ससंख्याकाष्टादशमहापुराणोपपुराणवर्णनपूर्वकपुराणपुस्तकदानफलवर्णनम्

श्लोक 1 (skanda.7.2.1)

ऋषय ऊचुः। कथाया लक्षणं ब्रूहि गुणदोषान्सविस्तरान्। आर्षेयपौरुषेयाणां काव्यचिह्नपरीक्षणम्। कथं ज्ञेयं महाबुद्धे श्रोतुमिच्छामहे वयम्

ṛṣaya ūcuḥ| kathāyā lakṣaṇaṁ brūhi guṇadoṣānsavistarān| ārṣeyapauruṣeyāṇāṁ kāvyacihnaparīkṣaṇam| kathaṁ jñeyaṁ mahābuddhe śrotumicchāmahe vayam

ऋषियों ने कहा—हे महाबुद्धे! कथा के लक्षण, गुण-दोष सहित विस्तार से बताइए। आर्षेय और पौरुषेय काव्यों के चिह्नों की परीक्षा कैसे जानी जाए, यह हम सुनना चाहते हैं।

श्लोक 2 (skanda.7.2.2)

सूत उवाच। अथ संक्षेपतो वक्ष्ये पुराणानामनुक्रमम्। लक्षणं चैव संख्यां च उक्तभेदांस्तथैव च

sūta uvāca| atha saṁkṣepato vakṣye purāṇānāmanukramam| lakṣaṇaṁ caiva saṁkhyāṁ ca uktabhedāṁstathaiva ca

सूत ने कहा—अब मैं संक्षेप से पुराणों का क्रम, उनका लक्षण, संख्या तथा कहे गए भेदों को बताता हूँ।

श्लोक 3 (skanda.7.2.3)

पुरा तपश्चचारोग्रममराणां पितामहः। आविर्भूतास्ततो वेदाः सषडंगपदक्रमाः

purā tapaścacārogramamarāṇāṁ pitāmahaḥ| āvirbhūtāstato vedāḥ saṣaḍaṁgapadakramāḥ

पूर्वकाल में देवताओं के पितामह (ब्रह्मा) ने उग्र तप किया, तब उनसे षडंग और पदक्रम सहित वेद प्रकट हुए।

श्लोक 4 (skanda.7.2.4)

ततः पुराणमखिलं सर्वशास्त्रमयं ध्रुवम्। नित्यशब्दमयं पुण्यं शतकोटिप्रविस्तरम्

tataḥ purāṇamakhilaṁ sarvaśāstramayaṁ dhruvam| nityaśabdamayaṁ puṇyaṁ śatakoṭipravistaram

इसके बाद संपूर्ण, सब शास्त्रमय, ध्रुव, नित्यशब्दमय, पवित्र और सौ करोड़ श्लोकों में विस्तृत पुराण प्रकट हुआ।

श्लोक 5 (skanda.7.2.5)

निर्गतं ब्रह्मणो वक्त्राद्ब्राह्मं वैष्णवमेव च। शैवं भागवतं चैव भविष्यं नारदीयकम्

nirgataṁ brahmaṇo vaktrādbrāhmaṁ vaiṣṇavameva ca| śaivaṁ bhāgavataṁ caiva bhaviṣyaṁ nāradīyakam

ब्रह्मा के मुख से ब्राह्म, वैष्णव, शैव, भागवत, भविष्य और नारदीय पुराण निकले।

श्लोक 6 (skanda.7.2.6)

मार्कण्डेयमथाग्नेयं ब्रह्मवैवर्तमेव च। लैङ्गं तथा च वाराहं स्कांदं वामनमेव च

mārkaṇḍeyamathāgneyaṁ brahmavaivartameva ca| laiṅgaṁ tathā ca vārāhaṁ skāṁdaṁ vāmanameva ca

मार्कण्डेय, आग्नेय, ब्रह्मवैवर्त, लैंग, वाराह, स्कांद और वामन पुराण भी उन्हीं से निकले।

श्लोक 7 (skanda.7.2.7)

कौर्म्यं मात्स्यं गारुडं च वायवीयमनन्तरम्। अष्टादशं समुद्दिष्टं सर्वपातकनाशनम्

kaurmyaṁ mātsyaṁ gāruḍaṁ ca vāyavīyamanaṁtaram| aṣṭādaśaṁ samuddiṣṭaṁ sarvapātakanāśanam

कौर्म, मात्स्य, गारुड और तत्पश्चात वायवीय — इस प्रकार अठारह पुराण बताए गए हैं, जो सब पापों का नाश करने वाले हैं।

श्लोक 8 (skanda.7.2.8)

एकमेव पुरा ह्यासीद्ब्रह्माण्डं शतकोटिधा

ekameva purā hyāsīdbrahmāṇḍaṁ śatakoṭidhā

पूर्वकाल में एक ही ब्रह्माण्ड (पुराण) सौ करोड़ श्लोकों वाला था।

श्लोक 9 (skanda.7.2.9)

ततोऽष्टादशधा कृत्वा वेदव्यासो युगेयुगे। प्रख्यापयति लोकेऽस्मिन्साक्षान्नारायणांशजः

tato'ṣṭādaśadhā kṛtvā vedavyāso yugeyuge| prakhyāpayati loke'sminsākṣānnārāyaṇāṁśajaḥ

तत्पश्चात साक्षात् नारायण के अंश से उत्पन्न वेदव्यास प्रत्येक युग में उसे अठारह भागों में विभक्त करके इस लोक में प्रकट करते हैं।

श्लोक 10 (skanda.7.2.10)

अन्यान्युपपुराणानि मुनिना कथितानि तु। तानि वः कथयिष्यामि संक्षेपादवधार्यताम्

anyānyupapurāṇāni muninā kathitāni tu| tāni vaḥ kathayiṣyāmi saṁkṣepādavadhāryatām

मुनि द्वारा कहे गए अन्य उपपुराणों को भी मैं संक्षेप में तुम्हें बताता हूँ, ध्यानपूर्वक सुनो।

श्लोक 11 (skanda.7.2.11)

आद्यं सनत्कुमारोक्तं नारसिंहमतः परम्। तृतीयं स्कान्दमुद्दिष्टं कुमारेणानुभाषितम्

ādyaṁ sanatkumāroktaṁ nārasiṁhamataḥ param| tṛtīyaṁ skāndamuddiṣṭaṁ kumāreṇānubhāṣitam

पहला सनत्कुमार द्वारा कहा गया, फिर नारसिंह, तीसरा स्कांद जो कुमार (कार्तिकेय) द्वारा कहा गया माना जाता है।

श्लोक 12 (skanda.7.2.12)

चतुर्थं शिवधर्माख्यं साक्षान्नन्दीशभाषितम्। दुर्वाससोक्तमाश्चर्य्यं नारदोक्तमतः परम्

caturthaṁ śivadharmākhyaṁ sākṣānnandīśabhāṣitam| durvāsasoktamāścaryaṁ nāradoktamataḥ param

चौथा शिवधर्म नामक, जो साक्षात् नन्दीश्वर द्वारा कहा गया; दुर्वासा द्वारा कहा गया आश्चर्यजनक, फिर नारद द्वारा कहा गया।

श्लोक 13 (skanda.7.2.13)

कापिलं मानवं चैव तथैवोशनसेरितम्। ब्रह्माण्डं वारुणं चान्यत्कालिकाह्वयमेव च

kāpilaṁ mānavaṁ caiva tathaivośanaseritam| brahmāṇḍaṁ vāruṇaṁ cānyatkālikāhvayameva ca

कापिल, मानव, तथा उशना (शुक्राचार्य) द्वारा कहा गया, ब्रह्माण्ड, वारुण, और कालिका नामक अन्य उपपुराण।

श्लोक 14 (skanda.7.2.14)

माहेश्वरं तथा सांबं सौरं सर्वार्थसंचयम्। पराशरोक्तं परमं मारीचं भार्गवाह्वयम्

māheśvaraṁ tathā sāṁbaṁ sauraṁ sarvārthasaṁcayam| parāśaroktaṁ paramaṁ mārīcaṁ bhārgavāhvayam

माहेश्वर, सांब, सौर, जो सर्वार्थों का संग्रह है, पराशर द्वारा कहा गया परम, मारीच, तथा भार्गव नामक उपपुराण।

श्लोक 15 (skanda.7.2.15)

एतान्युपपुराणानि कथितानि द्विजोत्तमाः

etānyupapurāṇāni kathitāni dvijottamāḥ

हे द्विजोत्तमो! ये सब उपपुराण कहे गए हैं।

श्लोक 16 (skanda.7.2.16)

ऋषय ऊचुः। पुराणसंख्यामाचक्ष्व सूत विस्तरशः क्रमात्। दानधर्ममशेषज्ञ यथावदनुपूर्वशः

ṛṣaya ūcuḥ| purāṇasaṁkhyāmācakṣva sūta vistaraśaḥ kramāt| dānadharmamaśeṣajña yathāvadanupūrvaśaḥ

ऋषियों ने कहा—हे सूत! हे अशेषज्ञ! पुराणों की संख्या तथा उनके दान का धर्म क्रमशः विस्तारपूर्वक यथावत् बताइए।

श्लोक 17 (skanda.7.2.17)

सूत उवाच। इदमेव पुराणेऽस्मिन्पुराणपुरुषस्तदा। यदुक्तवान्स विश्वात्मा मनवे तन्निबोधत

sūta uvāca| idameva purāṇe'sminpurāṇapuruṣastadā| yaduktavānsa viśvātmā manave tannibodhata

सूत ने कहा—इसी पुराण में उस समय पुराणपुरुष विश्वात्मा ने मनु से जो कहा था, उसे सुनो।

श्लोक 18 (skanda.7.2.18)

पुराणं सर्वशास्त्राणां ब्रह्माण्डं प्रथमं स्मृतम्। अनन्तरं च वक्त्रेभ्यो वेदास्तस्य विनिर्गताः

purāṇaṁ sarvaśāstrāṇāṁ brahmāṇḍaṁ prathamaṁ smṛtam| anaṁtaraṁ ca vaktrebhyo vedāstasya vinirgatāḥ

सब शास्त्रों में ब्रह्माण्ड पुराण को प्रथम माना गया है; उसके पश्चात उसके मुखों से वेद निकले।

श्लोक 19 (skanda.7.2.19)

पुराणमेकमेवासीत्तस्मिन्कल्पान्तरे तथा। त्रिवर्गसाधनं पुण्यं शतकोटिप्रविस्तरम्

purāṇamekamevāsīttasminkalpāṁtare tathā| trivargasādhanaṁ puṇyaṁ śatakoṭipravistaram

उस कल्पान्तर में भी एक ही पुराण था, जो त्रिवर्ग (धर्म, अर्थ, काम) का साधक, पुण्यमय तथा सौ करोड़ श्लोकों में विस्तृत था।

श्लोक 20 (skanda.7.2.20)

विनिर्दग्धेषु लोकेषु कृष्णेनानन्तरूपिणा। साङ्गांश्च चतुरो वेदान्पुराणन्यायविस्तरम्

vinirdagdheṣu lokeṣu kṛṣṇenānaṁtarūpiṇā| sāṅgāṁśca caturo vedānpurāṇanyāyavistaram

जब सब लोक जलकर नष्ट हो गए, तब अनन्तरूप कृष्ण ने साङ्ग चारों वेद, पुराण तथा विस्तृत न्यायशास्त्र को सुरक्षित रखा,

श्लोक 21 (skanda.7.2.21)

मीमांसां धर्मशास्त्रं च परिगृह्यात्मसात्कृतम्। मत्स्यरूपेण च पुनः कल्पादावुदकार्णवे

mīmāṁsāṁ dharmaśāstraṁ ca parigṛhyātmasātkṛtam| matsyarūpeṇa ca punaḥ kalpādāvudakārṇave

मीमांसा और धर्मशास्त्र को भी ग्रहण कर आत्मसात् कर लिया, और फिर कल्प के आरम्भ में जलमय समुद्र में मत्स्यरूप धारण करके,

श्लोक 22 (skanda.7.2.22)

अशेषमेव कथितं ब्रह्मणे दिव्यचक्षुषे। ब्रह्मा जगाद च मुनींस्त्रिकालज्ञानदर्शनः

aśeṣameva kathitaṁ brahmaṇe divyacakṣuṣe| brahmā jagāda ca munīṁstrikālajñānadarśanaḥ

उसने सब कुछ दिव्यचक्षु वाले ब्रह्मा को बता दिया, और त्रिकालज्ञानदर्शी ब्रह्मा ने मुनियों को यह बताया।

श्लोक 23 (skanda.7.2.23)

प्रवृत्तिः सर्वशास्त्राणां पुराणस्याभवत्ततः

pravṛttiḥ sarvaśāstrāṇāṁ purāṇasyābhavattataḥ

इस प्रकार समस्त शास्त्रों तथा पुराण की प्रवृत्ति हुई।

श्लोक 24 (skanda.7.2.24)

ततः कालक्रमेणासौ व्यासरूपधरो हरिः। अष्टादशपुराणानि संक्षेप्स्यति युगेयुगे

tataḥ kālakrameṇāsau vyāsarūpadharo hariḥ| aṣṭādaśapurāṇāni saṁkṣepsyati yugeyuge

तत्पश्चात कालक्रम से व्यासरूपधारी हरि प्रत्येक युग में अठारह पुराणों को संक्षिप्त करते हैं।

श्लोक 25 (skanda.7.2.25)

चतुर्लक्षप्रमाणानि द्वापरे द्वापरे सदा। तदाष्टादशधा कृष्णा भूर्लोकेऽस्मिन्प्रभाषते

caturlakṣapramāṇāni dvāpare dvāpare sadā| tadāṣṭādaśadhā kṛṣṇā bhūrloke'sminprabhāṣate

प्रत्येक द्वापर में चार लाख श्लोकों की मात्रा में, कृष्ण उसे अठारह भागों में इस भूलोक में प्रकट करते हैं।

श्लोक 26 (skanda.7.2.26)

अद्याऽपि देवलोके तु शतकोटिप्रविस्तरम्। तदर्थोऽत्र चतुर्लक्षः संक्षेपेण निवेशितः

adyā'pi devaloke tu śatakoṭipravistaram| tadartho'tra caturlakṣaḥ saṁkṣepeṇa niveśitaḥ

आज भी देवलोक में वह सौ करोड़ श्लोकों में विस्तृत है; यहाँ उसी का अर्थ चार लाख श्लोकों में संक्षेप से रखा गया है।

श्लोक 27 (skanda.7.2.27)

पुराणानि दशाष्टौ च सांप्रतं तदिहोच्यते। नामतस्तानि वक्ष्यामि संख्यां च मुनिसत्तमाः

purāṇāni daśāṣṭau ca sāṁprataṁ tadihocyate| nāmatastāni vakṣyāmi saṁkhyāṁ ca munisattamāḥ

अब यहाँ अठारह पुराणों के विषय में कहा जाता है; हे मुनिश्रेष्ठो! मैं उनके नाम तथा उनकी श्लोक-संख्या बताता हूँ।

श्लोक 28 (skanda.7.2.28)

ब्रह्मणाऽभिहितं पूर्वं यावन्मात्रं मरीचये। ब्राह्मं तद्दशसाहस्रं पुराणं तदिहोच्यते

brahmaṇā'bhihitaṁ pūrvaṁ yāvanmātraṁ marīcaye| brāhmaṁ taddaśasāhasraṁ purāṇaṁ tadihocyate

ब्रह्मा ने पहले मरीचि को जितनी मात्रा में कहा था, वह ब्राह्म पुराण दस हजार श्लोकों का यहाँ कहा जाता है।

श्लोक 29 (skanda.7.2.29)

लिखित्वा तच्च यो दद्याज्जलधेनुसमन्वितम्। वैशाख्यां पौर्णमास्यां च ब्रह्मलोके महीयते

likhitvā tacca yo dadyājjaladhenusamanvitam| vaiśākhyāṁ paurṇamāsyāṁ ca brahmaloke mahīyate

जो इसे लिखकर जलधेनु के साथ वैशाख पूर्णिमा को दान करता है, वह ब्रह्मलोक में पूजित होता है।

श्लोक 30 (skanda.7.2.30)

एतदेव यदा पद्ममभूद्धैरण्मयं जगत्। तद्वृत्तांताश्रयांतं तत्पाद्ममित्युच्यते बुधैः

etadeva yadā padmamabhūddhairaṇmayaṁ jagat| tadvṛttāṁtāśrayāṁtaṁ tatpādmamityucyate budhaiḥ

जब यही संसार स्वर्णमय पद्म हुआ था, उस वृत्तान्त के आश्रित होने के कारण विद्वानों द्वारा इसे पाद्म पुराण कहा जाता है।

श्लोक 31 (skanda.7.2.31)

पाद्मं तत्पञ्चपञ्चाशत्सहस्राणीह पठ्यते। तत्पुराणं च यो दद्यात्सुवर्णकमलान्वितम्। ज्येष्ठे मासि तिलैर्युक्तं सोऽश्वमेधफलं लभेत्

pādmaṁ tatpañcapañcāśatsahasrāṇīha paṭhyate| tatpurāṇaṁ ca yo dadyātsuvarṇakamalānvitam| jyeṣṭhe māsi tilairyuktaṁ so'śvamedhaphalaṁ labhet

पाद्म पुराण पचपन हजार श्लोकों का कहा जाता है; जो इसे स्वर्णकमल और तिल के साथ ज्येष्ठ मास में दान करता है, वह अश्वमेध का फल पाता है।

श्लोक 32 (skanda.7.2.32)

वाराहकल्पवृत्तान्तमधिकृत्य परात्परः। यत्राह धर्मानखिलांस्तदुक्तं वैष्णवं विदुः

vārāhakalpavṛttāntamadhikṛtya parātparaḥ| yatrāha dharmānakhilāṁstaduktaṁ vaiṣṇavaṁ viduḥ

जिसमें परात्पर (विष्णु) ने वाराह कल्प के वृत्तान्त को आधार बनाकर सम्पूर्ण धर्मों को कहा, उसे वैष्णव पुराण जानना चाहिए।

श्लोक 33 (skanda.7.2.33)

चरितैरञ्चितं विष्णोस्तल्लोके वैष्णवं विदुः। त्रयोविंशतिसाहस्रं पुराणं तत्प्रकीर्तितम्

caritairañcitaṁ viṣṇostalloke vaiṣṇavaṁ viduḥ| trayoviṁśatisāhasraṁ purāṇaṁ tatprakīrtitam

विष्णु के चरितों से अंकित होने के कारण संसार में इसे वैष्णव जाना जाता है; यह पुराण तेईस हजार श्लोकों का कहा गया है।

श्लोक 34 (skanda.7.2.34)

तदाषाढे च यो दद्याद्घृतधेनुसमन्वितम्। पौर्णमास्यां विशुद्धायां सं पदं याति वैष्णवम्

tadāṣāḍhe ca yo dadyādghṛtadhenusamanvitam| paurṇamāsyāṁ viśuddhāyāṁ saṁ padaṁ yāti vaiṣṇavam

जो इसे आषाढ़ की शुद्ध पूर्णिमा को घृतधेनु के साथ दान करता है, वह वैष्णव पद को प्राप्त होता है।

श्लोक 35 (skanda.7.2.35)

श्रुतकल्पप्रसङ्गेन धर्मान्वायुरथाब्रवीत्। यत्र तद्वायवीयं स्याद्रुद्रमाहात्म्यसंयुतम्

śrutakalpaprasaṅgena dharmānvāyurathābravīt| yatra tadvāyavīyaṁ syādrudramāhātmyasaṁyutam

जिसमें श्रुतकल्प के प्रसंग से वायु ने धर्मों को कहा और जो रुद्र के माहात्म्य से युक्त है, वह वायवीय पुराण कहा जाता है।

श्लोक 36 (skanda.7.2.36)

चतुर्विंशतिसाहस्रं नाना वृत्तान्तसंयुतम्। धर्मार्थकाममोक्षैश्च साधुवृत्तसमन्वितम्

caturviṁśatisāhasraṁ nānā vṛttāntasaṁyutam| dharmārthakāmamokṣaiśca sādhuvṛttasamanvitam

यह चौबीस हजार श्लोकों का है, विविध वृत्तान्तों से युक्त है, तथा धर्म-अर्थ-काम-मोक्ष एवं सदाचार से समन्वित है।

श्लोक 37 (skanda.7.2.37)

श्रावण्यां श्रावणे मासि गुडधेनुसमन्वितम्। यो दद्याद्दधिसंयुक्तं ब्राह्मणाय कुटुम्बिने। शिवलोके स पूतात्मा कल्पमेकं वसेन्नरः

śrāvaṇyāṁ śrāvaṇe māsi guḍadhenusamanvitam| yo dadyāddadhisaṁyuktaṁ brāhmaṇāya kuṭuṁbine| śivaloke sa pūtātmā kalpamekaṁ vasennaraḥ

श्रावण मास की श्रावणी पूर्णिमा को जो गुड़धेनु और दही सहित इसे गृहस्थ ब्राह्मण को दान करता है, वह पवित्र आत्मा होकर एक कल्प तक शिवलोक में निवास करता है।

श्लोक 38 (skanda.7.2.38)

पुनः संजायते मर्त्यो ब्राह्मणो वेदवित्तमः। वेदविद्यार्थतत्त्वज्ञो व्याख्यातत्त्वार्थवित्तमः

punaḥ saṁjāyate martyo brāhmaṇo vedavittamaḥ| vedavidyārthatattvajño vyākhyātattvārthavittamaḥ

फिर वह मृत्युलोक में ब्राह्मण के रूप में जन्म लेता है, वेदों का श्रेष्ठ ज्ञाता, वेदविद्या के तत्त्वार्थ का ज्ञाता और व्याख्या के तत्त्वार्थ का सर्वश्रेष्ठ ज्ञाता होता है।

श्लोक 39 (skanda.7.2.39)

यत्राधिकृत्य गायत्रीं वर्ण्यते धर्मविस्तरः। वृत्रासुरवधोपेतं तद्भागवतमुच्यते

yatrādhikṛtya gāyatrīṁ varṇyate dharmavistaraḥ| vṛtrāsuravadhopetaṁ tadbhāgavatamucyate

जिसमें गायत्री को आधार बनाकर धर्म का विस्तार वर्णित है और जो वृत्रासुर-वध से युक्त है, वह भागवत कहा जाता है।

श्लोक 40 (skanda.7.2.40)

सारस्वतस्य कल्पस्य मध्ये ये स्युर्नरामराः। तद्वृत्तान्तोद्भवं पुण्यं पुण्योद्वाहसमन्वितम्

sārasvatasya kalpasya madhye ye syurnarāmarāḥ| tadvṛttāntodbhavaṁ puṇyaṁ puṇyodvāhasamanvitam

सारस्वत कल्प के मध्य में जो मनुष्य और देवता हुए, उनके वृत्तान्त से उत्पन्न यह पुण्यमय पुराण पुण्य विवाह-वर्णन से युक्त है।

श्लोक 41 (skanda.7.2.41)

लिखित्वा तच्च यो दद्याद्धेमसिंहसमन्वितम्। पौर्णमास्यां प्रौष्ठपद्यां स याति परमां गतिम्

likhitvā tacca yo dadyāddhemasiṁhasamanvitam| paurṇamāsyāṁ prauṣṭhapadyāṁ sa yāti paramāṁ gatim

जो इसे लिखकर स्वर्णसिंह के साथ भाद्रपद पूर्णिमा को दान करता है, वह परम गति को प्राप्त होता है।

श्लोक 42 (skanda.7.2.42)

अष्टादशसहस्राणि पुराणं तत्प्रकीर्तितम्

aṣṭādaśasahasrāṇi purāṇaṁ tatprakīrtitam

यह पुराण अठारह हजार श्लोकों का कहा गया है।

श्लोक 43 (skanda.7.2.43)

यत्राह नारदो धर्मान्बृहत्कल्पाश्रयांस्त्विह। पञ्चविंशत्सहस्राणि नारदीयं तदुच्यते

yatrāha nārado dharmānbṛhatkalpāśrayāṁstviha| pañcaviṁśatsahasrāṇi nāradīyaṁ taducyate

जिसमें नारद ने बृहत्कल्प के आश्रित धर्मों को कहा, वह पच्चीस हजार श्लोकों का नारदीय पुराण कहा जाता है।

श्लोक 44 (skanda.7.2.44)

तदिषे पञ्चदश्यां तु यो दद्याद्धेनुसंयुतम्। उत्तमां सिद्धिमाप्नोति इह लोके परत्र च। सर्वान्कामानवाप्नोति नात्र कार्या विचारणा

tadiṣe pañcadaśyāṁ tu yo dadyāddhenusaṁyutam| uttamāṁ siddhimāpnoti iha loke paratra ca| sarvānkāmānavāpnoti nātra kāryā vicāraṇā

जो इसे आश्विन मास की पंचदशी को गौ के साथ दान करता है, वह इस लोक और परलोक में उत्तम सिद्धि प्राप्त करता है तथा सब कामनाओं को पाता है, इसमें विचार करने की आवश्यकता नहीं।

श्लोक 45 (skanda.7.2.45)

यत्राधिकृत्य शकुनीन्धर्माधर्मविचारणम्। पुराणं नवसाहस्रं मार्कण्डेयं तदुच्यते

yatrādhikṛtya śakunīndharmādharmavicāraṇam| purāṇaṁ navasāhasraṁ mārkaṇḍeyaṁ taducyate

जिसमें पक्षियों को आधार बनाकर धर्म-अधर्म का विचार किया गया है, वह नौ हजार श्लोकों का मार्कण्डेय पुराण कहा जाता है।

श्लोक 46 (skanda.7.2.46)

परिलिख्य च यो दद्यात्सौवर्णकरिसंयुतम्। कार्तिक्यां पौण्डरीकस्य यज्ञस्य फलभाग्भवेत्

parilikhya ca yo dadyātsauvarṇakarisaṁyutam| kārtikyāṁ pauṇḍarīkasya yajñasya phalabhāgbhavet

जो इसे लिखकर स्वर्णहाथी के साथ कार्तिक मास में दान करता है, वह पौण्डरीक यज्ञ के फल का भागी होता है।

श्लोक 47 (skanda.7.2.47)

यत्तदीशानकल्पस्य वृत्तान्तमधिकृत्य च। वशिष्ठायाऽग्निना प्रोक्तमाग्नेयं तत्प्रचक्षते

yattadīśānakalpasya vṛttāntamadhikṛtya ca| vaśiṣṭhāyā'gninā proktamāgneyaṁ tatpracakṣate

जो ईशान कल्प के वृत्तान्त को आधार बनाकर अग्नि द्वारा वशिष्ठ को कहा गया, वह आग्नेय पुराण कहलाता है।

श्लोक 48 (skanda.7.2.48)

लिखित्वा तच्च यो दद्याद्धेमपद्मसमन्वितम्। मार्गशीर्षे विधानेन तिलधेनुयुतं तथा। तच्च षोडशसाहस्रं सर्वक्रतुफलप्रदम्

likhitvā tacca yo dadyāddhemapadmasamanvitam| mārgaśīrṣe vidhānena tiladhenuyutaṁ tathā| tacca ṣoḍaśasāhasraṁ sarvakratuphalapradam

यह सोलह हजार श्लोकों का है और सब यज्ञों का फल देने वाला है; जो इसे लिखकर स्वर्णकमल और तिलधेनु के साथ मार्गशीर्ष मास में विधिपूर्वक दान करता है, वह उनका फल पाता है।

श्लोक 49 (skanda.7.2.49)

यत्राधिकृत्य माहात्म्यमादित्यस्य चतुर्मुखः। अघोरकल्पवृत्तान्तप्रसंगेन जगत्पतिः। मनवे कथयामास भूतग्रामस्य लक्षणम्

yatrādhikṛtya māhātmyamādityasya caturmukhaḥ| aghorakalpavṛttāntaprasaṁgena jagatpatiḥ| manave kathayāmāsa bhūtagrāmasya lakṣaṇam

जिसमें चतुर्मुख जगत्पति (ब्रह्मा) ने अघोर कल्प के वृत्तान्त के प्रसंग से आदित्य के माहात्म्य को आधार बनाकर मनु को भूतगण के लक्षण बताए,

श्लोक 50 (skanda.7.2.50)

चतुर्दशसहस्राणि तथा पञ्चशतानि च। भविष्यचरितप्रायं भविष्यं तदिहोच्यते

caturdaśasahasrāṇi tathā pañcaśatāni ca| bhaviṣyacaritaprāyaṁ bhaviṣyaṁ tadihocyate

चौदह हजार पाँच सौ श्लोकों का, प्रायः भविष्य की घटनाओं से युक्त यह भविष्य पुराण कहा जाता है।

श्लोक 51 (skanda.7.2.51)

तत्पौषमासि यो दद्यात्पौर्णमास्यां विमत्सरः। गुडकुम्भसमायुक्तमग्निष्टोमफलं लभेत्

tatpauṣamāsi yo dadyātpaurṇamāsyāṁ vimatsaraḥ| guḍakuṁbhasamāyuktamagniṣṭomaphalaṁ labhet

जो इसे पौष मास की पूर्णिमा को ईर्ष्यारहित होकर गुड़ के घड़े के साथ दान करता है, वह अग्निष्टोम यज्ञ का फल पाता है।

श्लोक 52 (skanda.7.2.52)

रथंतरस्य कल्पस्य वृत्तान्तमधिकृत्य च। सावर्णिना नारदाय कृष्णमाहात्म्यसंयुतम्। प्रोक्तं ब्रह्मवराहस्य चरितं वर्ण्यतेऽत्र च

rathaṁtarasya kalpasya vṛttāntamadhikṛtya ca| sāvarṇinā nāradāya kṛṣṇamāhātmyasaṁyutam| proktaṁ brahmavarāhasya caritaṁ varṇyate'tra ca

जो रथन्तर कल्प के वृत्तान्त को आधार बनाकर सावर्णि द्वारा नारद को कृष्ण के माहात्म्य सहित कहा गया, और जिसमें ब्रह्मवराह के चरित्र का भी वर्णन है,

श्लोक 53 (skanda.7.2.53)

तदष्टादशसाहस्रं ब्रह्मवैवर्तमुच्यते। पुराणं ब्रह्मवैवर्तं यो दद्याद्ब्राह्मणोत्तमे। माघमासे पौर्णमास्यां ब्रह्मलोके महीयते

tadaṣṭādaśasāhasraṁ brahmavaivartamucyate| purāṇaṁ brahmavaivartaṁ yo dadyādbrāhmaṇottame| māghamāse paurṇamāsyāṁ brahmaloke mahīyate

वह अठारह हजार श्लोकों का ब्रह्मवैवर्त कहलाता है; जो इस ब्रह्मवैवर्त पुराण को माघ मास की पूर्णिमा को श्रेष्ठ ब्राह्मण को दान करता है, वह ब्रह्मलोक में पूजित होता है।

श्लोक 54 (skanda.7.2.54)

यत्राग्निलिङ्गमध्यस्थः प्राह देवो महेश्वरः। धर्मार्थकाममोक्षार्थानाग्नेयमधिकृत्य च

yatrāgniliṅgamadhyasthaḥ prāha devo maheśvaraḥ| dharmārthakāmamokṣārthānāgneyamadhikṛtya ca

जिसमें अग्निलिंग के मध्य स्थित महेश्वर देव ने आग्नेय (कल्प) को आधार बनाकर धर्म-अर्थ-काम-मोक्ष के प्रयोजनों को कहा,

श्लोक 55 (skanda.7.2.55)

कल्पं तल्लैङ्गमित्युक्तं पुराणं ब्रह्मणा स्वयम्

kalpaṁ tallaiṅgamityuktaṁ purāṇaṁ brahmaṇā svayam

उस कल्प को लैंग पुराण कहा गया है, जो स्वयं ब्रह्मा द्वारा कहा गया।

श्लोक 56 (skanda.7.2.56)

तदेकादशसाहस्रं फाल्गुन्यां यः प्रयच्छति। तिलधेनुसमायुक्तं स याति शिवसात्म्यताम्

tadekādaśasāhasraṁ phālgunyāṁ yaḥ prayacchati| tiladhenusamāyuktaṁ sa yāti śivasātmyatām

यह ग्यारह हजार श्लोकों का है; जो इसे तिलधेनु के साथ फाल्गुन मास में दान करता है, वह शिव के साथ तादात्म्य को प्राप्त होता है।

श्लोक 57 (skanda.7.2.57)

महावराहस्य पुनर्माहात्म्यमधिकृत्य च। विष्णुनाऽभिहितं क्षोण्यै तद्वाराहमिहोच्यते

mahāvarāhasya punarmāhātmyamadhikṛtya ca| viṣṇunā'bhihitaṁ kṣoṇyai tadvārāhamihocyate

महावराह के माहात्म्य को आधार बनाकर जो विष्णु द्वारा पृथ्वी को कहा गया, वह वाराह पुराण कहा जाता है।

श्लोक 58 (skanda.7.2.58)

मानवस्य प्रसंगेन धन्यस्य मुनिसत्तमाः। चतुर्विंशत्सहस्राणि तत्पुराणमिहोच्यते

mānavasya prasaṁgena dhanyasya munisattamāḥ| caturviṁśatsahasrāṇi tatpurāṇamihocyate

हे मुनिश्रेष्ठो! मानव के धन्य प्रसंग से युक्त यह पुराण चौबीस हजार श्लोकों का कहा जाता है।

श्लोक 59 (skanda.7.2.59)

काञ्चनं गरुडं कृत्वा तिलधेनुसमन्वितम्। पौर्णमास्यामथो दद्याद्ब्राह्मणाय कुटुम्बिने। वाराहस्यप्रसादेन पदमाप्नोति वैष्णवम्

kāñcanaṁ garuḍaṁ kṛtvā tiladhenusamanvitam| paurṇamāsyāmatho dadyādbrāhmaṇāya kuṭuṁbine| vārāhasyaprasādena padamāpnoti vaiṣṇavam

जो स्वर्णगरुड़ बनाकर तिलधेनु के साथ पूर्णिमा को गृहस्थ ब्राह्मण को दान करता है, वह वराह की कृपा से वैष्णव पद प्राप्त करता है।

श्लोक 60 (skanda.7.2.60)

यत्र माहेश्वरान्धर्मानधिकृत्य च षण्मुखम्। कल्पे तत्पुरुषे वृत्ते चरितैरुपबृंहितम्

yatra māheśvarāndharmānadhikṛtya ca ṣaṇmukham| kalpe tatpuruṣe vṛtte caritairupabṛṁhitam

जिसमें माहेश्वर धर्मों को तथा षण्मुख (कार्तिकेय) को आधार बनाकर, पुरुष कल्प में हुए चरितों से यह विस्तारित है,

श्लोक 61 (skanda.7.2.61)

स्कांदं नाम पुराणं तदेकाशीति निगद्यते। सहस्राणि शतं चैकमिति मर्त्येषु पठ्यते

skāṁdaṁ nāma purāṇaṁ tadekāśīti nigadyate| sahasrāṇi śataṁ caikamiti martyeṣu paṭhyate

वह स्कान्द नामक पुराण कहा जाता है, जो मृत्युलोक में इक्यासी हजार एक सौ श्लोकों का पठित है।

श्लोक 62 (skanda.7.2.62)

परिलेख्य च यो दद्याद्धेमशूलसमन्वितम्। शैवं स पदमाप्नोति मकरोपगमे रवेः

parilekhya ca yo dadyāddhemaśūlasamanvitam| śaivaṁ sa padamāpnoti makaropagame raveḥ

जो इसे लिखकर स्वर्णत्रिशूल के साथ सूर्य के मकर राशि में प्रवेश पर दान करता है, वह शिवपद प्राप्त करता है।

श्लोक 63 (skanda.7.2.63)

त्रिविक्रमस्य माहात्म्यमधिकृत्य चतुर्मुखः। त्रिवर्गमभ्यधात्तत्तु वामनं परिकीर्तितम्

trivikramasya māhātmyamadhikṛtya caturmukhaḥ| trivargamabhyadhāttattu vāmanaṁ parikīrtitam

त्रिविक्रम (वामन) के माहात्म्य को आधार बनाकर चतुर्मुख ब्रह्मा ने जो त्रिवर्ग को कहा, वह वामन पुराण कहलाता है।

श्लोक 64 (skanda.7.2.64)

पुराणं दशसाहस्रं कौर्मकल्पानुगं शिवम्

purāṇaṁ daśasāhasraṁ kaurmakalpānugaṁ śivam

यह दस हजार श्लोकों का, कूर्म कल्प के अनुगामी और कल्याणकारी पुराण है।

श्लोक 65 (skanda.7.2.65)

यः शरद्विषुवे दद्याद्धेमवस्त्रसमन्वितम्। क्षौमावृतं युतं धेन्वा स पदं याति वैष्णवम्

yaḥ śaradviṣuve dadyāddhemavastrasamanvitam| kṣaumāvṛtaṁ yutaṁ dhenvā sa padaṁ yāti vaiṣṇavam

जो इसे शरद-विषुव पर स्वर्णवस्त्र और रेशमी वस्त्र से आवृत करके गौ सहित दान करता है, वह वैष्णव पद को प्राप्त होता है।

श्लोक 66 (skanda.7.2.66)

यच्च धर्मार्थकामानां मोक्षस्य च रसातले। माहात्म्यं कथयामास कूर्मरूपी जनार्दनः

yacca dharmārthakāmānāṁ mokṣasya ca rasātale| māhātmyaṁ kathayāmāsa kūrmarūpī janārdanaḥ

रसातल में कूर्मरूपधारी जनार्दन ने धर्म, अर्थ, काम और मोक्ष के माहात्म्य को जो कहा,

श्लोक 67 (skanda.7.2.67)

इन्द्रद्युम्नप्रसंगेन ऋषीणां शक्रसन्निधौ। सप्तदशसहस्राणि लक्ष्मीकल्पानुषङ्गिकम्

indradyumnaprasaṁgena ṛṣīṇāṁ śakrasannidhau| saptadaśasahasrāṇi lakṣmīkalpānuṣaṅgikam

इन्द्रद्युम्न के प्रसंग से ऋषियों को इन्द्र की उपस्थिति में कहा गया, यह लक्ष्मीकल्प से सम्बद्ध सत्रह हजार श्लोकों का है,

श्लोक 68 (skanda.7.2.68)

यो दद्यादयने कौर्मं हेमकूर्मसमन्वितम्। गोसहस्रप्रदानस्य स फलं प्राप्नुयान्नरः

yo dadyādayane kaurmaṁ hemakūrmasamanvitam| gosahasrapradānasya sa phalaṁ prāpnuyānnaraḥ

जो इस कूर्म पुराण को अयन (संक्रांति) पर स्वर्णकच्छप के साथ दान करता है, वह मनुष्य सहस्र गौओं के दान का फल पाता है।

श्लोक 69 (skanda.7.2.69)

श्रुतीनां यत्र कल्पादौ प्रवृत्त्यर्थं जनार्दनः। मत्स्यरूपी च मनवे नरसिंहोपवर्णनम्

śrutīnāṁ yatra kalpādau pravṛttyarthaṁ janārdanaḥ| matsyarūpī ca manave narasiṁhopavarṇanam

जिसमें कल्प के आरम्भ में श्रुतियों की प्रवृत्ति के लिए मत्स्यरूपधारी जनार्दन ने मनु को नरसिंह का वर्णन सहित कहा,

श्लोक 70 (skanda.7.2.70)

अधिकृत्याब्रवीत्सप्तकल्पवृत्तं मुनिव्रताः। तन्मात्स्यमिति जानीध्वं सहस्राणि चतुर्दश

adhikṛtyābravītsaptakalpavṛttaṁ munivratāḥ| tanmātsyamiti jānīdhvaṁ sahasrāṇi caturdaśa

हे मुनिव्रतो! सप्त कल्पों के वृत्तान्त को आधार बनाकर कहा, उसे तुम मात्स्य पुराण जानो, यह चौदह हजार श्लोकों का है।

श्लोक 71 (skanda.7.2.71)

विषुवे हैममत्स्येन धेन्वा क्षौमयुगान्वितम्। यो दद्यात्पृथिवी तेन दत्ता भवति चाखिला

viṣuve haimamatsyena dhenvā kṣaumayugānvitam| yo dadyātpṛthivī tena dattā bhavati cākhilā

जो इसे विषुव पर स्वर्णमत्स्य, गौ और रेशमी वस्त्रयुगल के साथ दान करता है, उसके द्वारा मानो सम्पूर्ण पृथ्वी दान की गई होती है।

श्लोक 72 (skanda.7.2.72)

यदा वा गरुडे कल्पे विश्वाण्डाद्गरुडोऽभवत्। अधिकृत्याब्रवीत्कृष्णो गारुडं तदिहोच्यते

yadā vā garuḍe kalpe viśvāṇḍādgaruḍo'bhavat| adhikṛtyābravītkṛṣṇo gāruḍaṁ tadihocyate

जब गरुड़ कल्प में विश्वाण्ड से गरुड़ उत्पन्न हुए, उसे आधार बनाकर कृष्ण ने जो कहा, वह गारुड़ पुराण कहा जाता है।

श्लोक 73 (skanda.7.2.73)

तदष्टादश चैकं च सहस्राणीह पठ्यते। स्वर्णहंससमायुक्तं यो दद्यादयने परे। स सिद्धिं लभते मुख्यां शिवलोके च संस्थितिम्

tadaṣṭādaśa caikaṁ ca sahasrāṇīha paṭhyate| svarṇahaṁsasamāyuktaṁ yo dadyādayane pare| sa siddhiṁ labhate mukhyāṁ śivaloke ca saṁsthitim

यह उन्नीस हजार श्लोकों का पठित है; जो इसे स्वर्णहंस सहित उत्तरायण में दान करता है, वह प्रमुख सिद्धि पाता है और शिवलोक में स्थिति पाता है।

श्लोक 74 (skanda.7.2.74)

ब्रह्मा ब्रह्माण्डमाहात्म्यमधिकृत्याब्रवीत्पुनः। तच्च द्वादशसाहस्रं ब्रह्माण्डं द्विशताधिकम्

brahmā brahmāṇḍamāhātmyamadhikṛtyābravītpunaḥ| tacca dvādaśasāhasraṁ brahmāṇḍaṁ dviśatādhikam

ब्रह्मा ने पुनः ब्रह्माण्ड के माहात्म्य को आधार बनाकर जो कहा, वह ब्रह्माण्ड पुराण बारह हजार दो सौ श्लोकों का है।

श्लोक 75 (skanda.7.2.75)

भविष्याणां च कल्पानां श्रूयते यत्र विस्तरः। तद्ब्रह्माण्डं पुराणं तु ब्रह्मणा समुदाहृतम्

bhaviṣyāṇāṁ ca kalpānāṁ śrūyate yatra vistaraḥ| tadbrahmāṇḍaṁ purāṇaṁ tu brahmaṇā samudāhṛtam

जिसमें भविष्य के कल्पों का विस्तार सुना जाता है, वह ब्रह्माण्ड पुराण ब्रह्मा द्वारा कहा गया है।

श्लोक 76 (skanda.7.2.76)

यो दद्यात्तु व्यतीपात ऊर्णायुगसमन्वितम्। राजसूयसहस्रस्य फलमाप्नोति मानवः

yo dadyāttu vyatīpāta ūrṇāyugasamanvitam| rājasūyasahasrasya phalamāpnoti mānavaḥ

जो व्यतीपात योग में ऊन के वस्त्रयुगल सहित इसे दान करता है, वह मनुष्य सहस्र राजसूय यज्ञों का फल पाता है।

श्लोक 77 (skanda.7.2.77)

हेमधेन्वायुतं तच्च ब्रह्मलोकफलप्रदम्। चतुर्लक्षमिदं प्रोक्तं व्यासेनाद्भुतकर्मणा

hemadhenvāyutaṁ tacca brahmalokaphalapradam| caturlakṣamidaṁ proktaṁ vyāsenādbhutakarmaṇā

यह स्वर्णधेनु सहित ब्रह्मलोक का फल देने वाला है; यह चार लाख श्लोकों में अद्भुतकर्मा व्यास द्वारा कहा गया है।

श्लोक 78 (skanda.7.2.78)

इदं लोकहितार्थाय संक्षिप्तं द्वापरे द्विजाः

idaṁ lokahitārthāya saṁkṣiptaṁ dvāpare dvijāḥ

हे द्विजो! यह लोकहित के लिए द्वापर युग में संक्षिप्त किया गया।

श्लोक 79 (skanda.7.2.79)

इदमद्यापि देवेषु शतकोटिप्रविस्तरम्। उपभेदान्प्रवक्ष्यामि लोके ये संप्रतिष्ठिताः

idamadyāpi deveṣu śatakoṭipravistaram| upabhedānpravakṣyāmi loke ye saṁpratiṣṭhitāḥ

यह आज भी देवताओं में सौ करोड़ श्लोकों में विस्तृत है; अब मैं उन उपभेदों को बताता हूँ जो लोक में प्रतिष्ठित हैं।

श्लोक 80 (skanda.7.2.80)

पाद्मे पुराणे यत्प्रोक्तं नारसिंहोपवर्णनम्। तच्चाष्टादशसाहस्रं नारसिंहमिहोच्यते

pādme purāṇe yatproktaṁ nārasiṁhopavarṇanam| taccāṣṭādaśasāhasraṁ nārasiṁhamihocyate

पाद्म पुराण में जो नरसिंह का वर्णन कहा गया है, वह अठारह हजार श्लोकों का नारसिंह उपपुराण यहाँ कहा जाता है।

श्लोक 81 (skanda.7.2.81)

नन्दिने यत्र माहात्म्यं कार्तिकेयेन वर्णितम्। लोके नन्दिपुराणं वै ख्यातमेतद्द्विजोत्तमाः

nandine yatra māhātmyaṁ kārtikeyena varṇitam| loke nandipurāṇaṁ vai khyātametaddvijottamāḥ

हे द्विजोत्तमो! जिसमें कार्तिकेय द्वारा नन्दी के माहात्म्य का वर्णन किया गया, वह लोक में नन्दिपुराण नाम से प्रसिद्ध है।

श्लोक 82 (skanda.7.2.82)

यत्र साम्बं पुरस्कृत्य भविष्यति कथानकम्। प्रोच्यते तत्पुनर्लोके सांबमेव मुनिव्रताः

yatra sāmbaṁ puraskṛtya bhaviṣyati kathānakam| procyate tatpunarloke sāṁbameva munivratāḥ

हे मुनिव्रतो! जिसमें साम्ब को आगे रखकर भविष्य की कथा कही जाती है, वह लोक में सांब पुराण ही कहा जाता है।

श्लोक 83 (skanda.7.2.83)

एवमादित्यसंज्ञं तु तत्रैव परिपठ्यते। अष्टादशभ्यस्तु पृथक्पुराणं यच्च दृश्यते। विजानीध्वं द्विजश्रेष्ठास्तदेतेभ्यो विनिर्गतम्

evamādityasaṁjñaṁ tu tatraiva paripaṭhyate| aṣṭādaśabhyastu pṛthakpurāṇaṁ yacca dṛśyate| vijānīdhvaṁ dvijaśreṣṭhāstadetebhyo vinirgatam

इसी प्रकार वहीं आदित्य नाम से भी पठित है; हे द्विजश्रेष्ठो! जो पुराण इन अठारह से पृथक दिखाई देता है, उसे भी इन्हीं से निकला हुआ जानो।

श्लोक 84 (skanda.7.2.84)

पञ्चाङ्गानि पुराणस्य चाख्यानमितरत्स्मृतम्। सर्गश्च प्रतिसर्गश्च वंशो मन्वन्तराणि च। वंशानुवंशचरितं पुराणं पञ्चलक्षणम्

pañcāṅgāni purāṇasya cākhyānamitaratsmṛtam| sargaśca pratisargaśca vaṁśo manvaṁtarāṇi ca| vaṁśānuvaṁśacaritaṁ purāṇaṁ pañcalakṣaṇam

पुराण के पाँच अंग बताए गए हैं, शेष उसका आख्यान कहा गया है—सर्ग, प्रतिसर्ग, वंश, मन्वन्तर, और वंशानुचरित; इस प्रकार पुराण पंचलक्षण वाला है।

श्लोक 85 (skanda.7.2.85)

ब्रह्मविष्ण्वर्करुद्राणां माहात्म्यं भुवनस्य च। संहारश्च प्रदृश्येत पुराणं पञ्चलक्षणम्

brahmaviṣṇvarkarudrāṇāṁ māhātmyaṁ bhuvanasya ca| saṁhāraśca pradṛśyeta purāṇaṁ pañcalakṣaṇam

ब्रह्मा, विष्णु, सूर्य, रुद्र के माहात्म्य, भुवन का वर्णन तथा संहार भी इस पंचलक्षण पुराण में देखा जाता है।

श्लोक 86 (skanda.7.2.86)

धर्मश्चार्थश्च कामश्च मोक्षश्च परिकीर्त्यते। सर्वेष्वपि पुराणेषु तद्विरूढे च यत्फलम्

dharmaścārthaśca kāmaśca mokṣaśca parikīrtyate| sarveṣvapi purāṇeṣu tadvirūḍhe ca yatphalam

सब पुराणों में धर्म, अर्थ, काम और मोक्ष का वर्णन किया गया है, तथा उन कथाओं की प्रसिद्धि से जो फल प्राप्त होता है, वह भी बताया गया है।

श्लोक 87 (skanda.7.2.87)

सात्विकेषु च कल्पेषु माहात्म्यमधिकं हरेः। राजसेषु च माहात्म्यमधिकं ब्रह्मणो विदुः

sātvikeṣu ca kalpeṣu māhātmyamadhikaṁ hareḥ| rājaseṣu ca māhātmyamadhikaṁ brahmaṇo viduḥ

सात्विक पुराणों में हरि का माहात्म्य अधिक है, राजस पुराणों में ब्रह्मा का माहात्म्य अधिक जानना चाहिए।

श्लोक 88 (skanda.7.2.88)

तद्वदग्रे च माहात्म्यं तामसेषु शिवस्य हि। संकीर्णे च सरस्वत्याः पितॄणां च निगद्यते

tadvadagre ca māhātmyaṁ tāmaseṣu śivasya hi| saṁkīrṇe ca sarasvatyāḥ pitṝṇāṁ ca nigadyate

इसी प्रकार तामस पुराणों में शिव का माहात्म्य अधिक कहा जाता है, तथा मिश्रित पुराणों में सरस्वती और पितरों का माहात्म्य कहा जाता है।

श्लोक 89 (skanda.7.2.89)

चतुर्भिर्भगवान्विष्णुर्द्वाभ्यां ब्रह्मा तथा रविः। अष्टादशपुराणेषु शेषेषु भगवाञ्छिवः

caturbhirbhagavānviṣṇurdvābhyāṁ brahmā tathā raviḥ| aṣṭādaśapurāṇeṣu śeṣeṣu bhagavāñchivaḥ

अठारह पुराणों में से चार में भगवान विष्णु, दो-दो में ब्रह्मा तथा सूर्य, और शेष में भगवान शिव प्रधान देवता हैं।

श्लोक 90 (skanda.7.2.90)

वेदवन्निश्चलं मन्ये पुराणं वै द्विजोत्तमाः। वेदाः प्रतिष्ठिताः सर्वे पुराणे नात्र संशयः

vedavanniścalaṁ manye purāṇaṁ vai dvijottamāḥ| vedāḥ pratiṣṭhitāḥ sarve purāṇe nātra saṁśayaḥ

हे द्विजोत्तमो! मैं पुराण को वेद के समान अचल मानता हूँ; समस्त वेद पुराण में ही प्रतिष्ठित हैं, इसमें कोई संशय नहीं।

श्लोक 91 (skanda.7.2.91)

बिभेत्यल्पश्रुताद्वेदो मामयं चालयिष्यति। इतिहासपुराणैस्तु निश्चलोऽयं कृतः पुरा

bibhetyalpaśrutādvedo māmayaṁ cālayiṣyati| itihāsapurāṇaistu niścalo'yaṁ kṛtaḥ purā

वेद यह सोचकर अल्पश्रुत व्यक्ति से डरते हैं कि यह मुझे विचलित कर देगा; इसीलिए पहले इतिहास और पुराणों के द्वारा उन्हें अचल किया गया।

श्लोक 92 (skanda.7.2.92)

यन्न दृष्टं हि वेदेषु न दृष्टं स्मृतिषु द्विजाः। उभयोर्यत्र दृष्टं च तत्पुराणेषु गीयते

yanna dṛṣṭaṁ hi vedeṣu na dṛṣṭaṁ smṛtiṣu dvijāḥ| ubhayoryatra dṛṣṭaṁ ca tatpurāṇeṣu gīyate

हे द्विजो! जो वेदों में नहीं देखा गया, स्मृतियों में भी नहीं देखा गया, तथा जो दोनों में देखा गया है, वह सब पुराणों में गाया जाता है।

श्लोक 93 (skanda.7.2.93)

यो वेद चतुरो वेदान्सांगोपनिषदो द्विजः। पुराणं नैव जानाति न च स स्याद्विचक्षणः

yo veda caturo vedānsāṁgopaniṣado dvijaḥ| purāṇaṁ naiva jānāti na ca sa syādvicakṣaṇaḥ

जो द्विज अंगों और उपनिषदों सहित चारों वेदों को जानता है किन्तु पुराण को नहीं जानता, वह विद्वान नहीं कहा जा सकता।

श्लोक 94 (skanda.7.2.94)

अष्टादशपुराणानि कृत्वा सत्यवतीसुतः। भारताख्यानमकरोद्वेदार्थैरुपबृंहितम्

aṣṭādaśapurāṇāni kṛtvā satyavatīsutaḥ| bhāratākhyānamakarodvedārthairupabṛṁhitam

अठारह पुराणों की रचना करके सत्यवती-पुत्र व्यास ने वेदार्थों से पूर्ण भारत नामक आख्यान की रचना की।

श्लोक 95 (skanda.7.2.95)

लक्षेणैकेन तत्प्रोक्तं द्वापरान्ते महात्मना। वाल्मीकिना च यत्प्रोक्तं रामोपाख्यानमुत्तमम्

lakṣeṇaikena tatproktaṁ dvāpārānte mahātmanā| vālmīkinā ca yatproktaṁ rāmopākhyānamuttamam

द्वापर के अन्त में उस महात्मा ने एक लाख श्लोकों में इसे कहा; तथा वाल्मीकि द्वारा जो उत्तम रामकथा कही गई,

श्लोक 96 (skanda.7.2.96)

ब्रह्मणा विहितं यच्च शतकोटिप्रविस्तरम्। आह तन्नारदायैव तेन वाल्मीकये पुनः

brahmaṇā vihitaṁ yacca śatakoṭipravistaram| āha tannāradāyaiva tena vālmīkaye punaḥ

जो ब्रह्मा द्वारा रचित सौ करोड़ श्लोकों में विस्तृत था, उसे उन्होंने नारद को कहा, और नारद ने पुनः वाल्मीकि को कहा।

श्लोक 97 (skanda.7.2.97)

वाल्मीकिना च लोके तु धर्मकामार्थसाधकम्

vālmīkinā ca loke tu dharmakāmārthasādhakam

वाल्मीकि द्वारा लोक में यह धर्म, काम और अर्थ का साधक ग्रन्थ रचा गया।

श्लोक 98 (skanda.7.2.98)

एवं सपादाः पञ्चैते लक्षाः पुण्याः प्रकीर्तिताः। पुरातनस्य कल्पस्य पुराणे तु विदुर्बुधाः

evaṁ sapādāḥ pañcaite lakṣāḥ puṇyāḥ prakīrtitāḥ| purātanasya kalpasya purāṇe tu vidurbudhāḥ

इस प्रकार सवा पाँच लाख श्लोक पुण्यकारी कहे गए हैं; विद्वान लोग इन्हें प्राचीन कल्प के पुराण में जानते हैं।

श्लोक 99 (skanda.7.2.99)

इतिहासपुराणानि भिद्यन्ते काल गौरवात्। स्कान्दं तथा च ब्रह्माण्डं पुराणं लैङ्गमेव च

itihāsapurāṇāni bhidyaṁte kāla gauravāt| skāndaṁ tathā ca brahmāṇḍaṁ purāṇaṁ laiṅgameva ca

काल की गुरुता के कारण इतिहास और पुराण भेद को प्राप्त होते हैं—इसी प्रकार स्कान्द, ब्रह्माण्ड तथा लैंग पुराण भी।

श्लोक 100 (skanda.7.2.100)

वाराहकल्पे विप्रेन्द्रास्तेषां भेदः प्रवर्तते। अष्टादशप्रकारेण ब्रह्माण्डं भिन्नमेव हि

vārāhakalpe viprendrāstesāṁ bhedaḥ pravartate| aṣṭādaśaprakāreṇa brahmāṇḍaṁ bhinnameva hi

हे विप्रेन्द्रो! वाराह कल्प में उनका भेद प्रवृत्त होता है; ब्रह्माण्ड (मूल पुराण) अठारह प्रकार से विभक्त हुआ है।

श्लोक 101 (skanda.7.2.101)

अष्टादशपुराणानि तेन जातानि भूतले। लैङ्गमेकादशविधं प्रभिन्नं द्वापरे शुभम्

aṣṭādaśapurāṇāni tena jātāni bhūtale| laiṅgamekādaśavidhaṁ prabhinnaṁ dvāpare śubham

इसी कारण पृथ्वी पर अठारह पुराण उत्पन्न हुए; द्वापर में कल्याणकारी लैंग पुराण ग्यारह प्रकार से विभक्त हुआ।

श्लोक 102 (skanda.7.2.102)

स्कान्दं तु सप्तधा भिन्नं वेद व्यासेनधीमता। एकाशीतिसहस्राणि शतं चैकं तु संख्यया

skāndaṁ tu saptadhā bhinnaṁ veda vyāsenadhīmatā| ekāśītisahasrāṇi śataṁ caikaṁ tu saṁkhyayā

बुद्धिमान व्यास ने स्कान्द पुराण को सात भागों में विभक्त जाना; यह संख्या में इक्यासी हजार एक सौ श्लोकों का है।

श्लोक 103 (skanda.7.2.103)

तस्याऽऽद्यो यो विभागस्तु स्कन्दमाहात्म्यसंयुतः। माहेश्वरः समाख्यातो द्वितीयो वैष्णवः स्मृतः

tasyā'dyo yo vibhāgastu skandamāhātmyasaṁyutaḥ| māheśvaraḥ samākhyāto dvitīyo vaiṣṇavaḥ smṛtaḥ

उसका जो प्रथम विभाग है, वह स्कन्द के माहात्म्य से युक्त है और माहेश्वर नाम से कहा गया है; दूसरा वैष्णव माना गया है।

श्लोक 104 (skanda.7.2.104)

तृतीयो ब्रह्मणः प्रोक्तः सृष्टिसंक्षेपसूचकः। काशीमाहात्म्यसंयुक्तश्चतुर्थः परिपठ्यते

tṛtīyo brahmaṇaḥ proktaḥ sṛṣṭisaṁkṣepasūcakaḥ| kāśīmāhātmyasaṁyuktaścaturthaḥ paripaṭhyate

तीसरा ब्रह्मा का कहा गया है, जो सृष्टि के संक्षेप का सूचक है; चौथा काशी के माहात्म्य से युक्त पढ़ा जाता है।

श्लोक 105 (skanda.7.2.105)

रेवायाः पञ्चमो भागः सोज्जयिन्याः प्रकीर्तितः। षष्ठः कल्पो नागरश्च तीर्थमाहात्म्यसूचकः

revāyāḥ pañcamo bhāgaḥ sojjayinyāḥ prakīrtitaḥ| ṣaṣṭhaḥ kalpo nāgaraśca tīrthamāhātmyasūcakaḥ

पाँचवाँ भाग रेवा (नर्मदा) का है, जो उज्जयिनी सहित कहा गया है; छठा नागर कल्प है, जो तीर्थमाहात्म्य का सूचक है।

श्लोक 106 (skanda.7.2.106)

सप्तमो यो विभागोऽयं स्मृतः प्राभासिको द्विजाः। सर्वे द्वादशसाहस्रा विभागाः संप्रकीर्तिताः

saptamo yo vibhāgo'yaṁ smṛtaḥ prābhāsiko dvijāḥ| sarve dvādaśasāhasrā vibhāgāḥ saṁprakīrtitāḥ

हे द्विजो! जो यह सातवाँ विभाग है, वह प्राभासिक (प्रभासखण्ड) माना गया है; ये सब विभाग बारह-बारह हजार श्लोकों के कहे गए हैं।

श्लोक 107 (skanda.7.2.107)

अस्मिन्प्राभासिकः सर्वो वर्ण्यते क्षेत्रविस्तरः। तीर्थानां चैव माहात्म्यं माहात्म्यं शंकरस्य च

asminprābhāsikaḥ sarvo varṇyate kṣetravistaraḥ| tīrthānāṁ caiva māhātmyaṁ māhātmyaṁ śaṁkarasya ca

इसमें प्राभासिक क्षेत्र का सम्पूर्ण विस्तार वर्णित है, तथा तीर्थों का माहात्म्य और शंकर का माहात्म्य भी वर्णित है।

श्लोक 108 (skanda.7.2.108)

अन्येषां चैव देवानां माहात्म्यं च प्रकीर्त्यते। इति भेदः पुराणानां संक्षेपात्कथितो द्विजाः

anyeṣāṁ caiva devānāṁ māhātmyaṁ ca prakīrtyate| iti bhedaḥ purāṇānāṁ saṁkṣepātkathito dvijāḥ

अन्य देवताओं का माहात्म्य भी इसमें कहा गया है; इस प्रकार, हे द्विजो! पुराणों का भेद संक्षेप में कहा गया।

श्लोक 109 (skanda.7.2.109)

इममष्टादशानां तु पुराणानामनुक्रमम्। यः पठेद्धव्यकव्येषु स याति भवनं हरेः

imamaṣṭādaśānāṁ tu purāṇānāmanukramam| yaḥ paṭheddhavyakavyeṣu sa yāti bhavanaṁ hareḥ

जो इस अठारह पुराणों के अनुक्रम को हव्य-कव्य (देव-पितृकार्यों) के अवसर पर पढ़ता है, वह हरि के भवन को जाता है।

श्लोक 110 (skanda.7.2.110)

इदं पवित्रं हि यशोनिधानमिदं पितॄणामपि वल्लभं च। इदं च देवेष्वमृताय नित्यमिदं महापातकहृच्च पुंसाम्

idaṁ pavitraṁ hi yaśonidhānamidaṁ pitṝṇāmapi vallabhaṁ ca| idaṁ ca deveṣvamṛtāya nityamidaṁ mahāpātakahṛcca puṁsām

यह पवित्र है, यश का भण्डार है, यह पितरों को भी प्रिय है, यह देवताओं के लिए सदा अमृततुल्य है, और यह मनुष्यों के महापातकों का नाश करने वाला है।