दण्डकारण्य-प्रवेश

श्लोक 1 (aranya.1.1)

प्रविश्य तु महारण्यं दण्डकारण्यमात्मवान् । रामो ददर्श दुर्धर्षस्तापसाश्रममण्डलम् ॥ 1.1 ॥

praviśya tu mahāraṇyaṃ daṇḍakāraṇyamātmavān | rāmo dadarśa durdharṣastāpasāśramamaṇḍalam || 1.1 ||

आत्मसंयमी और अजेय राम उस महान् अरण्य—दण्डकारण्य—में प्रवेश करके तपस्वियों के आश्रमों का समूह देखने लगे।

श्लोक 2 (aranya.1.2)

कुशचीरपरिक्षिप्तं ब्राह्म्या लक्ष्म्या समावृतम् । यथा प्रदीप्तं दुर्दर्शं गगने सूर्यमण्डलम् ॥ 1.2 ॥

kuśacīraparikṣiptaṃ brāhmyā lakṣmyā samāvṛtam | yathā pradīptaṃ durdarśaṃ gagane sūryamaṇḍalam || 1.2 ||

वह आश्रम-मण्डल कुश और वल्कल-वस्त्रों से आच्छादित तथा ब्राह्मी शोभा से युक्त था, मानो आकाश में जाज्वल्यमान सूर्यमण्डल हो, जिसकी ओर देखना कठिन हो।

श्लोक 3 (aranya.1.3)

शरण्यं सर्वभूतानां सुसम्मृष्टाजिरं सदा । मृगैर्बहुभिराकीर्णं पक्षिसंघैः समावृतम् ॥ 1.3 ॥

śaraṇyaṃ sarvabhūtānāṃ susammṛṣṭājiraṃ sadā | mṛgairbahubhirākīrṇaṃ pakṣisaṃghaiḥ samāvṛtam || 1.3 ||

वह सब प्राणियों के लिए शरणस्थान था, उसका आँगन सदा भलीभाँति बुहारा हुआ रहता था, वहाँ अनेक मृग विचरते और पक्षियों के झुंड भरे रहते थे।

श्लोक 4 (aranya.1.4)

पूजितं चोपनृत्तं च नित्यमप्सरसां गणैः । विशालैरग्निशरणैः स्रुग्भाण्डैरजिनैः कुशैः ॥ 1.4 ॥

pūjitaṃ copanṛttaṃ ca nityamapsarasāṃ gaṇaiḥ | viśālairagniśaraṇaiḥ srugbhāṇḍairajinaiḥ kuśaiḥ || 1.4 ||

वहाँ अप्सराओं के समूह निरंतर नृत्य करते और उस स्थान की वंदना करते थे; वहाँ विशाल अग्निशालाएँ, स्रुक्-पात्र, मृगचर्म और कुश बिछे हुए थे,

श्लोक 5 (aranya.1.5)

समिद्भिस्तोयकलशैः फलमूलैश्च शोभितम् । आरण्यैश्च महावृक्षैः पुण्यैः स्वादुफलैर्वृतम् ॥ 1.5 ॥

samidbhistoyakalaśaiḥ phalamūlaiśca śobhitam | āraṇyaiśca mahāvṛkṣaiḥ puṇyaiḥ svāduphalairvṛtam || 1.5 ||

तथा समिधाओं, जलपात्रों, फलों और कंदमूलों से सुशोभित था, और पवित्र, मधुर फल देने वाले विशाल वन-वृक्षों से घिरा हुआ था।

श्लोक 6 (aranya.1.6)

बलिहोमार्चितं पुण्यं ब्रह्मघोषनिनादितम् । पुष्पैश्चान्यैः परिक्षिप्तं पद्मिन्या च सपद्मया ॥ 1.6 ॥

balihomārcitaṃ puṇyaṃ brahmaghoṣanināditam | puṣpaiścānyaiḥ parikṣiptaṃ padminyā ca sapadmayā || 1.6 ||

वह पवित्र स्थान बलि और होम से पूजित तथा वेदघोष से गूँजता रहता था, और वह कमलों से भरे सरोवर तथा अन्य वन-पुष्पों से घिरा हुआ था।

श्लोक 7 (aranya.1.7)

फलमूलाशनैर्दान्तैश्चीरकृष्णाजिनाम्बरैः । सूर्यवैश्वानराभैश्च पुराणैर्मुनिभिर्युतम् ॥ 1.7 ॥

phalamūlāśanairdāntaiścīrakṛṣṇājināmbaraiḥ | sūryavaiśvānarābhaiśca purāṇairmunibhiryutam || 1.7 ||

वहाँ फल-मूल खाने वाले, जितेन्द्रिय, वल्कल और कृष्णमृगचर्म धारण करने वाले तथा सूर्य और अग्नि के समान तेजस्वी वृद्ध मुनि निवास करते थे।

श्लोक 8 (aranya.1.8)

पुण्यैश्च नियताहारैः शोभितं परमर्षिभिः । तद् ब्रह्मभवनप्रख्यं ब्रह्मघोषनिनादितम् ॥ 1.8 ॥

puṇyaiśca niyatāhāraiḥ śobhitaṃ paramarṣibhiḥ | tad brahmabhavanaprakhyaṃ brahmaghoṣanināditam || 1.8 ||

वह ब्रह्मलोक के समान प्रतीत होने वाला और वेदघोष से गूँजता हुआ आश्रम-मण्डल, नियमित आहार लेने वाले पवित्र महर्षियों से सुशोभित था।

श्लोक 9 (aranya.1.9)

ब्रह्मविद्भिर्महाभागैर्ब्राह्मणैरुपशोभितम् । तद् दृष्ट्वा राघवः श्रीमांस्तापसाश्रममण्डलम् ॥ 1.9 ॥

brahmavidbhirmahābhāgairbrāhmaṇairupaśobhitam | tad dṛṣṭvā rāghavaḥ śrīmāṃstāpasāśramamaṇḍalam || 1.9 ||

वह ब्रह्मज्ञानी महाभाग ब्राह्मणों से भी सुशोभित था। उस तपस्वियों के आश्रम-मण्डल को देखकर श्रीमान् राघव—

श्लोक 10 (aranya.1.10)

अभ्यगच्छन्महातेजा विज्यं कृत्वा महद् धनुः । दिव्यज्ञानोपपन्नास्ते रामं दृष्ट्वा महर्षयः ॥ 1.10 ॥

abhyagacchanmahātejā vijyaṃ kṛtvā mahad dhanuḥ | divyajñānopapannāste rāmaṃ dṛṣṭvā maharṣayaḥ || 1.10 ||

उस महातेजस्वी राम ने अपने विशाल धनुष की डोरी उतारकर आश्रम की ओर प्रस्थान किया। दिव्य ज्ञान से संपन्न उन महर्षियों ने राम को देखकर—

श्लोक 11 (aranya.1.11)

अभिजग्मुस्तदा प्रीता वैदेहीं च यशस्विनीम् । ते तु सोममिवोद्यन्तं दृष्ट्वा वै धर्मचारिणम् ॥ 1.11 ॥

abhijagmustadā prītā vaidehīṃ ca yaśasvinīm | te tu somamivodyantaṃ dṛṣṭvā vai dharmacāriṇam || 1.11 ||

और यशस्विनी वैदेही (सीता) को भी देखकर, प्रसन्न होकर उनकी ओर आगे बढ़े। उदित होते चंद्रमा के समान उस धर्मपरायण राम को देखकर,

श्लोक 12 (aranya.1.12)

लक्ष्मणं चैव दृष्ट्वा तु वैदेहीं च यशस्विनीम् । मङ्गलानि प्रयुञ्जानाः प्रत्यगृह्णन् दृढव्रताः ॥ 1.12 ॥

lakṣmaṇaṃ caiva dṛṣṭvā tu vaidehīṃ ca yaśasvinīm | maṅgalāni prayuñjānāḥ pratyagṛhṇan dṛḍhavratāḥ || 1.12 ||

तथा लक्ष्मण और यशस्विनी वैदेही को भी देखकर, दृढ़-व्रती उन ऋषियों ने मंगल-कामनाएँ करते हुए उनका स्वागत किया।

श्लोक 13 (aranya.1.13)

रूपसंहननं लक्ष्मीं सौकुमार्यं सुवेषताम् । ददृशुर्विस्मिताकारा रामस्य वनवासिनः ॥ 1.13 ॥

rūpasaṃhananaṃ lakṣmīṃ saukumāryaṃ suveṣatām | dadṛśurvismitākārā rāmasya vanavāsinaḥ || 1.13 ||

उन वनवासी ऋषियों ने विस्मित मुख से राम के सुगठित शरीर, तेज, सुकुमारता और सुंदर वेश को देखा।

श्लोक 14 (aranya.1.14)

वैदेहीं लक्ष्मणं रामं नेत्रैरनिमिषैरिव । आश्चर्यभूतान् ददृशुः सर्वे ते वनवासिनः ॥ 1.14 ॥

vaidehīṃ lakṣmaṇaṃ rāmaṃ netrairanimiṣairiva | āścaryabhūtān dadṛśuḥ sarve te vanavāsinaḥ || 1.14 ||

उन सभी वनवासियों ने वैदेही, लक्ष्मण और राम को मानो अपलक नेत्रों से, अद्भुत वस्तुओं के समान निहारा।

श्लोक 15 (aranya.1.15)

अत्रैनं हि महाभागाः सर्वभूतहिते रताः । अतिथिं पर्णशालायां राघवं संन्यवेशयन् ॥ 1.15 ॥

atrainaṃ hi mahābhāgāḥ sarvabhūtahite ratāḥ | atithiṃ parṇaśālāyāṃ rāghavaṃ saṃnyaveśayan || 1.15 ||

सर्वभूत-हितकारी उन महाभाग ऋषियों ने अतिथि राघव को वहाँ पर्णशाला में ससम्मान बिठाया।

श्लोक 16 (aranya.1.16)

ततो रामस्य सत्कृत्य विधिना पावकोपमाः । आजह्रुस्ते महाभागाः सलिलं धर्मचारिणः ॥ 1.16 ॥

tato rāmasya satkṛtya vidhinā pāvakopamāḥ | ājahruste mahābhāgāḥ salilaṃ dharmacāriṇaḥ || 1.16 ||

तत्पश्चात् अग्नि के समान तेजस्वी और धर्मपरायण उन महाभाग ऋषियों ने विधिपूर्वक राम का सत्कार करके उनके लिए जल लाया।

श्लोक 17 (aranya.1.17)

मङ्गलानि प्रयुञ्जाना मुदा परमया युताः । मूलं पुष्पं फलं सर्वमाश्रमं च महात्मनः ॥ 1.17 ॥

maṅgalāni prayuñjānā mudā paramayā yutāḥ | mūlaṃ puṣpaṃ phalaṃ sarvamāśramaṃ ca mahātmanaḥ || 1.17 ||

वे परम हर्ष से युक्त होकर मंगलाशीष देते हुए, उस महात्मा राम को कंदमूल, फूल, फल और सम्पूर्ण आश्रम अर्पित करने लगे,

श्लोक 18 (aranya.1.18)

निवेदयित्वा धर्मज्ञास्ते तु प्राञ्जलयोऽब्रुवन् । धर्मपालो जनस्यास्य शरण्यश्च महायशाः ॥ 1.18 ॥

nivedayitvā dharmajñāste tu prāñjalayo'bruvan | dharmapālo janasyāsya śaraṇyaśca mahāyaśāḥ || 1.18 ||

यह सब अर्पित करके, धर्मज्ञ उन ऋषियों ने हाथ जोड़कर कहा — "आप इस प्रजा के धर्म के रक्षक, शरणदाता और महायशस्वी हैं;

श्लोक 19 (aranya.1.19)

पूजनीयश्च मान्यश्च राजा दण्डधरो गुरुः । इन्द्रस्यैव चतुर्भागः प्रजा रक्षति राघव ॥ 1.19 ॥

pūjanīyaśca mānyaśca rājā daṇḍadharo guruḥ | indrasyaiva caturbhāgaḥ prajā rakṣati rāghava || 1.19 ||

आप पूजनीय हैं, मान्य हैं; राजा दण्डधारी और गुरुतुल्य होता है। हे राघव, इन्द्र का ही चतुर्थांश राजा बनकर प्रजा की रक्षा करता है —

श्लोक 20 (aranya.1.20)

राजा तस्माद् वरान् भोगान् रम्यान् भुङ्क्ते नमस्कृतः । ते वयं भवता रक्ष्या भवद्विषयवासिनः । नगरस्थो वनस्थो वा त्वं नो राजा जनेश्वरः ॥ 1.20 ॥

rājā tasmād varān bhogān ramyān bhuṅkte namaskṛtaḥ | te vayaṃ bhavatā rakṣyā bhavadviṣayavāsinaḥ | nagarastho vanastho vā tvaṃ no rājā janeśvaraḥ || 1.20 ||

इसीलिए राजा सबके नमस्कार पाकर उत्तम और रमणीय भोगों का उपभोग करता है। हम आपके राज्य में रहने वाले प्रजाजन आपके ही द्वारा रक्षणीय हैं; आप नगर में रहें अथवा वन में, आप ही हमारे राजा और प्रजापालक हैं।

श्लोक 21 (aranya.1.21)

न्यस्तदण्डा वयं राजञ्जितक्रोधा जितेन्द्रियाः । रक्षणीयास्त्वया शश्वद् गर्भभूतास्तपोधनाः ॥ 1.21 ॥

nyastadaṇḍā vayaṃ rājañjitakrodhā jitendriyāḥ | rakṣaṇīyāstvayā śaśvad garbhabhūtāstapodhanāḥ || 1.21 ||

हे राजन्, हमने दण्ड का त्याग कर दिया है, हमने क्रोध और इन्द्रियों पर विजय पा ली है; तपस्या ही हमारा धन है, अतः हम सदा गर्भस्थ शिशु के समान आपके द्वारा रक्षणीय हैं।"

श्लोक 22 (aranya.1.22)

एवमुक्त्वा फलैर्मूलैः पुष्पैरन्यैश्च राघवम् । वन्यैश्च विविधाहारैः सलक्ष्मणमपूजयन् ॥ 1.22 ॥

evamuktvā phalairmūlaiḥ puṣpairanyaiśca rāghavam | vanyaiśca vividhāhāraiḥ salakṣmaṇamapūjayan || 1.22 ||

ऐसा कहकर उन्होंने फल, मूल, फूल और अन्य विविध वन्य पदार्थों से लक्ष्मण सहित राघव का पूजन किया।

श्लोक 23 (aranya.1.23)

तथान्ये तापसाः सिद्धा रामं वैश्वानरोपमाः । न्यायवृत्ता यथान्यायं तर्पयामासुरीश्वरम् ॥ 1.23 ॥

tathānye tāpasāḥ siddhā rāmaṃ vaiśvānaropamāḥ | nyāyavṛttā yathānyāyaṃ tarpayāmāsurīśvaram || 1.23 ||

उसी प्रकार अग्नि के समान तेजस्वी अन्य सिद्ध तपस्वियों ने, न्यायपूर्ण आचरण करते हुए, विधिपूर्वक ईश्वरस्वरूप राम को संतुष्ट किया।