अघोरेश्वरमाहात्म्यवर्णनम्

श्लोक 1 (skanda.7.92.1)

ईश्वर उवाच। ततो गच्छेन्महादेवि अघोरेश्वरमुत्तमम्। षष्ठं लिंगं समाख्यातं तद्वक्त्रं भैरवं स्मृतम्

īśvara uvāca| tato gacchenmahādevi aghoreśvaramuttamam| ṣaṣṭhaṁ liṅgaṁ samākhyātaṁ tadvaktraṁ bhairavaṁ smṛtam

ईश्वर ने कहा—तत्पश्चात्, हे महादेवि, उत्तम अघोरेश्वर के पास जाना चाहिए; यह छठा लिंग कहा गया है, जिसका मुख भैरव स्मृत है।

श्लोक 2 (skanda.7.92.2)

त्र्यंबकेश्वरवायव्ये धनुषां पंचके स्थितम्। सर्वकामप्रदं पुण्यं कलिकल्मषनाशनम्

tryambakeśvaravāyavye dhanuṣāṁ pañcake sthitam| sarvakāmapradaṁ puṇyaṁ kalikalmaṣanāśanam

त्र्यंबकेश्वर से वायव्य दिशा में पाँच धनुष की दूरी पर स्थित; यह सब कामनाओं को देने वाला, पुण्यकारी तथा कलियुग के पापों का नाशक है।

श्लोक 3 (skanda.7.92.3)

यस्तं पूजयते भक्त्या स्नानपूजादिभिः क्रमात्। मेरुदानस्य कृत्स्नस्य स लभेन्मनुजः फलम्

yastaṁ pūjayate bhaktyā snānapūjādibhiḥ kramāt| merudānasya kṛtsnasya sa labhenmanujaḥ phalam

जो व्यक्ति स्नान, पूजा आदि क्रमशः भक्तिपूर्वक उसकी पूजा करता है, वह संपूर्ण मेरुदान का फल प्राप्त करता है।

श्लोक 4 (skanda.7.92.4)

दक्षिणामूर्तिमास्थाय यत्किंचित्तत्र दीयते। अघोरेश्वरदेवस्य तत्सर्वं चाक्षयं भवेत्

dakṣiṇāmūrtimāsthāya yatkiṁcittatra dīyate| aghoreśvaradevasya tatsarvaṁ cākṣayaṁ bhavet

दक्षिणामूर्ति रूप में स्थित उस अघोरेश्वर देव को वहाँ जो भी थोड़ा-बहुत दिया जाता है, वह सब अक्षय हो जाता है।

श्लोक 5 (skanda.7.92.5)

यः श्राद्धं कुरुते तत्र अघोरेश्वरदक्षिणे। आकल्पं तृप्तिमायांति पितरस्तस्य तर्पिताः

yaḥ śrāddhaṁ kurute tatra aghoreśvaradakṣiṇe| ākalpaṁ tṛptimāyānti pitarastasya tarpitāḥ

जो वहाँ अघोरेश्वर के दक्षिण में श्राद्ध करता है, उसके पितर उससे तर्पित होकर कल्प के अंत तक तृप्ति को प्राप्त होते हैं।

श्लोक 6 (skanda.7.92.6)

किं श्राद्धेन गयातीर्थे वाजिमेधेन किं प्रिये। तत्र श्राद्धेन तत्सर्वं फलमभ्यधिकं लभेत्

kiṁ śrāddhena gayātīrthe vājimedhena kiṁ priye| tatra śrāddhena tatsarvaṁ phalamabhyadhikaṁ labhet

हे प्रिये, वहाँ श्राद्ध करने से गयातीर्थ के श्राद्ध अथवा अश्वमेध की क्या आवश्यकता रह जाती है? वहाँ श्राद्ध करने से वह सब फल अधिक मात्रा में प्राप्त हो जाता है।

श्लोक 7 (skanda.7.92.7)

त्रुटिमात्रमपि स्वर्णं यात्रायां यः प्रयच्छति। स सर्वं फलमाप्नोति महादानस्य भूरिशः

truṭimātramapi svarṇaṁ yātrāyāṁ yaḥ prayacchati| sa sarvaṁ phalamāpnoti mahādānasya bhūriśaḥ

जो यात्रा में स्वर्ण का एक कण मात्र भी देता है, वह महादान का संपूर्ण फल बहुगुणित रूप में प्राप्त करता है।

श्लोक 8 (skanda.7.92.8)

ब्रह्मकूर्चं चरेद्यस्तु सोमाष्टम्यां विधानतः। अघोरेश्वरसांनिध्ये अघोरेणाभिमंत्रितम्। षडब्दस्य महत्तेन प्रायश्चित्तं कृतं भवेत्

brahmakūrcaṁ caredyastu somāṣṭamyāṁ vidhānataḥ| aghoreśvarasāṁnidhye aghoreṇābhimantritam| ṣaḍabdasya mahattena prāyaścittaṁ kṛtaṁ bhavet

जो सोमाष्टमी को अघोरेश्वर के समीप, अघोर मंत्र से अभिमंत्रित ब्रह्मकूर्च व्रत विधिपूर्वक करता है, उससे छह वर्षों के महान प्रायश्चित्त का फल प्राप्त होता है।

श्लोक 9 (skanda.7.92.9)

इति संक्षेपतः प्रोक्तमघोरेशमहोदयम्। माहात्म्यं सर्वपापघ्नं श्रुतं सर्वार्थसाधकम्

iti saṁkṣepataḥ proktamaghoreśamahodayam| māhātmyaṁ sarvapāpaghnaṁ śrutaṁ sarvārthasādhakam

इस प्रकार संक्षेप में अघोरेश का यह महान माहात्म्य कहा गया, जो सर्वपापनाशक है और सुनने मात्र से सर्वार्थसाधक है।