ऋषितीर्थ और सिद्धेश्वर का माहात्म्य

श्लोक 1 (skanda.7.462.1)

॥ प्रह्लाद उवाच ॥ श्रुत्वा तमागतं देवं ब्रह्माणं पितरं स्वकम्। सनकाद्या नमस्कर्त्तुं जग्मुः सर्वे पितामहम्॥

prahlāda uvāca| śrutvā tamāgataṁ devaṁ brahmāṇaṁ pitaraṁ svakam| sanakādyā namaskarttuṁ jagmuḥ sarve pitāmaham||

प्रह्लाद ने कहा — अपने पिता देवता ब्रह्मा को आया हुआ सुनकर, सनक आदि सभी उस पितामह को नमस्कार करने गए।

श्लोक 2 (skanda.7.462.2)

तं दृष्ट्वा लोककर्त्तारं दण्डवत्प्रणताः क्षितौ। ततो दृष्ट्वा स तनयान्संगृह्य परिषस्वजे॥

taṁ dṛṣṭvā lokakartāraṁ daṇḍavatpraṇatāḥ kṣitau| tato dṛṣṭvā sa tanayānsaṁgṛhya pariṣasvaje||

उस लोककर्ता को देखकर वे भूमि पर दण्डवत् प्रणत हो गए। फिर अपने पुत्रों को देखकर उसने उन्हें गले लगाया।

श्लोक 3 (skanda.7.462.3)

पृष्टश्चानामयं तैस्तु पृष्ट्वा तान्समुवाच ह। आराधितो यैर्भगवान्धन्या यूयं वयं तथा॥

pṛṣṭaścānāmayaṁ taistu pṛṣṭvā tānsamuvāca ha| ārādhito yairbhagavāndhanyā yūyaṁ vayaṁ tathā||

उन्होंने ब्रह्मा की कुशलक्षेम पूछी, और ब्रह्मा ने भी उनसे पूछकर कहा — 'तुम धन्य हो, जिन्होंने भगवान् की आराधना की, और हम भी धन्य हैं।'

श्लोक 4 (skanda.7.462.4)

संसिद्धिं परमां याता भगवद्दर्शनेन हि। न ज्ञातं पुत्रकाः सम्यगज्ञानाद्बालबुद्धिभिः॥

saṁsiddhiṁ paramāṁ yātā bhagavaddarśanena hi| na jñātaṁ putrakāḥ samyagajñānādbālabuddhibhiḥ||

'भगवान् के दर्शन से तुम परम सिद्धि को प्राप्त हुए हो। हे पुत्रो! अज्ञान और बालबुद्धि के कारण तुमने उसे भलीभाँति नहीं जाना था।'

श्लोक 5 (skanda.7.462.5)

येनार्चितो महादेवस्तस्य तुष्यति केशवः। अनर्चिते नीलकण्ठे न गृह्णात्यर्चनं हरिः। तस्मात्सर्वप्रयत्नेन पूज्यतां नीललोहितः॥

yenārcito mahādevastasya tuṣyati keśavaḥ| anarcite nīlakaṇṭhe na gṛhṇātyarcanaṁ hariḥ| tasmātsarvaprayatnena pūjyatāṁ nīlalohitaḥ||

'जिसके द्वारा महादेव की पूजा की जाती है, उसी पर केशव प्रसन्न होते हैं। नीलकण्ठ की पूजा किए बिना हरि अर्चना स्वीकार नहीं करते। इसलिए पूर्ण प्रयत्न से नीललोहित की पूजा करो।'

श्लोक 6 (skanda.7.462.6)

येन संपूर्णतां याति कृष्णपूजा कृता सदा। तच्छ्रुत्वा वचनं तस्या ब्रह्मपुत्रा ययुस्तदा॥

yena sampūrṇatāṁ yāti kṛṣṇapūjā kṛtā sadā| tacchrutvā vacanaṁ tasyā brahmaputrā yayustadā||

'जिससे कृष्ण की पूजा सदा पूर्णता को प्राप्त होती है।' यह वचन सुनकर ब्रह्मपुत्र तब चले गए।

श्लोक 7 (skanda.7.462.7)

देवागाराग्रतो गत्वा योगसिद्धा महर्षयः। लिंगं संस्थापयामासुः शिवभक्तिपुरस्कृता॥

devāgārāgrato gatvā yogasiddhā maharṣayaḥ| liṅgaṁ saṁsthāpayāmāsuḥ śivabhaktipuraskṛtā||

देव-मन्दिर के सामने जाकर, योगसिद्ध महर्षियों ने शिवभक्ति से प्रेरित होकर एक शिवलिंग स्थापित किया।

श्लोक 8 (skanda.7.462.8)

संस्थाप्य शिवलिंगं ते स्नानार्थं मुनिसत्तमाः। कूपं चक्रुस्ततः सर्व ऋषयः संशितव्रताः॥

saṁsthāpya śivaliṅgaṁ te snānārthaṁ munisattamāḥ| kūpaṁ cakrustataḥ sarva ṛṣayaḥ saṁśitavratāḥ||

शिवलिंग की स्थापना करके, हे मुनिश्रेष्ठो! उन सभी कठोर व्रतधारी ऋषियों ने स्नान के लिए एक कूप बनाया।

श्लोक 9 (skanda.7.462.9)

दृष्ट्वा तममृतप्रख्यं जलपूर्णं सुनिर्मलम्। संहृष्टा ऋषयः सर्वे साधुसाध्विति चाब्रुवन्॥

dṛṣṭvā tamamṛtaprakhyaṁ jalapūrṇaṁ sunirmalam| saṁhṛṣṭā ṛṣayaḥ sarve sādhusādhviti cābruvan||

उस अमृत के समान, जल से परिपूर्ण, अत्यंत निर्मल कूप को देखकर, सभी ऋषि हर्षित होकर 'साधु-साधु' कहने लगे।

श्लोक 10 (skanda.7.462.10)

स्थापितं शिवलिंगं च दृष्ट्वा लोकपितामहः। उवाच वचनं ब्रह्मा प्रीतः पुत्रांस्तदा द्विजाः॥

sthāpitaṁ śivaliṅgaṁ ca dṛṣṭvā lokapitāmahaḥ| uvāca vacanaṁ brahmā prītaḥ putrāṁstadā dvijāḥ||

उस स्थापित शिवलिंग को देखकर, हे द्विजो! लोकपितामह ब्रह्मा प्रसन्न होकर तब अपने पुत्रों से यह वचन कहने लगे —

श्लोक 11 (skanda.7.462.11)

॥ ब्रह्मोवाच ॥ भवद्भिर्योगसंसिद्धैर्यस्मात्संस्थापितः शिवः। तस्मात्सिद्धेश्वर इति ख्यातिं लोके गमिष्यति॥

brahmovāca| bhavadbhiryogasaṁsiddhairyasmātsaṁsthāpitaḥ śivaḥ| tasmātsiddheśvara iti khyātiṁ loke gamiṣyati||

ब्रह्मा ने कहा — 'चूँकि योगसिद्ध तुम्हारे द्वारा शिव की स्थापना की गई है, इसलिए यह लोक में 'सिद्धेश्वर' के नाम से विख्यात होगा।'

श्लोक 12 (skanda.7.462.12)

समीपे शितिकण्ठस्य कूपोयमृषिभिः कृतः। ऋषितीर्थमिति ख्यातं तस्माल्लोके भविष्यति॥

samīpe śitikaṇṭhasya kūpoyamṛṣibhiḥ kṛtaḥ| ṛṣitīrthamiti khyātaṁ tasmālloke bhaviṣyati||

'शितिकण्ठ के समीप यह कूप ऋषियों द्वारा बनाया गया है; इसलिए यह लोक में 'ऋषितीर्थ' के नाम से विख्यात होगा।'

श्लोक 13 (skanda.7.462.13)

विना श्राद्धेन विप्रेन्द्रा दानेन पितृतर्पणात्। भक्तितः स्नानमात्रेण पितृभिः सह मुच्यते॥

vinā śrāddhena viprendrā dānena pitṛtarpaṇāt| bhaktitaḥ snānamātreṇa pitṛbhiḥ saha mucyate||

हे विप्रेन्द्रो! श्राद्ध, दान और पितृतर्पण के बिना भी, केवल भक्तिपूर्वक स्नान करने मात्र से मनुष्य अपने पितरों सहित मुक्त हो जाता है।

श्लोक 14 (skanda.7.462.14)

असत्यवादिनो ये च परनिन्दा परायणाः। स्नानमात्रेण शुध्यन्ति ऋषितीर्थे न संशयः॥

asatyavādino ye ca paranindā parāyaṇāḥ| snānamātreṇa śudhyanti ṛṣitīrthe na saṁśayaḥ||

जो असत्यवादी हैं और परनिन्दा में लगे रहते हैं, वे भी ऋषितीर्थ में केवल स्नान करने मात्र से शुद्ध हो जाते हैं, इसमें संशय नहीं।

श्लोक 15 (skanda.7.462.15)

स्नानं प्रशस्तं विषुवे मन्वादिषु तथैव च। तथा कृतयुगाद्यायां माघस्य द्विजसत्तमाः॥

snānaṁ praśastaṁ viṣuve manvādiṣu tathaiva ca| tathā kṛtayugādyāyāṁ māghasya dvijasattamāḥ||

हे द्विजसत्तमो! विषुव के समय, मन्वादि तिथियों में, कृतयुगादि तिथि में, तथा माघ मास में स्नान करना प्रशस्त है।

श्लोक 16 (skanda.7.462.16)

शिवरात्रौ वसेद्यस्तु लिंगे सिद्धेशसंज्ञिते। स्नात्वा ऋषिकृते तीर्थे किं तस्यान्येन वै द्विजाः। गत्वा तत्र महाभागा गृहीत्वा फलमुत्तमम्॥

śivarātrau vasedyastu liṅge siddheśasaṁjñite| snātvā ṛṣikṛte tīrthe kiṁ tasyānyena vai dvijāḥ| gatvā tatra mahābhāgā gṛhītvā phalamuttamam||

हे द्विजो! जो शिवरात्रि को सिद्धेश नामक लिंग के समीप निवास करता है, और ऋषिकृत तीर्थ में स्नान करता है, उसे और किसी की आवश्यकता क्या है? हे महाभागो! वहाँ जाकर उत्तम फल ग्रहण करके,

श्लोक 17 (skanda.7.462.17)

अर्घ्यं दत्त्वा विधानेन कृत्वा च करयोः कुशान्। गृह्णंत्वर्घ्यमिमं देवा योगसिद्धा महर्षयः॥

arghyaṁ dattvā vidhānena kṛtvā ca karayoḥ kuśān| gṛhṇantvarghyamimaṁ devā yogasiddhā maharṣayaḥ||

विधिपूर्वक हाथों में कुश लेकर अर्घ्य अर्पित करे — 'हे देवो! हे योगसिद्ध महर्षियो! यह अर्घ्य ग्रहण करें।'

श्लोक 18 (skanda.7.462.18)

ऋषितीर्थे च पापघ्ने सिद्धेश्वरसमन्विते। दत्त्वार्घ्यं मृदमालभ्य स्नानं कुर्यात्समाहितः॥

ṛṣitīrthe ca pāpaghne siddheśvarasamanvite| dattvārghyaṁ mṛdamālabhya snānaṁ kuryātsamāhitaḥ||

पापनाशक ऋषितीर्थ में, सिद्धेश्वर से युक्त, अर्घ्य अर्पित करके, मिट्टी लगाकर एकाग्रचित्त होकर स्नान करे।

श्लोक 19 (skanda.7.462.19)

तर्पयेच्च पितॄन्देवान्मनुष्यांश्च यथाक्रमम्। ततः श्राद्धं प्रकुर्वीत पितॄणां श्रद्धयाऽन्वितः॥

tarpayecca pitṝndevānmanuṣyāṁśca yathākramam| tataḥ śrāddhaṁ prakurvīta pitṝṇāṁ śraddhayā'nvitaḥ||

क्रमशः पितरों, देवताओं और मनुष्यों को तर्पण दे; फिर श्रद्धापूर्वक पितरों का श्राद्ध करे।

श्लोक 20 (skanda.7.462.20)

तथा च दक्षिणां दद्याद्वित्तशाठ्यविवर्जितः। विशेषतः प्रदेयानि फलानि रसवंति च॥

tathā ca dakṣiṇāṁ dadyādvittaśāṭhyavivarjitaḥ| viśeṣataḥ pradeyāni phalāni rasavaṁti ca||

और धन के प्रति कंजूसी त्यागकर दक्षिणा दे; विशेष रूप से रसीले फल भी देने चाहिए।

श्लोक 21 (skanda.7.462.21)

दद्याच्छयामाकनीवारान्विद्रुमं चाजिनानि च। सप्तधान्यानि शालींश्च सक्तूंश्च गुडसंयुतान्॥

dadyācchyāmākanīvārānvidrumaṁ cājināni ca| saptadhānyāni śālīṁśca saktūṁśca guḍasaṁyutān||

श्यामाक और नीवार धान्य, मूँगा, मृगचर्म, सात प्रकार के धान्य, चावल, और गुड़ मिश्रित सत्तू भी दे।

श्लोक 22 (skanda.7.462.22)

गंधमाल्यानि तांबूलं वस्त्राणि च तथा पयः। एवं कृत्वा समग्रं च कृतकृत्यो भवेन्नरः॥

gandhamālyāni tāmbūlaṁ vastrāṇi ca tathā payaḥ| evaṁ kṛtvā samagraṁ ca kṛtakṛtyo bhavennaraḥ||

सुगन्धित माल्य, ताम्बूल, वस्त्र और दूध भी दे। इस प्रकार सब कुछ पूर्ण करके मनुष्य कृतकृत्य हो जाता है।

श्लोक 23 (skanda.7.462.23)

पूजयित्वा महादेवं सिद्धेश्वरमुमापतिम्। सफलं जन्म मर्त्यस्य जीवितं च सुजीवितम्॥

pūjayitvā mahādevaṁ siddheśvaramumāpatim| saphalaṁ janma martyasya jīvitaṁ ca sujīvitam||

महादेव सिद्धेश्वर, उमापति की पूजा करके, मरणशील मनुष्य का जन्म सफल हो जाता है, और उसका जीवन सुजीवन हो जाता है।

श्लोक 24 (skanda.7.462.24)

यः स्नात्वा ऋषितीर्थे तु पश्येत्सिद्धेश्वरं शिवम्। पितरस्तस्य तुष्यन्ति तुष्यन्ति च पितामहाः॥

yaḥ snātvā ṛṣitīrthe tu paśyetsiddheśvaraṁ śivam| pitarastasya tuṣyanti tuṣyanti ca pitāmahāḥ||

जो ऋषितीर्थ में स्नान करके सिद्धेश्वर शिव का दर्शन करता है, उसके पितर प्रसन्न होते हैं, और उसके पितामह भी प्रसन्न होते हैं।

श्लोक 25 (skanda.7.462.25)

अपुत्रा पुत्रिणः स्युस्ते पुत्रिणश्चापि पौत्रिणः। निर्धना धनवंतश्च सिद्धेश्वररता नराः॥

aputrā putriṇaḥ syuste putriṇaścāpi pautriṇaḥ| nirdhanā dhanavaṁtaśca siddheśvararatā narāḥ||

सिद्धेश्वर में रत मनुष्य, चाहे पुत्रहीन हों, पुत्रवान् हो जाते हैं; पुत्रवान् भी पौत्रवान् हो जाते हैं; निर्धन भी धनवान् हो जाते हैं।

श्लोक 26 (skanda.7.462.26)

दुष्कृतं याति विलयं सुकृतं च विवर्द्धते। भवेन्मनोरथावाप्तिः प्रणते सिद्धनायके॥

duṣkṛtaṁ yāti vilayaṁ sukṛtaṁ ca vivarddhate| bhavenmanorathāvāptiḥ praṇate siddhanāyake||

उनके दुष्कृत नष्ट हो जाते हैं और सुकृत बढ़ते हैं; सिद्धनायक को प्रणाम करने से उनके मनोरथ की सिद्धि होती है।

श्लोक 27 (skanda.7.462.27)

ऋषितीर्थे नरः स्नात्वा दृष्ट्वा सिद्धेश्वरं हरम्। सर्वान्कामानवाप्नोति नात्र कार्या विचारणा॥

ṛṣitīrthe naraḥ snātvā dṛṣṭvā siddheśvaraṁ haram| sarvānkāmānavāpnoti nātra kāryā vicāraṇā||

ऋषितीर्थ में स्नान करके और सिद्धेश्वर हर का दर्शन करके मनुष्य अपनी समस्त कामनाओं को प्राप्त करता है, इसमें कोई विचार करने की आवश्यकता नहीं।

श्लोक 28 (skanda.7.462.28)

शिवरात्र्यां विशेषेण सिद्धेशः संप्रपूजितः। यंयं कामयते कामं तं ददाति न संशयः। चिन्तामणिसमः स्वामी ह्यथवा चाक्षयो निधिः॥

śivarātryāṁ viśeṣeṇa siddheśaḥ samprapūjitaḥ| yaṁyaṁ kāmayate kāmaṁ taṁ dadāti na saṁśayaḥ| cintāmaṇisamaḥ svāmī hyathavā cākṣayo nidhiḥ||

शिवरात्रि को विशेष रूप से पूजित सिद्धेश जिस-जिस कामना को चाहा जाए, उसे प्रदान करते हैं, इसमें संशय नहीं; वह स्वामी चिन्तामणि के समान, या अक्षय निधि के समान हैं।

श्लोक 29 (skanda.7.462.29)

श्रुत्वाध्यायमिमं पुण्यं सर्वाघहरणं परम्। प्रयाति परमं स्थानं मानवः श्रद्धयान्वितः॥

śrutvādhyāyamimaṁ puṇyaṁ sarvāghaharaṇaṁ param| prayāti paramaṁ sthānaṁ mānavaḥ śraddhayānvitaḥ||

इस पुण्य, समस्त पापों को हरने वाले परम अध्याय को सुनकर, श्रद्धायुक्त मनुष्य परम स्थान को प्राप्त होता है।