योगेश्वरमाहात्म्यवर्णनम्

श्लोक 1 (skanda.7.97.1)

ईश्वर उवाच। ततो गच्छेन्महादेवि योगेश्वरमिति श्रुतम्। कामेशाद्वायवे भागे धनुषां सप्तके स्थितम्

īśvara uvāca| tato gacchenmahādevi yogeśvaramiti śrutam| kāmeśādvāyave bhāge dhanuṣāṁ saptake sthitam

ईश्वर ने कहा—तत्पश्चात्, हे महादेवि, जिसे योगेश्वर कहा गया है, वहाँ जाना चाहिए; यह कामेश से वायव्य भाग में सात धनुष की दूरी पर स्थित है।

श्लोक 2 (skanda.7.97.2)

लिंगं महाप्रभावं हि दर्शनात्पापनाशनम्। पूर्वे युगे तु संख्यातं गणेश्वरमिति श्रुतम्

liṅgaṁ mahāprabhāvaṁ hi darśanātpāpanāśanam| pūrve yuge tu saṁkhyātaṁ gaṇeśvaramiti śrutam

यह अत्यंत महाप्रभावशाली लिंग है, जिसका दर्शन पापनाशक है; पूर्वयुग में यह गणेश्वर नाम से गिना और विख्यात था।

श्लोक 3 (skanda.7.97.3)

पुरा मम गणा देवि असंख्याता महावलाः। क्षेत्रं माहेश्वरं ज्ञात्वा प्रभासं समुपागमन्

purā mama gaṇā devi asaṁkhyātā mahāvalāḥ| kṣetraṁ māheśvaraṁ jñātvā prabhāsaṁ samupāgaman

पूर्वकाल में, हे देवि, मेरे असंख्य महाबलशाली गण, माहेश्वर क्षेत्र को जानकर, प्रभास में एकत्र आए।

श्लोक 4 (skanda.7.97.4)

तत्रस्थाश्च तपो घोरं तेपुस्ते योगमाश्रिताः। दिव्याब्दानां सहस्रं तु ततस्तुष्टो महेश्वरः

tatrasthāśca tapo ghoraṁ tepuste yogamāśritāḥ| divyābdānāṁ sahasraṁ tu tatastuṣṭo maheśvaraḥ

वहाँ रहकर, योग का आश्रय लेकर, उन्होंने एक हजार दिव्य वर्षों तक घोर तप किया; तब महेश्वर प्रसन्न हुए।

श्लोक 5 (skanda.7.97.5)

सालोक्यां च ददौ मुक्तिं तेषां योगबलेन। यस्मात्षडंगयोगेन तेषां तुष्टो वृषध्वजः। तेन योगेश्वरं नाम लिंगं योगफलप्रदम्

sālokyāṁ ca dadau muktiṁ teṣāṁ yogabalena| yasmātṣaḍaṁgayogena teṣāṁ tuṣṭo vṛṣadhvajaḥ| tena yogeśvaraṁ nāma liṅgaṁ yogaphalapradam

उन्हें योगबल के कारण सालोक्य मुक्ति प्रदान की; चूँकि षडंगयोग से वृषध्वज उनसे प्रसन्न हुए, इसीलिए इस लिंग का नाम योगेश्वर हुआ, जो योग का फल देने वाला है।

श्लोक 6 (skanda.7.97.6)

यस्तमर्चयते भक्त्या सम्यक्पूजाविधानतः। स योगसिद्धिमाप्नोति मोदते दिवि देववत्

yastamarcayate bhaktyā samyakpūjāvidhānataḥ| sa yogasiddhimāpnoti modate divi devavat

जो भक्तिपूर्वक विधिवत् पूजाविधान से उसकी अर्चना करता है, वह योगसिद्धि प्राप्त करता है और देवताओं की भाँति स्वर्ग में आनंदित होता है।

श्लोक 7 (skanda.7.97.7)

यो दद्यात्कांचनं मेरुं कृत्स्नां चैव वसुन्धराम्। योगेशं पूजयेद्यस्तु स तयोरधिकः स्मृतः

yo dadyātkāṁcanaṁ meruṁ kṛtsnāṁ caiva vasundharām| yogeśaṁ pūjayedyastu sa tayoradhikaḥ smṛtaḥ

जो कोई कांचनमय मेरु तथा संपूर्ण पृथ्वी का दान करे, और जो योगेश की पूजा करे—वह उन दोनों के फल से भी अधिक माना गया है।

श्लोक 8 (skanda.7.97.8)

वृषभस्तत्र दातव्यः संपूर्णफलहेतवे। एवमेकादश प्रोक्ता रुद्राः प्राभासमाश्रिताः। नित्यं पूज्याश्च वंद्याश्च क्षेत्रस्य फलमीप्सुभिः

vṛṣabhastatra dātavyaḥ saṁpūrṇaphalahetave| evamekādaśa proktā rudrāḥ prābhāsamāśritāḥ| nityaṁ pūjyāśca vaṁdyāśca kṣetrasya phalamīpsubhiḥ

वहाँ संपूर्ण फल की प्राप्ति हेतु वृषभ का दान देना चाहिए। इस प्रकार प्रभास में आश्रित ग्यारह रुद्र कहे गए हैं—जो क्षेत्र के फल के इच्छुक व्यक्तियों द्वारा सदैव पूज्य और वंदनीय हैं।

श्लोक 9 (skanda.7.97.9)

य एतां चैव शृणुयाद्रुद्रैकादशसंहिताम्। तस्य क्षेत्रफलं सर्वं प्रभासांतरवासिनः

ya etāṁ caiva śṛṇuyādrudraikādaśasaṁhitām| tasya kṣetraphalaṁ sarvaṁ prabhāsāntaravāsinaḥ

जो कोई इस रुद्रैकादश-संहिता को सुनता है, वह प्रभास के भीतर निवास करने वाले के समान क्षेत्र का संपूर्ण फल प्राप्त करता है।

श्लोक 10 (skanda.7.97.10)

यश्चैतान्नैव जानाति रुद्रान्प्राभासमाश्रितान्। स क्षेत्रमध्यसंस्थोऽपि नास्त्येव स पशुः स्मृतः

yaścaitānnaiva jānāti rudrānprābhāsamāśritān| sa kṣetramadhyasaṁstho'pi nāstyeva sa paśuḥ smṛtaḥ

जो इन प्रभासाश्रित रुद्रों को जानता ही नहीं, वह क्षेत्र के मध्य में स्थित होकर भी मानो है ही नहीं—वह पशु ही माना गया है।

श्लोक 11 (skanda.7.97.11)

एतेषां चैव रुद्राणां सर्वान्वाप्येकमेव वा। सोमेश्वरं पूजयित्वा जपेद्वै शतरुद्रियम्। सर्वेषां लभते पुण्यं रुद्राणां नात्र संशयः

eteṣāṁ caiva rudrāṇāṁ sarvānvāpyekameva vā| someśvaraṁ pūjayitvā japedvai śatarudriyam| sarveṣāṁ labhate puṇyaṁ rudrāṇāṁ nātra saṁśayaḥ

इन रुद्रों में से सबकी अथवा एक की भी पूजा करके, सोमेश्वर की पूजा करके शतरुद्रिय का जप करने पर, समस्त रुद्रों का पुण्य प्राप्त होता है, इसमें कोई संशय नहीं।

श्लोक 12 (skanda.7.97.12)

इदं रहस्यं संख्यातं माहात्म्यं तव भामिनि। रुद्राणां पापशमनं श्रुतं पुण्यविवर्द्धनम्

idaṁ rahasyaṁ saṁkhyātaṁ māhātmyaṁ tava bhāmini| rudrāṇāṁ pāpaśamanaṁ śrutaṁ puṇyavivarddhanam

यह रहस्यमय माहात्म्य, हे भामिनि, तुम्हें गिनाया गया—रुद्रों का यह पापशमनकारी माहात्म्य पुण्यवर्धक कहा गया है।