena yatnataḥ| tatra saṁbhramate nityaṁ siṁhaścāpi mṛgī vane

प्रेमातुर होकर घूमते हुए उस सिंह ने प्रयत्नपूर्वक उस मृगी को देखा। वहाँ वन में सिंह तथा मृगी दोनों नित्य विचरते रहते थे।

श्लोक 132 (skanda.7.371.132)

सिंहोऽपि दैवयोगेन ममेयमिति मन्यते। परं हिंस्रस्वभावेन तामादातुं प्रचक्रमे

siṁho'pi daivayogena mameyamiti manyate| paraṁ hiṁsrasvabhāvena tāmādātuṁ pracakrame

दैवयोग से सिंह भी सोचता था कि 'यह मेरी ही है'; किंतु अपने हिंस्र स्वभाव के कारण उसने उसे पकड़ने का प्रयास आरंभ कर दिया।

श्लोक 133 (skanda.7.371.133)

चलत्वं मृगजातीनां विहितं वेधसा स्वयम्। पुनर्गता मृगी यूथं क्रीडते चारुलोचना

calatvaṁ mṛgajātīnāṁ vihitaṁ vedhasā svayam| punargatā mṛgī yūthaṁ krīḍate cārulocanā

मृग-जाति का चंचल स्वभाव विधाता ने स्वयं ही बनाया है। वह सुंदर नेत्रों वाली मृगी फिर से झुंड में लौटकर क्रीड़ा करने लगी।

श्लोक 134 (skanda.7.371.134)

भवस्य पश्चिमे भागे तत्र रैवतके गिरौ। अनुयातः शनैः सोऽथ मृगेन्द्रो मृगयूथपः। उत्पपात ततः सिंहो संघस्य मूर्द्धनि

bhavasya paścime bhāge tatra raivatake girau| anuyātaḥ śanaiḥ so'tha mṛgendro mṛgayūthapaḥ| utpapāta tataḥ siṁho saṁghasya mūrddhani

वहाँ रैवतक पर्वत पर, भव के पश्चिम भाग में, वह मृगराज मृगों के झुंड का अनुसरण करता हुआ धीरे-धीरे चलता रहा। तब वह सिंह झुंड के ऊपर कूद पड़ा।

श्लोक 135 (skanda.7.371.135)

सिंहस्य न मृगैः कार्यं हरिणीं प्रति पश्यतः। यत्र सा हरिणी याति ययौ सिंहस्तथैव ताम्

siṁhasya na mṛgaiḥ kāryaṁ hariṇīṁ prati paśyataḥ| yatra sā hariṇī yāti yayau siṁhastathaiva tām

सिंह को अन्य मृगों से कोई प्रयोजन नहीं था, वह तो उसी हरिणी की ओर देख रहा था; वह हरिणी जहाँ-जहाँ जाती, सिंह भी उसी के पीछे-पीछे जाता।

श्लोक 136 (skanda.7.371.136)

यदा वेगं मृगी चक्रे सिंहः कुद्धस्तदा वने। सिंहोऽपि वेगवाञ्जातो मृगीवेगाधिकोऽभवत्

yadā vegaṁ mṛgī cakre siṁhaḥ kuddhastadā vane| siṁho'pi vegavāñjāto mṛgīvegādhiko'bhavat

जब मृगी ने वेग से दौड़ना आरंभ किया, तब वन में सिंह क्रुद्ध हो उठा; सिंह भी अत्यंत वेगवान् हो गया, यहाँ तक कि उसका वेग मृगी के वेग से भी अधिक हो गया।

श्लोक 137 (skanda.7.371.137)

यदा सिंहेन संक्रांता ददौ झम्पां मृगी तु सा। भवस्याग्रे नदीतोये पतिता जलमूर्द्धनि

yadā siṁhena saṁkrāntā dadau jhampāṁ mṛgī tu sā| bhavasyāgre nadītoye patitā jalamūrddhani

जब सिंह द्वारा घिर जाने पर उस मृगी ने छलांग लगाई, तो वह भव के सम्मुख नदी के जल में, जल के ऊपर ही जा गिरी।

श्लोक 138 (skanda.7.371.138)

लंबते तु शरीरं मे वेणौ प्रोतं शिरो मम। सिंहः सहैव पतितो मृतः पयसि मध्यतः

laṁbate tu śarīraṁ me veṇau protaṁ śiro mama| siṁhaḥ sahaiva patito mṛtaḥ payasi madhyataḥ

मेरा शरीर लटक गया, मेरा सिर बाँस में फँस गया; उसी के साथ सिंह भी गिरा, और जल के बीच में ही मर गया।

श्लोक 139 (skanda.7.371.139)

स्वर्णरेषाजले देव विशीर्णं मम तद्वपुः। न तु वक्त्रं निपतितं त्वक्सारशिरसि स्थितम्

svarṇareṣājale deva viśīrṇaṁ mama tadvapuḥ| na tu vaktraṁ nipatitaṁ tvaksāraśirasi sthitam

हे देव, स्वर्णरेषा के जल में मेरा वह शरीर गल-सड़ गया; किंतु मेरा मुख नहीं गिरा, वह बाँस की छाल में लिपटे मेरे सिर पर ही स्थित रह गया।

श्लोक 140 (skanda.7.371.140)

एतच्चरित्रं यत्सर्वं दृष्टं सारस्वतेन वै। तत्तीर्थस्य प्रभावेन सिंहस्त्वं समजायथाः

etaccaritraṁ yatsarvaṁ dṛṣṭaṁ sārasvatena vai| tattīrthasya prabhāvena siṁhastvaṁ samajāyathāḥ

यह सारा चरित्र सारस्वत ने अपने ज्ञान से देखा है। उस तीर्थ के प्रभाव से ही तुम सिंह के रूप में उत्पन्न हुए थे।

श्लोक 141 (skanda.7.371.141)

इदं हि सप्तमं जन्म सर्वपापक्षयोदयम्। कान्यकुब्जे महादेशे राजा भोजेतिविश्रुतः

idaṁ hi saptamaṁ janma sarvapāpakṣayodayam| kānyakubje mahādeśe rājā bhojetiviśrutaḥ

यही तुम्हारा सातवाँ जन्म है, जो सब पापों के क्षय के साथ उदित हुआ है—कान्यकुब्ज महादेश में भोज नाम से विख्यात राजा के रूप में।

श्लोक 142 (skanda.7.371.142)

अहं हि हरिणीगर्भे जाता मानुषरूपिणी। जातं वक्त्रं मृगीणां मे यस्मान्न पतितं जले

ahaṁ hi hariṇīgarbhe jātā mānuṣarūpiṇī| jātaṁ vaktraṁ mṛgīṇāṁ me yasmānna patitaṁ jale

मैं भी उसी हरिणी के गर्भ से मानव-रूप में उत्पन्न हुई; किंतु चूँकि मेरा मृगी-मुख जल में नहीं गिरा था, इसलिए वही मुख मुझे प्राप्त हुआ।