हनुमान का आलिंगन

श्लोक 1 (yuddha.1.1)

श्रुत्वा हनूमतो वाक्यं यथावदभिभाषितम्। रामः प्रीतिसमायुक्तो वाक्यमुत्तरमब्रवीत् ॥ 1.1 ॥

śrutvā hanūmato vākyaṃ yathāvadabhibhāṣitam | rāmaḥ prītisamāyukto vākyamuttaramabravīt || 1.1 ||

हनुमान के यथार्थ रूप से कहे गए वचन सुनकर, राम प्रसन्नता से भरकर यह उत्तर बोले।

श्लोक 2 (yuddha.1.2)

कृतं हनूमता कार्यं सुमहद् भुवि दुर्लभम्। मनसापि यदन्येन न शक्यं धरणीतले ॥ 1.2 ॥

kṛtaṃ hanūmatā kāryaṃ sumahad bhuvi durlabham | manasāpi yadanyena na śakyaṃ dharaṇītale || 1.2 ||

हनुमान ने पृथ्वी पर दुर्लभ ऐसा महान कार्य किया है, जिसे इस धरती पर कोई और मन से भी पूरा नहीं कर सकता था।

श्लोक 3 (yuddha.1.3)

नहि तं परिपश्यामि यस्तरेत महोदधिम्। अन्यत्र गरुडाद् वायोरन्यत्र च हनूमतः ॥ 1.3 ॥

nahi taṃ paripaśyāmi yastareta mahodadhim | anyatra garuḍād vāyoranyatra ca hanūmataḥ || 1.3 ||

मैं ऐसा कोई नहीं देखता जो इस महासागर को पार कर सके, गरुड़, वायु अथवा हनुमान के अतिरिक्त।

श्लोक 4 (yuddha.1.4)

देवदानवयक्षाणां गन्धर्वोरगरक्षसाम्। अप्रधृष्यां पुरीं लङ्कां रावणेन सुरक्षिताम् ॥ 1.4 ॥

devadānavayakṣāṇāṃ gandharvoragarakṣasām | apradhṛṣyāṃ purīṃ laṅkāṃ rāvaṇena surakṣitām || 1.4 ||

जो देवताओं, दानवों, यक्षों, गन्धर्वों, नागों और राक्षसों के लिए भी दुर्जेय है, तथा जिसे रावण ने भलीभाँति सुरक्षित रखा है, उस लंकापुरी में...

श्लोक 5 (yuddha.1.5)

प्रविष्टः सत्त्वमाश्रित्य जीवन् को नाम निष्क्रमेत्। को विशेत् सुदुराधर्षां राक्षसैश्च सुरक्षिताम् ॥ 1.5 ॥

praviṣṭaḥ sattvamāśritya jīvan ko nāma niṣkramet | ko viśet sudurādharṣāṃ rākṣasaiśca surakṣitām || 1.5 ||

...उसमें प्रवेश कर, अपने ही सामर्थ्य के बल पर, जीवित लौटकर कौन निकल सकता है? और उस अत्यंत दुर्जेय, राक्षसों से सुरक्षित नगरी में भला कौन प्रवेश कर सकता है?

श्लोक 6 (yuddha.1.6)

यो वीर्यबलसम्पन्नो न समः स्याद्धनूमतः। भृत्यकार्यं हनुमता सुग्रीवस्य कृतं महत्। एवं विधाय स्वबलं सदृशं विक्रमस्य च ॥ 1.6 ॥

yo vīryabalasampanno na samaḥ syāddhanūmataḥ | bhṛtyakāryaṃ hanumatā sugrīvasya kṛtaṃ mahat | evaṃ vidhāya svabalaṃ sadṛśaṃ vikramasya ca || 1.6 ||

जो पराक्रम और बल में हनुमान के समान न हो, वह भला कैसे प्रवेश कर सकता है? हनुमान ने सुग्रीव की यह महान सेवा की है, इस प्रकार अपने पराक्रम के योग्य अपना बल प्रदर्शित करते हुए।

श्लोक 7 (yuddha.1.7)

यो हि भृत्यो नियुक्तः सन् भर्त्रा कर्मणि दुष्करे। कुर्यात् तदनुरागेण तमाहुः पुरुषोत्तमम् ॥ 1.7 ॥

yo hi bhṛtyo niyuktaḥ san bhartrā karmaṇi duṣkare | kuryāt tadanurāgeṇa tamāhuḥ puruṣottamam || 1.7 ||

जो सेवक अपने स्वामी द्वारा किसी दुष्कर कार्य में नियुक्त होकर, उसे स्नेहपूर्वक पूर्ण करता है, उसे ही पुरुषों में श्रेष्ठ कहा जाता है।

श्लोक 8 (yuddha.1.8)

यो नियुक्तः परं कार्यं न कुर्यान्नृपतेः प्रियम्। भृत्यो युक्तः समर्थश्च तमाहुर्मध्यमं नरम् ॥ 1.8 ॥

yo niyuktaḥ paraṃ kāryaṃ na kuryānnṛpateḥ priyam | bhṛtyo yuktaḥ samarthaśca tamāhurmadhyamaṃ naram || 1.8 ||

जो सेवक, समर्थ और योग्य होते हुए भी, राजा द्वारा सौंपे गए उत्तम कार्य को नहीं करता, उसे मध्यम पुरुष कहा जाता है।

श्लोक 9 (yuddha.1.9)

नियुक्तो नृपतेः कार्यं न कुर्याद् यः समाहितः। भृत्यो युक्तः समर्थश्च तमाहुः पुरुषाधमम् ॥ 1.9 ॥

niyukto nṛpateḥ kāryaṃ na kuryād yaḥ samāhitaḥ | bhṛtyo yuktaḥ samarthaśca tamāhuḥ puruṣādhamam || 1.9 ||

राजा के कार्य में नियुक्त होकर भी जो सेवक, यद्यपि योग्य और समर्थ हो, उसे सावधानीपूर्वक पूरा नहीं करता, उसे ही अधम पुरुष कहा जाता है।

श्लोक 10 (yuddha.1.10)

तन्नियोगे नियुक्तेन कृतं कृत्यं हनूमता। न चात्मा लघुतां नीतः सुग्रीवश्चापि तोषितः ॥ 1.10 ॥

tanniyoge niyuktena kṛtaṃ kṛtyaṃ hanūmatā | na cātmā laghutāṃ nītaḥ sugrīvaścāpi toṣitaḥ || 1.10 ||

उस कार्य में नियुक्त हनुमान ने अपने कर्तव्य को भलीभाँति पूर्ण किया; न तो स्वयं उन्हें लघुता प्राप्त हुई, और सुग्रीव भी संतुष्ट हुए।

श्लोक 11 (yuddha.1.11)

अहं च रघुवंशश्च लक्ष्मणश्च महाबलः। वैदेह्या दर्शनेनाद्य धर्मतः परिरक्षिताः ॥ 1.11 ॥

ahaṃ ca raghuvaṃśaśca lakṣmaṇaśca mahābalaḥ | vaidehyā darśanenādya dharmataḥ parirakṣitāḥ || 1.11 ||

मैं, रघुवंश और महाबली लक्ष्मण -- हम सब आज वैदेही के पता चलने से धर्मपूर्वक रक्षित हो गए हैं।

श्लोक 12 (yuddha.1.12)

इदं तु मम दीनस्य मनो भूयः प्रकर्षति। यदिहास्य प्रियाख्यातुर्न कुर्मि सदृशं प्रियम् ॥ 1.12 ॥

idaṃ tu mama dīnasya mano bhūyaḥ prakarṣati | yadihāsya priyākhyāturna kurmi sadṛśaṃ priyam || 1.12 ||

किंतु मुझ दीन का मन इस बात से और भी दुखी होता है कि इस शुभ समाचार लाने वाले के योग्य कोई प्रिय कार्य मैं नहीं कर सकता।

श्लोक 13 (yuddha.1.13)

एष सर्वस्वभूतस्तु परिष्वङ्गो हनूमतः। मया कालमिमं प्राप्य दत्तस्तस्य महात्मनः ॥ 1.13 ॥

eṣa sarvasvabhūtastu pariṣvaṅgo hanūmataḥ | mayā kālamimaṃ prāpya dattastasya mahātmanaḥ || 1.13 ||

इस समय को पाकर मैंने उस महात्मा हनुमान को यही आलिंगन दिया है, जो मेरे लिए सर्वस्व के समान है।

श्लोक 14 (yuddha.1.14)

इत्युक्त्वा प्रीतिहृष्टाङ्गो रामस्तं परिषस्वजे। हनूमन्तं कृतात्मानं कृतकार्यमुपागतम् ॥ 1.14 ॥

ityuktvā prītihṛṣṭāṅgo rāmastaṃ pariṣasvaje | hanūmantaṃ kṛtātmānaṃ kṛtakāryamupāgatam || 1.14 ||

ऐसा कहकर, प्रसन्नता से पुलकित राम ने आत्मसंयमी और अपना कार्य पूर्ण करके लौटे हनुमान को गले लगाया।

श्लोक 15 (yuddha.1.15)

ध्यात्वा पुनरुवाचेदं वचनं रघुसत्तमः। हरीणामीश्वरस्यापि सुग्रीवस्योपशृण्वतः ॥ 1.15 ॥

dhyātvā punaruvācedaṃ vacanaṃ raghusattamaḥ | harīṇāmīśvarasyāpi sugrīvasyopaśṛṇvataḥ || 1.15 ||

फिर कुछ देर विचार कर, रघुश्रेष्ठ राम ने वानरों के स्वामी सुग्रीव के सुनते हुए यह वचन पुनः कहा।

श्लोक 16 (yuddha.1.16)

सर्वथा सुकृतं तावत् सीतायाः परिमार्गणम्। सागरं तु समासाद्य पुनर्नष्टं मनो मम ॥ 1.16 ॥

sarvathā sukṛtaṃ tāvat sītāyāḥ parimārgaṇam | sāgaraṃ tu samāsādya punarnaṣṭaṃ mano mama || 1.16 ||

सीता की खोज तो हर प्रकार से भलीभाँति पूर्ण हुई है, किंतु इस सागर को देखकर मेरा मन पुनः खिन्न हो गया है।

श्लोक 17 (yuddha.1.17)

कथं नाम समुद्रस्य दुष्पारस्य महाम्भसः। हरयो दक्षिणं पारं गमिष्यन्ति समागताः ॥ 1.17 ॥

kathaṃ nāma samudrasya duṣpārasya mahāmbhasaḥ | harayo dakṣiṇaṃ pāraṃ gamiṣyanti samāgatāḥ || 1.17 ||

भला यह वानर-सेना, एकत्र होकर भी, इस दुष्पार और विशाल जलराशि वाले समुद्र के दक्षिणी तट तक कैसे पहुंच पाएगी?

श्लोक 18 (yuddha.1.18)

यद्यप्येष तु वृत्तान्तो वैदेह्या गदितो मम। समुद्रपारगमने हरीणां किमिवोत्तरम् ॥ 1.18 ॥

yadyapyeṣa tu vṛttānto vaidehyā gadito mama | samudrapāragamane harīṇāṃ kimivottaram || 1.18 ||

यद्यपि सीता ने मुझे यह समाचार सुनाया है, तथापि वानरों के समुद्र पार जाने के विषय में अब क्या उपाय हो सकता है?

श्लोक 19 (yuddha.1.19)

इत्युक्त्वा शोकसम्भ्रान्तो रामः शत्रुनिबर्हणः। हनूमन्तं महाबाहुस्ततो ध्यानमुपागमत् ॥ 1.19 ॥

ityuktvā śokasambhrānto rāmaḥ śatrunibarhaṇaḥ | hanūmantaṃ mahābāhustato dhyānamupāgamat || 1.19 ||

यह हनुमान से कहकर, शोक से व्याकुल तथा शत्रुओं का नाश करने वाले महाबाहु राम मौन होकर विचारमग्न हो गए।