अयोध्या को आनन्दमय वापसी

श्लोक 1 (bala.77.1)

गते रामे प्रशांतात्मा रामो दाशरथिर्धनुः। वरुणायाप्रमेयाय ददौ हस्ते महायशाः ॥ १-७७-१ ॥

gate rāme praśāṃtātmā rāmo dāśarathirdhanuḥ| varuṇāyāprameyāya dadau haste mahāyaśāḥ || 1-77-1 ||

जामदग्न्य राम के चले जाने पर, शान्तचित्त हुए महायशस्वी दाशरथि राम ने वह धनुष अप्रमेय वरुण देव के हाथ में सौंप दिया।

श्लोक 2 (bala.77.2)

अभिवाद्य ततो रामो वसिष्ठ प्रमुखानृषीन्। पितरं विह्वलं दृष्ट्वा प्रोवाच रघुनंदनः ॥ १-७७-२ ॥

abhivādya tato rāmo vasiṣṭha pramukhānṛṣīn| pitaraṃ vihvalaṃ dṛṣṭvā provāca raghunaṃdanaḥ || 1-77-2 ||

तत्पश्चात् वसिष्ठ आदि श्रेष्ठ ऋषियों को प्रणाम करके, रघुनन्दन राम ने अपने विह्वल पिता को देखकर यह कहा।

श्लोक 3 (bala.77.3)

जामदग्न्यो गतो रामः प्रयातु चतुरङ्गिगिणी। अयोध्याभिमुखी सेना त्वया नाथेन पालिता ॥ १-७७-३ ॥

jāmadagnyo gato rāmaḥ prayātu caturaṅgigiṇī| ayodhyābhimukhī senā tvayā nāthena pālitā || 1-77-3 ||

'जामदग्न्य राम चले गए हैं; अतः आपके द्वारा रक्षित यह चतुरंगिणी सेना अब अयोध्या की ओर प्रस्थान करे।'

श्लोक 4 (bala.77.4)

4,5 रामस्य वचनं श्रुत्वा राजा दशरथः सुतम्। बाहुभ्यां संपरिष्वज्य मूर्ध्नि चाघ्राय राघवम् ॥ १-७७-४ ॥

4,5 rāmasya vacanaṃ śrutvā rājā daśarathaḥ sutam| bāhubhyāṃ saṃpariṣvajya mūrdhni cāghrāya rāghavam || 1-77-4 ||

राम के इस वचन को सुनकर राजा दशरथ ने अपने पुत्र राघव को दोनों भुजाओं से हृदय से लगाकर उनके मस्तक को चूमा।

श्लोक 5 (bala.77.5)

गतो राम इति श्रुत्वा हृष्टः प्रमुदितो नृपः। पुनर्जातं तदा मेने पुत्रमात्मानमेव च ॥ १-७७-५ ॥

gato rāma iti śrutvā hṛṣṭaḥ pramudito nṛpaḥ| punarjātaṃ tadā mene putramātmānameva ca || 1-77-5 ||

राम के चले जाने का समाचार सुनकर, हर्षित और आनन्दित राजा ने अपने पुत्र और स्वयं को मानो नवजीवन प्राप्त हुआ माना।

श्लोक 6 (bala.77.6)

चोदयामास तां सेनां जगामाशु ततः पुरीम्। पताकाध्वजिनीं रम्यां तूर्योद्घुष्टनिनादिताम् ॥ १-७७-६ ॥

codayāmāsa tāṃ senāṃ jagāmāśu tataḥ purīm| patākādhvajinīṃ ramyāṃ tūryodghuṣṭanināditām || 1-77-6 ||

उन्होंने उस सेना को आगे बढ़ने की आज्ञा दी, और वह शीघ्र ही ध्वजा-पताकाओं से सुशोभित तथा तुरही की ध्वनि से गूँजती हुई नगरी की ओर चल पड़ी।

श्लोक 7 (bala.77.7)

सिक्तराजपथां रम्यां प्रकीर्णकुसुमोत्कराम्। राजप्रवेशसुमुखैः पौरैर्मंगलपाणिभिः ॥ १-७७-७ ॥

siktarājapathāṃ ramyāṃ prakīrṇakusumotkarām| rājapraveśasumukhaiḥ paurairmaṃgalapāṇibhiḥ || 1-77-7 ||

उस रमणीय नगरी के राजमार्ग जल से सिंचित तथा पुष्पों के ढेरों से आच्छादित थे, तथा राजा के प्रवेश पर प्रसन्नमुख नागरिक हाथों में मंगल-द्रव्य लिए हुए खड़े थे।

श्लोक 8 (bala.77.8)

संपूर्णां प्राविशद्राजा जनौघैः समलंकृताम्। पौरैः प्रत्युद्गतो दूरं द्विजैश्च पुरवासिभिः ॥ १-७७-८ ॥

saṃpūrṇāṃ prāviśadrājā janaughaiḥ samalaṃkṛtām| pauraiḥ pratyudgato dūraṃ dvijaiśca puravāsibhiḥ || 1-77-8 ||

उस जनसमूह से सुसज्जित एवं परिपूर्ण नगरी में राजा ने प्रवेश किया, जहाँ नागरिकों तथा नगरवासी ब्राह्मणों ने उन्हें दूर से ही आगे बढ़कर स्वागत किया।

श्लोक 9 (bala.77.9)

पुत्रैरनुगतः श्रीमान् श्रीमद्भिश्च महायशाः। प्रविवेश गृहं राजा हिमवत्सदृशं प्रियम् ॥ १-७७-९ ॥

putrairanugataḥ śrīmān śrīmadbhiśca mahāyaśāḥ| praviveśa gṛhaṃ rājā himavatsadṛśaṃ priyam || 1-77-9 ||

अपने तेजस्वी पुत्रों के साथ वे श्रीमान् महायशस्वी राजा हिमालय के समान उस अपने प्रिय राजभवन में प्रविष्ट हुए।

श्लोक 10 (bala.77.10)

ननन्द स्वजनै राजा गृहे कामैः सुपूजितः। कौसल्या च सुमित्रा च कैकेयी च सुमध्यमा ॥ १-७७-१० ॥

nananda svajanai rājā gṛhe kāmaiḥ supūjitaḥ| kausalyā ca sumitrā ca kaikeyī ca sumadhyamā || 1-77-10 ||

राजा अपने परिजनों के बीच घर में आनन्दित हुए तथा उनकी सभी अभिलाषाएँ भलीभाँति पूर्ण हुईं; और कौसल्या, सुमित्रा तथा सुमध्यमा कैकेयी—

श्लोक 11 (bala.77.11)

वधूप्रतिग्रहे युक्ता याश्चान्या राजयोषितः। ततः सीतां महाभागामूर्मिलां च यशस्विनीम् ॥ १-७७-११ ॥

vadhūpratigrahe yuktā yāścānyā rājayoṣitaḥ| tataḥ sītāṃ mahābhāgāmūrmilāṃ ca yaśasvinīm || 1-77-11 ||

—तथा अन्य राजरानियाँ भी वधुओं का स्वागत करने में संलग्न हो गईं। तब उन्होंने परम सौभाग्यशालिनी सीता और यशस्विनी ऊर्मिला को—

श्लोक 12 (bala.77.12)

कुशध्वजसुते चोभे जगृहुर्नृपयोषितः। मंगलालापनैर्होमैः शोभिताः क्षौमवाससः ॥ १-७७-१२ ॥

kuśadhvajasute cobhe jagṛhurnṛpayoṣitaḥ| maṃgalālāpanairhomaiḥ śobhitāḥ kṣaumavāsasaḥ || 1-77-12 ||

—तथा कुशध्वज की दोनों पुत्रियों को भी ग्रहण किया। रेशमी वस्त्रों से सुशोभित वे सब मंगल-वचनों और होमादि के साथ उनका स्वागत करने लगीं।

श्लोक 13 (bala.77.13)

देवतायतनान्याशु सर्वास्ताः प्रत्यपूजयन्। अभिवाद्याभिवाद्यांश्च सर्वा राजसुतास्तदा ॥ १-७७-१३ ॥

devatāyatanānyāśu sarvāstāḥ pratyapūjayan| abhivādyābhivādyāṃśca sarvā rājasutāstadā || 1-77-13 ||

उन सबने शीघ्र ही देवमंदिरों में जाकर पूजा की; और तब उन सभी राजकुमारी-वधुओं ने अभिवादनीय जनों को प्रणाम किया।

श्लोक 14 (bala.77.14)

रेमिरे मुदिताः सर्वा भर्तृभिः सहिता रहः। कृतदाराः कृतास्त्राश्च सधनाः ससुहृज्जनाः ॥ १-७७-१४ ॥

remire muditāḥ sarvā bhartṛbhiḥ sahitā rahaḥ| kṛtadārāḥ kṛtāstrāśca sadhanāḥ sasuhṛjjanāḥ || 1-77-14 ||

वे सभी हर्षित होकर एकान्त में अपने-अपने पतियों के साथ आनन्दित हुईं। इस प्रकार विवाहित, शस्त्रविद्या में निपुण, धनसम्पन्न तथा मित्रजनों से घिरे हुए—

श्लोक 15 (bala.77.15)

शुश्रूषमाणाः पितरं वर्तयन्ति नरर्षभाः। कस्यचित्त्वथ कालस्य राजा दशरधः सुतम् ॥ १-७७-१५ ॥

śuśrūṣamāṇāḥ pitaraṃ vartayanti nararṣabhāḥ| kasyacittvatha kālasya rājā daśaradhaḥ sutam || 1-77-15 ||

—वे नरश्रेष्ठ अपने पिता की सेवा करते हुए समय व्यतीत करने लगे। फिर कुछ समय पश्चात् राजा दशरथ ने अपने पुत्र—

श्लोक 16 (bala.77.16)

भरतं कैकेयीपुत्रमब्रवीद्रघुनन्दनः। अयं केकयराजस्य पुत्रो वसति पुत्रक ॥ १-७७-१६ ॥

bharataṃ kaikeyīputramabravīdraghunandanaḥ| ayaṃ kekayarājasya putro vasati putraka || 1-77-16 ||

—कैकेयीपुत्र भरत से कहा — 'हे पुत्र! केकयराज के ये पुत्र यहाँ ठहरे हुए हैं—'

श्लोक 17 (bala.77.17)

त्वां नेतुमागतो वीरो युधाजिन्मातुलस्तव। श्रुत्वा दशरथस्यैतद्भरतः कैकेयीसुतः ॥ १-७७-१७ ॥

tvāṃ netumāgato vīro yudhājinmātulastava| śrutvā daśarathasyaitadbharataḥ kaikeyīsutaḥ || 1-77-17 ||

'—यह वीर युधाजित तुम्हारा मामा है, जो तुम्हें ले जाने के लिए आया है।' दशरथ का यह वचन सुनकर कैकेयीपुत्र भरत—

श्लोक 18 (bala.77.18)

गमनायाभिचक्राम शत्रुघ्नसहितस्तदा। आपृच्छ्य पितरं शूरो रामं चाक्लिष्टकर्मणम् ॥ १-७७-१८ ॥

gamanāyābhicakrāma śatrughnasahitastadā| āpṛcchya pitaraṃ śūro rāmaṃ cākliṣṭakarmaṇam || 1-77-18 ||

—तब शत्रुघ्न सहित प्रस्थान करने को उद्यत हुए। उस वीर ने अपने पिता से तथा अक्लिष्टकर्मा राम से आज्ञा लेकर—

श्लोक 19 (bala.77.19)

मातृश्चापि नरश्रेष्टः शत्रुघ्नसहितो ययौ। युधाजित् प्राप्य भरतं सशत्रुघ्नं प्रहर्षितः ॥ १-७७-१९ ॥

mātṛścāpi naraśreṣṭaḥ śatrughnasahito yayau| yudhājit prāpya bharataṃ saśatrughnaṃ praharṣitaḥ || 1-77-19 ||

—और माताओं से भी विदा लेकर वह नरश्रेष्ठ शत्रुघ्न सहित चल पड़ा। भरत को शत्रुघ्न सहित पाकर अत्यन्त हर्षित हुए युधाजित—

श्लोक 20 (bala.77.20)

स्वपुरं प्राविशद्वीरः पिता तस्य तुतोष ह। गते च भरते रामो लक्ष्मणश्च महाबलः ॥ १-७७-२० ॥

svapuraṃ prāviśadvīraḥ pitā tasya tutoṣa ha| gate ca bharate rāmo lakṣmaṇaśca mahābalaḥ || 1-77-20 ||

—अपने नगर में प्रविष्ट हुए, और उनके पिता अत्यन्त संतुष्ट हुए। भरत के चले जाने पर श्रीराम और महाबली लक्ष्मण—

श्लोक 21 (bala.77.21)

पितरं देवसंकाशं पूजयामासतुस्तदा। पितुराज्ञां पुरस्कृत्य पौरकार्याणि सर्वशः ॥ १-७७-२१ ॥

pitaraṃ devasaṃkāśaṃ pūjayāmāsatustadā| piturājñāṃ puraskṛtya paurakāryāṇi sarvaśaḥ || 1-77-21 ||

—तब देवतुल्य पिता की सेवा करने लगे। पिता की आज्ञा को सर्वोपरि रखते हुए, नगरवासियों के समस्त कार्यों में—

श्लोक 22 (bala.77.22)

चकार रामः सर्वाणि प्रियाणि च हितानि च। मातृभ्यो मातृकार्याणि कृत्वा परमयंत्रितः ॥ १-७७-२२ ॥

cakāra rāmaḥ sarvāṇi priyāṇi ca hitāni ca| mātṛbhyo mātṛkāryāṇi kṛtvā paramayaṃtritaḥ || 1-77-22 ||

—राम ने वे सभी कार्य किए जो प्रिय भी थे और हितकर भी। अत्यन्त संयमपूर्वक माताओं के प्रति अपने कर्तव्यों का पालन करते हुए—

श्लोक 23 (bala.77.23)

गुरूणां गुरुकार्याणि काले कालेऽन्ववैक्षत। एवं दशरथः प्रीतो ब्राह्मणा नैगमास्तथा ॥ १-७७-२३ ॥

gurūṇāṃ gurukāryāṇi kāle kāle'nvavaikṣata| evaṃ daśarathaḥ prīto brāhmaṇā naigamāstathā || 1-77-23 ||

—वे समय-समय पर गुरुजनों के प्रति कर्तव्यों का भी ध्यान रखते थे। इस प्रकार राजा दशरथ प्रसन्न थे, और वैसे ही ब्राह्मण तथा वणिक्जन भी—

श्लोक 24 (bala.77.24)

रामस्य शीलवृत्तेन सर्वं विषयवासिनः। तेषामतियशा लोके रामः सत्यपराक्रमः ॥ १-७७-२४ ॥

rāmasya śīlavṛttena sarvaṃ viṣayavāsinaḥ| teṣāmatiyaśā loke rāmaḥ satyaparākramaḥ || 1-77-24 ||

—और सम्पूर्ण राज्यनिवासी भी राम के शील और आचरण से प्रसन्न थे। सत्यपराक्रमी राम उन सबमें लोक में अत्यन्त यशस्वी थे।

श्लोक 25 (bala.77.25)

स्वयम्भूरिव भूतानां बभूव गुणवत्तरः। रामश्च सीतया सार्धं विजहार बहूनृतून् ॥ १-७७-२५ ॥

svayambhūriva bhūtānāṃ babhūva guṇavattaraḥ| rāmaśca sītayā sārdhaṃ vijahāra bahūnṛtūn || 1-77-25 ||

वे समस्त प्राणियों में स्वयम्भू ब्रह्मा के समान सर्वाधिक गुणवान् हो गए। और श्रीराम सीता के साथ अनेक ऋतुओं तक विहार करते रहे।

श्लोक 26 (bala.77.26)

मनस्वी तद्गतमानस्य तस्या हृदि समर्पितः। प्रिया तु सीता रामस्य दाराः पितृकृता इति ॥ १-७७-२६ ॥

manasvī tadgatamānasya tasyā hṛdi samarpitaḥ| priyā tu sītā rāmasya dārāḥ pitṛkṛtā iti || 1-77-26 ||

मनस्वी राम अपना मन उन्हीं में लगाए हुए, उन्हीं के हृदय में समर्पित रहते थे; और सीता, जो पिता द्वारा सम्पन्न कराए गए विवाह से प्राप्त पत्नी थीं, राम को अत्यन्त प्रिय थीं।

श्लोक 27 (bala.77.27)

गुणाद्रूपगुणाच्चापि प्रीतिर्भूयोऽभिवर्धते। तस्याश्च भर्ता द्विगुणं हृदये परिवर्तते ॥ १-७७-२७ ॥

guṇādrūpaguṇāccāpi prītirbhūyo'bhivardhate| tasyāśca bhartā dviguṇaṃ hṛdaye parivartate || 1-77-27 ||

उनके गुणों और रूप-सौन्दर्य के कारण राम का प्रेम उत्तरोत्तर बढ़ता ही गया, और सीता के हृदय में भी अपने पति के प्रति प्रेम दुगुना बढ़ता रहा।

श्लोक 28 (bala.77.28)

अन्तर्गतमपि व्यक्तमाख्याति हृदयं हृदा। तस्य भूयो विशेषेण मैथिली जनकात्मजा। देवताभिः समा रूपे सीता श्रीरिव रूपिणी ॥ १-७७-२८ ॥

antargatamapi vyaktamākhyāti hṛdayaṃ hṛdā| tasya bhūyo viśeṣeṇa maithilī janakātmajā| devatābhiḥ samā rūpe sītā śrīriva rūpiṇī || 1-77-28 ||

हृदय ही हृदय से उसके भीतर के भाव को स्पष्ट रूप से जान लेता था। और विशेष रूप से मिथिलेशकुमारी जनकतनया सीता रूप में देवियों के समान तथा साक्षात् श्री के समान सुन्दर थीं।

श्लोक 29 (bala.77.29)

तया स राजर्षिसुतोऽभिकामया समेयिवानुत्तमराजकन्यया। अतीव रामः शुशुभे मुदान्वितो विभुः श्रिया विष्णुरिवामरेश्वरः ॥ १-७७-२९ ॥

tayā sa rājarṣisuto'bhikāmayā sameyivānuttamarājakanyayā| atīva rāmaḥ śuśubhe mudānvito vibhuḥ śriyā viṣṇurivāmareśvaraḥ || 1-77-29 ||

उस श्रेष्ठ राजकन्या के साथ, जो उन्हें अत्यन्त प्रिय थीं, संयुक्त होकर वे राजर्षि-पुत्र राम अत्यन्त हर्षित होकर अत्यधिक सुशोभित हुए — मानो श्री के साथ विराजमान देवेश्वर विष्णु।