वैश्वानरेश्वरमाहात्म्यवर्णनम्

श्लोक 1 (skanda.7.78.1)

ईश्वर उवाच। ततो गच्छेन्महादेवि देवं वैश्वानरेश्वरम्। तस्यैवाग्नेयकोणस्थं धनुषां पंचके स्थितम्

īśvara uvāca| tato gacchenmahādevi devaṁ vaiśvānareśvaram| tasyaivāgneyakoṇasthaṁ dhanuṣāṁ paṁcake sthitam

ईश्वर ने कहा—हे महादेवी, इसके पश्चात् देव वैश्वानरेश्वर के पास जाना चाहिए, जो उसी के आग्नेय कोण में पाँच धनुष की दूरी पर स्थित हैं।

श्लोक 2 (skanda.7.78.2)

पापघ्नं सर्वजंतूनां दर्शनात्स्पर्शनादपि। तत्र कश्चिच्छुकः पूर्वं नीडं देवि चकार ह

pāpaghnaṁ sarvajaṁtūnāṁ darśanātsparśanādapi| tatra kaściccchukaḥ pūrvaṁ nīḍaṁ devi cakāra ha

यह दर्शन और स्पर्श मात्र से सभी प्राणियों के पाप का नाश करने वाला है। हे देवी, पूर्वकाल में किसी शुक (तोते) ने वहाँ अपना नीड़ (घोंसला) बनाया था।

श्लोक 3 (skanda.7.78.3)

प्रासादे भार्यया सार्द्धं निवसन्सुचिरं स्थितः। ततस्तौ दंपती नित्यं प्रदक्षिणं प्रचक्रतुः

prāsāde bhāryayā sārddhaṁ nivasansuciraṁ sthitaḥ| tatastau daṁpatī nityaṁ pradakṣiṇaṁ pracakratuḥ

वह मंदिर में अपनी पत्नी के साथ बहुत समय तक रहा; तब वह दंपति नित्य ही प्रदक्षिणा किया करते थे।

श्लोक 4 (skanda.7.78.4)

कुलायस्य वशाद्देवि न तु भक्त्या कथंचन। कालेन महता तौ च पंचत्वं समुपस्थितौ

kulāyasya vaśāddevi na tu bhaktyā kathaṁcana| kālena mahatā tau ca paṁcatvaṁ samupasthitau

हे देवी, यह केवल अपने घोंसले के कारण होता था, किसी भी प्रकार भक्ति के कारण नहीं। दीर्घकाल के पश्चात् वे दोनों मृत्यु को प्राप्त हुए।

श्लोक 5 (skanda.7.78.5)

जातौ तेन प्रभावेन उक्तौ जातिस्मरौ भुवि। लोपामुद्रागस्त्यनामप्रसिद्धिं परमां गतौ

jātau tena prabhāveṇa uktau jātismarau bhuvi| lopāmudrāgastyanāmaprasiddhiṁ paramāṁ gatau

उसी प्रभाव से वे इस पृथ्वी पर जातिस्मर (पूर्वजन्म का स्मरण रखने वाले) कहलाकर जन्मे, और लोपामुद्रा तथा अगस्त्य नाम से परम प्रसिद्धि को प्राप्त हुए।

श्लोक 6 (skanda.7.78.6)

अथ गाथा पुरी गीता अगस्त्येन महात्मना। स्मरता पूर्वदेहं तु विस्मयेनानुभूतिजा

atha gāthā purī gītā agastyena mahātmanā| smaratā pūrvadehaṁ tu vismayenānubhūtijā

फिर पूर्व शरीर (पूर्वजन्म) का स्मरण करते हुए महात्मा अगस्त्य ने विस्मयपूर्वक अपने अनुभव से उत्पन्न यह प्राचीन गाथा गाई—

श्लोक 7 (skanda.7.78.7)

कृत्वा प्रदक्षिणं सम्यग्वह्नीशं यः प्रपश्यति। नूनं प्रसिद्धिमाप्नोति इतश्चाहं यथा पुरा

kṛtvā pradakṣiṇaṁ samyagvahnīśaṁ yaḥ prapaśyati| nūnaṁ prasiddhimāpnoti itaścāhaṁ yathā purā

'जो कोई विधिपूर्वक प्रदक्षिणा करके वह्नीश का दर्शन करता है, वह निश्चय ही प्रसिद्धि प्राप्त करता है, जैसे पूर्वजन्म में मैं यहीं से प्राप्त हुआ।'

श्लोक 8 (skanda.7.78.8)

एवं देवि तवाख्यातं माहात्म्यं वह्निदैवतम्। श्रुतं पापहरं नृणां सर्वकामफलप्रदम्

evaṁ devi tavākhyātaṁ māhātmyaṁ vahnidaivatam| śrutaṁ pāpaharaṁ nṛṇāṁ sarvakāmaphalapradam

हे देवी, इस प्रकार मैंने तुम्हें इस अग्नि-देवता के माहात्म्य का वर्णन किया, जिसका श्रवण मात्र मनुष्यों के पापों का हरण करने वाला तथा सभी कामनाओं का फल देने वाला है।

श्लोक 9 (skanda.7.78.9)

घृतेन तं तु संस्नाप्य विधिना वै समर्चयेत्। हेम दद्याच्च विप्रेंद्र सम्यक्छ्रद्धासमन्वितः

ghṛtena taṁ tu saṁsnāpya vidhinā vai samarcayet| hema dadyācca vipreṁdra samyakśraddhāsamanvitaḥ

उसे घृत से स्नान कराकर विधिपूर्वक उसकी अर्चना करनी चाहिए, और श्रेष्ठ विप्रों को श्रद्धापूर्वक स्वर्ण दान करना चाहिए।

श्लोक 10 (skanda.7.78.10)

एवं कृत्वा विधानेन सम्यग्यात्राफलं लभेत्। वह्निलोकं तु संप्राप्य मोदते कालमक्षयम्

evaṁ kṛtvā vidhānena samyagyātrāphalaṁ labhet| vahnilokaṁ tu saṁprāpya modate kālamakṣayam

इस विधि से पूजा करके मनुष्य पूर्ण यात्रा का फल प्राप्त करता है, और अग्निलोक को प्राप्त कर अनंत काल तक आनंदित रहता है।