मृत्युञ्जयमाहात्म्यवर्णनम्

श्लोक 1 (skanda.7.95.1)

ईश्वर उवाच। ततो गच्छेद्वरारोहे लिंगं मृत्युञ्जयेश्वरम्। तस्यैव वह्नि कोणस्थं धनुषां दशके स्थितम्

īśvara uvāca| tato gacchedvarārohe liṅgaṁ mṛtyuñjayeśvaram| tasyaiva vahnikoṇasthaṁ dhanuṣāṁ daśake sthitam

ईश्वर ने कहा—तत्पश्चात्, हे वरारोहे, उसी के अग्निकोण में दस धनुष की दूरी पर स्थित मृत्युंजयेश्वर लिंग के पास जाना चाहिए।

श्लोक 2 (skanda.7.95.2)

पश्चिमे सागरादित्यात्स्थितं धनुश्चतुष्टये। पापघ्नं सर्वजन्तूनां दर्शनात्स्पर्शनादपि

paścime sāgarādityātsthitaṁ dhanuścatuṣṭaye| pāpaghnaṁ sarvajantūnāṁ darśanātsparśanādapi

सागरादित्य से पश्चिम में चार धनुष की दूरी पर स्थित; यह समस्त प्राणियों के पाप का नाशक है, दर्शन और स्पर्श दोनों से।

श्लोक 3 (skanda.7.95.3)

पूर्वे युगे समाख्यातं नाम नन्दीश्वरेति च। यत्र तप्तं तपो घोरं नन्दिनाम्ना गणेन मे

pūrve yuge samākhyātaṁ nāma nandīśvareti ca| yatra taptaṁ tapo ghoraṁ nandināmnā gaṇena me

पूर्वयुग में यह नन्दीश्वर नाम से विख्यात था; जहाँ मेरे नन्दी नामक गण ने घोर तप किया था।

श्लोक 4 (skanda.7.95.4)

प्रतिष्ठाप्य महालिंगं नित्यं पूजापरेण च। तत्र जप्तो महामन्त्रो मृत्युञ्जय इति श्रुतः

pratiṣṭhāpya mahāliṅgaṁ nityaṁ pūjāpareṇa ca| tatra japto mahāmantro mṛtyuñjaya iti śrutaḥ

महालिंग की स्थापना करके तथा सदैव पूजापरायण होकर, वहाँ मृत्युंजय नामक महामंत्र का जप किया गया।

श्लोक 5 (skanda.7.95.5)

कोटीनां नियुतं देवि ततस्तुष्टो महेश्वरः। ददौ गणेशतां तस्य मुक्तिं सामीप्यगां तथा

koṭīnāṁ niyutaṁ devi tatastuṣṭo maheśvaraḥ| dadau gaṇeśatāṁ tasya muktiṁ sāmīpyagāṁ tathā

हे देवि, तीस करोड़ बार जप करने पर महेश्वर प्रसन्न हुए; उन्होंने उसे गणेशत्व तथा सामीप्य मुक्ति प्रदान की।

श्लोक 6 (skanda.7.95.6)

मृत्युञ्जयेन मन्त्रेण तस्य तुष्टो यतो हरः। तेन मृत्युञ्जयेशेति ख्यातं लिंगं धरातले

mṛtyuñjayena mantreṇa tasya tuṣṭo yato haraḥ| tena mṛtyuñjayeśeti khyātaṁ liṅgaṁ dharātale

मृत्युंजय मंत्र से हर उससे प्रसन्न हुए; इसीलिए वह लिंग पृथ्वीतल पर मृत्युंजयेश नाम से विख्यात हुआ।

श्लोक 7 (skanda.7.95.7)

यस्तं पूजयते भक्त्या पश्येद्वा भावितात्मवान्। नाशयेत्तस्य पापानि सप्तजन्मार्जितान्यपि

yastaṁ pūjayate bhaktyā paśyedvā bhāvitātmavān| nāśayettasya pāpāni saptajanmārjitānyapi

जो उसकी भक्तिपूर्वक पूजा करता है, अथवा भावितचित्त होकर उसका दर्शन करता है, वह सात जन्मों में अर्जित पापों को भी नष्ट कर देता है।

श्लोक 8 (skanda.7.95.8)

स्नापयेत्पयसा लिंगं दध्ना घृतयुतेन च। मधुनेक्षुरसेनैव कुंकुमेन विलेपयेत्

snāpayetpayasā liṅgaṁ dadhnā ghṛtayutena ca| madhunekṣurasenaiva kuṁkumena vilepayet

उस लिंग को दूध से, दधि और घृत के मिश्रण से, तथा मधु और इक्षुरस से स्नान कराना चाहिए; कुंकुम से विलेपन करना चाहिए।

श्लोक 9 (skanda.7.95.9)

कर्पूरोशीर मिश्रेण मृगनाभिरसेन च। चन्दनेन सुगन्धेन पुष्पैः संपूजयेत्ततः

karpūroṣīra miśreṇa mṛganābhirasena ca| candanena sugandhena puṣpaiḥ saṁpūjayettataḥ

कर्पूर और उशीर के मिश्रण से, मृगनाभि के रस से, सुगंधित चंदन से, तथा पुष्पों से तत्पश्चात् पूजा करनी चाहिए।

श्लोक 10 (skanda.7.95.10)

दद्याद्धूपं पुरो देवि ततो देवस्य चागुरुम्। वस्त्रैः संपूज्य विविधैरात्मवित्तानुसारतः

dadyāddhūpaṁ puro devi tato devasya cāgurum| vastraiḥ saṁpūjya vividhairātmavittānusārataḥ

हे देवि, उसके समक्ष धूप अर्पित करना चाहिए, फिर देव को अगुरु; अपनी सामर्थ्य के अनुसार विविध वस्त्रों से पूजा करके,

श्लोक 11 (skanda.7.95.11)

नैवेद्यं परमान्नं च दत्त्वा दीपसमन्वितम्। अष्टांगं प्रणिपातं च ततः कार्यं च भक्तितः

naivedyaṁ paramānnaṁ ca dattvā dīpasamanvitam| aṣṭāṅgaṁ praṇipātaṁ ca tataḥ kāryaṁ ca bhaktitaḥ

नैवेद्य के रूप में उत्तम अन्न दीप सहित अर्पित करके, तत्पश्चात् भक्तिपूर्वक साष्टांग प्रणाम करना चाहिए।

श्लोक 12 (skanda.7.95.12)

हेमदानं प्रदातव्यं ब्राह्मणे वेदपारगे

hemadānaṁ pradātavyaṁ brāhmaṇe vedapārage

वेदपारंगत ब्राह्मण को स्वर्णदान देना चाहिए।

श्लोक 13 (skanda.7.95.13)

एवं यात्रा भवेत्तस्य शास्त्रोक्ता नात्र संशयः। एवं कृत्वा नरो देवि लभते जन्मनः फलम्

evaṁ yātrā bhavettasya śāstroktā nātra saṁśayaḥ| evaṁ kṛtvā naro devi labhate janmanaḥ phalam

इस प्रकार शास्त्रोक्त उसकी यात्रा होती है, इसमें कोई संशय नहीं। हे देवि, ऐसा करने से मनुष्य अपने जन्म का फल प्राप्त करता है।

श्लोक 14 (skanda.7.95.14)

इति संक्षेपतः प्रोक्तं मृत्युञ्जयमहोदयम्। पापघ्नं सर्वजंतूनां सर्वकामफलप्रदम्

iti saṁkṣepataḥ proktaṁ mṛtyuñjayamahodayam| pāpaghnaṁ sarvajaṁtūnāṁ sarvakāmaphalapradam

इस प्रकार संक्षेप में मृत्युंजय का महान माहात्म्य कहा गया, जो सब प्राणियों के पाप का नाशक तथा सब कामनाओं के फल का दाता है।