देवीप्रश्नवर्णनम्

श्लोक 1 (skanda.7.3.1)

ऋषय ऊचुः। कथितो भवता सर्गः प्रतिसर्गस्तथैव च। वंशानुवंशचरितं पुराणानामनुक्रमः

ṛṣaya ūcuḥ| kathito bhavatā sargaḥ pratisargastathaiva ca| vaṁśānuvaṁśacaritaṁ purāṇānāmanukramaḥ

ऋषियों ने कहा—आपने सर्ग, प्रतिसर्ग, वंशानुचरित तथा पुराणों का क्रम हमें बताया।

श्लोक 2 (skanda.7.3.2)

मन्वन्तरप्रमाणं च ब्रह्मांडस्य च विस्तरः। ज्योतिश्चक्रस्वरूपं च यथावदनुवर्णितम्। श्रोतुमिच्छामहे त्वत्तः सांप्रतं तीर्थविस्तरम्

manvaṁtarapramāṇaṁ ca brahmāṁḍasya ca vistaraḥ| jyotiścakrasvarūpaṁ ca yathāvadanuvarṇitam| śrotumicchāmahe tvattaḥ sāṁprataṁ tīrthavistaram

मन्वन्तरों का प्रमाण, ब्रह्माण्ड का विस्तार तथा ज्योतिश्चक्र का स्वरूप भी आपने यथावत् वर्णन किया; अब हम आपसे तीर्थों का विस्तार सुनना चाहते हैं।

श्लोक 3 (skanda.7.3.3)

पृथिव्यां यानि तीर्थानि पापघ्नानि शुभानि च। तानि सूतज कार्त्स्न्येन यथावद्वक्तुमर्हसि

pṛthivyāṁ yāni tīrthāni pāpaghnāni śubhāni ca| tāni sūtaja kārtsnyena yathāvadvaktumarhasi

हे सूतपुत्र! पृथ्वी पर जो पापनाशक और कल्याणकारी तीर्थ हैं, उन्हें सम्पूर्णता से यथावत् बताने की कृपा करें।

श्लोक 4 (skanda.7.3.4)

सूत उवाच। इदं पृष्टं पुरा देव्या कैलासशिखरोत्तमे। नानाधातुविचित्रांगे नानारत्नसमन्विते

sūta uvāca| idaṁ pṛṣṭaṁ purā devyā kailāsaśikharottame| nānādhātuvicitrāṁge nānāratnasamanvite

सूत ने कहा—पूर्वकाल में देवी ने कैलास के उत्तम शिखर पर, जो विविध धातुओं से चित्रित और नाना रत्नों से युक्त था, यही प्रश्न पूछा था।

श्लोक 5 (skanda.7.3.5)

नानाद्रुमलताकीर्णे नानापुष्पोपशोभिते। यक्षविद्याधराकीर्णे ह्यप्सरोगणसेविते

nānādrumalatākīrṇe nānāpuṣpopaśobhite| yakṣavidyādharākīrṇe hyapsarogaṇasevite

जो विविध वृक्षों और लताओं से भरा हुआ, अनेक पुष्पों से सुशोभित, यक्षों और विद्याधरों से व्याप्त तथा अप्सराओं के समूह से सेवित था,

श्लोक 6 (skanda.7.3.6)

तत्र ब्रह्मा च विष्णुश्च स्कन्दनन्दिगणेश्वराः। चंद्रादित्यौ ग्रहैः सार्धं नक्षत्रध्रुवमण्डलम्

tatra brahmā ca viṣṇuśca skandanaṁdigaṇeśvarāḥ| caṁdrādityau grahaiḥ sārdhaṁ nakṣatradhruvamaṇḍalam

वहाँ ब्रह्मा, विष्णु, स्कन्द, नन्दी, गणेश्वर, ग्रहों सहित चन्द्र और सूर्य, तथा नक्षत्र और ध्रुवमण्डल उपस्थित थे,

श्लोक 7 (skanda.7.3.7)

वायुश्च वरुणश्चैव कुबेरो धनदस्तथा। ईशानश्चाग्निरिंद्रश्च यमो निर्ऋतिरेव च

vāyuśca varuṇaścaiva kubero dhanadastathā| īśānaścāgniriṁdraśca yamo nirṛtireva ca

वायु, वरुण, कुबेर, धनद, ईशान, अग्नि, इन्द्र, यम और निर्ऋति भी वहाँ थे,

श्लोक 8 (skanda.7.3.8)

सरितः सागराः सर्वे पर्वता उरगास्तथा। ब्राह्म्याद्या मातरश्चैव ऋषयश्च तपोधनाः

saritaḥ sāgarāḥ sarve parvatā uragāstathā| brāhmyādyā mātaraścaiva ṛṣayaśca tapodhanāḥ

सब नदियाँ, समुद्र, पर्वत, नाग, ब्राह्मी आदि मातृगण, तथा तपोधन ऋषिगण भी वहाँ उपस्थित थे,

श्लोक 9 (skanda.7.3.9)

मूर्तिमंति च तीर्थानि क्षेत्राण्यायतनानि च। दानवासुरदैत्याश्च पिशाचा भूतराक्षसाः

mūrtimaṁti ca tīrthāni kṣetrāṇyāyatanāni ca| dānavāsuradaityāśca piśācā bhūtarākṣasāḥ

मूर्तिमान तीर्थ, क्षेत्र, आयतन (देवमन्दिर) भी वहाँ उपस्थित थे, तथा दानव, असुर, दैत्य, पिशाच, भूत और राक्षस भी थे।

श्लोक 10 (skanda.7.3.10)

तत्र सिंहासनं दिव्यं शतयोजनविस्तृतम्

tatra siṁhāsanaṁ divyaṁ śatayojanavistṛtam

वहाँ सौ योजन विस्तृत एक दिव्य सिंहासन था।

श्लोक 11 (skanda.7.3.11)

लक्षायुतसहस्रैश्च रुद्रकोटिभिरावृतम्। तन्मध्ये सर्वतोभद्रं सिंहद्वारैः सुतोरणैः

lakṣāyutasahasraiśca rudrakoṭibhirāvṛtam| tanmadhye sarvatobhadraṁ siṁhadvāraiḥ sutoraṇaiḥ

वह लाखों-करोड़ों रुद्रों से आवृत था; उसके मध्य में सिंहद्वारों और सुन्दर तोरणों से युक्त सर्वतोभद्र मण्डप था।

श्लोक 12 (skanda.7.3.12)

स्वच्छमौक्तिकसंकाशं प्राकारशिखरावृतम्। नन्दीश्वरमहाकालद्वारपालगणैर्वृतम्

svacchamauktikasaṁkāśaṁ prākāraśikharāvṛtam| naṁdīśvaramahākāladvārapālagaṇairvṛtam

वह स्वच्छ मोतियों के समान चमकीला था, परकोटे के शिखरों से घिरा था, और नन्दीश्वर तथा महाकाल जैसे द्वारपालों के समूह से आवृत था।

श्लोक 13 (skanda.7.3.13)

किंकिणीजालमुखरैः सत्यताकैरलंकृतम्। वितानच्छत्रखंडैश्च मुक्तादामप्रलंबितैः

kiṁkiṇījālamukharaiḥ satyatākairalaṁkṛtam| vitānacchatrakhaṁḍaiśca muktādāmapralaṁbitaiḥ

वह छोटी घंटियों के जाल से मुखरित, ध्वजाओं से अलंकृत, तथा मोतियों की मालाओं से लटकते हुए चंदोवों और छत्रखंडों से सुशोभित था।

श्लोक 14 (skanda.7.3.14)

घंटाचामरशोभाढयैर्दर्पणैश्चोपशोभितम्। कलशैर्द्वारविन्यस्तरत्नपल्लवसंयुतैः

ghaṁṭācāmaraśobhāḍhyairdarpaṇaiścopaśobhitam| kalaśairdvāravinyastaratnapallavasaṁyutaiḥ

वह घंटियों और चामरों की शोभा से युक्त तथा दर्पणों से सुशोभित था, और द्वारों पर रखे गए रत्नमय पल्लवों से युक्त कलशों से सुसज्जित था।

श्लोक 15 (skanda.7.3.15)

चित्रितं चित्रशास्त्रज्ञै रत्नचूर्णैः समुज्ज्वलैः। स्वस्तिकैः पत्रवल्याद्यैर्लिंगोद्भवलतादिभिः

citritaṁ citraśāstrajñai ratnacūrṇaiḥ samujjvalaiḥ| svastikaiḥ patravalyādyairliṁgodbhavalatādibhiḥ

चित्रकला के ज्ञाताओं द्वारा उज्ज्वल रत्नचूर्ण से चित्रित, स्वस्तिकों, पत्रलताओं तथा लिंगोद्भव की लताओं आदि से अलंकृत था।

श्लोक 16 (skanda.7.3.16)

शतसिंहासनाकीर्णं वेदिकाभिश्च शोभितम्। आसीनै रुद्रवृन्दैश्च रुद्रकन्याकदम्बकैः

śatasiṁhāsanākīrṇaṁ vedikābhiśca śobhitam| āsīnai rudravṛndaiśca rudrakanyākadaṁbakaiḥ

वह सैकड़ों सिंहासनों से भरा और वेदियों से सुशोभित था, जिन पर रुद्रगण तथा रुद्र-कन्याओं के समूह विराजमान थे।

श्लोक 17 (skanda.7.3.17)

लक्षपत्रदलाढ्यैश्च श्वेतपद्मैश्च भूषितम्। अप्सरोभिः समाकीर्णं पुष्पप्रकरविस्तृतम्

lakṣapatradalāḍhyaiśca śvetapadmaiśca bhūṣitam| apsarobhiḥ samākīrṇaṁ puṣpaprakaravistṛtam

वह लाखों पंखुड़ियों वाले श्वेत कमलों से सुशोभित, अप्सराओं से भरा हुआ और पुष्पों के ढेर से विस्तृत था।

श्लोक 18 (skanda.7.3.18)

धूपितं धूपवर्त्तीभिः कुंकुमोदकसेचितम्। वंशवीणामृदंगैश्च गोमुखैर्मुखवादनैः

dhūpitaṁ dhūpavartībhiḥ kuṁkumodakasecitam| vaṁśavīṇāmṛdaṁgaiśca gomukhairmukhavādanaiḥ

वह धूप-बत्तियों से सुगन्धित, कुंकुम-जल से सिंचित, और बाँसुरी, वीणा, मृदंग, गोमुख आदि मुख से बजाए जाने वाले वाद्यों से गुंजित था।

श्लोक 19 (skanda.7.3.19)

शंखभेरीनिनादेन दुन्दुभिध्वनितेन च। गर्जद्भिर्गणवृन्दैश्च मेघस्वनितनिस्वनैः

śaṁkhabherīninādena duṁdubhidhvanitena ca| garjadbhirgaṇavṛndaiśca meghasvanitanisvanaiḥ

शंख और भेरी की ध्वनि, दुन्दुभि की गूँज, गणों के समूहों की गर्जना, तथा मेघ के समान निनाद से वह गुंजायमान था,

श्लोक 20 (skanda.7.3.20)

गणानां स्तोत्रशब्देन सामवेदरवेण च। प्रेक्षणीयैर्महानादैर्गेयहुङ्कारशोभितम्

gaṇānāṁ stotraśabdena sāmavedaraveṇa ca| prekṣaṇīyairmahānādairgeyahuṅkāraśobhitam

गणों के स्तोत्रों की ध्वनि, सामवेद के उच्चारण, दर्शनीय महानादों तथा गीत के हुंकार से सुशोभित था,

श्लोक 21 (skanda.7.3.21)

वृषनर्दितशब्देन गजवाजिरवेण च। कांचीनूपुरशब्देन समाकीर्णदिगंतरम्

vṛṣanarditaśabdena gajavājiraveṇa ca| kāṁcīnūpuraśabdena samākīrṇadigaṁtaram

बैल की गर्जना, हाथी-घोड़ों की ध्वनि, तथा करधनी-नूपुरों की झंकार से दिशाओं का अन्तराल भर गया था।

श्लोक 22 (skanda.7.3.22)

सर्वसंपत्करं श्रीमच्छंकरस्यैव मंदिरम्। वंश वीणामृदंगैश्च नादितं तत्र तत्र ह। ऋग्वेदो मूर्तिमांश्चैव शक्रनीलसमद्युतिः

sarvasaṁpatkaraṁ śrīmacchaṁkarasyaiva maṁdiram| vaṁśa vīṇāmṛdaṁgaiśca nāditaṁ tatra tatra ha| ṛgvedo mūrtimāṁścaiva śakranīlasamadyutiḥ

यह सम्पूर्ण सम्पत्ति देने वाला श्रीमान् शंकर का ही मन्दिर था, जो जगह-जगह बाँसुरी, वीणा और मृदंग से गुंजायमान था। वहाँ स्वयं ऋग्वेद मूर्तिमान होकर उपस्थित था, जिसकी कान्ति नीलमणि के समान थी।

श्लोक 23 (skanda.7.3.23)

दिव्यगन्धानुलिप्तांगो दिव्याभरणभूषितः। संस्थितः पूर्वतस्तस्य दीप्यमानः स्वतेजसा

divyagaṁdhānuliptāṁgo divyābharaṇabhūṣitaḥ| saṁsthitaḥ pūrvatastasya dīpyamānaḥ svatejasā

जिसका शरीर दिव्य सुगन्ध से अनुलिप्त था, जो दिव्य आभूषणों से भूषित था, और अपने तेज से देदीप्यमान होकर उस सिंहासन के पूर्व की ओर स्थित था।

श्लोक 24 (skanda.7.3.24)

उत्तरेण यजुर्वेदः शुद्धस्फटिकसन्निभः। दिव्यकुण्डलधारी च महाकायो महाभुजः

uttareṇa yajurvedaḥ śuddhasphaṭikasannibhaḥ| divyakuṇḍaladhārī ca mahākāyo mahābhujaḥ

उत्तर की ओर यजुर्वेद स्थित था, जो शुद्ध स्फटिक के समान था, दिव्य कुण्डल धारण किए हुए था, विशाल शरीर और विशाल भुजाओं वाला था।

श्लोक 25 (skanda.7.3.25)

स्थितः पश्चिम दिग्भागे सामवेदः सनातनः। रक्तांबरधरः श्रीमान्पद्मरागसमप्रभः

sthitaḥ paścima digbhāge sāmavedaḥ sanātanaḥ| raktāṁbaradharaḥ śrīmānpadmarāgasamaprabhaḥ

पश्चिम दिशा में सनातन सामवेद स्थित था, जो लाल वस्त्र धारण किए हुए, श्रीमान् तथा पद्मराग के समान कान्तिवाला था।

श्लोक 26 (skanda.7.3.26)

स्रग्दामधारी चित्रश्च गीतभूषणभूषितः। अथवाऽञ्जनवच्छयामः स्थितो दक्षिणतस्तथा

sragdāmadhārī citraśca gītabhūṣaṇabhūṣitaḥ| athavā'ñjanavacchyāmaḥ sthito dakṣiṇatastathā

वह पुष्पमालाएँ धारण किए, विचित्र और गीत के आभूषणों से सज्जित था; वह अंजन के समान श्याम वर्ण का होकर दक्षिण दिशा में स्थित था।

श्लोक 27 (skanda.7.3.27)

पिंगाक्षो लोहितग्रीवो हरिकेशो महातनुः। इतिहासषडंगानि पुराणान्यखिलानि च

piṁgākṣo lohitagrīvo harikeśo mahātanuḥ| itihāsaṣaḍaṁgāni purāṇānyakhilāni ca

वह (अथर्ववेद) पिंगल नेत्रों, लाल कण्ठ, हरित केशों वाला तथा विशाल शरीर वाला था; इतिहास, षडंग तथा समस्त पुराण भी वहाँ उपस्थित थे,

श्लोक 28 (skanda.7.3.28)

वेदोपनिषदश्छन्दो मीमांसारण्यकं तथा। स्वाहाकारवषट्कारौ रहस्यानि तथैव च

vedopaniṣadaśchando mīmāṁsāraṇyakaṁ tathā| svāhākāravaṣaṭkārau rahasyāni tathaiva ca

वेद, उपनिषद्, छन्द, मीमांसा और आरण्यक, तथा स्वाहाकार, वषट्कार और रहस्य ग्रन्थ भी वहाँ थे,

श्लोक 29 (skanda.7.3.29)

एतैः समन्वितैश्चैव तत्र ब्रह्मा स्वयं स्थितः। शक्तिरूपधरैर्मन्त्रैर्योगैश्वर्यसमन्वितैः

etaiḥ samanvitaiścaiva tatra brahmā svayaṁ sthitaḥ| śaktirūpadharairmantrairyogaiśvaryasamanvitaiḥ

इन सबसे युक्त होकर स्वयं ब्रह्मा वहाँ विराजमान थे, शक्तिरूपधारी मन्त्रों तथा योगैश्वर्य से समन्वित होकर।

श्लोक 30 (skanda.7.3.30)

सहस्रपत्रकमलैरंकितैः सुरपूजितैः। पूजितैर्गणरुद्रैश्च ब्रह्मविष्विंद्रवंदितैः

sahasrapatrakamalairaṁkitaiḥ surapūjitaiḥ| pūjitairgaṇarudraiśca brahmaviṣviṁdravaṁditaiḥ

वे सहस्रदल कमलों से अंकित, देवताओं द्वारा पूजित, गणों और रुद्रों द्वारा पूजित, तथा ब्रह्मा, विष्णु और इन्द्र द्वारा वंदित थे।

श्लोक 31 (skanda.7.3.31)

चामराक्षेपव्यजनैर्वीजितैश्च समन्ततः। शोभितश्च सदा श्रीमांश्चंद्रकोटिसमप्रभः

cāmarākṣepavyajanairvījitaiśca samaṁtataḥ| śobhitaśca sadā śrīmāṁścaṁdrakoṭisamaprabhaḥ

वे चारों ओर से चामर और पंखों से पंखा किए जाते, सदा शोभायमान, करोड़ों चन्द्रमाओं के समान कान्तिमान श्रीमान् थे।

श्लोक 32 (skanda.7.3.32)

ज्ञानामृतसुतृप्तात्मा योगैश्वर्यप्रसादकः। योगींद्रमानसांभोज राजहंसो द्विजोत्तमः

jñānāmṛtasutṛptātmā yogaiśvaryaprasādakaḥ| yogīṁdramānasāṁbhoja rājahaṁso dvijottamaḥ

वे ज्ञानरूपी अमृत से तृप्तचित्त, योगैश्वर्य के दाता, योगीन्द्रों के मानस-सरोवर के राजहंस तथा द्विजों में श्रेष्ठ थे।

श्लोक 33 (skanda.7.3.33)

अज्ञानतिमिरध्वंसी षट्त्रिंशत्तत्त्वभूषणः। सर्वसौख्यप्रदाता च तत्रास्ते चंद्रशेखरः

ajñānatimiradhvaṁsī ṣaṭtriṁśattattvabhūṣaṇaḥ| sarvasaukhyapradātā ca tatrāste caṁdraśekharaḥ

अज्ञानरूपी अंधकार के नाशक, छत्तीस तत्त्वों से विभूषित, तथा सब सुखों के दाता चन्द्रशेखर वहाँ विराजमान थे।

श्लोक 34 (skanda.7.3.34)

तस्योत्संगगता देवी तप्तकांचनसप्रभा। पूजितो योगिनीवृन्दैः साधकैः सुरकिन्नरैः

tasyotsaṁgagatā devī taptakāṁcanasaprabhā| pūjito yoginīvṛndaiḥ sādhakaiḥ surakinnaraiḥ

उनकी गोद में तपे हुए स्वर्ण के समान कान्तिवाली देवी विराजमान थीं, जो योगिनियों, साधकों तथा देव-किन्नरों द्वारा पूजित थीं।

श्लोक 35 (skanda.7.3.35)

सर्वलक्षणसंपूर्णा सर्वाभरणभूषिता। योगसिद्धिप्रदा नित्यं मोक्षाभ्युदयदायिनीम्

sarvalakṣaṇasaṁpūrṇā sarvābharaṇabhūṣitā| yogasiddhipradā nityaṁ mokṣābhyudayadāyinīm

वे सब शुभ लक्षणों से सम्पूर्ण, सब आभूषणों से भूषित, सदा योगसिद्धि देने वाली तथा मोक्ष और अभ्युदय की दात्री थीं।

श्लोक 36 (skanda.7.3.36)

सौभाग्यकदलीकन्दमूलबीजं च पार्वती। देवस्य मुखमालोक्य विस्मिता चारुलोचना

saubhāgyakadalīkaṁdamūlabījaṁ ca pārvatī| devasya mukhamālokya vismitā cārulocanā

सौभाग्यरूपी केले के मूल-बीज स्वरूपा पार्वती, सुन्दर नेत्रों वाली, देव के मुख को देखकर विस्मित हो गईं।

श्लोक 37 (skanda.7.3.37)

आनंदभावं संज्ञाय आनन्दास्राविलेक्षणम्। उवाच देवी मधुरं कृतांजलिपुटा सती

āmaṁdabhāvaṁ saṁjñāya āmaṁdāsrāvilekṣaṇam| uvāca devī madhuraṁ kṛtāṁjalipuṭā satī

उनके आनन्दभाव को पहचानकर, आनन्दाश्रुओं से आर्द्र नेत्रों वाली सती देवी ने अंजलि बाँधकर मधुर वाणी में कहा।

श्लोक 38 (skanda.7.3.38)

देव्युवाच। जन्मकोटिसहस्राणि जन्मकोटिशतानि च। शोधितस्त्वं जगन्नाथ मया प्राणनचिंतया

devyuvāca| janmakoṭisahasrāṇi janmakoṭiśatāni ca| śodhitastvaṁ jagannātha mayā prāṇanaciṁtayā

देवी ने कहा—हे जगन्नाथ! करोड़ों-हजारों तथा सैकड़ों करोड़ जन्मों तक मैंने आपको प्राणपण से चिन्तन करके शुद्ध किया है।

श्लोक 39 (skanda.7.3.39)

अर्द्धांग संस्थया वापि त्वद्वक्त्रध्यानकाम्यया। तथापि ते जगन्नाथ नांतो लब्ध्वो महेश्वर

ardhāṁga saṁsthayā vāpi tvadvaktradhyānakāmyayā| tathāpi te jagannātha nāṁto labdhvo maheśvara

आपके अर्धांग में स्थित रहकर तथा आपके मुख के ध्यान की कामना से भी, हे जगन्नाथ महेश्वर! तथापि मुझे आपका अन्त प्राप्त नहीं हुआ।

श्लोक 40 (skanda.7.3.40)

अनन्तरूपिणे तुभ्यं देवदेव नमोऽस्तु ते। नमो वेदरहस्याय नमो वेदैः स्तुताय च

anaṁtarūpiṇe tubhyaṁ devadeva namo'stu te| namo vedarahasyāya namo vedaiḥ stutāya ca

हे देवाधिदेव! अनन्तरूप आपको नमस्कार हो। वेदों के रहस्यस्वरूप को नमस्कार, वेदों द्वारा स्तुत आपको नमस्कार।

श्लोक 41 (skanda.7.3.41)

श्मशानरतिनित्याय नमो गगनचारिणे। ज्येष्ठसामरहस्याय शतरुद्रप्रियाय च

śmaśānaratinityāya namo gaganacāriṇe| jyeṣṭhasāmarahasyāya śatarudrapriyāya ca

श्मशान में सदा रमण करने वाले, आकाश में विचरण करने वाले, ज्येष्ठ साम के रहस्यस्वरूप, तथा शतरुद्रिय के प्रिय आपको नमस्कार।

श्लोक 42 (skanda.7.3.42)

नमो वृषकृतांकाय यजुर्वेदधराय च। ब्रह्मांडकोटिसंलग्नमालिने गगनात्मने

namo vṛṣakṛtāṁkāya yajurvedadharāya ca| brahmāṁḍakoṭisaṁlagnamāline gaganātmane

बैल के चिह्न धारण करने वाले, यजुर्वेद के धारक, करोड़ों ब्रह्माण्डों से युक्त माला धारण करने वाले, आकाशस्वरूप आपको नमस्कार।

श्लोक 43 (skanda.7.3.43)

मणिचित्रितकन्दाय नमः सर्वार्थसिद्धये। नमो वेदस्वरूपाय द्विज सिद्धिप्रियाय च

maṇicitritakaṁdāya namaḥ sarvārthasiddhaye| namo vedasvarūpāya dvija siddhipriyāya ca

मणियों से चित्रित मूल वाले, सब अर्थों की सिद्धि देने वाले, वेदस्वरूप, तथा द्विजों की सिद्धि में प्रिय आपको नमस्कार।

श्लोक 44 (skanda.7.3.44)

पुंस्त्रीविकाररूपाय नमश्चंद्रार्द्धधारिणे। नमोग्नये सहोमाय आदित्यवरुणाय च

puṁstrīvikārarūpāya namaścaṁdrārddhadhāriṇe| namognaye sahomāya ādityavaruṇāya ca

पुरुष और स्त्री दोनों रूपों में परिणत होने वाले, अर्धचन्द्र धारण करने वाले, अग्निस्वरूप, होमसहित, आदित्य और वरुणस्वरूप आपको नमस्कार।

श्लोक 45 (skanda.7.3.45)

पृथिव्यै चांतरिक्षाय वायवे दीक्षिताय च। संयोगाय वियोगाय धात्रे कर्त्रेऽपहारिणे

pṛthivyai cāṁtarikṣāya vāyave dīkṣitāya ca| saṁyogāya viyogāya dhātre kartre'pahāriṇe

पृथ्वी, अन्तरिक्ष, वायु, दीक्षा-स्वरूप, संयोग, वियोग, धाता, कर्ता तथा अपहर्ता आपको नमस्कार।

श्लोक 46 (skanda.7.3.46)

प्रदीप्तशूलहस्ताय ब्रह्मदण्डधराय च। नमः पतीनां पतये महतां पतये नमः

pradīptaśūlahastāya brahmadaṇḍadharāya ca| namaḥ patīnāṁ pataye mahatāṁ pataye namaḥ

प्रज्वलित त्रिशूल हाथ में धारण करने वाले, ब्रह्मदण्ड के धारक, पतियों के पति, तथा महानों के पति को नमस्कार।

श्लोक 47 (skanda.7.3.47)

नमः कालाग्निरुद्राय सप्तलोकनिवासिने। त्वं गतिः सर्वभूतानां भूतानां पतये नमः

namaḥ kālāgnirudrāya saptalokanivāsine| tvaṁ gatiḥ sarvabhūtānāṁ bhūtānāṁ pataye namaḥ

कालाग्निरुद्र को नमस्कार, सातों लोकों में निवास करने वाले को नमस्कार। आप सब प्राणियों की गति हैं, भूतगणों के पति को नमस्कार।

श्लोक 48 (skanda.7.3.48)

नमस्ते भगवन्रुद्र नमस्ते भगवञ्छिव। नमस्ते परतः श्रेष्ठ नमस्ते परतः पर

namaste bhagavanrudra namaste bhagavañchiva| namaste parataḥ śreṣṭha namaste parataḥ para

हे भगवान् रुद्र, आपको नमस्कार; हे भगवान् शिव, आपको नमस्कार; हे परतः श्रेष्ठ, आपको नमस्कार; हे परतः पर, आपको नमस्कार।

श्लोक 49 (skanda.7.3.49)

जिह्वाचापल्यभावेन खेदितोऽसि मया प्रभो। तत्क्षन्तव्यं महेशान ज्ञानदिव्य नमोऽस्तु ते

jihvācāpalyabhāvena kheditosi mayā prabho| tatkṣantavyaṁ maheśāna jñānadivya namo'stu te

हे प्रभो! जिह्वा की चपलता के कारण मैंने आपको खेद पहुँचाया है, हे महेशान! उसे क्षमा करें; हे दिव्यज्ञानस्वरूप, आपको नमस्कार हो।

श्लोक 50 (skanda.7.3.50)

ईश्वर उवाच। ममोत्संगस्थिता देवि किं त्वं सास्राविलेक्षणा। अद्यापि किमपूर्णं ते तत्सर्वं करवाण्यहम्

īśvara uvāca| mamotsaṁgasthitā devi kiṁ tvaṁ sāsrāvilekṣaṇā| adyāpi kimapūrṇaṁ te tatsarvaṁ karavāṇyaham

ईश्वर ने कहा—हे देवि! मेरी गोद में स्थित होकर भी तुम अश्रुपूर्ण नेत्रों वाली क्यों हो? आज भी तुम्हारा क्या अधूरा रह गया है? मैं वह सब पूर्ण करूँगा।

श्लोक 51 (skanda.7.3.51)

वरं ब्रवीहि भद्रं ते स्तवेनानेन सुव्रते। ददामि ते न संदेहः शोकं त्यज महेश्वरि

varaṁ bravīhi bhadraṁ te stavenānena suvrate| dadāmi te na saṁdehaḥ śokaṁ tyaja maheśvari

हे सुव्रते! इस स्तवन से प्रसन्न होकर तुम्हारा कल्याण हो, वर माँगो; मैं तुम्हें अवश्य दूँगा, इसमें संदेह नहीं; हे महेश्वरि! शोक त्याग दो।

श्लोक 52 (skanda.7.3.52)

निष्कले सकले देवि स्थूले सूक्ष्मे चराचरे। न तत्पश्यामि देवेशि यत्त्वया रहितं भवेत्

niṣkale sakale devi sthūle sūkṣme carācare| na tatpaśyāmi deveśi yattvayā rahitaṁ bhavet

हे देवि! निष्कल में हो या सकल में, स्थूल में हो या सूक्ष्म में, चर हो या अचर, हे देवेशि! मुझे कहीं भी ऐसा कुछ नहीं दिखाई देता जो तुमसे रहित हो।

श्लोक 53 (skanda.7.3.53)

अहं ते हृदये गौरि त्वं च मे हृदि संस्थिता। अहं भ्राता च पुत्रश्च बंधुर्भर्ता तथैव च

ahaṁ te hṛdaye gauri tvaṁ ca me hṛdi saṁsthitā| ahaṁ bhrātā ca putraśca baṁdhurbhartā tathaiva ca

हे गौरि! मैं तुम्हारे हृदय में हूँ और तुम मेरे हृदय में स्थित हो; मैं तुम्हारा भ्राता, पुत्र, बन्धु तथा पति भी हूँ।

श्लोक 54 (skanda.7.3.54)

त्वं तु मे भगिनी भार्या दुहिता बांधवी स्नुषा। अहं यज्ञपतिर्यज्वा त्वं च श्रद्धा सदक्षिणा

tvaṁ tu me bhaginī bhāryā duhitā bāṁdhavī snuṣā| ahaṁ yajñapatiryajvā tvaṁ ca śraddhā sadakṣiṇā

तुम मेरी बहन, पत्नी, पुत्री, बन्धुजन तथा पुत्रवधू हो; मैं यज्ञपति और यज्ञकर्ता हूँ, तुम दक्षिणासहित श्रद्धा हो।

श्लोक 55 (skanda.7.3.55)

ओंकारोऽहं वषट्कारः सामाहमृग्यजुस्तथा। अहमग्निश्च होता च यजमानस्तथैव च

oṁkāro'haṁ vaṣaṭkāraḥ sāmāhamṛgyajustathā| ahamagniśca hotā ca yajamānastathaiva ca

मैं ओंकार हूँ, वषट्कार हूँ, साम, ऋक् और यजुः भी मैं ही हूँ; मैं अग्नि, होता और यजमान भी हूँ।

श्लोक 56 (skanda.7.3.56)

अध्वर्युरहमुद्गाता ब्रह्माहं ब्रह्मवित्तथा। त्वं तु देव्यरणी चैव पत्नी तु परिकीर्त्यसे

adhvaryurahamudgātā brahmāhaṁ brahmavittathā| tvaṁ tu devyaraṇī caiva patnī tu parikīrtyase

मैं अध्वर्यु, उद्गाता, ब्रह्मा तथा ब्रह्मवेत्ता भी हूँ; तुम, हे देवि, अरणी और पत्नी दोनों कही जाती हो।

श्लोक 57 (skanda.7.3.57)

स्वाहा स्वधा च सुश्रोणि त्वयि सर्वं प्रतिष्ठितम्। अहमिष्टो महायज्ञः पूर्वो यज्ञस्त्वमुच्यसे

svāhā svadhā ca suśroṇi tvayi sarvaṁ pratiṣṭhitam| ahamiṣṭo mahāyajñaḥ pūrvo yajñastvamucyase

हे सुश्रोणि! स्वाहा और स्वधा तुम्हीं हो, तुम्हीं में सब कुछ प्रतिष्ठित है; मैं इष्ट महायज्ञ हूँ, तुम प्रथम यज्ञ कही जाती हो।

श्लोक 58 (skanda.7.3.58)

पुरुषोऽहं वरारोहे प्रकृतिस्त्वं निगद्यसे। अहं विष्णुर्महावीर्यस्त्वं लक्ष्मीर्लोकभाविनी

puruṣo'haṁ varārohe prakṛtistvaṁ nigadyase| ahaṁ viṣṇurmahāvīryastvaṁ lakṣmīrlokabhāvinī

हे वरारोहे! मैं पुरुष हूँ, तुम प्रकृति कही जाती हो; मैं महावीर्यशाली विष्णु हूँ, तुम लोक की भावना करने वाली लक्ष्मी हो।

श्लोक 59 (skanda.7.3.59)

अहमिन्द्रो महातेजाः प्राची त्वं परमेश्वरी। प्रजापतीनां रूपेण सर्वमाहं व्यवस्थितः

ahamiṁdro mahātejāḥ prācī tvaṁ parameśvarī| prajāpatīnāṁ rūpeṇa sarvamāhaṁ vyavasthitaḥ

मैं महातेजस्वी इन्द्र हूँ, तुम परमेश्वरी पूर्व दिशा हो; प्रजापतियों के रूप में मैं सर्वत्र व्यवस्थित हूँ।

श्लोक 60 (skanda.7.3.60)

तेषां या नायिकास्तास्त्वं रूपैस्तैस्तैरवस्थिता। दिवसोऽहं महादेवि रजनी त्वं निगद्यसे

teṣāṁ yā nāyikāstāstvaṁ rūpaistaistairavasthitā| divaso'haṁ mahādevi rajanī tvaṁ nigadyase

उन प्रजापतियों की जो नायिकाएँ हैं, उन्हीं-उन्हीं रूपों में तुम स्थित हो; हे महादेवि! मैं दिवस हूँ, तुम रात्रि कही जाती हो।

श्लोक 61 (skanda.7.3.61)

निमेषोऽहं मुहूर्तश्च त्वं कला सिद्धिरेव च। अहं तेजोऽधिकः सूर्यस्त्वं तु संध्या प्रकीर्त्यसे

nimeṣo'haṁ muhūrtaśca tvaṁ kalā siddhireva ca| ahaṁ tejo'dhikaḥ sūryastvaṁ tu saṁdhyā prakīrtyase

मैं निमेष और मुहूर्त हूँ, तुम कला और सिद्धि हो; मैं तेजोमय सूर्य हूँ, तुम संध्या कही जाती हो।

श्लोक 62 (skanda.7.3.62)

अहं बीजधरः श्रेष्ठस्त्वं तु क्षेत्रं वरानने। अहं वनस्पतिः प्लक्षस्त्वं वनस्पतिरुच्यसे

ahaṁ bījadharaḥ śreṣṭhastvaṁ tu kṣetraṁ varānane| ahaṁ vanaspatiḥ plakṣastvaṁ vanaspatirucyase

हे वरानने! मैं श्रेष्ठ बीजधारक हूँ, तुम क्षेत्र हो; मैं प्लक्ष वृक्ष हूँ, तुम भी वनस्पति कही जाती हो।

श्लोक 63 (skanda.7.3.63)

शेषरूपधरो नित्ये फणामणिविभूषितः। रेवती त्वं विशालाक्षि मदविभ्रमलोचना

śeṣarūpadharo nitye phaṇāmaṇivibhūṣitaḥ| revatī tvaṁ viśālākṣi madavibhramalocanā

मैं नित्य शेषरूप धारण करने वाला, फणामणि से विभूषित हूँ; हे विशालाक्षि! तुम रेवती हो, मद से चंचल नेत्रों वाली।

श्लोक 64 (skanda.7.3.64)

मोक्षोऽहं सर्वदुःखानां त्वं तु देवि परा गतिः। अपां पतिरहं भद्रे त्वं तु देवि सरिद्वरा

mokṣo'haṁ sarvaduḥkhānāṁ tvaṁ tu devi parā gatiḥ| apāṁ patirahaṁ bhadre tvaṁ tu devi saridvarā

मैं सब दुःखों से मुक्ति हूँ, हे देवि! तुम परम गति हो; हे भद्रे! मैं जलों का स्वामी हूँ, हे देवि! तुम श्रेष्ठ नदी हो।

श्लोक 65 (skanda.7.3.65)

वडवाग्निरहं भद्रे त्वं तु दीप्तिः प्रकीर्तिता। प्रजापतिरहं कर्त्ता त्वं प्रजा प्रकृतिस्तथा

vaḍavāgnirahaṁ bhadre tvaṁ tu dīptiḥ prakīrtitā| prajāpatirahaṁ kartā tvaṁ prajā prakṛtistathā

हे भद्रे! मैं वडवाग्नि हूँ, तुम उसकी दीप्ति कही जाती हो; मैं कर्ता प्रजापति हूँ, तुम प्रजा और प्रकृति भी हो।

श्लोक 66 (skanda.7.3.66)

नागानामधिपश्चाहं पातालतलवासिनाम्। त्वं नागी नागराजोऽहं सहस्रफणभूषितः

nāgānāmadhipaścāhaṁ pātālatalavāsinām| tvaṁ nāgī nāgarājo'haṁ sahasraphaṇabhūṣitaḥ

मैं पाताल-तल में निवास करने वाले नागों का अधिपति हूँ, तुम नागिन हो; मैं सहस्रफणों से विभूषित नागराज हूँ।

श्लोक 67 (skanda.7.3.67)

निशाकरवरश्चाहं श्रेष्ठा त्वं रजनीकरी। कामोऽहं कामदो देवि त्वं रतिः स्मृतिरेव च

niśākaravaraścāhaṁ śreṣṭhā tvaṁ rajanīkarī| kāmo'haṁ kāmado devi tvaṁ ratiḥ smṛtireva ca

मैं श्रेष्ठ चन्द्रमा हूँ, तुम श्रेष्ठ रात्रि-कारिणी हो; मैं कामदेव और कामनाओं का दाता हूँ, हे देवि! तुम रति और स्मृति भी हो।

श्लोक 68 (skanda.7.3.68)

दुर्वासाश्चाप्यहं भद्रे त्वं क्षमा समचारिणी। लोभमोहतपश्चाहं त्वं तृष्णा तामसी स्मृता

durvāsāścāpyahaṁ bhadre tvaṁ kṣamā samacāriṇī| lobhamohatapaścāhaṁ tvaṁ tṛṣṇā tāmasī smṛtā

हे भद्रे! मैं दुर्वासा भी हूँ, तुम समभाव से आचरण करने वाली क्षमा हो; मैं लोभ, मोह और तप हूँ, तुम तामसी तृष्णा मानी जाती हो।

श्लोक 69 (skanda.7.3.69)

ककुद्मान्वृषभश्चाहं योगमाता तपस्विनी। वायुरप्यहमव्यक्तस्त्वं गतिर्मनसूदनी

kakudmānvṛṣabhaścāhaṁ yogamātā tapasvinī| vāyurapyahamavyaktastvaṁ gatirmanasūdanī

मैं ककुद्मान् वृषभ हूँ, तुम योगमाता तपस्विनी हो; मैं अव्यक्त वायु भी हूँ, तुम मन को शान्त करने वाली गति हो।

श्लोक 70 (skanda.7.3.70)

अहं मोचयिता लोभे निर्ममा त्वं यशस्विनि। नयोऽहं सर्वकार्येषु नीतिस्त्वं कमलेक्षणा

ahaṁ mocayitā lobhe nirmamā tvaṁ yaśasvini| nayo'haṁ sarvakāryeṣu nītistvaṁ kamalekṣaṇā

मैं लोभ से मुक्त करने वाला हूँ, हे यशस्विनि! तुम ममतारहित हो; मैं सब कार्यों में विवेक हूँ, हे कमलनयनी! तुम नीति हो।

श्लोक 71 (skanda.7.3.71)

अहमन्नं च भोक्ता च ओषधी त्वं निगद्यसे। अहमग्निश्च धूमश्च त्वमूष्मा ज्वालमेव च

ahamannaṁ ca bhoktā ca oṣadhī tvaṁ nigadyase| ahamagniśca dhūmaśca tvamūṣmā jvālameva ca

मैं अन्न और भोक्ता दोनों हूँ, तुम औषधि कही जाती हो; मैं अग्नि और धूम हूँ, तुम उसकी ऊष्मा और ज्वाला हो।

श्लोक 72 (skanda.7.3.72)

अहं संवर्त्तको मेघस्त्वं च धारा ह्यनेकशः। अहं मुनीनां रूपेण त्वं तत्पत्नी प्रकीर्तिता

ahaṁ saṁvartako meghastvaṁ ca dhārā hyanekaśaḥ| ahaṁ munīnāṁ rūpeṇa tvaṁ tatpatnī prakīrtitā

मैं संवर्तक मेघ हूँ, तुम उसकी अनेक जलधाराएँ हो; मैं मुनियों के रूप में हूँ, तुम उनकी पत्नियाँ कही जाती हो।

श्लोक 73 (skanda.7.3.73)

अहं संसारकर्त्ता वै त्वं तु सृष्टिर्वरानने। अहं शुक्रास्थिरोमाणि त्वं मज्जा बलमेव च

ahaṁ saṁsārakartā vai tvaṁ tu sṛṣṭirvarānane| ahaṁ śukrāsthiromāṇi tvaṁ majjā balameva ca

मैं संसार का कर्ता हूँ, हे वरानने! तुम सृष्टि हो; मैं वीर्य, अस्थि और रोम हूँ, तुम मज्जा और बल हो।

श्लोक 74 (skanda.7.3.74)

पर्जन्योऽहं महाभागे त्वं वृष्टिः परमेश्वरि। अहं संवत्सरो देवि त्वमृतुः परिकीर्त्तिता

parjanyo'haṁ mahābhāge tvaṁ vṛṣṭiḥ parameśvari| ahaṁ saṁvatsaro devi tvamṛtuḥ parikīrtitā

हे महाभागे! मैं पर्जन्य हूँ, हे परमेश्वरि! तुम वृष्टि हो; हे देवि! मैं संवत्सर हूँ, तुम ऋतु कही जाती हो।

श्लोक 75 (skanda.7.3.75)

अहं कृतयुगो देवि त्वं तु त्रेता निगद्यसे। युगोऽहं द्वापरः श्रीमांस्त्वं कलिः परमेश्वरि

ahaṁ kṛtayugo devi tvaṁ tu tretā nigadyase| yugo'haṁ dvāparaḥ śrīmāṁstvaṁ kaliḥ parameśvari

हे देवि! मैं कृतयुग हूँ, तुम त्रेता कही जाती हो; मैं द्वापर युग हूँ, हे परमेश्वरि! तुम कलियुग हो।

श्लोक 76 (skanda.7.3.76)

आकाशश्चाप्यहं भद्रे पृथिवी त्वमिहोच्यसे। अहमदृश्यमूर्तिश्च दृश्यमूर्तिस्त्वमुच्यसे

ākāśaścāpyahaṁ bhadre pṛthivī tvamihocyase| ahamadṛśyamūrtiśca dṛśyamūrtistvamucyase

हे भद्रे! मैं आकाश भी हूँ, तुम यहाँ पृथ्वी कही जाती हो; मैं अदृश्य मूर्ति हूँ, तुम दृश्य मूर्ति कही जाती हो।

श्लोक 77 (skanda.7.3.77)

वरदोऽहं वरारोहे मंत्रस्त्वमिति चोच्यसे। अहं द्रष्टा च श्रोता च त्वं दृश्या श्रुतिरेव च

varado'haṁ varārohe maṁtrastvamiti cocyase| ahaṁ draṣṭā ca śrotā ca tvaṁ dṛśyā śrutireva ca

हे वरारोहे! मैं वर देने वाला हूँ, तुम मंत्र कही जाती हो; मैं द्रष्टा और श्रोता हूँ, तुम दृश्य और श्रुति भी हो।

श्लोक 78 (skanda.7.3.78)

अहं वक्ता रमयिता त्वं वाच्या परमेश्वरि। अहं श्रोता च गाता च त्वं गीतिर्गेयमेव च

ahaṁ vaktā ramayitā tvaṁ vācyā parameśvari| ahaṁ śrotā ca gātā ca tvaṁ gītirgeyameva ca

मैं वक्ता और रमण कराने वाला हूँ, हे परमेश्वरि! तुम वाच्य (कहने योग्य) हो; मैं श्रोता और गायक हूँ, तुम गीति और गेय भी हो।

श्लोक 79 (skanda.7.3.79)

अहं त्राता च गन्धश्च त्वं तु निघ्राणमेव च। अहं स्पर्शयिता कर्ता स्पर्श्यस्त्वं सृष्टमेव च

ahaṁ trātā ca gaṁdhaśca tvaṁ tu nighrāṇameva ca| ahaṁ sparśayitā kartā sparśyastvaṁ sṛṣṭameva ca

मैं त्राता और गन्ध हूँ, तुम घ्राण-शक्ति हो; मैं स्पर्श कराने वाला कर्ता हूँ, तुम स्पर्श्य तथा सृष्टि भी हो।

श्लोक 80 (skanda.7.3.80)

अहं सर्वमिदं भूतं त्वं तु देवि न संशयः। स्रष्टाऽहं तव देवेशि त्वं सृजस्यखिलं जगत्

ahaṁ sarvamidaṁ bhūtaṁ tvaṁ tu devi na saṁśayaḥ| sraṣṭā'haṁ tava deveśi tvaṁ sṛjasyakhilaṁ jagat

मैं ही यह सब कुछ हूँ, हे देवि! इसमें कोई संशय नहीं; मैं तुम्हारा स्रष्टा हूँ, हे देवेशि! तुम सम्पूर्ण जगत् की सृष्टि करती हो।

श्लोक 81 (skanda.7.3.81)

त्वया मया च देवेशि ओतप्रोतमिदं जगत्। एकधा दशधा चैव तथा शतसहस्रधा

tvayā mayā ca deveśi otaprotamidaṁ jagat| ekadhā daśadhā caiva tathā śatasahasradhā

हे देवेशि! तुमसे और मुझसे यह जगत् ओतप्रोत है—कहीं एक रूप में, कहीं दस रूपों में, तथा कहीं सौ और हजार रूपों में।

श्लोक 82 (skanda.7.3.82)

ऐश्वर्येण तु संयुक्तौ सर्वप्राणि व्यवस्थितौ। अहं त्वं च विशालाक्षि सततं संप्रतिष्ठितौ

aiśvaryeṇa tu saṁyuktau sarvaprāṇi vyavasthitau| ahaṁ tvaṁ ca viśālākṣi satataṁ saṁpratiṣṭhitau

ऐश्वर्य से युक्त होकर हम दोनों सब प्राणियों में स्थित हैं; हे विशालाक्षि! मैं और तुम सदा साथ-साथ प्रतिष्ठित हैं।

श्लोक 83 (skanda.7.3.83)

क्रीडामि क्रीडया देवि त्वया सार्द्धं वरानने। त्वं धृतिर्धारिणी लक्ष्मीः कांता मत्प्रकृतिर्ध्रुवम्

krīḍāmi krīḍayā devi tvayā sārddhaṁ varānane| tvaṁ dhṛtirdhāriṇī lakṣmīḥ kāṁtā matprakṛtirdhruvam

हे देवि! हे वरानने! मैं तुम्हारे साथ क्रीड़ा में क्रीड़ा करता हूँ; तुम धृति, धारिणी, लक्ष्मी, कान्ता तथा निश्चय ही मेरी प्रकृति हो।

श्लोक 84 (skanda.7.3.84)

रतिः स्मृतिः कामचारी मम चांगनिवासिनी। देवि किं बहुनोक्तेन प्राणेभ्योऽपि गरीयसी

ratiḥ smṛtiḥ kāmacārī mama cāṁganivāsinī| devi kiṁ bahunoktena prāṇebhyo'pi garīyasī

तुम रति, स्मृति, स्वेच्छाचारिणी तथा मेरे अंग में निवास करने वाली हो; हे देवि! अधिक कहने से क्या, तुम मुझे प्राणों से भी अधिक प्रिय हो।

श्लोक 85 (skanda.7.3.85)

वरं वरय देवशि यत्किंचिन्मनसि स्थितम्। तत्ते ददामि तुष्टोऽहं यद्यपि स्यात्सुदुर्ल्लभम्

varaṁ varaya devaśi yatkiṁcinmanasi sthitam| tatte dadāmi tuṣṭo'haṁ yadyapi syātsudurllabham

हे देवेशि! जो कुछ भी तुम्हारे मन में हो, वह वर माँगो; मैं प्रसन्न होकर वह तुम्हें दूँगा, चाहे वह कितना ही दुर्लभ क्यों न हो।

श्लोक 86 (skanda.7.3.86)

देव्युवाच। धन्याहं कृतपुण्याहं तपः सुचरितं मया। यत्त्वयाऽहं जगन्नाथ हर्षदृष्ट्याऽवलोकिता

devyuvāca| dhanyāhaṁ kṛtapuṇyāhaṁ tapaḥ sucaritaṁ mayā| yattvayā'haṁ jagannātha harṣadṛṣṭyā'valokitā

देवी ने कहा—मैं धन्य हूँ, मैंने पुण्य किया है, मैंने अच्छी प्रकार तप किया है, क्योंकि हे जगन्नाथ! आपने मुझे हर्ष भरी दृष्टि से देखा है।

श्लोक 87 (skanda.7.3.87)

यदि तुष्टोऽसि मे देव वरं दातुं ममेच्छसि। तन्मे कथय देवेश सांप्रतं तीर्थविस्तरम्

yadi tuṣṭo'si me deva varaṁ dātuṁ mamecchasi| tanme kathaya deveśa sāṁprataṁ tīrthavistaram

हे देव! यदि आप मुझसे प्रसन्न हैं और मुझे वर देना चाहते हैं, तो हे देवेश! अब मुझे तीर्थों का विस्तार बताइए।

श्लोक 88 (skanda.7.3.88)

पृथिव्यां यानि तीर्थानि पापघ्नानि शिवानि च। तानि देवेश कार्त्स्न्येन यथावद्वक्तुमर्हसि

pṛthivyāṁ yāni tīrthāni pāpaghnāni śivāni ca| tāni deveśa kārtsnyena yathāvadvaktumarhasi

हे देवेश! पृथ्वी पर जो पापनाशक और कल्याणकारी तीर्थ हैं, उन्हें सम्पूर्णता से यथावत् बताइए।

श्लोक 89 (skanda.7.3.89)

ईश्वर उवाच। शृणु देवि प्रवक्ष्यामि तीर्थमाहात्म्यमुत्तमम्। सर्वपापहरं नृणां पुण्यं देवर्षिसत्कृतम्

īśvara uvāca| śṛṇu devi pravakṣyāmi tīrthamāhātmyamuttamam| sarvapāpaharaṁ nṛṇāṁ puṇyaṁ devarṣisatkṛtam

ईश्वर ने कहा—हे देवि! सुनो, मैं तीर्थों का उत्तम माहात्म्य बताता हूँ, जो मनुष्यों के सब पापों का हरण करने वाला, पुण्यकारी और देवताओं-ऋषियों द्वारा सम्मानित है।

श्लोक 90 (skanda.7.3.90)

तीर्थानां दर्शनं श्रेष्ठं स्नानं चैव सुरेश्वरि। श्रवणं च प्रशंसंति सदैव ऋषिसत्तमाः

tīrthānāṁ darśanaṁ śreṣṭhaṁ snānaṁ caiva sureśvari| śravaṇaṁ ca praśaṁsaṁti sadaiva ṛṣisattamāḥ

हे सुरेश्वरि! तीर्थों का दर्शन श्रेष्ठ है, स्नान भी श्रेष्ठ है, तथा उनके विषय में श्रवण को भी श्रेष्ठ ऋषिगण सदा प्रशंसा करते हैं।

श्लोक 91 (skanda.7.3.91)

पृथिव्यां नैमिषं तीर्थमंतरिक्षे च पुष्करम्। केदारं च प्रयागं च विपाशा चोर्मिला तथा

pṛthivyāṁ naimiṣaṁ tīrthamaṁtarikṣe ca puṣkaram| kedāraṁ ca prayāgaṁ ca vipāśā cormilā tathā

पृथ्वी पर नैमिष तीर्थ है, अंतरिक्ष में पुष्कर है; तथा केदार, प्रयाग, विपाशा और उर्मिला भी प्रसिद्ध तीर्थ हैं।

श्लोक 92 (skanda.7.3.92)

कर्णवेणा महादेवी चंद्रभागा सरस्वती। गंगासागरसंभेदस्तथा वाराणसी शुभा

karṇaveṇā mahādevī caṁdrabhāgā sarasvatī| gaṁgāsāgarasaṁbhedastathā vārāṇasī śubhā

कर्णवेणा, महादेवी, चन्द्रभागा, सरस्वती, गंगासागर-संगम, तथा शुभ वाराणसी प्रसिद्ध तीर्थ हैं।

श्लोक 93 (skanda.7.3.93)

अर्घतीर्थं समाख्यातं गंगाद्वारं तथैव च। हिमस्थानं महातीर्थं तथा मायापुरी शुभा

arghatīrthaṁ samākhyātaṁ gaṁgādvāraṁ tathaiva ca| himasthānaṁ mahātīrthaṁ tathā māyāpurī śubhā

अर्घतीर्थ, गंगाद्वार, हिमस्थान नामक महातीर्थ, तथा शुभ मायापुरी भी प्रसिद्ध हैं।

श्लोक 94 (skanda.7.3.94)

शतभद्रा महाभागा सिन्धुश्चैव महा नदी। ऐरावती च कपिला शोणश्चैव महानदः

śatabhadrā mahābhāgā siṁdhuścaiva mahā nadī| airāvatī ca kapilā śoṇaścaiva mahānadaḥ

महाभागा शतभद्रा, सिन्धु नामक महानदी, ऐरावती, कपिला, तथा शोण नामक महानद भी प्रसिद्ध हैं।

श्लोक 95 (skanda.7.3.95)

पयोधिः कौशिकी तद्वत्तथा गोदावरी शुभा। देवखातं गया चैव तथा द्वारावती शुभा

payodhiḥ kauśikī tadvattathā godāvarī śubhā| devakhātaṁ gayā caiva tathā dvāravatī śubhā

पयोधि, कौशिकी, शुभ गोदावरी, देवखात, गया, तथा शुभ द्वारावती भी प्रसिद्ध हैं।

श्लोक 96 (skanda.7.3.96)

प्रभासं च महातीर्थं सर्वपातकनाशनम्

prabhāsaṁ ca mahātīrthaṁ sarvapātakanāśanam

तथा प्रभास नामक महातीर्थ है, जो सब पापों का नाश करने वाला है।

श्लोक 97 (skanda.7.3.97)

एवमादीनि तीर्थानि यानि संति महीतले। तानि दृष्ट्वा तु देवेशि पुनर्जन्म न विन्दते

evamādīni tīrthāni yāni saṁti mahītale| tāni dṛṣṭvā tu deveśi punarjanma na viṁdate

इस प्रकार जो भी तीर्थ पृथ्वीतल पर हैं, हे देवेशि! उन्हें देखकर मनुष्य को पुनर्जन्म प्राप्त नहीं होता।

श्लोक 98 (skanda.7.3.98)

तिस्रः कोट्योऽर्धकोटी च तीर्थानामिह भूतले। संजातानि पवित्राणि सर्वपापहराणि च

tisraḥ koṭyo'rdhakoṭī ca tīrthānāmiha bhūtale| saṁjātāni pavitrāṇi sarvapāpaharāṇi ca

इस पृथ्वीतल पर साढ़े तीन करोड़ तीर्थ उत्पन्न हुए हैं, जो पवित्र और सब पापों को हरने वाले हैं।

श्लोक 99 (skanda.7.3.99)

गंतव्यानि महादेवि स्वधर्मस्य विवृद्धये। अशक्यानि शिवान्येवं गंतुं चैव सुरेश्वरि। मनसा तानि सर्वाणि गंतव्यानि समाहितैः

gaṁtavyāni mahādevi svadharmasya vivṛddhaye| aśakyāni śivānyevaṁ gaṁtuṁ caiva sureśvari| manasā tāni sarvāṇi gaṁtavyāni samāhitaiḥ

हे महादेवि! उन सबमें अपने धर्म की वृद्धि के लिए जाना चाहिए; किन्तु हे सुरेश्वरि! उन सब कल्याणकारी तीर्थों में जाना सम्भव नहीं है, अतः एकाग्रचित्त होकर मन से ही उन सबकी यात्रा करनी चाहिए।

श्लोक 100 (skanda.7.3.100)

देव्युवाच। भगवन्प्राणिनः सर्वे सर्वोपद्रवसंकुलाः। अल्पायुषः सदा बद्धा व्यामोहैर्मंदिरोद्भवैः

devyuvāca| bhagavanprāṇinaḥ sarve sarvopadravasaṁkulāḥ| alpāyuṣaḥ sadā baddhā vyāmohairmaṁdirodbhavaiḥ

देवी ने कहा—हे भगवन्! सब प्राणी सब प्रकार के उपद्रवों से घिरे हुए हैं, अल्पायु हैं, और सदा शरीरजन्य मोहों से बँधे रहते हैं।

श्लोक 101 (skanda.7.3.101)

त्रेतायां द्वापरे चैव किं नु वै दारुणे कलौ। तस्मात्तेषां हितार्थाय तत्तीर्थं त्वं प्रकीर्तय। येन दृष्टेन सर्वेषां तीर्थानां लभ्यते फलम्

tretāyāṁ dvāpare caiva kiṁ nu vai dāruṇe kalau| tasmāttteṣāṁ hitārthāya tattīrthaṁ tvaṁ prakīrtaya| yena dṛṣṭena sarveṣāṁ tīrthānāṁ labhyate phalam

त्रेता और द्वापर में तो ऐसा है ही, फिर घोर कलियुग में तो कहना ही क्या! अतः उनके हित के लिए आप वह तीर्थ बताएँ, जिसे देखने मात्र से सब तीर्थों का फल प्राप्त हो जाए।

श्लोक 102 (skanda.7.3.102)

एवमुक्तस्तु पार्वत्या प्रहस्य परमेश्वरः। उवाच परया प्रीत्या वाचा मधुरया प्रभुः

evamuktastu pārvatyā prahasya parameśvaraḥ| uvāca parayā prītyā vācā madhurayā prabhuḥ

पार्वती द्वारा इस प्रकार कहे जाने पर परमेश्वर प्रभु मुस्कराकर परम प्रीति के साथ मधुर वाणी में बोले।

श्लोक 103 (skanda.7.3.103)

ईश्वर उवाच। त्वमेव हि चराः प्राणाः सर्वस्य जगतोरणिः। त्वया विरहितो देवि मुहूर्तमपि नोत्सहे

īśvara uvāca| tvameva hi carāḥ prāṇāḥ sarvasya jagatoraṇiḥ| tvayā virahito devi muhūrtamapi notsahe

ईश्वर ने कहा—तुम्हीं सम्पूर्ण जगत् के चर प्राण और उसकी उत्पत्ति की अरणी हो; हे देवि! तुमसे रहित होकर मैं एक क्षण भी उत्साहित नहीं रह सकता।

श्लोक 104 (skanda.7.3.104)

शिवस्य च तथा शक्तेरंतरं नास्ति पार्वति। न तदस्ति महादेवि यन्न जानासि शोभने

śivasya ca tathā śakteraṁtaraṁ nāsti pārvati| na tadasti mahādevi yanna jānāsi śobhane

हे पार्वती! शिव और शक्ति में कोई अन्तर नहीं है; हे महादेवि! हे शोभने! ऐसा कुछ भी नहीं है जिसे तुम न जानती हो।

श्लोक 105 (skanda.7.3.105)

त्वया विनाऽहं न क्वास्मि न त्वं देवि मया विना। चंद्रचंद्रिकयोर्यद्वदग्नेरुष्णत्वमेव हि

tvayā vinā'haṁ na kvāsmi na tvaṁ devi mayā vinā| caṁdracaṁdrikayoryadvadagneruṣṇatvameva hi

तुम्हारे बिना मैं कहीं भी नहीं हूँ, और हे देवि! मेरे बिना तुम भी नहीं हो; जैसे चन्द्रमा और चांदनी का सम्बन्ध है, अथवा अग्नि और उसकी उष्णता का।

श्लोक 106 (skanda.7.3.106)

तव देवि ममापीह नास्ति चैवांतरं प्रिये। सर्वं चैव सुरेशानि यथावत्कथयाम्यहम्

tava devi mamāpīha nāsti caivāṁtaraṁ priye| sarvaṁ caiva sureśāni yathāvatkathayāmyaham

हे देवि! हे प्रिये! यहाँ तुम्हारे और मेरे बीच कोई अन्तर नहीं है; हे सुरेशानि! अब मैं तुम्हें यथावत् सब कुछ बताता हूँ।

श्लोक 107 (skanda.7.3.107)

रहस्यानां रहस्यं तु गोपनीयं प्रयत्नतः। नास्तिकाय न दातव्यं न च पापरताय च

rahasyānāṁ rahasyaṁ tu gopanīyaṁ prayatnataḥ| nāstikāya na dātavyaṁ na ca pāparatāya ca

रहस्यों का यह रहस्य यत्नपूर्वक गुप्त रखने योग्य है; इसे नास्तिक को तथा पाप में रत व्यक्ति को नहीं देना चाहिए।

श्लोक 108 (skanda.7.3.108)

दातव्यं भक्ति युक्ताय स्वशिष्याय सुताय वा। पूर्वमेव मया ख्यातं सारात्सारतरं प्रिये

dātavyaṁ bhakti yuktāya svaśiṣyāya sutāya vā| pūrvameva mayā khyātaṁ sārātsārataraṁ priye

यह भक्तियुक्त शिष्य या पुत्र को ही देना चाहिए; हे प्रिये! यह मैंने तुम्हें पहले ही सार से भी अधिक सारभूत रूप में बताया था।

श्लोक 109 (skanda.7.3.109)

तीर्थोपनिषदः ख्याता लिंगोपनिषदस्तथा। योगोपनिषदो देवि पूर्वं वै कथितास्तव

tīrthopaniṣadaḥ khyātā liṁgopaniṣadastathā| yogopaniṣado devi pūrvaṁ vai kathitāstava

हे देवि! तीर्थोपनिषद्, लिंगोपनिषद् तथा योगोपनिषद्—ये सब मैंने पहले ही तुम्हें बता दिए थे।

श्लोक 110 (skanda.7.3.110)

पार्वत्युवाच। लेशेनापि न सिद्ध्यंति कांक्षमाणाः परं पदम्। योनीर्भ्रमंतो दृश्यंते नरा नास्तिकवृत्तयः

pārvatyuvāca| leśenāpi na siddhyaṁti kāṁkṣamāṇāḥ paraṁ padam| yonīrbhramaṁto dṛśyaṁte narā nāstikavṛttayaḥ

पार्वती ने कहा—परम पद की कामना करने वाले मनुष्य लेशमात्र भी सिद्धि नहीं पाते; नास्तिक-वृत्ति वाले मनुष्य योनियों में भटकते हुए दिखाई देते हैं।

श्लोक 111 (skanda.7.3.111)

तीर्थव्रतानि सेवन्ते प्रत्ययो नैव जायते। मोहितं तु जगत्पूर्वं मिथ्याज्ञानेन शंकर

tīrthavratāni sevaṁte pratyayo naiva jāyate| mohitaṁ tu jagatpūrvaṁ mithyājñānena śaṁkara

वे तीर्थव्रतों का सेवन तो करते हैं, परन्तु उनमें विश्वास उत्पन्न नहीं होता; हे शंकर! पहले से ही यह जगत् मिथ्याज्ञान से मोहित है।

श्लोक 112 (skanda.7.3.112)

किं ते फलं सुरश्रेष्ठ जगद्व्यामोहने कृते

kiṁ te phalaṁ suraśreṣṭha jagadvyāmohane kṛte

हे देवश्रेष्ठ! संसार को इस प्रकार मोहित करने से आपको क्या फल प्राप्त होता है?

श्लोक 113 (skanda.7.3.113)

सारात्सारतरं नाथ तव प्राणप्रियं हि यत्। तन्मे कथय देवेश प्रियाहं यदि ते प्रभो

sārātsārataraṁ nātha tava prāṇapriyaṁ hi yat| tanme kathaya deveśa priyāhaṁ yadi te prabho

हे नाथ! जो सार से भी सारभूत तथा आपको प्राणों के समान प्रिय है, हे देवेश! यदि मैं आपको प्रिय हूँ तो वह मुझे बताइए, हे प्रभो!

श्लोक 114 (skanda.7.3.114)

इत्युक्तः स तया देव्या श्रीकंठः सुरनायकः। प्रहस्योवाच भगवान्गंभीरार्थमिदं वचः

ityuktaḥ sa tayā devyā śrīkaṁṭhaḥ suranāyakaḥ| prahasyovāca bhagavāngaṁbhīrārthamidaṁ vacaḥ

देवी द्वारा इस प्रकार कहे जाने पर, देवताओं के स्वामी श्रीकण्ठ भगवान मुस्कराकर यह गम्भीर अर्थ वाला वचन बोले।

श्लोक 115 (skanda.7.3.115)

ईश्वर उवाच। शृणुष्वावहिता भूत्वा पृष्टोऽहं यस्त्वयाऽधुना। निष्फलं तत्प्रवक्ष्यामि वस्तुतत्त्वं यथास्थितम्

īśvara uvāca| śṛṇuṣvāvahitā bhūtvā pṛṣṭo'haṁ yastvayā'dhunā| niṣphalaṁ tatpravakṣyāmi vastutattvaṁ yathāsthitam

ईश्वर ने कहा—अब जो तुमने मुझसे पूछा है, उसे सावधान होकर सुनो; मैं उस वस्तु के यथार्थ स्वरूप को निष्कपट भाव से बताता हूँ।

श्लोक 116 (skanda.7.3.116)

पूर्वमुक्तानि तीर्थानि यानि ते सुरसुंदरि। तिस्रः कोट्योऽर्द्धकोटी च ब्रह्मांडे सचराचरे

pūrvamuktāni tīrthāni yāni te surasuṁdari| tisraḥ koṭyo'rddhakoṭī ca brahmāṁḍe sacarācare

हे सुरसुन्दरि! सचराचर ब्रह्माण्ड में जो साढ़े तीन करोड़ तीर्थ पहले बताए गए थे,

श्लोक 117 (skanda.7.3.117)

तेषां च गोपितं तीर्थं प्रभासं चैव सुव्रते

teṣāṁ ca gopitaṁ tīrthaṁ prabhāsaṁ caiva suvrate

हे सुव्रते! उन सबमें प्रभास तीर्थ ही गुप्त रखा गया है।

श्लोक 118 (skanda.7.3.118)

एवमुक्तं महादेवि प्रभासं क्षेत्रमुत्तमम्। दृष्ट्वा संस्काररहिताः कलौ पापेन मोहिताः

evamuktaṁ mahādevi prabhāsaṁ kṣetramuttamam| dṛṣṭvā saṁskārarahitāḥ kalau pāpena mohitāḥ

हे महादेवि! ऐसा कहा गया उत्तम प्रभास क्षेत्र है; परन्तु कलियुग में संस्काररहित तथा पाप से मोहित लोग इसे देखकर भी नहीं पहचानते।

श्लोक 119 (skanda.7.3.119)

राजसास्तामसाश्चैव पापोपहतचेतसः। परदारपरद्रव्यपरहिंसारता नराः

rājasāstāmasāścaiva pāpopahatacetasaḥ| paradāraparadravyaparahiṁsāratā narāḥ

राजसी और तामसी स्वभाव वाले, पापों से आहत चित्तवाले, पराई स्त्री, पराए धन तथा हिंसा में रत रहने वाले मनुष्य,

श्लोक 120 (skanda.7.3.120)

उद्वेगं च परं यांति प्रतप्यंति यतस्ततः। आत्मसंभाविता मूढा मिथ्याज्ञानेन मोहिताः। वर्णाश्रमविरुद्धं तु तीर्थे कुर्वन्ति येऽधमाः

udvegaṁ ca paraṁ yāṁti pratapyaṁti yatastataḥ| ātmasaṁbhāvitā mūḍhā mithyājñānena mohitāḥ| varṇāśramaviruddhaṁ tu tīrthe kurvaṁti ye'dhamāḥ

वे अत्यन्त उद्वेग को प्राप्त होते हैं और इधर-उधर संतप्त रहते हैं; आत्माभिमानी मूर्ख, मिथ्याज्ञान से मोहित होकर, जो अधम लोग तीर्थ में वर्णाश्रम के विरुद्ध आचरण करते हैं,

श्लोक 121 (skanda.7.3.121)

तीर्थयात्रां प्रकुर्वंति दंभेन कपटेन च। तीर्थे मृता न सिध्यंति ते नरा वरवर्णिनि

tīrthayātrāṁ prakurvaṁti daṁbhena kapaṭena ca| tīrthe mṛtā na sidhyaṁti te narā varavarṇini

जो पाखंड और कपट से तीर्थयात्रा करते हैं, हे वरवर्णिनि! वे मनुष्य तीर्थ में मरकर भी सिद्धि नहीं पाते।

श्लोक 122 (skanda.7.3.122)

एतदर्थं मया देवि तीर्थानि विविधानि च। लिंगानि चैव सुश्रोणि गोपितानि प्रयत्नतः। न सिद्धिदानि देवेशि कलौ कल्मषकारिणाम्

etadarthaṁ mayā devi tīrthāni vividhāni ca| liṁgāni caiva suśroṇi gopitāni prayatnataḥ| na siddhidāni deveśi kalau kalmaṣakāriṇām

हे देवि! इसी कारण मैंने विविध तीर्थों तथा लिंगों को यत्नपूर्वक गुप्त रखा है; हे देवेशि! कलियुग में पाप करने वालों को ये सिद्धि नहीं देते।

श्लोक 123 (skanda.7.3.123)

ये नरास्तु जितक्रोधा जितलोभा जितेंद्रियाः। ब्राह्मणाः क्षत्रिया वैश्याः शूद्राश्चादम्भमत्सराः

ye narāstu jitakrodhā jitalobhā jiteṁdriyāḥ| brāhmaṇāḥ kṣatriyā vaiśyāḥ śūdrāścādaṁbhamatsarāḥ

जो मनुष्य क्रोध, लोभ और इन्द्रियों को जीत चुके हैं, चाहे वे ब्राह्मण, क्षत्रिय, वैश्य अथवा शूद्र हों, और दम्भ तथा मत्सर से रहित हों,

श्लोक 124 (skanda.7.3.124)

मद्भावभाविता देवि तीर्थं सेवंति सुव्रताः। तेषां चैव हितार्थाय कथयामि यशश्विनि

madbhāvabhāvitā devi tīrthaṁ sevaṁti suvratāḥ| teṣāṁ caiva hitārthāya kathayāmi yaśaśvini

हे देवि! जो मेरे भाव से भावित होकर सुव्रती हुए तीर्थ का सेवन करते हैं, उन्हीं के हित के लिए, हे यशस्विनि! मैं यह बताता हूँ।

श्लोक 125 (skanda.7.3.125)

प्रभासमिति विख्यातं क्षेत्रं त्रैलोक्यवंदितम्। तत्क्षेत्रं नैव जानंति मम मायाविमोहिताः

prabhāsamiti vikhyātaṁ kṣetraṁ trailokyavaṁditam| tatkṣetraṁ naiva jānaṁti mama māyāvimohitāḥ

प्रभास नाम से विख्यात यह क्षेत्र तीनों लोकों में वंदित है; परन्तु मेरी माया से मोहित लोग उस क्षेत्र को नहीं जानते।

श्लोक 126 (skanda.7.3.126)

परोहं त्वेकचित्तैश्च बहुजन्मभिरर्चितः। ते विदंति परं क्षेत्रं प्रभासं पापनाशनम्

paro'haṁ tvekacittaiśca bahujanmabhirarcitaḥ| te vidaṁti paraṁ kṣetraṁ prabhāsaṁ pāpanāśanam

जिन्होंने अनेक जन्मों तक एकाग्रचित्त होकर मेरी आराधना की है, मैं उनके लिए परम हूँ; वे ही उस परम क्षेत्र प्रभास को जानते हैं, जो पापों का नाश करने वाला है।

श्लोक 127 (skanda.7.3.127)

मद्भावभाविता देवि मम व्रतनिषेविणः। तेषां प्रभासिकं क्षेत्रं विदितं नात्र संशयः

madbhāvabhāvitā devi mama vratani ṣeviṇaḥ| teṣāṁ prabhāsikaṁ kṣetraṁ viditaṁ nātra saṁśayaḥ

हे देवि! जो मेरे भाव से भावित हैं तथा मेरे व्रतों का पालन करते हैं, उन्हीं को प्राभासिक क्षेत्र का ज्ञान होता है, इसमें कोई संशय नहीं।

श्लोक 128 (skanda.7.3.128)

यमैश्च नियमैर्युक्ता अहंकारविवर्ज्जिताः। तेषामर्थे वदिष्यामि तव प्रश्नं सुदुर्ल्लभम्। ब्रह्मविष्ण्विन्द्रदेवानां पुराणं कथितं मया

yamaiśca niyamairyuktā ahaṁkāravivarjitāḥ| teṣāmarthe vadiṣyāmi tava praśnaṁ sudurllabham| brahmaviṣṇvindradevānāṁ purāṇaṁ kathitaṁ mayā

यम-नियमों से युक्त तथा अहंकाररहित पुरुषों के लिए, तुम्हारे इस अत्यन्त दुर्लभ प्रश्न का उत्तर मैं बताऊँगा; ब्रह्मा, विष्णु और इन्द्र आदि देवों का पुराण मैंने पहले ही कह दिया है।

श्लोक 129 (skanda.7.3.129)

सोऽहं देवि वदिष्यामि कर्णं देहि वरानने। पृथिव्यामपि सर्वेषां तीर्थानां सुरसुंदरि

so'haṁ devi vadiṣyāmi karṇaṁ dehi varānane| pṛthivyāmapi sarveṣāṁ tīrthānāṁ surasuṁdari

हे देवि! हे वरानने! वही मैं अब बताता हूँ, कान लगाकर सुनो; हे सुरसुन्दरि! पृथ्वी के सब तीर्थों में से,

श्लोक 130 (skanda.7.3.130)

एकं मे वल्लभं तत्र प्रभासं क्षेत्रमुत्तमम्। तस्मिंश्चैव महाक्षेत्रे तीर्थैः सोमेन पूजितः। वरांस्तस्मै प्रदायाथ सदैकांते स्थितो ह्यहम्

ekaṁ me vallabhaṁ tatra prabhāsaṁ kṣetramuttamam| tasmiṁścaiva mahākṣetre tīrthaiḥ somena pūjitaḥ| varāṁstasmai pradāyātha sadaikāṁte sthito hyaham

उनमें से मुझे सर्वाधिक प्रिय एक है उत्तम प्रभास क्षेत्र; उस महाक्षेत्र में सोम (चन्द्रमा) ने तीर्थों सहित मेरी पूजा की, और उसे वर देकर मैं सदा वहीं एकान्त में निवास करता हूँ।

श्लोक 131 (skanda.7.3.131)

तेन गुह्यं कृतं स्थानं तव देवि प्रकाशितम्। तत्र मे योगयुक्तस्य दिव्यं लिंगं बभूव ह

tena guhyaṁ kṛtaṁ sthānaṁ tava devi prakāśitam| tatra me yogayuktasya divyaṁ liṁgaṁ babhūva ha

उसके द्वारा गुप्त रखा गया वह स्थान, हे देवि! अब तुम्हारे लिए प्रकट किया गया है; वहाँ योगयुक्त मेरा दिव्य लिंग प्रकट हुआ।

श्लोक 132 (skanda.7.3.132)

दिव्यतेजस्समायुक्तं वह्निमेखलमंडितम्। लक्षमात्रस्थितं शांतं दुर्निरीक्ष्यं तु मानवैः

divyatejassamāyuktaṁ vahnimekhalamaṁḍitam| lakṣamātrasthitaṁ śāṁtaṁ durnirīkṣyaṁ tu mānavaiḥ

वह दिव्य तेज से युक्त, अग्नि की मेखला से सुशोभित, एक लाख योजन तक विस्तृत, शान्त तथा मनुष्यों के लिए दुर्निरीक्ष्य है।

श्लोक 133 (skanda.7.3.133)

इच्छाज्ञानक्रियाख्याश्च तिस्रो वै शक्तयश्च याः। तस्माल्लिंगात्समुत्पन्ना जगत्कर्तृत्वहेतवे

icchājñānakriyākhyāśca tisro vai śaktayaśca yāḥ| tasmālliṁgātsamutpannā jagatkartṛtvahetave

इच्छा, ज्ञान और क्रिया नामक जो तीन शक्तियाँ हैं, वे जगत् की रचना के हेतु से उसी लिंग से उत्पन्न हुईं।

श्लोक 134 (skanda.7.3.134)

तस्मिँल्लिंगे लयं याति जगदेतच्चराचरम्। पुनस्तेनैव संभूतं दृश्यते सचराचरम्

tasmiṁlliṁge layaṁ yāti jagadetaccarācaram| punastenaiva saṁbhūtaṁ dṛśyate sacarācaram

यह चराचर जगत् उसी लिंग में लय को प्राप्त होता है, और उसी से पुनः उत्पन्न होकर सचराचर रूप में दिखाई देता है।

श्लोक 135 (skanda.7.3.135)

गुह्यं चैव तु संभूतं न कश्चिद्वेद तत्परम्। जन्माभ्यासेन तल्लिंगं ज्ञायते भुवि मानवैः

guhyaṁ caiva tu saṁbhūtaṁ na kaścidveda tatparam| janmābhyāsena talliṁgaṁ jñāyate bhuvi mānavaiḥ

यह गुप्त उत्पत्ति है, इसके परम रहस्य को कोई नहीं जानता; बार-बार जन्म लेने के अभ्यास से ही मनुष्य पृथ्वी पर उस लिंग को जान पाते हैं।

श्लोक 136 (skanda.7.3.136)

क्षेत्रं प्रभासिकं प्रोक्तं क्षेत्रज्ञोऽहं न संशयः। तत्र सोमेशनामाहमस्मिन्क्षेत्रं वरानने

kṣetraṁ prabhāsikaṁ proktaṁ kṣetrajño'haṁ na saṁśayaḥ| tatra someśanāmāhamasminkṣetraṁ varānane

यह प्राभासिक क्षेत्र कहा गया है; मैं ही इसका क्षेत्रज्ञ हूँ, इसमें संशय नहीं; हे वरानने! वहाँ इस क्षेत्र में मैं सोमेश नाम से हूँ।

श्लोक 137 (skanda.7.3.137)

ममांशसंभवा ये च अस्मिन्क्षेत्रे समुद्भवाः। तेषां तु विदितं लिंगं पूर्वकल्पे तु भैरवम्

mamāṁśasaṁbhavā ye ca asminkṣetre samudbhavāḥ| teṣāṁ tu viditaṁ liṁgaṁ pūrvakalpe tu bhairavam

जो मेरे अंश से उत्पन्न हुए और इस क्षेत्र में जन्मे हैं, उन्हें ही पूर्वकल्प में यह भैरव लिंग ज्ञात था।

श्लोक 138 (skanda.7.3.138)

अन्यैरपि युगैर्देवि इदं लिंगं सुदुर्लभम्। घोरे कलियुगे पापे विशेषेण च दुर्लभम्

anyairapi yugairdevi idaṁ liṁgaṁ sudurlabham| ghore kaliyuge pāpe viśeṣeṇa ca durlabham

हे देवि! अन्य युगों में भी यह लिंग अत्यन्त दुर्लभ है, और घोर पापमय कलियुग में विशेष रूप से दुर्लभ है।

श्लोक 139 (skanda.7.3.139)

अन्यन्निदर्शनं तत्र तत्प्रवक्ष्यामि पार्वति

anyannidarśanaṁ tatra tatpravakṣyāmi pārvati

हे पार्वती! उस विषय में मैं एक और दृष्टान्त बताता हूँ।

श्लोक 140 (skanda.7.3.140)

कलौ युगे महाघोरे हेतुवादरता नराः। वदिष्यंति महापापाः सर्वे पाखण्डसंस्थिताः

kalau yuge mahāghore hetuvādaratā narāḥ| vadiṣyaṁti mahāpāpāḥ sarve pākhaṇḍasaṁsthitāḥ

महाघोर कलियुग में, तर्कवाद में रत, महापापी तथा पाखंड में स्थित सभी मनुष्य यह कहेंगे,

श्लोक 141 (skanda.7.3.141)

मिथ्या चैतत्कृतं सर्वं मूर्खैश्चापि प्रकीर्तितम्। क्व क्षेत्रं क्व प्रभावश्च कुत्र वै सन्ति देवताः

mithyā caitatkṛtaṁ sarvaṁ mūrkhaiścāpi prakīrtitam| kva kṣetraṁ kva prabhāvaśca kutra vai saṁti devatāḥ

यह सब झूठ है, मूर्खों द्वारा ही ऐसा कहा गया है; कहाँ क्षेत्र, कहाँ प्रभाव, और कहाँ देवता हैं?

श्लोक 142 (skanda.7.3.142)

सर्वं चापि तथालीकं मूढैश्चापि प्रकीर्तितम्

sarvaṁ cāpi tathālīkaṁ mūḍhaiścāpi prakīrtitam

यह सब मूर्खों द्वारा कहा गया मिथ्या ही है।

श्लोक 143 (skanda.7.3.143)

एवं मूर्खा वदिष्यंति प्रहसिष्यन्ति चापरे। नारका नास्तिका लोकाः पापोपहतचेतसः। सिद्धिं नैव प्रयास्यंति संप्राप्ते तु कलौ युगे

evaṁ mūrkhā vadiṣyaṁti prahasiṣyaṁti cāpare| nārakā nāstikā lokāḥ pāpopahatacetasaḥ| siddhiṁ naiva prayāsyaṁti saṁprāpte tu kalau yuge

इस प्रकार मूर्ख लोग कहेंगे और कुछ लोग उपहास भी करेंगे; नरकगामी, नास्तिक तथा पापों से आहत-चित्त लोग कलियुग के आने पर सिद्धि को कभी प्राप्त नहीं करेंगे।

श्लोक 144 (skanda.7.3.144)

तीर्थे चैव मृता ये तु शिवनिन्दापरायणाः। तिर्यग्योनिप्रसूताश्च दृश्यन्ते सर्वयोनिषु

tīrthe caiva mṛtā ye tu śivanindāparāyaṇāḥ| tiryagyoniprasūtāśca dṛśyaṁte sarvayoniṣu

जो शिव-निन्दा में तत्पर रहकर तीर्थ में ही मर जाते हैं, वे तिर्यक्योनियों में उत्पन्न होकर सब योनियों में भटकते हुए दिखाई देते हैं।

श्लोक 145 (skanda.7.3.145)

एतस्मात्कारणाद्देवि तीर्थे चैव सुदुःखिताः। दृश्यन्ते युगमाहात्म्यात्सत्यशौचविवर्जिताः

etasmātkāraṇāddevi tīrthe caiva suduḥkhitāḥ| dṛśyaṁte yugamāhātmyātsatyaśaucavivarjitāḥ

हे देवि! इसी कारण से, युग के प्रभाव से सत्य और पवित्रता से रहित लोग तीर्थ में भी अत्यन्त दुःखी दिखाई देते हैं।

श्लोक 146 (skanda.7.3.146)

इदं हि कारणं प्रोक्तं क्षेत्राणां चैव गोपने। एतत्ते कथितं सर्वं सिद्धिर्येन सुदुर्ल्लभा

idaṁ hi kāraṇaṁ proktaṁ kṣetrāṇāṁ caiva gopane| etatte kathitaṁ sarvaṁ siddhiryena sudurllabhā

यही कारण क्षेत्रों को गुप्त रखने का बताया गया है; यह सब मैंने तुम्हें बताया, जिससे सिद्धि अत्यन्त दुर्लभ हो गई है।

श्लोक 147 (skanda.7.3.147)

युगेयुगे तु तीर्थानि कीर्तितानि सुरेश्वरि। तेषां मे वल्लभं देवि प्रभासं क्षेत्रमेव च

yugeyuge tu tīrthāni kīrtitāni sureśvari| teṣāṁ me vallabhaṁ devi prabhāsaṁ kṣetrameva ca

हे सुरेश्वरि! प्रत्येक युग में तीर्थ प्रसिद्ध रहे हैं; हे देवि! उन सबमें प्रभास क्षेत्र ही मुझे सर्वाधिक प्रिय है।

श्लोक 148 (skanda.7.3.148)

इत्येतत्कथितं देवि रहस्यं पापनाशनम्। क्षेत्रबीजं महादेवि किमन्यत्परिपृच्छसि

ityetatkathitaṁ devi rahasyaṁ pāpanāśanam| kṣetrabījaṁ mahādevi kimanyatparipṛcchasi

हे देवि! इस प्रकार यह पापनाशक रहस्य बताया गया; हे महादेवि! यह क्षेत्र का बीज है, अब और क्या पूछना चाहती हो?

श्लोक 149 (skanda.7.3.149)

इदं महापातकनाशनं ये श्रोष्यंति वै क्षेत्रमहाप्रभावम्। ते चापि यास्यन्ति मम प्रभावात्त्रिविष्टपं पुण्यजनाधिवासम्

idaṁ mahāpātakanāśanaṁ ye śroṣyaṁti vai kṣetramahāprabhāvam| te cāpi yāsyaṁti mama prabhāvāttriviṣṭapaṁ puṇyajanādhivāsam

जो इस महापातकनाशक तथा क्षेत्र के महाप्रभाव को सुनेंगे, वे भी मेरे प्रभाव से पुण्यजनों के निवासस्थान स्वर्गलोक को जाएँगे।