कौसल्या का विलाप

श्लोक 1 (ayodhya.20.1)

तस्मिंस्तु पुरुषव्याघ्रे निष्क्रामति कृताञ्जलौ । आर्तशब्दो महान् जज्ञे स्त्रीणामन्तःपुरे तदा ॥ 20.1 ॥

tasmiṃstu puruṣavyāghre niṣkrāmati kṛtāñjalau | ārtaśabdo mahān jajñe strīṇāmantaḥpure tadā

वह पुरुषश्रेष्ठ राम जब हाथ जोड़े हुए प्रस्थान कर रहे थे, तब अंतःपुर में स्त्रियों का महान आर्तनाद गूँज उठा।

श्लोक 2 (ayodhya.20.2)

कृत्येष्वचोदितः पित्रा सर्वस्यान्तःपुरस्य च । गतिश्च शरणं चासीत् स रामोऽद्य प्रवत्स्यति ॥ 20.2 ॥

kṛtyeṣvacoditaḥ pitrā sarvasyāntaḥpurasya ca | gatiśca śaraṇaṃ cāsīt sa rāmo'dya pravatsyati

"जो पिता द्वारा बिना कहे ही समस्त अंतःपुर के हर कार्य में सहारा और शरण थे, वही राम आज वनवास जा रहे हैं।"

श्लोक 3 (ayodhya.20.3)

कौसल्यायां यथा युक्तो जनन्यां वर्तते सदा । तथैव वर्ततेऽस्मासु जन्मप्रभृति राघवः ॥ 20.3 ॥

kausalyāyāṃ yathā yukto jananyāṃ vartate sadā | tathaiva vartate'smāsu janmaprabhṛti rāghavaḥ

"जैसा राघव माता कौसल्या के प्रति सदा युक्त रहते थे, वैसा ही जन्म से लेकर आज तक हम सब के प्रति भी उनका व्यवहार रहा।"

श्लोक 4 (ayodhya.20.4)

न क्रुध्यत्यभिशप्तोऽपि क्रोधनीयानि वर्जयन् । क्रुद्धान् प्रसादयन् सर्वान् स इतोऽद्य प्रवत्स्यति ॥ 20.4 ॥

na krudhyatyabhiśapto'pi krodhanīyāni varjayan | kruddhān prasādayan sarvān sa ito'dya pravatsyati

"बुरा-भला कहे जाने पर भी वे कभी क्रुद्ध नहीं होते थे, क्रोध उत्पन्न करने वाली बातों से बचते थे, क्रुद्ध लोगों को भी शांत करते थे - वही राम आज यहाँ से वनवास जा रहे हैं।"

श्लोक 5 (ayodhya.20.5)

अबुद्धिर्बत नो राजा जीवलोकं चरत्ययम् । यो गतिं सर्वभूतानां परित्यजति राघवम् ॥ 20.5 ॥

abuddhirbata no rājā jīvalokaṃ caratyayam | yo gatiṃ sarvabhūtānāṃ parityajati rāghavam

"यह हमारा राजा कैसा नासमझ है, जो समस्त प्राणियों के आश्रयस्वरूप राम को त्यागकर इस जीवलोक में विचरण कर रहा है!"

श्लोक 6 (ayodhya.20.6)

इति सर्वा महिष्यस्ता विवत्सा इव धेनवः । पतिमाचुक्रुशुश्चापि सस्वनं चापि चुक्रुशुः ॥ 20.6 ॥

iti sarvā mahiṣyastā vivatsā iva dhenavaḥ | patimācukruśuścāpi sasvanaṃ cāpi cukruśuḥ

इस प्रकार वे सभी रानियाँ बछड़े से बिछुड़ी गायों के समान उच्च स्वर से क्रंदन करती हुईं अपने पति को धिक्कारने लगीं।

श्लोक 7 (ayodhya.20.7)

स हि चान्तःपुरे घोरमार्तशब्दं महीपतिः । पुत्रशोकाभिसंतप्तः श्रुत्वा व्यालीयतासने ॥ 20.7 ॥

sa hi cāntaḥpure ghoramārtaśabdaṃ mahīpatiḥ | putraśokābhisaṃtaptaḥ śrutvā vyālīyatāsane

अंतःपुर में उठे उस भयंकर आर्तनाद को सुनकर पुत्रशोक से संतप्त महाराज अपने आसन पर ही निढाल होकर बैठ गए।

श्लोक 8 (ayodhya.20.8)

रामस्तु भृशमायस्तो निःश्वसन्निव कुञ्जरः । जगाम सहितो भ्रात्रा मातुरन्तःपुरं वशी ॥ 20.8 ॥

rāmastu bhṛśamāyasto niḥśvasanniva kuñjaraḥ | jagāma sahito bhrātrā māturantaḥpuraṃ vaśī

अत्यंत व्यथित राम, हाथी के समान दीर्घ श्वास लेते हुए, अपनी इंद्रियों को वश में रखते हुए, भाई के साथ माता के अंतःपुर की ओर चले।

श्लोक 9 (ayodhya.20.9)

सोऽपश्यत् पुरुषं तत्र वृद्धं परमपूजितम् । उपविष्टं गृहद्वारि तिष्ठतश्चापरान् बहून् ॥ 20.9 ॥

so'paśyat puruṣaṃ tatra vṛddhaṃ paramapūjitam | upaviṣṭaṃ gṛhadvāri tiṣṭhataścāparān bahūn

वहाँ उन्होंने द्वार पर बैठे एक अत्यंत पूजनीय वृद्ध पुरुष को तथा वहाँ खड़े अन्य बहुत से लोगों को देखा।

श्लोक 10 (ayodhya.20.10)

दृष्ट्वैव तु तदा रामं ते सर्वे समुपस्थिताः । जयेन जयतां श्रेष्ठं वर्धयन्ति स्म राघवम् ॥ 20.10 ॥

dṛṣṭvaiva tu tadā rāmaṃ te sarve samupasthitāḥ | jayena jayatāṃ śreṣṭhaṃ vardhayanti sma rāghavam

राम को देखते ही वे सब तुरंत उठ खड़े हुए और "जय हो!" कहकर उस विजयियों में श्रेष्ठ राघव का अभिनंदन करने लगे।

श्लोक 11 (ayodhya.20.11)

प्रविश्य प्रथमां कक्ष्यां द्वितीयायां ददर्श सः । ब्राह्मणान् वेदसम्पन्नान् वृद्धान् राज्ञाभिसत्कृतान् ॥ 20.11 ॥

praviśya prathamāṃ kakṣyāṃ dvitīyāyāṃ dadarśa saḥ | brāhmaṇān vedasampannān vṛddhān rājñābhisatkṛtān

पहले घेरे में प्रवेश करके उन्होंने दूसरे द्वार पर वेदज्ञ, राजा द्वारा सम्मानित वृद्ध ब्राह्मणों को देखा।

श्लोक 12 (ayodhya.20.12)

प्रणम्य रामस्तान् वृद्धांस्तृतीयायां ददर्श सः । स्त्रियो बालाश्च वृद्धाश्च द्वाररक्षणतत्पराः ॥ 20.12 ॥

praṇamya rāmastān vṛddhāṃstṛtīyāyāṃ dadarśa saḥ | striyo bālāśca vṛddhāśca dvārarakṣaṇatatparāḥ

उन वृद्धजनों को प्रणाम करके उन्होंने तीसरे द्वार पर द्वार-रक्षा में तत्पर स्त्रियों, बालिकाओं और वृद्धाओं को देखा।

श्लोक 13 (ayodhya.20.13)

वर्धयित्वा प्रहृष्टास्ताः प्रविश्य च गृहं स्त्रियः । न्यवेदयन्त त्वरितं राममातुः प्रियं तदा ॥ 20.13 ॥

vardhayitvā prahṛṣṭāstāḥ praviśya ca gṛhaṃ striyaḥ | nyavedayanta tvaritaṃ rāmamātuḥ priyaṃ tadā

वे प्रसन्नचित्त स्त्रियाँ राम को आशीर्वाद देकर शीघ्रतापूर्वक भवन में गईं और राम की माता को उनके आगमन का प्रिय समाचार सुनाया।

श्लोक 14 (ayodhya.20.14)

कौसल्यापि तदा देवी रात्रिं स्थित्वा समाहिता । प्रभाते चाकरोत् पूजां विष्णोः पुत्रहितैषिणी ॥ 20.14 ॥

kausalyāpi tadā devī rātriṃ sthitvā samāhitā | prabhāte cākarot pūjāṃ viṣṇoḥ putrahitaiṣiṇī

उस समय देवी कौसल्या रात्रिभर जागरण करके, संयतचित्त होकर, प्रातःकाल पुत्र के कल्याण की कामना से भगवान विष्णु की पूजा कर रही थीं।

श्लोक 15 (ayodhya.20.15)

सा क्षौमवसना हृष्टा नित्यं व्रतपरायणा । अग्निं जुहोति स्म तदा मन्त्रवत् कृतमङ्गला ॥ 20.15 ॥

sā kṣaumavasanā hṛṣṭā nityaṃ vrataparāyaṇā | agniṃ juhoti sma tadā mantravat kṛtamaṅgalā

श्वेत रेशमी वस्त्र धारण किए, नित्य व्रतपरायण, मंगलरूप में सजी वे प्रसन्नतापूर्वक मंत्रोच्चार करते हुए अग्नि में आहुति दे रही थीं।

श्लोक 16 (ayodhya.20.16)

प्रविश्य तु तदा रामो मातुरन्तःपुरं शुभम् । ददर्श मातरं तत्र हावयन्तीं हुताशनम् ॥ 20.16 ॥

praviśya tu tadā rāmo māturantaḥpuraṃ śubham | dadarśa mātaraṃ tatra hāvayantīṃ hutāśanam

तब राम ने माता के उस शुभ अंतःपुर में प्रवेश करके माता को वहाँ हवन करते हुए देखा।

श्लोक 17 (ayodhya.20.17)

देवकार्यनिमित्तं च तत्रापश्यत् समुद्यतम् । दध्यक्षतघृतं चैव मोदकान् हविषस्तथा ॥ 20.17 ॥

devakāryanimittaṃ ca tatrāpaśyat samudyatam | dadhyakṣataghṛtaṃ caiva modakān haviṣastathā

वहाँ उन्होंने देवकार्य के निमित्त तैयार रखी दधि, अक्षत, घृत तथा हविष्य के लड्डू देखे,

श्लोक 18 (ayodhya.20.18)

लाजान् माल्यानि शुक्लानि पायसं कृसरं तथा । समिधः पूर्णकुम्भांश्च ददर्श रघुनन्दनः ॥ 20.18 ॥

lājān mālyāni śuklāni pāyasaṃ kṛsaraṃ tathā | samidhaḥ pūrṇakumbhāṃśca dadarśa raghunandanaḥ

लाजा, श्वेत मालाएँ, खीर और खिचड़ी भी देखी; उन रघुनंदन ने समिधाएँ और जल से भरे कलश भी देखे।

श्लोक 19 (ayodhya.20.19)

तां शुक्लक्षौमसंवीतां व्रतयोगेन कर्शिताम् । तर्पयन्तीं ददर्शाद्भिर्देवतां वरवर्णिनीम् ॥ 20.19 ॥

tāṃ śuklakṣaumasaṃvītāṃ vratayogena karśitām | tarpayantīṃ dadarśādbhirdevatāṃ varavarṇinīm

उन्होंने श्वेत रेशमी वस्त्र धारण किए, व्रत के कारण कृशकाय, देवी के समान सुंदर वर्णवाली माता को जल से देवताओं को तर्पण करते देखा।

श्लोक 20 (ayodhya.20.20)

सा चिरस्यात्मजं दृष्ट्वा मातृनन्दनमागतम् । अभिचक्राम संहृष्टा किशोरं वडवा यथा ॥ 20.20 ॥

sā cirasyātmajaṃ dṛṣṭvā mātṛnandanamāgatam | abhicakrāma saṃhṛṣṭā kiśoraṃ vaḍavā yathā

दीर्घकाल बाद अपने पुत्र को, जो माता को आनंद देने वाला था, आया देखकर वे हर्षित होकर उसकी ओर वैसे ही दौड़ीं जैसे घोड़ी अपने बछेड़े की ओर दौड़ती है।

श्लोक 21 (ayodhya.20.21)

स मातरमुपक्रान्तामुपसंगृह्य राघवः । परिष्वक्तश्च बाहुभ्यामवघ्रातश्च मूर्धनि ॥ 20.21 ॥

sa mātaramupakrāntāmupasaṃgṛhya rāghavaḥ | pariṣvaktaśca bāhubhyāmavaghrātaśca mūrdhani

आगे बढ़ती माता का आलिंगन करके राघव उनकी बाँहों में समा गए और माता ने उनके मस्तक को सूँघा।

श्लोक 22 (ayodhya.20.22)

तमुवाच दुराधर्षं राघवं सुतमात्मनः । कौसल्या पुत्रवात्सल्यादिदं प्रियहितं वचः ॥ 20.22 ॥

tamuvāca durādharṣaṃ rāghavaṃ sutamātmanaḥ | kausalyā putravātsalyādidaṃ priyahitaṃ vacaḥ

पुत्र-स्नेह से भरी कौसल्या ने अपने उस अजेय पुत्र राघव से यह प्रिय और हितकर वचन कहा-

श्लोक 23 (ayodhya.20.23)

वृद्धानां धर्मशीलानां राजर्षीणां महात्मनाम् । प्राप्नुह्यायुश्च कीर्तिं च धर्मं चाप्युचितं कुले ॥ 20.23 ॥

vṛddhānāṃ dharmaśīlānāṃ rājarṣīṇāṃ mahātmanām | prāpnuhyāyuśca kīrtiṃ ca dharmaṃ cāpyucitaṃ kule

"जैसे वृद्ध, धर्मशील, महात्मा राजर्षियों ने आयु, कीर्ति और कुल के अनुरूप धर्म प्राप्त किया, वैसा ही तुम भी प्राप्त करो।"

श्लोक 24 (ayodhya.20.24)

सत्यप्रतिज्ञं पितरं राजानं पश्य राघव । अद्यैव त्वां स धर्मात्मा यौवराज्येऽभिषेक्ष्यति ॥ 20.24 ॥

satyapratijñaṃ pitaraṃ rājānaṃ paśya rāghava | adyaiva tvāṃ sa dharmātmā yauvarājye'bhiṣekṣyati

"हे राघव! अपने सत्यप्रतिज्ञ पिता राजा को देखो - आज ही वे धर्मात्मा तुम्हें युवराज पद पर अभिषिक्त करेंगे।"

श्लोक 25 (ayodhya.20.25)

दत्तमासनमालभ्य भोजनेन निमन्त्रितः । मातरं राघवः किंचित् प्रसार्याञ्जलिमब्रवीत् ॥ 20.25 ॥

dattamāsanamālabhya bhojanena nimantritaḥ | mātaraṃ rāghavaḥ kiṃcit prasāryāñjalimabravīt

भोजन के लिए आमंत्रित होकर तथा दिए गए आसन का स्पर्श मात्र करके, राघव ने हाथ थोड़े जोड़कर माता से यह कहा-

श्लोक 26 (ayodhya.20.26)

स स्वभावविनीतश्च गौरवाच्च तथानतः । प्रस्थितो दण्डकारण्यमाप्रष्टुमुपचक्रमे ॥ 20.26 ॥

sa svabhāvavinītaśca gauravācca tathānataḥ | prasthito daṇḍakāraṇyamāpraṣṭumupacakrame

क्योंकि स्वभाव से विनम्र और अब आदर के कारण और भी झुके हुए, दंडक वन के लिए प्रस्थान करने को उद्यत राम ने माता से आज्ञा माँगनी आरंभ की-

श्लोक 27 (ayodhya.20.27)

देवि नूनं न जानीषे महद् भयमुपस्थितम् । इदं तव च दुःखाय वैदेह्या लक्ष्मणस्य च ॥ 20.27 ॥

devi nūnaṃ na jānīṣe mahad bhayamupasthitam | idaṃ tava ca duḥkhāya vaidehyā lakṣmaṇasya ca

"हे देवी! आपको निश्चय ही ज्ञात नहीं कि एक महान भय आ उपस्थित हुआ है, जो आपको, वैदेही को और लक्ष्मण को भी दुःख देगा।"

श्लोक 28 (ayodhya.20.28)

गमिष्ये दण्डकारण्यं किमनेनासनेन मे । विष्टरासनयोग्यो हि कालोऽयं मामुपस्थितः ॥ 20.28 ॥

gamiṣye daṇḍakāraṇyaṃ kimanenāsanena me | viṣṭarāsanayogyo hi kālo'yaṃ māmupasthitaḥ

"मैं दंडक वन जा रहा हूँ; मुझे इस आसन से क्या प्रयोजन? अब वह समय आ गया है जब मुझे कुशासन के योग्य होना है।"

श्लोक 29 (ayodhya.20.29)

चतुर्दश हि वर्षाणि वत्स्याम विजने वने । कन्दमूलफलैर्जीवन् हित्वा मुनिवदामिषम् ॥ 20.29 ॥

caturdaśa hi varṣāṇi vatsyāma vijane vane | kandamūlaphalairjīvan hitvā munivadāmiṣam

"मैं चौदह वर्षों तक निर्जन वन में रहूँगा, कंद-मूल-फल खाकर जीवन बिताते हुए मुनि के समान मांस का त्याग करूँगा।"

श्लोक 30 (ayodhya.20.30)

भरताय महाराजो यौवराज्यं प्रयच्छति । मां पुनर्दण्डकारण्यं विवासयति तापसम् ॥ 20.30 ॥

bharatāya mahārājo yauvarājyaṃ prayacchati | māṃ punardaṇḍakāraṇyaṃ vivāsayati tāpasam

"महाराज भरत को युवराज पद दे रहे हैं, और मुझे तपस्वी बनाकर दंडक वन में निर्वासित कर रहे हैं।"

श्लोक 31 (ayodhya.20.31)

स षट् चाष्टौ च वर्षाणि वत्स्यामि विजने वने । आसेवमानो वन्यानि फलमूलैश्च वर्तयन् ॥ 20.31 ॥

sa ṣaṭ cāṣṭau ca varṣāṇi vatsyāmi vijane vane | āsevamāno vanyāni phalamūlaiśca vartayan

"इन्हीं चौदह वर्षों तक मैं निर्जन वन में वन्य पदार्थों का सेवन करते हुए, फल-मूल से जीवन बिताते हुए निवास करूँगा।"

श्लोक 32 (ayodhya.20.32)

सा निकृत्तेव सालस्य यष्टिः परशुना वने । पपात सहसा देवी देवतेव दिवश्च्युता ॥ 20.32 ॥

sā nikṛtteva sālasya yaṣṭiḥ paraśunā vane | papāta sahasā devī devateva divaścyutā

वह देवी सहसा वन में कुल्हाड़ी से काटी गई साल वृक्ष की शाखा के समान अथवा स्वर्ग से गिरी देवी के समान भूमि पर गिर पड़ीं।

श्लोक 33 (ayodhya.20.33)

तामदुःखोचितां दृष्ट्वा पतितां कदलीमिव । रामस्तूत्थापयामास मातरं गतचेतसम् ॥ 20.33 ॥

tāmaduḥkhocitāṃ dṛṣṭvā patitāṃ kadalīmiva | rāmastūtthāpayāmāsa mātaraṃ gatacetasam

दुःख के अयोग्य उस माता को केले के वृक्ष के समान गिरी और चेतनाशून्य देखकर राम ने उन्हें उठाया।

श्लोक 34 (ayodhya.20.34)

उपावृत्योत्थितां दीनां वडवामिव वाहिताम् । पांसुगुण्ठितसर्वाङ्गीं विममर्श च पाणिना ॥ 20.34 ॥

upāvṛtyotthitāṃ dīnāṃ vaḍavāmiva vāhitām | pāṃsuguṇṭhitasarvāṅgīṃ vimamarśa ca pāṇinā

भार से लदी घोड़ी के समान लोटती हुई, दीन, धूल से लिपटे सारे अंगोंवाली उस माता को उन्होंने हाथ से सहलाया।

श्लोक 35 (ayodhya.20.35)

सा राघवमुपासीनमसुखार्ता सुखोचिता । उवाच पुरुषव्याघ्रमुपशृण्वति लक्ष्मणे ॥ 20.35 ॥

sā rāghavamupāsīnamasukhārtā sukhocitā | uvāca puruṣavyāghramupaśṛṇvati lakṣmaṇe

सुख की अधिकारिणी किंतु दुःख से पीड़ित वह कौसल्या पास बैठे पुरुषश्रेष्ठ राघव से, लक्ष्मण के सुनते हुए, यह कहने लगीं-

श्लोक 36 (ayodhya.20.36)

यदि पुत्र न जायेथा मम शोकाय राघव । न स्म दुःखमतो भूयः पश्येयमहमप्रजाः ॥ 20.36 ॥

yadi putra na jāyethā mama śokāya rāghava | na sma duḥkhamato bhūyaḥ paśyeyamahamaprajāḥ

"हे पुत्र राघव! यदि तुम मुझे शोक देने के लिए ही जन्मे थे, तो मैं निःसंतान रहकर इससे बढ़कर दुःख कभी न देखती।"

श्लोक 37 (ayodhya.20.37)

एक एव हि वन्ध्यायाः शोको भवति मानसः । अप्रजास्मीति संतापो न ह्यन्यः पुत्र विद्यते ॥ 20.37 ॥

eka eva hi vandhyāyāḥ śoko bhavati mānasaḥ | aprajāsmīti saṃtāpo na hyanyaḥ putra vidyate

"बाँझ स्त्री को केवल एक ही मानसिक शोक होता है - 'मैं निःसंतान हूँ' - हे पुत्र, इसके अतिरिक्त उसे कोई अन्य दुःख नहीं होता।"

श्लोक 38 (ayodhya.20.38)

न दृष्टपूर्वं कल्याणं सुखं वा पतिपौरुषे । अपि पुत्रे विपश्येयमिति रामास्थितं मया ॥ 20.38 ॥

na dṛṣṭapūrvaṃ kalyāṇaṃ sukhaṃ vā patipauruṣe | api putre vipaśyeyamiti rāmāsthitaṃ mayā

"पति के प्रभावकाल में मैंने पहले कभी सुख या मंगल नहीं देखा; मैंने सोचा था, हे राम, कि कम से कम पुत्र में तो देख सकूँगी।"

श्लोक 39 (ayodhya.20.39)

सा बहून्यमनोज्ञानि वाक्यानि हृदयच्छिदाम् । अहं श्रोष्ये सपत्नीनामवराणां परा सती ॥ 20.39 ॥

sā bahūnyamanojñāni vākyāni hṛdayacchidām | ahaṃ śroṣye sapatnīnāmavarāṇāṃ parā satī

"श्रेष्ठ और सती होते हुए भी मुझे अपनी हीन सौतों के हृदय-विदारक अनेक अप्रिय वचन सुनने पड़ते हैं।"

श्लोक 40 (ayodhya.20.40)

अतो दुःखतरं किं नु प्रमदानां भविष्यति । मम शोको विलापश्च यादृशोऽयमनन्तकः ॥ 20.40 ॥

ato duḥkhataraṃ kiṃ nu pramadānāṃ bhaviṣyati | mama śoko vilāpaśca yādṛśo'yamanantakaḥ

"अब मुझे प्राप्त इस अंतहीन शोक और विलाप से बढ़कर किसी स्त्री के लिए और कौन-सा दुःख हो सकता है?"

श्लोक 41 (ayodhya.20.41)

त्वयि संनिहितेऽप्येवमहमासं निराकृता । किं पुनः प्रोषिते तात ध्रुवं मरणमेव हि ॥ 20.41 ॥

tvayi saṃnihite'pyevamahamāsaṃ nirākṛtā | kiṃ punaḥ proṣite tāta dhruvaṃ maraṇameva hi

"तुम्हारे समीप रहते हुए भी मैं इस प्रकार तिरस्कृत हुई हूँ; फिर हे तात, तुम्हारे चले जाने पर तो निश्चय ही मेरी मृत्यु ही होगी।"

श्लोक 42 (ayodhya.20.42)

अत्यन्तं निगृहीतास्मि भर्तुर्नित्यमसम्मता । परिवारेण कैकेय्याः समा वाप्यथवावरा ॥ 20.42 ॥

atyantaṃ nigṛhītāsmi bharturnityamasammatā | parivāreṇa kaikeyyāḥ samā vāpyathavāvarā

"मैं अपने पति द्वारा सदैव अत्यंत दबाई गई, कभी प्रिय न मानी गई, कैकेयी की दासियों के समान अथवा उनसे भी नीचा स्थान पाने वाली रही हूँ।"

श्लोक 43 (ayodhya.20.43)

यो हि मां सेवते कश्चिदपि वाप्यनुवर्तते । कैकेय्याः पुत्रमन्वीक्ष्य स जनो नाभिभाषते ॥ 20.43 ॥

yo hi māṃ sevate kaścidapi vāpyanuvartate | kaikeyyāḥ putramanvīkṣya sa jano nābhibhāṣate

"जो कोई भी मेरी सेवा करता है अथवा मेरा अनुसरण करता है, वह भी कैकेयी के पुत्र को देखकर मुझसे बात करना छोड़ देगा।"

श्लोक 44 (ayodhya.20.44)

नित्यक्रोधतया तस्याः कथं नु खरवादि तत् । कैकेय्या वदनं द्रष्टुं पुत्र शक्ष्यामि दुर्गता ॥ 20.44 ॥

nityakrodhatayā tasyāḥ kathaṃ nu kharavādi tat | kaikeyyā vadanaṃ draṣṭuṃ putra śakṣyāmi durgatā

"उसके निरंतर क्रोध और कटु वाणी के कारण, हे पुत्र, मैं अभागिनी उस कैकेयी का मुख कैसे देख सकूँगी?"

श्लोक 45 (ayodhya.20.45)

दश सप्त च वर्षाणि जातस्य तव राघव । अतीतानि प्रकांक्षन्त्या मया दुःखपरिक्षयम् ॥ 20.45 ॥

daśa sapta ca varṣāṇi jātasya tava rāghava | atītāni prakāṃkṣantyā mayā duḥkhaparikṣayam

"हे राघव! तुम्हारे जन्म के बाद से सत्रह वर्ष बीत गए, इस आशा में कि मेरा दुःख किसी दिन समाप्त होगा।"

श्लोक 46 (ayodhya.20.46)

तदक्षयं महद्दुःखं नोत्सहे सहितुं चिरात् । विप्रकारं सपत्नीनामेवं जीर्णापि राघव ॥ 20.46 ॥

tadakṣayaṃ mahadduḥkhaṃ notsahe sahituṃ cirāt | viprakāraṃ sapatnīnāmevaṃ jīrṇāpi rāghava

"हे राघव! अब इस वृद्धावस्था में मैं सौतों के इस अक्षय, महान दुःख और अपमान को अधिक समय तक सहन नहीं कर सकती।"

श्लोक 47 (ayodhya.20.47)

अपश्यन्ती तव मुखं परिपूर्णशशिप्रभम् । कृपणा वर्तयिष्यामि कथं कृपणजीविका ॥ 20.47 ॥

apaśyantī tava mukhaṃ paripūrṇaśaśiprabham | kṛpaṇā vartayiṣyāmi kathaṃ kṛpaṇajīvikā

"पूर्ण चंद्रमा के समान तुम्हारा मुख न देखकर मैं अभागिनी यह दयनीय जीवन कैसे बिताऊँगी?"

श्लोक 48 (ayodhya.20.48)

उपवासैश्च योगैश्च बहुभिश्च परिश्रमैः । दुःखसंवर्धितो मोघं त्वं हि दुर्गतया मया ॥ 20.48 ॥

upavāsaiśca yogaiśca bahubhiśca pariśramaiḥ | duḥkhasaṃvardhito moghaṃ tvaṃ hi durgatayā mayā

"उपवासों, योग-साधनाओं और अनेक कठोर तपस्याओं से मैंने, अभागिनी ने, तुम्हें व्यर्थ ही पाला-पोसा।"

श्लोक 49 (ayodhya.20.49)

स्थिरं नु हृदयं मन्ये ममेदं यन्न दीर्यते । प्रावृषीव महानद्याः स्पृष्टं कूलं नवाम्भसा ॥ 20.49 ॥

sthiraṃ nu hṛdayaṃ manye mamedaṃ yanna dīryate | prāvṛṣīva mahānadyāḥ spṛṣṭaṃ kūlaṃ navāmbhasā

"मेरा यह हृदय निश्चय ही दृढ़ है, तभी तो यह टूटता नहीं, जैसे वर्षा ऋतु में नई जलधारा से टकराकर भी महानदी का तट नहीं टूटता।"

श्लोक 50 (ayodhya.20.50)

ममैव नूनं मरणं न विद्यते न चावकाशोऽस्ति यमक्षये मम । यदन्तकोऽद्यैव न मां जिहीर्षति प्रसह्य सिंहो रुदतीं मृगीमिव ॥ 20.50 ॥

mamaiva nūnaṃ maraṇaṃ na vidyate na cāvakāśo'sti yamakṣaye mama | yadantako'dyaiva na māṃ jihīrṣati prasahya siṃho rudatīṃ mṛgīmiva

"निश्चय ही मेरी मृत्यु नहीं है, न ही यमलोक में मेरे लिए कोई स्थान है, क्योंकि यमराज आज भी मुझे बलपूर्वक नहीं ले जा रहे, जैसे सिंह रोती हुई मृगी को नहीं पकड़ता।"

श्लोक 51 (ayodhya.20.51)

स्थिरं हि नूनं हृदयं ममायसं न भिद्यते यद् भुवि नो विदीर्यते । अनेन दुःखेन च देहमर्पितं ध्रुवं ह्यकाले मरणं न विद्यते ॥ 20.51 ॥

sthiraṃ hi nūnaṃ hṛdayaṃ mamāyasaṃ na bhidyate yad bhuvi no vidīryate | anena duḥkhena ca dehamarpitaṃ dhruvaṃ hyakāle maraṇaṃ na vidyate

"निश्चय ही मेरा यह हृदय लोहे का बना है, तभी तो यह न टूटता है, न भूमि पर बिखरता है; इस दुःख को देह में धारण करते हुए भी निश्चय ही असमय मृत्यु नहीं आती।"

श्लोक 52 (ayodhya.20.52)

इदं तु दुःखं यदनर्थकानि मे व्रतानि दानानि च संयमाश्च हि । तपश्च तप्तं यदपत्यकाम्यया सुनिष्फलं बीजमिवोप्तमूषरे ॥ 20.52 ॥

idaṃ tu duḥkhaṃ yadanarthakāni me vratāni dānāni ca saṃyamāśca hi | tapaśca taptaṃ yadapatyakāmyayā suniṣphalaṃ bījamivoptamūṣare

"मुझे केवल यही दुःख है कि मेरे व्रत, दान और संयम तथा संतान की कामना से किया गया तप - सब व्यर्थ हो गए, मानो ऊसर भूमि में बोया गया बीज हो।"

श्लोक 53 (ayodhya.20.53)

यदि ह्यकाले मरणं यदृच्छया लभेत कश्चिद् गुरुदुःखकर्शितः । गताहमद्यैव परेतसंसदं विना त्वया धेनुरिवात्मजेन वै ॥ 20.53 ॥

yadi hyakāle maraṇaṃ yadṛcchayā labheta kaścid guruduḥkhakarśitaḥ | gatāhamadyaiva paretasaṃsadaṃ vinā tvayā dhenurivātmajena vai

"यदि महान दुःख से पीड़ित कोई व्यक्ति स्वेच्छा से असमय मृत्यु पा सकता, तो मैं आज ही, बछड़े से बिछुड़ी गाय के समान, तुमसे बिछुड़कर मृतकों की सभा में जा मिलती।"

श्लोक 54 (ayodhya.20.54)

अथापि किं जीवितमद्य मे वृथा त्वया विना चन्द्रनिभाननप्रभ । अनुव्रजिष्यामि वनं त्वयैव गौः सुदुर्बला वत्समिवाभिकांक्षया ॥ 20.54 ॥

athāpi kiṃ jīvitamadya me vṛthā tvayā vinā candranibhānanaprabha | anuvrajiṣyāmi vanaṃ tvayaiva gauḥ sudurbalā vatsamivābhikāṃkṣayā

"फिर भी, हे चंद्रमुख! तुम्हारे बिना यह जीवन मेरे लिए व्यर्थ ही है। मैं भी तुम्हारे साथ वन को चलूँगी, जैसे अत्यंत दुर्बल गाय अपने बछड़े के पीछे-पीछे जाती है।"

श्लोक 55 (ayodhya.20.55)

भृशमसुखममर्षिता तदा बहु विललाप समीक्ष्य राघवम् । व्यसनमुपनिशाम्य सा महत् सुतमिव बद्धमवेक्ष्य किंनरी ॥ 20.55 ॥

bhṛśamasukhamamarṣitā tadā bahu vilalāpa samīkṣya rāghavam | vyasanamupaniśāmya sā mahat sutamiva baddhamavekṣya kiṃnarī

तब अत्यंत दुःखी और क्षुब्ध वह कौसल्या राघव को देखकर, उस महान विपत्ति का अवलोकन करके, बंधे हुए पुत्र को देखकर किन्नरी के समान बहुत प्रकार से विलाप करने लगीं।