अयोध्या से राम का प्रस्थान

श्लोक 1 (ayodhya.40.1)

अथ रामश्च सीता च लक्ष्मणश्च कृताञ्जलिः। उपसंगृह्य राजानं चक्रुर्दीनाः प्रदक्षिणम्॥ 40.1 ॥

atha rāmaśca sītā ca lakṣmaṇaśca kṛtāñjaliḥ| upasaṃgṛhya rājānaṃ cakrurdīnāḥ pradakṣiṇam

तब राम, सीता और लक्ष्मण ने हाथ जोड़कर राजा के चरणों का स्पर्श किया, और व्याकुल होते हुए भी उनकी प्रदक्षिणा की।

श्लोक 2 (ayodhya.40.2)

तं चापि समनुज्ञाप्य धर्मज्ञः सह सीतया। राघवः शोकसम्मूढो जननीमभ्यवादयत्॥ 40.2 ॥

taṃ cāpi samanujñāpya dharmajñaḥ saha sītayā| rāghavaḥ śokasammūḍho jananīmabhyavādayat

धर्मज्ञ राघव ने, शोक से विमूढ़ होते हुए भी, उनसे विदा लेकर सीता सहित माता कौसल्या को प्रणाम किया।

श्लोक 3 (ayodhya.40.3)

अन्वक्षं लक्ष्मणो भ्रातुः कौसल्यामभ्यवादयत्। अपि मातुः सुमित्राया जग्राह चरणौ पुनः॥ 40.3 ॥

anvakṣaṃ lakṣmaṇo bhrātuḥ kausalyāmabhyavādayat| api mātuḥ sumitrāyā jagrāha caraṇau punaḥ

उनके ठीक पीछे लक्ष्मण ने कौसल्या को प्रणाम किया, फिर पुनः अपनी माता सुमित्रा के चरण पकड़े।

श्लोक 4 (ayodhya.40.4)

तं वन्दमानं रुदती माता सौमित्रिमब्रवीत्। हितकामा महाबाहुं मूर्ध्न्युपाघ्राय लक्ष्मणम्॥ 40.4 ॥

taṃ vandamānaṃ rudatī mātā saumitrimabravīt| hitakāmā mahābāhuṃ mūrdhnyupāghrāya lakṣmaṇam

प्रणाम करते हुए महाबाहु लक्ष्मण के मस्तक को स्नेहपूर्वक चूमकर, रोती हुई उनकी हितैषी माता ने यह कहा।

श्लोक 5 (ayodhya.40.5)

सृष्टस्त्वं वनवासाय स्वनुरक्तः सुहृज्जने। रामे प्रमादं मा कार्षीः पुत्र भ्रातरि गच्छति॥ 40.5 ॥

sṛṣṭastvaṃ vanavāsāya svanuraktaḥ suhṛjjane| rāme pramādaṃ mā kārṣīḥ putra bhrātari gacchati

"तू अपने प्रिय बंधु के प्रति अनुरक्त होने के कारण ही वनवास के लिए भेजा जा रहा है; हे पुत्र, वन जाते हुए अपने भ्राता राम के प्रति असावधान मत होना।"

श्लोक 6 (ayodhya.40.6)

व्यसनी वा समृद्धो वा गतिरेष तवानघ। एष लोके सतां धर्मो यज्ज्येष्ठवशगो भवेत्॥ 40.6 ॥

vyasanī vā samṛddho vā gatireṣa tavānagha| eṣa loke satāṃ dharmo yajjyeṣṭhavaśago bhavet

"हे निष्पाप! विपत्ति में हो या समृद्धि में, वही तेरा एकमात्र सहारा है; लोक में सज्जनों का यही धर्म है कि छोटा भाई बड़े भाई के अधीन रहे।"

श्लोक 7 (ayodhya.40.7)

इदं हि वृत्तमुचितं कुलस्यास्य सनातनम्। दानं दीक्षा च यज्ञेषु तनुत्यागो मृधेषु हि॥ 40.7 ॥

idaṃ hi vṛttamucitaṃ kulasyāsya sanātanam| dānaṃ dīkṣā ca yajñeṣu tanutyāgo mṛdheṣu hi

"दान देना, यज्ञों में दीक्षा लेना, और युद्ध में शरीर त्याग देना — यही इस कुल की सनातन और उचित परंपरा रही है।"

श्लोक 8 (ayodhya.40.8)

लक्ष्मणं त्वेवमुक्त्वासौ संसिद्धं प्रियराघवम्। सुमित्रा गच्छ गच्छेति पुनः पुनरुवाच तम्॥ 40.8 ॥

lakṣmaṇaṃ tvevamuktvāsau saṃsiddhaṃ priyarāghavam| sumitrā gaccha gaccheti punaḥ punaruvāca tam

प्रिय राघव के प्रति सदा समर्पित और सन्नद्ध लक्ष्मण से यह कहकर, सुमित्रा ने बार-बार उनसे कहा, "जाओ, जाओ।"

श्लोक 9 (ayodhya.40.9)

रामं दशरथं विद्धि मां विद्धि जनकात्मजाम्। अयोध्यामटवीं विद्धि गच्छ तात यथासुखम्॥ 40.9 ॥

rāmaṃ daśarathaṃ viddhi māṃ viddhi janakātmajām| ayodhyāmaṭavīṃ viddhi gaccha tāta yathāsukham

"राम को ही दशरथ समझो, जनकपुत्री में मुझे ही देखो, वन को ही अयोध्या मानो — हे तात, सुखपूर्वक जाओ।"

श्लोक 10 (ayodhya.40.10)

ततः सुमन्त्रः काकुत्स्थं प्राञ्जलिर्वाक्यमब्रवीत्। विनीतो विनयज्ञश्च मातलिर्वासवं यथा॥ 40.10 ॥

tataḥ sumantraḥ kākutsthaṃ prāñjalirvākyamabravīt| vinīto vinayajñaśca mātalirvāsavaṃ yathā

तब विनम्र और विनय के ज्ञाता सुमंत्र ने हाथ जोड़कर काकुत्स्थ राम से यह कहा, जैसे मातलि इंद्र से कहते हैं।

श्लोक 11 (ayodhya.40.11)

रथमारोह भद्रं ते राजपुत्र महायशः। क्षिप्रं त्वां प्रापयिष्यामि यत्र मां राम वक्ष्यसे॥ 40.11 ॥

rathamāroha bhadraṃ te rājaputra mahāyaśaḥ| kṣipraṃ tvāṃ prāpayiṣyāmi yatra māṃ rāma vakṣyase

"रथ पर आरूढ़ हों, हे महायशस्वी राजकुमार, आपका कल्याण हो; हे राम, आप जहाँ कहेंगे, मैं आपको शीघ्र वहाँ पहुँचा दूँगा।"

श्लोक 12 (ayodhya.40.12)

चतुर्दश हि वर्षाणि वस्तव्यानि वने त्वया। तान्युपक्रमितव्यानि यानि देव्या प्रचोदितः॥ 40.12 ॥

caturdaśa hi varṣāṇi vastavyāni vane tvayā| tānyupakramitavyāni yāni devyā pracoditaḥ

"वन में जो चौदह वर्ष आपको बिताने हैं, देवी द्वारा जिस प्रकार निर्देशित किया गया, वे अब से ही आरंभ मान लिए जाएँ।"

श्लोक 13 (ayodhya.40.13)

तं रथं सूर्यसंकाशं सीता हृष्टेन चेतसा। आरुरोह वरारोहा कृत्वालंकारमात्मनः॥ 40.13 ॥

taṃ rathaṃ sūryasaṃkāśaṃ sītā hṛṣṭena cetasā| āruroha varārohā kṛtvālaṃkāramātmanaḥ

प्रसन्नचित्त सुंदरी सीता ने स्वयं को अलंकृत करके सूर्य के समान तेजस्वी उस रथ पर आरोहण किया।

श्लोक 14 (ayodhya.40.14)

वनवासं हि संख्याय वासांस्याभरणानि च। भर्तारमनुगच्छन्त्यै सीतायै श्वशुरो ददौ॥ 40.14 ॥

vanavāsaṃ hi saṃkhyāya vāsāṃsyābharaṇāni ca| bhartāramanugacchantyai sītāyai śvaśuro dadau

वन-वास के वर्षों का विचार करके, ससुर दशरथ ने पति का अनुसरण करने वाली सीता को वस्त्र और आभूषण प्रदान किए।

श्लोक 15 (ayodhya.40.15)

तथैवायुधजातानि भ्रातृभ्यां कवचानि च। रथोपस्थे प्रविन्यस्य सचर्म कठिनं च यत्॥ 40.15 ॥

tathaivāyudhajātāni bhrātṛbhyāṃ kavacāni ca| rathopasthe pravinyasya sacarma kaṭhinaṃ ca yat

उसी प्रकार आयुधों के समूह, दोनों भाइयों के कवच, तथा चमड़े सहित एक दृढ़ ढाल को रथ में रखकर,

श्लोक 16 (ayodhya.40.16)

अथो ज्वलनसंकाशं चामीकरविभूषितम्। तमारुरुहतुस्तूर्णं भ्रातरौ रामलक्ष्मणौ॥ 40.16 ॥

atho jvalanasaṃkāśaṃ cāmīkaravibhūṣitam| tamāruruhatustūrṇaṃ bhrātarau rāmalakṣmaṇau

राम और लक्ष्मण दोनों भाई अग्नि के समान देदीप्यमान और स्वर्ण से विभूषित उस रथ पर शीघ्र ही आरूढ़ हो गए।

श्लोक 17 (ayodhya.40.17)

सीतातृतीयानारूढान् दृष्ट्वा रथमचोदयत्। सुमन्त्रः सम्मतानश्वान् वायुवेगसमाञ्जवे॥ 40.17 ॥

sītātṛtīyānārūḍhān dṛṣṭvā rathamacodayat| sumantraḥ sammatānaśvān vāyuvegasamāñjave

सीता सहित उन तीनों को आरूढ़ हुआ देखकर, सुमंत्र ने वायु के समान वेगवान उन उत्तम अश्वों को हाँक दिया।

श्लोक 18 (ayodhya.40.18)

प्रयाते तु महारण्यं चिररात्राय राघवे। बभूव नगरे मूर्च्छा बलमूर्च्छा जनस्य च॥ 40.18 ॥

prayāte tu mahāraṇyaṃ cirarātrāya rāghave| babhūva nagare mūrcchā balamūrcchā janasya ca

राघव के दीर्घकाल के लिए महावन को प्रस्थान करते ही नगर में मूर्च्छा-सी छा गई, और लोगों का बल भी मानो शिथिल हो गया।

श्लोक 19 (ayodhya.40.19)

तत् समाकुलसम्भ्रान्तं मत्तसंकुपितद्विपम्। हयसिञ्जितनिर्घोषं पुरमासीन्महास्वनम्॥ 40.19 ॥

tat samākulasambhrāntaṃ mattasaṃkupitadvipam| hayasiñjitanirghoṣaṃ puramāsīnmahāsvanam

वह नगर व्याकुल और भ्रमित हो उठा, हाथी मदमत्त होकर क्रुद्ध हो गए; अश्वों की घंटियों की झंकार से भरा वह नगर एक महान कोलाहल से गूँज उठा।

श्लोक 20 (ayodhya.40.20)

ततः सबालवृद्धा सा पुरी परमपीडिता। राममेवाभिदुद्राव घर्मार्तः सलिलं यथा॥ 40.20 ॥

tataḥ sabālavṛddhā sā purī paramapīḍitā| rāmamevābhidudrāva gharmārtaḥ salilaṃ yathā

तब बालक-वृद्ध सहित वह समस्त नगर, अत्यंत पीड़ित होकर, राम की ओर ही ऐसे दौड़ पड़ा जैसे गर्मी से व्याकुल व्यक्ति जल की ओर दौड़ता है।

श्लोक 21 (ayodhya.40.21)

पार्श्वतः पृष्ठतश्चापि लम्बमानास्तदुन्मुखाः। बाष्पपूर्णमुखाः सर्वे तमूचुर्भृशनिःस्वनाः॥ 40.21 ॥

pārśvataḥ pṛṣṭhataścāpi lambamānāstadunmukhāḥ| bāṣpapūrṇamukhāḥ sarve tamūcurbhṛśaniḥsvanāḥ

रथ के पार्श्व और पीछे से झुके हुए, उसी ओर मुख किए हुए, अश्रुपूर्ण मुख वाले वे सब लोग ऊँचे स्वर से उससे यह बोले।

श्लोक 22 (ayodhya.40.22)

संयच्छ वाजिनां रश्मीन् सूत याहि शनैः शनैः। मुखं द्रक्ष्याम रामस्य दुर्दर्शं नो भविष्यति॥ 40.22 ॥

saṃyaccha vājināṃ raśmīn sūta yāhi śanaiḥ śanaiḥ| mukhaṃ drakṣyāma rāmasya durdarśaṃ no bhaviṣyati

"हे सूत! घोड़ों की रास थाम लो और धीरे-धीरे चलो — हम राम का मुख देख लें, क्योंकि आगे यह हमारे लिए दुर्लभ हो जाएगा।"

श्लोक 23 (ayodhya.40.23)

आयसं हृदयं नूनं राममातुरसंशयम्। यद् देवगर्भप्रतिमे वनं याति न भिद्यते॥ 40.23 ॥

āyasaṃ hṛdayaṃ nūnaṃ rāmamāturasaṃśayam| yad devagarbhapratime vanaṃ yāti na bhidyate

"निश्चय ही राम की माता का हृदय लोहे का बना है, संदेह नहीं, क्योंकि देवपुत्र के समान इस राम के वन जाने पर भी वह विदीर्ण नहीं होता।"

श्लोक 24 (ayodhya.40.24)

कृतकृत्या हि वैदेही छायेवानुगता पतिम्। न जहाति रता धर्मे मेरुमर्कप्रभा यथा॥ 40.24 ॥

kṛtakṛtyā hi vaidehī chāyevānugatā patim| na jahāti ratā dharme merumarkaprabhā yathā

कृतकृत्य वैदेही अपने पति का अनुसरण छाया के समान करती हैं; धर्म में अनुरक्त वे उन्हें वैसे ही नहीं छोड़तीं जैसे सूर्य की प्रभा मेरु पर्वत को नहीं छोड़ती।

श्लोक 25 (ayodhya.40.25)

अहो लक्ष्मण सिद्धार्थः सततं प्रियवादिनम्। भ्रातरं देवसंकाशं यस्त्वं परिचरिष्यसि॥ 40.25 ॥

aho lakṣmaṇa siddhārthaḥ satataṃ priyavādinam| bhrātaraṃ devasaṃkāśaṃ yastvaṃ paricariṣyasi

"अहो लक्ष्मण! तुम धन्य हो, जो सदा प्रिय बोलने वाले और देवतुल्य अपने भ्राता की निरंतर सेवा करोगे!"

श्लोक 26 (ayodhya.40.26)

महत्येषा हि ते बुद्धिरेष चाभ्युदयो महान्। एष स्वर्गस्य मार्गश्च यदेनमनुगच्छसि॥ 40.26 ॥

mahatyeṣā hi te buddhireṣa cābhyudayo mahān| eṣa svargasya mārgaśca yadenamanugacchasi

"यह तुम्हारे लिए महान सिद्धि है और यह महान अभ्युदय है; यह स्वर्ग का मार्ग भी है, कि तुम इनका अनुसरण करते हो।"

श्लोक 27 (ayodhya.40.27)

एवं वदन्तस्ते सोढुं न शेकुर्बाष्पमागतम्। नरास्तमनुगच्छन्ति प्रियमिक्ष्वाकुनन्दनम्॥ 40.27 ॥

evaṃ vadantaste soḍhuṃ na śekurbāṣpamāgatam| narāstamanugacchanti priyamikṣvākunandanam

ऐसा कहते हुए वे अपने उमड़ते आँसुओं को रोक न सके, और इक्ष्वाकुओं के उस प्रिय पुत्र का अनुसरण करते रहे।

श्लोक 28 (ayodhya.40.28)

अथ राजा वृतः स्त्रीभिर्दीनाभिर्दीनचेतनः। निर्जगाम प्रियं पुत्रं द्रक्ष्यामीति ब्रुवन् गृहात्॥ 40.28 ॥

atha rājā vṛtaḥ strībhirdīnābhirdīnacetanaḥ| nirjagāma priyaṃ putraṃ drakṣyāmīti bruvan gṛhāt

तब खिन्न-चित्त राजा, दुःखी स्त्रियों से घिरे हुए, "मैं अपने प्रिय पुत्र को देखूँगा" ऐसा कहते हुए महल से बाहर निकले।

श्लोक 29 (ayodhya.40.29)

शुश्रुवे चाग्रतः स्त्रीणां रुदतीनां महास्वनः। यथा नादः करेणूनां बद्धे महति कुञ्जरे॥ 40.29 ॥

śuśruve cāgrataḥ strīṇāṃ rudatīnāṃ mahāsvanaḥ| yathā nādaḥ kareṇūnāṃ baddhe mahati kuñjare

उनके आगे रोती हुई स्त्रियों का महान स्वर सुनाई पड़ा, मानो किसी विशाल बंधे हुए गजराज के समीप हथिनियों का क्रंदन हो रहा हो।

श्लोक 30 (ayodhya.40.30)

पिता हि राजा काकुत्स्थः श्रीमान् सन्नस्तदा बभौ। परिपूर्णः शशी काले ग्रहेणोपप्लुतो यथा॥ 40.30 ॥

pitā hi rājā kākutsthaḥ śrīmān sannastadā babhau| paripūrṇaḥ śaśī kāle graheṇopapluto yathā

श्रीमान् पिता, काकुत्स्थ राजा, उस समय क्षीण से दिखने लगे, मानो ग्रहण से ग्रस्त पूर्ण चंद्रमा हों।

श्लोक 31 (ayodhya.40.31)

स च श्रीमानचिन्त्यात्मा रामो दशरथात्मजः। सूतं संचोदयामास त्वरितं वाह्यतामिति॥ 40.31 ॥

sa ca śrīmānacintyātmā rāmo daśarathātmajaḥ| sūtaṃ saṃcodayāmāsa tvaritaṃ vāhyatāmiti

और वे श्रीमान् दशरथनंदन राम, अचिन्त्य आत्मा वाले, सारथी को शीघ्र प्रेरित करते हुए बोले, "शीघ्र चलाओ!"

श्लोक 32 (ayodhya.40.32)

रामो याहीति तं सूतं तिष्ठेति च जनस्तथा। उभयं नाशकत् सूतः कर्तुमध्वनि चोदितः॥ 40.32 ॥

rāmo yāhīti taṃ sūtaṃ tiṣṭheti ca janastathā| ubhayaṃ nāśakat sūtaḥ kartumadhvani coditaḥ

राम ने सारथी से "चलो" कहा, वहीं लोग "रुको" कह रहे थे — दोनों ओर से इस प्रकार प्रेरित सारथी न तो चल सका, न रुक सका।

श्लोक 33 (ayodhya.40.33)

निर्गच्छति महाबाहौ रामे पौरजनाश्रुभिः। पतितैरभ्यवहितं प्रणनाश महीरजः॥ 40.33 ॥

nirgacchati mahābāhau rāme paurajanāśrubhiḥ| patitairabhyavahitaṃ praṇanāśa mahīrajaḥ

महाबाहु राम के प्रस्थान करते समय, मार्ग पर उठी हुई धूल नगरवासियों के गिरते हुए आँसुओं से शांत हो गई।

श्लोक 34 (ayodhya.40.34)

रुदिताश्रुपरिद्यूनं हाहाकृतमचेतनम्। प्रयाणे राघवस्यासीत् पुरं परमपीडितम्॥ 40.34 ॥

ruditāśruparidyūnaṃ hāhākṛtamacetanam| prayāṇe rāghavasyāsīt puraṃ paramapīḍitam

रुदन और अश्रुओं से भीगा हुआ, हाहाकार से पूर्ण वह नगर, राघव के प्रस्थान के समय मानो अचेत हो गया, अत्यंत पीड़ा में डूब गया।

श्लोक 35 (ayodhya.40.35)

सुस्राव नयनैः स्त्रीणामस्रमायाससम्भवम्। मीनसंक्षोभचलितैः सलिलं पङ्कजैरिव॥ 40.35 ॥

susrāva nayanaiḥ strīṇāmasramāyāsasambhavam| mīnasaṃkṣobhacalitaiḥ salilaṃ paṅkajairiva

पीड़ा से उत्पन्न अश्रु स्त्रियों के नेत्रों से इस प्रकार बहने लगे, जैसे मछलियों के हिलने से कमलों से जल की बूँदें बहती हैं।

श्लोक 36 (ayodhya.40.36)

दृष्ट्वा तु नृपतिः श्रीमानेकचित्तगतं पुरम्। निपपातैव दुःखेन कृत्तमूल इव द्रुमः॥ 40.36 ॥

dṛṣṭvā tu nṛpatiḥ śrīmānekacittagataṃ puram| nipapātaiva duḥkhena kṛttamūla iva drumaḥ

नगर को एकचित्त होकर अपनी ओर उन्मुख देखकर, श्रीमान् राजा दुःख से उसी प्रकार गिर पड़े जैसे जड़ से कटा हुआ वृक्ष गिरता है।

श्लोक 37 (ayodhya.40.37)

ततो हलहलाशब्दो जज्ञे रामस्य पृष्ठतः। नराणां प्रेक्ष्य राजानं सीदन्तं भृशदुःखितम्॥ 40.37 ॥

tato halahalāśabdo jajñe rāmasya pṛṣṭhataḥ| narāṇāṃ prekṣya rājānaṃ sīdantaṃ bhṛśaduḥkhitam

तब राम के पीछे से लोगों का महान कोलाहल उठा, राजा को इस प्रकार निढाल और अत्यंत दुःखी देखकर।

श्लोक 38 (ayodhya.40.38)

हा रामेति जनाः केचिद् राममातेति चापरे। अन्तःपुरसमृद्धं च क्रोशन्तं पर्यदेवयन्॥ 40.38 ॥

hā rāmeti janāḥ kecid rāmamāteti cāpare| antaḥpurasamṛddhaṃ ca krośantaṃ paryadevayan

कुछ लोग "हा राम!" चिल्ला उठे और अन्य "हा राम की माता!" — और उन्होंने समृद्ध अंतःपुर को भी क्रंदन से भर दिया।

श्लोक 39 (ayodhya.40.39)

अन्वीक्षमाणो रामस्तु विषण्णं भ्रान्तचेतसम्। राजानं मातरं चैव ददर्शानुगतौ पथि॥ 40.39 ॥

anvīkṣamāṇo rāmastu viṣaṇṇaṃ bhrāntacetasam| rājānaṃ mātaraṃ caiva dadarśānugatau pathi

पीछे मुड़कर देखने पर राम ने मार्ग में अपने पीछे-पीछे आते हुए शोकाकुल और भ्रमित-चित्त पिता को, और माता को भी, देखा।

श्लोक 40 (ayodhya.40.40)

स बद्ध इव पाशेन किशोरो मातरं यथा। धर्मपाशेन संयुक्तः प्रकाशं नाभ्युदैक्षत॥ 40.40 ॥

sa baddha iva pāśena kiśoro mātaraṃ yathā| dharmapāśena saṃyuktaḥ prakāśaṃ nābhyudaikṣata

धर्म की डोर से बँधे राम उन्हें खुलकर देख न सके — जैसे रस्सी से बँधा बछड़ा अपनी माता को खुलकर नहीं देख पाता।

श्लोक 41 (ayodhya.40.41)

पदातिनौ च यानार्हावदुःखार्हौ सुखोचितौ। दृष्ट्वा संचोदयामास शीघ्रं याहीति सारथिम्॥ 40.41 ॥

padātinau ca yānārhāvaduḥkhārhau sukhocitau| dṛṣṭvā saṃcodayāmāsa śīghraṃ yāhīti sārathim

रथयोग्य और दुःख के अयोग्य, सुखोचित उन दोनों को पैदल चलते देखकर, राम ने सारथी को प्रेरित किया, "शीघ्र चलो!"

श्लोक 42 (ayodhya.40.42)

नहि तत् पुरुषव्याघ्रो दुःखजं दर्शनं पितुः। मातुश्च सहितुं शक्तस्तोत्त्रैर्नुन्न इव द्विपः॥ 40.42 ॥

nahi tat puruṣavyāghro duḥkhajaṃ darśanaṃ pituḥ| mātuśca sahituṃ śaktastottrairnunna iva dvipaḥ

वह पुरुषों में व्याघ्र राम अपने माता-पिता का वह दुःखद दर्शन सहन न कर सके, जैसे अंकुश से बार-बार बींधा गया गजराज सहन नहीं कर पाता।

श्लोक 43 (ayodhya.40.43)

प्रत्यगारमिवायान्ती सवत्सा वत्सकारणात्। बद्धवत्सा यथा धेनू राममाताभ्यधावत॥ 40.43 ॥

pratyagāramivāyāntī savatsā vatsakāraṇāt| baddhavatsā yathā dhenū rāmamātābhyadhāvata

राम की माता अपने पुत्र के पीछे इस प्रकार दौड़ पड़ीं, जैसे बछड़े के प्रति स्नेह रखने वाली गाय अपने बंधे हुए बछड़े के लिए घर की ओर दौड़ती है।

श्लोक 44 (ayodhya.40.44)

तथा रुदन्तीं कौसल्यां रथं तमनुधावतीम्। क्रोशन्तीं राम रामेति हा सीते लक्ष्मणेति च॥ 40.44 ॥

tathā rudantīṃ kausalyāṃ rathaṃ tamanudhāvatīm| krośantīṃ rāma rāmeti hā sīte lakṣmaṇeti ca

इस प्रकार रोती हुई कौसल्या उस रथ के पीछे दौड़ीं, "राम! राम!" और "हा सीते! हा लक्ष्मण!" पुकारती हुईं,

श्लोक 45 (ayodhya.40.45)

रामलक्ष्मणसीतार्थं स्रवन्तीं वारि नेत्रजम्। असकृत् प्रैक्षत स तां नृत्यन्तीमिव मातरम्॥ 40.45 ॥

rāmalakṣmaṇasītārthaṃ sravantīṃ vāri netrajam| asakṛt praikṣata sa tāṃ nṛtyantīmiva mātaram

राम, लक्ष्मण और सीता के लिए नेत्रों से जल बहाती हुई अपनी उस माता को, मानो नृत्य करती हुई सी, राम ने बार-बार देखा।

श्लोक 46 (ayodhya.40.46)

तिष्ठेति राजा चुक्रोश याहि याहीति राघवः। सुमन्त्रस्य बभूवात्मा चक्रयोरिव चान्तरा॥ 40.46 ॥

tiṣṭheti rājā cukrośa yāhi yāhīti rāghavaḥ| sumantrasya babhūvātmā cakrayoriva cāntarā

राजा "रुको!" चिल्लाए, और राघव "चलो, चलो!" — सुमंत्र की आत्मा मानो दो पहियों के बीच फँस गई।

श्लोक 47 (ayodhya.40.47)

नाश्रौषमिति राजानमुपालब्धोऽपि वक्ष्यसि। चिरं दुःखस्य पापिष्ठमिति रामस्तमब्रवीत्॥ 40.47 ॥

nāśrauṣamiti rājānamupālabdho'pi vakṣyasi| ciraṃ duḥkhasya pāpiṣṭhamiti rāmastamabravīt

राम ने उससे कहा: "यदि राजा तुझसे उलाहना दें तो कह देना कि तूने सुना ही नहीं — क्योंकि इनके इस दुःख को अधिक देर तक सहते रहना अत्यंत पापपूर्ण होगा।"

श्लोक 48 (ayodhya.40.48)

स रामस्य वचः कुर्वन्ननुज्ञाप्य च तं जनम्। व्रजतोऽपि हयान् शीघ्रं चोदयामास सारथिः॥ 40.48 ॥

sa rāmasya vacaḥ kurvannanujñāpya ca taṃ janam| vrajato'pi hayān śīghraṃ codayāmāsa sārathiḥ

राम के वचन का पालन करते हुए और अनुसरण करते हुए उन लोगों से विदा लेकर, सारथी ने शीघ्रता से अश्वों को हाँक दिया।

श्लोक 49 (ayodhya.40.49)

न्यवर्तत जनो राज्ञो रामं कृत्वा प्रदक्षिणम्। मनसाप्याशुवेगेन न न्यवर्तत मानुषम्॥ 40.49 ॥

nyavartata jano rājño rāmaṃ kṛtvā pradakṣiṇam| manasāpyāśuvegena na nyavartata mānuṣam

राजा की प्रजा राम की प्रदक्षिणा करके लौट तो गई, परंतु उनका मन नहीं लौटा, और न ही उनके अश्रुओं का वेग थमा।

श्लोक 50 (ayodhya.40.50)

यमिच्छेत् पुनरायातं नैनं दूरमनुव्रजेत्। इत्यमात्या महाराजमूचुर्दशरथं वचः॥ 40.50 ॥

yamicchet punarāyātaṃ nainaṃ dūramanuvrajet| ityamātyā mahārājamūcurdaśarathaṃ vacaḥ

"जिसके पुनः लौट आने की हम कामना करते हैं, उसका दूर तक अनुसरण नहीं करना चाहिए" — मंत्रियों ने महाराज दशरथ से यह वचन कहा।

श्लोक 51 (ayodhya.40.51)

तेषां वचः सर्वगुणोपपन्नं प्रस्विन्नगात्रः प्रविषण्णरूपः। निशम्य राजा कृपणः सभार्यो व्यवस्थितस्तं सुतमीक्षमाणः॥ 40.51 ॥

teṣāṃ vacaḥ sarvaguṇopapannaṃ prasvinnagātraḥ praviṣaṇṇarūpaḥ| niśamya rājā kṛpaṇaḥ sabhāryo vyavasthitastaṃ sutamīkṣamāṇaḥ

उनके सर्वगुणसंपन्न वचनों को सुनकर, स्वेद से भीगे शरीर वाले और विषण्ण मुख वाले वे दीन राजा, अपनी पत्नी सहित वहीं ठिठककर, अपने उस पुत्र को देखते रह गए।