अग्नितीर्थ माहात्म्य वर्णन

श्लोक 1 (skanda.7.414.1)

पुलस्त्य उवाच अग्नितीर्थं ततो गच्छेत्पावनं परमं नृणाम् तत्र वह्निः पुरा नष्टो लब्धश्च त्रिदशैरपि

pulastya uvāca agnitīrthaṁ tato gacchetpāvanaṁ paramaṁ nṛṇām tatra vahniḥ purā naṣṭo labdhaśca tridaśairapi

पुलस्त्य जी ने कहा — तदनन्तर मनुष्यों के लिए परम पावन उस अग्नितीर्थ में जाना चाहिए; वहाँ पूर्वकाल में अग्नि खो गए थे, और देवताओं द्वारा ही पुनः प्राप्त किए गए थे।

श्लोक 2 (skanda.7.414.2)

ययातिरुवाच किमर्थं भगवन्वह्निः पुरा नष्टो द्विजोत्तम कथं तत्रैव लब्धस्तु कौतुकं मे महामुने

yayātiruvāca kimarthaṁ bhagavanvahniḥ purā naṣṭo dvijottama kathaṁ tatraiva labdhastu kautukaṁ me mahāmune

ययाति ने कहा — हे भगवन्, हे द्विजोत्तम, पूर्वकाल में अग्नि किस कारण खो गए थे? और वे वहीं किस प्रकार पुनः प्राप्त हुए? हे महामुने, यह मेरा कौतूहल है।

श्लोक 3 (skanda.7.414.3)

पुलस्त्य उवाच पुरा वृष्टिनिरोधोऽभूद्यावद्द्वादशवत्सरान् संशयं परमं प्राप्तः सर्वो लोकः क्षुधार्दितः

pulastya uvāca purā vṛṣṭinirodho'bhūdyāvaddvādaśavatsarān saṁśayaṁ paramaṁ prāptaḥ sarvo lokaḥ kṣudhārditaḥ

पुलस्त्य जी ने कहा — पूर्वकाल में बारह वर्षों तक वर्षा का निरोध हुआ था; सम्पूर्ण संसार भूख से पीड़ित होकर परम संशय को प्राप्त हुआ था।

श्लोक 4 (skanda.7.414.4)

प्रायो मृतो मृतप्रायः शेषोऽभूद्धरणीतले नष्टा अरण्यजा ग्राम्याः पशवः पक्षिणो मृगाः

prāyo mṛto mṛtaprāyaḥ śeṣo'bhūddharaṇītale naṣṭā araṇyajā grāmyāḥ paśavaḥ pakṣiṇo mṛgāḥ

अधिकांश मर गए, शेष धरातल पर मृतप्राय हो गए; वन में उत्पन्न और ग्राम्य पशु, पक्षी, मृग सब नष्ट हो गए।

श्लोक 5 (skanda.7.414.5)

एवं कृच्छ्रमनुप्राप्ते मर्त्यलोके नराधिपः विश्वामित्रो मुनिवरः संदेहं परमं गतः

evaṁ kṛcchramanuprāpte martyaloke narādhipaḥ viśvāmitro munivaraḥ saṁdehaṁ paramaṁ gataḥ

हे नराधिप, मर्त्यलोक के इस प्रकार संकट में पड़ने पर मुनिवर विश्वामित्र परम सन्देह को प्राप्त हुए।

श्लोक 6 (skanda.7.414.6)

अन्नौषधिरसाभावादस्थिशेषो व्यजायत अन्यस्मिन्दिवसे प्राप्तः क्षुत्क्षामः पर्यटन्दिशः

annauṣadhirasābhāvādasthiśeṣo vyajāyata anyasmindivase prāptaḥ kṣutkṣāmaḥ paryaṭandiśaḥ

अन्न और औषधि-रस के अभाव से वे अस्थिशेष हो गए। एक दिन क्षुधा से क्षीण होकर दिशाओं में भटकते हुए,

श्लोक 7 (skanda.7.414.7)

चंडालनिलयं प्राप्तः क्षुत्तृषापीडितो भृशम् तत्रापश्यन्मृतं श्वानं शुष्कं पार्थिवसत्तम

caṁḍālanilayaṁ prāptaḥ kṣuttṛṣāpīḍito bhṛśam tatrāpaśyanmṛtaṁ śvānaṁ śuṣkaṁ pārthivasattama

वे भूख-प्यास से अत्यन्त पीड़ित होकर एक चाण्डाल के निवास पर पहुँचे; हे पार्थिवसत्तम, वहाँ उन्होंने एक मरा हुआ, सूखा हुआ कुत्ता देखा।

श्लोक 8 (skanda.7.414.8)

तमादाय गृहं प्राप्तः प्रक्षाल्य सलिलेन तु क्षुत्क्षामः पाचयामास ततस्तं पावकेऽजुहोत्

tamādāya gṛhaṁ prāptaḥ prakṣālya salilena tu kṣutkṣāmaḥ pācayāmāsa tatastaṁ pāvake'juhot

उसे लेकर घर आकर, जल से धोकर, भूख से क्षीण होकर उन्होंने उसे पकाया और फिर अग्नि में हवन कर दिया।

श्लोक 9 (skanda.7.414.9)

अभक्ष्यभक्षणं ज्ञात्वा हव्यवाहस्ततो नृप शक्रस्योपरि मन्युं स्वं चक्रेऽतीव महीपते

abhakṣyabhakṣaṇaṁ jñātvā havyavāhastato nṛpa śakrasyopari manyuṁ svaṁ cakre'tīva mahīpate

हे राजन्, अभक्ष्य के भक्षण को जानकर हव्यवाह (अग्नि) ने तब, हे महीपते, इन्द्र के ऊपर अत्यन्त क्रोध किया।

श्लोक 10 (skanda.7.414.10)

नष्टौषधिरसे लोके युक्तमेतद्धि सांप्रतम् यादृगाप्तं हविस्तादृगग्निभक्षो विशिष्यते

naṣṭauṣadhirase loke yuktametaddhi sāṁpratam yādṛgāptaṁ havistādṛgagnibhakṣo viśiṣyate

औषधि-रस से रहित इस लोक में अब यह उचित ही हुआ है — जैसा हवि प्राप्त हो, वैसा ही अग्निभक्ष्य निकृष्ट माना जाता है।

श्लोक 11 (skanda.7.414.11)

नाभक्ष्यं भक्षयिष्यामि त्यजिष्ये क्षितिमंडलम् येन शक्रादयो देवा यांति कष्टतरां दशाम्

nābhakṣyaṁ bhakṣayiṣyāmi tyajiṣye kṣitimaṁḍalam yena śakrādayo devā yāṁti kaṣṭatarāṁ daśām

मैं अभक्ष्य का भक्षण नहीं करूँगा — मैं पृथ्वी-मण्डल को त्याग दूँगा, जिससे इन्द्र आदि देवता अत्यन्त कष्टतर दशा को प्राप्त हों।

श्लोक 12 (skanda.7.414.12)

एवं संचिंत्य मनसा सकोपो हव्यवाहनः प्रणष्टः सकलं हित्वा मर्त्यलोकं चराचरम्

evaṁ saṁciṁtya manasā sakopo havyavāhanaḥ praṇaṣṭaḥ sakalaṁ hitvā martyalokaṁ carācaram

इस प्रकार मन में विचार कर क्रोधयुक्त हव्यवाहन सम्पूर्ण चराचर मर्त्यलोक को त्यागकर अन्तर्धान हो गए।

श्लोक 13 (skanda.7.414.13)

प्रणष्टे सहसा वह्नावग्निष्टोमादिकाः क्रियाः प्रणष्टास्तु जनाः सर्वे विशेषात्संशयं गताः

praṇaṣṭe sahasā vahnāvagniṣṭomādikāḥ kriyāḥ praṇaṣṭāstu janāḥ sarve viśeṣātsaṁśayaṁ gatāḥ

अग्नि के सहसा अन्तर्धान होने पर अग्निष्टोम आदि क्रियाएँ नष्ट हो गईं; और सभी लोग नष्टप्राय होकर विशेष रूप से संशय को प्राप्त हुए।

श्लोक 14 (skanda.7.414.14)

ततो देवगणाः सर्वे संदेहं परमं गताः यज्ञभागविहीनत्वान्मंत्रं चक्रुस्ततो मिथः

tato devagaṇāḥ sarve saṁdehaṁ paramaṁ gatāḥ yajñabhāgavihīnatvānmaṁtraṁ cakrustato mithaḥ

तब सभी देवगण परम सन्देह को प्राप्त हुए; यज्ञभाग से रहित होने के कारण उन्होंने आपस में मन्त्रणा की।

श्लोक 15 (skanda.7.414.15)

त्यक्तस्तु वह्निना मर्त्यस्ततो नाशं गता नराः शेषनाशाद्वयं सर्वे विनंक्ष्यामो न संशयः

tyaktastu vahninā martyastato nāśaṁ gatā narāḥ śeṣanāśādvayaṁ sarve vinaṁkṣyāmo na saṁśayaḥ

अग्नि द्वारा त्यागे गए मर्त्य नाश को प्राप्त हो गए हैं; शेष के नाश से हम सब भी निश्चय ही नष्ट हो जाएँगे।

श्लोक 16 (skanda.7.414.16)

तस्मादन्वेष्यतां वह्निर्यत्र तिष्ठति सांप्रतम् यथा चरति मर्त्ये च तथा नीतिर्विधीयताम्

tasmādanveṣyatāṁ vahniryatra tiṣṭhati sāṁpratam yathā carati martye ca tathā nītirvidhīyatām

इसलिए अग्नि की खोज की जाए, वे अभी जहाँ स्थित हैं; और जैसे वे मर्त्यलोक में विचरण करते हैं, वैसी ही नीति की जाए।

श्लोक 17 (skanda.7.414.17)

पुलस्त्य उवाच एवं ते निश्चयं कृत्वा सर्वे देवाः सवासवाः अन्वैषयंस्तथाग्निं ते समंतात्क्षितिमंडले

pulastya uvāca evaṁ te niścayaṁ kṛtvā sarve devāḥ savāsavāḥ anvaiṣayaṁstathāgniṁ te samaṁtātkṣitimaṁḍale

पुलस्त्य जी ने कहा — ऐसा निश्चय कर इन्द्र सहित सभी देवताओं ने पृथ्वी-मण्डल में सर्वत्र अग्नि की खोज की।

श्लोक 18 (skanda.7.414.18)

ततस्ते पुरतो दृष्ट्वा शुकं श्रांता दिवौकसः पप्रच्छुः श्रद्धया वह्निर्यदि दृष्टः प्रकथ्यताम्

tataste purato dṛṣṭvā śukaṁ śrāṁtā divaukasaḥ papracchuḥ śraddhayā vahniryadi dṛṣṭaḥ prakathyatām

तब थके हुए वे देवगण अपने सामने एक तोते को देखकर श्रद्धापूर्वक पूछने लगे — यदि अग्नि दिखाई दिए हों, तो बताओ।

श्लोक 19 (skanda.7.414.19)

शुक उवाच योऽयं वंशो महानग्रे प्रदग्धो वह्निसंगतः प्रणष्टो हव्यवाहोत्र मया दृष्टो महाद्युतिः

śuka uvāca yo'yaṁ vaṁśo mahānagre pradagdho vahnisaṁgataḥ praṇaṣṭo havyavāhotra mayā dṛṣṭo mahādyutiḥ

तोते ने कहा — आगे यह जो विशाल बाँस का झुरमुट है, जो अग्नि से जलकर संयुक्त हुआ, वहाँ मैंने अन्तर्हित महातेजस्वी हव्यवाह को देखा है।

श्लोक 20 (skanda.7.414.20)

शुकेनावेदितो वह्निः शप्त्वा तं मन्युना वृतः गद्गदा भावि ते वाणी प्रोक्त्वेदं प्रस्थितो द्रुतम्

śukenāvedito vahniḥ śaptvā taṁ manyunā vṛtaḥ gadgadā bhāvi te vāṇī proktvedaṁ prasthito drutam

तोते द्वारा बताए जाने पर अग्नि ने क्रोध से भरकर उसे शाप दिया — तेरी वाणी हकलाती हुई होगी — ऐसा कहकर वे शीघ्र चल पड़े।

श्लोक 21 (skanda.7.414.21)

प्रविवेश शमीगर्भमश्वत्थं तरुसत्तमम् तत्रस्थो द्विपराज्ञा स कथितो विबुधान्प्रति

praviveśa śamīgarbhamaśvatthaṁ tarusattamam tatrastho dviparājñā sa kathito vibudhānprati

वे शमी और सबसे श्रेष्ठ वृक्ष अश्वत्थ के संयुक्त मध्य भाग में प्रविष्ट हो गए। वहाँ स्थित उन्हें एक गजराज ने देवताओं से कह दिया।

श्लोक 22 (skanda.7.414.22)

स तं प्रोवाच ते जिह्वा विपरीता भविष्यति ततो जलाशयं गत्वा पर्वतेऽर्बुदसंज्ञके

sa taṁ provāca te jihvā viparītā bhaviṣyati tato jalāśayaṁ gatvā parvate'rbudasaṁjñake

उसने उससे कहा — तेरी जिह्वा विपरीत हो जाएगी। फिर अर्बुद नामक पर्वत के जलाशय में जाकर,

श्लोक 23 (skanda.7.414.23)

प्रविष्टो भगवान्वह्निर्यथा देवैर्न लक्ष्यते तत्रोत्थेन दर्दुरेण तेषां प्रोक्तो हुताशनः

praviṣṭo bhagavānvahniryathā devairna lakṣyate tatrotthena dardureṇa teṣāṁ prokto hutāśanaḥ

भगवान् अग्नि प्रविष्ट हो गए, जिससे देवताओं द्वारा उनका पता न चले। वहाँ उठे हुए एक मेंढक ने उन्हें अग्नि के विषय में बताया।

श्लोक 24 (skanda.7.414.24)

अत्राऽसौ तिष्ठते वह्निर्निर्झरे पर्वतस्य च दग्धाश्च जलजाः सर्वे सुतप्तेनैव वारिणा

atrā'sau tiṣṭhate vahnirnirjhare parvatasya ca dagdhāśca jalajāḥ sarve sutaptenaiva vāriṇā

यहीं यह अग्नि पर्वत के झरने में स्थित है; और अत्यन्त तप्त जल से सभी जलचर जल गए हैं।

श्लोक 25 (skanda.7.414.25)

कृच्छ्रादहं विनिष्क्रांतस्तस्मान्मृत्युमुखात्सुराः तच्छ्रुत्वा यत्नमास्थाय प्रविष्टो हव्यवाहनः

kṛcchrādahaṁ viniṣkrāṁtastasmānmṛtyumukhātsurāḥ tacchrutvā yatnamāsthāya praviṣṭo havyavāhanaḥ

हे देवताओ, मैं बड़ी कठिनाई से उस मृत्यु के मुख से निकल आया हूँ। यह सुनकर, यत्न करके, उन्होंने हव्यवाहन को खोज निकाला।

श्लोक 26 (skanda.7.414.26)

भविष्यसि विजिह्वस्त्वं शप्त्वा तं दर्दुरं नृपः

bhaviṣyasi vijihvastvaṁ śaptvā taṁ dardaraṁ nṛpaḥ

तू जिह्वारहित हो जाएगा — ऐसा कहकर राजा (अग्नि) ने उस मेंढक को शाप दिया।

श्लोक 27 (skanda.7.414.27)

ततो देवगणाः सर्वे निष्क्रांताः सलिलाश्रयात् संवेष्ट्य तुष्टुवुः सर्वे स्तवैर्वेदोद्भवैर्नृप

tato devagaṇāḥ sarve niṣkrāṁtāḥ salilāśrayāt saṁveṣṭya tuṣṭuvuḥ sarve stavairvedodbhavairnṛpa

तब सभी देवगण उस जलाश्रय से निकलकर, हे राजन्, उन्हें घेरकर वेदोद्भव स्तवों से उनकी स्तुति करने लगे।

श्लोक 28 (skanda.7.414.28)

देवा ऊचुः त्वमग्ने सर्वभूतानामंतश्चरसि पावक त्वया हीनं जगत्सर्वं नाशं यास्यति सत्वरम्

devā ūcuḥ tvamagne sarvabhūtānāmaṁtaścarasi pāvaka tvayā hīnaṁ jagatsarvaṁ nāśaṁ yāsyati satvaram

देवताओं ने कहा — हे अग्ने, हे पावक, आप सब प्राणियों के भीतर विचरण करते हैं; आपके बिना यह सम्पूर्ण जगत् शीघ्र ही नाश को प्राप्त होगा।

श्लोक 29 (skanda.7.414.29)

त्वं मुखं सर्वदेवानां त्वयि लोकाः प्रतिष्ठिताः भूलोके च त्वया त्यक्ते वयं सर्वे सवासवाः विनाशमेव यास्यामस्तस्मात्त्वं त्रातुमर्हसि

tvaṁ mukhaṁ sarvadevānāṁ tvayi lokāḥ pratiṣṭhitāḥ bhūloke ca tvayā tyakte vayaṁ sarve savāsavāḥ vināśameva yāsyāmastasmāttvaṁ trātumarhasi

आप सब देवताओं के मुख हैं, आप में ही लोक प्रतिष्ठित हैं। आपके द्वारा भूलोक त्याग दिए जाने पर, हम सब इन्द्र सहित केवल विनाश को ही प्राप्त होंगे; इसलिए आपको हमारी रक्षा करनी चाहिए।

श्लोक 30 (skanda.7.414.30)

त्वं ब्रह्मा त्वं महादेवस्त्वं विष्णुस्त्वं दिवाकरः त्वं चंद्रस्त्वं च धनदो मरुत्त्वं च सुरेश्वरः

tvaṁ brahmā tvaṁ mahādevastvaṁ viṣṇustvaṁ divākaraḥ tvaṁ caṁdrastvaṁ ca dhanado marutvaṁ ca sureśvaraḥ

आप ब्रह्मा हैं, आप महादेव हैं, आप विष्णु हैं, आप सूर्य हैं, आप चन्द्रमा हैं, आप धनद (कुबेर) हैं, आप मरुत् हैं, और आप सुरेश्वर हैं।

श्लोक 31 (skanda.7.414.31)

इंद्राद्या विबुधाः सर्वे त्वदायत्ता हुताशन किमर्थं भगवन्मर्त्त्यं त्यक्त्वा त्वमत्र संस्थितः किमर्थं भगवन्नस्माननागांस्त्यक्तुमिच्छसि

iṁdrādyā vibudhāḥ sarve tvadāyattā hutāśana kimarthaṁ bhagavanmarttyaṁ tyaktvā tvamatra saṁsthitaḥ kimarthaṁ bhagavannasmānnāgāṁstyaktumicchasi

हे हुताशन, इन्द्र आदि सभी देवता आपके ही अधीन हैं। हे भगवन्, आपने किस कारण मर्त्यलोक को त्यागकर यहाँ निवास किया है? हे भगवन्, किस कारण आप हम श्रेष्ठों को त्यागना चाहते हैं?

श्लोक 32 (skanda.7.414.32)

पुलस्त्य उवाच वेष्टितो भगवान्वह्निर्देवैः स्तुतिपरायणैः तस्यैव निर्झरस्याथ तटस्थो वाक्यमब्रवीत्

pulastya uvāca veṣṭito bhagavānvahnirdevaiḥ stutiparāyaṇaiḥ tasyaiva nirjharasyātha taṭastho vākyamabravīt

पुलस्त्य जी ने कहा — स्तुतिपरायण देवताओं से घिरे हुए भगवान् अग्नि, उसी झरने के तट पर खड़े होकर यह वचन बोले।

श्लोक 33 (skanda.7.414.33)

वह्निरुवाच अभक्ष्यभक्षणे शक्रो मामिच्छति नियोजितुम् तेनैव न करोत्येष वृष्टिं मर्त्त्ये सुरेश्वरः

vahniruvāca abhakṣyabhakṣaṇe śakro māmicchati niyojitum tenaiva na karotyeṣa vṛṣṭiṁ marttye sureśvaraḥ

अग्नि ने कहा — इन्द्र मुझे अभक्ष्य के भक्षण में नियुक्त करना चाहता है; इसी कारण यह सुरेश्वर मर्त्यलोक में वर्षा नहीं करता।

श्लोक 34 (skanda.7.414.34)

अतोऽहं भूतलं त्यक्त्वा प्रविष्टो निर्झरे त्विह प्रणष्टान्नरसे लोके न चाहं स्थातुमुत्सहे

ato'haṁ bhūtalaṁ tyaktvā praviṣṭo nirjhare tviha praṇaṣṭānnarase loke na cāhaṁ sthātumutsahe

इसलिए मैं भूतल को त्यागकर इस झरने में प्रविष्ट हुआ हूँ; अन्नरस से रहित इस लोक में मैं रहने का उत्साह नहीं रखता।

श्लोक 35 (skanda.7.414.35)

शक्र उवाच शृणु यस्मान्मया रोधः कृतो वृष्टेर्हुताशन देवापिर्नाम धर्मज्ञः क्षत्रियाणां यशस्करः

śakra uvāca śṛṇu yasmānmayā rodhaḥ kṛto vṛṣṭerhutāśana devāpirnāma dharmajñaḥ kṣatriyāṇāṁ yaśaskaraḥ

शक्र ने कहा — हे हुताशन, सुनो, किस कारण मैंने वर्षा का निरोध किया है — देवापि नामक धर्मज्ञ, क्षत्रियों के यशकर्ता, राजा थे।

श्लोक 36 (skanda.7.414.36)

प्रतीपस्तत्सुतः साधुः सर्वशीलवतां वरः देवापौ च गते स्वर्गं ज्येष्ठभ्रातरमग्रजम् संत्यक्त्वा जगृहे राज्यं शंतनुस्तत्सुतोऽवरः

pratīpastatsutaḥ sādhuḥ sarvaśīlavatāṁ varaḥ devāpau ca gate svargaṁ jyeṣṭhabhrātaramagrajam saṁtyaktvā jagṛhe rājyaṁ śaṁtanustatsuto'varaḥ

वे प्रतीप के पुत्र, साधु, सभी सच्चरित्रों में श्रेष्ठ थे। देवापि के वन को चले जाने पर, उनके ज्येष्ठ अग्रज भाई को त्यागकर, शन्तनु, उनके कनिष्ठ पुत्र ने राज्य ग्रहण कर लिया।

श्लोक 37 (skanda.7.414.37)

एतस्मात्कारणाद्राज्ये तस्य वृष्टिर्निराकृता तवादेशात्करिष्यामि निवर्तस्व हुताशन

etasmātkāraṇādrājye tasya vṛṣṭirnirākṛtā tavādeśātkariṣyāmi nivartasva hutāśana

इसी कारण से उनके राज्य में वर्षा रोकी गई। हे हुताशन, आपकी आज्ञा से मैं वैसा ही करूँगा — आप लौट आइए।

श्लोक 38 (skanda.7.414.38)

पुलस्त्य उवाच एवमुक्त्वा सहस्राक्षः पुष्करावर्तकान्घनान् द्रुतमाज्ञापयामास वृष्ट्यर्थं जगतीतले

pulastya uvāca evamuktvā sahasrākṣaḥ puṣkarāvartakānghanān drutamājñāpayāmāsa vṛṣṭyarthaṁ jagatītale

पुलस्त्य जी ने कहा — ऐसा कहकर सहस्राक्ष (इन्द्र) ने पृथ्वीतल पर वर्षा के लिए पुष्करावर्तक भारी मेघों को शीघ्र आज्ञा दी।

श्लोक 39 (skanda.7.414.39)

अथ शक्रसमादिष्टा विद्युत्वन्तो बलाहकाः गम्भीरराविणः सर्वं भूतलं प्रचुरैर्जलैः पूरयामासुरत्युग्रा द्युतिमन्तो महीपते

atha śakrasamādiṣṭā vidyutvaṁto balāhakāḥ gaṁbhīrarāviṇaḥ sarvaṁ bhūtalaṁ pracurairjalaiḥ pūrayāmāsuratyugrā dyutimaṁto mahīpate

तब शक्र द्वारा आदिष्ट विद्युत्युक्त बलाहक मेघ, गम्भीर गर्जना करते हुए, हे महीपते, अत्यन्त उग्र और द्युतिमान होकर सम्पूर्ण भूतल को प्रचुर जल से भर दिया।

श्लोक 40 (skanda.7.414.40)

ततोऽगमत्परां तुष्टिं भगवान्हव्यवाहनः रोचयामास भूपृष्ठे वसतिं देवकारणात्

tato'gamatparāṁ tuṣṭiṁ bhagavānhavyavāhanaḥ rocayāmāsa bhūpṛṣṭhe vasatiṁ devakāraṇāt

तब भगवान् हव्यवाहन परम सन्तोष को प्राप्त हुए, और देवताओं के हेतु पृथ्वी की सतह पर निवास करना उन्हें रुचिकर लगा।

श्लोक 41 (skanda.7.414.41)

देवा ऊचुः तवाऽऽदेशात्कृता वृष्टिरन्यत्कार्यं हुताशन यत्ते प्रियं तदस्माकं सुशीघ्रं हि निवेदय

devā ūcuḥ tavā''deśātkṛtā vṛṣṭiranyatkāryaṁ hutāśana yatte priyaṁ tadasmākaṁ suśīghraṁ hi nivedaya

देवताओं ने कहा — हे हुताशन, आपकी आज्ञा से वर्षा कर दी गई है; अब अन्य क्या कार्य शेष है? जो भी आपको प्रिय हो, वह हमें शीघ्र बताइए।

श्लोक 42 (skanda.7.414.42)

अग्निरुवाच एतज्जलाशयं पुण्यं मन्नाम्ना तीर्थमुत्तमम् ख्यातिं यातु धरापृष्ठे युष्माकं हि प्रसादतः

agniruvāca etajjalāśayaṁ puṇyaṁ mannāmnā tīrthamuttamam khyātiṁ yātu dharāpṛṣṭhe yuṣmākaṁ hi prasādataḥ

अग्नि ने कहा — यह पुण्य जलाशय, उत्तम तीर्थ, आप सबकी कृपा से पृथ्वी पर मेरे नाम से ख्याति को प्राप्त हो।

श्लोक 43 (skanda.7.414.43)

देवा ऊचुः अग्नितीर्थमिदं लोके प्रख्यातिं संप्रयास्यति अत्र स्नातो नरः सम्यगग्निलोकं प्रयास्यति

devā ūcuḥ agnitīrthamidaṁ loke prakhyātiṁ saṁprayāsyati atra snāto naraḥ samyagagnilokaṁ prayāsyati

देवताओं ने कहा — यह अग्नितीर्थ लोक में प्रख्याति को प्राप्त होगा। यहाँ भलीभाँति स्नान किया हुआ मनुष्य अग्निलोक को प्राप्त होगा।

श्लोक 44 (skanda.7.414.44)

यस्तिलान्दास्यति नरस्तीर्थेऽस्मिन्सुसमाहितः अग्निष्टोमस्य यज्ञस्य फलं तस्य भविष्यति

yastilāndāsyati narastīrthe'sminsusamāhitaḥ agniṣṭomasya yajñasya phalaṁ tasya bhaviṣyati

जो मनुष्य सुसमाहित होकर इस तीर्थ में तिल दान करेगा, उसे अग्निष्टोम यज्ञ का फल प्राप्त होगा।

श्लोक 45 (skanda.7.414.45)

पुलस्त्य उवाच एवमुक्त्वा सुराः सर्वे स्वस्वस्थानं ययुस्ततः वह्निश्च भगवान्राजन्यथापूर्वमवर्तत

pulastya uvāca evamuktvā surāḥ sarve svasvasthānaṁ yayustataḥ vahniśca bhagavānrājanyathāpūrvamavartata

पुलस्त्य जी ने कहा — ऐसा कहकर सभी देवता अपने-अपने स्थान को चले गए; और हे राजन्, भगवान् अग्नि पूर्ववत् संसार में रहने लगे।

श्लोक 46 (skanda.7.414.46)

यश्चैत्पठते नित्यं प्रातरुत्थाय चोत्तमम् अग्नितीर्थस्य माहात्म्यं मुच्यते सर्वपातकैः

yaścaitpaṭhate nityaṁ prātarutthāya cottamam agnitīrthasya māhātmyaṁ mucyate sarvapātakaiḥ

जो भी प्रातःकाल उठकर नित्य इस उत्तम अग्नितीर्थ के माहात्म्य को पढ़ता है, वह सब पापों से मुक्त हो जाता है।

श्लोक 47 (skanda.7.414.47)

अहोरात्रकृतात्पापात्स शृण्वन्नपि मुच्यते

ahorātrakṛtātpāpātsa śṛṇvannapi mucyate

वह केवल सुनने मात्र से भी दिन-रात्रि में किए गए पाप से मुक्त हो जाता है।