कैकेयी की माँग

श्लोक 1 (ayodhya.18.1)

स ददर्शासने रामो विषण्णं पितरं शुभे । कैकेय्या सहितं दीनं मुखेन परिशुष्यता ॥ 18.1 ॥

sa dadarśāsane rāmo viṣaṇṇaṃ pitaraṃ śubhe | kaikeyyā sahitaṃ dīnaṃ mukhena pariśuṣyatā

उन्होंने अपने पिता को सुंदर आसन पर बैठे, कैकेयी के साथ, दुःखी और मुख म्लान किए हुए देखा।

श्लोक 2 (ayodhya.18.2)

स पितुश्चरणौ पूर्वमभिवाद्य विनीतवत् । ततो ववन्दे चरणौ कैकेय्याः सुसमाहितः ॥ 18.2 ॥

sa pituścaraṇau pūrvamabhivādya vinītavat | tato vavande caraṇau kaikeyyāḥ susamāhitaḥ

विनम्र और संयत राम ने पहले पिता के चरणों में प्रणाम किया, फिर कैकेयी के चरणों में वंदन किया।

श्लोक 3 (ayodhya.18.3)

रामेत्युक्त्वा तु वचनं बाष्पपर्याकुलेक्षणः । शशाक नृपतिर्दीनो नेक्षितुं नाभिभाषितुम् ॥ 18.3 ॥

rāmetyuktvā tu vacanaṃ bāṣpaparyākulekṣaṇaḥ | śaśāka nṛpatirdīno nekṣituṃ nābhibhāṣitum

केवल "राम!" इतना ही कहकर, आँसुओं से भरे नेत्रों वाले दीन राजा न तो उन्हें देख सके और न कुछ कह सके।

श्लोक 4 (ayodhya.18.4)

तदपूर्वं नरपतेर्दृष्ट्वा रूपं भयावहम् । रामोऽपि भयमापन्नः पदा स्पृष्ट्वेव पन्नगम् ॥ 18.4 ॥

tadapūrvaṃ narapaterdṛṣṭvā rūpaṃ bhayāvaham | rāmo'pi bhayamāpannaḥ padā spṛṣṭveva pannagam

पिता का ऐसा अभूतपूर्व, भयजनक रूप देखकर राम भी सर्प पर पैर पड़ जाने के समान भयभीत हो उठे।

श्लोक 5 (ayodhya.18.5)

इन्द्रियैरप्रहृष्टैस्तं शोकसंतापकर्शितम् । निःश्वसन्तं महाराजं व्यथिताकुलचेतसम् ॥ 18.5 ॥

indriyairaprahṛṣṭaistaṃ śokasaṃtāpakarśitam | niḥśvasantaṃ mahārājaṃ vyathitākulacetasam

वे इंद्रियों में हर्षविहीन, शोक-संताप से कृश, व्याकुल और व्यथित चित्त से दीर्घ श्वास ले रहे थे-

श्लोक 6 (ayodhya.18.6)

ऊर्मिमालिनमक्षोभ्यं क्षुभ्यन्तमिव सागरम् । उपप्लुतमिवादित्यमुक्तानृतमृषिं यथा ॥ 18.6 ॥

ūrmimālinamakṣobhyaṃ kṣubhyantamiva sāgaram | upaplutamivādityamuktānṛtamṛṣiṃ yathā

मानो लहरों की माला वाला अक्षुभ्य समुद्र क्षुब्ध हो उठा हो; मानो ग्रहणग्रस्त सूर्य हो; मानो असत्य बोलने वाला ऋषि हो-

श्लोक 7 (ayodhya.18.7)

अचिन्त्यकल्पं नृपतेस्तं शोकमुपधारयन् । बभूव संरब्धतरः समुद्र इव पर्वणि ॥ 18.7 ॥

acintyakalpaṃ nṛpatestaṃ śokamupadhārayan | babhūva saṃrabdhataraḥ samudra iva parvaṇi

राजा के उस अकल्पनीय शोक का चिंतन करते हुए राम स्वयं भी पूर्णिमा के दिन के समुद्र के समान अत्यंत क्षुब्ध हो उठे।

श्लोक 8 (ayodhya.18.8)

चिन्तयामास चतुरो रामः पितृहिते रतः । किंस्विदद्यैव नृपतिर्न मां प्रत्यभिनन्दति ॥ 18.8 ॥

cintayāmāsa caturo rāmaḥ pitṛhite rataḥ | kiṃsvidadyaiva nṛpatirna māṃ pratyabhinandati

पिता के हित में तत्पर बुद्धिमान राम ने सोचा, "आज राजा मुझे प्रसन्नतापूर्वक अभिनंदन क्यों नहीं कर रहे, जैसा सदा करते हैं?"

श्लोक 9 (ayodhya.18.9)

अन्यदा मां पिता दृष्ट्वा कुपितोऽपि प्रसीदति । तस्य मामद्य सम्प्रेक्ष्य किमायासः प्रवर्तते ॥ 18.9 ॥

anyadā māṃ pitā dṛṣṭvā kupito'pi prasīdati | tasya māmadya samprekṣya kimāyāsaḥ pravartate

"अन्य समय पिता मुझे देखकर, क्रुद्ध होने पर भी, प्रसन्न हो जाते हैं; आज मुझे देखकर उन्हें ऐसी थकान क्यों हो रही है?"

श्लोक 10 (ayodhya.18.10)

स दीन इव शोकार्तो विषण्णवदनद्युतिः । कैकेयीमभिवाद्यैव रामो वचनमब्रवीत् ॥ 18.10 ॥

sa dīna iva śokārto viṣaṇṇavadanadyutiḥ | kaikeyīmabhivādyaiva rāmo vacanamabravīt

दुःखी, शोकाकुल तथा मुख की कांति खोए हुए राम ने कैकेयी को प्रणाम करके यह कहा-

श्लोक 11 (ayodhya.18.11)

कच्चिन्मया नापराद्धमज्ञानाद् येन मे पिता । कुपितस्तन्ममाचक्ष्व त्वमेवैनं प्रसादय ॥ 18.11 ॥

kaccinmayā nāparāddhamajñānād yena me pitā | kupitastanmamācakṣva tvamevainaṃ prasādaya

"मुझसे अनजाने में कोई अपराध नहीं हुआ, ऐसी आशा है; बताइए किस कारण पिता मुझसे क्रुद्ध हैं, और आप स्वयं उन्हें प्रसन्न कीजिए।"

श्लोक 12 (ayodhya.18.12)

अप्रसन्नमनाः किं नु सदा मां प्रति वत्सलः । विषण्णवदनो दीनः नहि मां प्रति भाषते ॥ 18.12 ॥

aprasannamanāḥ kiṃ nu sadā māṃ prati vatsalaḥ | viṣaṇṇavadano dīnaḥ nahi māṃ prati bhāṣate

"सदा मुझ पर स्नेह रखने वाले उनका मन आज अप्रसन्न क्यों है? मुख म्लान और दीन किए हुए वे मुझसे बात भी नहीं कर रहे।"

श्लोक 13 (ayodhya.18.13)

शारीरो मानसो वापि कच्चिदेनं न बाधते । संतापो वाभितापो वा दुर्लभं हि सदा सुखम् ॥ 18.13 ॥

śārīro mānaso vāpi kaccidenaṃ na bādhate | saṃtāpo vābhitāpo vā durlabhaṃ hi sadā sukham

"आशा है, उन्हें कोई शारीरिक अथवा मानसिक कष्ट नहीं है; सुख तो सदा ही दुर्लभ होता है।"

श्लोक 14 (ayodhya.18.14)

कच्चिन्न किंचिद् भरते कुमारे प्रियदर्शने । शत्रुघ्ने वा महासत्त्वे मातॄणां वा ममाशुभम् ॥ 18.14 ॥

kaccinna kiṃcid bharate kumāre priyadarśane | śatrughne vā mahāsattve mātṝṇāṃ vā mamāśubham

"आशा है, सुंदर भरत, महाबली शत्रुघ्न अथवा मेरी माताओं के साथ कोई अशुभ घटना नहीं घटी है।"

श्लोक 15 (ayodhya.18.15)

अतोषयन् महाराजमकुर्वन् वा पितुर्वचः । मुहूर्तमपि नेच्छेयं जीवितुं कुपिते नृपे ॥ 18.15 ॥

atoṣayan mahārājamakurvan vā piturvacaḥ | muhūrtamapi neccheyaṃ jīvituṃ kupite nṛpe

"पिता को संतुष्ट किए बिना, उनके वचन का पालन किए बिना, यदि राजा क्रुद्ध हों तो मैं एक क्षण भी जीना न चाहूँ।"

श्लोक 16 (ayodhya.18.16)

यतोमूलं नरः पश्येत् प्रादुर्भावमिहात्मनः । कथं तस्मिन् न वर्तेत प्रत्यक्षे सति दैवते ॥ 18.16 ॥

yatomūlaṃ naraḥ paśyet prādurbhāvamihātmanaḥ | kathaṃ tasmin na varteta pratyakṣe sati daivate

"मनुष्य इस संसार में अपने अस्तित्व का मूल कारण जिसे मानता है, वह साक्षात देवता प्रत्यक्ष होने पर उसके प्रति ऐसा व्यवहार क्यों न करे?"

श्लोक 17 (ayodhya.18.17)

कच्चित्ते परुषं किंचिदभिमानात् पिता मम । उक्तो भवत्या रोषेण येनास्य लुलितं मनः ॥ 18.17 ॥

kaccitte paruṣaṃ kiṃcidabhimānāt pitā mama | ukto bhavatyā roṣeṇa yenāsya lulitaṃ manaḥ

"आशा है, आपके अभिमान अथवा क्रोध से कोई कठोर वचन मेरे पिता से नहीं कहा गया, जिससे उनका मन विचलित हुआ हो।"

श्लोक 18 (ayodhya.18.18)

एतदाचक्ष्व मे देवि तत्त्वेन परिपृच्छतः । किंनिमित्तमपूर्वोऽयं विकारो मनुजाधिपे ॥ 18.18 ॥

etadācakṣva me devi tattvena paripṛcchataḥ | kiṃnimittamapūrvo'yaṃ vikāro manujādhipe

"हे देवी, मैं सत्य पूछता हूँ, यह मुझे बताइए - राजा में यह अभूतपूर्व विकार किस कारण से आया है?"

श्लोक 19 (ayodhya.18.19)

एवमुक्ता तु कैकेयी राघवेण महात्मना । उवाचेदं सुनिर्लज्जा धृष्टमात्महितं वचः ॥ 18.19 ॥

evamuktā tu kaikeyī rāghaveṇa mahātmanā | uvācedaṃ sunirlajjā dhṛṣṭamātmahitaṃ vacaḥ

महात्मा राघव द्वारा इस प्रकार पूछे जाने पर, निर्लज्ज कैकेयी ने अपने हित की, धृष्टतापूर्ण बात कह डाली।

श्लोक 20 (ayodhya.18.20)

न राजा कुपितो राम व्यसनं नास्य किंचन । किंचिन्मनोगतं त्वस्य त्वद्भयान्नानुभाषते ॥ 18.20 ॥

na rājā kupito rāma vyasanaṃ nāsya kiṃcana | kiṃcinmanogataṃ tvasya tvadbhayānnānubhāṣate

"राम! राजा क्रुद्ध नहीं हैं, न ही उन्हें कोई कष्ट है; परंतु उनके मन में कुछ है जो वे तुम्हारे भय से नहीं कह रहे।"

श्लोक 21 (ayodhya.18.21)

प्रियं त्वामप्रियं वक्तुं वाणी नास्य प्रवर्तते । तदवश्यं त्वया कार्यं यदनेनाश्रुतं मम ॥ 18.21 ॥

priyaṃ tvāmapriyaṃ vaktuṃ vāṇī nāsya pravartate | tadavaśyaṃ tvayā kāryaṃ yadanenāśrutaṃ mama

"तुम्हें, जो उन्हें अत्यंत प्रिय हो, अप्रिय वचन कहने के लिए उनकी वाणी नहीं खुलती; परंतु जो उन्होंने मुझसे प्रतिज्ञा की थी, वह तुम्हें अवश्य पूरी करनी होगी।"

श्लोक 22 (ayodhya.18.22)

एष मह्यं वरं दत्त्वा पुरा मामभिपूज्य च । स पश्चात् तप्यते राजा यथान्यः प्राकृतस्तथा ॥ 18.22 ॥

eṣa mahyaṃ varaṃ dattvā purā māmabhipūjya ca | sa paścāt tapyate rājā yathānyaḥ prākṛtastathā

"पहले मुझे वरदान देकर तथा मेरा सम्मान करके, अब यह राजा एक सामान्य पुरुष के समान पछता रहे हैं।"

श्लोक 23 (ayodhya.18.23)

अतिसृज्य ददानीति वरं मम विशाम्पतिः । स निरर्थं गतजले सेतुं बन्धितुमिच्छति ॥ 18.23 ॥

atisṛjya dadānīti varaṃ mama viśāmpatiḥ | sa nirarthaṃ gatajale setuṃ bandhitumicchati

"'मैं दूँगा' ऐसा वचन देकर, अब यह नरेश व्यर्थ ही उस स्थान पर बाँध बनाना चाहते हैं जहाँ से जल पहले ही निकल चुका है।"

श्लोक 24 (ayodhya.18.24)

धर्ममूलमिदं राम विदितं च सतामपि । तत् सत्यं न त्यजेद् राजा कुपितस्त्वत्कृते यथा ॥ 18.24 ॥

dharmamūlamidaṃ rāma viditaṃ ca satāmapi | tat satyaṃ na tyajed rājā kupitastvatkṛte yathā

"हे राम! विद्वानों को भी यह ज्ञात है कि सत्य ही धर्म का मूल है; क्रुद्ध राजा तुम्हारे लिए उस सत्य को न त्यागें।"

श्लोक 25 (ayodhya.18.25)

यदि तद् वक्ष्यते राजा शुभं वा यदि वाशुभम् । करिष्यसि ततः सर्वमाख्यास्यामि पुनस्त्वहम् ॥ 18.25 ॥

yadi tad vakṣyate rājā śubhaṃ vā yadi vāśubham | kariṣyasi tataḥ sarvamākhyāsyāmi punastvaham

"यदि राजा वह बात कहें, चाहे वह शुभ हो अथवा अशुभ, तो यदि तुम उसे करने को तैयार हो तो मैं तुम्हें सब कुछ बता दूँगी।"

श्लोक 26 (ayodhya.18.26)

यदि त्वभिहितं राज्ञा त्वयि तन्न विपत्स्यते । ततोऽहमभिधास्यामि न ह्येष त्वयि वक्ष्यति ॥ 18.26 ॥

yadi tvabhihitaṃ rājñā tvayi tanna vipatsyate | tato'hamabhidhāsyāmi na hyeṣa tvayi vakṣyati

"यदि राजा द्वारा कही गई बात तुम्हारे लिए अहितकर न हो, तभी मैं बताऊँगी; क्योंकि वे स्वयं तुमसे नहीं कहेंगे।"

श्लोक 27 (ayodhya.18.27)

एतत् तु वचनं श्रुत्वा कैकेय्या समुदाहृतम् । उवाच व्यथितो रामस्तां देवीं नृपसंनिधौ ॥ 18.27 ॥

etat tu vacanaṃ śrutvā kaikeyyā samudāhṛtam | uvāca vyathito rāmastāṃ devīṃ nṛpasaṃnidhau

कैकेयी के इन वचनों को सुनकर व्यथित राम ने राजा की उपस्थिति में उस देवी से यह कहा-

श्लोक 28 (ayodhya.18.28)

अहो धिङ् नार्हसे देवि वक्तुं मामीदृशं वचः । अहं हि वचनाद् राज्ञः पतेयमपि पावके ॥ 18.28 ॥

aho dhiṅ nārhase devi vaktuṃ māmīdṛśaṃ vacaḥ | ahaṃ hi vacanād rājñaḥ pateyamapi pāvake

"हा धिक्कार! हे देवी, आप मुझसे ऐसी बात कहने योग्य नहीं हैं; क्योंकि पिता के एक वचन मात्र से मैं अग्नि में भी कूद पड़ूँ।"

श्लोक 29 (ayodhya.18.29)

भक्षयेयं विषं तीक्ष्णं पतेयमपि चार्णवे । नियुक्तो गुरुणा पित्रा नृपेण च हितेन च ॥ 18.29 ॥

bhakṣayeyaṃ viṣaṃ tīkṣṇaṃ pateyamapi cārṇave | niyukto guruṇā pitrā nṛpeṇa ca hitena ca

"मुझे हितकारी, पूज्य और नरेश पिता की आज्ञा हो तो मैं तीक्ष्ण विष खा लूँ अथवा समुद्र में डूब जाऊँ।"

श्लोक 30 (ayodhya.18.30)

तद् ब्रूहि वचनं देवि राज्ञो यदभिकांक्षितम् । करिष्ये प्रतिजाने च रामो द्विर्नाभिभाषते ॥ 18.30 ॥

tad brūhi vacanaṃ devi rājño yadabhikāṃkṣitam | kariṣye pratijāne ca rāmo dvirnābhibhāṣate

"अतः, हे देवी, राजा की इच्छा मुझे बताइए; मैं वचन देता हूँ कि उसे पूरा करूँगा - राम दो बार नहीं कहता।"

श्लोक 31 (ayodhya.18.31)

तमार्जवसमायुक्तमनार्या सत्यवादिनम् । उवाच रामं कैकेयी वचनं भृशदारुणम् ॥ 18.31 ॥

tamārjavasamāyuktamanāryā satyavādinam | uvāca rāmaṃ kaikeyī vacanaṃ bhṛśadāruṇam

सरल स्वभाव, सत्यवादी उन राम से उस अनार्या कैकेयी ने अत्यंत क्रूर वचन कहे-

श्लोक 32 (ayodhya.18.32)

पुरा देवासुरे युद्धे पित्रा ते मम राघव । रक्षितेन वरौ दत्तौ सशल्येन महारणे ॥ 18.32 ॥

purā devāsure yuddhe pitrā te mama rāghava | rakṣitena varau dattau saśalyena mahāraṇe

"हे राघव! पूर्वकाल में देवासुर संग्राम में जब तुम्हारे पिता महासमर में बाण से घायल हुए थे, तब मैंने उनकी रक्षा की थी, जिसके बदले उन्होंने मुझे दो वरदान दिए थे।"

श्लोक 33 (ayodhya.18.33)

तत्र मे याचितो राजा भरतस्याभिषेचनम् । गमनं दण्डकारण्ये तव चाद्यैव राघव ॥ 18.33 ॥

tatra me yācito rājā bharatasyābhiṣecanam | gamanaṃ daṇḍakāraṇye tava cādyaiva rāghava

"उन्हीं के अनुसार, हे राघव, मैंने राजा से भरत के अभिषेक की तथा आज ही तुम्हारे दंडक वन जाने की माँग की है।"

श्लोक 34 (ayodhya.18.34)

यदि सत्यप्रतिज्ञं त्वं पितरं कर्तुमिच्छसि । आत्मानं च नरश्रेष्ठ मम वाक्यमिदं शृणु ॥ 18.34 ॥

yadi satyapratijñaṃ tvaṃ pitaraṃ kartumicchasi | ātmānaṃ ca naraśreṣṭha mama vākyamidaṃ śṛṇu

"हे नरश्रेष्ठ! यदि तुम अपने पिता को और स्वयं को सत्यप्रतिज्ञ बनाना चाहते हो, तो मेरी यह बात सुनो।"

श्लोक 35 (ayodhya.18.35)

संनिदेशे पितुस्तिष्ठ यथानेन प्रतिश्रुतम् । त्वयारण्यं प्रवेष्टव्यं नव वर्षाणि पञ्च च ॥ 18.35 ॥

saṃnideśe pitustiṣṭha yathānena pratiśrutam | tvayāraṇyaṃ praveṣṭavyaṃ nava varṣāṇi pañca ca

"पिता की आज्ञा के अनुसार रहो, जैसा उन्होंने वचन दिया है - तुम्हें चौदह वर्षों तक वन में रहना होगा।"

श्लोक 36 (ayodhya.18.36)

भरतश्चाभिषिच्येत यदेतदभिषेचनम् । त्वदर्थे विहितं राज्ञा तेन सर्वेण राघव ॥ 18.36 ॥

bharataścābhiṣicyeta yadetadabhiṣecanam | tvadarthe vihitaṃ rājñā tena sarveṇa rāghava

"हे राघव! जो अभिषेक-सामग्री राजा ने तुम्हारे लिए तैयार करवाई थी, उसी समस्त सामग्री से भरत का अभिषेक हो।"

श्लोक 37 (ayodhya.18.37)

सप्त सप्त च वर्षाणि दण्डकारण्यमाश्रितः । अभिषेकमिदं त्यक्त्वा जटाचीरधरो भव ॥ 18.37 ॥

sapta sapta ca varṣāṇi daṇḍakāraṇyamāśritaḥ | abhiṣekamidaṃ tyaktvā jaṭācīradharo bhava

"इस अभिषेक को त्यागकर, जटा और वल्कल धारण करके चौदह वर्षों तक दंडक वन में रहो।"

श्लोक 38 (ayodhya.18.38)

भरतः कोसलपतेः प्रशास्तु वसुधामिमाम् । नानारत्नसमाकीर्णां सवाजिरथसंकुलाम् ॥ 18.38 ॥

bharataḥ kosalapateḥ praśāstu vasudhāmimām | nānāratnasamākīrṇāṃ savājirathasaṃkulām

"भरत नाना रत्नों से भरी, अश्व-रथों से सुशोभित इस कोसलपति की भूमि पर राज्य करें।"

श्लोक 39 (ayodhya.18.39)

एतेन त्वां नरेन्द्रोऽयं कारुण्येन समाप्लुतः । शोकैः संक्लिष्टवदनो न शक्नोति निरीक्षितुम् ॥ 18.39 ॥

etena tvāṃ narendro'yaṃ kāruṇyena samāplutaḥ | śokaiḥ saṃkliṣṭavadano na śaknoti nirīkṣitum

"इसी कारण करुणा से अभिभूत यह राजा, शोक से म्लान मुख किए हुए, तुम्हें देख भी नहीं पा रहे हैं।"

श्लोक 40 (ayodhya.18.40)

एतत् कुरु नरेन्द्रस्य वचनं रघुनन्दन । सत्येन महता राम तारयस्व नरेश्वरम् ॥ 18.40 ॥

etat kuru narendrasya vacanaṃ raghunandana | satyena mahatā rāma tārayasva nareśvaram

"हे रघुनंदन! राजा की यह बात मानो; हे राम, इस महान सत्य-कर्म से नरेश्वर को तार दो।"

श्लोक 41 (ayodhya.18.41)

इतीव तस्यां परुषं वदन्त्यां न चैव रामः प्रविवेश शोकम् । प्रविव्यथे चापि महानुभावो राजा च पुत्रव्यसनाभितप्तः ॥ 18.41 ॥

itīva tasyāṃ paruṣaṃ vadantyāṃ na caiva rāmaḥ praviveśa śokam | pravivyathe cāpi mahānubhāvo rājā ca putravyasanābhitaptaḥ

वह इस प्रकार कठोर वचन कह रही थी, फिर भी राम शोक में नहीं डूबे; परंतु महानुभाव राजा पुत्र की इस विपत्ति से अत्यंत व्यथित हो उठे।