क्षेत्रप्रमाणवर्णनम्

श्लोक 1 (skanda.7.4.1)

सूत उवाच। एवं मुनीन्द्राः कथिते प्रभावे शंकरेण तु। पुनः पप्रच्छ सा देवी कृतांजलिपुटा सती

sūta uvāca| evaṁ munīndrāḥ kathite prabhāve śaṁkareṇa tu| punaḥ papraccha sā devī kṛtāṁjaliputā satī

सूत ने कहा—हे मुनीन्द्रो! इस प्रकार शंकर द्वारा प्रभाव कहे जाने पर, सती देवी ने पुनः अंजलि बाँधकर प्रश्न पूछा।

श्लोक 2 (skanda.7.4.2)

देव्युवाच। देवदेव जगन्नाथ क्षेत्रतीर्थमय प्रभो। प्रभासक्षेत्रमाहात्म्यं विस्तरात्कथयस्व मे

devyuvāca| devadeva jagannātha kṣetratīrthamaya prabho| prabhāsakṣetramāhātmyaṁ vistarātkathayasva me

देवी ने कहा—हे देवाधिदेव! हे जगन्नाथ! हे क्षेत्र और तीर्थमय प्रभो! प्रभासक्षेत्र का माहात्म्य मुझे विस्तार से बताइए।

श्लोक 3 (skanda.7.4.3)

कथं तुष्यसि मर्त्यानां क्षेत्रे तत्र विचेतसाम्। जप्तं दत्तं हुतं यष्टं तपस्तप्तं कृतं च यत्। प्रभासे तु महाक्षेत्रे कस्मात्तत्राक्षयं भवेत्

kathaṁ tuṣyasi martyānāṁ kṣetre tatra vicetasām| japtaṁ dattaṁ hutaṁ yaṣṭaṁ tapastaptaṁ kṛtaṁ ca yat| prabhāse tu mahākṣetre kasmāttatrākṣayaṁ bhavet

आप उस क्षेत्र में अचेत मनुष्यों से कैसे प्रसन्न होते हैं? उस महाक्षेत्र प्रभास में जो जप, दान, हवन, यज्ञ और तप किया जाता है, वह अक्षय क्यों हो जाता है?

श्लोक 4 (skanda.7.4.4)

जात्यंतरसहस्रेषु यत्पापं पूर्वसंचितम्। तत्कथं क्षयमाप्नोति तन्ममाचक्ष्व शंकर

jātyaṁtarasahasreṣu yatpāpaṁ pūrvasaṁcitam| tatkathaṁ kṣayamāpnoti tanmamācakṣva śaṁkara

हजारों पूर्वजन्मों में संचित जो पाप है, वह कैसे नष्ट होता है? हे शंकर! यह मुझे बताइए।

श्लोक 5 (skanda.7.4.5)

यदि प्रभासं सर्वेषां तीर्थानां प्रवरं मतम्। किमन्यैर्बहुभिस्तत्र कर्त्तव्यं तीर्थविस्तरैः

yadi prabhāsaṁ sarveṣāṁ tīrthānāṁ pravaraṁ matam| kimanyairbahubhistatra karttavyaṁ tīrthavistaraiḥ

यदि प्रभास सब तीर्थों में श्रेष्ठ माना गया है, तो वहाँ अन्य अनेक विस्तृत तीर्थों से क्या करना है?

श्लोक 6 (skanda.7.4.6)

एकं यदि भवेत्तीर्थं मनो निःसंशयं भवेत्। बहुत्वे सति तीर्थानां मनो विचलते नृणाम्

ekaṁ yadi bhavettīrthaṁ mano niḥsaṁśayaṁ bhavet| bahutve sati tīrthānāṁ mano vicalate nṛṇām

यदि एक ही तीर्थ हो तो मन निःसंशय हो जाता है; तीर्थों की बहुलता होने पर मनुष्यों का मन विचलित हो जाता है।

श्लोक 7 (skanda.7.4.7)

तस्मात्सर्वं परित्यज्य तीर्थजालं सविस्तरम्। प्रभासस्यैव माहात्म्यं कथयस्व सुरेश्वर

tasmātsarvaṁ parityajya tīrthajālaṁ savistaram| prabhāsasyaiva māhātmyaṁ kathayasva sureśvara

अतः अन्य विस्तृत तीर्थजाल को छोड़कर, हे सुरेश्वर! केवल प्रभास का ही माहात्म्य कहिए।

श्लोक 8 (skanda.7.4.8)

क्षेत्रप्रमाणं सीमां च क्षेत्रसारं हि यत्प्रभो। वक्तुमर्हसि तत्सर्वं परं कौतूहलं हि मे

kṣetrapramāṇaṁ sīmāṁ ca kṣetrasāraṁ hi yatprabho| vaktumarhasi tatsarvaṁ paraṁ kautūhalaṁ hi me

हे प्रभो! क्षेत्र का प्रमाण, उसकी सीमा तथा क्षेत्र का सार जो भी है, वह सब बताइए, मुझे अत्यन्त कुतूहल है।

श्लोक 9 (skanda.7.4.9)

ईश्वर उवाच। शृणु देवि प्रवक्ष्यामि क्षेत्राणां क्षेत्रमुत्तमम्। सर्वक्षेत्रेषु यत्क्षेत्रं प्रभासं तु प्रियं मम

īśvara uvāca| śṛṇu devi pravakṣyāmi kṣetrāṇāṁ kṣetramuttamam| sarvakṣetreṣu yatkṣetraṁ prabhāsaṁ tu priyaṁ mama

ईश्वर ने कहा—हे देवि! सुनो, मैं क्षेत्रों में उत्तम क्षेत्र बताता हूँ; सब क्षेत्रों में जो क्षेत्र है, वह प्रभास ही मुझे प्रिय है।

श्लोक 10 (skanda.7.4.10)

प्रभासे तु परा सिद्धिः प्रभासे तु परा गतिः। यत्र संनिहितो नित्यमहं भद्रे निरन्तरम्

prabhāse tu parā siddhiḥ prabhāse tu parā gatiḥ| yatra saṁnihito nityamahaṁ bhadre niraṁtaram

प्रभास में ही परम सिद्धि है, प्रभास में ही परम गति है, हे भद्रे! जहाँ मैं सदा निरन्तर उपस्थित रहता हूँ।

श्लोक 11 (skanda.7.4.11)

तस्य प्रमाणं वक्ष्यामि सर्वसीमासमन्वितम्। क्षेत्रं तु त्रिविध प्रोक्तं तत्ते वक्ष्याम्यनुक्रमात्

tasya pramāṇaṁ vakṣyāmi sarvasīmāsamanvitam| kṣetraṁ tu trividha proktaṁ tatte vakṣyāmyanukramāt

मैं उसका प्रमाण सब सीमाओं सहित बताता हूँ; क्षेत्र तीन प्रकार का कहा गया है, वह मैं तुम्हें क्रमशः बताता हूँ।

श्लोक 12 (skanda.7.4.12)

क्षेत्रं पीठं गर्भगृहं प्रभासस्य प्रकीर्त्यते। यथाक्रमं फलं तस्य कोटिकोटिगुणं स्मृतम्

kṣetraṁ pīṭhaṁ garbhagṛhaṁ prabhāsasya prakīrtyate| yathākramaṁ phalaṁ tasya koṭikoṭiguṇaṁ smṛtam

प्रभास के क्षेत्र, पीठ और गर्भगृह—ये तीन कहे गए हैं; क्रमशः इनका फल करोड़ों-करोड़ गुना अधिक माना गया है।

श्लोक 13 (skanda.7.4.13)

क्षेत्रं तु प्रथमं प्रोक्तं तच्च द्वादशयोजनम्। पञ्चयोजनमानेन क्षेत्रपीठं प्रकीर्तितम्

kṣetraṁ tu prathamaṁ proktaṁ tacca dvādaśayojanam| pañcayojanamānena kṣetrapīṭhaṁ prakīrtitam

क्षेत्र को पहला कहा गया है, वह बारह योजन का है; पाँच योजन की माप से क्षेत्र-पीठ कहा गया है।

श्लोक 14 (skanda.7.4.14)

गर्भगृहं च गव्यूतिः कर्णिका सा मम प्रिया। क्षेत्रसीमा प्रवक्ष्यामि शृणु देवि यथाक्रमम्

garbhagṛhaṁ ca gavyūtiḥ karṇikā sā mama priyā| kṣetrasīmā pravakṣyāmi śṛṇu devi yathākramam

गर्भगृह एक गव्यूति का है, वह कर्णिका मुझे प्रिय है; अब मैं क्षेत्र की सीमा क्रमशः बताता हूँ, हे देवि! सुनो।

श्लोक 15 (skanda.7.4.15)

आयामव्यासतश्चैव आदिमध्यान्तसंस्थितम्। पूर्वे तप्तोदक स्वामी पश्चिमे माधवः स्मृतः

āyāmavyāsataścaiva ādimadhyāṁtasaṁsthitam| pūrve taptodaka svāmī paścime mādhavaḥ smṛtaḥ

लम्बाई और चौड़ाई से, आदि-मध्य-अन्त में स्थित, पूर्व में तप्तोदक स्वामी और पश्चिम में माधव स्मरण किए जाते हैं।

श्लोक 16 (skanda.7.4.16)

दक्षिणे सागरस्तद्वद्भद्रा नद्युत्तरे मता। एवं सीमासमायुक्तं क्षेत्रं द्वादशयोजनम्

dakṣiṇe sāgarastadvadbhadrā nadyuttare matā| evaṁ sīmāsamāyuktaṁ kṣetraṁ dvādaśayojanam

दक्षिण में उसी प्रकार सागर है, तथा उत्तर में भद्रा नदी मानी गई है; इस प्रकार सीमाओं से युक्त यह क्षेत्र बारह योजन का है।

श्लोक 17 (skanda.7.4.17)

एतत्प्राभासिकं क्षेत्रं सर्वपातकनाशनम्। तन्मध्ये पीठिका प्रोक्ता पञ्चयोजनविस्तृता

etatprābhāsikaṁ kṣetraṁ sarvapātakanāśanam| tanmadhye pīṭhikā proktā pañcayojanavistṛtā

यह प्राभासिक क्षेत्र सब पापों का नाश करने वाला है; इसके मध्य में पाँच योजन विस्तृत पीठिका कही गई है।

श्लोक 18 (skanda.7.4.18)

न्यंकुमन्यपरेणैव वज्रिण्याः पूर्वतस्तथा। माहेश्वर्या दक्षिणतः समुद्रोत्तरतस्तथा

nyaṁkumanyapareṇaiva vajriṇyāḥ pūrvatastathā| māheśvaryā dakṣiṇataḥ samudrottaratastathā

न्यंकुमती की दूसरी ओर तथा वज्रिणी के पूर्व की ओर, माहेश्वरी के दक्षिण में तथा समुद्र के उत्तर में यह पीठ स्थित है।

श्लोक 19 (skanda.7.4.19)

आयामव्यासतश्चैव पञ्चयोजनविस्तरम्। पीठमेतत्समाख्यातमथो गर्भगृहं शृणु

āyāmavyāsataścaiva pañcayojanavistaram| pīṭhametatsamākhyātamatho garbhagṛhaṁ śṛṇu

लम्बाई और चौड़ाई से पाँच योजन विस्तार वाला यह पीठ कहा गया है; अब गर्भगृह के विषय में सुनो।

श्लोक 20 (skanda.7.4.20)

दक्षिणोत्तरतो यावत्समुद्रात्कौरवेश्वरी। पूर्वपश्चिमतो यावद्गोमुखाच्चाश्वमेधिकम्। एतद्गर्भगृहं प्रोक्तं कैलासान्मम वल्लभम्

dakṣiṇottarato yāvatsamudrātkauraveśvarī| pūrvapaścimato yāvadgomukhāccāśvamedhikam| etadgarbhagṛhaṁ proktaṁ kailāsānmama vallabham

दक्षिण-उत्तर में समुद्र से कौरवेश्वरी तक, तथा पूर्व-पश्चिम में गोमुख से अश्वमेधिक तक, यह गर्भगृह कहा गया है, जो मुझे कैलास से भी अधिक प्रिय है।

श्लोक 21 (skanda.7.4.21)

अत्रान्तरे तु देवेशि यानि तीर्थानि भूतले। वापीकूपतडागानि देवतायतनानि च

atrāṁtare tu deveśi yāni tīrthāni bhūtale| vāpīkūpataḍāgāni devatāyatanāni ca

हे देवेशि! इसके भीतर पृथ्वीतल पर जो भी तीर्थ हैं—बावड़ियाँ, कुएँ, तालाब तथा देवमन्दिर,

श्लोक 22 (skanda.7.4.22)

सरांसि सरितश्चैव पल्वलानि ह्रदास्तथा। तानि मेध्यानि सर्वाणि सर्वपापहराणि च

sarāṁsi saritaścaiva palvalāni hradāstathā| tāni medhyāni sarvāṇi sarvapāpaharāṇi ca

सरोवर, नदियाँ, छोटे जलाशय तथा ह्रद—वे सब पवित्र और सब पापों को हरने वाले हैं।

श्लोक 23 (skanda.7.4.23)

यत्र तत्र नरः स्नात्वा स्वर्गलोके महीयते। क्षेत्रस्य प्रथमो भागो मेध्यो माहेश्वरः स्मृतः

yatra tatra naraḥ snātvā svargaloke mahīyate| kṣetrasya prathamo bhāgo medhyo māheśvaraḥ smṛtaḥ

जहाँ कहीं भी स्नान करके मनुष्य स्वर्गलोक में पूजित होता है; क्षेत्र का प्रथम पवित्र भाग माहेश्वर स्मरण किया गया है।

श्लोक 24 (skanda.7.4.24)

द्वितीयो वैष्णवो भागो ब्रह्मभागस्तृतीयकः। तीर्थानां कोटिरेका तु ब्राह्मे भागे व्यवस्थिता

dvitīyo vaiṣṇavo bhāgo brahmabhāgastṛtīyakaḥ| tīrthānāṁ koṭirekā tu brāhme bhāge vyavasthitā

दूसरा वैष्णव भाग है, तीसरा ब्रह्मभाग है; ब्राह्म भाग में एक करोड़ तीर्थ स्थित हैं।

श्लोक 25 (skanda.7.4.25)

वैष्णवे कोटिरेका तु तीर्थानां वरवर्णिनि। सार्द्धकोटिस्तु संप्रोक्ता रुद्रभागे च मध्यतः

vaiṣṇave koṭirekā tu tīrthānāṁ varavarṇini| sārddhakoṭistu saṁproktā rudrabhāge ca madhyataḥ

हे वरवर्णिनि! वैष्णव भाग में भी एक करोड़ तीर्थ हैं; मध्य में रुद्रभाग में डेढ़ करोड़ तीर्थ कहे गए हैं।

श्लोक 26 (skanda.7.4.26)

एवं देवि समाख्यातं तत्क्षेत्रं हि त्रिदैवतम्। गुह्याद्गुह्यतरं क्षेत्रं मम प्रियतरं शुभे

evaṁ devi samākhyātaṁ tatkṣetraṁ hi tridaivatam| guhyādguhyataraṁ kṣetraṁ mama priyataraṁ śubhe

हे देवि! इस प्रकार यह क्षेत्र त्रिदेवतामय कहा गया है; हे शुभे! यह क्षेत्र गुह्य से भी अधिक गुह्य और मुझे अत्यन्त प्रिय है।

श्लोक 27 (skanda.7.4.27)

तिस्रः कोट्योऽर्द्धकोटिश्च क्षेत्रे प्रोक्ता विभागतः। यात्रा तु त्रिविधा ज्ञेया तां शृणुष्व वरानने

tisraḥ koṭyo'rddhakoṭiśca kṣetre proktā vibhāgataḥ| yātrā tu trividhā jñeyā tāṁ śṛṇuṣva varānane

इस प्रकार क्षेत्र में विभागतः साढ़े तीन करोड़ तीर्थ कहे गए हैं; यात्रा भी तीन प्रकार की जाननी चाहिए, हे वरानने! उसे सुनो।

श्लोक 28 (skanda.7.4.28)

रौद्री तु प्रथमा यात्रा वैष्णवी च द्वितीयिका। ब्राह्मी तृतीया संख्याता सर्वपातकनाशिनी

raudrī tu prathamā yātrā vaiṣṇavī ca dvitīyikā| brāhmī tṛtīyā saṁkhyātā sarvapātakanāśinī

रौद्री पहली यात्रा है, वैष्णवी दूसरी है; ब्राह्मी तीसरी गिनी गई है, जो सब पापों का नाश करने वाली है।

श्लोक 29 (skanda.7.4.29)

ब्राह्मे विभागे संप्रोक्ता इच्छाशक्तिर्वरानने। क्रिया च वैष्णवे भागे द्वितीये तु प्रकीर्तिता

brāhme vibhāge saṁproktā icchāśaktirvarānane| kriyā ca vaiṣṇave bhāge dvitīye tu prakīrtitā

हे वरानने! ब्राह्म विभाग में इच्छाशक्ति कही गई है; दूसरे वैष्णव भाग में क्रियाशक्ति कही गई है।

श्लोक 30 (skanda.7.4.30)

रौद्रे भागे तृतीये तु ज्ञानशक्तिर्वरानने। यदि पापो यदि शठो यदि नैष्कृतिको नरः

raudre bhāge tṛtīye tu jñānaśaktirvarānane| yadi pāpo yadi śaṭho yadi naiṣkṛtiko naraḥ

तीसरे रौद्र भाग में ज्ञानशक्ति है, हे वरानने! चाहे मनुष्य पापी हो, शठ हो, अथवा घोर पातकी हो,

श्लोक 31 (skanda.7.4.31)

निर्मुक्तः सर्वपापेभ्यो मध्यभागे वसेत्तु यः। हिमवंतं परित्यज्य पर्वतं गंधमादनम्

nirmuktaḥ sarvapāpebhyo madhyabhāge vasettu yaḥ| himavaṁtaṁ parityajya parvataṁ gaṁdhamādanam

जो मध्य भाग में निवास करता है वह सब पापों से मुक्त हो जाता है; हिमवान् तथा गन्धमादन पर्वत को त्यागकर,

श्लोक 32 (skanda.7.4.32)

कैलासं निषधं चैव मेरुपृष्ठं महाद्युतिम्। रम्यं त्रिशिखरं चैव मानसं च महागिरिम्

kailāsaṁ niṣadhaṁ caiva merupṛṣṭhaṁ mahādyutim| ramyaṁ triśikharaṁ caiva mānasaṁ ca mahāgirim

कैलास, निषध, अत्यन्त तेजस्वी मेरुपृष्ठ, रम्य त्रिशिखर, तथा महागिरि मानस को भी त्यागकर,

श्लोक 33 (skanda.7.4.33)

देवोद्यानानि रम्याणि नंदनं वनमेव च। स्वर्गस्थानानि रम्याणि तीर्थान्यायतनानि च। तानि सर्वाणि संत्यज्य प्रभासे तु रतिर्मम

devodyānāni ramyāṇi naṁdanaṁ vanameva ca| svargasthānāni ramyāṇi tīrthānyāyatanāni ca| tāni sarvāṇi saṁtyajya prabhāse tu ratirmama

देवताओं के रमणीय उद्यानों, नन्दनवन, स्वर्ग के रमणीय स्थानों, तीर्थों और देवायतनों—इन सबको छोड़कर, मेरा प्रेम तो प्रभास में ही है।

श्लोक 34 (skanda.7.4.34)

यस्तत्र वसते देवि संयतात्मा समाहितः। त्रिकालमपि भुंजानो वायुभक्षसमो भवेत्

yastatra vasate devi saṁyatātmā samāhitaḥ| trikālamapi bhuṁjāno vāyubhakṣasamo bhavet

हे देवि! जो वहाँ संयतात्मा और समाहितचित्त होकर निवास करता है, वह त्रिकाल भोजन करने पर भी वायुभक्षी के समान हो जाता है।

श्लोक 35 (skanda.7.4.35)

विघ्नैरालोड्यमानोऽपि यः प्रभासं न मुंचति। स मुंचति जरां मृत्युं जन्मचक्रमशाश्वतम्

vighnairāloḍyamāno'pi yaḥ prabhāsaṁ na muṁcati| sa muṁcati jarāṁ mṛtyuṁ janmacakramaśāśvatam

जो विघ्नों से आन्दोलित होकर भी प्रभास को नहीं छोड़ता, वह जरा, मृत्यु तथा अशाश्वत जन्मचक्र से मुक्त हो जाता है।

श्लोक 36 (skanda.7.4.36)

जन्मांतरशतैर्देवि योगो वा यदि लभ्यते। मोक्षस्य च सहस्रेण जन्मनां लभ्यते न च

janmāṁtaraśatairdevi yogo vā yadi labhyate| mokṣasya ca sahasreṇa janmanāṁ labhyate na ca

हे देवि! सैकड़ों जन्मों में यदि योग प्राप्त होता है, तो भी मोक्ष हजारों जन्मों में भी प्राप्त नहीं होता।

श्लोक 37 (skanda.7.4.37)

प्रभासे तु महादेवि ये स्थिता कृतनिश्चयाः। एकेन जन्मना तेषां मोक्षो नैवात्र संशयः

prabhāse tu mahādevi ye sthitā kṛtaniścayāḥ| ekena janmanā teṣāṁ mokṣo naivātra saṁśayaḥ

किन्तु हे महादेवि! प्रभास में दृढ़ निश्चय के साथ जो स्थित हैं, उनका एक ही जन्म में मोक्ष होता है, इसमें कोई संशय नहीं।

श्लोक 38 (skanda.7.4.38)

प्रभासे तु स्थिता ये वै ब्राह्मणाः संशितव्रताः। मृत्युंजयेन संयुक्तं जपंति शतरुद्रियम्

prabhāse tu sthitā ye vai brāhmaṇāḥ saṁśitavratāḥ| mṛtyuṁjayena saṁyuktaṁ japaṁti śatarudriyam

प्रभास में स्थित जो ब्राह्मण दृढ़व्रती हैं, वे मृत्युंजय मन्त्र के साथ शतरुद्रिय का जप करते हैं।

श्लोक 39 (skanda.7.4.39)

कालाग्निरुद्रसांनिध्ये दक्षिणां दिशमाश्रिताः। ज्ञानं चोत्पद्यते तत्र षण्मासाभ्यंतरेण तु

kālāgnirudrasāṁnidhye dakṣiṇāṁ diśamāśritāḥ| jñānaṁ cotpadyate tatra ṣaṇmāsābhyaṁtareṇa tu

कालाग्निरुद्र की समीपता में, दक्षिण दिशा का आश्रय लेकर, वहाँ छह मास के भीतर ही ज्ञान उत्पन्न हो जाता है।

श्लोक 40 (skanda.7.4.40)

शिवस्तु प्रोच्यते वेदो नामपर्यायवाचकैः। तस्य चात्मस्वरूपं तु शतरुद्रं प्रकीर्तितम्

śivastu procyate vedo nāmaparyāyavācakaiḥ| tasya cātmasvarūpaṁ tu śatarudraṁ prakīrtitam

शिव ही वेद कहे जाते हैं, नामपर्यायों से; उनका आत्मस्वरूप ही शतरुद्र कहा गया है।

श्लोक 41 (skanda.7.4.41)

कल्पेषु वेदाश्च पुनःपुनरावर्तकाः स्मृताः। मंत्राश्चैव तथा देवि मुक्त्वा तु शतरुद्रियम्

kalpeṣu vedāśca punaḥpunarāvartakāḥ smṛtāḥ| maṁtrāścaiva tathā devi muktvā tu śatarudriyam

कल्पों में वेद बार-बार आवर्तक स्मरण किए गए हैं, तथा मन्त्र भी, हे देवि! शतरुद्रिय को छोड़कर।

श्लोक 42 (skanda.7.4.42)

ईड्यं चैव तु मंत्रेण मामेव हि यजंति ये। प्रभासक्षेत्रमासाद्य ते मुक्ता नात्र संशयः

īḍyaṁ caiva tu maṁtreṇa māmeva hi yajaṁti ye| prabhāsakṣetramāsādya te muktā nātra saṁśayaḥ

जो इस स्तुत्य मन्त्र से मुझ ही को पूजते हैं, वे प्रभासक्षेत्र को प्राप्त करके मुक्त हो जाते हैं, इसमें संशय नहीं।

श्लोक 43 (skanda.7.4.43)

समंत्रोऽमंत्रको वापि यस्तत्र वसते नरः। सोऽपि यां गतिमाप्नोति यज्ञैर्दानैर्न साध्यते

samaṁtro'maṁtrako vāpi yastatra vasate naraḥ| so'pi yāṁ gatimāpnoti yajñairdānairna sādhyate

मन्त्रयुक्त हो या मन्त्ररहित, जो भी मनुष्य वहाँ निवास करता है, वह भी वह गति प्राप्त करता है जो यज्ञों और दानों से भी सिद्ध नहीं होती।

श्लोक 44 (skanda.7.4.44)

अस्मिन्क्षेत्रे स्वयंभूश्च स्थितः साक्षान्महेश्वरः। रुद्राणां कोटयश्चैव प्रभासे संव्यवस्थिताः

asminkṣetre svayaṁbhūśca sthitaḥ sākṣānmaheśvaraḥ| rudrāṇāṁ koṭayaścaiva prabhāse saṁvyavasthitāḥ

इस क्षेत्र में स्वयंभू साक्षात् महेश्वर स्थित हैं, तथा करोड़ों रुद्र भी प्रभास में स्थित हैं।

श्लोक 45 (skanda.7.4.45)

ध्यायमानास्तथोंकारं स्थिताः सोमेशदक्षिणे

dhyāyamānāstathoṁkāraṁ sthitāḥ someśadakṣiṇe

वे ओंकार का ध्यान करते हुए सोमेश के दक्षिण भाग में स्थित हैं।

श्लोक 46 (skanda.7.4.46)

ब्रह्मांडोदरमध्ये तु यानि तीर्थानि सुव्रते। सोमेश्वरं गमिष्यंति वैशाखस्य चतुर्दशी

brahmāṁḍodaramadhye tu yāni tīrthāni suvrate| someśvaraṁ gamiṣyaṁti vaiśākhasya caturdaśī

हे सुव्रते! ब्रह्माण्ड के उदर के मध्य में जो भी तीर्थ हैं, वे वैशाख की चतुर्दशी को सोमेश्वर के पास जाते हैं।

श्लोक 47 (skanda.7.4.47)

मनोबुद्धिरहंकारः कामक्रोधौ तथाऽपरे। एते रक्षंति सततं सोमेशं पापनाशनम्

manobuddhirahaṁkāraḥ kāmakrodhau tathā'pare| ete rakṣaṁti satataṁ someśaṁ pāpanāśanam

मन, बुद्धि, अहंकार, काम, क्रोध तथा अन्य—ये सब पापनाशक सोमेश की सदा रक्षा करते हैं।

श्लोक 48 (skanda.7.4.48)

न सा गतिः कुरुक्षेत्रे गंगाद्वारे त्रिपुष्करे। या गतिर्विहिता पुंसां प्रभासक्षेत्रवासिनाम्

na sā gatiḥ kurukṣetre gaṁgādvāre tripuṣkare| yā gatirvihitā puṁsāṁ prabhāsakṣetravāsinām

कुरुक्षेत्र में, गंगाद्वार में, त्रिपुष्कर में वह गति नहीं है, जो गति प्रभासक्षेत्र-निवासी पुरुषों के लिए विहित है।

श्लोक 49 (skanda.7.4.49)

तिर्यग्योनिगताः सत्त्वा ये प्रभासे कृतालयाः। कालेन निधनं प्राप्तास्तेपि यांति परां गतिम्

tiryagyonigatāḥ sattvā ye prabhāse kṛtālayāḥ| kālena nidhanaṁ prāptāstepi yāṁti parāṁ gatim

जो प्राणी तिर्यक् योनि में होते हुए भी प्रभास में निवास करते हैं और समय आने पर मृत्यु को प्राप्त होते हैं, वे भी परम गति को प्राप्त होते हैं।

श्लोक 50 (skanda.7.4.50)

तद्गुह्यं देवदेवस्य तत्तीर्थं तत्तपोवनम्। तत्र ब्रह्मादयो देवा नारायणपुरोगमाः

tadguhyaṁ devadevasya tattīrthaṁ tattapovanam| tatra brahmādayo devā nārāyaṇapurogamāḥ

वह देवाधिदेव का गुह्य स्थान है, वह तीर्थ है, वह तपोवन है; वहाँ ब्रह्मा आदि देवता, नारायण सहित,

श्लोक 51 (skanda.7.4.51)

योगिनश्च तथा सांख्या भगवंतं सनातनम्। उपासते प्रभासं तु मद्भक्ता मत्परायणाः

yoginaśca tathā sāṁkhyā bhagavaṁtaṁ sanātanam| upāsate prabhāsaṁ tu madbhaktā matparāyaṇāḥ

योगीजन तथा सांख्यज्ञ भी सनातन भगवान की, मेरे भक्त होकर मेरे परायण होते हुए, प्रभास में उपासना करते हैं।

श्लोक 52 (skanda.7.4.52)

अष्टौ मासान्विहारः स्याद्यतीनां संयतात्मनाम्। एके च चतुरो मासानष्टौ वा नियतं वसेत्

aṣṭau māsānvihāraḥ syādyatīnāṁ saṁyatātmanām| eke ca caturo māsānaṣṭau vā niyataṁ vaset

संयतात्मा यतियों का आठ मास विहार होता है; कुछ लोग चार मास अथवा आठ मास तक नियमपूर्वक निवास करते हैं।

श्लोक 53 (skanda.7.4.53)

प्रभासे तु प्रविष्टानां विहारस्तु न विद्यते। अत्र योगश्च मोक्षश्च प्राप्यते दुर्लभो नरैः

prabhāse tu praviṣṭānāṁ vihārastu na vidyate| atra yogaśca mokṣaśca prāpyate durlabho naraiḥ

किन्तु जो प्रभास में प्रवेश कर चुके हैं, उनके लिए विहार नहीं है; यहाँ योग और मोक्ष, जो मनुष्यों के लिए दुर्लभ हैं, प्राप्त हो जाते हैं।

श्लोक 54 (skanda.7.4.54)

तस्मात्प्रभासं संत्यज्य नान्यद्गच्छेत्तपोवनम्। प्रभासं ये न सेवंते मूढास्ते तमसा वृताः

tasmātprabhāsaṁ saṁtyajya nānyadgacchettapovanam| prabhāsaṁ ye na sevaṁte mūḍhāste tamasā vṛtāḥ

अतः प्रभास को छोड़कर अन्य किसी तपोवन में नहीं जाना चाहिए; जो प्रभास का सेवन नहीं करते, वे मूर्ख अन्धकार से आवृत हैं।

श्लोक 55 (skanda.7.4.55)

विण्मूत्ररेतसां मध्ये संभवंति पुनःपुनः। कामः क्रोधस्तथा लोभो दंभः स्तंभोऽथ मत्सरः

viṇmūtraretasāṁ madhye saṁbhavaṁti punaḥpunaḥ| kāmaḥ krodhastathā lobho daṁbhaḥ staṁbho'tha matsaraḥ

वे बार-बार विष्ठा, मूत्र और वीर्य के बीच जन्म लेते हैं। काम, क्रोध, लोभ, दम्भ, अभिमान तथा ईर्ष्या—

श्लोक 56 (skanda.7.4.56)

निद्रा तंद्रा तथाऽऽलस्यं पैशुन्यमिति ते दश। एते रक्षंति सततं सोमेशं तीर्थनायकम्

nidrā taṁdrā tathā'lasyaṁ paiśunyamiti te daśa| ete rakṣaṁti satataṁ someśaṁ tīrthanāyakam

नींद, तन्द्रा, आलस्य तथा चुगली—ये दस हैं; ये सदा तीर्थनायक सोमेश की रक्षा करते हैं, अर्थात् अपात्रों को उनसे दूर रखते हैं।

श्लोक 57 (skanda.7.4.57)

न प्रभासे मृतः कश्चिन्नरकं याति किल्बिषी। यावज्जीवं नरो यस्तु वसते कृतनिश्चयः

na prabhāse mṛtaḥ kaścinnarakaṁ yāti kilbiṣī| yāvajjīvaṁ naro yastu vasate kṛtaniścayaḥ

प्रभास में मरा हुआ कोई भी पापी व्यक्ति नरक को नहीं जाता; जो मनुष्य जीवनपर्यन्त दृढ़ निश्चय से वहाँ निवास करता है, उसकी तो बात ही क्या।

श्लोक 58 (skanda.7.4.58)

अग्निहोत्रैश्च संन्यासैराश्रमैश्च सुपालितैः। त्रिदंडैरेकदंडैश्च शैवैः पाशुपतैरपि

agnihotraiśca saṁnyāsairāśramaiśca supālitaiḥ| tridaṁḍairekadaṁḍaiśca śaivaiḥ pāśupatairapi

अग्निहोत्रों से, संन्यासों से, भलीभाँति पालित आश्रमों से, त्रिदण्डियों और एकदण्डियों से, शैवों और पाशुपतों से भी,

श्लोक 59 (skanda.7.4.59)

एतैरन्यैश्च यतिभिः प्राप्यते यत्फलं शुभम्। तत्सर्वं लभ्यते देवि श्रीसोमेश्वरयात्रया

etairanyaiśca yatibhiḥ prāpyate yatphalaṁ śubham| tatsarvaṁ labhyate devi śrīsomeśvarayātrayā

इनके तथा अन्य यतियों के द्वारा जो शुभ फल प्राप्त होता है, हे देवि! वह सब श्रीसोमेश्वर की यात्रा से प्राप्त हो जाता है।

श्लोक 60 (skanda.7.4.60)

एको ह्यर्चयते लिंगं तपस्यति तथापरः। तयोर्मध्ये तु श्रेष्ठो यः सोमेशं च प्रपूजयेत्

eko hyarcayate liṁgaṁ tapasyati tathāparaḥ| tayormadhye tu śreṣṭho yaḥ someśaṁ ca prapūjayet

एक व्यक्ति लिंग की पूजा करता है, दूसरा तप करता है; इन दोनों में जो सोमेश की भलीभाँति पूजा करता है, वही श्रेष्ठ है।

श्लोक 61 (skanda.7.4.61)

यत्तद्योगे च सांख्ये च सिद्धांते पंचरात्रिके। अन्यैश्च शास्त्रैर्विज्ञेयं प्रभासे संव्यवस्थितम्

yattadyoge ca sāṁkhye ca siddhāṁte paṁcarātrike| anyaiśca śāstrairvijñeyaṁ prabhāse saṁvyavasthitam

जो कुछ योग में, सांख्य में, पांचरात्र-सिद्धान्त में तथा अन्य शास्त्रों में जानने योग्य है, वह सब प्रभास में ही स्थित है।

श्लोक 62 (skanda.7.4.62)

लिंगे चैव स्थितं सर्वं जगदेतच्चराचरम्। तस्माल्लिंगे सदा देवः पूजनीयः प्रयत्नतः

liṁge caiva sthitaṁ sarvaṁ jagadetaccarācaram| tasmālliṁge sadā devaḥ pūjanīyaḥ prayatnataḥ

यह सम्पूर्ण चराचर जगत् लिंग में ही स्थित है; अतः लिंग में ही देव को सदा यत्नपूर्वक पूजना चाहिए।

श्लोक 63 (skanda.7.4.63)

ममैव सा परा मूर्तिः श्रीसोमेशाख्यया स्थिता। तेन चैषा त्मनात्मानमाराधनपरो ह्यहम्

mamaiva sā parā mūrtiḥ śrīsomeśākhyayā sthitā| tena caiṣā tmanātmānamārādhanaparo hyaham

वह मेरी ही परम मूर्ति है, जो श्रीसोमेश के नाम से स्थित है; उसी के द्वारा अपने आपसे अपने ही आराधन में मैं तत्पर रहता हूँ।

श्लोक 64 (skanda.7.4.64)

अनेकजन्मसाहस्रैर्भ्रममाणस्तु जन्मभिः। कस्तां प्राप्नोति वै मुक्तिं विना सोमेशपूजनात्

anekajanmasāhasrairbhramamāṇastu janmabhiḥ| kastāṁ prāpnoti vai muktiṁ vinā someśapūjanāt

अनेक हजारों जन्मों तक भटकते रहने वाले जन्मों में भी, सोमेश की पूजा के बिना वह मुक्ति भला कौन प्राप्त कर सकता है?

श्लोक 65 (skanda.7.4.65)

यत्किञ्चिदशुभं कर्म कृतं मानुषबुद्धिना। तत्सर्वं विलयं याति श्रीसोमेश्वरपूजनात्

yatkiñcidaśubhaṁ karma kṛtaṁ mānuṣabuddhinā| tatsarvaṁ vilayaṁ yāti śrīsomeśvarapūjanāt

मनुष्य की बुद्धि से जो कुछ भी अशुभ कर्म किया गया हो, वह सब श्रीसोमेश्वर की पूजा से नष्ट हो जाता है।

श्लोक 66 (skanda.7.4.66)

अनेकजन्मकोटीभिर्जंतुभिर्यत्कृतं ह्यघम्। तत्सर्वं नाशमायाति श्रीसोमेश्वरपूजनात्

anekajanmakoṭībhirjaṁtubhiryatkṛtaṁ hyagham| tatsarvaṁ nāśamāyāti śrīsomeśvarapūjanāt

अनेक करोड़ों जन्मों में प्राणियों द्वारा जो पाप किया गया हो, वह सब श्रीसोमेश्वर की पूजा से नष्ट हो जाता है।

श्लोक 67 (skanda.7.4.67)

तीर्थानि यानि लोकेऽस्मिन्सेव्यंते पापमोक्षिभिः। तानि सर्वाणि शुद्ध्यर्थं प्रभासे संविशंति हि

tīrthāni yāni loke'sminsevyaṁte pāpamokṣibhiḥ| tāni sarvāṇi śuddhyarthaṁ prabhāse saṁviśaṁti hi

इस लोक में पाप से मुक्ति चाहने वालों द्वारा जिन तीर्थों का सेवन किया जाता है, वे सब शुद्धि के लिए प्रभास में ही प्रवेश करते हैं।

श्लोक 68 (skanda.7.4.68)

योऽसौ कालाग्निरुद्रस्तु प्रोच्यते वेदवादिभिः। सोऽयं भैरवनाम्ना तु प्रभासे संव्यवस्थितः

yo'sau kālāgnirudrastu procyate vedavādibhiḥ| so'yaṁ bhairavanāmnā tu prabhāse saṁvyavasthitaḥ

जो यह कालाग्निरुद्र वेदवादियों द्वारा कहा जाता है, वही यह भैरव नाम से प्रभास में स्थित है।

श्लोक 69 (skanda.7.4.69)

जनानां दुष्कृतं सर्वं क्षेत्रमध्ये व्यवस्थितः। भैरवं रूपमास्थाय नाशयामि सुरेश्वरि

janānāṁ duṣkṛtaṁ sarvaṁ kṣetramadhye vyavasthitaḥ| bhairavaṁ rūpamāsthāya nāśayāmi sureśvari

हे सुरेश्वरि! क्षेत्र के मध्य में स्थित होकर, भैरव रूप धारण करके, मैं लोगों के सब दुष्कर्मों का नाश करता हूँ।

श्लोक 70 (skanda.7.4.70)

जगत्सर्वं चरित्वा तु स्थितोऽहं सचराचरम्। तेन भैरवनामाहं प्रभासे संव्यवस्थितः

jagatsarvaṁ caritvā tu sthito'haṁ sacarācaram| tena bhairavanāmāhaṁ prabhāse saṁvyavasthitaḥ

सम्पूर्ण चराचर जगत् में विचरण करके मैं स्थित हूँ; इसी कारण भैरव नाम से मैं प्रभास में स्थित हूँ।

श्लोक 71 (skanda.7.4.71)

अग्निना यत्र तप्तं तु दिव्याब्दानां चतुर्युगम्। मेघवाहनकल्पे तु तत्र लिंगं बभूव ह

agninā yatra taptaṁ tu divyābdānāṁ caturyugam| meghavāhanakalpe tu tatra liṁgaṁ babhūva ha

जहाँ अग्नि द्वारा दिव्य वर्षों के चार युगों तक तप किया गया, मेघवाहन कल्प में वहीं लिंग प्रकट हुआ।

श्लोक 72 (skanda.7.4.72)

अग्निमीडेति वेदोक्तप्रभावः सुरसुंदरि। कालाग्निरुद्रनामा च देवैः सर्वैरुदाहृतम्

agnimīḍeti vedoktaprabhāvaḥ surasuṁdari| kālāgnirudranāmā ca devaiḥ sarvairudāhṛtam

हे सुरसुन्दरि! 'अग्निमीळे' इस वेदोक्त मन्त्र से जिनका प्रभाव कहा गया है, उन्हें सब देवताओं ने कालाग्निरुद्र नाम से पुकारा।

श्लोक 73 (skanda.7.4.73)

अग्नीशानेति देवेशि नामत्रितयमुच्यते। कल्पेकल्पे तु नामानि कथितुं नैव शक्यते। असंख्यत्वाच्च कल्पानां ब्रह्मणा च वरानने

agnīśāneti deveśi nāmatritayamucyate| kalpekalpe tu nāmāni kathituṁ naiva śakyate| asaṁkhyatvācca kalpānāṁ brahmaṇā ca varānane

हे देवेशि! अग्नि, ईशान—इस प्रकार तीन नाम कहे जाते हैं; किन्तु प्रत्येक कल्प के नाम बताना सम्भव नहीं है, क्योंकि हे वरानने! कल्पों की तथा ब्रह्मा की संख्या असीमित है।

श्लोक 74 (skanda.7.4.74)

एवं चैव रहस्यं च महागोप्यं वरानने। स्नेहान्महत्या भक्त्या च मया ते परिकीर्तितम्

evaṁ caiva rahasyaṁ ca mahāgopyaṁ varānane| snehānmahatyā bhaktyā ca mayā te parikīrtitam

इस प्रकार, हे वरानने! यह महागोप्य रहस्य, स्नेह और महान भक्ति के कारण मेरे द्वारा तुम्हें बताया गया है।

श्लोक 75 (skanda.7.4.75)

एकतस्तु जगत्सर्वं कर्म कांडे प्रतिष्ठितम्। यज्ञदानतपोहोमैः स्वाध्यायैः पितृतर्पणैः

ekatastu jagatsarvaṁ karma kāṁḍe pratiṣṭhitam| yajñadānatapohomaiḥ svādhyāyaiḥ pitṛtarpaṇaiḥ

एक ओर सम्पूर्ण जगत् कर्मकाण्ड में प्रतिष्ठित है—यज्ञ, दान, तप, होम, स्वाध्याय तथा पितृतर्पण द्वारा,

श्लोक 76 (skanda.7.4.76)

उपवासैर्व्रतैः कृत्स्नैश्चांद्रायणशतैस्तथा। षड्रात्रैश्च त्रिरात्रैश्च तीर्थादिगमनैः परैः

upavāsairvrataiḥ kṛtsnaiścāṁdrāyaṇaśataistathā| ṣaḍrātraiśca trirātraiśca tīrthādigamanaiḥ paraiḥ

उपवासों, सम्पूर्ण व्रतों, सैकड़ों चान्द्रायण व्रतों, षड्रात्र और त्रिरात्र व्रतों, तथा अन्य तीर्थादि-गमनों द्वारा,

श्लोक 77 (skanda.7.4.77)

आश्रमैर्विविधाकारैर्यतिभिर्ब्रह्मचारिभिः। वानप्रस्थैर्गृहस्थैश्च वेदकर्मपरायणैः

āśramairvividhākārairyatibhirbrahmacāribhiḥ| vānaprasthairgṛhasthaiśca vedakarmaparāyaṇaiḥ

विविध प्रकार के आश्रमों द्वारा, यतियों, ब्रह्मचारियों, वानप्रस्थों तथा वेदकर्मपरायण गृहस्थों द्वारा,

श्लोक 78 (skanda.7.4.78)

अन्यैश्च विविधाकारैर्लोकमार्गस्थितैः शुभैः। न तत्पदं परं देवि शक्यं वीक्षयितुं क्वचित्

anyaiśca vividhākārairlokamārgasthitaiḥ śubhaiḥ| na tatpadaṁ paraṁ devi śakyaṁ vīkṣayituṁ kvacit

तथा और भी विविध प्रकार के, लोकमार्ग में स्थित शुभ साधनों द्वारा भी, हे देवि! वह परम पद कहीं भी देखा जाना सम्भव नहीं है,

श्लोक 79 (skanda.7.4.79)

यावन्न चार्चयेद्देवि सोमेशं लिंगनायकम्। लीलया वापि तैर्द्रष्टुं तत्पदं दुर्लभं परम्

yāvanna cārcayeddevi someśaṁ liṁganāyakam| līlayā vāpi tairdraṣṭuṁ tatpadaṁ durlabhaṁ param

जब तक हे देवि! लिंगों के स्वामी सोमेश की पूजा नहीं की जाती; इन साधनों द्वारा लीलामात्र से भी उस परम पद को देखना अत्यन्त दुर्लभ है।

श्लोक 80 (skanda.7.4.80)

पूजितो यैर्जगन्नाथः सोमेशः किल भैरवः। तिर्यग्योनिगता ये तु पशुपक्षिपिपीलिकाः

pūjito yairjagannāthaḥ someśaḥ kila bhairavaḥ| tiryagyonigatā ye tu paśupakṣipipīlikāḥ

जिनके द्वारा जगन्नाथ सोमेश भैरव पूजित हुए हैं—चाहे वे तिर्यक् योनि में गए हुए पशु, पक्षी, चींटी हों,

श्लोक 81 (skanda.7.4.81)

अन्तर्ज्जलगता ये तु कृमिकीटपतंगकाः। स्थावरा जंगमाश्चान्ये मनुष्याः पशवः स्त्रियः

antarjjalagatā ye tu kṛmikīṭapataṁgakāḥ| sthāvarā jaṁgamāścānye manuṣyāḥ paśavaḥ striyaḥ

जल के भीतर रहने वाले कीड़े-मकोड़े और पतंग हों, स्थावर हों या जंगम, मनुष्य हों, पशु हों या स्त्रियाँ हों,

श्लोक 82 (skanda.7.4.82)

बाला वृद्धास्तथा षण्ढाः श्वानगर्द्दभवायसाः। चंडालाः पुष्कसाः शूद्रा म्लेच्छा येऽन्ये वियोनिजाः

bālā vṛddhāstathā ṣaṇḍhāḥ śvānagarddabhavāyasāḥ| caṁḍālāḥ puṣkasāḥ śūdrā mlecchā ye'nye viyonijāḥ

बालक, वृद्ध, नपुंसक, कुत्ते, गधे, कौए, चाण्डाल, पुक्कस, शूद्र, म्लेच्छ अथवा अन्य विकृत योनियों में उत्पन्न प्राणी हों,

श्लोक 83 (skanda.7.4.83)

मूर्खास्तु पण्डिताश्चापि ये चान्ये कुत्सिता भुवि। ते सर्वे मुक्तिमायांति प्रभासे ये मृताः शुभे

mūrkhāstu paṇḍitāścāpi ye cānye kutsitā bhuvi| te sarve muktimāyāṁti prabhāse ye mṛtāḥ śubhe

मूर्ख हों या पण्डित हों, अथवा पृथ्वी पर अन्य जो निन्दित प्राणी हों—वे सब, यदि इस शुभ प्रभास में मृत्यु को प्राप्त होते हैं, मुक्ति को प्राप्त होते हैं।

श्लोक 84 (skanda.7.4.84)

कालानलस्य रुद्रस्य कालराजेन चाग्निना। दग्धास्ते जन्तवः सर्वे प्रभासे ये मृताः शुभे

kālānalasya rudrasya kālarājena cāgninā| dagdhāste jaṁtavaḥ sarve prabhāse ye mṛtāḥ śubhe

काल-राजा रुद्र के कालाग्नि से दग्ध होकर, इस शुभ प्रभास में मरने वाले वे सब प्राणी शुद्ध हो जाते हैं।

श्लोक 85 (skanda.7.4.85)

दुर्ल्लभं तु मम क्षेत्रं प्रभासं देवि पापिनाम्। न तत्र लभते मृत्युं पापात्मा लोकवंदिते

durllabhaṁ tu mama kṣetraṁ prabhāsaṁ devi pāpinām| na tatra labhate mṛtyuṁ pāpātmā lokavaṁdite

हे देवि! हे लोकवन्दिते! मेरा यह प्रभास क्षेत्र पापियों के लिए दुर्लभ है; पापात्मा को वहाँ मृत्यु ही प्राप्त नहीं होती।

श्लोक 86 (skanda.7.4.86)

मया दक्षिणभागे च विघ्नेशः संप्रतिष्ठितः। उत्तरे दण्डपाणिस्तु क्षेत्रमेतच्च रक्षति

mayā dakṣiṇabhāge ca vighneśaḥ saṁpratiṣṭhitaḥ| uttare daṇḍapāṇistu kṣetrametacca rakṣati

मेरे द्वारा दक्षिण भाग में विघ्नेश प्रतिष्ठित किए गए हैं, उत्तर में दण्डपाणि इस क्षेत्र की रक्षा करते हैं।

श्लोक 87 (skanda.7.4.87)

तथान्ये गणपाः सर्वे मदाज्ञावशवर्तिनः। क्षेत्रं रक्षंति देवेशि तेषां नामानि मे शृणु

tathānye gaṇapāḥ sarve madājñāvaśavartinaḥ| kṣetraṁ rakṣaṁti deveśi teṣāṁ nāmāni me śṛṇu

इसी प्रकार अन्य सब गणपति भी मेरी आज्ञा के अधीन क्षेत्र की रक्षा करते हैं; हे देवेशि! उनके नाम मुझसे सुनो।

श्लोक 88 (skanda.7.4.88)

महाबलस्तु चण्डीशो घंटाकर्णस्तु गोमुखः। विनायको महानादः काकवक्त्रः शुभेक्षणः। एकाक्षो दुन्दुभिश्चंडस्तालजंघस्तथैव च

mahābalastu caṇḍīśo ghaṁṭākarṇastu gomukhaḥ| vināyako mahānādaḥ kākavaktraḥ śubhekṣaṇaḥ| ekākṣo dundubhiścaṁḍastālajaṁghastathaiva ca

महाबल, चण्डीश, घण्टाकर्ण, गोमुख, विनायक, महानाद, काकवक्त्र, शुभेक्षण, एकाक्ष, दुन्दुभि, चण्ड, तथा तालजंघ—

श्लोक 89 (skanda.7.4.89)

भूमिदंडश्च चंडश्च शंकुकर्णश्च वैधृतिः। तालचण्डो महातेजा विकटास्यो हयाननः

bhūmidaṁḍaśca caṁḍaśca śaṁkukarṇaśca vaidhṛtiḥ| tālacaṇḍo mahātejā vikaṭāsyo hayānanaḥ

भूमिदण्ड, चण्ड, शंकुकर्ण, वैधृति, महातेजस्वी तालचण्ड, विकटास्य तथा हयानन—

श्लोक 90 (skanda.7.4.90)

हस्तिवक्त्रः श्वानवक्त्रो बिडालवदनस्तथा। सिंहव्याघ्रमुखाश्चान्ये वीरभद्रादयस्तथा

hastivaktraḥ śvānavaktro biḍālavadanastathā| siṁhavyāghramukhāścānye vīrabhadrādayastathā

हस्तिवक्त्र, श्वानवक्त्र, बिडालवदन, सिंह-व्याघ्र मुख वाले अन्य गण, तथा वीरभद्र आदि—

श्लोक 91 (skanda.7.4.91)

विनायकं पुरस्कृत्य देव देवं कपर्द्दिनम्। एकादश तथा कोट्यो नियुतानि त्रयोदश

vināyakaṁ puraskṛtya deva devaṁ kapardinam| ekādaśa tathā koṭyo niyutāni trayodaśa

विनायक को आगे रखकर, कपर्दी देवाधिदेव के, इस प्रकार ग्यारह करोड़ तथा तेरह नियुत,

श्लोक 92 (skanda.7.4.92)

अर्बुदं च गणानां च प्रभासं क्षेत्रमाश्रिताः। द्वारिद्वारि प्रचंडास्ते शूलमुद्गरपाणयः

arbudaṁ ca gaṇānāṁ ca prabhāsaṁ kṣetramāśritāḥ| dvāridvāri pracaṁḍāste śūlamudgarapāṇayaḥ

तथा एक अर्बुद गण प्रभास क्षेत्र का आश्रय लेकर, त्रिशूल और मुद्गर हाथ में लिए हुए प्रचण्ड होकर हर द्वार पर,

श्लोक 93 (skanda.7.4.93)

प्रभासक्षेत्रं रक्षंति देवदेवस्य वै गृहम्। न कश्चिद्दुष्टबुद्ध्या तु प्रविशेदिति संस्थितिः

prabhāsakṣetraṁ rakṣaṁti devadevasya vai gṛham| na kaścidduṣṭabuddhyā tu praviśediti saṁsthitiḥ

वे प्रभासक्षेत्र की, देवाधिदेव के इस निवासस्थान की, रक्षा करते हैं; यह व्यवस्था है कि कोई भी दुर्बुद्धि से इसमें प्रवेश न कर सके।

श्लोक 94 (skanda.7.4.94)

शतकोटिगणैश्चापि पूर्वद्वारि तु संवृतः। अट्टहासो गणो नाम प्रभासं तत्र रक्षति

śatakoṭigaṇaiścāpi pūrvadvāri tu saṁvṛtaḥ| aṭṭahāso gaṇo nāma prabhāsaṁ tatra rakṣati

पूर्व द्वार पर सौ करोड़ गणों से घिरा हुआ, अट्टहास नामक गण वहाँ प्रभास की रक्षा करता है।

श्लोक 95 (skanda.7.4.95)

कालाक्षो भीषणश्चंडो वृतोऽष्टादशकोटिभिः। घंटाकर्णगणो नाम दक्षिणं द्वारमाश्रितः

kālākṣo bhīṣaṇaścaṁḍo vṛto'ṣṭādaśakoṭibhiḥ| ghaṁṭākarṇagaṇo nāma dakṣiṇaṁ dvāramāśritaḥ

कालाक्ष, भयानक तथा प्रचण्ड, अठारह करोड़ गणों से घिरा हुआ, घण्टाकर्ण नामक गण दक्षिण द्वार का आश्रय लिए हुए है।

श्लोक 96 (skanda.7.4.96)

पश्चिमद्वारमाश्रित्य स्थितवान्विष्टरो गणः। दण्डपाणिः स्थितस्तत्र देवदेवस्य चोत्तरे

paścimadvāramāśritya sthitavānviṣṭaro gaṇaḥ| daṇḍapāṇiḥ sthitastatra devadevasya cottare

पश्चिम द्वार का आश्रय लेकर विष्टर नामक गण स्थित है; उत्तर द्वार पर देवाधिदेव के लिए दण्डपाणि स्थित हैं।

श्लोक 97 (skanda.7.4.97)

योगक्षेमं वहन्नित्यं प्रभासे भावितात्मनाम्। भीषणाक्षस्तथैशान्यामाग्नेय्यां छागवक्त्रकः

yogakṣemaṁ vahannityaṁ prabhāse bhāvitātmanām| bhīṣaṇākṣastathaiśānyāmāgneyyāṁ chāgavaktrakaḥ

जो प्रभास में भावितात्मा भक्तों का योगक्षेम सदा वहन करते हैं; ईशान कोण में भीषणाक्ष, तथा आग्नेय कोण में छागवक्त्रक,

श्लोक 98 (skanda.7.4.98)

नैर्ऋत्यां चंडनादस्तु वायव्यां भैरवाननः। नन्दी चैव महाकालो दण्डपाणिर्विनायकः

nairṛtyāṁ caṁḍanādastu vāyavyāṁ bhairavānanaḥ| naṁdī caiva mahākālo daṇḍapāṇirvināyakaḥ

नैर्ऋत्य कोण में चण्डनाद, वायव्य कोण में भैरवानन, तथा नन्दी, महाकाल, दण्डपाणि और विनायक—

श्लोक 99 (skanda.7.4.99)

एतेङ्गरक्षका मध्ये शतकोटिगणैर्वृताः। एवं रक्षंति बहवो ह्यसंख्येया गणेश्वराः

eteṁgarakṣakā madhye śatakoṭigaṇairvṛtāḥ| evaṁ rakṣaṁti bahavo hyasaṁkhyeyā gaṇeśvarāḥ

ये सब बीच में अंगरक्षक होकर, सौ करोड़ गणों से घिरे हुए हैं; इस प्रकार अनेक असंख्य गणेश्वर रक्षा करते हैं।

श्लोक 100 (skanda.7.4.100)

कलिकल्मषसंभूत्या येषां चोपहता मतिः। न तेषां तद्भवेद्गम्यं स्थानमर्धेन्दुमौलिनः

kalikalmaṣasaṁbhūtyā yeṣāṁ copahatā matiḥ| na teṣāṁ tadbhavedgamyaṁ sthānamardhendumauliniḥ

जिनकी बुद्धि कलियुग के पाप से नष्ट हो चुकी है, उनके लिए वह अर्धचन्द्रधारी शिव का स्थान सुलभ नहीं होता।

श्लोक 101 (skanda.7.4.101)

गंधर्वैः किन्नरैर्यक्षैरप्सरोभिस्तथोरगैः। सिद्धैः संपूज्य देवेशं सोमेशं पापनाशनम्

gaṁdharvaiḥ kinnarairyakṣairapsarobhistathoragaiḥ| siddhaiḥ saṁpūjya deveśaṁ someśaṁ pāpanāśanam

गन्धर्वों, किन्नरों, यक्षों, अप्सराओं, नागों तथा सिद्धों के द्वारा पापनाशक देवेश सोमेश को भलीभाँति पूजकर,

श्लोक 102 (skanda.7.4.102)

अन्तर्धानं गतैर्नित्यं प्रभासं तु निषेव्यते। सप्तलोकेषु ये सन्ति सिद्धाः पातालवासिनः। प्रदक्षिणं ते कुर्वंति सोमेशं कालभैरवम्

antardhānaṁ gatairnityaṁ prabhāsaṁ tu niṣevyate| saptalokeṣu ye saṁti siddhāḥ pātālavāsinaḥ| pradakṣiṇaṁ te kurvaṁti someśaṁ kālabhairavam

प्रतिदिन अदृश्य होकर प्रभास का सेवन करते हैं; सातों लोकों में जो सिद्ध हैं, चाहे वे पाताल में निवास करते हों, वे सब कालभैरव सोमेश की परिक्रमा करते हैं।

श्लोक 103 (skanda.7.4.103)

पृथिव्यां यानि तीर्थानि पुण्यान्यायतनानि च। लाकुलिं भारभूतिं च आषाढिं दण्डमेव च

pṛthivyāṁ yāni tīrthāni puṇyānyāyatanāni ca| lākuliṁ bhārabhūtiṁ ca āṣāḍhiṁ daṇḍameva ca

पृथ्वी पर जो भी पुण्य तीर्थ और देवायतन हैं—लाकुलि, भारभूति, आषाढि, दण्ड,

श्लोक 104 (skanda.7.4.104)

पुष्करं नैमिषं चैव अमरेशं तथापरम्। भैरवं मध्यमं कालं केदारं कणवीरकम्

puṣkaraṁ naimiṣaṁ caiva amareśaṁ tathāparam| bhairavaṁ madhyamaṁ kālaṁ kedāraṁ kaṇavīrakam

पुष्कर, नैमिष, अमरेश, तथा भैरव, मध्यम काल, केदार, कणवीरक,

श्लोक 105 (skanda.7.4.105)

हरिचंद्रस्तु शैलेशस्तथा वस्त्रांतिकेश्वरः। अट्टहासं महेन्द्रं च श्रीशैलं च गया तथा

haricaṁdrastu śaileśastathā vastrāṁtikeśvaraḥ| aṭṭahāsaṁ mahendraṁ ca śrīśailaṁ ca gayā tathā

हरिचन्द्र, शैलेश, वस्त्रान्तिकेश्वर, अट्टहास, महेन्द्र, श्रीशैल तथा गया—

श्लोक 106 (skanda.7.4.106)

एतानि सर्वतीर्थानि देवं सोमेश्वरं प्रभुम्। प्रदक्षिणं प्रकुर्वंति तत्र लिंगं स्तुवंति च

etāni sarvatīrthāni devaṁ someśvaraṁ prabhum| pradakṣiṇaṁ prakurvaṁti tatra liṁgaṁ stuvaṁti ca

ये सब तीर्थ प्रभु देव सोमेश्वर की परिक्रमा करते हैं और वहाँ लिंग की स्तुति करते हैं।

श्लोक 107 (skanda.7.4.107)

ब्रह्मा जनार्दनश्चान्ये ये देवा जगति स्थिताः। अग्निलिंगसमीपस्थाः संध्याकाले स्तुवंति च

brahmā janārdanaścānye ye devā jagati sthitāḥ| agniliṁgasamīpasthāḥ saṁdhyākāle stuvaṁti ca

ब्रह्मा, जनार्दन तथा जगत् में स्थित अन्य जो भी देवता हैं, वे संध्याकाल में अग्निलिंग के समीप उपस्थित होकर स्तुति करते हैं।

श्लोक 108 (skanda.7.4.108)

षष्टिकोटिसहस्राणि षष्टिकोटिशतानि च। सर्वे सोमेश्वरं यांति माघकृष्णचतुर्द्दशीम्

ṣaṣṭikoṭisahasrāṇi ṣaṣṭikoṭiśatāni ca| sarve someśvaraṁ yāṁti māghakṛṣṇacaturddaśīm

साठ हजार करोड़ तथा साठ सौ करोड़ अनगिनत देवगण, वे सब माघ कृष्ण चतुर्दशी को सोमेश्वर के पास जाते हैं।

श्लोक 109 (skanda.7.4.109)

तस्मिन्काले च यो दद्यात्सोमेशे घृतकम्बलम्

tasminkāle ca yo dadyātsomeśe ghṛtakambalam

उस समय जो सोमेश को घृतकम्बल अर्पित करता है,

श्लोक 110 (skanda.7.4.110)

घृतं रसं तिलान्दुग्धं जलं चंद्राधिवासितम्। एकत्र कृत्वा काश्मीरमित्येतद्घृतकंबलम्

ghṛtaṁ rasaṁ tilāndugdhaṁ jalaṁ caṁdrādhivāsitam| ekatra kṛtvā kāśmīramityetadghṛtakaṁbalam

घी, रस, तिल, दूध, तथा चन्द्राधिवासित जल—इन सबको मिलाकर केसर के साथ, यही घृतकम्बल कहलाता है।

श्लोक 111 (skanda.7.4.111)

शिवरात्र्यां तु कर्त्तव्यमेतद्गोप्यं मम प्रियम्। एवं कृते च यत्पुण्यं गदितुं तन्न शक्यते

śivarātryāṁ tu karttavyametadgopyaṁ mama priyam| evaṁ kṛte ca yatpuṇyaṁ gadituṁ tanna śakyate

शिवरात्रि को यह गुप्त और मुझे प्रिय अनुष्ठान करना चाहिए; ऐसा करने पर जो पुण्य होता है, वह कहा नहीं जा सकता।

श्लोक 112 (skanda.7.4.112)

तत्र दक्षिणभागे तु स्वयं भूतविनायकम्। प्रथमं पूजयेद्देवि यदीच्छेत्सिद्धिमात्मनः

tatra dakṣiṇabhāge tu svayaṁ bhūtavināyakam| prathamaṁ pūjayeddevi yadīcchetsiddhimātmanaḥ

वहाँ दक्षिण भाग में स्वयं भूतविनायक की, हे देवि! यदि अपनी सिद्धि चाहता हो तो पहले पूजा करनी चाहिए।

श्लोक 113 (skanda.7.4.113)

ऊषराणां च सर्वेषां प्रभासक्षेत्रमूषरम्। पीठानां चैव पीठं च क्षेत्राणां क्षेत्रमुत्तमम्। सन्देहानां च सर्वेषामयं संदेह उत्तमः

ūṣarāṇāṁ ca sarveṣāṁ prabhāsakṣetramūṣaram| pīṭhānāṁ caiva pīṭhaṁ ca kṣetrāṇāṁ kṣetramuttamam| saṁdehānāṁ ca sarveṣāmayaṁ saṁdeha uttamaḥ

यह प्रभासक्षेत्र सब उत्तम भूमियों में उत्तम भूमि है, पीठों में पीठ है, क्षेत्रों में उत्तम क्षेत्र है, और सब संदेहों में यह संदेह भी उत्तम है, अर्थात् इसकी महिमा पर संदेह करना भी श्रेष्ठ जिज्ञासा है।

श्लोक 114 (skanda.7.4.114)

ये केचिद्योगिनः संति शतकोटिप्रविस्तराः। तेषां क्षेत्रे प्रभासे तु रतिर्न्नान्यत्र कुत्रचित्

ye kecidyoginaḥ saṁti śatakoṭipravistarāḥ| teṣāṁ kṣetre prabhāse tu ratirnnānyatra kutracit

जो भी असंख्य योगीजन हैं, सौ करोड़ों में फैले हुए, उन सबका प्रेम प्रभास क्षेत्र में ही है, अन्यत्र कहीं नहीं।

श्लोक 115 (skanda.7.4.115)

लिंगादीशानभागे तु संस्थिता सुरसुन्दरि

liṁgādīśānabhāge tu saṁsthitā surasundari

हे सुरसुन्दरि! लिंग के ईशान भाग में स्थित हैं,

श्लोक 116 (skanda.7.4.116)

मया या कथिता तुभ्यमुमा नाम कला शुभा। सा सती प्रोच्यते देवि दक्षस्य दुहिता पुरा

mayā yā kathitā tubhyamumā nāma kalā śubhā| sā satī procyate devi dakṣasya duhitā purā

मैंने तुम्हें जिस शुभ कला का नाम उमा बताया था, हे देवि! वे पूर्वकाल में दक्ष की पुत्री सती कही जाती थीं।

श्लोक 117 (skanda.7.4.117)

दक्षकोपाच्छरीरं तु संत्यज्य परमा कला। हिमवंतगृहे जाता उमानाम्ना च विश्रुता

dakṣakopācchārīraṁ tu saṁtyajya paramā kalā| himavaṁtagṛhe jātā umānāmnā ca viśrutā

दक्ष के कोप के कारण उस परम कला ने अपने शरीर को त्याग दिया और हिमवान के घर में जन्म लेकर उमा नाम से विख्यात हुईं।

श्लोक 118 (skanda.7.4.118)

तेन देवि त्वया सार्द्धं तत्रस्था वरदाः स्मृताः। नवकोट्यस्तु चामुंडास्तस्मिन्क्षेत्रे स्थिताः स्वयम्

tena devi tvayā sārddhaṁ tatrasthā varadāḥ smṛtāḥ| navakoṭyastu cāmuṁḍāstasminkṣetre sthitāḥ svayam

हे देवि! इसी कारण तुम्हारे साथ वहाँ स्थित वरदायिनी नौ करोड़ चामुण्डाएँ भी स्वयं उस क्षेत्र में स्थित हैं।

श्लोक 119 (skanda.7.4.119)

चैत्रे मासि सिताष्टम्यां तत्र त्वां यदि पूजयेत्। एक विंशतिजन्मानि दारिद्र्यं तस्य नो भवेत्

caitre māsi sitāṣṭamyāṁ tatra tvāṁ yadi pūjayet| eka viṁśatijanmāni dāridryaṁ tasya no bhavet

चैत्र मास की शुक्ल अष्टमी को यदि वहाँ तुम्हारी पूजा की जाए, तो उसके इक्कीस जन्मों तक दरिद्रता नहीं होती।

श्लोक 120 (skanda.7.4.120)

अमा सोमेन संयुक्ता कदाचिद्यदि लभ्यते। तस्यां सोमेश्वरं दृष्ट्वा कोटियज्ञफलं लभेत्

amā somena saṁyuktā kadācidyadi labhyate| tasyāṁ someśvaraṁ dṛṣṭvā koṭiyajñaphalaṁ labhet

यदि कभी अमावस्या सोमवार से युक्त प्राप्त हो, तो उस दिन सोमेश्वर का दर्शन करके करोड़ यज्ञों का फल प्राप्त होता है।

श्लोक 121 (skanda.7.4.121)

एतत्क्षेत्रं महागुह्यं सर्वपातकनाशनम्। रुद्राणां कोटयो यत्र एकादश समासते

etatkṣetraṁ mahāguhyaṁ sarvapātakanāśanam| rudrāṇāṁ koṭayo yatra ekādaśa samāsate

यह क्षेत्र अत्यन्त गुह्य और सब पापों का नाश करने वाला है, जहाँ ग्यारह करोड़ रुद्र विराजमान हैं।

श्लोक 122 (skanda.7.4.122)

द्वादशात्र दिनेशानां वसवोऽष्टौ समागताः। गन्धर्वयक्षरक्षांसि असंख्याता गणेश्वराः

dvādaśātra dineśānāṁ vasavo'ṣṭau samāgatāḥ| gaṁdharvayakṣarakṣāṁsi asaṁkhyātā gaṇeśvarāḥ

यहाँ बारह आदित्य तथा आठ वसु आए हुए हैं, तथा असंख्य गन्धर्व, यक्ष, राक्षस और गणेश्वर भी हैं।

श्लोक 123 (skanda.7.4.123)

उमापि तत्र पार्श्वस्था सर्वदेवैस्तु संस्तुता। नन्दी च गणनाथो यो देवदेवस्य शूलिनः

umāpi tatra pārśvasthā sarvadevaistu saṁstutā| naṁdī ca gaṇanātho yo devadevasya śūlinaḥ

उमा भी वहाँ पार्श्व में स्थित हैं, सब देवताओं द्वारा स्तुत होकर; तथा शूलधारी देवाधिदेव के गणनाथ नन्दी भी,

श्लोक 124 (skanda.7.4.124)

महाकालस्य ये चान्ये गणपाः संति पार्श्वगाः। गंगा च यमुना चैव तथा देवी सरस्वती

mahākālasya ye cānye gaṇapāḥ saṁti pārśvagāḥ| gaṁgā ca yamunā caiva tathā devī sarasvatī

तथा महाकाल के जो अन्य पार्श्ववर्ती गणपति हैं, तथा गंगा, यमुना और देवी सरस्वती भी,

श्लोक 125 (skanda.7.4.125)

अन्याश्च सरितः पुण्या नदाश्चैव ह्रदास्तथा। समुद्राः पर्वताः कूपा वनस्पतय एव च

anyāśca saritaḥ puṇyā nadāścaiva hradāstathā| samudrāḥ parvatāḥ kūpā vanaspataya eva ca

अन्य पवित्र नदियाँ, नद, ह्रद, समुद्र, पर्वत, कूप तथा वनस्पतियाँ भी,

श्लोक 126 (skanda.7.4.126)

स्थावरं जंगमं चैव प्रभासे तु समागतम्। अन्ये चैव गणास्तत्र प्रभासे संव्यवस्थिताः

sthāvaraṁ jaṁgamaṁ caiva prabhāse tu samāgatam| anye caiva gaṇāstatra prabhāse saṁvyavasthitāḥ

स्थावर और जंगम सब कुछ प्रभास में एकत्रित हो गए हैं; अन्य भी अनेक गण वहाँ प्रभास में स्थित हैं।

श्लोक 127 (skanda.7.4.127)

न मया कथिताः सर्व उद्देशेन क्वचित्क्वचित्। भक्त्या परमया युक्तो देवदेवि विनायकम्। तृतीयं पूजयेत्तत्र वांछेत्क्षेत्रफलं यदि

na mayā kathitāḥ sarva uddeśena kvacitkvacit| bhaktyā paramayā yukto devadevi vināyakam| tṛtīyaṁ pūjayettatra vāṁchetkṣetraphalaṁ yadi

मैंने सबको यहाँ-वहाँ संक्षेप से ही बताया है, सबको नहीं बताया; हे देवि! यदि क्षेत्र का फल चाहता हो तो परम भक्ति से युक्त होकर वहाँ तीसरी बार विनायक की पूजा करनी चाहिए।

श्लोक 128 (skanda.7.4.128)

द्वादशैवं तथा चाष्टौ चत्वारिंशच्च कोटयः। नदीनामग्नितीर्थस्य द्वारे तिष्ठंति भामिनि

dvādaśaivaṁ tathā cāṣṭau catvāriṁśacca koṭayaḥ| nadīnāmagnitīrthasya dvāre tiṣṭhaṁti bhāmini

हे भामिनि! इस प्रकार बारह, आठ और चालीस करोड़ नदियाँ अग्नितीर्थ के द्वार पर स्थित रहती हैं।

श्लोक 129 (skanda.7.4.129)

निर्माल्यलंघनं किंचिदज्ञाताद्यदि वै कृतम्। तत्सर्वं विलयं याति अग्नितीर्थस्य दर्शनात्

nirmālyalaṁghanaṁ kiṁcidajñātādyadi vai kṛtam| tatsarvaṁ vilayaṁ yāti agnitīrthasya darśanāt

यदि अनजाने में निर्माल्य का उल्लंघन भी किया गया हो, तो वह सब अग्नितीर्थ के दर्शन से नष्ट हो जाता है।

श्लोक 130 (skanda.7.4.130)

देवि किं बहुनोक्तेन क्षेत्रमेतन्महाप्रभम्। न ते वर्णयितुं शक्यं कल्पकोटिशतैरपि

devi kiṁ bahunoktena kṣetrametanmahāprabham| na te varṇayituṁ śakyaṁ kalpakoṭiśatairapi

हे देवि! अधिक कहने से क्या, यह महाप्रभावी क्षेत्र सौ करोड़ कल्पों में भी वर्णन किया जाना सम्भव नहीं है।

श्लोक 131 (skanda.7.4.131)

ये चांतरिक्षे भुवि ये च देवास्तीर्थानि वै यानि दिगंतरेषु। क्षेत्रं प्रभासं प्रवरं हि तेषां सोमेश्वरं देवि तथा वरिष्ठम्

ye cāṁtarikṣe bhuvi ye ca devāstīrthāni vai yāni digaṁtareṣu| kṣetraṁ prabhāsaṁ pravaraṁ hi teṣāṁ someśvaraṁ devi tathā variṣṭham

जो अन्तरिक्ष में हैं, जो पृथ्वी पर हैं, जो देवता हैं, तथा जो भी तीर्थ दिशाओं के अन्तराल में हैं—उन सबमें प्रभास क्षेत्र श्रेष्ठ है, और हे देवि! सोमेश्वर भी उसी प्रकार सर्वश्रेष्ठ हैं।

श्लोक 132 (skanda.7.4.132)

ये चांडजाश्चोद्भिजाश्चैव जीवाः सस्वेदजाश्चैव जरायुजाश्च। देवि प्रभासे तु गतासवोऽथ मुक्तिं परं यांति न संशयोऽत्र

ye cāṁḍajāścodbhijāścaiva jīvāḥ sasvedajāścaiva jarāyujāśca| devi prabhāse tu gatāsavo'tha muktiṁ paraṁ yāṁti na saṁśayo'tra

जो जीव अण्डज हों, उद्भिज हों, स्वेदज हों अथवा जरायुज हों—हे देवि! प्रभास में प्राणत्याग करने पर वे सब परम मुक्ति को प्राप्त होते हैं, इसमें कोई संशय नहीं।

श्लोक 133 (skanda.7.4.133)

इति निगदितमेतद्देवदेवस्य चित्रं चरितमिदमचिंत्यं देवि ते शंकरस्य। कलिकलुषविदारं सर्वलोकोऽपि यायाद्यदि पठति शृणोति स्तौति नित्यं य इत्थम्

iti nigaditametaddevadevasya citraṁ caritamidamaciṁtyaṁ devi te śaṁkarasya| kalikaluṣavidāraṁ sarvaloko'pi yāyādyadi paṭhati śṛṇoti stauti nityaṁ ya itthaṁ

इस प्रकार यह देवाधिदेव शंकर का अद्भुत, अचिन्त्य चरित्र, हे देवि! तुम्हें कहा गया; कलियुग के पाप को विदीर्ण करने वाला यह चरित्र, यदि कोई इस प्रकार सदा पढ़ता, सुनता अथवा स्तुति करता है, तो सारा लोक भी उसी गति को प्राप्त हो सकता है।