वृषवाहनेश्वरमाहात्म्यवर्णनम्

श्लोक 1 (skanda.7.90.1)

ईश्वर उवाच। ततो गच्छेन्महादेवि चतुर्थं रुद्रमुत्तमम्। वृषभेश्वरनामानं कल्पलिंगं सुरप्रियम्

īśvara uvāca| tato gacchenmahādevi caturthaṁ rudramuttamam| vṛṣabheśvaranāmānaṁ kalpaliṅgaṁ surapriyam

ईश्वर ने कहा—तत्पश्चात्, हे महादेवि, चतुर्थ उत्तम रुद्र, वृषभेश्वर नामक कल्पलिंग, जो देवताओं को प्रिय है, वहाँ जाना चाहिए।

श्लोक 2 (skanda.7.90.2)

बालरूपी महादेवि यत्र ब्रह्मा स्वयं स्थितः। तस्यैव चोत्तरे भागे धनुषां त्रितये स्थितम्

bālarūpī mahādevi yatra brahmā svayaṁ sthitaḥ| tasyaiva cottare bhāge dhanuṣāṁ tritaye sthitam

बालरूप में, हे महादेवि, जहाँ स्वयं ब्रह्मा स्थित हैं; वह उसी के उत्तर भाग में तीन धनुष की दूरी पर स्थित है।

श्लोक 3 (skanda.7.90.3)

आद्यं महाप्रभावं हि नापुण्यो वेद मानवः। तस्यैव कल्पनामानि सांप्रतं प्रब्रवीमि ते

ādyaṁ mahāprabhāvaṁ hi nāpuṇyo veda mānavaḥ| tasyaiva kalpanāmāni sāṁprataṁ prabravīmi te

यह आदि, अत्यंत महाप्रभावशाली है; अपुण्यात्मा मनुष्य इसे नहीं जानता। अब मैं तुम्हें इसके कल्प-कल्प के नामों को बताता हूँ।

श्लोक 4 (skanda.7.90.4)

पूर्वकल्पे महादेवि ब्रह्मेश्वर इति स्मृतः। ब्रह्मणाराधितः पूर्वं वर्षाणामयुतं प्रिये

pūrvakalpe mahādevi brahmeśvara iti smṛtaḥ| brahmaṇārādhitaḥ pūrvaṁ varṣāṇāmayutaṁ priye

पूर्व कल्प में, हे महादेवि, यह ब्रह्मेश्वर नाम से स्मृत था; हे प्रिये, इसकी ब्रह्मा ने पूर्वकाल में दस हजार वर्षों तक आराधना की थी।

श्लोक 5 (skanda.7.90.5)

सृष्टिकामेन देवेन ततस्तुष्टो महेश्वरः। चतुर्विधां भूतसृष्टिं ततश्चक्रे पितामहः

sṛṣṭikāmena devena tatastuṣṭo maheśvaraḥ| caturvidhāṁ bhūtasṛṣṭiṁ tataścakre pitāmahaḥ

सृष्टि की इच्छा रखने वाले देव (ब्रह्मा) से महेश्वर तब प्रसन्न हुए; तब पितामह ने प्राणियों की चतुर्विध सृष्टि रची।

श्लोक 6 (skanda.7.90.6)

ब्रह्मणस्त्वीशभावेन गतस्तुष्टिं यतो हरः। तेन ब्रह्मेश्वरं नाम तस्मिँल्लिंगे पुराऽभवत्

brahmaṇastvīśabhāvena gatastuṣṭiṁ yato haraḥ| tena brahmeśvaraṁ nāma tasmilliṅge purā'bhavat

चूँकि ब्रह्मा के ईशभाव के कारण हर प्रसन्न हुए, इसीलिए उस लिंग का नाम पूर्वकाल में ब्रह्मेश्वर हुआ।

श्लोक 7 (skanda.7.90.7)

ततो द्वितीयकल्पे तु संप्राप्ते वरवर्णिनि। रैवतेश्वरनामेति प्रख्यातं धरणीतले

tato dvitīyakalpe tu saṁprāpte varavarṇini| raivateśvaranāmeti prakhyātaṁ dharaṇītale

फिर द्वितीय कल्प के आने पर, हे वरवर्णिनि, यह पृथ्वीतल पर रैवतेश्वर नाम से विख्यात हुआ।

श्लोक 8 (skanda.7.90.8)

रैवतो नाम राजाऽभूद्ब्रह्मांडे सचराचरे। जगद्योनिर्जिगायेदं तल्लिंगस्य प्रभावतः

raivato nāma rājā'bhūdbrahmāṇḍe sacarācare| jagadyonirjigāyedaṁ talliṅgasya prabhāvataḥ

इस चराचर ब्रह्मांड में रैवत नामक एक राजा था, जगत् का मूल; उसने उस लिंग के प्रभाव से इसे जीत लिया।

श्लोक 9 (skanda.7.90.9)

रैवतेश्वरनामाभूत्तेन लिंगं महाप्रभम्। पुनस्तृतीयकल्पे तु संप्राप्ते वरवर्णिनि

raivateśvaranāmābhūttena liṅgaṁ mahāprabham| punastṛtīyakalpe tu saṁprāpte varavarṇini

इससे वह लिंग रैवतेश्वर नाम से महाप्रभावशाली हुआ। फिर पुनः तृतीय कल्प के आने पर, हे वरवर्णिनि,

श्लोक 10 (skanda.7.90.10)

वृषभेश्वरनामाभूत्तस्य लिंगस्य भामिनि। ममैव वाहनं योऽसौ धर्मोयं वृषरूपधृक्

vṛṣabheśvaranāmābhūttasya liṅgasya bhāmini| mamaiva vāhanaṁ yo'sau dharmo'yaṁ vṛṣarūpadhṛk

—उस लिंग का नाम वृषभेश्वर हुआ, हे भामिनि; वह जो मेरा ही वाहन है, यह धर्म ही, वृषरूपधारी—

श्लोक 11 (skanda.7.90.11)

तेन तत्पूजितं लिंगं दिव्याब्दानां सहस्रकम्। ततस्तुष्टेन देवेशि नीतः सायुज्यतां वृषः

tena tatpūjitaṁ liṅgaṁ divyābdānāṁ sahasrakam| tatastuṣṭena deveśi nītaḥ sāyujyatāṁ vṛṣaḥ

—उसने उस लिंग की एक हजार दिव्य वर्षों तक पूजा की; तब प्रसन्न होकर, हे देवेशि, उस वृषभ को सायुज्य मुक्ति प्रदान की गई।

श्लोक 12 (skanda.7.90.12)

तेन तल्लिंगमभवद्वृषभेशेति भूतले। ततश्चतुर्थे संप्राप्ते वाराहेकल्प संज्ञिते

tena talliṅgamabhavadvṛṣabheśeti bhūtale| tataścaturthe saṁprāpte vārāhekalpa saṁjñite

उससे वह लिंग पृथ्वीतल पर वृषभेश नाम से प्रसिद्ध हुआ। फिर वाराह नामक चतुर्थ कल्प के आने पर,

श्लोक 13 (skanda.7.90.13)

अष्टाविंशतिमे तत्र त्रेतायुगमुखे तदा। इक्ष्वाकुर्नाम राजाऽभूत्सूर्यवंशविभूषणः

aṣṭāviṁśatime tatra tretāyugamukhe tadā| ikṣvākurnāma rājā'bhūtsūryavaṁśavibhūṣaṇaḥ

—उस अट्ठाइसवें युग में, त्रेतायुग के आरंभ में, सूर्यवंश के आभूषण इक्ष्वाकु नामक राजा हुए।

श्लोक 14 (skanda.7.90.14)

स लिंगं पूजयामास त्रिकालं भक्तिभावितः। एकाहारो जिताहारो भूभिशायी जितेंद्रियः

sa liṅgaṁ pūjayāmāsa trikālaṁ bhaktibhāvitaḥ| ekāhāro jitāhāro bhūbhiśāyī jitendriyaḥ

उन्होंने भक्तिभाव से त्रिकाल उस लिंग की पूजा की; एकाहारी, संयमित आहारवाले, भूमि पर शयन करने वाले, जितेंद्रिय।

श्लोक 15 (skanda.7.90.15)

एवं काले बहुविधे ततस्तुष्टो महेश्वरः। ददौ राज्यं महोदग्रं संततिं पुत्र पौत्रिकीम्

evaṁ kāle bahuvidhe tatastuṣṭo maheśvaraḥ| dadau rājyaṁ mahodagraṁ saṁtatiṁ putra pautrikīm

इस प्रकार बहुविध काल के व्यतीत होने पर महेश्वर प्रसन्न हुए; उन्होंने उसे विशाल राज्य तथा पुत्र-पौत्रों की संतति प्रदान की।

श्लोक 16 (skanda.7.90.16)

इक्ष्वाक्वीश्वरनामाभूत्तेनेदं लिंगमुत्तमम्। यस्तं पूजयते भक्त्या देवं वृषभवाहनम्

ikṣvākvīśvaranāmābhūttenedaṁ liṅgamuttamam| yastaṁ pūjayate bhaktyā devaṁ vṛṣabhavāhanam

इक्ष्वाक्वीश्वर नाम हुआ; इससे यह लिंग उत्तम हो गया। जो उस वृषभवाहन देव की भक्तिपूर्वक पूजा करता है,

श्लोक 17 (skanda.7.90.17)

सप्तजन्मकृतैः पापैर्मुच्यते नात्र संशयः। त्रिंशद्धनुष्प्रमाणेन तस्य क्षेत्रचतुर्द्दिशम्

saptajanmakṛtaiḥ pāpairmucyate nātra saṁśayaḥ| triṁśaddhanuṣpramāṇena tasya kṣetracaturddiśam

—वह सात जन्मों में किए गए पापों से मुक्त हो जाता है, इसमें कोई संशय नहीं। इसका क्षेत्र चारों दिशाओं में तीस धनुष के परिमाण तक फैला है।

श्लोक 18 (skanda.7.90.18)

स्नानं जाप्यं बलिं होमं पूजां स्तोत्रमुदीरणम्। तस्मिंस्तीर्थे तु यः कुर्यात्तत्सर्वं चाक्षयं भवेत्

snānaṁ jāpyaṁ baliṁ homaṁ pūjāṁ stotramudīraṇam| tasmiṁstīrthe tu yaḥ kuryāttatsarvaṁ cākṣayaṁ bhavet

जो कोई उस तीर्थ में स्नान, जप, बलि, होम, पूजा तथा स्तोत्र-पाठ करता है, वह सब अक्षय हो जाता है।

श्लोक 19 (skanda.7.90.19)

चतुष्कोणांतरा क्षेत्रमेवं मात्राप्रमाणतः। एकरात्रोषितो भूत्वा तस्य लिंगस्य सन्निधौ

catuṣkoṇāntarā kṣetramevaṁ mātrāpramāṇataḥ| ekarātroṣito bhūtvā tasya liṅgasya sannidhau

इस प्रकार वह क्षेत्र चतुष्कोण आकार में इस मात्रा के अनुसार है। उस लिंग के समीप एक रात्रि उपवासपूर्वक रहकर,

श्लोक 20 (skanda.7.90.20)

ब्रह्मचर्येण जागर्त्ति स पापैः संप्रमुच्यते। होमजाप्यसमाधिस्थो नृत्यगीतादिवादनैः

brahmacaryeṇa jāgartti sa pāpaiḥ saṁpramucyate| homajāpyasamādhistho nṛtyagītādivādanaiḥ

—जो ब्रह्मचर्यपूर्वक जागरण करता है, वह पापों से मुक्त हो जाता है; होम, जप और समाधि में स्थित, नृत्य-गीत आदि वाद्यों के बीच,

श्लोक 21 (skanda.7.90.21)

गोघ्नो वा ब्रह्महा पापी मुच्यते दुष्कृतैर्नरः। यः संप्रीणयते विप्रांस्तत्र भोज्यैः पृथग्विधैः

goghno vā brahmahā pāpī mucyate duṣkṛtairnaraḥ| yaḥ saṁprīṇayate viprāṁstatra bhojyaiḥ pṛthagvidhaiḥ

—गोघाती या ब्रह्महत्यारा पापी मनुष्य भी अपने दुष्कृत्यों से मुक्त हो जाता है, जो वहाँ ब्राह्मणों को विविध भोज्य पदार्थों से संतुष्ट करता है।

श्लोक 22 (skanda.7.90.22)

एकस्मिन्भोजिते विप्रे कोटिर्भवति भोजिता। भैरवं चैव केदारं पुष्करं द्रुतिजंगमम्

ekasminbhojite vipre koṭirbhavati bhojitā| bhairavaṁ caiva kedāraṁ puṣkaraṁ drutijaṅgamam

वहाँ एक ब्राह्मण को भोजन कराने पर एक करोड़ भोजन कराने का फल प्राप्त होता है। भैरव, तथा केदार, पुष्कर और द्रुतिजंगम—

श्लोक 23 (skanda.7.90.23)

वाराणसी कुरुक्षेत्रं महा कालं च नैमिषम्। एतत्तीर्थाष्टकं देवि तस्मिँल्लिंगे व्यवस्थितम्

vārāṇasī kurukṣetraṁ mahā kālaṁ ca naimiṣam| etattīrthāṣṭakaṁ devi tasmilliṅge vyavasthitam

—वाराणसी, कुरुक्षेत्र, महाकाल और नैमिष—ये आठ तीर्थ, हे देवि, उस लिंग में ही स्थित हैं।

श्लोक 24 (skanda.7.90.24)

माघे कृष्णचतुर्द्दश्यां तत्र यो जागृयान्निशि। संपूज्य विधिना देवं स तीर्थाष्टफलं लभेत्

māghe kṛṣṇacaturddaśyāṁ tatra yo jāgṛyānniśi| saṁpūjya vidhinā devaṁ sa tīrthāṣṭaphalaṁ labhet

माघ मास की कृष्ण चतुर्दशी को जो वहाँ रात्रि में जागरण करता है, विधिपूर्वक देव की पूजा करके वह आठों तीर्थों का फल प्राप्त करता है।

श्लोक 25 (skanda.7.90.25)

ददाति तत्र यः पिण्डं नष्टेन्दौ शिवसंनिधौ। तृप्यन्ति पितरस्तस्य यावद्ब्रह्मदिनान्तकम्

dadāti tatra yaḥ piṇḍaṁ naṣṭendau śivasannidhau| tṛpyanti pitarastasya yāvadbrahmadināntakam

जो वहाँ अमावस्या की रात्रि में शिव के समीप पिंडदान करता है, उसके पितर ब्रह्मा के दिन के अंत तक तृप्त रहते हैं।

श्लोक 26 (skanda.7.90.26)

दधिक्षीर घृतेनैव पंचगव्यकुशोदकैः। कुंकुमागरुकर्पूरैस्तल्लिगं पूजयेन्निशि

dadhikṣīra ghṛtenaiva pañcagavyakuśodakaiḥ| kuṁkumāgarukarpūraistalliṅgaṁ pūjayenniśi

दधि, क्षीर तथा घृत से, पंचगव्य और कुशोदक से, कुंकुम, अगुरु और कर्पूर से रात्रि में उस लिंग की पूजा करनी चाहिए।

श्लोक 27 (skanda.7.90.27)

संमंत्र्याघोरमंत्रेण ध्यात्वा देवं सदाशिवम्। एवं कृत्वा महादेवि मुच्यते पंचपातकैः

saṁmantryāghoramantreṇa dhyātvā devaṁ sadāśivam| evaṁ kṛtvā mahādevi mucyate pañcapātakaiḥ

अघोर मंत्र से भलीभाँति मंत्रोच्चार करके, सदाशिव देव का ध्यान करते हुए—इस प्रकार करने से, हे महादेवि, मनुष्य पंच महापातकों से मुक्त हो जाता है।

श्लोक 28 (skanda.7.90.28)

अष्टम्यां च चतुर्द्दश्यां दध्ना संस्नापयेद्यदि। स ब्राह्मणश्चतुर्वेदो जायते नात्र संशयः

aṣṭamyāṁ ca caturddaśyāṁ dadhnā saṁsnāpayedyadi| sa brāhmaṇaścaturvedo jāyate nātra saṁśayaḥ

यदि अष्टमी और चतुर्दशी को दधि से स्नान कराया जाए, तो मनुष्य चतुर्वेदी ब्राह्मण होकर जन्म लेता है, इसमें कोई संदेह नहीं।

श्लोक 29 (skanda.7.90.29)

क्षीरेण स्नापयेद्देवि यदि तं वृषभेश्वरम्। सप्तधेनुसहस्राणां स फलं विंदते महत्

kṣīreṇa snāpayeddevi yadi taṁ vṛṣabheśvaram| saptadhenusahasrāṇāṁ sa phalaṁ viṁdate mahat

हे देवि, यदि उस वृषभेश्वर को क्षीर से स्नान कराया जाए, तो सात हजार गौओं के दान का महान फल प्राप्त होता है।

श्लोक 30 (skanda.7.90.30)

जन्मांतरेण यत्पापं सांप्रतं यत्कृतं प्रिये। तत्सर्वं नाशमायाति घृतस्नानेन भामिनि

janmāntareṇa yatpāpaṁ sāṁprataṁ yatkṛtaṁ priye| tatsarvaṁ nāśamāyāti ghṛtasnānena bhāmini

पूर्वजन्म में किया गया अथवा अभी किया गया जो भी पाप हो, हे प्रिये, वह सब घृत-स्नान से नष्ट हो जाता है, हे भामिनि।

श्लोक 31 (skanda.7.90.31)

पंचगव्येन यो देवि स्नापयेद्वृषभेश्वरम्। स दहेत्सर्वपापानि सर्वयज्ञफलं लभेत्

pañcagavyena yo devi snāpayedvṛṣabheśvaram| sa dahetsarvapāpāni sarvayajñaphalaṁ labhet

हे देवि, जो पंचगव्य से वृषभेश्वर को स्नान कराता है, वह अपने समस्त पापों को भस्म कर देता है और सर्वयज्ञों का फल प्राप्त करता है।

श्लोक 32 (skanda.7.90.32)

तद्दृष्ट्वा ब्रह्महा गोघ्नः स्तेयी च गुरुतल्पगः। शरणागतघाती च मित्रविश्रंभघातकः

taddṛṣṭvā brahmahā goghnaḥ steyī ca gurutalpagaḥ| śaraṇāgataghātī ca mitraviśraṁbhaghātakaḥ

उसका दर्शन करने पर ब्रह्महत्यारा, गोघाती, चोर, गुरुपत्नीगामी, शरणागतघाती तथा विश्वासी मित्र का घातक भी—

श्लोक 33 (skanda.7.90.33)

दुष्टपापसमाचारो मातृहा पितृहा तथा। मुच्यते सर्वपापैस्तु तल्लिंगाराधनोद्यतः

duṣṭapāpasamācāro mātṛhā pitṛhā tathā| mucyate sarvapāpaistu talliṅgārādhanodyataḥ

—दुष्ट पापाचारी, मातृहंता अथवा पितृहंता भी, यदि उस लिंग की आराधना में तत्पर हो, तो सब पापों से मुक्त हो जाता है।

श्लोक 34 (skanda.7.90.34)

कार्तिकं सकलं यस्तु पूजयेद्ब्रह्मणा सह। ब्रह्मेश्वरं महालिंगं स मुक्तः पातकैर्भवेत्

kārtikaṁ sakalaṁ yastu pūjayedbrahmaṇā saha| brahmeśvaraṁ mahāliṅgaṁ sa muktaḥ pātakairbhavet

जो कार्तिक मास भर ब्रह्मा के साथ ब्रह्मेश्वर महालिंग की पूजा करता है, वह पापों से मुक्त हो जाता है।

श्लोक 35 (skanda.7.90.35)

तेन दत्तं भवेत्सर्वं गुरवस्तेन तोषिताः। श्राद्धं कृतं गयातीर्थे तेन तप्तं महत्तपः। येन देवाधिदेवोऽसौ पूजितो वृषभेश्वरः

tena dattaṁ bhavetsarvaṁ guravastena toṣitāḥ| śrāddhaṁ kṛtaṁ gayātīrthe tena taptaṁ mahattapaḥ| yena devādhidevo'sau pūjito vṛṣabheśvaraḥ

जिसने देवाधिदेव उस वृषभेश्वर की पूजा कर ली, मानो उसने ही सब कुछ दान कर दिया, सब गुरुओं को संतुष्ट कर दिया, गयातीर्थ में श्राद्ध कर लिया तथा महान तप कर लिया।

श्लोक 36 (skanda.7.90.36)

इति ते कथितं देवि माहात्म्यं देवपूजितम्। वृषभेश्वरदेवस्य कल्पलिंगस्य भामिनि

iti te kathitaṁ devi māhātmyaṁ devapūjitam| vṛṣabheśvaradevasya kalpaliṅgasya bhāmini

इस प्रकार तुम्हें, हे देवि, देवपूजित वृषभेश्वर देव के कल्पलिंग का माहात्म्य कहा गया, हे भामिनि।

श्लोक 37 (skanda.7.90.37)

यः शृणोति महादेवि माहात्म्यं दैवदेवतम्। मूर्खो वा पंडितो वाऽपि स याति परमां गतिम्

yaḥ śṛṇoti mahādevi māhātmyaṁ daivadevatam| mūrkho vā paṇḍito vā'pi sa yāti paramāṁ gatim

हे महादेवि, जो कोई इस दैवदेवतामय माहात्म्य को सुनता है—चाहे वह मूर्ख हो या पंडित—वह परम गति को प्राप्त होता है।