ऋभु का निदाघ को उपदेश

श्लोक 1 (vishnu.2.15.1)

पराशर उवाच । इत्य् उक्ते मौनिनं भूयश् चिन्तयानं महीपतिम् । प्रत्युवाचाथ विप्रोऽसाव् अद्वैतान्तर्गतां कथाम्

parāśara uvāca ity ukte mauninaṁ bhūyaś cintayānaṁ mahīpatim pratyuvācātha vipro'sāv advaitāntargatāṁ kathām

पराशर ने कहा — ऐसा कहे जाने पर, चिन्तामग्न होकर पुनः मौन हुए उस राजा को देखकर वह ब्राह्मण अद्वैत से सम्बद्ध कथा कहने लगा।

श्लोक 2 (vishnu.2.15.2)

ब्राह्मण उवाच । श्रूयतां नृपशार्दूल यद् गीतम् ऋभुणा पुरा । अवबोधं जनयता निदाघस्य द्विजन्मनः

brāhmaṇa uvāca śrūyatāṁ nṛpaśārdūla yad gītam ṛbhuṇā purā avabodhaṁ janayatā nidāghasya dvijanmanaḥ

ब्राह्मण ने कहा — हे नृपश्रेष्ठ, वह सुनो जो पूर्वकाल में ऋभु ने द्विजोत्तम निदाघ को बोध कराते हुए गाया था।

श्लोक 3 (vishnu.2.15.3)

ऋभुर् नामाभवत् पुत्रो ब्रह्मणः परमेष्ठिनः । विज्ञाततत्त्वसद्भावो निसर्गाद् एव भूपते

ṛbhur nāmābhavat putro brahmaṇaḥ parameṣṭhinaḥ vijñātatattvasadbhāvo nisargād eva bhūpate

हे राजन्, ऋभु नामक पुत्र परमेष्ठी ब्रह्मा के थे, जो स्वभाव से ही समस्त तत्त्वों की वास्तविकता को जानने वाले थे।

श्लोक 4 (vishnu.2.15.4)

तस्य शिष्यो निदाघोऽभूत् पुलस्त्यतनयः पुरा । प्रादाद् अशेषविज्ञानं स तस्मै परया मुदा

tasya śiṣyo nidāgho'bhūt pulastyatanayaḥ purā prādād aśeṣavijñānaṁ sa tasmai parayā mudā

पुलस्त्य के पुत्र निदाघ पूर्वकाल में उनके शिष्य थे; उन्हें उन्होंने अत्यन्त प्रसन्नतापूर्वक समस्त ज्ञान प्रदान किया।

श्लोक 5 (vishnu.2.15.5)

अवाप्तज्ञानतत्त्वस्य न तस्याद्वैतवासनाम् । स ऋभुस् तर्कयाम् आस निदाघस्य नरेश्वर

avāptajñānatattvasya na tasyādvaitavāsanām sa ṛbhus tarkayām āsa nidāghasya nareśvara

हे नरेश्वर, ऋभु को शंका हुई कि तत्त्व-ज्ञान प्राप्त कर लेने पर भी निदाघ में अद्वैत की [सच्ची] भावना नहीं बैठी है।

श्लोक 6 (vishnu.2.15.6)

देविकायास् तटे वीरनगरं नाम वै पुरम् । समृद्धम् अतिरम्यं च पुलस्त्येन निवेशितम्

devikāyās taṭe vīranagaraṁ nāma vai puram samṛddham atiramyaṁ ca pulastyena niveśitam

देविका नदी के तट पर वीरनगर नामक एक समृद्ध, अत्यन्त रमणीय नगर था, जिसे पुलस्त्य ने बसाया था।

श्लोक 7 (vishnu.2.15.7)

रम्योपवनपर्यन्ते स तस्मिन् पार्थिवोत्तम । निदाघो नाम योगज्ञ ऋभुशिष्योऽवसत् पुरा

ramyopavanaparyante sa tasmin pārthivottama nidāgho nāma yogajña ṛbhuśiṣyo'vasat purā

हे राजश्रेष्ठ, वहाँ एक रमणीय उपवन के छोर पर योग के ज्ञाता वे ऋभु के शिष्य निदाघ पूर्वकाल में निवास करते थे।

श्लोक 8 (vishnu.2.15.8)

दिव्ये वर्षसहस्रे तु समतीतेऽस्य तत् पुरम् । जगाम स ऋभुः शिष्यं निदाघम् अवलोकितुम्

divye varṣasahasre tu samatīte'sya tat puram jagāma sa ṛbhuḥ śiṣyaṁ nidāgham avalokitum

जब दिव्य वर्षों में हजार वर्ष बीत गए, तब ऋभु अपने शिष्य निदाघ को देखने के लिए उस नगर में गए।

श्लोक 9 (vishnu.2.15.9)

स तस्य वैश्वदेवान्ते द्वारालोकनगोचरे । स्थितस् तेन गृहीतार्घो निजवेश्मप्रवेशितः

sa tasya vaiśvadevānte dvārālokanagocare sthitas tena gṛhītārgho nijaveśmapraveśitaḥ

वे उसके वैश्वदेव के अन्त में द्वार के सामने दृष्टिगोचर स्थान पर खड़े हुए; निदाघ ने अर्घ्य देकर उन्हें अपने घर में प्रवेश कराया।

श्लोक 10 (vishnu.2.15.10)

प्रक्षालिताङ्घ्रिपाणिं च कृतासनपरिग्रहम् । उवाच स द्विजश्रेष्ठो भुज्यताम् इति सादरम्

prakṣālitāṅghripāṇiṁ ca kṛtāsanaparigraham uvāca sa dvijaśreṣṭho bhujyatām iti sādaram

उनके हाथ-पैर धुलवाकर तथा आसन ग्रहण करवाकर उस द्विजश्रेष्ठ ने आदरपूर्वक कहा, 'भोजन कीजिए।'

श्लोक 11 (vishnu.2.15.11)

ऋभुर् उवाच । भो विप्रवर्य भोक्तव्यं यद् अन्नं भवतो गृहे । तत् कथ्यतां कदन्नेषु न प्रीतिः सततं मम

ṛbhur uvāca bho vipravarya bhoktavyaṁ yad annaṁ bhavato gṛhe tat kathyatāṁ kadanneṣu na prītiḥ satataṁ mama

ऋभु ने कहा — हे विप्रवर्य, आपके घर में जो भोजन खाने योग्य हो, वह बताइए; मुझे सदा निकृष्ट भोजन में रुचि नहीं होती।

श्लोक 12 (vishnu.2.15.12)

निदाघ उवाच । सक्तुयावकवाट्यानाम् अपूपानां च मे गृहे । यद् रोचते द्विजश्रेष्ठ तत् त्वं भुङ्क्ष्व यथेच्छया

nidāgha uvāca saktuyāvakavāṭyānām apūpānāṁ ca me gṛhe yad rocate dvijaśreṣṭha tat tvaṁ bhuṅkṣva yathecchayā

निदाघ ने कहा — मेरे घर में सत्तू, दलिया, बगीचे की सब्जियाँ तथा पूए हैं; हे द्विजश्रेष्ठ, जो अच्छा लगे, वही इच्छानुसार खाइए।

श्लोक 13 (vishnu.2.15.13)

ऋभुर् उवाच । कदन्नानि द्विजैतानि मिष्टम् अन्नं प्रयच्छ मे । संयावपायसादीनि द्रप्सफाणितवन्ति च

ṛbhur uvāca kadannāni dvijaitāni miṣṭam annaṁ prayaccha me saṁyāvapāyasādīni drapsaphāṇitavanti ca

ऋभु ने कहा — हे द्विज, ये तो निकृष्ट भोजन हैं; मुझे मिष्ट भोजन दो — जैसे संयाव, खीर, तथा बूँदी और गुड़ से युक्त पदार्थ।

श्लोक 14 (vishnu.2.15.14)

निदाघ उवाच । हे हे शालिनि मद्गेहे यत् किंचिद् अतिशोभनम् । भक्ष्योपसाधनं मिष्टं तेनास्यान्नं प्रसाधय

nidāgha uvāca he he śālini madgehe yat kiṁcid atiśobhanam bhakṣyopasādhanaṁ miṣṭaṁ tenāsyānnaṁ prasādhaya

निदाघ ने कहा — 'अरे, अरे, प्रिये! मेरे घर में जो कुछ सबसे उत्तम हो, उसी से इनके लिए मिष्ट भोजन बनाओ।'

श्लोक 15 (vishnu.2.15.15)

ब्राह्मण उवाच । इत्य् उक्ता तेन सा पत्नी मिष्टम् अन्नं द्विजस्य यत् । प्रसाधितवती तद् वै भर्तुर् वचनगौरवात्

brāhmaṇa uvāca ity uktā tena sā patnī miṣṭam annaṁ dvijasya yat prasādhitavatī tad vai bhartur vacanagauravāt

ब्राह्मण [वक्ता] ने कहा — पति के इस कहने पर उनकी पत्नी ने अपने पति के वचन का सम्मान करते हुए वह मिष्ट भोजन तैयार किया।

श्लोक 16 (vishnu.2.15.16)

तं भुक्तवन्तम् इच्छातो मिष्टम् अन्नं महामुनिम् । निदाघः प्राह भूपाल प्रश्रयावनतः स्थितः

taṁ bhuktavantam icchāto miṣṭam annaṁ mahāmunim nidāghaḥ prāha bhūpāla praśrayāvanataḥ sthitaḥ

हे राजन्, जब वे महामुनि इच्छानुसार वह मिष्ट भोजन खा चुके, तब निदाघ ने विनम्रतापूर्वक झुककर उनसे कहा —

श्लोक 17 (vishnu.2.15.17)

निदाघ उवाच । अपि ते परमा तृप्तिर् उत्पन्ना तुष्टिर् एव च । अपि ते मानसं स्वस्थम् आहारेण कृतं द्विज

nidāgha uvāca api te paramā tṛptir utpannā tuṣṭir eva ca api te mānasaṁ svastham āhāreṇa kṛtaṁ dvija

निदाघ ने कहा — क्या आपको परम तृप्ति और संतोष प्राप्त हुआ? हे द्विज, क्या इस भोजन से आपका मन स्वस्थ हुआ?

श्लोक 18 (vishnu.2.15.18)

क्वनिवासो भवान् विप्र क्व च गन्तुं समुद्यतः । आगम्यते च भवता यतस् तच् च द्विजोच्यताम्

kvanivāso bhavān vipra kva ca gantuṁ samudyataḥ āgamyate ca bhavatā yatas tac ca dvijocyatām

हे विप्र, आपका निवास कहाँ है? कहाँ जाने के लिए आप उद्यत हैं? और आप कहाँ से आए हैं — हे द्विज, यह भी बताइए।

श्लोक 19 (vishnu.2.15.19)

ऋभुर् उवाच । क्षुद् यस्य तस्य भुक्तेऽन्ने तृप्तिर् ब्राह्मण जायते । न मे क्षुद् अभवत् तृप्तिं कस्मान् मां परिपृच्छसि

ṛbhur uvāca kṣud yasya tasya bhukte'nne tṛptir brāhmaṇa jāyate na me kṣud abhavat tṛptiṁ kasmān māṁ paripṛcchasi

ऋभु ने कहा — हे ब्राह्मण, जिसे भूख होती है, उसे भोजन करने पर तृप्ति होती है; मुझे भूख ही नहीं थी, तो तृप्ति के विषय में मुझसे क्यों पूछते हो?

श्लोक 20 (vishnu.2.15.20)

वह्निना पार्थिवे धातौ क्षपिते क्षुत्समुद्भवः । भवत्य् अम्भसि च क्षीणे नृणां तृड् अपि जायते

vahninā pārthive dhātau kṣapite kṣutsamudbhavaḥ bhavaty ambhasi ca kṣīṇe nṛṇāṁ tṛḍ api jāyate

जब मनुष्य की देह में स्थित अग्नि पार्थिव तत्त्व को क्षीण करती है, तब भूख उत्पन्न होती है; और जल-तत्त्व के क्षीण होने पर मनुष्यों को प्यास भी लगती है।

श्लोक 21 (vishnu.2.15.21)

क्षुत्तृष्णे देहधर्माख्ये न ममैते यतो द्विज । ततः क्षुत्संभवाभावात् तृप्तिर् अस्त्य् एव मे सदा

kṣuttṛṣṇe dehadharmākhye na mamaite yato dvija tataḥ kṣutsaṁbhavābhāvāt tṛptir asty eva me sadā

हे द्विज, चूँकि देह के धर्म कहे जाने वाले भूख-प्यास मेरे नहीं हैं, इसलिए भूख उत्पन्न ही न होने से मैं सदा तृप्त ही रहता हूँ।

श्लोक 22 (vishnu.2.15.22)

मनसः स्वस्थता तुष्टिश् चित्तधर्माव् इमौ द्विज । चेतसो यस्य तत् पृच्छ पुमान् एभिर् न युज्यते

manasaḥ svasthatā tuṣṭiś cittadharmāv imau dvija cetaso yasya tat pṛccha pumān ebhir na yujyate

हे द्विज, मन की स्वस्थता और संतोष — ये दोनों चित्त के ही धर्म हैं; इन्हें उससे पूछो जिसका चित्त है — पुरुष इनसे युक्त नहीं होता।

श्लोक 23 (vishnu.2.15.23)

क्व निवासस् तवेत्य् उक्तं क्व गन्तासि च यत् त्वया । कुतश् चागम्यते तत्र त्रितयेऽपि निबोध मे

kva nivāsas tavety uktaṁ kva gantāsi ca yat tvayā kutaś cāgamyate tatra tritaye'pi nibodha me

तुमने जो पूछा कि 'तुम्हारा निवास कहाँ है', 'कहाँ जाओगे' तथा 'कहाँ से आते हो' — इन तीनों के विषय में भी मुझसे यह समझो —

श्लोक 24 (vishnu.2.15.24)

पुमान् सर्वगतो व्यापी आकाशवद् अयं यतः । कुतः कुत्र क्व गन्तासीत्य् एतद् अप्य् अर्थवत् कथम्

pumān sarvagato vyāpī ākāśavad ayaṁ yataḥ kutaḥ kutra kva gantāsīty etad apy arthavat katham

यह पुरुष सर्वव्यापी, आकाश के समान सर्वत्र विद्यमान है — तो फिर 'कहाँ से', 'कहाँ', 'कहाँ जाओगे' — यह प्रश्न भला कैसे सार्थक हो सकता है?

श्लोक 25 (vishnu.2.15.25)

सोऽहं गन्ता न चागन्ता नैकदेशनिकेतनः । त्वं चान्ये च न च त्वं च नान्ये नैवाहम् अप्य् अहम्

so'haṁ gantā na cāgantā naikadeśaniketanaḥ tvaṁ cānye ca na ca tvaṁ ca nānye naivāham apy aham

मैं न जाने वाला हूँ, न न-जाने वाला, न किसी एक स्थान में निवास करने वाला; मैं तुम भी हूँ और अन्य भी, और न तुम हूँ, न अन्य हूँ, न स्वयं मैं भी हूँ।

श्लोक 26 (vishnu.2.15.26)

मृष्टं न मृष्टम् इत्य् एषा जिज्ञासा मे कृता तव । किं वक्ष्यतीति तत्रापि श्रूयतां द्विजसत्तम

mṛṣṭaṁ na mṛṣṭam ity eṣā jijñāsā me kṛtā tava kiṁ vakṣyatīti tatrāpi śrūyatāṁ dvijasattama

तुमने मुझसे यह जो जिज्ञासा की कि भोजन 'स्वादिष्ट था या नहीं' — इस पर भी सुनो, हे द्विजश्रेष्ठ, आगे क्या कहा जाता है।

श्लोक 27 (vishnu.2.15.27)

किम् अस्वाद्व् अथ वा मृष्टं भुञ्जतोऽन्नं द्विजोत्तम । मृष्टम् एव यदामृष्टं तद् एवोद्वेगकारणम्

kim asvādv atha vā mṛṣṭaṁ bhuñjato'nnaṁ dvijottama mṛṣṭam eva yadāmṛṣṭaṁ tad evodvegakāraṇam

हे द्विजोत्तम, भोजन करने वाले के लिए वह स्वादहीन हो या स्वादिष्ट — जब स्वादिष्ट ही अस्वादिष्ट बन जाता है, वही उद्वेग का कारण बनता है।

श्लोक 28 (vishnu.2.15.28)

अमृष्टं जायते मृष्टं मृष्टाद् उद्विजते जनः । आदिमध्यावसानेषु किम् अन्नं रुचिकारकम्

amṛṣṭaṁ jāyate mṛṣṭaṁ mṛṣṭād udvijate janaḥ ādimadhyāvasāneṣu kim annaṁ rucikārakam

अस्वादिष्ट स्वादिष्ट बन जाता है, और मनुष्य स्वादिष्ट से ही उद्विग्न हो जाता है; आदि, मध्य और अन्त में ऐसा कौन-सा भोजन है जो [स्थायी] रुचि उत्पन्न करता हो?

श्लोक 29 (vishnu.2.15.29)

मृण्मयं हि गृहं यद्वन् मृदा लिप्तं स्थिरं भवेत् । पार्थिवोऽयं तथा देहः पार्थिवैः परमाणुभिः

mṛṇmayaṁ hi gṛhaṁ yadvan mṛdā liptaṁ sthiraṁ bhavet pārthivo'yaṁ tathā dehaḥ pārthivaiḥ paramāṇubhiḥ

जैसे मिट्टी से बना घर मिट्टी से लीपे जाने पर स्थिर होता है, वैसे ही यह पार्थिव देह भी पार्थिव परमाणुओं से बनी है।

श्लोक 30 (vishnu.2.15.30)

यवगोधूममुद्गादि घृतं तैलं पयो दधि । गुडं फलादीनि तथा पार्थिवाः परमाणवः

yavagodhūmamudgādi ghṛtaṁ tailaṁ payo dadhi guḍaṁ phalādīni tathā pārthivāḥ paramāṇavaḥ

जौ, गेहूँ, मूँग आदि, घृत, तेल, दूध, दही, गुड़ तथा फल आदि भी — ये सब पार्थिव परमाणु ही हैं।

श्लोक 31 (vishnu.2.15.31)

तद् एतद् भवता ज्ञात्वा मृष्टामृष्टविचारि यत् । तन् मनः समतालम्बि कार्यं साम्यं हि मुक्तये

tad etad bhavatā jñātvā mṛṣṭāmṛṣṭavicāri yat tan manaḥ samatālambi kāryaṁ sāmyaṁ hi muktaye

यह जानकर, स्वादिष्ट-अस्वादिष्ट का विचार करने वाला जो मन है, उसे समता का आश्रय लेना चाहिए; क्योंकि समता ही मुक्ति का कारण है।'

श्लोक 32 (vishnu.2.15.32)

ब्राह्मण उवाच । इत्य् आकर्ण्य वचस् तस्य परमार्थाश्रितं नृप । प्रणिपत्य महाभागो निदाघो वाक्यम् अब्रवीत्

brāhmaṇa uvāca ity ākarṇya vacas tasya paramārthāśritaṁ nṛpa praṇipatya mahābhāgo nidāgho vākyam abravīt

ब्राह्मण [वक्ता] ने कहा — हे राजन्, परमार्थ पर आश्रित उनके इन वचनों को सुनकर वे महाभाग निदाघ प्रणाम करके यह वचन बोले —

श्लोक 33 (vishnu.2.15.33)

प्रसीद मद्धितार्थाय कथ्यतां यस् त्वम् आगतः । नष्टो मोहस् तवाकर्ण्य वचांस्य् एतानि मे द्विज

prasīda maddhitārthāya kathyatāṁ yas tvam āgataḥ naṣṭo mohas tavākarṇya vacāṁsy etāni me dvija

'मुझ पर कृपा कीजिए, मेरे कल्याण के लिए बताइए कि आप कौन हैं जो यहाँ आए हैं; हे द्विज, आपके इन वचनों को सुनकर मेरा मोह नष्ट हो गया है।'

श्लोक 34 (vishnu.2.15.34)

ऋभुर् उवाच । ऋभुर् अस्मि तवाचार्यः प्रज्ञादानाय ते द्विज । इहागतोऽहं यास्यामि परमार्थस् तवोदितः

ṛbhur uvāca ṛbhur asmi tavācāryaḥ prajñādānāya te dvija ihāgato'haṁ yāsyāmi paramārthas tavoditaḥ

ऋभु ने कहा — 'हे द्विज, मैं ऋभु हूँ, तुम्हें ज्ञान देने के लिए तुम्हारा आचार्य ही यहाँ आया था; अब परमार्थ तुम्हें बताकर मैं जाऊँगा।

श्लोक 35 (vishnu.2.15.35)

एवम् एकम् इदं विद्धि न भेदि सकलं जगत् । वासुदेवाभिधेयस्य स्वरूपं परमात्मनः

evam ekam idaṁ viddhi na bhedi sakalaṁ jagat vāsudevābhidheyasya svarūpaṁ paramātmanaḥ

इस प्रकार इसे एक ही जानो, यह सम्पूर्ण जगत् भेद-रहित है — यही वासुदेव नामक परमात्मा का वास्तविक स्वरूप है।'

श्लोक 36 (vishnu.2.15.36)

ब्राह्मण उवाच । तथेत्य् उक्त्वा निदाघेन प्रणिपातपुरःसरम् । पूजितः परया भक्त्या इच्छातः प्रययाव् ऋभुः

brāhmaṇa uvāca tathety uktvā nidāghena praṇipātapuraḥsaram pūjitaḥ parayā bhaktyā icchātaḥ prayayāv ṛbhuḥ

ब्राह्मण [वक्ता] ने कहा — 'ऐसा ही हो' कहकर, निदाघ द्वारा प्रणामपूर्वक परम भक्ति से पूजित होकर ऋभु अपनी इच्छानुसार चले गए।