सुमन्त्र का राम को बुलाने जाना

श्लोक 1 (ayodhya.15.1)

ते तु तां रजनीमुष्य ब्राह्मणा वेदपारगाः । उपतस्थुरुपस्थानं सह राजपुरोहिताः ।। १५.१ ।।

te tu tāṃ rajanīmuṣya brāhmaṇā vedapāragāḥ | upatasthurupasthānaṃ saha rājapurohitāḥ || 15.1 ||

वेदपारंगत ब्राह्मण उस रात्रि को बिताकर राजपुरोहित के साथ राजसभा में उपस्थित हुए।

श्लोक 2 (ayodhya.15.2)

अमात्या बलमुख्याश्च मुख्या ये निगमस्य च । राघवस्याभिषेकार्थे प्रीयमाणाः सुसंगताः ।। १५.२ ।।

amātyā balamukhyāśca mukhyā ye nigamasya ca | rāghavasyābhiṣekārthe prīyamāṇāḥ susaṃgatāḥ || 15.2 ||

मंत्रीगण, सेनापति और नगर के प्रमुख व्यापारी—सभी राघव के अभिषेक की खुशी में एकत्र हो गए।

श्लोक 3 (ayodhya.15.3)

उदिते विमले सूर्ये पुष्ये चाभ्यागतेऽहनि । लग्ने कर्कटके प्राप्ते जन्म रामस्य च स्थिते ।। १५.३ ।।

udite vimale sūrye puṣye cābhyāgate'hani | lagne karkaṭake prāpte janma rāmasya ca sthite || 15.3 ||

जब निर्मल सूर्य उदय हो चुका था और पुष्य नक्षत्र का दिन आ पहुँचा था, तथा कर्क लग्न आ गया था—वही लग्न जिसमें राम का जन्म हुआ था—

श्लोक 4 (ayodhya.15.4)

अभिषेकाय रामस्य द्विजेन्द्रैरुपकल्पितम् । काञ्चना जलकुम्भाश्च भद्रपीठं स्वलंकृतम् ।। १५.४ ।।

abhiṣekāya rāmasya dvijendrairupakalpitam | kāñcanā jalakumbhāśca bhadrapīṭhaṃ svalaṃkṛtam || 15.4 ||

—श्रेष्ठ ब्राह्मणों ने राम के अभिषेक के लिए सब कुछ तैयार कर दिया था: स्वर्ण जलकुंभ और सुसज्जित भद्रपीठ।

श्लोक 5 (ayodhya.15.5)

रथश्च सम्यगास्तीर्णो भास्वता व्याघ्रचर्मणा । गङ्गायमुनयोः पुण्यात्संगमादाहृतं जलम् ।। १५.५ ।।

rathaśca samyagāstīrṇo bhāsvatā vyāghracarmaṇā | gaṅgāyamunayoḥ puṇyātsaṃgamādāhṛtaṃ jalam || 15.5 ||

एक रथ भी, जो चमकते व्याघ्रचर्म से भली-भाँति आच्छादित था; तथा गंगा-यमुना के पवित्र संगम से लाया गया जल।

श्लोक 6 (ayodhya.15.6)

याश्चान्याः सरितः पुण्या ह्रदाः कूपाः सरांसि च । प्राग्वहाश्चोर्ध्ववाहाश्च तिर्यग्वाहाश्च क्षीरिणः ।। १५.६ ।।

yāścānyāḥ saritaḥ puṇyā hradāḥ kūpāḥ sarāṃsi ca | prāgvahāścordhvavāhāśca tiryagvāhāśca kṣīriṇaḥ || 15.6 ||

और जो अन्य पवित्र नदियाँ, ह्रद, कूप और सरोवर थे—पूर्व की ओर बहने वाली, ऊपर की ओर उठने वाली, तिरछी बहने वाली तथा दूध जैसा जल देने वाली धाराएँ—

श्लोक 7 (ayodhya.15.7)

ताभ्यश्चैवाहृतं तोयं समुद्रेभ्यश्च सर्वशः । क्षौद्रं दधि घृतं लाजा दर्भाः सुमनसः पयः ।। १५.७ ।।

tābhyaścaivāhṛtaṃ toyaṃ samudrebhyaśca sarvaśaḥ | kṣaudraṃ dadhi ghṛtaṃ lājā darbhāḥ sumanasaḥ payaḥ || 15.7 ||

—इन सबसे तथा सभी दिशाओं के समुद्रों से जल लाया गया था; साथ ही मधु, दही, घृत, लाजा (भुना अन्न), कुश, फूल और दूध भी।

श्लोक 8 (ayodhya.15.8)

अष्टौ च कन्या रुचिरा मत्तश्च वरवारणः । सजलाः क्षीरिभिश्छन्ना घटाः काञ्चनराजताः ।। १५.८ ।।

aṣṭau ca kanyā rucirā mattaśca varavāraṇaḥ | sajalāḥ kṣīribhiśchannā ghaṭāḥ kāñcanarājatāḥ || 15.8 ||

आठ सुंदर कन्याएँ, एक उन्मत्त श्रेष्ठ गजराज, तथा जल से भरे और क्षीरवृक्षों के पत्तों से ढके स्वर्ण-रजत घट—

श्लोक 9 (ayodhya.15.9)

पद्मोत्पलयुता भान्ति पूर्णाः परमवारिणा । चन्द्रांशुविकचप्रख्यं पाण्डुरं रत्नभूषितम् ।। १५.९ ।।

padmotpalayutā bhānti pūrṇāḥ paramavāriṇā | candrāṃśuvikacaprakhyaṃ pāṇḍuraṃ ratnabhūṣitam || 15.9 ||

—वे उत्तम जल, कमल और कुमुद से भरे हुए शोभित हो रहे थे; और चंद्रकिरणों के समान श्वेत, रत्नजड़ित एक चँवर भी वहाँ था—

श्लोक 10 (ayodhya.15.10)

सज्जं तिष्ठति रामस्य वालव्यजनमुत्तमम् । चन्द्रमण्डलसंकाशमातपत्रं च पाण्डुरम् ।। १५.१० ।।

sajjaṃ tiṣṭhati rāmasya vālavyajanamuttamam | candramaṇḍalasaṃkāśamātapatraṃ ca pāṇḍuram || 15.10 ||

—यह उत्तम चँवर राम के लिए तैयार खड़ा था, और चंद्रमंडल के समान श्वेत छत्र भी वहाँ रखा था।

श्लोक 11 (ayodhya.15.11)

सज्जं द्युतिकरं श्रीमदभिषेकपुरस्सरम् । पाण्डुरश्च वृषः सज्जः पाण्डुराश्वश्च संस्थितः ।। १५.११ ।।

sajjaṃ dyutikaraṃ śrīmadabhiṣekapurassaram | pāṇḍuraśca vṛṣaḥ sajjaḥ pāṇḍurāśvaśca saṃsthitaḥ || 15.11 ||

वह तेजस्वी छत्र, उस भव्य अभिषेक के आगे चलने योग्य, तैयार खड़ा था; एक श्वेत वृषभ और एक श्वेत अश्व भी वहाँ स्थित थे।

श्लोक 12 (ayodhya.15.12)

वादित्राणि च सर्वाणि वन्दिनश्च तथापरे । इक्ष्वाकूणां यथा राज्ये सम्भ्रियेताभिषेचनम् ।। १५.१२ ।।

vāditrāṇi ca sarvāṇi vandinaśca tathāpare | ikṣvākūṇāṃ yathā rājye sambhriyetābhiṣecanam || 15.12 ||

सभी प्रकार के वाद्य-यंत्र तथा भाट-चारण भी वहाँ उपस्थित थे, जिससे इक्ष्वाकु वंश की रीति के अनुसार अभिषेक संपन्न हो सके।

श्लोक 13 (ayodhya.15.13)

तथाजातीयमादाय राजपुत्राभिषेचनम् । ते राजवचनात्तत्र समवेता महीपतिम् ।। १५.१३ ।।

tathājātīyamādāya rājaputrābhiṣecanam | te rājavacanāttatra samavetā mahīpatim || 15.13 ||

राजकुमार के अभिषेक के लिए ऐसी ही सब सामग्री लेकर, वे लोग राजा की आज्ञा से वहाँ राजा की प्रतीक्षा में एकत्र हुए थे।

श्लोक 14 (ayodhya.15.14)

अपश्यन्तोऽब्रुवन् को नु राज्ञो नः प्रतिवेदयेत् । न पश्यामश्च राजानमुदितश्च दिवाकरः ।। १५.१४ ।।

apaśyanto'bruvan ko nu rājño naḥ prativedayet | na paśyāmaśca rājānamuditaśca divākaraḥ || 15.14 ||

राजा को न देखकर वे आपस में कहने लगे—'हमारे आने की सूचना राजा को कौन देगा? हमें राजा दिखाई नहीं दे रहे, जबकि सूर्य उदय हो चुका है।'

श्लोक 15 (ayodhya.15.15)

यौवराज्याभिषेकश्च सज्जो रामस्य धीमतः । इति तेषु ब्रुवाणेषु सर्वांस्तांश्च महीपतीन् ।। १५.१५ ।।

yauvarājyābhiṣekaśca sajjo rāmasya dhīmataḥ | iti teṣu bruvāṇeṣu sarvāṃstāṃśca mahīpatīn || 15.15 ||

'और बुद्धिमान राम के युवराज-पद पर अभिषेक की सारी तैयारी हो चुकी है।' वे उन सभी उपस्थित राजाओं से इस प्रकार बातें कर ही रहे थे कि—

श्लोक 16 (ayodhya.15.16)

अब्रवीत्तानिदं वाक्यं सुमन्त्रो राजसत्कृतः । रामं राज्ञो नियोगेन त्वरया प्रस्थितो ह्यहम् ।। १५.१६ ।।

abravīttānidaṃ vākyaṃ sumantro rājasatkṛtaḥ | rāmaṃ rājño niyogena tvarayā prasthito hyaham || 15.16 ||

—तभी राजा द्वारा सम्मानित सुमन्त्र ने उनसे यह वचन कहा—'मैं राजा की आज्ञा से शीघ्रता से राम के पास जा रहा हूँ।'

श्लोक 17 (ayodhya.15.17)

पूज्या राज्ञो भवन्तश्च रामस्य तु विशेषतः । अयं पृच्छामि वचनात्सुखमायुष्मतामहम् ।। १५.१७ ।।

pūjyā rājño bhavantaśca rāmasya tu viśeṣataḥ | ayaṃ pṛcchāmi vacanātsukhamāyuṣmatāmaham || 15.17 ||

'आप सब राजा के तथा विशेष रूप से राम के आदरणीय हैं। उन्हीं के कहने से मैं आप दीर्घायु जनों का कुशल-क्षेम पूछने जा रहा हूँ।'

श्लोक 18 (ayodhya.15.18)

राज्ञः संप्रतिबुद्धस्य चानागमनकारणम् । इत्युक्त्वान्तःपुरद्वारमाजगाम पुराणवित् ।। १५.१८ ।।

rājñaḥ saṃpratibuddhasya cānāgamanakāraṇam | ityuktvāntaḥpuradvāramājagāma purāṇavit || 15.18 ||

'—और यह भी कि जागे हुए राजा के अभी तक न आने का क्या कारण है।' ऐसा कहकर, प्राचीन विधियों के ज्ञाता सुमन्त्र अंतःपुर के द्वार पर पहुँचे।

श्लोक 19 (ayodhya.15.19)

सदासक्तं च तद्वेश्म सुमन्त्रः प्रविवेश ह । तुष्टावास्य तदा वंशं प्रविश्य स विशांपतेः ।। १५.१९ ।।

sadāsaktaṃ ca tadveśma sumantraḥ praviveśa ha | tuṣṭāvāsya tadā vaṃśaṃ praviśya sa viśāṃpateḥ || 15.19 ||

सुमन्त्र उस सदा सुरक्षित भवन में प्रविष्ट हुए; और भीतर जाकर उन्होंने उस नरेश के वंश की स्तुति की।

श्लोक 20 (ayodhya.15.20)

शयनीयं नरेन्द्रस्य तदासाद्य व्यतिष्ठत । सोऽत्यासाद्य तु तद्वेश्म तिरस्करणिमन्तरा ।। १५.२० ।।

śayanīyaṃ narendrasya tadāsādya vyatiṣṭhata | so'tyāsādya tu tadveśma tiraskaraṇimantarā || 15.20 ||

राजा के शयनकक्ष तक पहुँचकर वे वहाँ खड़े हो गए; उस कक्ष के भीतर, पर्दे के निकट जाकर वे ठहर गए।

श्लोक 21 (ayodhya.15.21)

आशीर्भिर्गुणयुक्ताभिरभितुष्टाव राघवम् । सोमसूर्यौ च काकुत्स्थ शिववैश्रवणावपि ।। १५.२१ ।।

āśīrbhirguṇayuktābhirabhituṣṭāva rāghavam | somasūryau ca kākutstha śivavaiśravaṇāvapi || 15.21 ||

उन्होंने गुणयुक्त आशीर्वचनों से राजा की स्तुति की—'हे काकुत्स्थ! चंद्रमा और सूर्य, तथा शिव और कुबेर भी—'

श्लोक 22 (ayodhya.15.22)

वरुणश्चाग्निरिन्द्रश्च विजयं प्रदिशन्तु ते । गता भगवती रात्रिरहः शिवमुपस्थितम् ।। १५.२२ ।।

varuṇaścāgnirindraśca vijayaṃ pradiśantu te | gatā bhagavatī rātrirahaḥ śivamupasthitam || 15.22 ||

'—तथा वरुण, अग्नि और इंद्र आपको विजय प्रदान करें! पूज्य रात्रि बीत चुकी है, शुभ दिन आ चुका है।'

श्लोक 23 (ayodhya.15.23)

बुद्ध्यस्व राजशार्दूल कुरु कार्यमनन्तरम् । ब्राह्मणा बलमुख्याश्च नैगमाश्चागतास्त्विह ।। १५.२३ ।।

buddhyasva rājaśārdūla kuru kāryamanantaram | brāhmaṇā balamukhyāśca naigamāścāgatāstviha || 15.23 ||

'हे राजशार्दूल! जागिए और आगे का कार्य कीजिए। ब्राह्मण, सेनापति और व्यापारी-प्रमुख सब यहाँ आ चुके हैं।'

श्लोक 24 (ayodhya.15.24)

दर्शनं तेऽभिकाङ्क्षन्ते प्रतिबुद्ध्यस्व राघव । स्तुवन्तं तं तदा सूतं सुमन्त्रं मन्त्रकोविदम् ।। १५.२४ ।।

darśanaṃ te'bhikāṅkṣante pratibuddhyasva rāghava | stuvantaṃ taṃ tadā sūtaṃ sumantraṃ mantrakovidam || 15.24 ||

'वे आपके दर्शन के लिए उत्सुक हैं—हे राघव! जागिए।' मंत्र-कुशल सूत सुमन्त्र को, जो उस समय उनकी स्तुति कर रहे थे, राजा ने संबोधित किया।

श्लोक 25 (ayodhya.15.25)

प्रतिबुद्ध्य ततो राजा इदं वचनमब्रवीत् । राममानय सूतेति यदस्यभिहितो मया ।। १५.२५ ।।

pratibuddhya tato rājā idaṃ vacanamabravīt | rāmamānaya sūteti yadasyabhihito mayā || 15.25 ||

तब जागकर राजा ने यह वचन कहा—'हे सूत! मैंने तो पहले ही तुम्हें राम को लाने के लिए कह दिया था—'

श्लोक 26 (ayodhya.15.26)

किमिदं कारणं येन ममाज्ञा प्रतिवाह्यते । न चैव संप्रसुप्तोऽहमानयेहाशु राघवम् ।। १५.२६ ।।

kimidaṃ kāraṇaṃ yena mamājñā prativāhyate | na caiva saṃprasupto'hamānayehāśu rāghavam || 15.26 ||

'—तो फिर मेरी आज्ञा को टालने का यह क्या कारण है? मैं तो सो नहीं रहा था। शीघ्र राघव को यहाँ ले आओ।'

श्लोक 27 (ayodhya.15.27)

इति राजा दशरथः सूतं तत्रान्वशात्पुनः । स राजवचनं श्रुत्वा शिरसा प्रतिपूज्य तम् ।। १५.२७ ।।

iti rājā daśarathaḥ sūtaṃ tatrānvaśātpunaḥ | sa rājavacanaṃ śrutvā śirasā pratipūjya tam || 15.27 ||

इस प्रकार राजा दशरथ ने सूत को पुनः वहाँ आज्ञा दी; और राजा की बात सुनकर सूत ने सिर झुकाकर उनका सम्मान किया।

श्लोक 28 (ayodhya.15.28)

निर्जगाम नृपावासान्मन्यमानः प्रियं महत् । प्रपन्नो राजमार्गं च पताकाध्वजशोभितम् ।। १५.२८ ।।

nirjagāma nṛpāvāsānmanyamānaḥ priyaṃ mahat | prapanno rājamārgaṃ ca patākādhvajaśobhitam || 15.28 ||

यह एक महान सौभाग्य मानते हुए वे राजभवन से बाहर निकले, और पताकाओं तथा ध्वजाओं से सुशोभित राजमार्ग पर आगे बढ़े।

श्लोक 29 (ayodhya.15.29)

हृष्टः प्रमुदितः सूतो जगामाशु विलोकयन् । स सूतस्तत्र शुश्राव रामाधिकरणाः कथाः ।। १५.२९ ।।

hṛṣṭaḥ pramuditaḥ sūto jagāmāśu vilokayan | sa sūtastatra śuśrāva rāmādhikaraṇāḥ kathāḥ || 15.29 ||

हर्षित और प्रसन्न वह सूत चारों ओर देखते हुए शीघ्रता से आगे बढ़े; और वहाँ उन्होंने चारों ओर राम से संबंधित बातें सुनीं।

श्लोक 30 (ayodhya.15.30)

अभिषेचनसंयुक्ताः सर्वलोकस्य हृष्टवत् । ततो ददर्श रुचिरं कैलाससदृशप्रभम् ।। १५.३० ।।

abhiṣecanasaṃyuktāḥ sarvalokasya hṛṣṭavat | tato dadarśa ruciraṃ kailāsasadṛśaprabham || 15.30 ||

—अभिषेक से जुड़ी हुई, समस्त जन-समुदाय की हर्षपूर्ण बातें। फिर उन्होंने कैलास के समान कांतिमान एक सुंदर भवन देखा।

श्लोक 31 (ayodhya.15.31)

रामवेश्म सुमन्त्रस्तु शक्रवेश्मसमप्रभम् । महाकपाटपिहितं वितर्दिशतशोभितम् ।। १५.३१ ।।

rāmaveśma sumantrastu śakraveśmasamaprabham | mahākapāṭapihitaṃ vitardiśataśobhitam || 15.31 ||

वह राम का भवन था, जिसे सुमन्त्र ने देखा—इंद्र के भवन के समान तेजस्वी, विशाल कपाटों से बंद, और सैकड़ों चबूतरों से सुशोभित।

श्लोक 32 (ayodhya.15.32)

काञ्चनप्रतिमैकाग्रं मणिविद्रुमतोरणम् । शारदाभ्रघनप्रख्यं दीप्तं मेरुगुहासमम् ।। १५.३२ ।।

kāñcanapratimaikāgraṃ maṇividrumatoraṇam | śāradābhraghanaprakhyaṃ dīptaṃ meruguhāsamam || 15.32 ||

स्वर्ण-प्रतिमाओं से परिपूर्ण, मणि और मूँगे से सजे तोरणों वाला; शरद ऋतु के सघन मेघों जैसा, तेजोमय और मेरु पर्वत की गुफा-सा वह भवन था।

श्लोक 33 (ayodhya.15.33)

मणिभिर्वरमाल्यानां सुमहद्भिरलंकृतम् । मुक्तामणिभिराकीर्णं चन्दनागुरुभूषितम् ।। १५.३३ ।।

maṇibhirvaramālyānāṃ sumahadbhiralaṃkṛtam | muktāmaṇibhirākīrṇaṃ candanāgurubhūṣitam || 15.33 ||

विशाल मणियों से जड़ी उत्तम मालाओं से अलंकृत, मोतियों से भरा हुआ, तथा चंदन और अगर से सुशोभित।

श्लोक 34 (ayodhya.15.34)

गन्धान्मनोज्ञान्विसृजद्दार्दुरं शिखरं यथा । सारसैश्च मयूरैश्च विनदद्भिर्विराजितम् ।। १५.३४ ।।

gandhānmanojñānvisṛjaddārduraṃ śikharaṃ yathā | sārasaiśca mayūraiśca vinadadbhirvirājitam || 15.34 ||

वह मन को मोह लेने वाली सुगंध बिखेर रहा था, मानो दर्दुर पर्वत का शिखर हो; और वहाँ बोलते हुए सारस तथा मयूर उसकी शोभा बढ़ा रहे थे।

श्लोक 35 (ayodhya.15.35)

सुकृतेहामृगाकीर्णमुत्कीर्णं भक्तिभिस्तथा । मनश्चक्षुश्च भूतानामाददत्तिग्मतेजसा ।। १५.३५ ।।

sukṛtehāmṛgākīrṇamutkīrṇaṃ bhaktibhistathā | manaścakṣuśca bhūtānāmādadattigmatejasā || 15.35 ||

वहाँ पालतू मृग स्वतंत्र विचरते थे, और वह भवन सुंदर नक्काशी से युक्त था; अपनी प्रखर आभा से वह हर प्राणी के मन और नेत्र को मोह लेता था।

श्लोक 36 (ayodhya.15.36)

चन्द्रभास्करसंकाशं कुबेरभवनोपमम् । महेन्द्रधामप्रतिमं नानापक्षिसमाकुलम् ।। १५.३६ ।।

candrabhāskarasaṃkāśaṃ kuberabhavanopamam | mahendradhāmapratimaṃ nānāpakṣisamākulam || 15.36 ||

चंद्रमा और सूर्य के समान कांतिमय, कुबेर के भवन के तुल्य, महेंद्र के धाम के समान, और नाना प्रकार के पक्षियों से भरा हुआ था वह भवन।

श्लोक 37 (ayodhya.15.37)

मेरुशृङ्गसमं सूतो रामवेश्म ददर्श ह । उपस्थितैः समाकीर्णं जनैरञ्जलिकारिभिः ।। १५.३७ ।।

meruśṛṅgasamaṃ sūto rāmaveśma dadarśa ha | upasthitaiḥ samākīrṇaṃ janairañjalikāribhiḥ || 15.37 ||

मेरु पर्वत के शिखर के समान उस राम-भवन को सूत ने देखा—जो हाथ जोड़े खड़े लोगों की भीड़ से भरा हुआ था।

श्लोक 38 (ayodhya.15.38)

उपादाय समाक्रान्तैस्तदा जानपदैर्जनैः । रामाभिषेकसुमुखैरुन्मुखैः समलंकृतम् ।। १५.३८ ।।

upādāya samākrāntaistadā jānapadairjanaiḥ | rāmābhiṣekasumukhairunmukhaiḥ samalaṃkṛtam || 15.38 ||

उपहार लिए हुए, चारों ओर से उमड़े हुए ग्रामीण जनों से वह भवन सुशोभित हो रहा था—सब राम के अभिषेक से प्रसन्न होकर उत्सुक दृष्टि से देख रहे थे।

श्लोक 39 (ayodhya.15.39)

महामेघसमप्रख्यमुदग्रं सुविराजितम् । नानारत्नसमाकीर्णं कुब्जकैरपि चावृतम् ।। १५.३९ ।।

mahāmeghasamaprakhyamudagraṃ suvirājitam | nānāratnasamākīrṇaṃ kubjakairapi cāvṛtam || 15.39 ||

विशाल श्याम मेघ के समान ऊँचा और शोभायमान, नाना प्रकार के रत्नों से भरा हुआ, तथा वामनाकार सेवकों से भी घिरा हुआ था वह भवन।

श्लोक 40 (ayodhya.15.40)

स वाजियुक्तेन रथेन सारथिः समाकुलं राजकुलं विराजयन् । वरूथिना राजगृहाभिपातिना पुरस्य सर्वस्य मनांसि हर्षयन् ।। १५.४० ।।

sa vājiyuktena rathena sārathiḥ samākulaṃ rājakulaṃ virājayan | varūthinā rājagṛhābhipātinā purasya sarvasya manāṃsi harṣayan || 15.40 ||

अश्वों से जुते अपने रथ पर सवार वह सूत उस भीड़ भरे राजकुल को शोभायमान करते हुए, और नगर के सभी लोगों के मन को हर्षित करते हुए, अपने आच्छादित रथ से राजभवन की ओर बढ़ चले।

श्लोक 41 (ayodhya.15.41)

ततः समासाद्य महाधनं महत् प्रहृष्टरोमा स बभूव सारथिः । मृगैर्मयूरैश्च समाकुलोल्बणं गृहं वरार्हस्य शचीपतेरिव ।। १५.४१ ।।

tataḥ samāsādya mahādhanaṃ mahat prahṛṣṭaromā sa babhūva sārathiḥ | mṛgairmayūraiśca samākulolbaṇaṃ gṛhaṃ varārhasya śacīpateriva || 15.41 ||

फिर उस विशाल, अत्यंत समृद्ध भवन को देखकर—जो मृगों और मयूरों से भरा हुआ था, और उस परम श्रेष्ठ राजकुमार के योग्य मानो साक्षात इंद्र के भवन-सा प्रतीत होता था—सूत का रोम-रोम हर्ष से पुलकित हो उठा।

श्लोक 42 (ayodhya.15.42)

स तत्र कैलासनिभाः स्वलंकृताः प्रविश्य कक्ष्यास्त्रिदशालयोपमाः । प्रियान्वरान्राममते स्थितान्बहून्व्यपोह्य शुद्धान्तमुपस्थितौ रथी ।। १५.४२ ।।

sa tatra kailāsanibhāḥ svalaṃkṛtāḥ praviśya kakṣyāstridaśālayopamāḥ | priyānvarānrāmamate sthitānbahūnvyapohya śuddhāntamupasthitau rathī || 15.42 ||

कैलास के समान सुसज्जित, देवताओं के धाम जैसे उन प्रांगणों में प्रवेश करके, तथा राम के प्रति समर्पित अनेक प्रिय और श्रेष्ठ मित्रों के बीच से होते हुए, वह सारथी अंततः अंतःपुर तक जा पहुँचा।

श्लोक 43 (ayodhya.15.43)

स तत्र शुश्राव च हर्षयुक्ता रामाभिषेकार्थकृतां जनानाम् । नरेन्द्रसूनोरभिमङ्गलार्थाः सर्वस्य लोकस्य गिरः प्रहृष्टाः ।। १५.४३ ।।

sa tatra śuśrāva ca harṣayuktā rāmābhiṣekārthakṛtāṃ janānām | narendrasūnorabhimaṅgalārthāḥ sarvasya lokasya giraḥ prahṛṣṭāḥ || 15.43 ||

वहाँ उसने राम के अभिषेक हेतु कार्यरत लोगों की, तथा राजकुमार के मंगल की कामना करती समस्त प्रजा की हर्षभरी, प्रसन्न वाणी सुनी।

श्लोक 44 (ayodhya.15.44)

महेन्द्रसद्मप्रतिमं च वेश्म रामस्य रम्यं मृगपक्षिजुष्टम् । ददर्श मेरोरिव शृङ्गमुच्चं विभ्राजमानं प्रभया सुमन्त्रः ।। १५.४४ ।।

mahendrasadmapratimaṃ ca veśma rāmasya ramyaṃ mṛgapakṣijuṣṭam | dadarśa meroriva śṛṅgamuccaṃ vibhrājamānaṃ prabhayā sumantraḥ || 15.44 ||

सुमन्त्र ने राम के उस रमणीय भवन को देखा—जो महेंद्र के धाम के समान था, मृगों और पक्षियों से भरा था, मेरु पर्वत के शिखर के समान ऊँचा उठा हुआ था, और अपने ही तेज से चमक रहा था।

श्लोक 45 (ayodhya.15.45)

उपस्थितैरञ्जलिकारिभिश्च सोपायनैर्जानपदैर्जनैश्च । कोट्या परार्धैश्च विमुक्तयानैः समाकुलं द्वारपदं ददर्श ।। १५.४५ ।।

upasthitairañjalikāribhiśca sopāyanairjānapadairjanaiśca | koṭyā parārdhaiśca vimuktayānaiḥ samākulaṃ dvārapadaṃ dadarśa || 15.45 ||

उसने द्वार-स्थान को देखा—जो हाथ जोड़े खड़े लोगों से, उपहार लिए हुए ग्रामीण जनों से, तथा अपने वाहनों को छोड़कर उतरे हुए करोड़ों जनों से भरा हुआ था।

श्लोक 46 (ayodhya.15.46)

ततो महामेघमहीधराभं प्रभिन्नमत्यङ्कुशमत्यसह्यम् । रामोपवाह्यं रुचिरं ददर्श शत्रुञ्जयं नागमुदग्रकायम् ।। १५.४६ ।।

tato mahāmeghamahīdharābhaṃ prabhinnamatyaṅkuśamatyasahyam | rāmopavāhyaṃ ruciraṃ dadarśa śatruñjayaṃ nāgamudagrakāyam || 15.46 ||

फिर उसने राम के अपने वाहन, गजराज शत्रुंजय को देखा—विशालकाय, मदमस्त, अंकुश से भी कठिनाई से वश में आने वाला, असहनीय रूप से बलशाली, मानो कोई विशाल मेघ या पर्वत हो।

श्लोक 47 (ayodhya.15.47)

स्वलंकृतान्साश्वरथान्सकुञ्जरानमात्यमुख्यांश्च ददर्श वल्लभान् । व्यपोह्य सूतः सहितान्समन्ततः समृद्धमन्तःपुरमाविवेश ह ।। १५.४७ ।।

svalaṃkṛtānsāśvarathānsakuñjarānamātyamukhyāṃśca dadarśa vallabhān | vyapohya sūtaḥ sahitānsamantataḥ samṛddhamantaḥpuramāviveśa ha || 15.47 ||

उसने सुसज्जित अश्वों, रथों और गजों सहित प्रिय प्रधानमंत्रियों को देखा; और चारों ओर से उन सबको पार करके सूत उस समृद्ध अंतःपुर में प्रवेश कर गया।

श्लोक 48 (ayodhya.15.48)

ततोऽद्रिकूटाचलमेघसंनिभं महाविमानोपमवेश्मसंयुतम् । अवार्यमाणः प्रविवेश सारथिः प्रभूतरत्नं मकरो यथार्णवम् ।। १५.४८ ।।

tato'drikūṭācalameghasaṃnibhaṃ mahāvimānopamaveśmasaṃyutam | avāryamāṇaḥ praviveśa sārathiḥ prabhūtaratnaṃ makaro yathārṇavam || 15.48 ||

फिर, बिना किसी रोक-टोक के, सूत ने उस स्थान में प्रवेश किया—जो पर्वत-शिखर या सघन मेघ के समान था, महाविमानों जैसे भवनों से युक्त था—मानो कोई मकर रत्नों से भरे समुद्र में प्रवेश कर रहा हो।