पृथ्वीश्वर(चन्द्रेश्वर)माहात्म्यवर्णनम्

श्लोक 1 (skanda.7.98.1)

ईश्वर उवाच। ततो गच्छेन्महादेवि चंडेश्वरमिति श्रुतम्। सोमेशाद्वायवे भागे धनुषां षष्टिभिः स्थितम्

īśvara uvāca| tato gacchenmahādevi caṇḍeśvaramiti śrutam| someśādvāyave bhāge dhanuṣāṁ ṣaṣṭibhiḥ sthitam

ईश्वर ने कहा—तत्पश्चात्, हे महादेवि, जिसे चण्डेश्वर कहा गया है, वहाँ जाना चाहिए; यह सोमेश से वायव्य दिशा में साठ धनुष की दूरी पर स्थित है।

श्लोक 2 (skanda.7.98.2)

दिव्यं लिंगं महादेवि सर्वपातकनाशनम्। तत्पूर्वे तु युगे ख्यातं मनोः स्वायंभुवांतरे

divyaṁ liṅgaṁ mahādevi sarvapātakanāśanam| tatpūrve tu yuge khyātaṁ manoḥ svāyaṁbhuvāntare

यह दिव्य लिंग है, हे महादेवि, सर्वपातकनाशक; यह पूर्वयुग में, स्वायंभुव मन्वंतर में विख्यात था।

श्लोक 3 (skanda.7.98.3)

त्रेतायुगमुखे देवि पृथिव्या संप्रतिष्ठितम्। पूर्वमन्वंतरे चास्मिँल्लिङ्गं पृथ्वीश्वरं प्रिये

tretāyugamukhe devi pṛthivyā saṁpratiṣṭhitam| pūrvamanvantare cāsminliṅgaṁ pṛthvīśvaraṁ priye

त्रेतायुग के आरंभ में, पृथ्वी द्वारा प्रतिष्ठित; उस पूर्व मन्वंतर में, हे प्रिये, यह लिंग पृथ्वीश्वर नाम से जाना जाता था।

श्लोक 4 (skanda.7.98.4)

पुनश्चंद्रेण तत्प्राप्तं लिंगं चंद्रेश्वरं प्रिये। ब्रह्महत्यादिपापानां नाशनं पुण्यवर्द्धनम्

punaścandreṇa tatprāptaṁ liṅgaṁ candreśvaraṁ priye| brahmahatyādipāpānāṁ nāśanaṁ puṇyavarddhanam

फिर चंद्रमा द्वारा प्राप्त किए जाने पर वह लिंग चंद्रेश्वर हुआ, हे प्रिये; यह ब्रह्महत्या आदि पापों का नाशक तथा पुण्यवर्धक है।

श्लोक 5 (skanda.7.98.5)

तं दृष्ट्वा मानवो देवि सप्तजन्मसमुद्भवैः। मुच्यते कल्मषैः सर्वैः कृतकृत्यस्तु जायते

taṁ dṛṣṭvā mānavo devi saptajanmasamudbhavaiḥ| mucyate kalmaṣaiḥ sarvaiḥ kṛtakṛtyastu jāyate

उसका दर्शन करके मनुष्य, हे देवि, सात जन्मों में उत्पन्न समस्त पापों से मुक्त हो जाता है और कृतकृत्य हो जाता है।

श्लोक 6 (skanda.7.98.6)

देव्युवाच। कथं पृथ्वीश्वरं ख्यातं तल्लिंगं पाप नाशनम्। कथं पुनः समाख्यातं चन्द्रेश्वरमिति प्रभो। एतद्विस्तरतो ब्रूहि श्रोतुकामाहमादरात्

devyuvāca| kathaṁ pṛthvīśvaraṁ khyātaṁ talliṅgaṁ pāpa nāśanam| kathaṁ punaḥ samākhyātaṁ candreśvaramiti prabho| etadvistarato brūhi śrotukāmāhamādarāt

देवी ने कहा—हे प्रभो, वह पापनाशक लिंग पृथ्वीश्वर नाम से कैसे विख्यात हुआ? पुनः यह चन्द्रेश्वर नाम से कैसे कहा गया? यह विस्तारपूर्वक कहिए; मैं आदरपूर्वक सुनना चाहती हूँ।

श्लोक 7 (skanda.7.98.7)

ईश्वर उवाच। शृणु देवि प्रवक्ष्यामि कथा पापप्रणाशिनीम्। यां श्रुत्वा मुच्यते जंतुस्त्रिविधैः कर्मबन्धनैः

īśvara uvāca| śṛṇu devi pravakṣyāmi kathā pāpapraṇāśinīm| yāṁ śrutvā mucyate jantustrividhaiḥ karmabandhanaiḥ

ईश्वर ने कहा—हे देवि, सुनो, मैं वह पापनाशक कथा कहता हूँ, जिसे सुनकर प्राणी त्रिविध कर्मबंधनों से मुक्त हो जाता है।

श्लोक 8 (skanda.7.98.8)

आसीत्पूर्वं महादेवि दैत्यभारार्द्दिता मही। साऽधो व्रजंती सहसा गोरूपा संबभूव ह

āsītpūrvaṁ mahādevi daityabhārārdditā mahī| sā'dho vrajaṁtī sahasā gorūpā saṁbabhūva ha

पूर्वकाल में, हे महादेवि, दैत्यों के भार से पीड़ित पृथ्वी, नीचे धँसती हुई, सहसा गौ रूप में परिणत हो गई।

श्लोक 9 (skanda.7.98.9)

इतस्ततो धावमाना न लेभे निर्वृतिं क्वचित्। ततो वर्षशते पूर्णे भ्रममाणा क्वचित्क्वचित्

itastato dhāvamānā na lebhe nirvṛtiṁ kvacit| tato varṣaśate pūrṇe bhramamāṇā kvacitkvacit

इधर-उधर दौड़ती हुई उसे कहीं शांति नहीं मिली; फिर पूरे सौ वर्षों तक इधर-उधर भटकती हुई,

श्लोक 10 (skanda.7.98.10)

आससाद महाक्षेत्रं प्रभासमिति विश्रुतम्। देवदानवगंधर्वैः सेवितं पापनाशनम्

āsasāda mahākṣetraṁ prabhāsamiti viśrutam| devadānavagandharvaiḥ sevitaṁ pāpanāśanam

—वह देवों, दानवों और गंधर्वों द्वारा सेवित, पापनाशक तथा प्रभास नाम से विख्यात उस महाक्षेत्र में आ पहुँची।

श्लोक 11 (skanda.7.98.11)

तत्र स्थित्वा महाक्षेत्रे कृत्वा मनसि निश्चयम्। लिंगं प्रतिष्ठयामास भक्त्या परमया युता

tatra sthitvā mahākṣetre kṛtvā manasi niścayam| liṅgaṁ pratiṣṭhayāmāsa bhaktyā paramayā yutā

वहाँ महाक्षेत्र में रहकर, मन में दृढ़ निश्चय करके, उसने परम भक्तिसहित एक लिंग की स्थापना की।

श्लोक 12 (skanda.7.98.12)

वर्षाणां च शतं साग्रं कृते तपसि दुश्चरे। तुतोष भगवान्रुद्रो धरित्रीं वाक्यमब्रवीत्

varṣāṇāṁ ca śataṁ sāgraṁ kṛte tapasi duścare| tutoṣa bhagavānrudro dharitrīṁ vākyamabravīt

उस दुष्कर तप को करते हुए सौ से अधिक वर्ष बीत जाने पर भगवान् रुद्र संतुष्ट हुए और पृथ्वी से यह वचन बोले।

श्लोक 13 (skanda.7.98.13)

देवि विश्वंभरे सर्वं तपः सुचरितं त्वया। मा शोकं कुरु कल्याणि भविष्यति तवेप्सितम्

devi viśvaṁbhare sarvaṁ tapaḥ sucaritaṁ tvayā| mā śokaṁ kuru kalyāṇi bhaviṣyati tavepsitam

'हे देवि, हे विश्वंभरे, तुमने सारा तप भलीभाँति किया है; हे कल्याणि, शोक मत करो, तुम्हारा अभीष्ट पूर्ण होगा।'

श्लोक 14 (skanda.7.98.14)

दैत्या नाशं गमिष्यंति विष्णुना निहता भुवि। भवित्री त्वं महादेवि दैत्यभारविवर्जिता

daityā nāśaṁ gamiṣyaṁti viṣṇunā nihatā bhuvi| bhavitrī tvaṁ mahādevi daityabhāravivarjitā

'दैत्य विष्णु द्वारा पृथ्वी पर मारे जाकर नाश को प्राप्त होंगे; तुम, हे महादेवि, दैत्यों के भार से रहित हो जाओगी।'

श्लोक 15 (skanda.7.98.15)

इदं त्वया स्थापितं यल्लिंगं परमशोभनम्। धरित्रीनाम्ना विख्यातं लोके ख्यातिं गमिष्यति

idaṁ tvayā sthāpitaṁ yalliṅgaṁ paramaśobhanam| dharitrīnāmnā vikhyātaṁ loke khyātiṁ gamiṣyati

'तुम्हारे द्वारा स्थापित यह परम शोभन लिंग लोक में धरित्री नाम से विख्यात होकर ख्याति को प्राप्त करेगा।'

श्लोक 16 (skanda.7.98.16)

अत्राहं संस्थितो नित्यं लिंगरूपी महाप्रभुः। स्थास्यामि कल्पेकल्पे वै नृणां पापापहारकः

atrāhaṁ saṁsthito nityaṁ liṅgarūpī mahāprabhuḥ| sthāsyāmi kalpekalpe vai nṛṇāṁ pāpāpahārakaḥ

'यहाँ मैं सदैव लिंगरूपी महाप्रभु के रूप में स्थित रहूँगा; मैं कल्प-कल्प में मनुष्यों के पाप का अपहारक बना रहूँगा।'

श्लोक 17 (skanda.7.98.17)

मूर्त्यष्टकसमायुक्तो लिंगेऽस्मिन्संस्थितः सदा। नृणां नाशयिता पापं पूर्वजन्मशतार्जितम्

mūrtyaṣṭakasamāyukto liṅge'sminsaṁsthitaḥ sadā| nṛṇāṁ nāśayitā pāpaṁ pūrvajanmaśatārjitam

'अष्टमूर्ति से युक्त होकर सदैव इस लिंग में स्थित रहते हुए, मैं मनुष्यों के सौ पूर्वजन्मों में अर्जित पापों का नाशक बनूँगा।'

श्लोक 18 (skanda.7.98.18)

भाद्रे कृष्णतृतीयायां यश्चैतं पूजयिष्यति। सोऽश्वमेधसहस्रस्य फलमाप्स्यत्यसंशयम्

bhādre kṛṣṇatṛtīyāyāṁ yaścaitaṁ pūjayiṣyati| so'śvamedhasahasrasya phalamāpsyatyasaṁśayam

'जो भाद्रपद की कृष्ण तृतीया को इसकी पूजा करेगा, वह निःसंदेह सहस्र अश्वमेध यज्ञों का फल प्राप्त करेगा।'

श्लोक 19 (skanda.7.98.19)

सर्वतीर्थाभिषेकस्य सर्वेषां दानकर्मणाम्। भविष्यति फलं तस्य लिंगस्यैवास्य पूजनात्

sarvatīrthābhiṣekasya sarveṣāṁ dānakarmaṇām| bhaviṣyati phalaṁ tasya liṅgasyaivāsya pūjanāt

'सभी तीर्थों के अभिषेक तथा सभी दानकर्मों का फल उसे इस लिंग के पूजन मात्र से प्राप्त होगा।'

श्लोक 20 (skanda.7.98.20)

धनुषां षोडशं यावत्समंतात्परिमंडलम्। क्षेत्रमस्य समाख्यातं प्राणिनां मुक्तिदायकम्

dhanuṣāṁ ṣoḍaśaṁ yāvatsamaṁtātparimaṇḍalam| kṣetramasya samākhyātaṁ prāṇināṁ muktidāyakam

'सोलह धनुष तक चारों ओर फैला हुआ इसका क्षेत्र प्राणियों को मुक्ति देने वाला कहा गया है।'

श्लोक 21 (skanda.7.98.21)

तस्मिन्मृताः प्राणिनो ये कामतो वाप्यकामतः। कृमि कीटसमा वापि ते यांति परमां गतिम्

tasminmṛtāḥ prāṇino ye kāmato vāpyakāmataḥ| kṛmi kīṭasamā vāpi te yāṁti paramāṁ gatim

'वहाँ मरने वाले प्राणी, चाहे इच्छापूर्वक हों या अनिच्छापूर्वक, चाहे कृमि-कीट के समान भी हों, वे परम गति को प्राप्त होते हैं।'

श्लोक 22 (skanda.7.98.22)

यो दद्यात्काञ्चनं मेरुं कृत्स्नां वाऽपि वसुन्धराम्। यः पूजयति पृथ्वीशं स तयोरधिकः स्मृतः

yo dadyātkāñcanaṁ meruṁ kṛtsnāṁ vā'pi vasundharām| yaḥ pūjayati pṛthvīśaṁ sa tayoradhikaḥ smṛtaḥ

'जो कोई कांचनमय मेरु अथवा संपूर्ण पृथ्वी का दान करे, और जो पृथ्वीश की पूजा करे—वह उन दोनों के फल से भी अधिक माना गया है।'

श्लोक 23 (skanda.7.98.23)

ईश्वर उवाच। इति दत्त्वा वरान्देवस्तत्रैवांतरधीयत। पृथिवीश्वरनामाभूत्तत्प्रभृत्येव शंकरः

īśvara uvāca| iti dattvā varāndevastatraivāntaradhīyata| pṛthivīśvaranāmābhūttatprabhṛtyeva śaṁkaraḥ

ईश्वर ने कहा—इस प्रकार वर प्रदान करके वह देव वहीं अंतर्धान हो गए; तभी से शंकर पृथिवीश्वर नाम से विख्यात हुए।

श्लोक 24 (skanda.7.98.24)

पुनरस्मिन्महाकल्पे वाराह इति विश्रुते। कदाचिद्दक्षशापेन क्षीणश्चन्द्रो बभूव ह

punarasminmahākalpe vārāha iti viśrute| kadācidddakṣaśāpena kṣīṇaścandro babhūva ha

फिर इस वाराह नामक महाकल्प में, किसी समय दक्ष के शाप से चंद्रमा क्षीण हो गया।

श्लोक 25 (skanda.7.98.25)

पपात भूतले देवि यक्ष्मणा पीडितः शशी। क्षेत्रं प्रभासमासाद्य तन्महोदधिसंनिधौ

papāta bhūtale devi yakṣmaṇā pīḍitaḥ śaśī| kṣetraṁ prabhāsamāsādya tanmahodadhisaṁnidhau

यक्ष्मा से पीड़ित होकर चंद्रमा पृथ्वीतल पर गिर पड़ा, हे देवि, प्रभासक्षेत्र में उस महासागर के समीप पहुँचकर।

श्लोक 26 (skanda.7.98.26)

दृष्ट्वा पृथ्वीश्वरं लिंगं सप्रभावं महाप्रभम्। तत्पूजानिरतो भूत्वा वर्षाणां तु सहस्रकम्

dṛṣṭvā pṛthvīśvaraṁ liṅgaṁ saprabhāvaṁ mahāprabham| tatpūjānirato bhūtvā varṣāṇāṁ tu sahasrakam

उस प्रभावशाली, महाप्रभु पृथ्वीश्वर लिंग का दर्शन करके, उसकी पूजा में तत्पर होकर, एक हजार वर्षों तक,

श्लोक 27 (skanda.7.98.27)

अतपत्स तपो रौद्रं शीर्णपर्णांबुभक्षकः। यतः समभवद्दीप्त्या सर्वाह्लादकरः शशी

atapatsa tapo raudraṁ śīrṇaparṇāṁbubhakṣakaḥ| yataḥ samabhavaddīptyā sarvāhlādakaraḥ śaśī

—उसने घोर तप किया, शीर्ण पत्तों और जल का आहार करते हुए; जिससे चंद्रमा अपनी दीप्ति से सबको आह्लादित करने वाला हो गया।

श्लोक 28 (skanda.7.98.28)

तल्लिंगस्यैव माहात्म्यात्ततश्चंद्रेश्वरोऽभवत्। तस्य लिंगस्य माहात्म्याच्चंद्रमा गतकल्मषः

talliṅgasyaiva māhātmyāttataścandreśvaro'bhavat| tasya liṅgasya māhātmyāccandramā gatakalmaṣaḥ

उस लिंग के माहात्म्य से ही वह तत्पश्चात् चंद्रेश्वर हुआ; उस लिंग के माहात्म्य से चंद्रमा अपने दोष से मुक्त होकर,

श्लोक 29 (skanda.7.98.29)

अवाप सिद्धिमत्युग्रां स्पर्शलिंगप्रकाशिनीम्। सोमनाथेति यां प्राहुः प्रसिद्धां लिंगरूपिणीम्

avāpa siddhimatyugrāṁ sparśaliṅgaprakāśinīm| somanātheti yāṁ prāhuḥ prasiddhāṁ liṅgarūpiṇīm

—अत्यंत उग्र सिद्धि को प्राप्त हुआ, वह स्पर्शलिंगरूपी प्रकाशमयी सिद्धि, जिसे प्रसिद्ध लिंगरूपिणी सोमनाथ कहा जाता है।

श्लोक 30 (skanda.7.98.30)

इति संक्षेपतः प्रोक्तं माहात्म्यं चन्द्रदैवतम्। श्रुतं हरति पापानि तथाऽऽरोग्यं प्रयच्छति

iti saṁkṣepataḥ proktaṁ māhātmyaṁ candradaivatam| śrutaṁ harati pāpāni tathā'rogyaṁ prayacchati

इस प्रकार संक्षेप में चंद्रदेवता संबंधी यह माहात्म्य कहा गया; इसके श्रवण से पाप दूर होते हैं तथा आरोग्य प्राप्त होता है।