ऋभु का पुनरागमन और भरत की अन्तिम मुक्ति

श्लोक 1 (vishnu.2.16.1)

ब्राह्मण उवाच । ऋभुर् वर्षसहस्रे तु समतीते नरेश्वर । निदाघज्ञानदानाय तद् एव नगरं ययौ

brāhmaṇa uvāca ṛbhur varṣasahasre tu samatīte nareśvara nidāghajñānadānāya tad eva nagaraṁ yayau

ब्राह्मण ने कहा — हे नरेश्वर, जब एक हजार वर्ष बीत गए, तब ऋभु निदाघ को [और] ज्ञान देने के लिए उसी नगर में पुनः गए।

श्लोक 2 (vishnu.2.16.2)

नगरस्य बहिः सोऽथ निदाघं ददृशे मुनिः । महाबलपरीवारे पुरं विशति पार्थिवे

nagarasya bahiḥ so'tha nidāghaṁ dadṛśe muniḥ mahābalaparīvāre puraṁ viśati pārthive

नगर के बाहर उस मुनि ने निदाघ को देखा, उस समय जब राजा महान् सेना के साथ नगर में प्रवेश कर रहा था।

श्लोक 3 (vishnu.2.16.3)

दूरे स्थितं महाभागं जनसंमर्दवर्जकम् । क्षुत्क्षामकण्ठम् आयान्तम् अरण्यात् ससमित्कुशम्

dūre sthitaṁ mahābhāgaṁ janasaṁmardavarjakam kṣutkṣāmakaṇṭham āyāntam araṇyāt sasamitkuśam

उन महाभाग्यशाली को दूर खड़े, भीड़ से बचते हुए, वन से आते हुए, भूख से सूखे कण्ठ वाले, समिधा-कुश लिए हुए देखा।

श्लोक 4 (vishnu.2.16.4)

दृष्ट्वा निदाघं स ऋभुर् उपगम्याभिवाद्य च । उवाच कस्माद् एकान्ते स्थीयते भवता द्विज

dṛṣṭvā nidāghaṁ sa ṛbhur upagamyābhivādya ca uvāca kasmād ekānte sthīyate bhavatā dvija

निदाघ को देखकर ऋभु ने पास जाकर तथा अभिवादन करके कहा — 'हे द्विज, आप एकान्त में क्यों खड़े हैं?'

श्लोक 5 (vishnu.2.16.5)

निदाघ उवाच । भो विप्र जनसंमर्दो महान् एष नरेश्वरे । प्रविविक्षौ पुरं रम्यं तेनात्र स्थीयते मया

nidāgha uvāca bho vipra janasaṁmardo mahān eṣa nareśvare pravivikṣau puraṁ ramyaṁ tenātra sthīyate mayā

निदाघ ने कहा — हे विप्र, यहाँ राजा के पास जन-समूह की महान् भीड़ है, जो रमणीय नगर में प्रवेश करना चाहता है; इसीलिए मैं यहाँ खड़ा हूँ।

श्लोक 6 (vishnu.2.16.6)

ऋभुर् उवाच । नराधिपोऽत्र कतमः कतमश् चेतरो जनः । कथ्यतां मे द्विजश्रेष्ठ त्वम् अभिज्ञो मतो मम

ṛbhur uvāca narādhipo'tra katamaḥ katamaś cetaro janaḥ kathyatāṁ me dvijaśreṣṭha tvam abhijño mato mama

ऋभु ने कहा — यहाँ कौन राजा है और कौन अन्य साधारण जन है? हे द्विजश्रेष्ठ, मुझे बताओ; मैं तुम्हें जानकार मानता हूँ।

श्लोक 7 (vishnu.2.16.7)

निदाघ उवाच । योऽयं गजेन्द्रम् उन्मत्तम् अद्रिशृङ्गसमुच्छ्रितम् । अधिरूढो नरेन्द्रोऽयं परिलोकस् तथेतरः

nidāgha uvāca yo'yaṁ gajendram unmattam adriśṛṅgasamucchritam adhirūḍho narendro'yaṁ parilokas tathetaraḥ

निदाघ ने कहा — यह जो मत्त गजराज पर, पर्वत-शिखर के समान ऊँचे, आरूढ़ है, वह राजा है; तथा शेष सभी अन्य लोग हैं।

श्लोक 8 (vishnu.2.16.8)

ऋभुर् उवाच । एतौ हि गजराजानौ युगपद् दर्शितौ मम । भवता न विशेषेण पृथक्चिह्नोपलक्षणौ

ṛbhur uvāca etau hi gajarājānau yugapad darśitau mama bhavatā na viśeṣeṇa pṛthakcihnopalakṣaṇau

ऋभु ने कहा — तुमने मुझे गजराज और राजा दोनों को एक साथ दिखाया, किन्तु उन्हें उनके पृथक् चिह्नों से विशेष रूप से अलग नहीं किया।

श्लोक 9 (vishnu.2.16.9)

तत् कथ्यतां महाभाग विशेषो भवतानयोः । ज्ञातुम् इच्छाम्य् अहं कोऽत्र गजः को वा नराधिपः

tat kathyatāṁ mahābhāga viśeṣo bhavatānayoḥ jñātum icchāmy ahaṁ ko'tra gajaḥ ko vā narādhipaḥ

हे महाभाग, इसलिए इन दोनों में जो भेद है, वह बताओ; मैं जानना चाहता हूँ कि यहाँ हाथी कौन है और राजा कौन।

श्लोक 10 (vishnu.2.16.10)

निदाघ उवाच । गजो योऽयम् अधो ब्रह्मन्न् उपर्य् अस्यैव भूपतिः । वाह्यवाहकसंबन्धं को न जानाति वै द्विज

nidāgha uvāca gajo yo'yam adho brahmann upary asyaiva bhūpatiḥ vāhyavāhakasaṁbandhaṁ ko na jānāti vai dvija

निदाघ ने कहा — हे ब्रह्मन्, यह जो नीचे है वह हाथी है और उसके ऊपर जो है वह राजा है; हे द्विज, वाह्य और वाहक के सम्बन्ध को कौन नहीं जानता?

श्लोक 11 (vishnu.2.16.11)

ऋभुर् उवाच । जानाम्य् अहं यथा ब्रह्मंस् तथा माम् अवबोधय । अधःशब्दनिगद्यं किं किं चोर्ध्वम् अभिधीयते

ṛbhur uvāca jānāmy ahaṁ yathā brahmaṁs tathā mām avabodhaya adhaḥśabdanigadyaṁ kiṁ kiṁ cordhvam abhidhīyate

ऋभु ने कहा — हे ब्रह्मन्, मैं भी जानता हूँ, वैसे ही मुझे और समझाओ — 'नीचे' शब्द से क्या कहा जाता है, और 'ऊपर' किसे कहा जाता है?

श्लोक 12 (vishnu.2.16.12)

ब्राह्मण उवाच । इत्य् उक्तः सहसारुह्य निदाघः प्राह तम् ऋभुम् । श्रूयतां कथयाम्य् एष यन् मां त्वं परिपृच्छसि

brāhmaṇa uvāca ity uktaḥ sahasāruhya nidāghaḥ prāha tam ṛbhum śrūyatāṁ kathayāmy eṣa yan māṁ tvaṁ paripṛcchasi

ब्राह्मण [वक्ता] ने कहा — ऐसा कहे जाने पर निदाघ ने तुरन्त ऊपर चढ़कर ऋभु से कहा — 'सुनिए, जो आपने मुझसे पूछा, उसे मैं बताता हूँ।

श्लोक 13 (vishnu.2.16.13)

उपर्य् अहं यथा राजा त्वम् अधः कुञ्जरो यथा । अवबोधाय ते ब्रह्मन् दृष्टान्तो दर्शितो मया

upary ahaṁ yathā rājā tvam adhaḥ kuñjaro yathā avabodhāya te brahman dṛṣṭānto darśito mayā

जैसे मैं ऊपर राजा के समान हूँ, और आप नीचे हाथी के समान हैं — हे ब्रह्मन्, आपके बोध के लिए यही दृष्टान्त मैंने दिखाया है।'

श्लोक 14 (vishnu.2.16.14)

ऋभुर् उवाच । त्वं राजेव द्विजश्रेष्ठ स्थितोऽहं गजवद् यदि । तद् एव त्वं ममाचक्ष्व कतमस् त्वम् अहं तथा

ṛbhur uvāca tvaṁ rājeva dvijaśreṣṭha sthito'haṁ gajavad yadi tad eva tvaṁ mamācakṣva katamas tvam ahaṁ tathā

ऋभु ने कहा — यदि तुम राजा के समान स्थित हो और मैं हाथी के समान, तो यही बताओ — इसमें तुम कौन हो और मैं कौन?

श्लोक 15 (vishnu.2.16.15)

ब्राह्मण उवाच । इत्य् उक्तः सत्वरस् तस्य प्रगृह्य चरणाव् उभौ । निदाघः प्राह भगवान् आचार्यस् त्वम् ऋभुर् ध्रुवम्

brāhmaṇa uvāca ity uktaḥ satvaras tasya pragṛhya caraṇāv ubhau nidāghaḥ prāha bhagavān ācāryas tvam ṛbhur dhruvam

ब्राह्मण [वक्ता] ने कहा — ऐसा कहे जाने पर निदाघ ने तुरन्त उनके दोनों चरण पकड़कर कहा — 'आप निश्चय ही भगवान् आचार्य ऋभु ही हैं!

श्लोक 16 (vishnu.2.16.16)

नान्यस्याद्वैतसंस्कारसंस्कृतं मानसं तथा । यथाचार्यस्य तेन त्वां मन्ये प्राप्तम् अहं गुरुम्

nānyasyādvaitasaṁskārasaṁskṛtaṁ mānasaṁ tathā yathācāryasya tena tvāṁ manye prāptam ahaṁ gurum

किसी और का मन आचार्य के समान अद्वैत के संस्कार से संस्कृत नहीं होता; इसीलिए मैं समझता हूँ कि मुझे पुनः गुरु की प्राप्ति हुई है।'

श्लोक 17 (vishnu.2.16.17)

ऋभुर् उवाच । तवोपदेशदानाय पूर्वशुश्रूषणादृतः । गुरुस् तेऽहम् ऋभुर् नाम्ना निदाघ समुपागतः

ṛbhur uvāca tavopadeśadānāya pūrvaśuśrūṣaṇādṛtaḥ gurus te'ham ṛbhur nāmnā nidāgha samupāgataḥ

ऋभु ने कहा — तुम्हारी पूर्व सेवा-भक्ति से प्रसन्न होकर, तुम्हें [और] उपदेश देने के लिए, हे निदाघ, मैं तुम्हारा गुरु ऋभु पुनः आया हूँ।

श्लोक 18 (vishnu.2.16.18)

तद् एतद् उपदिष्टं ते संक्षेपेण महामते । परमार्थसारभूतं यद् अद्वैतम् अशेषतः

tad etad upadiṣṭaṁ te saṁkṣepeṇa mahāmate paramārthasārabhūtaṁ yad advaitam aśeṣataḥ

हे महामते, यही तुम्हें संक्षेप में उपदेश दिया गया — जो परमार्थ का सारभूत है, अर्थात् सम्पूर्ण रूप से अद्वैत है।

श्लोक 19 (vishnu.2.16.19)

ब्राह्मण उवाच । एवम् उक्त्वा ययौ विद्वान् निदाघं स ऋभुर् गुरुः । निदाघोऽप्य् उपदेशेन तेनाद्वैतपरोऽभवत्

brāhmaṇa uvāca evam uktvā yayau vidvān nidāghaṁ sa ṛbhur guruḥ nidāgho'py upadeśena tenādvaitaparo'bhavat

ब्राह्मण [वक्ता] ने कहा — ऐसा कहकर वे विद्वान् गुरु ऋभु निदाघ से चले गए; और निदाघ भी उस उपदेश से अद्वैत में तत्पर हो गए।

श्लोक 20 (vishnu.2.16.20)

सर्वभूतान्य् अभेदेन ददृशे स तदात्मनः । तथा ब्रह्म ततो मुक्तिम् अवाप परमां द्विजः

sarvabhūtāny abhedena dadṛśe sa tadātmanaḥ tathā brahma tato muktim avāpa paramāṁ dvijaḥ

वे समस्त प्राणियों को अपनी ही आत्मा के रूप में अभेद-भाव से देखने लगे; इस प्रकार उन द्विज ने ब्रह्म को, फिर परम मुक्ति को प्राप्त किया।

श्लोक 21 (vishnu.2.16.21)

तथा त्वम् अपि धर्मज्ञ तुल्यात्मरिपुबान्धवः । भव सर्वगतं जानन्न् आत्मानम् अवनीपते

tathā tvam api dharmajña tulyātmaripubāndhavaḥ bhava sarvagataṁ jānann ātmānam avanīpate

[पराशर ने राजा से आगे कहा —] इसी प्रकार, हे धर्मज्ञ, तुम भी शत्रु और बन्धु को समान मानते हुए, हे पृथ्वीपते, आत्मा को सर्वव्यापी जानने वाले बनो।

श्लोक 22 (vishnu.2.16.22)

सितनीलादिभेदेन यथैकं दृश्यते नभः । भ्रान्तदृष्टिभिर् आत्मापि तथैकः सन् पृथक् पृथक्

sitanīlādibhedena yathaikaṁ dṛśyate nabhaḥ bhrāntadṛṣṭibhir ātmāpi tathaikaḥ san pṛthak pṛthak

जैसे श्वेत, नील आदि भेदों से एक ही आकाश भिन्न-भिन्न दिखाई देता है, वैसे ही भ्रान्त दृष्टि वालों को एक ही आत्मा भी अनेक रूप में दिखाई देता है।

श्लोक 23 (vishnu.2.16.23)

एकः समस्तं यद् इहास्ति किंचित् तद् अच्युतो वास्ति परं ततोऽन्यत् । सोऽहं स च त्वं स च सर्वम् एतद् आत्मस्वरूपं त्यज भेदमोहम्

ekaḥ samastaṁ yad ihāsti kiṁcit tad acyuto vāsti paraṁ tato'nyat so'haṁ sa ca tvaṁ sa ca sarvam etad ātmasvarūpaṁ tyaja bhedamoham

जो कुछ भी यहाँ जरा-सा भी विद्यमान है, वह सब वही एक अच्युत है; उससे परे और कुछ भी नहीं है। वही मैं हूँ, वही तुम हो, और वही यह सब है — यह आत्मा का ही स्वरूप जानकर भेद के मोह को त्याग दो।

श्लोक 24 (vishnu.2.16.24)

पराशर उवाच । इतीरितस् तेन स राजवर्यस् तत्याज भेदं परमार्थदृष्टिः । स चापि जातिस्मरणाप्तबोधस् तत्रैव जन्मन्य् अपवर्गम् आप

parāśara uvāca itīritas tena sa rājavaryas tatyāja bhedaṁ paramārthadṛṣṭiḥ sa cāpi jātismaraṇāptabodhas tatraiva janmany apavargam āpa

पराशर ने कहा — ऐसा कहे जाने पर वह श्रेष्ठ राजा, परमार्थ की दृष्टि पाकर, भेद-भाव को त्याग गया; और पूर्वजन्म के स्मरण से प्राप्त बोध वाले उन्होंने उसी जन्म में मोक्ष प्राप्त किया।

श्लोक 25 (vishnu.2.16.25)

इति भरतनरेन्द्रसारवृत्तं कथयति यश् च शृणोति भक्तियुक्तः । स विमलमतिर् एति नात्ममोहं भवति च संसरणेषु मुक्तियोग्यः

iti bharatanarendrasāravṛttaṁ kathayati yaś ca śṛṇoti bhaktiyuktaḥ sa vimalamatir eti nātmamohaṁ bhavati ca saṁsaraṇeṣu muktiyogyaḥ

जो कोई राजा भरत के इस उत्तम चरित्र को भक्तिपूर्वक कहता या सुनता है, वह निर्मल-चित्त हो जाता है, आत्म-मोह से रहित हो जाता है, और संसार-चक्र में मुक्ति के योग्य बन जाता है।