बुधेश्वर माहात्म्य वर्णन

श्लोक 1 (skanda.7.46.1)

॥ ईश्वर उवाच ॥ ततो गच्छेन्महादेवि तस्यैवोत्तरतः स्थितम् ॥ लिंगं महाप्रभावं तु बुधेश्वरमिति श्रुतम्

|| īśvara uvāca || tato gacchenmahādevi tasyaivottarataḥ sthitam || liṁgaṁ mahāprabhāvaṁ tu budheśvaramiti śrutam

ईश्वर ने कहा - फिर हे महादेवि! उसी (अंगारेश्वर) के उत्तर में स्थित महाप्रभावशाली लिंग के पास जाना चाहिए, जो बुधेश्वर नाम से जाना जाता है।

श्लोक 2 (skanda.7.46.2)

धनुषां द्वितये चैव नातिदूरे व्यवस्थितम् ॥ सर्वपाप हरं लिंगं दर्शनादेव भामिनि

dhanuṣāṁ dvitaye caiva nātidūre vyavasthitam || sarvapāpa haraṁ liṁgaṁ darśanādeva bhāmini

यह मात्र दो धनुष की दूरी पर, अधिक दूर नहीं, स्थित है; यह लिंग दर्शनमात्र से ही, हे भामिनि! सभी पापों का हरण करने वाला है।

श्लोक 3 (skanda.7.46.3)

बुधेन चैव देवेशि तत्र तप्तं महातपः ॥ स्थापितं विमलं लिंगं समाराध्य सदाशिवम्

budhena caiva deveśi tatra taptaṁ mahātapaḥ || sthāpitaṁ vimalaṁ liṁgaṁ samārādhya sadāśivam

हे देवेशि! वहाँ बुध ने महान तपस्या की और सदाशिव की आराधना करके इस निर्मल लिंग की स्थापना की।

श्लोक 4 (skanda.7.46.4)

वर्षायुतानि चत्वारि संपूज्य तु विधानतः ॥ अनन्यचेताः शांतात्मा प्रत्यक्षीकृतवान्भवम्

varṣāyutāni catvāri saṁpūjya tu vidhānataḥ || ananyacetāḥ śāṁtātmā pratyakṣīkṛtavānbhavam

चालीस हजार वर्षों तक विधिपूर्वक पूजा करके, अनन्यचित्त और शांत आत्मा वाले बुध ने भव (शिव) का साक्षात्कार किया।

श्लोक 5 (skanda.7.46.5)

ततस्तुष्टमना देवो ग्रहत्वं तस्य तद्ददौ ॥ तं संपूज्य विधानेन सोमपुत्रप्रतिष्ठितम्॥ सौम्याष्टम्यां विशेषेण राजसूयफलं लभेत्

tatastuṣṭamanā devo grahatvaṁ tasya taddadau || taṁ saṁpūjya vidhānena somaputrapratiṣṭhitam|| saumyāṣṭamyāṁ viśeṣeṇa rājasūyaphalaṁ labhet

तब प्रसन्नचित्त देव ने उसे ग्रहत्व प्रदान किया। सोमपुत्र (बुध) द्वारा प्रतिष्ठित इस लिंग की विधिपूर्वक पूजा करने वाला, विशेषकर सौम्याष्टमी को, राजसूय यज्ञ का फल प्राप्त करता है।

श्लोक 6 (skanda.7.46.6)

न दौर्भाग्यं कुले तस्य न चैवेष्टवियोजनम् ॥ शत्रुतो न भयं तस्य भवेत्तस्यप्रसादतः

na daurbhāgyaṁ kule tasya na caiveṣṭaviyojanam || śatruto na bhayaṁ tasya bhavettasyaprasādataḥ

उसके कुल में न दुर्भाग्य होता है, न प्रियजनों से वियोग होता है; उसकी कृपा से उसे शत्रुओं से भी भय नहीं होता।

श्लोक 7 (skanda.7.46.7)

इति संक्षेपतः प्रोक्तं माहात्म्यं बुधदैवतम्॥ श्रुत्वाऽभिनंद्य प्रयतः प्राप्नोति परमं पदम्

iti saṁkṣepataḥ proktaṁ māhātmyaṁ budhadaivatam|| śrutvā'bhinaṁdya prayataḥ prāpnoti paramaṁ padam

इस प्रकार संक्षेप में बुधदेवता संबंधी महिमा कही गई है; इसे सुनकर, अभिनंदन कर, संयमी व्यक्ति परम पद को प्राप्त करता है।