क्षेत्रस्थर्षिदेवगणवर्णनम्

श्लोक 1 (skanda.7.5.1)

सूत उवाच। इत्येवमुक्ते विप्रेंद्रा शंकरेण महात्मना। पुनः पप्रच्छ सा देवी हर्षसंपूर्णमानसा

sūta uvāca| ityevamukte viprendrā śaṁkareṇa mahātmanā| punaḥ papraccha sā devī harṣasaṁpūrṇamānasā

सूत ने कहा—हे विप्रेन्द्रो! महात्मा शंकर द्वारा इस प्रकार कहे जाने पर, हर्ष से परिपूर्ण मन वाली देवी ने पुनः प्रश्न पूछा।

श्लोक 2 (skanda.7.5.2)

देव्युवाच। देवदेव जगन्नाथ सर्वप्राणहिताय वै। प्रभासक्षेत्रमाहात्म्यं विस्तराद्वद मे प्रभो

devyuvāca| devadeva jagannātha sarvaprāṇahitāya vai| prabhāsakṣetramāhātmyaṁ vistarādvada me prabho

देवी ने कहा—हे देवाधिदेव! हे जगन्नाथ! समस्त प्राणियों के हित के लिए, हे प्रभो! मुझे प्रभासक्षेत्र का माहात्म्य विस्तार से बताइए।

श्लोक 3 (skanda.7.5.3)

ईश्वर उवाच। अन्यद्दृष्टांतरूपं ते कथयामि यशस्विनि। येन सृष्टं महादेवि क्षेत्रमेतन्मम प्रियम्

īśvara uvāca| anyaddṛṣṭāṁtarūpaṁ te kathayāmi yaśasvini| yena sṛṣṭaṁ mahādevi kṣetrametanmama priyam

ईश्वर ने कहा—हे यशस्विनि! मैं तुम्हें एक और दृष्टान्तरूप बताता हूँ, जिससे हे महादेवि! यह मेरा प्रिय क्षेत्र रचा गया।

श्लोक 4 (skanda.7.5.4)

या गतिर्ध्यायतां नित्यं निःसंगानां च योगिनाम्। सैवं संत्यजतां प्राणान्प्रभासे तु परा गतिः

yā gatirdhyāyatāṁ nityaṁ niḥsaṁgānāṁ ca yoginām| saivaṁ saṁtyajatāṁ prāṇānprabhāse tu parā gatiḥ

जो गति नित्य ध्यान करने वाले तथा निःसंग योगियों की है, वही गति प्रभास में प्राण त्यागने वालों की परम गति है।

श्लोक 5 (skanda.7.5.5)

अनेककल्पस्थायी च मार्कंडेयो महातपाः। सोऽपि देवं विरूपाक्षं प्रभासे तु सदाऽर्चति

anekakalpasthāyī ca mārkaṁḍeyo mahātapāḥ| so'pi devaṁ virūpākṣaṁ prabhāse tu sadā'rcati

अनेक कल्पों तक जीवित रहने वाले महातपस्वी मार्कण्डेय भी विरूपाक्ष देव की प्रभास में सदा पूजा करते हैं।

श्लोक 6 (skanda.7.5.6)

अटित्वा सर्वतीर्थानि प्रभासं नैव मुंचति। दुर्वासाश्च महातेजा लिंगस्याराधनोद्यतः। न मुंचति क्षणं देवि तत्क्षेत्रं शशिमौलिनः

aṭitvā sarvatīrthāni prabhāsaṁ naiva muṁcati| durvāsāśca mahātejā liṁgasyārādhanodyataḥ| na muṁcati kṣaṇaṁ devi tatkṣetraṁ śaśimaulinaḥ

सब तीर्थों में भ्रमण करके भी वे प्रभास को नहीं छोड़ते; तेजस्वी दुर्वासा भी लिंग की आराधना में तत्पर होकर, हे देवि! चन्द्रमौलि शिव के उस क्षेत्र को क्षणभर के लिए भी नहीं छोड़ते।

श्लोक 7 (skanda.7.5.7)

भरद्वाजो मरीचिश्च मुनिश्चोद्दालकस्तथा। क्रतुश्चैव वसिष्ठश्च कश्यपो भृगुरेव च

bharadvājo marīciśca muniścoddālakastathā| kratuścaiva vasiṣṭhaśca kaśyapo bhṛgureva ca

भरद्वाज, मरीचि, मुनि उद्दालक, क्रतु, वसिष्ठ, कश्यप तथा भृगु भी,

श्लोक 8 (skanda.7.5.8)

दक्षश्चैव तु सावर्णिर्यमश्चांगिरसस्तथा। शुको विभांडकश्चैव ऋष्यशृंगोऽथ गोभिलः

dakṣaścaiva tu sāvarṇiryamaścāṁgirasastathā| śuko vibhāṁḍakaścaiva ṛṣyaśṛṁgo'tha gobhilaḥ

दक्ष, सावर्णि, यम, अंगिरा, शुक, विभाण्डक, ऋष्यशृंग तथा गोभिल,

श्लोक 9 (skanda.7.5.9)

गौतमश्च ऋचीकश्च अगस्त्यः शौनको महान्। नारदो जमदग्निश्च विश्वामित्रोऽथ लोमशः

gautamaśca ṛcīkaśca agastyaḥ śaunako mahān| nārado jamadagniśca viśvāmitro'tha lomaśaḥ

गौतम, ऋचीक, महान् अगस्त्य, नारद, जमदग्नि, विश्वामित्र तथा लोमश,

श्लोक 10 (skanda.7.5.10)

अन्ये च ऋषयश्चैव दिव्या देवर्षयस्तथा। न मुंचंति महाक्षेत्रं लिंगस्याराधनोद्यताः

anye ca ṛṣayaścaiva divyā devarṣayastathā| na muṁcaṁti mahākṣetraṁ liṁgasyārādhanodyatāḥ

तथा अन्य ऋषिगण एवं दिव्य देवर्षि भी, लिंग की आराधना में तत्पर होकर, इस महाक्षेत्र को नहीं छोड़ते।

श्लोक 11 (skanda.7.5.11)

अहं तत्रैव तिष्ठामि लिंगाराधनतत्परः। न मुंचामि महाक्षेत्रं सत्यंसत्यं वरानने

ahaṁ tatraiva tiṣṭhāmi liṁgārādhanatatparaḥ| na muṁcāmi mahākṣetraṁ satyaṁsatyaṁ varānane

मैं भी वहीं लिंग की आराधना में तत्पर होकर स्थित हूँ; हे वरानने! सत्य-सत्य मैं इस महाक्षेत्र को नहीं छोड़ता।

श्लोक 12 (skanda.7.5.12)

सर्वतीर्थानि देवेशि मया दृष्टानि भूतले। प्रभासेन समं क्षेत्रं नैव दृष्टं कदाचन

sarvatīrthāni deveśi mayā dṛṣṭāni bhūtale| prabhāsena samaṁ kṣetraṁ naiva dṛṣṭaṁ kadācana

हे देवेशि! मैंने पृथ्वीतल के सब तीर्थ देखे हैं, परन्तु प्रभास के समान क्षेत्र कभी नहीं देखा।

श्लोक 13 (skanda.7.5.13)

देवि षष्टिसहस्राणि याज्ञवल्क्यपुरस्कृताः। जपं कुर्वंति रुद्राणां चन्द्रभागां व्यवस्थिताः

devi ṣaṣṭisahasrāṇi yājñavalkyapuraskṛtāḥ| japaṁ kurvaṁti rudrāṇāṁ caṁdrabhāgāṁ vyavasthitāḥ

हे देवि! याज्ञवल्क्य को आगे रखकर साठ हजार ऋषि चन्द्रभागा नदी के तट पर स्थित होकर रुद्र-मन्त्रों का जप करते हैं।

श्लोक 14 (skanda.7.5.14)

चत्वारिंशत्सहस्राणि ऋषीणामूर्द्ध्वरेतसाम्। देविकातटमाश्रित्य जपंति शतरुद्रियम्

catvāriṁśatsahasrāṇi ṛṣīṇāmūrddhvaretasām| devikātaṭamāśritya japaṁti śatarudriyam

चालीस हजार ऊर्ध्वरेता ऋषि देविका के तट का आश्रय लेकर शतरुद्रिय का जप करते हैं।

श्लोक 15 (skanda.7.5.15)

कोटयश्चैव पंचाशन्मुनीनामूर्द्ध्वरेतसाम्। उमापतिं समासाद्य लिंगं तत्रैव संस्थितम्

koṭayaścaiva paṁcāśanmunīnāmūrddhvaretasām| umāpatiṁ samāsādya liṁgaṁ tatraiva saṁsthitam

पचास करोड़ ऊर्ध्वरेता मुनि उमापति के उस लिंग के पास पहुँचकर वहीं स्थित हैं, जो वहीं विराजमान है।

श्लोक 16 (skanda.7.5.16)

रुद्राणां कोटि जाप्यं तु कृतं तत्रैव तैः पुरा। कोटिस्तत्रैव संसिद्धास्तस्मिंल्लिंगे न संशयः

rudrāṇāṁ koṭi jāpyaṁ tu kṛtaṁ tatraiva taiḥ purā| koṭistatraiva saṁsiddhāstasmilliṁge na saṁśayaḥ

उनके द्वारा वहीं पूर्वकाल में रुद्रों का करोड़ बार जप किया गया, तथा एक करोड़ मुनि उसी लिंग में सिद्ध हुए, इसमें संशय नहीं।

श्लोक 17 (skanda.7.5.17)

शतं चैव सहस्राणां देवेशं शशिभूषणम्। पूजयंति महासिद्धा मम क्षेत्रनिषेविणः

śataṁ caiva sahasrāṇāṁ deveśaṁ śaśibhūṣaṇam| pūjayaṁti mahāsiddhā mama kṣetraniṣeviṇaḥ

मेरे क्षेत्र का सेवन करने वाले एक लाख महासिद्ध चन्द्रभूषण देवेश की पूजा करते हैं।

श्लोक 18 (skanda.7.5.18)

वेदांतेषु च यत्प्रोक्तं फलं चैव महर्षिभिः। तत्फलं सकलं तत्र चंद्रभूषणदर्शनात्

vedāṁteṣu ca yatproktaṁ phalaṁ caiva maharṣibhiḥ| tatphalaṁ sakalaṁ tatra caṁdrabhūṣaṇadarśanāt

वेदान्तों में महर्षियों द्वारा जो फल कहा गया है, वह सम्पूर्ण फल वहाँ चन्द्रभूषण के दर्शनमात्र से प्राप्त हो जाता है।

श्लोक 19 (skanda.7.5.19)

अग्नितीर्थे ऋषीणां तु कोटिः साग्रा स्थिता शुभे। रुद्रेश्वरे स्मृतं लक्षं कंपर्द्दीशे तथैव च

agnitīrthe ṛṣīṇāṁ tu koṭiḥ sāgrā sthitā śubhe| rudreśvare smṛtaṁ lakṣaṁ kaṁpardīśe tathaiva ca

हे शुभे! अग्नितीर्थ में एक करोड़ से अधिक ऋषि स्थित हैं; रुद्रेश्वर में एक लाख तथा कपर्दीश में भी उतने ही स्मरण किए गए हैं।

श्लोक 20 (skanda.7.5.20)

रत्नेश्वरे सहस्रं तु ऋषीणामूर्द्ध्वरेतसाम्। अर्कस्थले महापुण्ये कोटिः साग्रा स्थिता शुभे

ratneśvare sahasraṁ tu ṛṣīṇāmūrddhvaretasām| arkasthale mahāpuṇye koṭiḥ sāgrā sthitā śubhe

रत्नेश्वर में एक हजार ऊर्ध्वरेता ऋषि हैं; हे शुभे! महापुण्य अर्कस्थल में एक करोड़ से अधिक स्थित हैं।

श्लोक 21 (skanda.7.5.21)

षष्टिश्चैव सहस्राणि तत्र सिद्धेश्वरे स्थिताः। सप्त चैव सहस्राणि मार्कंडेये तु संस्थिताः

ṣaṣṭiścaiva sahasrāṇi tatra siddheśvare sthitāḥ| sapta caiva sahasrāṇi mārkaṁḍeye tu saṁsthitāḥ

सिद्धेश्वर में साठ हजार स्थित हैं, तथा मार्कण्डेय में सात हजार स्थित हैं।

श्लोक 22 (skanda.7.5.22)

सरस्वत्यां ब्रह्मकुण्डेऽसंख्याता मुनयः स्मृताः। दशार्बुदसहस्राणि कोटित्रितयमेव च

sarasvatyāṁ brahmakuṇḍe'saṁkhyātā munayaḥ smṛtāḥ| daśārbudasahasrāṇi koṭitritayameva ca

सरस्वती के ब्रह्मकुण्ड में असंख्य मुनि स्मरण किए गए हैं—दस अर्बुद हजार तथा तीन करोड़।

श्लोक 23 (skanda.7.5.23)

ऋषयस्तत्र तिष्ठंति यत्र प्राची सरस्वती। ब्रह्महत्या गता यत्र शंकरस्य च तत्क्षणात्

ṛṣayastatra tiṣṭhaṁti yatra prācī sarasvatī| brahmahatyā gatā yatra śaṁkarasya ca tatkṣaṇāt

जहाँ प्राची सरस्वती है, वहाँ ऋषिगण स्थित हैं; जहाँ शंकर की ब्रह्महत्या उसी क्षण दूर हो गई थी,

श्लोक 24 (skanda.7.5.24)

कायः सुवर्णतां प्राप कपालं पतितं करात्। ज्ञात्वैवं शंकिना पूर्वं कृतं तत्र महातपः

kāyaḥ suvarṇatāṁ prāpa kapālaṁ patitaṁ karāt| jñātvaivaṁ śaṁkinā pūrvaṁ kṛtaṁ tatra mahātapaḥ

उनका शरीर सुवर्णमय हो गया और कपाल हाथ से गिर पड़ा; यह जानकर शंकित होकर पूर्वकाल में वहाँ महान तप किया गया था।

श्लोक 25 (skanda.7.5.25)

तुष्टः श्रीशंकरो देवो लिंग वासवरेण तु। कोटियज्ञफलं स्नाने प्राच्यां लिंगस्य पूजने

tuṣṭaḥ śrīśaṁkaro devo liṁga vāsavareṇa tu| koṭiyajñaphalaṁ snāne prācyāṁ liṁgasya pūjane

प्रसन्न होकर श्रीशंकर देव ने लिंग में वास करने का वर दिया; प्राची में स्नान करने और लिंग की पूजा करने से करोड़ यज्ञों का फल मिलता है।

श्लोक 26 (skanda.7.5.26)

पिंडे गयाशतगुणममासोमयुते दिने। भूतायां पिंडदस्तत्र कुलकोटिं समुद्धरेत्

piṁḍe gayāśataguṇamamāsomayute dine| bhūtāyāṁ piṁḍadastatra kulakoṭiṁ samuddharet

अमावस्या सोमवार से युक्त दिन में, भूता में पिण्डदान करने से वह गया के पिण्डदान से सौ गुना फल देता है, और वहाँ पिण्डदाता अपने करोड़ों कुलजनों का उद्धार करता है।

श्लोक 27 (skanda.7.5.27)

ये चात्र मलनाशाय निमङ्क्ष्यंति च मानवाः। दशगोदानजं पुण्यं तेषामपि भविष्यति

ye cātra malanāśāya nimaṁkṣyaṁti ca mānavāḥ| daśagodānajaṁ puṇyaṁ teṣāmapi bhaviṣyati

जो मनुष्य यहाँ मल के नाश के लिए स्नान करेंगे, उन्हें भी दस गौओं के दान के बराबर पुण्य प्राप्त होगा।

श्लोक 28 (skanda.7.5.28)

पादेन वा क्रीडमाना जलं लिप्संति ये नरा। तेषामपि श्राद्धफलं विधिवत्संभविष्यति। तत्र लिंगानि पूज्यानि शूलभेदादिकानि तु

pādena vā krīḍamānā jalaṁ lipsaṁti ye narā| teṣāmapi śrāddhaphalaṁ vidhivatsaṁbhaviṣyati| tatra liṁgāni pūjyāni śūlabhedādikāni tu

जो मनुष्य क्रीड़ा करते हुए केवल पैर से भी उस जल का स्पर्श चाहते हैं, उन्हें भी विधिपूर्वक किए गए श्राद्ध का फल प्राप्त होगा; वहाँ शूलभेद आदि लिंगों की पूजा करनी चाहिए।

श्लोक 29 (skanda.7.5.29)

एवं विकल्प्य लिंगानि अश्वमेध फलानि तु। दर्शनेनापि सर्वेषां स्पर्शाद्धि द्विगुणं फलम्

evaṁ vikalpya liṁgāni aśvamedha phalāni tu| darśanenāpi sarveṣāṁ sparśāddhi dviguṇaṁ phalam

इस प्रकार इन विविध लिंगों के दर्शनमात्र से भी अश्वमेध यज्ञ का फल मिलता है, और स्पर्श करने से वह फल दुगुना हो जाता है।

श्लोक 30 (skanda.7.5.30)

एवं तुष्टो जगन्नाथः स्थितः प्राचीवने ध्रुवम्। मनोऽपि ये करिष्यंति स्नानदानेषु का कथा

evaṁ tuṣṭo jagannāthaḥ sthitaḥ prācīvane dhruvam| mano'pi ye kariṣyaṁti snānadāneṣu kā kathā

इस प्रकार प्रसन्न होकर जगन्नाथ निश्चय ही प्राचीवन में स्थित हैं; जो लोग मन से भी वहाँ स्नान-दान का संकल्प करेंगे, उनकी तो बात ही क्या।

श्लोक 31 (skanda.7.5.31)

तेषां तुष्टो जगन्नाथः शंकरो नीललोहितः। त्रिंशत्कोटिगणस्तत्र प्राचीं रक्षंति सर्वतः

teṣāṁ tuṣṭo jagannāthaḥ śaṁkaro nīlalohitaḥ| triṁśatkoṭigaṇastatra prācīṁ rakṣaṁti sarvataḥ

उन पर प्रसन्न होकर नीललोहित शंकर जगन्नाथ रहते हैं; वहाँ तीस करोड़ गण चारों ओर से प्राची की रक्षा करते हैं।

श्लोक 32 (skanda.7.5.32)

महापापसमाचारः पापिष्ठो वाऽति किल्बिषी। घुणाक्षरमिव प्राणान्प्राच्यां मुक्त्वा शिवं व्रजेत्

mahāpāpasamācāraḥ pāpiṣṭho vā'ti kilbiṣī| ghuṇākṣaramiva prāṇānprācyāṁ muktvā śivaṁ vrajet

महापाप के आचरण वाला, अत्यन्त पापी अथवा अत्यन्त पातकी भी, घुणाक्षर-न्याय के समान संयोगवश प्राची में प्राण त्यागकर शिव को प्राप्त होता है।

श्लोक 33 (skanda.7.5.33)

दधिकंबलदानं तु तत्र देयं द्विजोत्तमे। कथितं पापशमनं सारात्सारतरं ध्रुवम्

dadhikaṁbaladānaṁ tu tatra deyaṁ dvijottame| kathitaṁ pāpaśamanaṁ sārātsārataraṁ dhruvam

वहाँ श्रेष्ठ ब्राह्मण को दधिकम्बल का दान देना चाहिए; यह पापशमन का साधन सार से भी अधिक सारभूत बताया गया है, यह निश्चित है।

श्लोक 34 (skanda.7.5.34)

अधुना संप्रवक्ष्यामि हिरण्याश्च महोदयम्। दुर्वाससा तपस्तप्तं तत्र सूर्यः प्रतिष्ठितः

adhunā saṁpravakṣyāmi hiraṇyāśca mahodayam| durvāsasā tapastaptaṁ tatra sūryaḥ pratiṣṭhitaḥ

अब मैं हिरण्या नामक महान् उदयस्थान के विषय में बताता हूँ; वहाँ दुर्वासा द्वारा तप किए जाने पर सूर्य प्रतिष्ठित हुए थे।

श्लोक 35 (skanda.7.5.35)

कोटिरेका तु तत्रैव ऋषीणामूर्द्ध्वरेतसाम्। चतुर्विंशतितत्त्वानामधिको बलरूपधृक्

koṭirekā tu tatraiva ṛṣīṇāmūrddhvaretasām| caturviṁśatitattvānāmadhiko balarūpadhṛk

वहाँ एक करोड़ ऊर्ध्वरेता ऋषि हैं, तथा चौबीस तत्त्वों से भी अधिक बलशाली रूप धारण करने वाले सूर्य वहाँ स्थित हैं।

श्लोक 36 (skanda.7.5.36)

यत्र तिष्ठति देवेशि भृगुकोटिसमन्वितः। अन्यत्र ब्राह्मणानां तु कोट्या यच्च फलं लभेत्

yatra tiṣṭhati deveśi bhṛgukoṭisamanvitaḥ| anyatra brāhmaṇānāṁ tu koṭyā yacca phalaṁ labhet

हे देवेशि! जहाँ करोड़ों भृगुओं सहित वे स्थित हैं; अन्यत्र करोड़ों ब्राह्मणों के दान से जो फल मिलता है,

श्लोक 37 (skanda.7.5.37)

ब्रह्मस्थाने तथैकेन भोजितेन तु तत्फलम्। एवं ज्ञात्वा महादेवि तत्र तिष्ठामि निर्वृतः

brahmasthāne tathaikena bhojitena tu tatphalam| evaṁ jñātvā mahādevi tatra tiṣṭhāmi nirvṛtaḥ

वही फल ब्रह्मस्थान में एक ही ब्राह्मण को भोजन कराने से मिल जाता है; यह जानकर, हे महादेवि! मैं वहाँ प्रसन्नतापूर्वक निवास करता हूँ,

श्लोक 38 (skanda.7.5.38)

कोटिर्भिर्देवऋषिभिर्देवैः सह समावृतः। तीर्थानि तत्र तिष्ठंति अंतर्भूतानि वै कलौ

koṭirbhirdevaṛṣibhirdevaiḥ saha samāvṛtaḥ| tīrthāni tatra tiṣṭhaṁti aṁtarbhūtāni vai kalau

करोड़ों देवर्षियों तथा देवताओं से घिरा हुआ; कलियुग में वहाँ के तीर्थ अन्तर्हित होकर स्थित रहते हैं।

श्लोक 39 (skanda.7.5.39)

तत्र क्षेत्रे महारम्ये यत्र सोमेश्वरः स्थितः। मम देवि गणौ द्वौ तु विभ्रमः संभ्रमः परः

tatra kṣetre mahāramye yatra someśvaraḥ sthitaḥ| mama devi gaṇau dvau tu vibhramaḥ saṁbhramaḥ paraḥ

उस महारमणीय क्षेत्र में, जहाँ सोमेश्वर स्थित हैं, हे देवि! मेरे दो गण हैं—विभ्रम और परम संभ्रम,

श्लोक 40 (skanda.7.5.40)

तौ चात्र क्षेत्रसंस्थानां लोकानां भ्रमविभ्रमैः। योजयंति सदा चित्तं विकल्पानैक्यसंकुलम्

tau cātra kṣetrasaṁsthānāṁ lokānāṁ bhramavibhramaiḥ| yojayaṁti sadā cittaṁ vikalpānaikyasaṁkulam

वे दोनों यहाँ क्षेत्र में रहने वाले लोगों के चित्त को भ्रम-विभ्रम द्वारा सदा विकल्पों की अनेकता में उलझाए रखते हैं, अर्थात् अपात्रों को भटकाते हैं।

श्लोक 41 (skanda.7.5.41)

विनायकोपसर्गाश्च दश दोषास्तथा परे। एवं क्षेत्रं तु रक्षंति पापिनां दुष्टचेतसाम्

vināyakopasargāśca daśa doṣāstathā pare| evaṁ kṣetraṁ tu rakṣaṁti pāpināṁ duṣṭacetasām

विनायक के उपसर्ग तथा अन्य दस दोष भी—इस प्रकार वे पापियों तथा दुष्टचित्त वालों से क्षेत्र की रक्षा करते हैं।

श्लोक 42 (skanda.7.5.42)

दंडपाणिं तु ये भक्त्या पश्यंतीह नरोत्तमाः। न तेषां जायते विघ्नं तत्र क्षेत्रनिवासिनाम्

daṁḍapāṇiṁ tu ye bhaktyā paśyaṁtīha narottamāḥ| na teṣāṁ jāyate vighnaṁ tatra kṣetranivāsinām

जो श्रेष्ठ मनुष्य यहाँ भक्तिपूर्वक दण्डपाणि का दर्शन करते हैं, उन क्षेत्रनिवासियों को कोई विघ्न नहीं होता।

श्लोक 43 (skanda.7.5.43)

ब्राह्मणाः क्षत्रिया वैश्याः शूद्रा वै वर्णसंकराः। अकामा वा सकामा वा प्रभासे ये मृताः शुभे

brāhmaṇāḥ kṣatriyā vaiśyāḥ śūdrā vai varṇasaṁkarāḥ| akāmā vā sakāmā vā prabhāse ye mṛtāḥ śubhe

ब्राह्मण, क्षत्रिय, वैश्य, शूद्र अथवा वर्णसंकर, चाहे इच्छारहित हों या इच्छायुक्त, जो भी इस शुभ प्रभास में मरते हैं,

श्लोक 44 (skanda.7.5.44)

चंद्रार्द्धमौलिनः सर्वे ललाटाक्षा वृषध्वजाः। शिवे मम पुरे दिव्ये जायंते तत्र मानवाः

caṁdrārddhamaulinaḥ sarve lalāṭākṣā vṛṣadhvajāḥ| śive mama pure divye jāyaṁte tatra mānavāḥ

वे सब मनुष्य मेरे उस दिव्य शिवपुर में अर्धचन्द्रधारी, ललाटनेत्रधारी तथा वृषभध्वज होकर जन्म लेते हैं।

श्लोक 45 (skanda.7.5.45)

यस्तत्र वसते विप्रः संयतात्मा समाहितः। त्रिकालमपि भुंजानो वायुभक्षसमो भवेत्

yastatra vasate vipraḥ saṁyatātmā samāhitaḥ| trikālamapi bhuṁjāno vāyubhakṣasamo bhavet

जो ब्राह्मण वहाँ संयतात्मा और समाहितचित्त होकर निवास करता है, वह त्रिकाल भोजन करने पर भी वायुभक्षी के समान हो जाता है।

श्लोक 46 (skanda.7.5.46)

मेरोः शक्या गुणा वक्तुं द्वीपानां च गुणास्तथा। समुद्राणां च सर्वेषां शक्या वक्तुं गुणाः प्रिये

meroḥ śakyā guṇā vaktuṁ dvīpānāṁ ca guṇāstathā| samudrāṇāṁ ca sarveṣāṁ śakyā vaktuṁ guṇāḥ priye

हे प्रिये! मेरु के गुण कहे जा सकते हैं, द्वीपों के गुण भी कहे जा सकते हैं, और सब समुद्रों के गुण भी कहे जा सकते हैं,

श्लोक 47 (skanda.7.5.47)

आदिदेवस्य देवेशि महेशस्य महाप्रभोः। शक्या नैव गुणा वक्तुं वर्षाकोटिशतैरपि

ādidevasya deveśi maheśasya mahāprabhoḥ| śakyā naiva guṇā vaktuṁ varṣākoṭiśatairapi

किन्तु हे देवेशि! आदिदेव महाप्रभु महेश के गुण सौ करोड़ वर्षों में भी कहे जाना सम्भव नहीं है।