कामेश्वरमाहात्म्यवर्णनम्

श्लोक 1 (skanda.7.96.1)

ईश्वर उवाच। ततोगच्छेन्महादेवि कामेश्वरमिति स्मृतम्। तस्यैवोत्तरदिग्भागे धनुषां त्रितये स्थितम्। रतीश्वरमिति ख्यातं त्रेतायां तत्सुरेश्वरि

īśvara uvāca| tato gacchenmahādevi kāmeśvaramiti smṛtam| tasyaivottaradigbhāge dhanuṣāṁ tritaye sthitam| ratīśvaramiti khyātaṁ tretāyāṁ tatsureśvari

ईश्वर ने कहा—तत्पश्चात्, हे महादेवि, जिसे कामेश्वर स्मृत कहा गया है, वहाँ जाना चाहिए; यह उसी के उत्तर भाग में तीन धनुष की दूरी पर स्थित है—हे सुरेश्वरि, त्रेतायुग में यह रतीश्वर नाम से विख्यात था।

श्लोक 2 (skanda.7.96.2)

यस्मिन्दृष्टे मनुष्याणां पूजिते तु वरानने। नश्येच्च सप्तजन्माघं गृहभंगश्च नो भवेत्

yasmindṛṣṭe manuṣyāṇāṁ pūjite tu varānane| naśyecca saptajanmāghaṁ gṛhabhaṁgaśca no bhavet

हे वरानने, जिसे देखने और पूजने पर मनुष्यों के सात जन्मों का पाप नष्ट हो जाता है, तथा गृहभंग नहीं होता।

श्लोक 3 (skanda.7.96.3)

देव्युवाच। केनायं स्थापितो देव कस्मात्प्रोक्तो रतीश्वरः। दर्शनेनास्य किं श्रेयः सर्वं विस्तरतो वद

devyuvāca| kenāyaṁ sthāpito deva kasmātprokto ratīśvaraḥ| darśanenāsya kiṁ śreyaḥ sarvaṁ vistarato vada

देवी ने कहा—हे देव, इसे किसने स्थापित किया? यह रतीश्वर नाम से क्यों कहा गया? इसके दर्शन से क्या श्रेय प्राप्त होता है? यह सब विस्तार से कहिए।

श्लोक 4 (skanda.7.96.4)

ईश्वर उवाच। शृणु देवि प्रवक्ष्यामि कथां पापप्रणाशिनीम्। रतिर्नामाभवत्साध्वी कामपत्नी यशस्विनी

īśvara uvāca| śṛṇu devi pravakṣyāmi kathāṁ pāpapraṇāśinīm| ratirnāmābhavatsādhvī kāmapatnī yaśasvinī

ईश्वर ने कहा—हे देवि, सुनो, मैं वह पापनाशक कथा कहता हूँ। रति नामक एक साध्वी, यशस्विनी, काम की पत्नी थी।

श्लोक 5 (skanda.7.96.5)

दग्धे मनसिजे पूर्वं देवेन त्रिपुरारिणा। तदर्थाय तपस्तेपे तस्मिन्देशे रतिः किल

dagdhe manasije pūrvaṁ devena tripurāriṇā| tadarthāya tapastepe tasmindeśe ratiḥ kila

जब पूर्वकाल में त्रिपुरारि देव द्वारा मनसिज (काम) भस्म कर दिया गया, तब रति ने उसी के लिए उस स्थान में तपस्या की।

श्लोक 6 (skanda.7.96.6)

अंगुष्ठाग्रेण तिष्ठन्त्या यावद्युगचतुष्टयम्। आराधितो महादेवः शांतेन मनसा प्रिये

aṁguṣṭhāgreṇa tiṣṭhantyā yāvadyugacatuṣṭayam| ārādhito mahādevaḥ śāntena manasā priye

पैर के अंगूठे के अग्रभाग पर खड़ी होकर, चार युगों तक, हे प्रिये, उसने शांतचित्त से महादेव की आराधना की।

श्लोक 7 (skanda.7.96.7)

कस्मिंश्चिदथ काले तु निर्भिद्य धरणीतलम्। तदग्रतः समुत्तस्थौ लिगं माहेश्वरं प्रिये

kasmiṁścidatha kāle tu nirbhidya dharaṇītalam| tadagrataḥ samuttasthau liṅgaṁ māheśvaraṁ priye

फिर किसी समय, पृथ्वीतल को भेदकर, उसके सामने महेश्वर का लिंग प्रकट हो उठा, हे प्रिये।

श्लोक 8 (skanda.7.96.8)

एतस्मिन्नेव काले तु वागुवाचाशरीरिणी। आह्लादयंती सहसा तस्याश्चित्तं वरानने

etasminneva kāle tu vāguvācāśarīriṇī| āhlādayaṁtī sahasā tasyāścittaṁ varānane

इसी समय एक अशरीरी वाणी हुई, जिसने सहसा उसके चित्त को आह्लादित कर दिया, हे वरानने।

श्लोक 9 (skanda.7.96.9)

यस्मान्माहेश्वरं लिंगं त्वद्भक्त्या सहसोत्थितम्। पूजयेस्तन्महाभागे ततः कांतमवाप्स्यसि

yasmānmāheśvaraṁ liṅgaṁ tvadbhaktyā sahasotthitam| pūjayestanmahābhāge tataḥ kāntamavāpsyasi

'चूँकि महेश्वर का यह लिंग तुम्हारी भक्ति से सहसा प्रकट हुआ है, हे महाभागे, इसकी पूजा करो; इसके पश्चात् तुम अपने प्रियतम को पुनः प्राप्त करोगी।'

श्लोक 10 (skanda.7.96.10)

एतच्छुत्वा तु सा साध्वी देवदूतस्य भाषितम्। तल्लिंगं पूजयामास स भक्त्या परमया युता

etacchrutvā tu sā sādhvī devadūtasya bhāṣitam| talliṅgaṁ pūjayāmāsa sa bhaktyā paramayā yutā

देवदूत के इस वचन को सुनकर उस साध्वी ने परम भक्तिसहित उस लिंग की पूजा की।

श्लोक 11 (skanda.7.96.11)

ततः कामः समुत्तस्थौ सुप्तोत्थित इव प्रिये। ततः प्रभृति तल्लिंगं कामेश्वरमिति श्रुतम्

tataḥ kāmaḥ samuttasthau suptotthita iva priye| tataḥ prabhṛti talliṅgaṁ kāmeśvaramiti śrutam

तब काम पुनः इस प्रकार उठे मानो सोकर जागे हों, हे प्रिये; तभी से वह लिंग कामेश्वर नाम से विख्यात हुआ।

श्लोक 12 (skanda.7.96.12)

ततः सा कामदयिता वाक्यमेतदुवाच ह। प्रहृष्टा कामदेवाप्त्या पुरतः पुष्पधन्वनः

tataḥ sā kāmadayitā vākyametaduvāca ha| prahṛṣṭā kāmadevāptyā purataḥ puṣpadhanvanaḥ

तब कामदेव की प्राप्ति से हर्षित होकर, उस काम-प्रिया ने पुष्पधन्वा के समक्ष यह वचन कहा।

श्लोक 13 (skanda.7.96.13)

पूजयिष्यंति ये चान्ये लिंगमेतत्समाहिताः। एवं ते वांछितां सिद्धिं भूयो यास्यंति सद्गतिम्

pūjayiṣyaṁti ye cānye liṅgametatsamāhitāḥ| evaṁ te vāṁchitāṁ siddhiṁ bhūyo yāsyaṁti sadgatim

'जो कोई अन्य भी समाहितचित्त होकर इस लिंग की पूजा करेगा, वह भी अपनी इच्छित सिद्धि को प्राप्त करेगा तथा फिर सद्गति को प्राप्त होगा।'

श्लोक 14 (skanda.7.96.14)

मनोऽभीष्टं तथा सर्वं यद्यपि स्यात्सदुर्ल्लभम्। तत्प्राप्स्यंति न संदेहो लिंगस्यास्य प्रसादतः

mano'bhīṣṭaṁ tathā sarvaṁ yadyapi syātsadurllabham| tatprāpsyaṁti na saṁdeho liṅgasyāsya prasādataḥ

'तथा जो भी मनोऽभीष्ट हो, चाहे वह अत्यंत दुर्लभ ही क्यों न हो, वे उसे इस लिंग की कृपा से अवश्य प्राप्त करेंगे, इसमें कोई संदेह नहीं।'

श्लोक 15 (skanda.7.96.15)

एवमुक्त्वा गता साध्वी रतिः कामेन संयुता। स्वस्थाने पूर्णकामा सा प्रहृष्टेनांतरात्मना

evamuktvā gatā sādhvī ratiḥ kāmena saṁyutā| svasthāne pūrṇakāmā sā prahṛṣṭenāṁtarātmanā

ऐसा कहकर वह साध्वी रति काम सहित अपने स्थान को चली गई, पूर्णकाम होकर, हर्षित अंतरात्मा से।

श्लोक 16 (skanda.7.96.16)

एनं चैत्रत्रयोदश्यां शुक्लायां यः समर्चति। सकामवद्भवेन्नृणां श्रुतं सौभाग्यदायकम्

enaṁ caitratrayodaśyāṁ śuklāyāṁ yaḥ samarcati| sakāmavadbhavennṛṇāṁ śrutaṁ saubhāgyadāyakam

जो चैत्र शुक्ल त्रयोदशी को इसकी पूजा करता है, वह मनुष्यों में कामनापूर्ण के समान हो जाता है—यह सौभाग्यदायक कहा गया है।