राम द्वारा माता का आशीर्वाद

श्लोक 1 (ayodhya.39.1)

रामस्य तु वचः श्रुत्वा मुनिवेषधरं च तम्। समीक्ष्य सह भार्याभी राजा विगतचेतनः॥ 39.1 ॥

rāmasya tu vacaḥ śrutvā muniveṣadharaṃ ca tam| samīkṣya saha bhāryābhī rājā vigatacetanaḥ

राम के वचन सुनकर और उन्हें मुनि-वेश में देखकर, राजा अपनी रानियों सहित मूर्च्छित हो गए।

श्लोक 2 (ayodhya.39.2)

नैनं दुःखेन संतप्तः प्रत्यवैक्षत राघवम्। न चैनमभिसम्प्रेक्ष्य प्रत्यभाषत दुर्मनाः॥ 39.2 ॥

nainaṃ duḥkhena saṃtaptaḥ pratyavaikṣata rāghavam| na cainamabhisamprekṣya pratyabhāṣata durmanāḥ

दुःख से संतप्त होकर वे राघव की ओर देख न सके, और उनकी ओर देखकर भी व्याकुल मन से कुछ उत्तर न दे सके।

श्लोक 3 (ayodhya.39.3)

स मुहूर्तमिवासंज्ञो दुःखितश्च महीपतिः। विललाप महाबाहू राममेवानुचिन्तयन्॥ 39.3 ॥

sa muhūrtamivāsaṃjño duḥkhitaśca mahīpatiḥ| vilalāpa mahābāhū rāmamevānucintayan

वह महाबाहु राजा क्षणभर के लिए मानो चेतनाशून्य और दुःखित होकर, केवल राम का ही चिंतन करते हुए विलाप करने लगे।

श्लोक 4 (ayodhya.39.4)

मन्ये खलु मया पूर्वं विवत्सा बहवः कृताः। प्राणिनो हिंसिता वापि तन्मामिदमुपस्थितम्॥ 39.4 ॥

manye khalu mayā pūrvaṃ vivatsā bahavaḥ kṛtāḥ| prāṇino hiṃsitā vāpi tanmāmidamupasthitam

"मुझे लगता है कि पहले मैंने ही बहुतों को उनकी संतानों से बिछोड़ा होगा, या प्राणियों को कष्ट पहुँचाया होगा — इसीलिए आज यह मुझ पर आ पड़ा है।"

श्लोक 5 (ayodhya.39.5)

न त्वेवानागते काले देहाच्च्यवति जीवितम्। कैकेय्या क्लिश्यमानस्य मृत्युर्मम न विद्यते॥ 39.5 ॥

na tvevānāgate kāle dehāccyavati jīvitam| kaikeyyā kliśyamānasya mṛtyurmama na vidyate

"जीवन तो नियत समय के बिना शरीर को नहीं छोड़ता; कैकेयी द्वारा इस प्रकार सताए जाने पर भी मुझे मृत्यु नहीं आती।"

श्लोक 6 (ayodhya.39.6)

योऽहं पावकसंकाशं पश्यामि पुरतः स्थितम्। विहाय वसने सूक्ष्मे तापसाच्छादमात्मजम्॥ 39.6 ॥

yo'haṃ pāvakasaṃkāśaṃ paśyāmi purataḥ sthitam| vihāya vasane sūkṣme tāpasācchādamātmajam

"क्योंकि मैं तो अब भी अपने पुत्र को, अग्नि के समान तेजस्वी, अपने सूक्ष्म वस्त्रों को त्यागकर तापस-वस्त्र धारण किए हुए, अपने सामने खड़ा देख रहा हूँ।"

श्लोक 7 (ayodhya.39.7)

एकस्याः खलु कैकेय्याः कृतेऽयं खिद्यते जनः। स्वार्थे प्रयतमानायाः संश्रित्य निकृतिं त्विमाम्॥ 39.7 ॥

ekasyāḥ khalu kaikeyyāḥ kṛte'yaṃ khidyate janaḥ| svārthe prayatamānāyāḥ saṃśritya nikṛtiṃ tvimām

"केवल इस एक कैकेयी के कारण ही यह समस्त जन दुःखी हो रहा है — जो अपने स्वार्थ में तत्पर होकर इस छल का सहारा ले चुकी है।"

श्लोक 8 (ayodhya.39.8)

एवमुक्त्वा तु वचनं बाष्पेण विहतेन्द्रियः। रामेति सकृदेवोक्त्वा व्याहर्तुं न शशाक सः॥ 39.8 ॥

evamuktvā tu vacanaṃ bāṣpeṇa vihatendriyaḥ| rāmeti sakṛdevoktvā vyāhartuṃ na śaśāka saḥ

यह कहकर, आँसुओं से अवरुद्ध वाणी वाले राजा ने केवल एक बार "राम!" इतना ही कहा और आगे कुछ न कह सके।

श्लोक 9 (ayodhya.39.9)

संज्ञां तु प्रतिलभ्यैव मुहूर्तात् स महीपतिः। नेत्राभ्यामश्रुपूर्णाभ्यां सुमन्त्रमिदमब्रवीत्॥ 39.9 ॥

saṃjñāṃ tu pratilabhyaiva muhūrtāt sa mahīpatiḥ| netrābhyāmaśrupūrṇābhyāṃ sumantramidamabravīt

क्षणभर बाद चेत में आकर, अश्रुपूर्ण नेत्रों वाले राजा ने सुमंत्र से यह कहा।

श्लोक 10 (ayodhya.39.10)

औपवाह्यं रथं युक्त्वा त्वमायाहि हयोत्तमैः। प्रापयैनं महाभागमितो जनपदात् परम्॥ 39.10 ॥

aupavāhyaṃ rathaṃ yuktvā tvamāyāhi hayottamaiḥ| prāpayainaṃ mahābhāgamito janapadāt param

"उत्तम अश्वों से युक्त उपयुक्त रथ लेकर आओ, और इस महाभाग को इस राज्य की सीमा के पार ले जाओ।"

श्लोक 11 (ayodhya.39.11)

एवं मन्ये गुणवतां गुणानां फलमुच्यते। पित्रा मात्रा च यत्साधुर्वीरो निर्वास्यते वनम्॥ 39.11 ॥

evaṃ manye guṇavatāṃ guṇānāṃ phalamucyate| pitrā mātrā ca yatsādhurvīro nirvāsyate vanam

"मुझे लगता है, यही गुणवानों के गुणों का फल कहलाता होगा, कि एक सदाचारी और वीर पुत्र को स्वयं माता-पिता ही वन को निर्वासित कर देते हैं।"

श्लोक 12 (ayodhya.39.12)

राज्ञो वचनमाज्ञाय सुमन्त्रः शीघ्रविक्रमः। योजयित्वा ययौ तत्र रथमश्वैरलंकृतम्॥ 39.12 ॥

rājño vacanamājñāya sumantraḥ śīghravikramaḥ| yojayitvā yayau tatra rathamaśvairalaṃkṛtam

राजा की आज्ञा मानकर वेगशाली सुमंत्र गए और अश्वों से युक्त, सुसज्जित रथ लेकर वहाँ लौट आए।

श्लोक 13 (ayodhya.39.13)

तं रथं राजपुत्राय सूतः कनकभूषितम्। आचचक्षेऽञ्जलिं कृत्वा युक्तं परमवाजिभिः॥ 39.13 ॥

taṃ rathaṃ rājaputrāya sūtaḥ kanakabhūṣitam| ācacakṣe'ñjaliṃ kṛtvā yuktaṃ paramavājibhiḥ

सारथी ने हाथ जोड़कर, सोने से सुसज्जित और उत्तम अश्वों से युक्त उस रथ के विषय में राजकुमार को बताया।

श्लोक 14 (ayodhya.39.14)

राजा सत्वरमाहूय व्यापृतं वित्तसंचये। उवाच देशकालज्ञो निश्चितं सर्वतः शुचिः॥ 39.14 ॥

rājā satvaramāhūya vyāpṛtaṃ vittasaṃcaye| uvāca deśakālajño niścitaṃ sarvataḥ śuciḥ

देश-काल के ज्ञाता, दृढ़-निश्चयी और सर्वथा शुद्ध-भाव वाले राजा ने शीघ्र ही कोषाध्यक्ष को बुलाकर यह कहा।

श्लोक 15 (ayodhya.39.15)

वासांसि च वरार्हाणि भूषणानि महान्ति च। वर्षाण्येतानि संख्याय वैदेह्याः क्षिप्रमानय॥ 39.15 ॥

vāsāṃsi ca varārhāṇi bhūṣaṇāni mahānti ca| varṣāṇyetāni saṃkhyāya vaidehyāḥ kṣipramānaya

"वैदेही के लिए मूल्यवान वस्त्र और उत्तम आभूषण, इन आने वाले वर्षों का विचार करके, शीघ्र ले आओ।"

श्लोक 16 (ayodhya.39.16)

नरेन्द्रेणैवमुक्तस्तु गत्वा कोशगृहं ततः। प्रायच्छत् सर्वमाहृत्य सीतायै क्षिप्रमेव तत्॥ 39.16 ॥

narendreṇaivamuktastu gatvā kośagṛhaṃ tataḥ| prāyacchat sarvamāhṛtya sītāyai kṣiprameva tat

राजा की इस आज्ञा को पाकर वह अधिकारी तुरंत कोषागार गया और सब कुछ एकत्र करके शीघ्र ही सीता को दे दिया।

श्लोक 17 (ayodhya.39.17)

सा सुजाता सुजातानि वैदेही प्रस्थिता वनम्। भूषयामास गात्राणि तैर्विचित्रैर्विभूषणैः॥ 39.17 ॥

sā sujātā sujātāni vaidehī prasthitā vanam| bhūṣayāmāsa gātrāṇi tairvicitrairvibhūṣaṇaiḥ

सुजात वैदेही ने वन के लिए प्रस्थान करते हुए अपने सुंदर अंगों को उन विचित्र आभूषणों से सुशोभित किया।

श्लोक 18 (ayodhya.39.18)

व्यराजयत वैदेही वेश्म तत् सुविभूषिता। उद्यतोंऽशुमतः काले खं प्रभेव विवस्वतः॥ 39.18 ॥

vyarājayata vaidehī veśma tat suvibhūṣitā| udyatoṃ'śumataḥ kāle khaṃ prabheva vivasvataḥ

इस प्रकार सुसज्जित वैदेही ने उस भवन को ऐसे आलोकित कर दिया जैसे उदय होते सूर्य की प्रभा से प्रातःकाल आकाश आलोकित हो जाता है।

श्लोक 19 (ayodhya.39.19)

तां भुजाभ्यां परिष्वज्य श्वश्रूर्वचनमब्रवीत्। अनाचरन्तीं कृपणं मूर्ध्न्युपाघ्राय मैथिलीम्॥ 39.19 ॥

tāṃ bhujābhyāṃ pariṣvajya śvaśrūrvacanamabravīt| anācarantīṃ kṛpaṇaṃ mūrdhnyupāghrāya maithilīm

आत्मदया से रहित रहने वाली मैथिली को दोनों भुजाओं से आलिंगन कर और उनके मस्तक को स्नेहपूर्वक चूमकर, सास कौसल्या ने यह कहा।

श्लोक 20 (ayodhya.39.20)

असत्यः सर्वलोकेऽस्मिन् सततं सत्कृताः प्रियैः। भर्तारं नानुमन्यन्ते विनिपातगतं स्त्रियः॥ 39.20 ॥

asatyaḥ sarvaloke'smin satataṃ satkṛtāḥ priyaiḥ| bhartāraṃ nānumanyante vinipātagataṃ striyaḥ

"इस समस्त लोक में असती स्त्रियाँ, अपने प्रियजनों द्वारा सदा आदर पाकर भी, विपत्ति में पड़े हुए पति का सम्मान करना छोड़ देती हैं।"

श्लोक 21 (ayodhya.39.21)

एष स्वभावो नारीणामनुभूय पुरा सुखम्। अल्पामप्यापदं प्राप्य दुष्यन्ति प्रजहत्यपि॥ 39.21 ॥

eṣa svabhāvo nārīṇāmanubhūya purā sukham| alpāmapyāpadaṃ prāpya duṣyanti prajahatyapi

"पूर्व में सुख भोगकर, तनिक भी विपत्ति आने पर बिगड़ जाना और पति को त्याग तक देना — ऐसी स्त्रियों का यही स्वभाव है।"

श्लोक 22 (ayodhya.39.22)

असत्यशीला विकृता दुर्गा अहृदयाः सदा। असत्यः पापसंकल्पाः क्षणमात्रविरागिणः॥ 39.22 ॥

asatyaśīlā vikṛtā durgā ahṛdayāḥ sadā| asatyaḥ pāpasaṃkalpāḥ kṣaṇamātravirāgiṇaḥ

"असत्य स्वभाव वाली, विकृत, कठोर-हृदया और सदा चंचल — ऐसी स्त्रियाँ मिथ्याचारिणी और दुष्ट-संकल्प वाली होकर क्षणभर में ही विमुख हो जाती हैं।"

श्लोक 23 (ayodhya.39.23)

न कुलं न कृतं विद्या न दत्तं नापि संग्रहः। स्त्रीणां गृह्णाति हृदयमनित्यहृदया हि ताः॥ 39.23 ॥

na kulaṃ na kṛtaṃ vidyā na dattaṃ nāpi saṃgrahaḥ| strīṇāṃ gṛhṇāti hṛdayamanityahṛdayā hi tāḥ

"न कुल, न किया हुआ उपकार, न विद्या, न दान, न ही सत्कार — इनमें से कोई भी स्त्री के हृदय को नहीं बाँध पाता, क्योंकि उनका हृदय ही अस्थिर होता है।"

श्लोक 24 (ayodhya.39.24)

साध्वीनां तु स्थितानां तु शीले सत्ये श्रुते शमे। स्त्रीणां पवित्रं परमं पतिरेको विशिष्यते॥ 39.24 ॥

sādhvīnāṃ tu sthitānāṃ tu śīle satye śrute śame| strīṇāṃ pavitraṃ paramaṃ patireko viśiṣyate

"किंतु सदाचार, सत्य, शास्त्र-ज्ञान और शांति में स्थित साध्वी स्त्रियों के लिए तो पति ही परम पवित्र और सबसे श्रेष्ठ होते हैं।"

श्लोक 25 (ayodhya.39.25)

स त्वया नावमन्तव्यः पुत्रः प्रव्राजितो वनम्। तव देवसमस्त्वेष निर्धनः सधनोऽपि वा॥ 39.25 ॥

sa tvayā nāvamantavyaḥ putraḥ pravrājito vanam| tava devasamastveṣa nirdhanaḥ sadhano'pi vā

"मेरे इस वनवासी पुत्र का तुम अनादर मत करना — चाहे यह निर्धन हो या धनवान, यह तुम्हारे लिए देवता के समान ही रहे।"

श्लोक 26 (ayodhya.39.26)

विज्ञाय वचनं सीता तस्या धर्मार्थसंहितम्। कृत्वाञ्जलिमुवाचेदं श्वश्रूमभिमुखे स्थिता॥ 39.26 ॥

vijñāya vacanaṃ sītā tasyā dharmārthasaṃhitam| kṛtvāñjalimuvācedaṃ śvaśrūmabhimukhe sthitā

धर्म और अर्थ से युक्त उनके इन वचनों को समझकर, सीता ने हाथ जोड़कर, सास के सामने खड़ी होकर, यह कहा।

श्लोक 27 (ayodhya.39.27)

करिष्ये सर्वमेवाहमार्या यदनुशास्ति माम्। अभिज्ञास्मि यथा भर्तुर्वर्तितव्यं श्रुतं च मे॥ 39.27 ॥

kariṣye sarvamevāhamāryā yadanuśāsti mām| abhijñāsmi yathā bharturvartitavyaṃ śrutaṃ ca me

"आर्या जो कुछ भी मुझे आदेश देंगी, मैं वह सब करूँगी। मुझे भी ज्ञात है कि पति के प्रति कैसा आचरण किया जाना चाहिए — यह मैंने भी सुन रखा है।"

श्लोक 28 (ayodhya.39.28)

न मामसज्जनेनार्या समानयितुमर्हति। धर्माद् विचलितुं नाहमलं चन्द्रादिव प्रभा॥ 39.28 ॥

na māmasajjanenāryā samānayitumarhati| dharmād vicalituṃ nāhamalaṃ candrādiva prabhā

"आर्या के लिए मुझे दुष्ट स्त्रियों के समान समझना उचित नहीं है; जैसे चाँदनी चंद्रमा से अलग नहीं हो सकती, वैसे ही मैं धर्म से विचलित नहीं हो सकती।"

श्लोक 29 (ayodhya.39.29)

नातन्त्री वाद्यते वीणा नाचक्रो विद्यते रथः। नापतिः सुखमेधेत या स्यादपि शतात्मजा॥ 39.29 ॥

nātantrī vādyate vīṇā nācakro vidyate rathaḥ| nāpatiḥ sukhamedheta yā syādapi śatātmajā

"जैसे तार-रहित वीणा नहीं बजती और पहिया-रहित रथ नहीं चलता, वैसे ही पति-रहित स्त्री सुखी नहीं रह सकती, चाहे उसके सौ पुत्र ही क्यों न हों।"

श्लोक 30 (ayodhya.39.30)

मितं ददाति हि पिता मितं भ्राता मितं सुतः। अमितस्य तु दातारं भर्तारं का न पूजयेत्॥ 39.30 ॥

mitaṃ dadāti hi pitā mitaṃ bhrātā mitaṃ sutaḥ| amitasya tu dātāraṃ bhartāraṃ kā na pūjayet

"पिता सीमित देता है, भाई सीमित देता है, पुत्र भी सीमित ही देता है; किंतु असीम देने वाले पति का सम्मान कौन नहीं करेगी?"

श्लोक 31 (ayodhya.39.31)

साहमेवंगता श्रेष्ठा श्रुतधर्मपरावरा। आर्ये किमवमन्येयं स्त्रिया भर्ता हि दैवतम्॥ 39.31 ॥

sāhamevaṃgatā śreṣṭhā śrutadharmaparāvarā| ārye kimavamanyeyaṃ striyā bhartā hi daivatam

"इस प्रकार धर्म की उच्च और साधारण दोनों मर्यादाओं को श्रेष्ठ स्त्रियों से सुनकर पाई हुई मैं, हे आर्ये, भला उनका अनादर कैसे कर सकती हूँ? स्त्रियों के लिए तो पति ही देवता होता है।"

श्लोक 32 (ayodhya.39.32)

सीताया वचनं श्रुत्वा कौसल्या हृदयङ्गमम्। शुद्धसत्त्वा मुमोचाश्रु सहसा दुःखहर्षजम्॥ 39.32 ॥

sītāyā vacanaṃ śrutvā kausalyā hṛdayaṅgamam| śuddhasattvā mumocāśru sahasā duḥkhaharṣajam

सीता के इन हृदयस्पर्शी वचनों को सुनकर, शुद्ध अंतःकरण वाली कौसल्या के नेत्रों से सहसा दुःख और हर्ष दोनों के मिश्रित आँसू बह चले।

श्लोक 33 (ayodhya.39.33)

तां प्राञ्जलिरभिप्रेक्ष्य मातृमध्येऽतिसत्कृताम्। रामः परमधर्मात्मा मातरं वाक्यमब्रवीत्॥ 39.33 ॥

tāṃ prāñjalirabhiprekṣya mātṛmadhye'tisatkṛtām| rāmaḥ paramadharmātmā mātaraṃ vākyamabravīt

माताओं में सर्वाधिक सम्मानित उस माता के समक्ष हाथ जोड़कर आकर, परम धर्मात्मा राम ने उनसे यह वचन कहा।

श्लोक 34 (ayodhya.39.34)

अम्ब मा दुःखिता भूत्वा पश्येस्त्वं पितरं मम। क्षयोऽपि वनवासस्य क्षिप्रमेव भविष्यति॥ 39.34 ॥

amba mā duḥkhitā bhūtvā paśyestvaṃ pitaraṃ mama| kṣayo'pi vanavāsasya kṣiprameva bhaviṣyati

"हे माँ, दुःखी न हों; आप मेरे पिता का ध्यान रखिएगा। यह वनवास भी शीघ्र ही समाप्त हो जाएगा।"

श्लोक 35 (ayodhya.39.35)

सुप्तायास्ते गमिष्यन्ति नव वर्षाणि पञ्च च। समग्रमिह सम्प्राप्तं मां द्रक्ष्यसि सुहृद्वृतम्॥ 39.35 ॥

suptāyāste gamiṣyanti nava varṣāṇi pañca ca| samagramiha samprāptaṃ māṃ drakṣyasi suhṛd‍vṛtam

"मानो सोते-सोते ही आपके ये चौदह वर्ष बीत जाएँगे; तब आप मुझे अपने प्रियजनों से घिरा हुआ, सकुशल यहाँ लौटा हुआ देखेंगी।"

श्लोक 36 (ayodhya.39.36)

एतावदभिनीतार्थमुक्त्वा स जननीं वचः। त्रयः शतशतार्धा हि ददर्शावेक्ष्य मातरः॥ 39.36 ॥

etāvadabhinītārthamuktvā sa jananīṃ vacaḥ| trayaḥ śataśatārdhā hi dadarśāvekṣya mātaraḥ

माता से इस प्रकार सारगर्भित वचन कहकर, राम ने पुनः चारों ओर देखा और अपनी साढ़े तीन सौ अन्य माताओं को देखा।

श्लोक 37 (ayodhya.39.37)

ताश्चापि स तथैवार्ता मातॄर्दशरथात्मजः। धर्मयुक्तमिदं वाक्यं निजगाद कृताञ्जलिः॥ 39.37 ॥

tāścāpi sa tathaivārtā mātṝrdaśarathātmajaḥ| dharmayuktamidaṃ vākyaṃ nijagāda kṛtāñjaliḥ

दशरथनंदन राम ने समान रूप से दुःखी उन माताओं से भी हाथ जोड़कर धर्मानुकूल यह वचन कहा।

श्लोक 38 (ayodhya.39.38)

संवासात् परुषं किंचिदज्ञानादपि यत् कृतम्। तन्मे समुपजानीत सर्वाश्चामन्त्रयामि वः॥ 39.38 ॥

saṃvāsāt paruṣaṃ kiṃcidajñānādapi yat kṛtam| tanme samupajānīta sarvāścāmantrayāmi vaḥ

"साथ रहने के कारण या अनजाने में मुझसे जो भी कठोरता हुई हो, आप उसे क्षमा करें — मैं आप सभी से विदा लेता हूँ।"

श्लोक 39 (ayodhya.39.39)

वचनं राघवस्यैतद् धर्मयुक्तं समाहितम्। शुश्रुवुस्ताः स्त्रियः सर्वाः शोकोपहतचेतसः॥ 39.39 ॥

vacanaṃ rāghavasyaitad dharmayuktaṃ samāhitam| śuśruvustāḥ striyaḥ sarvāḥ śokopahatacetasaḥ

शोक से अभिभूत मन वाली उन सभी स्त्रियों ने राघव के इन धैर्यपूर्ण और धर्मयुक्त वचनों को सुना।

श्लोक 40 (ayodhya.39.40)

जज्ञोऽथ तासां संनादः क्रौञ्चीनामिव निःस्वनः। मानवेन्द्रस्य भार्याणामेवं वदति राघवे॥ 39.40 ॥

jajño'tha tāsāṃ saṃnādaḥ krauñcīnāmiva niḥsvanaḥ| mānavendrasya bhāryāṇāmevaṃ vadati rāghave

राघव के इस प्रकार कहने पर, राजा की रानियों में से क्रौंची पक्षियों की करुण ध्वनि के समान एक महान क्रंदन उठा।

श्लोक 41 (ayodhya.39.41)

मुरजपणवमेघघोषवद् दशरथवेश्म बभूव यत् पुरा। विलपितपरिदेवनाकुलं व्यसनगतं तदभूत् सुदुःखितम्॥ 39.41 ॥

murajapaṇavameghaghoṣavad daśarathaveśma babhūva yat purā| vilapitaparidevanākulaṃ vyasanagataṃ tadabhūt suduḥkhitam

दशरथ का वह भवन, जो पहले मृदंग, पणव और मेघ-गर्जन जैसी ध्वनियों से गूँजता था, अब विलाप और करुण क्रंदन से भर गया — विपत्ति में डूबा हुआ अत्यंत दुःखी भवन।