भरद्वाज ऋषि से भरत की भेंट

श्लोक 1 (ayodhya.90.1)

भरद्वाज आश्रमम् दृष्ट्वा क्रोशाद् एव नरर्षभः । बलम् सर्वम् अवस्थाप्य जगाम सह मन्त्रिभिः ॥ 90.1 ॥

bharadvāja āśramam dṛṣṭvā krośād eva nararṣabhaḥ | balam sarvam avasthāpya jagāma saha mantribhiḥ || 90.1 ||

भरद्वाज के आश्रम को एक कोस दूर से ही देखकर, उस नरश्रेष्ठ भरत ने अपनी पूरी सेना को वहीं रोककर मन्त्रियों सहित आगे प्रस्थान किया।

श्लोक 2 (ayodhya.90.2)

पद्भ्याम् एव हि धर्मज्ञो न्यस्त शस्त्र परिच्छदः । वसानो वाससी क्षौमे पुरोधाय पुरोहितम् ॥ 90.2 ॥

padbhyām eva hi dharmajño nyasta śastra paricchadaḥ | vasāno vāsasī kṣaume purodhāya purohitam || 90.2 ||

धर्मज्ञ भरत ने अपने शस्त्र और अन्य साज-सामान त्यागकर, क्षौम (रेशमी) वस्त्र धारण कर, पुरोहित को आगे रखते हुए पैदल ही यात्रा की।

श्लोक 3 (ayodhya.90.3)

ततः संदर्शने तस्य भरद्वाजस्य राघवः । मन्त्रिणः तान् अवस्थाप्य जगाम अनु पुरोहितम् ॥ 90.3 ॥

tataḥ saṃdarśane tasya bharadvājasya rāghavaḥ | mantriṇaḥ tān avasthāpya jagāma anu purohitam || 90.3 ||

फिर भरद्वाज के दृष्टिगोचर होने पर राघव (भरत) ने अपने मन्त्रियों को भी वहीं रोक दिया और पुरोहित के पीछे-पीछे चले।

श्लोक 4 (ayodhya.90.4)

वसिष्ठम् अथ दृष्ट्वैव भरद्वाजो महातपाः । संचचाल आसनात् तूर्णम् शिष्यान् अर्घ्यम् इति ब्रुवन् ॥ 90.4 ॥

vasiṣṭham atha dṛṣṭvaiva bharadvājo mahātapāḥ | saṃcacāla āsanāt tūrṇam śiṣyān arghyam iti bruvan || 90.4 ||

महातपस्वी भरद्वाज वसिष्ठ को देखते ही तुरन्त अपने आसन से उठ खड़े हुए और शिष्यों से अर्घ्य लाने को कहने लगे।

श्लोक 5 (ayodhya.90.5)

समागम्य वसिष्ठेन भरतेन अभिवादितः । अबुध्यत महातेजाः सुतम् दशरथस्य तम् ॥ 90.5 ॥

samāgamya vasiṣṭhena bharatena abhivāditaḥ | abudhyata mahātejāḥ sutam daśarathasya tam || 90.5 ||

वसिष्ठ से मिलकर और भरत द्वारा प्रणाम किए जाने पर, तेजस्वी भरद्वाज ने पहचान लिया कि यह दशरथ का पुत्र है।

श्लोक 6 (ayodhya.90.6)

ताभ्याम् अर्घ्यम् च पाद्यम् च दत्त्वा पश्चात् फलानि च । आनुपूर्व्याच् च धर्मज्ञः पप्रच्छ कुशलम् कुले ॥ 90.6 ॥

tābhyām arghyam ca pādyam ca dattvā paścāt phalāni ca | ānupūrvyāc ca dharmajñaḥ papraccha kuśalam kule || 90.6 ||

धर्मज्ञ भरद्वाज ने विधिपूर्वक उन दोनों को अर्घ्य, पाद्य और फिर फल अर्पित कर, कुल के कुशल-क्षेम के विषय में पूछा।

श्लोक 7 (ayodhya.90.7)

अयोध्यायाम् बले कोशे मित्रेषु अपि च मन्त्रिषु । जानन् दशरथम् वृत्तम् न राजानम् उदाहरत् ॥ 90.7 ॥

ayodhyāyām bale kośe mitreṣu api ca mantriṣu | jānan daśaratham vṛttam na rājānam udāharat || 90.7 ||

उन्होंने अयोध्या, सेना, कोष, मित्रों तथा मन्त्रियों के विषय में पूछा, किन्तु दशरथ के देहान्त की बात जानते हुए भी राजा का नाम नहीं लिया।

श्लोक 8 (ayodhya.90.8)

वसिष्ठो भरतः च एनम् पप्रच्छतुर् अनामयम् । शरीरे अग्निषु वृक्षेषु शिष्येषु मृग पक्षिषु ॥ 90.8 ॥

vasiṣṭho bharataḥ ca enam papracchatur anāmayam | śarīre agniṣu vṛkṣeṣu śiṣyeṣu mṛga pakṣiṣu || 90.8 ||

वसिष्ठ और भरत ने भी उनसे उनके शरीर, अग्निहोत्र, वृक्षों, शिष्यों तथा मृगों और पक्षियों के कुशल-क्षेम के विषय में पूछा।

श्लोक 9 (ayodhya.90.9)

तथा इति च प्रतिज्ञाय भरद्वाजो महातपाः । भरतम् प्रत्युवाच इदम् राघव स्नेह बन्धनात् ॥ 90.9 ॥

tathā iti ca pratijñāya bharadvājo mahātapāḥ | bharatam pratyuvāca idam rāghava sneha bandhanāt || 90.9 ||

महातपस्वी भरद्वाज ने 'सब कुशल है' कहकर, राम के प्रति स्नेह से बँधे हुए भरत से यह कहा—

श्लोक 10 (ayodhya.90.10)

किम् इह आगमने कार्यम् तव राज्यम् प्रशासतः । एतद् आचक्ष्व मे सर्वम् न हि मे शुध्यते मनः ॥ 90.10 ॥

kim iha āgamane kāryam tava rājyam praśāsataḥ | etad ācakṣva me sarvam na hi me śudhyate manaḥ || 90.10 ||

'तुम, जो राज्य का शासन कर रहे हो, यहाँ किस प्रयोजन से आए हो? मुझे यह सब बताओ, क्योंकि मेरा मन शंकाओं से मुक्त नहीं हो पा रहा है।'

श्लोक 11 (ayodhya.90.11)

सुषुवे यम् मित्रघ्नम् कौसल्या आनन्द वर्धनम् । भ्रात्रा सह सभार्यो यः चिरम् प्रव्राजितो वनम् ॥ 90.11 ॥

suṣuve yam mitraghnam kausalyā ānanda vardhanam | bhrātrā saha sabhāryo yaḥ ciram pravrājito vanam || 90.11 ||

'जिस शत्रु-नाशक को कौसल्या ने अपने आनन्द की वृद्धि के लिए जन्म दिया, वही अपने भाई और पत्नी सहित दीर्घकाल के लिए वन को भेज दिया गया है।'

श्लोक 12 (ayodhya.90.12)

नियुक्तः स्त्री नियुक्तेन पित्रा यो ऽसौ महायशाः । वन वासी भव इति इह समाः किल चतुर्दश ॥ 90.12 ॥

niyuktaḥ strī niyuktena pitrā yo'sau mahāyaśāḥ | vana vāsī bhava iti iha samāḥ kila caturdaśa || 90.12 ||

'उस अत्यन्त यशस्वी राम को उसके पिता ने, एक स्त्री की प्रेरणा से बाध्य होकर, चौदह वर्षों तक वनवासी रहने की आज्ञा दी है, ऐसा सुना है।'

श्लोक 13 (ayodhya.90.13)

कच्चिन् न तस्य अपापस्य पापम् कर्तुम् इह इच्छसि । अकण्टकम् भोक्तु मना राज्यम् तस्य अनुजस्य च ॥ 90.13 ॥

kaccin na tasya apāpasya pāpam kartum iha icchasi | akaṇṭakam bhoktu manā rājyam tasya anujasya ca || 90.13 ||

'आशा है तुम उस निष्पाप राम और उसके छोटे भाई के प्रति कोई अपराध करने की, तथा निष्कण्टक राज्य भोगने की इच्छा नहीं रखते?'

श्लोक 14 (ayodhya.90.14)

एवम् उक्तो भरद्वाजम् भरतः प्रत्युवाच ह । पर्यश्रु नयनो दुःखाद् वाचा संसज्जमानया ॥ 90.14 ॥

evam ukto bharadvājam bharataḥ pratyuvāca ha | paryaśru nayano duḥkhād vācā saṃsajjamānayā || 90.14 ||

इस प्रकार कहे जाने पर भरत के नेत्र आँसुओं से भर आए, और दुःख से लड़खड़ाती वाणी में उन्होंने भरद्वाज को उत्तर दिया—

श्लोक 15 (ayodhya.90.15)

हतो ऽस्मि यदि माम् एवम् भगवान् अपि मन्यते । मत्तो न दोषम् आशङ्के न एवम् माम् अनुशाधि हि ॥ 90.15 ॥

hato'smi yadi mām evam bhagavān api manyate | matto na doṣam āśaṅke na evam mām anuśādhi hi || 90.15 ||

'यदि आप जैसे भगवान भी मुझे ऐसा ही समझते हैं, तो मैं मारा गया समझूँ! मुझसे यह दोष हुआ है, ऐसी आशंका मुझे नहीं है; कृपया मुझे इस प्रकार धिक्कारिए मत।'

श्लोक 16 (ayodhya.90.16)

न च एतद् इष्टम् माता मे यद् अवोचन् मद् अन्तरे । न अहम् एतेन तुष्टः च न तद् वचनम् आददे ॥ 90.16 ॥

na ca etad iṣṭam mātā me yad avocan mad antare | na aham etena tuṣṭaḥ ca na tad vacanam ādade || 90.16 ||

'मेरी अनुपस्थिति में मेरी माता ने जो कुछ कहा, वह मुझे भी प्रिय नहीं है। मैं उससे प्रसन्न नहीं हूँ, और न ही उसके उस वचन को स्वीकार करता हूँ।'

श्लोक 17 (ayodhya.90.17)

अहम् तु तम् नर व्याघ्रम् उपयातः प्रसादकः । प्रतिनेतुम् अयोध्याम् च पादौ तस्य अभिवन्दितुम् ॥ 90.17 ॥

aham tu tam nara vyāghram upayātaḥ prasādakaḥ | pratinetum ayodhyām ca pādau tasya abhivanditum || 90.17 ||

'मैं तो उस नरश्रेष्ठ राम को मनाकर, उनके चरणों की वन्दना कर, उन्हें अयोध्या वापस ले जाने के लिए ही यहाँ आया हूँ।'

श्लोक 18 (ayodhya.90.18)

त्वम् माम् एवम् गतम् मत्वा प्रसादम् कर्तुम् अर्हसि । शंस मे भगवन् रामः क्व सम्प्रति मही पतिः ॥ 90.18 ॥

tvam mām evam gatam matvā prasādam kartum arhasi | śaṃsa me bhagavan rāmaḥ kva samprati mahī patiḥ || 90.18 ||

'मुझे इसी प्रयोजन से आया हुआ समझकर आप मुझ पर कृपा कीजिए। हे भगवन्! बताइए, राम इस समय कहाँ हैं?'

श्लोक 19 (ayodhya.90.19)

वसिष्ठादिभिर् ऋत्विग्भिर् याचितो भगवांस् ततः । उवाच तम् भरद्वाजः प्रसादाद् भरतम् वचः ॥ 90.19 ॥

vasiṣṭhādibhir ṛtvigbhir yācito bhagavāṃs tataḥ | uvāca tam bharadvājaḥ prasādād bharatam vacaḥ || 90.19 ||

वसिष्ठ आदि पुरोहितों द्वारा प्रार्थना किए जाने पर, भगवान भरद्वाज ने प्रसन्न होकर भरत से यह वचन कहा—

श्लोक 20 (ayodhya.90.20)

त्वय्य् एतत् पुरुष व्याघ्रम् युक्तम् राघव वंशजे । गुरु वृत्तिर् दमः च एव साधूनाम् च अनुयायिता ॥ 90.20 ॥

tvayy etat puruṣa vyāghram yuktam rāghava vaṃśaje | guru vṛttir damaḥ ca eva sādhūnām ca anuyāyitā || 90.20 ||

'हे पुरुषश्रेष्ठ! रघुवंश में उत्पन्न तुममें यह गुरुजनों के प्रति विनम्रता, आत्मसंयम, तथा सज्जनों का अनुसरण—ये सब गुण उपयुक्त ही हैं।'

श्लोक 21 (ayodhya.90.21)

जाने च एतन् मनःस्थम् ते दृढी करणम् अस्तु इति । अपृच्छम् त्वाम् तव अत्यर्थम् कीर्तिम् समभिवर्धयन् ॥ 90.21 ॥

jāne ca etan manaḥstham te dṛḍhī karaṇam astu iti | apṛccham tvām tava atyartham kīrtim samabhivardhayan || 90.21 ||

'मैं तुम्हारे मन की यह बात पहले से ही जानता था, फिर भी मैंने इसकी पुष्टि हो जाए, यह चाहकर, तथा तुम्हारी कीर्ति को और बढ़ाने के लिए ही, तुमसे यह प्रश्न किया।'

श्लोक 22 (ayodhya.90.22)

जाने च रामम् धर्मज्ञम् ससीतम् सह लक्ष्मणम् । असौ वसति ते भ्राता चित्रकूटे महागिरौ ॥ 90.22 ॥

jāne ca rāmam dharmajñam sasītam saha lakṣmaṇam | asau vasati te bhrātā citrakūṭe mahāgirau || 90.22 ||

'मुझे यह भी ज्ञात है कि धर्मज्ञ राम सीता और लक्ष्मण सहित कहाँ हैं। तुम्हारा वह भाई चित्रकूट नामक महान पर्वत पर निवास कर रहा है।'

श्लोक 23 (ayodhya.90.23)

श्वः तु गन्ता असि तम् देशम् वस अद्य सह मन्त्रिभिः । एतम् मे कुरु सुप्राज्ञ कामम् काम अर्थ कोविद ॥ 90.23 ॥

śvaḥ tu gantā asi tam deśam vasa adya saha mantribhiḥ | etam me kuru suprājña kāma artha kovida || 90.23 ||

'तुम कल उस स्थान को जाना, आज मन्त्रियों सहित यहीं ठहर जाओ। हे सुप्राज्ञ! हे धर्म और अर्थ के मर्मज्ञ! मेरी यह इच्छा पूर्ण करो।'

श्लोक 24 (ayodhya.90.24)

ततः तथा इत्य् एवम् उदार दर्शनः । प्रतीत रूपो भरतो ऽब्रवीद् वचः । चकार बुद्धिम् च तदा तदाश्रमे । निशा निवासाय नर अधिप आत्मजः ॥ 90.24 ॥

tataḥ tathā ity evam udāra darśanaḥ | pratīta rūpo bharato'bravīd vacaḥ | cakāra buddhim ca tadā tadāśrame | niśā nivāsāya nara adhipa ātmajaḥ || 90.24 ||

तब उदार दृष्टि वाले, अब सबके सम्मुख अपने वास्तविक स्वरूप में प्रकट हुए राजकुमार भरत ने 'ऐसा ही हो' कहकर, उसी आश्रम में रात्रि-निवास करने का निश्चय कर लिया।