श्रीसोमेश्वरमहिमवर्णनम्

श्लोक 1 (skanda.7.6.1)

देव्युवाच। अत्यद्भुतं महादेव माहात्म्यं कथितं मम। अपूर्वं देवदेवेश कदाचिन्न श्रुतं मया

devyuvāca| atyadbhutaṁ mahādeva māhātmyaṁ kathitaṁ mama| apūrvaṁ devadeveśa kadācinna śrutaṁ mayā

देवी ने कहा—हे महादेव! आपने मुझे अत्यन्त अद्भुत माहात्म्य बताया; हे देवाधिदेव! यह अपूर्व है, मैंने इसे पहले कभी नहीं सुना।

श्लोक 2 (skanda.7.6.2)

ब्रह्मांडे यानि लिंगानि कीर्तितानि त्वया मम। तेषां प्रभावेनाधिक्यं सोमेशे तत्कथं वद

brahmāṁḍe yāni liṁgāni kīrtitāni tvayā mama| teṣāṁ prabhāvenādhikyaṁ someśe tatkathaṁ vada

ब्रह्माण्ड में जो लिंग आपने मुझे बताए हैं, उनके प्रभाव से सोमेश में जो अधिकता है, वह मुझे बताइए।

श्लोक 3 (skanda.7.6.3)

किं प्रभावो महादेव क्षेत्रस्य च सुरेश्वर। तन्मे ब्रूहि सुरेशान याथातथ्यं ममाग्रतः

kiṁ prabhāvo mahādeva kṣetrasya ca sureśvara| tanme brūhi sureśāna yāthātathyaṁ mamāgrataḥ

हे महादेव! हे सुरेश्वर! क्षेत्र का प्रभाव क्या है? हे सुरेशान! वह मुझे मेरे समक्ष यथार्थ रूप से बताइए।

श्लोक 4 (skanda.7.6.4)

ईश्वर उवाच। अतः परं प्रवक्ष्यामि रहस्यं परमं तव। प्रभासक्षेत्रमाहात्म्यं सोमेशस्य वरानने

īśvara uvāca| ataḥ paraṁ pravakṣyāmi rahasyaṁ paramaṁ tava| prabhāsakṣetramāhātmyaṁ someśasya varānane

ईश्वर ने कहा—हे वरानने! अब मैं तुम्हें परम रहस्य बताता हूँ—प्रभासक्षेत्र में सोमेश का माहात्म्य।

श्लोक 5 (skanda.7.6.5)

तीर्थानां परमं तीर्थं व्रतानां परमं व्रतम्। जाप्यानां परमं जाप्यं ध्यानानां ध्यानमुत्तमम्

tīrthānāṁ paramaṁ tīrthaṁ vratānāṁ paramaṁ vratam| jāpyānāṁ paramaṁ jāpyaṁ dhyānānāṁ dhyānamuttamam

यह तीर्थों में परम तीर्थ है, व्रतों में परम व्रत है, जापों में परम जाप है, ध्यानों में उत्तम ध्यान है।

श्लोक 6 (skanda.7.6.6)

योगानां परमो योगो रहस्यं परमं महत्। तत्तेहं संप्रवक्ष्यामि शृणु ह्येकमना प्रिये

yogānāṁ paramo yogo rahasyaṁ paramaṁ mahat| tatteahaṁ saṁpravakṣyāmi śṛṇu hyekamanā priye

यह योगों में परम योग है, महान परम रहस्य है; हे प्रिये! उसे मैं तुम्हें बताता हूँ, एकाग्रचित्त होकर सुनो।

श्लोक 7 (skanda.7.6.7)

सोमेशं परमं स्थानं पंचवक्त्रसमन्वितम्। एतल्लिंगं न मुंचामि सत्यंसत्यं मयोदितम्

someśaṁ paramaṁ sthānaṁ paṁcavaktrasamanvitam| etalliṁgaṁ na muṁcāmi satyaṁsatyaṁ mayoditam

सोमेश परम स्थान है, पंचमुख से युक्त है; इस लिंग को मैं नहीं छोड़ता, यह मेरे द्वारा सत्य-सत्य कहा गया है।

श्लोक 8 (skanda.7.6.8)

यच्च तत्परमं देवि ध्रुवमक्षयमव्ययम्। सोमेशं तद्विजानीहि मा विकल्पमना भव

yacca tatparamaṁ devi dhruvamakṣayamavyayam| someśaṁ tadvijānīhi mā vikalpamanā bhava

हे देवि! जो वह परम, ध्रुव, अक्षय और अव्यय है, उसे ही सोमेश जानो; इसमें संदेहशील चित्त मत रखो।

श्लोक 9 (skanda.7.6.9)

निर्भयं निर्मलं नित्यं निरपेक्षं निराश्रयम्। निरंजनं निष्प्रपंचं निःसंगं निरुपद्रवम्

nirbhayaṁ nirmalaṁ nityaṁ nirapekṣaṁ nirāśrayam| niraṁjanaṁ niṣprapaṁcaṁ niḥsaṁgaṁ nirupadravam

निर्भय, निर्मल, नित्य, निरपेक्ष, निराश्रय, निरंजन, निष्प्रपंच, निःसंग और निरुपद्रव—

श्लोक 10 (skanda.7.6.10)

तल्लिंगमिति जानीहि प्रभासे संव्यवस्थितम्। अपवर्गमविज्ञेयं मनोरम्यमनामयम्

talliṁgamiti jānīhi prabhāse saṁvyavasthitam| apavargamavijñeyaṁ manoramyamanāmayam

उस लिंग को, जो प्रभास में स्थित है, अपवर्ग (मोक्ष)-स्वरूप, अविज्ञेय, मनोरम तथा रोगरहित जानो।

श्लोक 11 (skanda.7.6.11)

नित्यं च कारणं देवं मखघ्नं सर्वतोमुखम्। शिवं सर्वात्मकं सूक्ष्ममनाद्यं यच्च दैवतम्

nityaṁ ca kāraṇaṁ devaṁ makhaghnaṁ sarvatomukham| śivaṁ sarvātmakaṁ sūkṣmamanādyaṁ yacca daivatam

जो नित्य कारणरूप देव, दक्ष के यज्ञ को नष्ट करने वाले, सर्वतोमुख, कल्याणकारी, सर्वात्मक, सूक्ष्म, अनादि और देवस्वरूप हैं,

श्लोक 12 (skanda.7.6.12)

आत्मोपलब्धिविज्ञेयं चित्तचिंताविवर्जितम्। गमागमविनिर्मुक्तं बहिरंतश्च केवलम्

ātmopalabdhivijñeyaṁ cittaciṁtāvivarjitam| gamāgamavinirmuktaṁ bahiraṁtaśca kevalam

जो आत्मानुभूति से ही जानने योग्य है, चित्त की चिन्ताओं से रहित है, आवागमन से मुक्त है, तथा बाहर-भीतर केवल है,

श्लोक 13 (skanda.7.6.13)

आत्मोपलब्धिविषयं स्तुतिगोचरवर्जितम्। निष्कलं विमलात्मानं प्रकटं ज्ञानदीपकम्

ātmopalabdhiviṣayaṁ stutigocaravarjitam| niṣkalaṁ vimalātmānaṁ prakaṭaṁ jñānadīpakam

जो आत्मानुभूति का विषय है, स्तुति के विषय से परे है, अंशरहित, विमल आत्मा वाला, प्रकट तथा ज्ञान का दीपक है,

श्लोक 14 (skanda.7.6.14)

तल्लिंगमिति जानीहि प्रभासे सुरसुंदरि। निरावकाशरहितं शब्दं शब्दांतगोचरम्

talliṁgamiti jānīhi prabhāse surasuṁdari| nirāvakāśarahitaṁ śabdaṁ śabdāṁtagocaram

हे सुरसुन्दरि! उस लिंग को प्रभास में जानो, जो अवकाशरहित है, शब्दरूप है, तथा शब्द के अन्त का विषय है,

श्लोक 15 (skanda.7.6.15)

निष्कलं विमलं देवं देवदेवं सुरात्मकम्। हेतुप्रमाणरहितं कल्पनाभाववर्जितम्

niṣkalaṁ vimalaṁ devaṁ devadevaṁ surātmakam| hetupramāṇarahitaṁ kalpanābhāvavarjitam

अंशरहित, विमल, देवाधिदेव, देवात्मक, हेतु और प्रमाण से रहित, तथा कल्पना और भाव से रहित,

श्लोक 16 (skanda.7.6.16)

चित्तावलोकविषयं बहिरंतरसंस्थितम्। प्रभासे तं विजानीहि प्रणवं लिंगरूपिणम्

cittāvalokaviṣayaṁ bahiraṁtarasaṁsthitam| prabhāse taṁ vijānīhi praṇavaṁ liṁgarūpiṇam

जो चित्त के अवलोकन का विषय है, बाहर-भीतर स्थित है—उसे प्रभास में प्रणवस्वरूप लिंगरूप जानो।

श्लोक 17 (skanda.7.6.17)

अनिष्पंदं महात्मानं निरानंदावलोकनम्। लोकावलोकमार्गस्थं विशुद्धज्ञानकेवलम्

aniṣpaṁdaṁ mahātmānaṁ nirānaṁdāvalokanam| lokāvalokamārgasthaṁ viśuddhajñānakevalam

जो निश्चल, महात्मास्वरूप, आनन्द-रहित दर्शन वाला, लोक के दर्शन-मार्ग में स्थित, तथा विशुद्ध ज्ञानमात्र है,

श्लोक 18 (skanda.7.6.18)

विद्याविशेषमार्गस्थमनेकाकारसंज्ञितम्। स्वभावभावनाग्राह्यं भावातीतमलक्षणम्

vidyāviśeṣamārgasthamanekākārasaṁjñitam| svabhāvabhāvanāgrāhyaṁ bhāvātītamalakṣaṇam

जो विशेष विद्या के मार्ग में स्थित है, अनेक आकारों से संज्ञित है, स्वभावगत भावना से ग्राह्य है, तथा भाव से परे और लक्षणरहित है,

श्लोक 19 (skanda.7.6.19)

वाक्प्रपंचादिरहितं निष्प्रपञ्चात्मकं शिवम्। ज्ञानज्ञेयावलोकस्थं हेत्वाभासविवर्जितम्

vākprapaṁcādirahitaṁ niṣprapañcātmakaṁ śivam| jñānajñeyāvalokasthaṁ hetvābhāsavivarjitam

जो वाणी के विस्तार आदि से रहित, प्रपंचरहित-स्वरूप, कल्याणकारी, ज्ञान और ज्ञेय के दर्शन में स्थित, तथा तर्काभास से रहित है,

श्लोक 20 (skanda.7.6.20)

अनाहतं शब्दगतं शब्दादिगणसंभवम्। एवं सोमेश्वरं विद्धि प्रभासे लिंगरूपिणम्

anāhataṁ śabdagataṁ śabdādigaṇasaṁbhavam| evaṁ someśvaraṁ viddhi prabhāse liṁgarūpiṇam

जो अनाहत है, शब्द में स्थित है, शब्द आदि गणों का उद्गम है—इस प्रकार प्रभास में सोमेश्वर को लिंगरूप जानो।

श्लोक 21 (skanda.7.6.21)

शब्दब्रह्मगतं शान्तं स शब्दांतगमास्पदम्। सर्वातिरिक्त विषयं सर्वध्यानपदे स्थितम्

śabdabrahmagataṁ śāṁtaṁ sa śabdāṁtagamāspadam| sarvātirikta viṣayaṁ sarvadhyānapade sthitam

जो शब्दब्रह्म में स्थित, शान्त तथा शब्द के अन्त तक पहुँचने का आश्रय है, जो सबसे परे विषय है और सब ध्यानों के पद में स्थित है,

श्लोक 22 (skanda.7.6.22)

अनादिमच्युतं दिव्यं प्रमाणातीत गोचरम्। अधश्चोर्ध्वं गतं नित्यं जीवाख्यं देहसंस्थितम्

anādimacyutaṁ divyaṁ pramāṇātīta gocaram| adhaścordhvaṁ gataṁ nityaṁ jīvākhyaṁ dehasaṁsthitam

अनादि, अच्युत, दिव्य, प्रमाण से परे का विषय, ऊपर-नीचे व्याप्त, नित्य, जीवरूप से देह में स्थित,

श्लोक 23 (skanda.7.6.23)

हृदादिद्वादशांतस्थं प्राणापानोदयास्तगम्। अग्राह्यमिन्द्रियात्मानं निष्कलंकात्मकं विभुम्

hṛdādidvādaśāṁtasthaṁ prāṇāpānodayāstagam| agrāhyamiṁdriyātmānaṁ niṣkalaṁkātmakaṁ vibhum

हृदय से लेकर द्वादशांत तक स्थित, प्राण-अपान के उदय और अस्त में गतिमान, इन्द्रियों से अग्राह्य, निष्कलंक आत्मास्वरूप, विभु,

श्लोक 24 (skanda.7.6.24)

स्वरादिव्यंजनातीतं वर्णादिपरिवर्जितम्। वाचामवाच्यविषयमहंकारार्द्धरूपिणम्

svarādivyaṁjanātītaṁ varṇādiparivarjitam| vācāmavācyaviṣayamahaṁkārārddharūpiṇam

स्वरों और व्यंजनों से परे, वर्ण आदि से रहित, वाणी के लिए अवाच्य विषय, अहंकार का आधा स्वरूप,

श्लोक 25 (skanda.7.6.25)

अप्रतर्क्यमनुच्चार्यं कलनाकालवर्जितम्। निःशब्दं निश्चलं सौम्यं देहातीतं परात्परम्

apratarkyamanuccāryaṁ kalanākālavarjitam| niḥśabdaṁ niścalaṁ saumyaṁ dehātītaṁ parātparam

अतर्क्य, अनुच्चार्य, गणना और काल से रहित, निःशब्द, निश्चल, सौम्य, देह से परे, परात्पर,

श्लोक 26 (skanda.7.6.26)

भूतावग्रहरहितं भावाभावविवर्जितम्। अविज्ञेयं परं सूक्ष्मं पञ्चपञ्चादिसंभवम्

bhūtāvagraharahitaṁ bhāvābhāvavivarjitam| avijñeyaṁ paraṁ sūkṣmaṁ pañcapañcādisaṁbhavam

भूतों के आग्रह से रहित, भाव और अभाव दोनों से रहित, अविज्ञेय, परम सूक्ष्म, तथा पंचभूत आदि पंचकों का उद्गम,

श्लोक 27 (skanda.7.6.27)

अप्रमेयमनंताख्यमक्षयं कामरूपिणम्। प्रभवं सर्वभूतानां बीजांकुरसमुद्भवम्

aprameyamanaṁtākhyamakṣayaṁ kāmarūpiṇam| prabhavaṁ sarvabhūtānāṁ bījāṁkurasamudbhavam

अप्रमेय, अनन्त नाम वाला, अक्षय, इच्छानुसार रूप धारण करने वाला, सब भूतों का उद्गम, बीज और अंकुर का समुद्भव,

श्लोक 28 (skanda.7.6.28)

व्यापकं सर्वकामाख्यमक्षरं परमं महत्। स्थूलसूक्ष्मविभागस्थं व्यक्ताव्यक्तं सनातनम्

vyāpakaṁ sarvakāmākhyamakṣaraṁ paramaṁ mahat| sthūlasūkṣmavibhāgasthaṁ vyaktāvyaktaṁ sanātanam

व्यापक, सब कामनाओं का नाम, अक्षर, परम महत्, स्थूल-सूक्ष्म विभाग में स्थित, व्यक्त-अव्यक्त, सनातन,

श्लोक 29 (skanda.7.6.29)

कल्पकल्पान्तरहितमनादिनिधनं महत्। महाभूतं महाकायं शिवं निर्वाणभैरवम्

kalpakalpāntarahitamanādinidhanaṁ mahat| mahābhūtaṁ mahākāyaṁ śivaṁ nirvāṇabhairavam

कल्प और कल्पान्त से रहित, अनादि-अनन्त, महान्, महाभूतस्वरूप, महाकाय, कल्याणकारी, तथा निर्वाणभैरव—

श्लोक 30 (skanda.7.6.30)

एवं सदाशिवं विद्धि प्रभासे लिंगरूपिणम्। योगक्रिया विनिर्मुक्तं मृत्युंजयमनादिमत्

evaṁ sadāśivaṁ viddhi prabhāse liṁgarūpiṇam| yogakriyā vinirmuktaṁ mṛtyuṁjayamanādimat

इस प्रकार प्रभास में लिंगरूप सदाशिव को जानो, जो योग-क्रिया से मुक्त, मृत्युंजय तथा अनादि हैं।

श्लोक 31 (skanda.7.6.31)

सर्वोपसर्गरहितं सर्वतोव्यापकं शिवम्। अव्यक्तं परतो नित्यं केवलं द्वैतवर्जितम्

sarvopasargarahitaṁ sarvatovyāpakaṁ śivam| avyaktaṁ parato nityaṁ kevalaṁ dvaitavarjitam

सब उपद्रवों से रहित, सर्वव्यापी, कल्याणकारी, अव्यक्त, परम, नित्य, केवल, तथा द्वैत से रहित—

श्लोक 32 (skanda.7.6.32)

अनन्यतेजसाक्रांतं प्रभासक्षेत्रवासिनम्। भूरिस्वयंप्रभप्रख्यं सर्वतेजोऽधिकं हरम्

ananyatejasākrāṁtaṁ prabhāsakṣetravāsinam| bhūrisvayaṁprabhaprakhyaṁ sarvatejo'dhikaṁ haram

जो किसी अन्य तेज से आक्रान्त नहीं होते, प्रभासक्षेत्र में निवास करते हैं, स्वयं अत्यधिक प्रभावाले प्रख्यात हैं, तथा सब तेजों से अधिक तेजस्वी हर हैं,

श्लोक 33 (skanda.7.6.33)

शरण्यंदेवमीशानमोंकारं शिवरूपिणम्। देवदेवं महादेवं पंचवक्त्रं वृषध्वजम्

śaraṇyaṁdevamīśānamoṁkāraṁ śivarūpiṇam| devadevaṁ mahādevaṁ paṁcavaktraṁ vṛṣadhvajam

शरण देने योग्य देव, ईशान, ओंकाररूप, शिवरूप, देवाधिदेव, महादेव, पंचमुख, वृषभध्वज,

श्लोक 34 (skanda.7.6.34)

निर्मलं मानसातीतं भावग्राह्यमनूपमम्। सदा शांतं विरूपाक्षं शूलहस्तं जटाधरम्

nirmalaṁ mānasātītaṁ bhāvagrāhyamanūpamam| sadā śāṁtaṁ virūpākṣaṁ śūlahastaṁ jaṭādharam

निर्मल, मन से परे, भाव से ग्राह्य, अनुपम, सदा शान्त, विरूपाक्ष, हाथ में त्रिशूल धारण करने वाले, जटाधारी,

श्लोक 35 (skanda.7.6.35)

हृत्पद्मकोशमध्यस्थं शून्यरूपं निरञ्जनम्। एवं सदाशिवं विद्धि प्रभासे लिङ्गरूपिणम्

hṛtpadmakośamadhyasthaṁ śūnyarūpaṁ nirañjanam| evaṁ sadāśivaṁ viddhi prabhāse liṅgarūpiṇam

हृदयकमल की कोश के मध्य में स्थित, शून्यरूप, निरंजन—इस प्रकार प्रभास में लिंगरूप सदाशिव को जानो।

श्लोक 36 (skanda.7.6.36)

योऽसौ परात्परो देवो हंसाख्यः परिकीर्तितः। नादाख्यः सुव्रते देवि सोऽस्मिन्स्थाने स्थितः स्वयम्

yo'sau parātparo devo haṁsākhyaḥ parikīrtitaḥ| nādākhyaḥ suvrate devi so'sminsthāne sthitaḥ svayam

जो यह परात्पर देव हंस नाम से प्रकीर्तित हैं, हे सुव्रते देवि! नाद नाम से भी प्रसिद्ध वे स्वयं इसी स्थान में स्थित हैं।

श्लोक 37 (skanda.7.6.37)

एतदादिस्वरूपं च मया योगबलेन तु। विज्ञातं देवि गदितं दिव्यमात्मानमात्मना

etadādisvarūpaṁ ca mayā yogabalena tu| vijñātaṁ devi gaditaṁ divyamātmānamātmanā

यह आदि स्वरूप मेरे द्वारा योगबल से ही जाना गया है; हे देवि! अपने ही द्वारा अपने दिव्य आत्मा को जानकर मैंने यह कहा है।

श्लोक 38 (skanda.7.6.38)

ऋग्वेदस्थस्तु पूर्वाह्णे मध्याह्ने यजुषि स्थितः। अपराह्णे तु सामस्थो ह्यथर्वस्थो निशागमे

ṛgvedasthastu pūrvāhṇe madhyāhne yajuṣi sthitaḥ| aparāhṇe tu sāmastho hyatharvastho niśāgame

वे पूर्वाह्न में ऋग्वेद में स्थित हैं, मध्याह्न में यजुर्वेद में स्थित हैं, अपराह्न में सामवेद में स्थित हैं, और रात्रि के आगमन पर अथर्ववेद में स्थित हैं।

श्लोक 39 (skanda.7.6.39)

वेदाहमेतं पुरुषं महांतमादित्यवर्णं तमसः परस्तात्। तमेव विदित्वा न भवेत्तु मृत्युर्नान्यः पंथा विद्यते वै जनानाम्

vedāhametaṁ puruṣaṁ mahāṁtamādityavarṇaṁ tamasaḥ parastāt| tameva viditvā na bhavettu mṛtyurnānyaḥ paṁthā vidyate vai janānām

मैं इस महान पुरुष को जानता हूँ, जो आदित्य के समान वर्ण वाले तथा अन्धकार से परे हैं; उन्हीं को जानकर मृत्यु नहीं होती, मनुष्यों के लिए इसके अतिरिक्त अन्य कोई मार्ग नहीं है।

श्लोक 40 (skanda.7.6.40)

इतीरितस्ते तु महाप्रभावः सोमेशलिंगस्य कृतैकदेशः। वृतं न चाब्दैर्बहुभिः सहस्रैर्वक्तुं च केनापि मुखैर्न शक्यम्

itīritaste tu mahāprabhāvaḥ someśaliṁgasya kṛtaikadeśaḥ| vṛtaṁ na cābdairbahubhiḥ sahasrairvaktuṁ ca kenāpi mukhairna śakyam

इस प्रकार तुम्हें यह महाप्रभाव कहा गया, जो सोमेश लिंग का केवल एक अंश मात्र है; इसका पूर्ण वर्णन न तो हजारों वर्षों में सम्भव है, न ही किसी के मुख से कहा जाना सम्भव है।

श्लोक 41 (skanda.7.6.41)

ब्राह्मणः क्षत्रियो वैश्यः शूद्रोऽपीदं पठेद्यदि। निर्मुक्तः सर्वपापेभ्यः सर्वान्कामानवाप्नुयात्

brāhmaṇaḥ kṣatriyo vaiśyaḥ śūdro'pīdaṁ paṭhedyadi| nirmuktaḥ sarvapāpebhyaḥ sarvānkāmānavāpnuyāt

यदि ब्राह्मण, क्षत्रिय, वैश्य अथवा शूद्र भी इसे पढ़े, तो वह सब पापों से मुक्त होकर सब कामनाओं को प्राप्त करता है।