भैरवेश्वरमाहात्म्यवर्णनम्

श्लोक 1 (skanda.7.94.1)

ईश्वर उवाच। ततो गच्छेन्महादेवि भैरवेश्वरमुत्तमम्। तस्यैव वह्निकोणस्थं धनुषांदशके स्थितम्

īśvara uvāca| tato gacchenmahādevi bhairaveśvaramuttamam| tasyaiva vahnikoṇasthaṁ dhanuṣāṁ daśake sthitam

ईश्वर ने कहा—तत्पश्चात्, हे महादेवि, उसी के अग्निकोण में दस धनुष की दूरी पर स्थित उत्तम भैरवेश्वर के पास जाना चाहिए।

श्लोक 2 (skanda.7.94.2)

सर्वकामप्रदं देवि दारिद्र्यौघविनाशनम्। पूर्वं चण्डेश्वरंनाम ख्यातं कृतयुगे प्रिये

sarvakāmapradaṁ devi dāridryaughavināśanam| pūrvaṁ caṇḍeśvaraṁ nāma khyātaṁ kṛtayuge priye

हे देवि, यह सब कामनाओं का दाता तथा दारिद्र्य के समूह का विनाशक है; पूर्वकाल में, कृतयुग में, हे प्रिये, यह चण्डेश्वर नाम से विख्यात था।

श्लोक 3 (skanda.7.94.3)

चण्डोनाम गणो देवि तेन चाराधितं पुरा। दिव्याब्दानां सहस्रं तु तेन चण्डेश्वरं स्मृतम्

caṇḍo nāma gaṇo devi tena cārādhitaṁ purā| divyābdānāṁ sahasraṁ tu tena caṇḍeśvaraṁ smṛtam

चण्ड नामक गण ने, हे देवि, पूर्वकाल में एक हजार दिव्य वर्षों तक उनकी आराधना की; उससे वे चण्डेश्वर नाम से स्मृत हुए।

श्लोक 4 (skanda.7.94.4)

तं दृष्ट्वा देवदेवेशं स्पृष्ट्वा च सुसमाहितः। मुच्यते सकलात्पापादाजन्ममरणांतिकात्

taṁ dṛṣṭvā devadeveśaṁ spṛṣṭvā ca susamāhitaḥ| mucyate sakalātpāpādājanmamaraṇāntikāt

उस देवदेवेश का दर्शन करके तथा स्पर्श करके, सुसमाहितचित्त होकर, मनुष्य जन्म से लेकर मृत्यु तक के समस्त पापों से मुक्त हो जाता है।

श्लोक 5 (skanda.7.94.5)

तत्र कृष्णचतुर्दश्यां मासे भाद्रपदे प्रिये। उपवास परो भूत्वा यः करोति प्रजागरम्। स याति परमं स्थानं यत्र देवो महेश्वरः

tatra kṛṣṇacaturdaśyāṁ māse bhādrapade priye| upavāsa paro bhūtvā yaḥ karoti prajāgaram| sa yāti paramaṁ sthānaṁ yatra devo maheśvaraḥ

हे प्रिये, भाद्रपद मास की कृष्ण चतुर्दशी को जो वहाँ पूर्ण उपवासपूर्वक रात्रिजागरण करता है, वह उस परम स्थान को प्राप्त होता है जहाँ देव महेश्वर विराजते हैं।

श्लोक 6 (skanda.7.94.6)

वाचिकं मानसं पापं कर्मणा यदुपार्जितम्। तत्सर्वं नाशमायाति तस्य लिंगस्य दर्शनात्

vācikaṁ mānasaṁ pāpaṁ karmaṇā yadupārjitam| tatsarvaṁ nāśamāyāti tasya liṅgasya darśanāt

वाणी, मन अथवा कर्म से अर्जित जो भी पाप हो, वह सब उस लिंग के दर्शन से नष्ट हो जाता है।

श्लोक 7 (skanda.7.94.7)

तिला हिरण्यं वस्त्राणि तत्र देयं मनीषिणे। सर्वकिल्विषनाशार्थं सम्यग्यात्राफलेप्सुना

tilā hiraṇyaṁ vastrāṇi tatra deyaṁ manīṣiṇe| sarvakilviṣanāśārthaṁ samyagyātrāphalepsunā

यात्रा के संपूर्ण फल के इच्छुक व्यक्ति को वहाँ तिल, स्वर्ण तथा वस्त्र समस्त पापों के नाश हेतु किसी विद्वान को देने चाहिए।

श्लोक 8 (skanda.7.94.8)

भैरवाकारमास्थाय कल्पान्ते स हरेद्यतः। विश्वं समग्रं देवेशि तेनासौ भैरवः स्मृतः

bhairavākāramāsthāya kalpānte sa haredyataḥ| viśvaṁ samagraṁ deveśi tenāsau bhairavaḥ smṛtaḥ

चूँकि कल्प के अंत में भैरव रूप धारण करके वे संपूर्ण विश्व का संहार करते हैं, हे देवेशि, इसीलिए वे भैरव नाम से स्मृत हैं।

श्लोक 9 (skanda.7.94.9)

अस्मिन्कल्पे महादेवि प्रभासक्षेत्रमास्थितः। बभूव भैरवो रुद्रः कल्पान्ते लिंगमूर्तिमान्

asminkalpe mahādevi prabhāsakṣetramāsthitaḥ| babhūva bhairavo rudraḥ kalpānte liṅgamūrtimān

इस कल्प में, हे महादेवि, प्रभासक्षेत्र में स्थित होकर, कल्प के अंत में रुद्र भैरव लिंगमूर्ति के रूप में प्रकट हुए।

श्लोक 10 (skanda.7.94.10)

एवं संक्षेपतः प्रोक्तं माहात्म्यं भैरवेश्वरम्। यच्छ्रुत्वा मुच्यते जन्तुः पातकादतिभैरवात्

evaṁ saṁkṣepataḥ proktaṁ māhātmyaṁ bhairaveśvaram| yacchrutvā mucyate jantuḥ pātakādatibhairavāt

इस प्रकार संक्षेप में भैरवेश्वर का माहात्म्य कहा गया; जिसे सुनकर प्राणी अत्यंत भयंकर पाप से भी मुक्त हो जाता है।