लक्ष्मण का क्रोध और माता का विलाप

श्लोक 1 (ayodhya.21.1)

तथा तु विलपन्तीं तां कौसल्यां राममातरम् । उवाच लक्ष्मणो दीनस्तत्कालसदृशं वचः ॥ 21.1 ॥

tathā tu vilapantīṃ tāṃ kausalyāṃ rāmamātaram | uvāca lakṣmaṇo dīnastatkālasadṛśaṃ vacaḥ

लक्ष्मण ने कौसल्या (राम की माता) को इस प्रकार विलाप करते देखकर, उस समय के अनुकूल ये वचन कहे।

श्लोक 2 (ayodhya.21.2)

न रोचते ममाप्येतदार्ये यद् राघवो वनम् । त्यक्त्वा राज्यश्रियं गच्छेत् स्त्रिया वाक्यवशंगतः ॥ 21.2 ॥

na rocate mamāpyetadārye yad rāghavo vanam | tyaktvā rājyaśriyaṃ gacchet striyā vākyavaśaṃgataḥ

"आर्ये, मुझे भी यह अच्छा नहीं लगता कि राघव राज्य-वैभव त्यागकर किसी स्त्री के वचन के वशीभूत होकर वन चले जाएँ।

श्लोक 3 (ayodhya.21.3)

विपरीतश्च वृद्धश्च विषयैश्च प्रधर्षितः । नृपः किमिव न ब्रूयाच्चोद्यमानः समन्मथः ॥ 21.3 ॥

viparītaśca vṛddhaśca viṣayaiśca pradharṣitaḥ | nṛpaḥ kimiva na brūyāccodyamānaḥ samanmathaḥ

"जो विकृत बुद्धि, वृद्ध और विषयों से पराजित है, ऐसा राजा कामाग्नि से प्रेरित होकर उकसाए जाने पर क्या नहीं कह सकता?

श्लोक 4 (ayodhya.21.4)

नास्यापराधं पश्यामि नापि दोषं तथाविधम् । येन निर्वास्यते राष्ट्राद् वनवासाय राघवः ॥ 21.4 ॥

nāsyāparādhaṃ paśyāmi nāpi doṣaṃ tathāvidham | yena nirvāsyate rāṣṭrād vanavāsāya rāghavaḥ

"मुझे राम में न तो कोई अपराध दिखाई देता है, न ही ऐसा कोई दोष, जिसके कारण उन्हें राज्य से निकालकर वनवास दिया जाए।

श्लोक 5 (ayodhya.21.5)

न तं पश्याम्यहं लोके परोक्षमपि यो नरः । स्वमित्रोऽपि निरस्तोऽपि योऽस्य दोषमुदाहरेत् ॥ 21.5 ॥

na taṃ paśyāmyahaṃ loke parokṣamapi yo naraḥ | svamitro'pi nirasto'pi yo'sya doṣamudāharet

"इस संसार में मैंने ऐसा कोई मनुष्य नहीं देखा, चाहे वह गुप्त रूप से भी हो, जो शत्रु होकर या निष्कासित होकर भी राम का दोष निकाल सके।

श्लोक 6 (ayodhya.21.6)

देवकल्पमृजुं दान्तं रिपूणामपि वत्सलम् । अवेक्षमाणः को धर्मं त्यजेत् पुत्रमकारणात् ॥ 21.6 ॥

devakalpamṛjuṃ dāntaṃ ripūṇāmapi vatsalam | avekṣamāṇaḥ ko dharmaṃ tyajet putramakāraṇāt

"देवतुल्य, सरल, संयमी और शत्रुओं पर भी स्नेह रखने वाले पुत्र को धर्म का विचार करने वाला कौन व्यक्ति अकारण त्याग सकता है?

श्लोक 7 (ayodhya.21.7)

तदिदं वचनं राज्ञः पुनर्बाल्यमुपेयुषः । पुत्रः को हृदये कुर्याद् राजवृत्तमनुस्मरन् ॥ 21.7 ॥

tadidaṃ vacanaṃ rājñaḥ punarbālyamupeyuṣaḥ | putraḥ ko hṛdaye kuryād rājavṛttamanusmaran

"पिता के इस वचन को, जो मानो पुनः बालकपन को प्राप्त हो गए हैं, राजनीति का स्मरण करने वाला कौन पुत्र हृदय में स्थान देगा?

श्लोक 8 (ayodhya.21.8)

यावदेव न जानाति कश्चिदर्थमिमं नरः । तावदेव मया सार्धमात्मस्थं कुरु शासनम् ॥ 21.8 ॥

yāvadeva na jānāti kaścidarthamimaṃ naraḥ | tāvadeva mayā sārdhamātmasthaṃ kuru śāsanam

"जब तक कोई भी मनुष्य इस बात को नहीं जानता, तब तक मेरे साथ मिलकर तुम राज्य को अपने अधिकार में कर लो।

श्लोक 9 (ayodhya.21.9)

मया पार्श्वे सधनुषा तव गुप्तस्य राघव । कः समर्थोऽधिकं कर्तुं कृतान्तस्येव तिष्ठतः ॥ 21.9 ॥

mayā pārśve sadhanuṣā tava guptasya rāghava | kaḥ samartho'dhikaṃ kartuṃ kṛtāntasyeva tiṣṭhataḥ

"हे राघव! जब मैं धनुष लिए तुम्हारे पास खड़ा होकर तुम्हारी रक्षा कर रहा हूँ, और तुम स्वयं यमराज के समान खड़े हो, तब तुम्हें अधिक हानि पहुँचाने में कौन समर्थ है?

श्लोक 10 (ayodhya.21.10)

निर्मनुष्यामिमां सर्वामयोध्यां मनुजर्षभ । करिष्यामि शरैस्तीक्ष्णैर्यदि स्थास्यति विप्रिये ॥ 21.10 ॥

nirmanuṣyāmimāṃ sarvāmayodhyāṃ manujarṣabha | kariṣyāmi śaraistīkṣṇairyadi sthāsyati vipriye

"हे पुरुषश्रेष्ठ! यदि यह सारी अयोध्या तुम्हारे प्रतिकूल हो जाए, तो मैं इसे तीक्ष्ण बाणों से मनुष्यरहित कर दूँगा।

श्लोक 11 (ayodhya.21.11)

भरतस्याथ पक्ष्यो वा यो वास्य हितमिच्छति । सर्वांस्तांश्च वधिष्यामि मृदुर्हि परिभूयते ॥ 21.11 ॥

bharatasyātha pakṣyo vā yo vāsya hitamicchati | sarvāṃstāṃśca vadhiṣyāmi mṛdurhi paribhūyate

"जो भरत का पक्ष लेगा या जो उसका हित चाहेगा, उन सबका मैं वध कर दूँगा; क्योंकि कोमल स्वभाव वाला व्यक्ति ही तिरस्कृत होता है।

श्लोक 12 (ayodhya.21.12)

प्रोत्साहितोऽयं कैकेय्या संतुष्टो यदि नः पिता । अमित्रभूतो निःसङ्गं वध्यतां वध्यतामपि ॥ 21.12 ॥

protsāhito'yaṃ kaikeyyā saṃtuṣṭo yadi naḥ pitā | amitrabhūto niḥsaṅgaṃ vadhyatāṃ vadhyatāmapi

"यदि हमारा पिता कैकेयी द्वारा उकसाए जाने से संतुष्ट होकर हमारे प्रति शत्रुवत् व्यवहार करने लगा है, तो इस निःसंग शत्रु को बाँध देना चाहिए, अथवा मार भी देना चाहिए।

श्लोक 13 (ayodhya.21.13)

गुरोरप्यवलिप्तस्य कार्याकार्यमजानतः । उत्पथं प्रतिपन्नस्य कार्यं भवति शासनम् ॥ 21.13 ॥

gurorapyavaliptasya kāryākāryamajānataḥ | utpathaṃ pratipannasya kāryaṃ bhavati śāsanam

"जो गुरु भी अहंकारी हो जाए, कार्य-अकार्य को न जाने और कुमार्ग पर चल पड़े, उसे भी दंड देना उचित हो जाता है।

श्लोक 14 (ayodhya.21.14)

बलमेष किमाश्रित्य हेतुं वा पुरुषोत्तम । दातुमिच्छति कैकेय्यै उपस्थितमिदं तव ॥ 21.14 ॥

balameṣa kimāśritya hetuṃ vā puruṣottama | dātumicchati kaikeyyai upasthitamidaṃ tava

"हे पुरुषोत्तम! किस बल या किस कारण के सहारे पिता तुम्हारा यह अधिकार कैकेयी को देना चाहते हैं?

श्लोक 15 (ayodhya.21.15)

त्वया चैव मया चैव कृत्वा वैरमनुत्तमम् । कास्य शक्तिः श्रियं दातुं भरतायारिशासन ॥ 21.15 ॥

tvayā caiva mayā caiva kṛtvā vairamanuttamam | kāsya śaktiḥ śriyaṃ dātuṃ bharatāyāriśāsana

"हे शत्रुदमन! तुमसे और मुझसे अत्यंत वैर बाँधकर, भरत को राज्यलक्ष्मी देने की सामर्थ्य उसमें कहाँ शेष रह जाती है?

श्लोक 16 (ayodhya.21.16)

अनुरक्तोऽस्मि भावेन भ्रातरं देवि तत्त्वतः । सत्येन धनुषा चैव दत्तेनेष्टेन ते शपे ॥ 21.16 ॥

anurakto'smi bhāvena bhrātaraṃ devi tattvataḥ | satyena dhanuṣā caiva datteneṣṭena te śape

"हे देवी! मैं सचमुच हृदय से अपने भाई राम के प्रति अनुरक्त हूँ; मैं इस दिए गए और अभीष्ट धनुष की तथा सत्य की शपथ लेकर यह कहता हूँ।

श्लोक 17 (ayodhya.21.17)

दीप्तमग्निमरण्यं वा यदि रामः प्रवेक्ष्यति । प्रविष्टं तत्र मां देवि त्वं पूर्वमवधारय ॥ 21.17 ॥

dīptamagnimaraṇyaṃ vā yadi rāmaḥ pravekṣyati | praviṣṭaṃ tatra māṃ devi tvaṃ pūrvamavadhāraya

"हे देवी! यदि राम प्रज्वलित अग्नि में अथवा वन में प्रवेश करें, तो आप पहले ही यह निश्चित मान लें कि मैं वहाँ पहले प्रवेश कर चुका हूँगा।

श्लोक 18 (ayodhya.21.18)

हरामि वीर्याद् दुःखं ते तमः सूर्य इवोदितः । देवी पश्यतु मे वीर्यं राघवश्चैव पश्यतु ॥ 21.18 ॥

harāmi vīryād duḥkhaṃ te tamaḥ sūrya ivoditaḥ | devī paśyatu me vīryaṃ rāghavaścaiva paśyatu

"उदय होते सूर्य के समान अपने पराक्रम से मैं तुम्हारे इस दुःखरूपी अंधकार को दूर करूँगा; देवी स्वयं मेरा पराक्रम देखें, और राघव भी देखें।

श्लोक 19 (ayodhya.21.19)

हनिष्ये पितरं वृद्धं कैकेय्यासक्तमानसम् । कृपणं च स्थितं बाल्ये वृद्धभावेन गर्हितम् ॥ 21.19 ॥

haniṣye pitaraṃ vṛddhaṃ kaikeyyāsaktamānasam | kṛpaṇaṃ ca sthitaṃ bālye vṛddhabhāvena garhitam

"मैं कैकेयी में आसक्त-मन, बुढ़ापे में दयनीय दशा को प्राप्त, अपनी ही जीर्ण अवस्था के कारण निंदनीय हो चुके पिता का वध कर दूँगा।

श्लोक 20 (ayodhya.21.20)

एतत् तु वचनं श्रुत्वा लक्ष्मणस्य महात्मनः । उवाच रामं कौसल्या रुदती शोकलालसा ॥ 21.20 ॥

etat tu vacanaṃ śrutvā lakṣmaṇasya mahātmanaḥ | uvāca rāmaṃ kausalyā rudatī śokalālasā

महात्मा लक्ष्मण के इन वचनों को सुनकर, शोक में डूबी, रोती हुई कौसल्या ने राम से यह कहा।

श्लोक 21 (ayodhya.21.21)

भ्रातुस्ते वदतः पुत्र लक्ष्मणस्य श्रुतं त्वया । यदत्रानन्तरं तत्त्वं कुरुष्व यदि रोचते ॥ 21.21 ॥

bhrātuste vadataḥ putra lakṣmaṇasya śrutaṃ tvayā | yadatrānantaraṃ tattvaṃ kuruṣva yadi rocate

"हे पुत्र! तुमने अपने भाई लक्ष्मण के इन वचनों को सुना है; यदि तुम्हें उचित लगे, तो अब जो आगे करणीय है, वही करो।

श्लोक 22 (ayodhya.21.22)

न चाधर्म्यं वचः श्रुत्वा सपत्न्या मम भाषितम् । विहाय शोकसंतप्तां गन्तुमर्हसि मामितः ॥ 21.22 ॥

na cādharmyaṃ vacaḥ śrutvā sapatnyā mama bhāṣitam | vihāya śokasaṃtaptāṃ gantumarhasi māmitaḥ

"मेरी सौत के इस अधर्मपूर्ण वचन को सुनकर, शोकसंतप्त मुझे यहाँ छोड़कर जाना तुम्हें उचित नहीं है।

श्लोक 23 (ayodhya.21.23)

धर्मज्ञ इति धर्मिष्ठ धर्मं चरितुमिच्छसि । शुश्रूष मामिहस्थस्त्वं चर धर्ममनुत्तमम् ॥ 21.23 ॥

dharmajña iti dharmiṣṭha dharmaṃ caritumicchasi | śuśrūṣa māmihasthastvaṃ cara dharmamanuttamam

"तुम धर्मज्ञ और धर्मिष्ठ कहलाते हो; यदि तुम धर्माचरण करना चाहते हो, तो यहीं रहकर मेरी सेवा करो — यही सर्वोत्तम धर्म है।

श्लोक 24 (ayodhya.21.24)

शुश्रूषुर्जननीं पुत्र स्वगृहे नियतो वसन् । परेण तपसा युक्तः काश्यपस्त्रिदिवं गतः ॥ 21.24 ॥

śuśrūṣurjananīṃ putra svagṛhe niyato vasan | pareṇa tapasā yuktaḥ kāśyapastridivaṃ gataḥ

"हे पुत्र! अपने ही घर में रहकर, संयमपूर्वक माता की सेवा करते हुए, महर्षि कश्यप ने घोर तप के बल पर स्वर्ग प्राप्त किया था।

श्लोक 25 (ayodhya.21.25)

यथैव राजा पूज्यस्ते गौरवेण तथा ह्यहम् । त्वां साहं नानुजानामि न गन्तव्यमितो वनम् ॥ 21.25 ॥

yathaiva rājā pūjyaste gauraveṇa tathā hyaham | tvāṃ sāhaṃ nānujānāmi na gantavyamito vanam

"जैसे राजा (तुम्हारे पिता) आदरणीय होकर तुम्हारे लिए पूजनीय हैं, वैसे ही मैं भी हूँ; अतः मैं तुम्हें अनुमति नहीं देती — तुम्हें यहाँ से वन नहीं जाना चाहिए।

श्लोक 26 (ayodhya.21.26)

त्वद्वियोगान्न मे कार्यं जीवितेन सुखेन च । त्वया सह मम श्रेयस्तृणानामपि भक्षणम् ॥ 21.26 ॥

tvadviyogānna me kāryaṃ jīvitena sukhena ca | tvayā saha mama śreyastṛṇānāmapi bhakṣaṇam

"तुम्हारे वियोग में मुझे न तो जीवन से और न सुख से कोई प्रयोजन रह जाएगा; तुम्हारे साथ रहकर घास खाना भी मेरे लिए कल्याणकारी है।

श्लोक 27 (ayodhya.21.27)

यदि त्वं यास्यसि वनं त्यक्त्वा मां शोकलालसाम् । अहं प्रायमिहासिष्ये न च शक्ष्यामि जीवितुम् ॥ 21.27 ॥

yadi tvaṃ yāsyasi vanaṃ tyaktvā māṃ śokalālasām | ahaṃ prāyamihāsiṣye na ca śakṣyāmi jīvitum

"यदि तुम मुझे इस शोकाकुल दशा में छोड़कर वन चले जाओगे, तो मैं यहीं उपवास करके प्राण त्याग दूँगी, जीवित नहीं रह सकूँगी।

श्लोक 28 (ayodhya.21.28)

ततस्त्वं प्राप्स्यसे पुत्र निरयं लोकविश्रुतम् । ब्रह्महत्यामिवाधर्मात् समुद्रः सरितां पतिः ॥ 21.28 ॥

tatastvaṃ prāpsyase putra nirayaṃ lokaviśrutam | brahmahatyāmivādharmāt samudraḥ saritāṃ patiḥ

"हे पुत्र! तब तुम भी उसी लोकविख्यात नरक को प्राप्त होगे, जैसे नदियों का स्वामी समुद्र अपने अधर्म के कारण ब्रह्महत्या के समान दोष को प्राप्त हुआ था।

श्लोक 29 (ayodhya.21.29)

विलपन्तीं तथा दीनां कौसल्यां जननीं ततः । उवाच रामो धर्मात्मा वचनं धर्मसंहितम् ॥ 21.29 ॥

vilapantīṃ tathā dīnāṃ kausalyāṃ jananīṃ tataḥ | uvāca rāmo dharmātmā vacanaṃ dharmasaṃhitam

इस प्रकार दीन होकर विलाप करती हुई माता कौसल्या से धर्मात्मा राम ने ये धर्मानुकूल वचन कहे।

श्लोक 30 (ayodhya.21.30)

नास्ति शक्तिः पितुर्वाक्यं समतिक्रमितुं मम । प्रसादये त्वां शिरसा गन्तुमिच्छाम्यहं वनम् ॥ 21.30 ॥

nāsti śaktiḥ piturvākyaṃ samatikramituṃ mama | prasādaye tvāṃ śirasā gantumicchāmyahaṃ vanam

"मुझमें पिता की आज्ञा का उल्लंघन करने की शक्ति नहीं है; मैं सिर झुकाकर आपसे प्रार्थना करता हूँ — मुझे वन अवश्य जाना है।

श्लोक 31 (ayodhya.21.31)

ऋषिणा च पितुर्वाक्यं कुर्वता वनचारिणा । गौर्हता जानताधर्मं कण्डुना च विपश्चिता ॥ 21.31 ॥

ṛṣiṇā ca piturvākyaṃ kurvatā vanacāriṇā | gaurhatā jānatādharmaṃ kaṇḍunā ca vipaścitā

"जो कण्डु नामक ऋषि धर्म को भली-भाँति जानते हुए भी वन में विचरण करते थे, उन्होंने भी पिता की आज्ञा का पालन करते हुए एक गाय तक का वध कर दिया था।

श्लोक 32 (ayodhya.21.32)

अस्माकं तु कुले पूर्वं सगरस्याज्ञया पितुः । खनद्भिः सागरैर्भूमिमवाप्तः सुमहान् वधः ॥ 21.32 ॥

asmākaṃ tu kule pūrvaṃ sagarasyājñayā pituḥ | khanadbhiḥ sāgarairbhūmimavāptaḥ sumahān vadhaḥ

"हमारे ही कुल में पूर्वकाल में, राजा सगर की आज्ञा से, उनके पुत्रों ने पृथ्वी खोदते हुए महान विनाश प्राप्त किया था।

श्लोक 33 (ayodhya.21.33)

जामदग्न्येन रामेण रेणुका जननी स्वयम् । कृत्ता परशुनारण्ये पितुर्वचनकारणात् ॥ 21.33 ॥

jāmadagnyena rāmeṇa reṇukā jananī svayam | kṛttā paraśunāraṇye piturvacanakāraṇāt

"जमदग्नि के पुत्र परशुराम ने पिता के वचन के कारण अपनी ही माता रेणुका का वन में स्वयं फरसे से वध कर दिया था।

श्लोक 34 (ayodhya.21.34)

एतैरन्यैश्च बहुभिर्देवि देवसमैः कृतम् । पितुर्वचनमक्लीबं करिष्यामि पितुर्हितम् ॥ 21.34 ॥

etairanyaiśca bahubhirdevi devasamaiḥ kṛtam | piturvacanamaklībaṃ kariṣyāmi piturhitam

"हे देवी! इन सबने और इनके अतिरिक्त अनेक देवतुल्य पुरुषों ने पिता के वचन को व्यर्थ नहीं जाने दिया; मैं भी अपने पिता के हित के लिए यही करूँगा।

श्लोक 35 (ayodhya.21.35)

न खल्वेतन्मयैकेन क्रियते पितृशासनम् । एतैरपि कृतं देवि ये मया परिकीर्तिताः ॥ 21.35 ॥

na khalvetanmayaikena kriyate pitṛśāsanam | etairapi kṛtaṃ devi ye mayā parikīrtitāḥ

"हे देवी! केवल मैं ही अकेला अपने पिता की आज्ञा का पालन नहीं कर रहा हूँ; जिनका मैंने अभी वर्णन किया, उन सबने भी ऐसा ही किया है।

श्लोक 36 (ayodhya.21.36)

नाहं धर्ममपूर्वं ते प्रतिकूलं प्रवर्तये । पूर्वैरयमभिप्रेतो गतो मार्गोऽनुगम्यते ॥ 21.36 ॥

nāhaṃ dharmamapūrvaṃ te pratikūlaṃ pravartaye | pūrvairayamabhipreto gato mārgo'nugamyate

"मैं आपके लिए कोई नया, विपरीत आचरण स्थापित नहीं कर रहा हूँ; मैं तो उसी मार्ग का अनुसरण कर रहा हूँ जिसे पूर्वजों ने अपनाया और स्वीकार किया था।

श्लोक 37 (ayodhya.21.37)

तदेतत् तु मया कार्यं क्रियते भुवि नान्यथा । पितुर्हि वचनं कुर्वन् न कश्चिन्नाम हीयते ॥ 21.37 ॥

tadetat tu mayā kāryaṃ kriyate bhuvi nānyathā | piturhi vacanaṃ kurvan na kaścinnāma hīyate

"यह कार्य तो मुझे अवश्य ही करना है, इस पृथ्वी पर और कोई मार्ग नहीं है; क्योंकि पिता की आज्ञा का पालन करने वाला कभी हानि नहीं उठाता।

श्लोक 38 (ayodhya.21.38)

तामेवमुक्त्वा जननीं लक्ष्मणं पुनरब्रवीत् । वाक्यं वाक्यविदां श्रेष्ठः श्रेष्ठः सर्वधनुष्मताम् ॥ 21.38 ॥

tāmevamuktvā jananīṃ lakṣmaṇaṃ punarabravīt | vākyaṃ vākyavidāṃ śreṣṭhaḥ śreṣṭhaḥ sarvadhanuṣmatām

अपनी माता से ऐसा कहकर, वाणी के ज्ञाताओं में श्रेष्ठ और समस्त धनुर्धरों में श्रेष्ठ राम ने पुनः लक्ष्मण की ओर मुड़कर यह वचन कहा।

श्लोक 39 (ayodhya.21.39)

तव लक्ष्मण जानामि मयि स्नेहमनुत्तमम् । विक्रमं चैव सत्त्वं च तेजश्च सुदुरासदम् ॥ 21.39 ॥

tava lakṣmaṇa jānāmi mayi snehamanuttamam | vikramaṃ caiva sattvaṃ ca tejaśca sudurāsadam

"हे लक्ष्मण! मुझे ज्ञात है कि मेरे प्रति तुम्हारा स्नेह अत्यंत उत्तम है, तथा तुम्हारा पराक्रम, बल और दुर्धर्ष तेज भी मुझे भली-भाँति ज्ञात है।

श्लोक 40 (ayodhya.21.40)

मम मातुर्महद् दुःखमतुलं शुभलक्षण । अभिप्रायं न विज्ञाय सत्यस्य च शमस्य च ॥ 21.40 ॥

mama māturmahad duḥkhamatulaṃ śubhalakṣaṇa | abhiprāyaṃ na vijñāya satyasya ca śamasya ca

"हे शुभलक्षण! हमारी माता को सत्य और शांति के इस रहस्य को न समझ पाने के कारण महान और अतुलनीय दुःख हो रहा है।

श्लोक 41 (ayodhya.21.41)

धर्मो हि परमो लोके धर्मे सत्यं प्रतिष्ठितम् । धर्मसंश्रितमप्येतत् पितुर्वचनमुत्तमम् ॥ 21.41 ॥

dharmo hi paramo loke dharme satyaṃ pratiṣṭhitam | dharmasaṃśritamapyetat piturvacanamuttamam

"इस संसार में धर्म ही सर्वोपरि है; सत्य धर्म में ही प्रतिष्ठित है; और पिता का यह उत्तम वचन भी धर्म का ही आश्रय लिए हुए है।

श्लोक 42 (ayodhya.21.42)

संश्रुत्य च पितुर्वाक्यं मातुर्वा ब्राह्मणस्य वा । न कर्तव्यं वृथा वीर धर्ममाश्रित्य तिष्ठता ॥ 21.42 ॥

saṃśrutya ca piturvākyaṃ māturvā brāhmaṇasya vā | na kartavyaṃ vṛthā vīra dharmamāśritya tiṣṭhatā

"हे वीर! पिता, माता अथवा ब्राह्मण को दिए गए वचन को सुनकर, धर्म का आश्रय लेकर खड़ा हुआ व्यक्ति उसे व्यर्थ नहीं करता।

श्लोक 43 (ayodhya.21.43)

सोऽहं न शक्ष्यामि पुनर्नियोगमतिवर्तितुम् । पितुर्हि वचनाद् वीर कैकेय्याहं प्रचोदितः ॥ 21.43 ॥

so'haṃ na śakṣyāmi punarniyogamativartitum | piturhi vacanād vīra kaikeyyāhaṃ pracoditaḥ

"इसलिए मैं इस आदेश का उल्लंघन नहीं कर सकता; हे वीर! पिता के ही वचन के कारण कैकेयी ने मुझे वन जाने के लिए प्रेरित किया है।

श्लोक 44 (ayodhya.21.44)

तदेतां विसृजानार्यां क्षत्रधर्माश्रितां मतिम् । धर्ममाश्रय मा तैक्ष्ण्यं मद्बुद्धिरनुगम्यताम् ॥ 21.44 ॥

tadetāṃ visṛjānāryāṃ kṣatradharmāśritāṃ matim | dharmamāśraya mā taikṣṇyaṃ mada‍buddhiranugamyatām

"अतः क्षत्रिय-धर्म पर आधारित इस अनुचित विचार को त्याग दो; कठोरता का नहीं, धर्म का ही आश्रय लो; मेरी बुद्धि का अनुसरण करो।

श्लोक 45 (ayodhya.21.45)

तमेवमुक्त्वा सौहार्दाद् भ्रातरं लक्ष्मणाग्रजः । उवाच भूयः कौसल्यां प्राञ्जलिः शिरसा नतः ॥ 21.45 ॥

tamevamuktvā sauhārdād bhrātaraṃ lakṣmaṇāgrajaḥ | uvāca bhūyaḥ kausalyāṃ prāñjaliḥ śirasā nataḥ

स्नेहवश भाई से ऐसा कहकर, लक्ष्मण के बड़े भाई राम ने हाथ जोड़कर सिर झुकाते हुए पुनः कौसल्या से यह कहा।

श्लोक 46 (ayodhya.21.46)

अनुमन्यस्व मां देवि गमिष्यन्तमितो वनम् । शापितासि मम प्राणैः कुरु स्वस्त्ययनानि मे ॥ 21.46 ॥

anumanyasva māṃ devi gamiṣyantamito vanam | śāpitāsi mama prāṇaiḥ kuru svastyayanāni me

"हे देवी! मुझे वन जाने की अनुमति दीजिए; मैं अपने प्राणों की शपथ लेता हूँ — कृपया मेरे कल्याण के लिए आशीर्वाद कीजिए।

श्लोक 47 (ayodhya.21.47)

तीर्णप्रतिज्ञश्च वनात् पुनरेष्याम्यहं पुरीम् । ययातिरिव राजर्षिः पुरा हित्वा पुनर्दिवम् ॥ 21.47 ॥

tīrṇapratijñaśca vanāt punareṣyāmyahaṃ purīm | yayātiriva rājarṣiḥ purā hitvā punardivam

"प्रतिज्ञा पूर्ण करके मैं वन से पुनः इस नगरी में लौट आऊँगा, जैसे राजर्षि ययाति पूर्वकाल में स्वर्ग त्यागकर पुनः स्वर्ग को प्राप्त हुए थे।

श्लोक 48 (ayodhya.21.48)

शोकः संधार्यतां मातर्हृदये साधु मा शुचः । वनवासादिहैष्यामि पुनः कृत्वा पितुर्वचः ॥ 21.48 ॥

śokaḥ saṃdhāryatāṃ mātarhṛdaye sādhu mā śucaḥ | vanavāsādihaiṣyāmi punaḥ kṛtvā piturvacaḥ

"हे माता! अपने हृदय में शोक को भली-भाँति धारण कीजिए, शोक मत कीजिए; पिता का वचन पूर्ण करके मैं यहाँ पुनः लौट आऊँगा।

श्लोक 49 (ayodhya.21.49)

त्वया मया च वैदेह्या लक्ष्मणेन सुमित्रया । पितुर्नियोगे स्थातव्यमेष धर्मः सनातनः ॥ 21.49 ॥

tvayā mayā ca vaidehyā lakṣmaṇena sumitrayā | piturniyoge sthātavyameṣa dharmaḥ sanātanaḥ

"तुम्हें, मुझे, वैदेही (सीता) को, लक्ष्मण को और सुमित्रा को — सभी को पिता की आज्ञा में स्थिर रहना चाहिए; यही सनातन धर्म है।

श्लोक 50 (ayodhya.21.50)

अम्ब सम्भृत्य सम्भारान् दुःखं हृदि निगृह्य च । वनवासकृता बुद्धिर्मम धर्म्यानुवर्त्यताम् ॥ 21.50 ॥

amba sambhṛtya sambhārān duḥkhaṃ hṛdi nigṛhya ca | vanavāsakṛtā buddhirmama dharmyānuvartyatām

"हे माता! राज्याभिषेक की सब तैयारियों को समेटकर और हृदय के दुःख को दबाकर, वनवास के मेरे इस उचित निश्चय का अनुमोदन कीजिए।

श्लोक 51 (ayodhya.21.51)

एतद् वचस्तस्य निशम्य माता सुधर्म्यमव्यग्रमविक्लवं च । मृतेव संज्ञां प्रतिलभ्य देवी समीक्ष्य रामं पुनरित्युवाच ॥ 21.51 ॥

etad vacastasya niśamya mātā sudharmyamavyagramaviklavaṃ ca | mṛteva saṃjñāṃ pratilabhya devī samīkṣya rāmaṃ punarityuvāca

राम के इन अत्यंत धर्मानुकूल, अविचलित और शांत वचनों को सुनकर, मानो मृत्यु से पुनः जीवन पाकर, माता कौसल्या ने चेतना प्राप्त कर राम की ओर देखते हुए पुनः यह कहा।

श्लोक 52 (ayodhya.21.52)

यथैव ते पुत्र पिता तथाहं गुरुः स्वधर्मेण सुहृत्तया च । न त्वानुजानामि न मां विहाय सुदुःखितामर्हसि पुत्र गन्तुम् ॥ 21.52 ॥

yathaiva te putra pitā tathāhaṃ guruḥ svadharmeṇa suhṛttayā ca | na tvānujānāmi na māṃ vihāya suduḥkhitāmarhasi putra gantum

"हे पुत्र! जैसे तुम्हारे लिए तुम्हारे पिता हैं, वैसे ही अपने ही अधिकार से और स्नेहवश मैं भी तुम्हारी गुरुजन हूँ; मैं तुम्हें अनुमति नहीं देती। मुझे इस गहन दुःख में छोड़कर तुम्हें जाना उचित नहीं है।

श्लोक 53 (ayodhya.21.53)

किं जीवितेनेह विना त्वया मे लोकेन वा किं स्वधयामृतेन । श्रेयो मुहूर्तं तव संनिधानं ममैव कृत्स्नादपि जीवलोकात् ॥ 21.53 ॥

kiṃ jīviteneha vinā tvayā me lokena vā kiṃ svadhayāmṛtena | śreyo muhūrtaṃ tava saṃnidhānaṃ mamaiva kṛtsnādapi jīvalokāt

"तुम्हारे बिना यहाँ इस जीवन से मुझे क्या प्रयोजन, अथवा उस लोक से या पितरों को दिए जाने वाले अमृततुल्य श्राद्ध से भी क्या लाभ? तुम्हारा एक क्षण का सामीप्य भी मेरे लिए इस समस्त जीवलोक से बढ़कर श्रेयस्कर है।

श्लोक 54 (ayodhya.21.54)

नरैरिवोल्काभिरपोह्यमानो महागजो ध्वान्तमभिप्रविष्टः । भूयः प्रजज्वाल विलापमेवं निशम्य रामः करुणं जनन्याः ॥ 21.54 ॥

narairivolkābhirapohyamāno mahāgajo dhvāntamabhipraviṣṭaḥ | bhūyaḥ prajajvāla vilāpamevaṃ niśamya rāmaḥ karuṇaṃ jananyāḥ

जैसे अग्नि की लपटों से खदेड़ा गया विशाल हाथी अंधकार में और गहरा प्रवेश कर जाता है, वैसे ही अपनी माता के इस करुण विलाप को सुनकर राम पुनः और अधिक व्यथित हो उठे।

श्लोक 55 (ayodhya.21.55)

स मातरं चैव विसंज्ञकल्पा- मार्तं च सौमित्रिमभिप्रतप्तम् । धर्मे स्थितो धर्म्यमुवाच वाक्यं यथा स एवार्हति तत्र वक्तुम् ॥ 21.55 ॥

sa mātaraṃ caiva visaṃjñakalpā- mārtaṃ ca saumitrimabhiprataptam | dharme sthito dharmyamuvāca vākyaṃ yathā sa evārhati tatra vaktum

मूर्च्छित-सी हो गई माता को और अत्यंत संतप्त सौमित्रि (लक्ष्मण) को देखकर, धर्म में स्थित राम ने वही धर्मानुकूल वचन कहा, जिसे उस अवसर पर कहने के योग्य केवल वे ही थे।

श्लोक 56 (ayodhya.21.56)

अहं हि ते लक्ष्मण नित्यमेव जानामि भक्तिं च पराक्रमं च । मम त्वभिप्रायमसंनिरीक्ष्य मात्रा सहाभ्यर्दसि मा सुदुःखम् ॥ 21.56 ॥

ahaṃ hi te lakṣmaṇa nityameva jānāmi bhaktiṃ ca parākramaṃ ca | mama tvabhiprāyamasaṃnirīkṣya mātrā sahābhyardasi mā suduḥkham

"हे लक्ष्मण! मैं सदा से जानता हूँ तुम्हारी भक्ति और तुम्हारा पराक्रम; परंतु अब तुम मेरे अभिप्राय पर ध्यान दिए बिना माता के साथ मिलकर मुझे अत्यंत दुःखी कर रहे हो।

श्लोक 57 (ayodhya.21.57)

धर्मार्थकामाः खलु जीवलोके समीक्षिता धर्मफलोदयेषु । ये तत्र सर्वे स्युरसंशयं मे भार्येव वश्याभिमता सपुत्रा ॥ 21.57 ॥

dharmārthakāmāḥ khalu jīvaloke samīkṣitā dharmaphalodayeṣu | ye tatra sarve syurasaṃśayaṃ me bhāryeva vaśyābhimatā saputrā

"इस जीवलोक में धर्म, अर्थ और काम — इन तीनों को धर्म के फल की प्राप्ति में परखा जाता है; निःसंदेह ये सब वैसे ही एक साथ मिल जाते हैं जैसे एक आज्ञाकारी, प्रिय और सुपुत्रवती पत्नी से प्राप्त होते हैं।

श्लोक 58 (ayodhya.21.58)

यस्मिंस्तु सर्वे स्युरसंनिविष्टा धर्मो यतः स्यात् तदुपक्रमेत । द्वेष्यो भवत्यर्थपरो हि लोके कामात्मता खल्वपि न प्रशस्ता ॥ 21.58 ॥

yasmiṃstu sarve syurasaṃniviṣṭā dharmo yataḥ syāt tadupakrameta | dveṣyo bhavatyarthaparo hi loke kāmātmatā khalvapi na praśastā

"जिस कार्य में ये सब एक साथ न मिलें, उसे छोड़कर वही कार्य आरंभ करना चाहिए जिससे धर्म की सिद्धि हो; जो केवल अर्थ में लीन रहता है वह संसार में द्वेष का पात्र बनता है, और जो केवल काम में लीन रहता है, वह भी सराहनीय नहीं है।

श्लोक 59 (ayodhya.21.59)

गुरुश्च राजा च पिता च वृद्धः क्रोधात् प्रहर्षादथवापि कामात् । यद् व्यादिशेत् कार्यमवेक्ष्य धर्मं कस्तं न कुर्यादनृशंसवृत्तिः ॥ 21.59 ॥

guruśca rājā ca pitā ca vṛddhaḥ krodhāt praharṣādathavāpi kāmāt | yad vyādiśet kāryamavekṣya dharmaṃ kastaṃ na kuryādanṛśaṃsavṛttiḥ

"गुरु, राजा और वृद्ध पिता — क्रोध से, अत्यधिक हर्ष से, अथवा इच्छा से भी जो कार्य करने की आज्ञा दें, धर्म को देखते हुए ऐसे व्यक्ति की आज्ञा का पालन कौन नहीं करेगा, जब तक कि वह क्रूर स्वभाव का न हो?

श्लोक 60 (ayodhya.21.60)

न तेन शक्नोमि पितुः प्रतिज्ञा- मिमां न कर्तुं सकलां यथावत् । स ह्यावयोस्तात गुरुर्नियोगे देव्याश्च भर्ता स गतिश्च धर्मः ॥ 21.60 ॥

na tena śaknomi pituḥ pratijñā- mimāṃ na kartuṃ sakalāṃ yathāvat | sa hyāvayostāta gururniyoge devyāśca bhartā sa gatiśca dharmaḥ

"इसलिए मैं अपने पिता की इस प्रतिज्ञा को पूर्ण रूप से यथावत् पूरा किए बिना नहीं रह सकता; हे तात! वे ही हम दोनों के लिए आज्ञा देने वाले गुरु हैं, और माता के लिए भी वे ही पति, आश्रय और साक्षात् धर्म हैं।

श्लोक 61 (ayodhya.21.61)

तस्मिन् पुनर्जीवति धर्मराजे विशेषतः स्वे पथि वर्तमाने । देवी मया सार्धमितोऽभिगच्छेत् कथंस्विदन्या विधवेव नारी ॥ 21.61 ॥

tasmin punarjīvati dharmarāje viśeṣataḥ sve pathi vartamāne | devī mayā sārdhamito'bhigacchet kathaṃsvidanyā vidhaveva nārī

"जब तक वे धर्मपरायण राजा जीवित हैं, विशेषतः जब वे स्वयं अपने ही सत्यमार्ग पर स्थिर हैं, तब माता मेरे साथ यहाँ से कैसे चल सकती हैं, मानो वे किसी विधवा स्त्री के समान हो जाएँ?

श्लोक 62 (ayodhya.21.62)

सा मानुमन्यस्व वनं व्रजन्तं कुरुष्व नः स्वस्त्ययनानि देवि । यथा समाप्ते पुनराव्रजेयं यथा हि सत्येन पुनर्ययातिः ॥ 21.62 ॥

sā mānumanyasva vanaṃ vrajantaṃ kuruṣva naḥ svastyayanāni devi | yathā samāpte punarāvrajeyaṃ yathā hi satyena punaryayātiḥ

"इसलिए, हे देवी, वन जाते हुए मुझे अनुमति दीजिए; हमारे कल्याण के लिए मंगल-आशीर्वाद कीजिए, जिससे मैं वनवास पूर्ण होने पर पुनः लौट सकूँ, जैसे सत्य के बल पर ययाति पुनः लौटे थे।

श्लोक 63 (ayodhya.21.63)

यशो ह्यहं केवलराज्यकारणा- न्न पृष्ठतः कर्तुमलं महोदयम् । अदीर्घकालेन तु देवि जीविते वृणेऽवरामद्य महीमधर्मतः ॥ 21.63 ॥

yaśo hyahaṃ kevalarājyakāraṇā- nna pṛṣṭhataḥ kartumalaṃ mahodayam | adīrghakālena tu devi jīvite vṛṇe'varāmadya mahīmadharmataḥ

"मैं केवल राज्य के लिए अपनी कीर्ति और महान यश को पीछे नहीं छोड़ सकता; हे देवी! जीवन जो दीर्घ नहीं है, उसमें मैं आज अधर्म द्वारा प्राप्त इस तुच्छ पृथ्वी को नहीं चाहता।

श्लोक 64 (ayodhya.21.64)

प्रसादयन्नरवृषभः स मातरं पराक्रमाज्जिगमिषुरेव दण्डकान् । अथानुजं भृशमनुशास्य दर्शनं चकार तां हृदि जननीं प्रदक्षिणम् ॥ 21.64 ॥

prasādayannaravṛṣabhaḥ sa mātaraṃ parākramājjigamiṣureva daṇḍakān | athānujaṃ bhṛśamanuśāsya darśanaṃ cakāra tāṃ hṛdi jananīṃ pradakṣiṇam

इस प्रकार अपनी माता को मनाते हुए, पराक्रम से दंडक वन जाने को उद्यत, नरश्रेष्ठ राम ने अपने छोटे भाई को भी भली-भाँति समझाया, और फिर हृदय से अपनी माता की प्रदक्षिणा की।