सुमन्त्र का शोकाकुल अयोध्या को लौटना

श्लोक 1 (ayodhya.57.1)

कथयित्वा सुदुःखार्तः सुमन्त्रेण चिरं सह। रामे दक्षिणकूलस्थे जगाम स्वगृहं गुहः॥ २-५७-१ ॥

kathayitvā suduḥkhārtaḥ sumantreṇa ciraṃ saha| rāme dakṣiṇakūlasthe jagāma svagṛhaṃ guhaḥ

राम के गंगा के दक्षिण तट पर पहुँच जाने पर, गुह अत्यन्त दुःखी हो सुमन्त्र के साथ देर तक बातें कर अपने घर लौट गए।

श्लोक 2 (ayodhya.57.2)

भरद्वाजाभिगमनं प्रयागे च सहासनम्। आगिरेर्गमनं तेषां तत्रस्थैरभिलक्षितम्॥ २-५७-२ ॥

bharadvājābhigamanaṃ prayāge ca sahāsanam| āgirer gamanaṃ teṣāṃ tatrasthair abhilakṣitam

भरद्वाज मुनि के पास जाना, प्रयाग में उनके साथ बैठना, और फिर पर्वत (चित्रकूट) की ओर उनका प्रस्थान - यह सब वहाँ रहने वालों ने देख लिया था।

श्लोक 3 (ayodhya.57.3)

अनुज्ञातः सुमन्त्रोऽथ योजयित्वा हयोत्तमान्। अयोध्यामेव नगरीं प्रययौ गाढदुर्मनाः॥ २-५७-३ ॥

anujñātaḥ sumantro 'tha yojayitvā hayottamān| ayodhyām eva nagarīṃ prayayau gāḍhadurmanāḥ

राम की आज्ञा पाकर सुमन्त्र ने उत्तम घोड़ों को रथ में जोता और अत्यन्त उदास मन से अयोध्या नगरी की ओर चल पड़े।

श्लोक 4 (ayodhya.57.4)

स वनानि सुगन्धीनि सरितश्च सरांसि च। पश्यन्नतिययौ शीघ्रं ग्रामाणि नगराणि च॥ २-५७-४ ॥

sa vanāni sugandhīni saritaśca sarāṃsi ca| paśyann atiyayau śīghraṃ grāmāṇi nagarāṇi ca

वे सुगन्धित वनों, नदियों, सरोवरों, गाँवों और नगरों को देखते हुए शीघ्रता से आगे बढ़ते गए।

श्लोक 5 (ayodhya.57.5)

ततः सायाह्नसमये तृतीयेऽहनि सारथिः। अयोध्यां समनुप्राप्य निरानन्दां ददर्श ह॥ २-५७-५ ॥

tataḥ sāyāhnasamaye tṛtīye 'hani sārathiḥ| ayodhyāṃ samanuprāpya nirānandāṃ dadarśa ha

फिर तीसरे दिन संध्या के समय अयोध्या पहुँचकर सारथि ने उसे आनन्दहीन देखा।

श्लोक 6 (ayodhya.57.6)

स शून्यामिव निःशब्दां दृष्ट्वा परमदुर्मनाः। सुमन्त्रश्चिन्तयामास शोकवेगसमाहतः॥ २-५७-६ ॥

sa śūnyām iva niḥśabdāṃ dṛṣṭvā paramadurmanāḥ| sumantraścintayāmāsa śokavegasamāhataḥ

उस नगरी को मानो सूनी और नीरव देखकर, अत्यन्त उदास और शोक के वेग से आहत सुमन्त्र सोचने लगे।

श्लोक 7 (ayodhya.57.7)

कच्चिन्न सगजा साश्वा सजना सजनाधिपा। रामसंतापदुःखेन दग्धा शोकाग्निना पुरी॥ २-५७-७ ॥

kaccinna sagajā sāśvā sajanā sajanādhipā| rāmasaṃtāpaduḥkhena dagdhā śokāgninā purī

"कहीं ऐसा तो नहीं कि हाथियों, घोड़ों, प्रजा और राजा सहित यह नगरी राम के वियोग के दुःख से उत्पन्न शोक-अग्नि में जलकर भस्म हो गई हो!"

श्लोक 8 (ayodhya.57.8)

इति चिन्तापरः सूतो वाजिभिः शीघ्रपातिभिः। नगरद्वारमासाद्य त्वरितः प्रविवेश ह॥ २-५७-८ ॥

iti cintāparaḥ sūto vājibhiḥ śīghrapātibhiḥ| nagaradvāram āsādya tvaritaḥ praviveśa ha

इस प्रकार चिन्ता में डूबे सुमन्त्र तेज दौड़ने वाले घोड़ों के सहारे नगर-द्वार तक पहुँचकर शीघ्रता से भीतर प्रविष्ट हुए।

श्लोक 9 (ayodhya.57.9)

सुमन्त्रमभियान्तं तं शतशोऽथ सहस्रशः। क्व रामेति पृच्छन्तः सूतमभ्यद्रवन्नराः॥ २-५७-९ ॥

sumantram abhiyāntaṃ taṃ śataśo 'tha sahasraśaḥ| kva rāmeti pṛcchantaḥ sūtam abhyadravan narāḥ

सुमन्त्र को आते देख सैकड़ों-हजारों लोग "राम कहाँ हैं?" पूछते हुए सारथि की ओर दौड़ पड़े।

श्लोक 10 (ayodhya.57.10)

तेषां शशंस गङ्गायामहमापृच्छ्य राघवम्। अनुज्ञातो निवृत्तोऽस्मि धार्मिकेण महात्मना॥ २-५७-१० ॥

teṣāṃ śaśaṃsa gaṅgāyām aham āpṛcchya rāghavam| anujñāto nivṛtto 'smi dhārmikeṇa mahātmanā

उन्हें उत्तर देते हुए सुमन्त्र बोले - "गंगा के तट पर राघव से विदा लेकर, उस धर्मात्मा महापुरुष की आज्ञा पाकर मैं लौट आया हूँ।"

श्लोक 11 (ayodhya.57.11)

ते तीर्णा इति विज्ञाय बाष्पपूर्णमुखा जनाः। अहो धिगिति निःश्वस्य हा राम इति च चुक्रुशुः॥ २-५७-११ ॥

te tīrṇā iti vijñāya bāṣpapūrṇamukhā janāḥ| aho dhig iti niḥśvasya hā rāma iti ca cukruśuḥ

यह जानकर कि वे गंगा पार कर चुके हैं, लोगों के मुख आँसुओं से भर गए; वे "हाय, धिक्कार है" कहकर आहें भरने लगे और "हा राम!" कहकर विलाप करने लगे।

श्लोक 12 (ayodhya.57.12)

शुश्राव च वचस्तेषां वृन्दं वृन्दं च तिष्ठताम्। हताः स्म खलु ये नेह पश्यामोऽति राघवम्॥ २-५७-१२ ॥

śuśrāva ca vacas teṣāṃ vṛndaṃ vṛndaṃ ca tiṣṭhatām| hatāḥ sma khalu ye neha paśyāmo 'ti rāghavam

सुमन्त्र ने झुंड-झुंड में खड़े लोगों को यह कहते सुना - "हम सचमुच नष्ट हो गए, जो अब यहाँ राघव को नहीं देख सकते।"

श्लोक 13 (ayodhya.57.13)

दानयज्ञविवाहेषु समाजेषु महत्सु च। न द्रक्ष्यामः पुनर्जातु धार्मिकं राममन्तरा॥ २-५७-१३ ॥

dānayajñavivāheṣu samājeṣu mahatsu ca| na drakṣyāmaḥ punarjātu dhārmikaṃ rāmam antarā

"दानोत्सवों, यज्ञों, विवाहों और बड़े-बड़े समारोहों में अब हम धर्मात्मा राम को फिर कभी नहीं देख सकेंगे।"

श्लोक 14 (ayodhya.57.14)

किं समर्थं जनस्यास्य किं प्रियं किं सुखावहम्। इति रामेण नगरं पितृवत् परिपालितम्॥ २-५७-१४ ॥

kiṃ samarthaṃ janasyāsya kiṃ priyaṃ kiṃ sukhāvaham| iti rāmeṇa nagaraṃ pitṛvat paripālitam

"इस प्रजा के लिए क्या उचित है, क्या प्रिय है, क्या सुखकर है" - इस भावना से राम ने पिता के समान इस नगर का पालन किया था।

श्लोक 15 (ayodhya.57.15)

वातायनगतानां च स्त्रीणामन्तरापणम्। रामशोकाभितप्तानां शुश्राव परिदेवनम्॥ २-५७-१५ ॥

vātāyanagatānāṃ ca strīṇām antarāpaṇam| rāmaśokābhitaptānāṃ śuśrāva paridevanam

बाजारों के बीच से जाते हुए सुमन्त्र ने खिड़कियों में खड़ी, राम-वियोग के दुःख से संतप्त स्त्रियों का विलाप सुना।

श्लोक 16 (ayodhya.57.16)

स राजमार्गमध्येन सुमन्त्रः पिहिताननः। यत्र राजा दशरथस्तत्रैवोपययौ गृहम्॥ २-५७-१६ ॥

sa rājamārgamadhyena sumantraḥ pihitānanaḥ| yatra rājā daśarathas tatraivopayayau gṛham

वे सुमन्त्र राजमार्ग के बीच से अपना मुँह ढके हुए, सीधे उसी भवन में पहुँचे जहाँ राजा दशरथ थे।

श्लोक 17 (ayodhya.57.17)

सोऽवतीर्य रथाच्छीघ्रं राजवेश्म प्रविश्य च। कक्ष्याः सप्ताभिचक्राम महाजनसमाकुलाः॥ २-५७-१७ ॥

so 'vatīrya rathāc chīghraṃ rājaveśma praviśya ca| kakṣyāḥ saptābhicakrāma mahājanasamākulāḥ

रथ से उतरकर वे तुरन्त राजभवन में गए और भीड़ से भरे हुए सातों प्रांगणों को पार करते चले गए।

श्लोक 18 (ayodhya.57.18)

हर्म्यैर्विमानैः प्रासादैरवेक्ष्याथ समागतम्। हाहाकारकृता नार्यो रामदर्शनकर्शिताः॥ २-५७-१८ ॥

harmyair vimānaiḥ prāsādair avekṣyātha samāgatam| hāhākārakṛtā nāryo rāmadarśanakarśitāḥ

उन्हें भवनों, अट्टालिकाओं और प्रासादों से आते देखकर, राम के दर्शन को तरसती स्त्रियाँ हाहाकार करने लगीं।

श्लोक 19 (ayodhya.57.19)

आयतैर्विमलैर्नेत्रैरश्रुवेगपरिप्लुतैः। अन्योन्यमभिवीक्षन्तेऽव्यक्तमार्ततराः स्त्रियः॥ २-५७-१९ ॥

āyatair vimalair netrair aśruvegapariplutaiḥ| anyonyam abhivīkṣante 'vyaktam ārtatarāḥ striyaḥ

अत्यन्त व्याकुल वे स्त्रियाँ अपने विशाल, निर्मल नेत्रों से, जो आँसुओं की धार से भरे थे, एक-दूसरे को अस्पष्ट रूप से देखने लगीं।

श्लोक 20 (ayodhya.57.20)

ततो दशरथस्त्रीणां प्रासादेभ्यस्ततस्ततः। रामशोकाभितप्तानां मन्दं शुश्राव जल्पितम्॥ २-५७-२० ॥

tato daśarathastrīṇāṃ prāsādebhyas tatas tataḥ| rāmaśokābhitaptānāṃ mandaṃ śuśrāva jalpitam

फिर सुमन्त्र ने दशरथ की रानियों की, जो राम के शोक से संतप्त थीं, उनके भवनों से आती हुई मन्द वाणी सुनी।

श्लोक 21 (ayodhya.57.21)

सह रामेण निर्यातो विना राममिहागतः। सूतः किं नाम कौसल्यां शोचन्तीं प्रति वक्ष्यति॥ २-५७-२१ ॥

saha rāmeṇa niryāto vinā rāmam ihāgataḥ| sūtaḥ kiṃ nāma kausalyāṃ śocantīṃ prati vakṣyati

"जो राम के साथ गया था, वही सारथि आज राम के बिना यहाँ लौटा है - वह विलाप करती कौसल्या से क्या कहेगा?"

श्लोक 22 (ayodhya.57.22)

यथा च मन्ये दुर्जीवमेवं न सुकरं ध्रुवम्। आच्छिद्य पुत्रे निर्याते कौसल्या यत्र जीवति॥ २-५७-२२ ॥

yathā ca manye durjīvam evaṃ na sukaraṃ dhruvam| ācchidya putre niryāte kausalyā yatra jīvati

"जैसा कि मैं समझती हूँ, ऐसे जीना कठिन है, और यह सरल भी नहीं है - फिर भी पुत्र के इस प्रकार छिन जाने पर भी कौसल्या जीवित हैं।"

श्लोक 23 (ayodhya.57.23)

सत्यरूपं तु तद्वाक्यं राज्ञः स्त्रीणां निशामयन्। प्रदीप्तमिव शोकेन विवेश सहसा गृहम्॥ २-५७-२३ ॥

satyarūpaṃ tu tadvākyaṃ rājñaḥ strīṇāṃ niśāmayan| pradīptam iva śokena viveśa sahasā gṛham

राजा की रानियों के इन सच्चे वचनों को सुनते हुए सुमन्त्र, शोक से मानो जलते हुए, तुरन्त उस भवन में प्रविष्ट हुए।

श्लोक 24 (ayodhya.57.24)

स प्रविश्याष्टमीं कक्ष्यां राजानं दीनमातुरम्। पुत्रशोकपरिम्लानमपश्यत् पाण्डुरे गृहे॥ २-५७-२४ ॥

sa praviśyāṣṭamīṃ kakṣyāṃ rājānaṃ dīnam āturam| putraśokaparimlānam apaśyat pāṇḍure gṛhe

आठवें प्रांगण में प्रवेश कर उन्होंने उस श्वेत भवन में दीन, रोगी, पुत्र-शोक से क्षीण हुए राजा को देखा।

श्लोक 25 (ayodhya.57.25)

अभिगम्य तमासीनं नरेन्द्रमभिवाद्य च। सुमन्त्रो रामवचनं यथोक्तं प्रत्यवेदयत्॥ २-५७-२५ ॥

abhigamya tam āsīnaṃ narendram abhivādya ca| sumantro rāmavacanaṃ yathoktaṃ pratyavedayat

उस बैठे हुए नरेश के पास जाकर उन्हें प्रणाम कर सुमन्त्र ने राम का वचन ज्यों का त्यों निवेदन किया।

श्लोक 26 (ayodhya.57.26)

स तूष्णीमेव तच्छ्रुत्वा राजा विभ्रान्तचेतनः। मूर्च्छितो न्यपतद्भूमौ रामशोकाभिपीडितः॥ २-५७-२६ ॥

sa tūṣṇīm eva tacchrutvā rājā vibhrāntacetanaḥ| mūrcchito nyapatad bhūmau rāmaśokābhipīḍitaḥ

यह सुनते ही राजा चुपचाप रह गए, उनकी चेतना डगमगा गई, और शोक से पीड़ित हो वे मूर्च्छित होकर भूमि पर गिर पड़े।

श्लोक 27 (ayodhya.57.27)

ततोऽन्तःपुरमाविद्धं मूर्च्छिते पृथिवीपतौ। उद्धृत्य बाहू चुक्रोश नृपतौ पतिते क्षितौ॥ २-५७-२७ ॥

tato 'ntaḥpuram āviddhaṃ mūrcchite pṛthivīpatau| uddhṛtya bāhū cukrośa nṛpatau patite kṣitau

पृथ्वीपति के मूर्च्छित होते ही अन्तःपुर में हाहाकार मच गया; राजा के भूमि पर गिरते ही सब हाथ उठाकर विलाप करने लगीं।

श्लोक 28 (ayodhya.57.28)

सुमित्रया तु सहिता कौसल्या पतितं पतिम्। उत्थापयामास तदा वचनं चेदमब्रवीत्॥ २-५७-२८ ॥

sumitrayā tu sahitā kausalyā patitaṃ patim| utthāpayāmāsa tadā vacanaṃ cedam abravīt

सुमित्रा के साथ मिलकर कौसल्या ने अपने गिरे हुए पति को उठाया और यह वचन कहा।

श्लोक 29 (ayodhya.57.29)

इमं तस्य महाभाग दूतं दुष्करकारिणः। वनवासादनुप्राप्तं कस्मान्न प्रतिभाषसे॥ २-५७-२९ ॥

imaṃ tasya mahābhāga dūtaṃ duṣkarakāriṇaḥ| vanavāsād anuprāptaṃ kasmān na pratibhāṣase

"हे महाभाग! यह दूत उस कठिन कार्य को करने वाले राम के पास से लौटा है - आप इससे बात क्यों नहीं करते?"

श्लोक 30 (ayodhya.57.30)

अद्येममनयं कृत्वा व्यपत्रपसि राघव। उत्तिष्ठ सुकृतं तेऽस्तु शोके न स्यात्सहायता॥ २-५७-३० ॥

adyemam anayaṃ kṛtvā vyapatrapasi rāghava| uttiṣṭha sukṛtaṃ te 'stu śoke na syāt sahāyatā

"हे राघव! यह अन्याय करके अब आप लज्जित हो रहे हैं - उठिए, आपका यह कर्म शुभ हो; शोक में डूबे रहने से कोई सहायता नहीं मिलती।"

श्लोक 31 (ayodhya.57.31)

देव यस्या भयाद्रामं नानुपृच्छसि सारथिम्। नेह तिष्ठति कैकेयी विश्रब्धं प्रतिभाष्यताम्॥ २-५७-३१ ॥

deva yasyā bhayād rāmaṃ nānupṛcchasi sārathim| neha tiṣṭhati kaikeyī viśrabdhaṃ pratibhāṣyatām

"हे स्वामी! जिस कैकेयी के भय से आप सारथि से राम के विषय में नहीं पूछ रहे, वह कैकेयी यहाँ नहीं है - निर्भय होकर बोलिए।"

श्लोक 32 (ayodhya.57.32)

सा तथोक्त्वा महाराजं कौसल्या शोकलालसा। धरण्यां निपपाताशु बाष्पविप्लुतभाषिणी॥ २-५७-३२ ॥

sā tathoktvā mahārājaṃ kausalyā śokalālasā| dharaṇyāṃ nipapātāśu bāṣpaviplutabhāṣiṇī

यह कहकर, शोक में डूबी कौसल्या, आँसुओं में डूबी वाणी में बोलती हुई, तुरन्त पृथ्वी पर गिर पड़ीं।

श्लोक 33 (ayodhya.57.33)

एवं विलपतीं दृष्ट्वा कौसल्यां पतितां भुवि। पतिं चावेक्ष्य ताः सर्वाः सुस्वरं रुरुदुः स्त्रियः॥ २-५७-३३ ॥

evaṃ vilapatīṃ dṛṣṭvā kausalyāṃ patitāṃ bhuvi| patiṃ cāvekṣya tāḥ sarvāḥ susvaraṃ ruruduḥ striyaḥ

कौसल्या को इस प्रकार विलाप करते हुए भूमि पर गिरा देख, और राजा की भी यह दशा देखकर सभी स्त्रियाँ ऊँचे स्वर में रोने लगीं।

श्लोक 34 (ayodhya.57.34)

ततस्तमन्तःपुरनादमुत्थितं समीक्ष्य वृद्धास्तरुणाश्च मानवाः। स्त्रियश्च सर्वा रुरुदुः समन्ततः पुरं तदासीत् पुनरेव संकुलम्॥ २-५७-३४ ॥

tatas tam antaḥpuranādam utthitaṃ samīkṣya vṛddhās taruṇāśca mānavāḥ| striyaśca sarvā ruruduḥ samantataḥ puraṃ tadāsīt punareva saṃkulam

अन्तःपुर से उठे उस क्रन्दन को सुनकर वृद्ध और युवा सभी लोग तथा सारी स्त्रियाँ चारों ओर रोने लगीं, और नगर पुनः हाहाकार से भर गया।