राम का संकल्प

श्लोक 1 (ayodhya.19.1)

तदप्रियममित्रघ्नो वचनं मरणोपमम् । श्रुत्वा न विव्यथे रामः कैकेयीं चेदमब्रवीत् ॥ 19.1 ॥

tadapriyamamitraghno vacanaṃ maraṇopamam | śrutvā na vivyathe rāmaḥ kaikeyīṃ cedamabravīt

वह अत्यंत कटु, मृत्यु के समान वचन सुनकर भी शत्रुदमन राम विचलित नहीं हुए; उन्होंने कैकेयी से यह कहा-

श्लोक 2 (ayodhya.19.2)

एवमस्तु गमिष्यामि वनं वस्तुमहं त्वितः । जटाचीरधरो राज्ञः प्रतिज्ञामनुपालयन् ॥ 19.2 ॥

evamastu gamiṣyāmi vanaṃ vastumahaṃ tvitaḥ | jaṭācīradharo rājñaḥ pratijñāmanupālayan

"ऐसा ही हो। मैं यहाँ से जटा-वल्कल धारण करके राजा की प्रतिज्ञा का पालन करते हुए वन में निवास करने जाऊँगा।"

श्लोक 3 (ayodhya.19.3)

इदं तु ज्ञातुमिच्छामि किमर्थं मां महीपतिः । नाभिनन्दति दुर्धर्षो यथापूर्वमरिंदमः ॥ 19.3 ॥

idaṃ tu jñātumicchāmi kimarthaṃ māṃ mahīpatiḥ | nābhinandati durdharṣo yathāpūrvamariṃdamaḥ

"परंतु मैं यह जानना चाहता हूँ कि दुर्धर्ष शत्रुदमन महाराज मुझसे पहले जैसा अभिनंदन क्यों नहीं कर रहे हैं?"

श्लोक 4 (ayodhya.19.4)

मन्युर्न च त्वया कार्यो देवि ब्रूमि तवाग्रतः । यास्यामि भव सुप्रीता वनं चीरजटाधरः ॥ 19.4 ॥

manyurna ca tvayā kāryo devi brūmi tavāgrataḥ | yāsyāmi bhava suprītā vanaṃ cīrajaṭādharaḥ

"हे देवी! आपको कोई मन्यु नहीं करना चाहिए, मैं आपके सामने ही कहता हूँ - मैं वल्कल और जटा धारण करके वन जाऊँगा; प्रसन्न हो जाइए।"

श्लोक 5 (ayodhya.19.5)

हितेन गुरुणा पित्रा कृतज्ञेन नृपेण च । नियुज्यमानो विस्रब्धः किं न कुर्यामहं प्रियम् ॥ 19.5 ॥

hitena guruṇā pitrā kṛtajñena nṛpeṇa ca | niyujyamāno visrabdhaḥ kiṃ na kuryāmahaṃ priyam

"हितकारी, कृतज्ञ, गुरुतुल्य और नरेश पिता द्वारा विश्वासपूर्वक आज्ञप्त होकर मैं उनका प्रिय कार्य क्यों न करूँ?"

श्लोक 6 (ayodhya.19.6)

अलीकं मानसं त्वेकं हृदयं दहते मम । स्वयं यन्नाह मां राजा भरतस्याभिषेचनम् ॥ 19.6 ॥

alīkaṃ mānasaṃ tvekaṃ hṛdayaṃ dahate mama | svayaṃ yannāha māṃ rājā bharatasyābhiṣecanam

"मेरे मन में केवल यही एक भ्रम मेरे हृदय को दग्ध कर रहा है कि स्वयं राजा ने मुझे भरत के अभिषेक की बात नहीं बताई।"

श्लोक 7 (ayodhya.19.7)

अहं हि सीतां राज्यं च प्राणानिष्टान् धनानि च । हृष्टो भ्रात्रे स्वयं दद्यां भरतायाप्रचोदितः ॥ 19.7 ॥

ahaṃ hi sītāṃ rājyaṃ ca prāṇāniṣṭān dhanāni ca | hṛṣṭo bhrātre svayaṃ dadyāṃ bharatāyāpracoditaḥ

"बिना कहे ही मैं स्वयं प्रसन्नतापूर्वक अपने भाई भरत को सीता, राज्य, प्राण, प्रिय वस्तुएँ और धन तक दे देता।"

श्लोक 8 (ayodhya.19.8)

किं पुनर्मनुजेन्द्रेण स्वयं पित्रा प्रचोदितः । तव च प्रियकामार्थं प्रतिज्ञामनुपालयन् ॥ 19.8 ॥

kiṃ punarmanujendreṇa svayaṃ pitrā pracoditaḥ | tava ca priyakāmārthaṃ pratijñāmanupālayan

"फिर स्वयं नरेश्वर पिता द्वारा प्रेरित होकर, आपकी प्रिय कामना पूर्ण करने तथा उनकी प्रतिज्ञा का पालन करने में मुझे क्या आपत्ति हो सकती है?"

श्लोक 9 (ayodhya.19.9)

तथाश्वासय ह्रीमन्तं किं त्विदं यन्महीपतिः । वसुधासक्तनयनो मन्दमश्रूणि मुञ्चति ॥ 19.9 ॥

tathāśvāsaya hrīmantaṃ kiṃ tvidaṃ yanmahīpatiḥ | vasudhāsaktanayano mandamaśrūṇi muñcati

"अतः आप उन्हें सांत्वना दीजिए - यह क्या है कि महाराज भूमि पर आसक्त नेत्रों से धीरे-धीरे आँसू बहा रहे हैं?"

श्लोक 10 (ayodhya.19.10)

गच्छन्तु चैवानयितुं दूताः शीघ्रजवैर्हयैः । भरतं मातुलकुलादद्यैव नृपशासनात् ॥ 19.10 ॥

gacchantu caivānayituṃ dūtāḥ śīghrajavairhayaiḥ | bharataṃ mātulakulādadyaiva nṛpaśāsanāt

"शीघ्रगामी अश्वों पर दूत भेजे जाएँ, जो राजा की आज्ञा से आज ही भरत को मामा के घर से ले आएँ।"

श्लोक 11 (ayodhya.19.11)

दण्डकारण्यमेषोऽहं गच्छाम्येव हि सत्वरः । अविचार्य पितुर्वाक्यं समा वस्तुं चतुर्दश ॥ 19.11 ॥

daṇḍakāraṇyameṣo'haṃ gacchāmyeva hi satvaraḥ | avicārya piturvākyaṃ samā vastuṃ caturdaśa

"मैं स्वयं शीघ्र ही, पिता के वचन पर विचार किए बिना, चौदह वर्षों तक निवास करने के लिए दंडक वन को जाता हूँ।"

श्लोक 12 (ayodhya.19.12)

सा हृष्टा तस्य तद् वाक्यं श्रुत्वा रामस्य कैकयी । प्रस्थानं श्रद्दधाना सा त्वरयामास राघवम् ॥ 19.12 ॥

sā hṛṣṭā tasya tad vākyaṃ śrutvā rāmasya kaikayī | prasthānaṃ śraddadhānā sā tvarayāmāsa rāghavam

राम के इस वचन को सुनकर कैकेयी प्रसन्न हुई और उनके प्रस्थान पर विश्वास करते हुए राघव को शीघ्रता के लिए प्रेरित करने लगी।

श्लोक 13 (ayodhya.19.13)

एवं भवतु यास्यन्ति दूताः शीघ्रजवैर्हयैः । भरतं मातुलकुलादिहावर्तयितुं नराः ॥ 19.13 ॥

evaṃ bhavatu yāsyanti dūtāḥ śīghrajavairhayaiḥ | bharataṃ mātulakulādihāvartayituṃ narāḥ

"ऐसा ही हो; शीघ्रगामी अश्वों पर दूत जाकर भरत को मामा के घर से लौटा लाएँ।"

श्लोक 14 (ayodhya.19.14)

तव त्वहं क्षमं मन्ये नोत्सुकस्य विलम्बनम् । राम तस्मादितः शीघ्रं वनं त्वं गन्तुमर्हसि ॥ 19.14 ॥

tava tvahaṃ kṣamaṃ manye notsukasya vilambanam | rāma tasmāditaḥ śīghraṃ vanaṃ tvaṃ gantumarhasi

"परंतु मैं यह उचित नहीं समझती कि उत्सुक तुम्हें विलंब करना पड़े; अतः हे राम, तुम्हें यहाँ से शीघ्र ही वन जाना चाहिए।"

श्लोक 15 (ayodhya.19.15)

व्रीडान्वितः स्वयं यच्च नृपस्त्वां नाभिभाषते । नैतत् किंचिन्नरश्रेष्ठ मन्युरेषोऽपनीयताम् ॥ 19.15 ॥

vrīḍānvitaḥ svayaṃ yacca nṛpastvāṃ nābhibhāṣate | naitat kiṃcinnaraśreṣṭha manyureṣo'panīyatām

"यह केवल लज्जावश है कि राजा तुमसे बात नहीं कर रहे - इसमें कुछ और नहीं है, हे नरश्रेष्ठ; यह खेद त्याग दो।"

श्लोक 16 (ayodhya.19.16)

यावत्त्वं न वनं यातः पुरादस्मादतित्वरम् । पिता तावन्न ते राम स्नास्यते भोक्ष्यतेऽपि वा ॥ 19.16 ॥

yāvattvaṃ na vanaṃ yātaḥ purādasmādatitvaram | pitā tāvanna te rāma snāsyate bhokṣyate'pi vā

"क्योंकि जब तक तुम शीघ्रता से इस नगर से वन के लिए प्रस्थान नहीं करोगे, तब तक हे राम, तुम्हारे पिता न स्नान करेंगे और न भोजन।"

श्लोक 17 (ayodhya.19.17)

धिक्कष्टमिति निःश्वस्य राजा शोकपरिप्लुतः । मूर्च्छितो न्यपतत् तस्मिन् पर्यङ्के हेमभूषिते ॥ 19.17 ॥

dhikkaṣṭamiti niḥśvasya rājā śokapariplutaḥ | mūrcchito nyapatat tasmin paryaṅke hemabhūṣite

"हाय, कितना कष्ट है!" ऐसा कहकर दीर्घ श्वास लेते हुए शोकाकुल राजा मूर्च्छित होकर उस स्वर्णजड़ित पलंग पर गिर पड़े।

श्लोक 18 (ayodhya.19.18)

रामोऽप्युत्थाप्य राजानं कैकेय्याभिप्रचोदितः । कशयेव हतो वाजी वनं गन्तुं कृतत्वरः ॥ 19.18 ॥

rāmo'pyutthāpya rājānaṃ kaikeyyābhipracoditaḥ | kaśayeva hato vājī vanaṃ gantuṃ kṛtatvaraḥ

राम ने राजा को उठाया, फिर कैकेयी द्वारा पुनः प्रेरित होकर, चाबुक से पीटे गए अश्व के समान वन जाने के लिए शीघ्रता करने लगे।

श्लोक 19 (ayodhya.19.19)

तदप्रियमनार्याया वचनं दारुणोदयम् । श्रुत्वा गतव्यथो रामः कैकेयीं वाक्यमब्रवीत् ॥ 19.19 ॥

tadapriyamanāryāyā vacanaṃ dāruṇodayam | śrutvā gatavyatho rāmaḥ kaikeyīṃ vākyamabravīt

उस अनार्या के अत्यंत कठोर और भयंकर परिणामवाले वचन सुनकर, व्यथारहित राम ने कैकेयी से यह वचन कहा-

श्लोक 20 (ayodhya.19.20)

नाहमर्थपरो देवि लोकमावस्तुमुत्सहे । विद्धि मामृषिभिस्तुल्यं विमलं धर्ममास्थितम् ॥ 19.20 ॥

nāhamarthaparo devi lokamāvastumutsahe | viddhi māmṛṣibhistulyaṃ vimalaṃ dharmamāsthitam

"हे देवी! मैं धन का लोभी नहीं हूँ; मैं इस लोक (वन) को अपनाने के लिए उत्सुक हूँ; मुझे ऋषियों के समान, केवल शुद्ध धर्म में स्थित जानिए।"

श्लोक 21 (ayodhya.19.21)

यत् तत्रभवतः किंचिच्छक्यं कर्तुं प्रियं मया । प्राणानपि परित्यज्य सर्वथा कृतमेव तत् ॥ 19.21 ॥

yat tatrabhavataḥ kiṃcicchakyaṃ kartuṃ priyaṃ mayā | prāṇānapi parityajya sarvathā kṛtameva tat

"मेरे पूज्य पिता को जो भी थोड़ा-सा प्रिय कार्य मैं कर सकता हूँ, वह प्राणों का भी त्याग करके सर्वथा किया ही हुआ मानिए।"

श्लोक 22 (ayodhya.19.22)

न ह्यतो धर्मचरणं किंचिदस्ति महत्तरम् । यथा पितरि शुश्रूषा तस्य वा वचनक्रिया ॥ 19.22 ॥

na hyato dharmacaraṇaṃ kiṃcidasti mahattaram | yathā pitari śuśrūṣā tasya vā vacanakriyā

"पिता की सेवा तथा उनके वचन का पालन करने से बढ़कर कोई भी धर्माचरण नहीं है।"

श्लोक 23 (ayodhya.19.23)

अनुक्तोऽप्यत्रभवता भवत्या वचनादहम् । वने वत्स्यामि विजने वर्षाणीह चतुर्दश ॥ 19.23 ॥

anukto'pyatrabhavatā bhavatyā vacanādaham | vane vatsyāmi vijane varṣāṇīha caturdaśa

"मेरे पूज्य पिता द्वारा न कहे जाने पर भी, आपके ही वचन से मैं यहाँ चौदह वर्षों तक निर्जन वन में निवास करूँगा।"

श्लोक 24 (ayodhya.19.24)

न नूनं मयि कैकेयि किंचिदाशंससे गुणान् । यद् राजानमवोचस्त्वं ममेश्वरतरा सती ॥ 19.24 ॥

na nūnaṃ mayi kaikeyi kiṃcidāśaṃsase guṇān | yad rājānamavocastvaṃ mameśvaratarā satī

"हे कैकेयी! निश्चय ही आप मुझमें कोई गुण नहीं देखतीं, क्योंकि मेरे प्रति सर्वाधिकार रखते हुए भी आपने यह बात राजा से कही, मुझसे नहीं।"

श्लोक 25 (ayodhya.19.25)

यावन्मातरमापृच्छे सीतां चानुनयाम्यहम् । ततोऽद्यैव गमिष्यामि दण्डकानां महद् वनम् ॥ 19.25 ॥

yāvanmātaramāpṛcche sītāṃ cānunayāmyaham | tato'dyaiva gamiṣyāmi daṇḍakānāṃ mahad vanam

"जैसे ही मैं माता से विदा लेकर सीता को समझा लूँगा, आज ही मैं दंडकों के महावन को प्रस्थान करूँगा।"

श्लोक 26 (ayodhya.19.26)

भरतः पालयेद् राज्यं शुश्रूषेच्च पितुर्यथा । तथा भवत्या कर्तव्यं स हि धर्मः सनातनः ॥ 19.26 ॥

bharataḥ pālayed rājyaṃ śuśrūṣecca pituryathā | tathā bhavatyā kartavyaṃ sa hi dharmaḥ sanātanaḥ

"भरत जैसे राज्य का पालन करें, वैसे ही पिता की सेवा भी करें - यह ध्यान आपको रखना होगा; यही सनातन धर्म है।"

श्लोक 27 (ayodhya.19.27)

रामस्य तु वचः श्रुत्वा भृशं दुःखगतः पिता । शोकादशक्नुवन् वक्तुं प्ररुरोद महास्वनम् ॥ 19.27 ॥

rāmasya tu vacaḥ śrutvā bhṛśaṃ duḥkhagataḥ pitā | śokādaśaknuvan vaktuṃ praruroda mahāsvanam

राम के वचन सुनकर अत्यंत दुःखी हुए पिता शोक के कारण कुछ कह न सके और उच्च स्वर से रोने लगे।

श्लोक 28 (ayodhya.19.28)

वन्दित्वा चरणौ राज्ञो विसंज्ञस्य पितुस्तदा । कैकेय्याश्चाप्यनार्याया निष्पपात महाद्युतिः ॥ 19.28 ॥

vanditvā caraṇau rājño visaṃjñasya pitustadā | kaikeyyāścāpyanāryāyā niṣpapāta mahādyutiḥ

तब उन तेजस्वी राम ने मूर्च्छित पिता तथा उस अनार्या कैकेयी दोनों के चरणों में प्रणाम करके वहाँ से प्रस्थान किया।

श्लोक 29 (ayodhya.19.29)

स रामः पितरं कृत्वा कैकेयीं च प्रदक्षिणम् । निष्क्रम्यान्तःपुरात् तस्मात् स्वं ददर्श सुहृज्जनम् ॥ 19.29 ॥

sa rāmaḥ pitaraṃ kṛtvā kaikeyīṃ ca pradakṣiṇam | niṣkramyāntaḥpurāt tasmāt svaṃ dadarśa suhṛjjanam

पिता और कैकेयी की प्रदक्षिणा करके राम उस अंतःपुर से बाहर निकले और अपने मित्रों को देखा।

श्लोक 30 (ayodhya.19.30)

तं बाष्पपरिपूर्णाक्षः पृष्ठतोऽनुजगाम ह । लक्ष्मणः परमक्रुद्धः सुमित्रानन्दवर्धनः ॥ 19.30 ॥

taṃ bāṣpaparipūrṇākṣaḥ pṛṣṭhato'nujagāma ha | lakṣmaṇaḥ paramakruddhaḥ sumitrānandavardhanaḥ

सुमित्रा के आनंदवर्धक, अत्यंत क्रुद्ध लक्ष्मण आँसुओं से भरे नेत्रों के साथ उनके पीछे-पीछे चल पड़े।

श्लोक 31 (ayodhya.19.31)

आभिषेचनिकं भाण्डं कृत्वा रामः प्रदक्षिणम् । शनैर्जगाम सापेक्षो दृष्टिं तत्राविचालयन् ॥ 19.31 ॥

ābhiṣecanikaṃ bhāṇḍaṃ kṛtvā rāmaḥ pradakṣiṇam | śanairjagāma sāpekṣo dṛṣṭiṃ tatrāvicālayan

राम ने अभिषेक-सामग्री की प्रदक्षिणा करके, उन पर स्नेहपूर्वक दृष्टि टिकाए हुए, धीरे-धीरे वहाँ से प्रस्थान किया।

श्लोक 32 (ayodhya.19.32)

न चास्य महतीं लक्ष्मीं राज्यनाशोऽपकर्षति । लोककान्तस्य कान्तत्वाच्छीतरश्मेरिव क्षयः ॥ 19.32 ॥

na cāsya mahatīṃ lakṣmīṃ rājyanāśo'pakarṣati | lokakāntasya kāntatvācchītaraśmeriva kṣayaḥ

लोकप्रिय होने के कारण राज्यनाश भी उनके महान तेज को उसी प्रकार कम न कर सका, जैसे रात्रि शीतल किरणों वाले चंद्रमा की कांति को कम नहीं कर पाती।

श्लोक 33 (ayodhya.19.33)

न वनं गन्तुकामस्य त्यजतश्च वसुंधराम् । सर्वलोकातिगस्येव लक्ष्यते चित्तविक्रिया ॥ 19.33 ॥

na vanaṃ gantukāmasya tyajataśca vasuṃdharām | sarvalokātigasyeva lakṣyate cittavikriyā

वन जाने का निश्चय करके पृथ्वी को त्यागते हुए भी उनके चित्त में कोई विकार दिखाई नहीं दिया, मानो वे संसार से परे किसी मुनि के समान हों।

श्लोक 34 (ayodhya.19.34)

प्रतिषिध्य शुभं छत्रं व्यजने च स्वलंकृते । विसर्जयित्वा स्वजनं रथं पौरांस्तथा जनान् ॥ 19.34 ॥

pratiṣidhya śubhaṃ chatraṃ vyajane ca svalaṃkṛte | visarjayitvā svajanaṃ rathaṃ paurāṃstathā janān

शुभ छत्र और सुसज्जित चँवरों को अस्वीकार करके, अपने स्वजनों, रथ और नगरवासियों को विदा करके,

श्लोक 35 (ayodhya.19.35)

धारयन् मनसा दुःखमिन्द्रियाणि निगृह्य च । प्रविवेशात्मवान् वेश्म मातुरप्रियशंसिवान् ॥ 19.35 ॥

dhārayan manasā duḥkhamindriyāṇi nigṛhya ca | praviveśātmavān veśma māturapriyaśaṃsivān

मन में दुःख को धारण किए हुए और इंद्रियों को वश में करके, वे संयमी राम अप्रिय समाचार सुनाने के लिए माता के भवन में प्रविष्ट हुए।

श्लोक 36 (ayodhya.19.36)

सर्वोऽप्यभिजनः श्रीमान् श्रीमतः सत्यवादिनः । नालक्षयत रामस्य कंचिदाकारमानने ॥ 19.36 ॥

sarvo'pyabhijanaḥ śrīmān śrīmataḥ satyavādinaḥ | nālakṣayata rāmasya kaṃcidākāramānane

उन तेजस्वी, सत्यवादी राम के मुख पर उनके निकटवर्ती बुद्धिमान लोग भी कोई परिवर्तन नहीं देख सके।

श्लोक 37 (ayodhya.19.37)

उचितं च महाबाहुर्न जहौ हर्षमात्मवान् । शारदः समुदीर्णांशुश्चन्द्रस्तेज इवात्मजम् ॥ 19.37 ॥

ucitaṃ ca mahābāhurna jahau harṣamātmavān | śāradaḥ samudīrṇāṃśuścandrasteja ivātmajam

उन महाबाहु ने अपना स्वाभाविक हर्ष नहीं त्यागा, जैसे दीर्घ किरणों वाला शरत्कालीन चंद्रमा अपना स्वाभाविक तेज नहीं त्यागता।

श्लोक 38 (ayodhya.19.38)

वाचा मधुरया रामः सर्वं सम्मानयञ्जनम् । मातुः समीपं धर्मात्मा प्रविवेश महायशाः ॥ 19.38 ॥

vācā madhurayā rāmaḥ sarvaṃ sammānayañjanam | mātuḥ samīpaṃ dharmātmā praviveśa mahāyaśāḥ

मधुर वाणी से सबका सम्मान करते हुए वे धर्मात्मा, महायशस्वी राम माता के समीप गए।

श्लोक 39 (ayodhya.19.39)

तं गुणैः समतां प्राप्तो भ्राता विपुलविक्रमः । सौमित्रिरनुवव्राज धारयन् दुःखमात्मजम् ॥ 19.39 ॥

taṃ guṇaiḥ samatāṃ prāpto bhrātā vipulavikramaḥ | saumitriranuvavrāja dhārayan duḥkhamātmajam

गुणों में उनके समान, महापराक्रमी भाई सौमित्र लक्ष्मण मन में दुःख को धारण किए हुए उनके पीछे-पीछे चले।

श्लोक 40 (ayodhya.19.40)

प्रविश्य वेश्मातिभृशं मुदा युतं समीक्ष्य तां चार्थविपत्तिमागताम् । न चैव रामोऽत्र जगाम विक्रियां सुहृज्जनस्यात्मविपत्तिशङ्कया ॥ 19.40 ॥

praviśya veśmātibhṛśaṃ mudā yutaṃ samīkṣya tāṃ cārthavipattimāgatām | na caiva rāmo'tra jagāma vikriyāṃ suhṛjjanasyātmavipattiśaṅkayā

अत्यंत हर्ष से भरे उस भवन में प्रवेश करके तथा वहाँ आ पहुँची उस सच्ची विपत्ति को देखकर भी राम ने कोई विकार प्रकट नहीं किया, कहीं अपने स्वजनों को अपनी विपत्ति की आशंका से आघात न पहुँचे, इस भय से।