रथ-युद्ध का आरम्भ

श्लोक 1 (yuddha.106.1)

सारथिः स रथं हृष्टः परसैन्यप्रधर्षणम्। गन्धर्वनगराकारं समुच्छ्रितपताकिनम्॥॥ 106.1 ॥

sārathiḥ sa rathaṃ hṛṣṭaḥ parasainyapradharṣaṇam| gandharvanagarākāraṃ samucchritapatākinam|||| 106.1 ||

आनन्दित हुआ वह सारथी, शत्रु-सेना को कुचलने में समर्थ उस रथ को तैयार करने लगा, जो गन्धर्व-नगर के समान अद्भुत था और जिसकी पताकाएँ ऊँची लहरा रही थीं,

श्लोक 2 (yuddha.106.2)

युक्तं परमसम्पन्नैर्वाजिभिर्हेममालिभिः। युद्धोपकरणैः पूर्णं पताकाध्वजमालिनम्॥॥ 106.2 ॥

yuktaṃ paramasampannairvājibhirhemamālibhiḥ| yuddhopakaraṇaiḥ pūrṇaṃ patākādhvajamālinam|||| 106.2 ||

जो उत्तम अश्वों से युक्त था, जिनके गले स्वर्ण-मालाओं से सुशोभित थे, जो युद्ध-सामग्री से भरपूर था और पताकाओं तथा ध्वजों की मालाओं से अलंकृत था,

श्लोक 3 (yuddha.106.3)

ग्रसन्तमिव चाकाशं नादयन्तं वसुंधराम्। प्रणाशं परसैन्यानां स्वसैन्यस्य प्रहर्षणम्॥॥ 106.3 ॥

grasantamiva cākāśaṃ nādayantaṃ vasuṃdharām| praṇāśaṃ parasainyānāṃ svasainyasya praharṣaṇam|||| 106.3 ||

मानो आकाश को निगल रहा हो, पृथ्वी को गुँजाता हुआ, शत्रु-सेनाओं का नाश करने वाला और अपनी ही सेना को हर्षित करने वाला —

श्लोक 4 (yuddha.106.4)

रावणस्य रथं क्षिप्रं चोदयामास सारथिः। तमापतन्तं सहसा स्वनवन्तं महाध्वजम्॥॥ 106.4 ॥

rāvaṇasya rathaṃ kṣipraṃ codayāmāsa sārathiḥ| tamāpatantaṃ sahasā svanavantaṃ mahādhvajam|||| 106.4 ||

उस गरजते हुए, महाध्वज वाले, वेग से आते रावण के रथ को सारथी ने शीघ्रता से आगे बढ़ाया।

श्लोक 5 (yuddha.106.5)

रथं राक्षसराजस्य नरराजो ददर्श ह। कृष्णवाजिसमायुक्तं युक्तं रौद्रेण वर्चसा॥॥ 106.5 ॥

rathaṃ rākṣasarājasya nararājo dadarśa ha| kṛṣṇavājisamāyuktaṃ yuktaṃ raudreṇa varcasā|||| 106.5 ||

तब नरराज राम ने राक्षसराज के उस रथ को देखा, जो काले घोड़ों से जुता हुआ, भयंकर तेज से युक्त था,

श्लोक 6 (yuddha.106.6)

दीप्यमानमिवाकाशे विमानं सूर्यवर्चसम्। तडित्पताकागहनं दर्शितेन्द्रायुधप्रभम्॥॥ 106.6 ॥

dīpyamānamivākāśe vimānaṃ sūryavarcasam| taḍitpatākāgahanaṃ darśitendrāyudhaprabham|||| 106.6 ||

आकाश में मानो जाज्वल्यमान कोई विमान हो, सूर्य के समान तेजस्वी, बिजली-सी चमकती पताकाओं से सघन, और इन्द्रधनुष की-सी आभा दिखाता हुआ।

श्लोक 7 (yuddha.106.7)

शरधारा विमुञ्चन्तं धाराधरमिवाम्बुदम्। स दृष्ट्वा मेघसंकाशमापतन्तं रथं रिपोः॥॥ 106.7 ॥

śaradhārā vimuñcantaṃ dhārādharamivāmbudam| sa dṛṣṭvā meghasaṃkāśamāpatantaṃ rathaṃ ripoḥ|||| 106.7 ||

जो बाणों की धाराएँ बरसा रहा था, मानो कोई मेघ जलधाराएँ उँडेल रहा हो — उस मेघ-सदृश शत्रु के आते हुए रथ को देखकर,

श्लोक 8 (yuddha.106.8)

गिरेर्वज्राभिमृष्टस्य दीर्यतः सदृशस्वनम्। विस्फारयन् वै वेगेन बालचन्द्रानतं धनुः॥॥ 106.8 ॥

girervajrābhimṛṣṭasya dīryataḥ sadṛśasvanam| visphārayan vai vegena bālacandrānataṃ dhanuḥ|||| 106.8 ||

वज्र से टकराए और फटते हुए पर्वत के समान गर्जन करते उस रथ को देखकर, राम ने वेगपूर्वक अपने धनुष को बालचन्द्र के समान मोड़ लिया,

श्लोक 9 (yuddha.106.9)

उवाच मातलिं रामः सहस्राक्षस्य सारथिम्। मातले पश्य संरब्धमापतन्तं रथं रिपोः॥॥ 106.9 ॥

uvāca mātaliṃ rāmaḥ sahasrākṣasya sārathim| mātale paśya saṃrabdhamāpatantaṃ rathaṃ ripoḥ|||| 106.9 ||

और इन्द्र के सारथी मातलि से राम ने कहा, "हे मातले! देखो, यह शत्रु का रथ किस उग्रता से हमारी ओर बढ़ा आ रहा है।

श्लोक 10 (yuddha.106.10)

यथापसव्यं पतता वेगेन महता पुनः। समरे हन्तुमात्मानं तथानेन कृता मतिः॥॥ 106.10 ॥

yathāpasavyaṃ patatā vegena mahatā punaḥ| samare hantumātmānaṃ tathānena kṛtā matiḥ|||| 106.10 ||

जिस प्रकार वह बड़े वेग से बार-बार अपसव्य होकर (दाहिनी ओर से घूमकर) झपट रहा है, उससे प्रतीत होता है कि उसने युद्ध में स्वयं को नष्ट करने का ही मन बना लिया है।"

श्लोक 11 (yuddha.106.11)

तदप्रमादमातिष्ठ प्रत्युद्गच्छ रथं रिपोः। विध्वंसयितुमिच्छामि वायुर्मेघमिवोत्थितम्॥॥ 106.11 ॥

tadapramādamātiṣṭha pratyudgaccha rathaṃ ripoḥ| vidhvaṃsayitumicchāmi vāyurmeghamivotthitam|||| 106.11 ||

"इसलिए सावधान रहो और शत्रु के रथ के सम्मुख बढ़ो; मैं उसे वैसे ही नष्ट कर देना चाहता हूँ जैसे प्रचंड वायु उठते हुए मेघ को छिन्न-भिन्न कर देती है।

श्लोक 12 (yuddha.106.12)

अविक्लवमसम्भ्रान्तमव्यग्रहृदयेक्षणम्। रश्मिसंचारनियतं प्रचोदय रथं द्रुतम्॥॥ 106.12 ॥

aviklavamasambhrāntamavyagrahṛdayekṣaṇam| raśmisaṃcāraniyataṃ pracodaya rathaṃ drutam|||| 106.12 ||

बिना किसी भय या घबराहट के, स्थिर हृदय और स्थिर दृष्टि रखते हुए, लगामों को पूर्ण नियंत्रण में रखते हुए, रथ को वेगपूर्वक हाँको।

श्लोक 13 (yuddha.106.13)

कामं न त्वं समाधेयः पुरंदररथोचितः। युयुत्सुरहमेकाग्रः स्मारये त्वां न शिक्षये॥॥ 106.13 ॥

kāmaṃ na tvaṃ samādheyaḥ puraṃdararathocitaḥ| yuyutsurahamekāgraḥ smāraye tvāṃ na śikṣaye|||| 106.13 ||

वस्तुतः तुम्हें उपदेश देने की आवश्यकता नहीं है, क्योंकि तुम इन्द्र का रथ हाँकने के अभ्यस्त हो; युद्ध की उत्कंठा से एकाग्रचित्त होकर मैं तो केवल तुम्हें स्मरण करा रहा हूँ, सिखा नहीं रहा।"

श्लोक 14 (yuddha.106.14)

परितुष्टः स रामस्य तेन वाक्येन मातलिः। प्रचोदयामास रथं सुरसारथिरुत्तमः॥॥ 106.14 ॥

parituṣṭaḥ sa rāmasya tena vākyena mātaliḥ| pracodayāmāsa rathaṃ surasārathiruttamaḥ|||| 106.14 ||

राम के इन वचनों से अत्यंत प्रसन्न होकर, देवताओं के उस श्रेष्ठ सारथी मातलि ने रथ को आगे बढ़ाया।

श्लोक 15 (yuddha.106.15)

अपसव्यं ततः कुर्वन् रावणस्य महारथम्। चक्रसम्भूतरजसा रावणं व्यवधूनयत्॥॥ 106.15 ॥

apasavyaṃ tataḥ kurvan rāvaṇasya mahāratham| cakrasambhūtarajasā rāvaṇaṃ vyavadhūnayat|||| 106.15 ||

फिर रावण के महारथ की परिक्रमा करते हुए (उसे दाहिनी ओर छोड़ते हुए), उसने चक्रों से उठी धूल से रावण को धुँधला कर दिया।

श्लोक 16 (yuddha.106.16)

ततः क्रुद्धो दशग्रीवस्ताम्रविस्फारितेक्षणः। रथप्रतिमुखं रामं सायकैरवधूनयत्॥॥ 106.16 ॥

tataḥ kruddho daśagrīvastāmravisphāritekṣaṇaḥ| rathapratimukhaṃ rāmaṃ sāyakairavadhūnayat|||| 106.16 ||

तब क्रुद्ध हुए दशग्रीव ने अपने ताम्रवर्ण नेत्र फाड़कर, अपने रथ के सम्मुख खड़े राम को बाणों से बींध कर हिला डाला।

श्लोक 17 (yuddha.106.17)

धर्षणामर्षितो रामो धैर्यं रोषेण लम्भयन्। जग्राह सुमहावेगमैन्द्रं युधि शरासनम्॥॥ 106.17 ॥

dharṣaṇāmarṣito rāmo dhairyaṃ roṣeṇa lambhayan| jagrāha sumahāvegamaindraṃ yudhi śarāsanam|||| 106.17 ||

इस आक्रमण से क्षुब्ध होकर भी राम ने क्रोध पर धैर्य को हावी होने दिया, और युद्ध में इन्द्र के उस अत्यंत वेगवान धनुष को हाथ में ले लिया।

श्लोक 18 (yuddha.106.18)

शरांश्च सुमहावेगान् सूर्यरश्मिसमप्रभान्। तदुपोढं महद् युद्धमन्योन्यवधकांक्षिणोः। परस्पराभिमुखयोर्दृप्तयोरिव सिंहयोः॥॥ 106.18 ॥

śarāṃśca sumahāvegān sūryaraśmisamaprabhān| tadupoḍhaṃ mahad yuddhamanyonyavadhakāṃkṣiṇoḥ| parasparābhimukhayordṛptayoriva siṃhayoḥ|||| 106.18 ||

और सूर्य-किरणों के समान तेजस्वी, अत्यंत वेगवान बाण भी ले लिए। तब उन दोनों में, जो एक-दूसरे के वध की कामना करते हुए आमने-सामने खड़े थे, मानो दो उन्मत्त सिंहों के समान, वह महान युद्ध छिड़ गया।

श्लोक 19 (yuddha.106.19)

ततो देवाः सगन्धर्वाः सिद्धाश्च परमर्षयः। समीयुर्द्वैरथं द्रष्टुं रावणक्षयकांक्षिणः॥॥ 106.19 ॥

tato devāḥ sagandharvāḥ siddhāśca paramarṣayaḥ| samīyurdvairathaṃ draṣṭuṃ rāvaṇakṣayakāṃkṣiṇaḥ|||| 106.19 ||

तब देवता, गंधर्वों सहित, सिद्ध और महर्षिगण, रावण के विनाश की कामना करते हुए, उस द्वंद्व-युद्ध को देखने के लिए वहाँ एकत्र हो गए।

श्लोक 20 (yuddha.106.20)

समुत्पेतुरथोत्पाता दारुणा रोमहर्षणाः। रावणस्य विनाशाय राघवस्योदयाय च॥॥ 106.20 ॥

samutpeturathotpātā dāruṇā romaharṣaṇāḥ| rāvaṇasya vināśāya rāghavasyodayāya ca|||| 106.20 ||

तभी भयंकर और रोमांचकारी अपशकुन प्रकट होने लगे, जो रावण के विनाश और राघव की विजय की सूचना दे रहे थे।

श्लोक 21 (yuddha.106.21)

ववर्ष रुधिरं देवो रावणस्य रथोपरि। वाता मण्डलिनस्तीव्रा व्यपसव्यं प्रचक्रमुः॥॥ 106.21 ॥

vavarṣa rudhiraṃ devo rāvaṇasya rathopari| vātā maṇḍalinastīvrā vyapasavyaṃ pracakramuḥ|||| 106.21 ||

मेघ ने रावण के रथ पर रक्त की वर्षा की, और भयंकर बवंडर उलटी दिशा में (प्रतिकूल) चलने लगे।

श्लोक 22 (yuddha.106.22)

महद्गृध्रकुलं चास्य भ्रममाणं नभस्थले। येन येन रथो याति तेन तेन प्रधावति॥॥ 106.22 ॥

mahadgṛdhrakulaṃ cāsya bhramamāṇaṃ nabhasthale| yena yena ratho yāti tena tena pradhāvati|||| 106.22 ||

गिद्धों का एक विशाल झुंड आकाश में मँडराते हुए उसी दिशा में उड़ता रहा जिस दिशा में उसका रथ जाता था।

श्लोक 23 (yuddha.106.23)

संध्यया चावृता लङ्का जपापुष्पनिकाशया। दृश्यते सम्प्रदीप्तेव दिवसेऽपि वसुंधरा॥॥ 106.23 ॥

saṃdhyayā cāvṛtā laṅkā japāpuṣpanikāśayā| dṛśyate sampradīpteva divase'pi vasuṃdharā|||| 106.23 ||

लंका जपा-पुष्प के समान लाल संध्या से ढँक गई, और दिन में भी वह धरती मानो जल रही हो, ऐसी दिखाई देने लगी।

श्लोक 24 (yuddha.106.24)

सनिर्घाता महोल्काश्च सम्प्रपेतुर्महास्वनाः। विषादयंस्ते रक्षांसि रावणस्य तदाहिताः॥॥ 106.24 ॥

sanirghātā maholkāśca samprapeturmahāsvanāḥ| viṣādayaṃste rakṣāṃsi rāvaṇasya tadāhitāḥ|||| 106.24 ||

गड़गड़ाहट के साथ बड़ी-बड़ी उल्काएँ महाध्वनि करती हुई गिरने लगीं, जो रावण के प्रतिकूल थीं और उसके राक्षसों को विषाद में डाल रही थीं।

श्लोक 25 (yuddha.106.25)

रावणश्च यतस्तत्र प्रचचाल वसुंधरा। रक्षसां च प्रहरतां गृहीता इव बाहवः॥॥ 106.25 ॥

rāvaṇaśca yatastatra pracacāla vasuṃdharā| rakṣasāṃ ca praharatāṃ gṛhītā iva bāhavaḥ|||| 106.25 ||

जहाँ रावण खड़ा था, वहाँ पृथ्वी काँप उठी, और युद्ध करते राक्षसों की भुजाएँ मानो जकड़ी हुई-सी लगने लगीं।

श्लोक 26 (yuddha.106.26)

ताम्राः पीताः सिताः श्वेताः पतिताः सूर्यरश्मयः। दृश्यन्ते रावणस्याग्रे पर्वतस्येव धातवः॥॥ 106.26 ॥

tāmrāḥ pītāḥ sitāḥ śvetāḥ patitāḥ sūryaraśmayaḥ| dṛśyante rāvaṇasyāgre parvatasyeva dhātavaḥ|||| 106.26 ||

रावण के सामने गिरती हुई सूर्य की किरणें ताम्र, पीत, धूसर और श्वेत वर्ण की दिखाई देने लगीं, मानो किसी पर्वत की खनिज-धातुएँ हों।

श्लोक 27 (yuddha.106.27)

गृध्रैरनुगताश्चास्य वमन्त्यो ज्वलनं मुखैः। प्रणेदुर्मुखमीक्षन्त्यः संरब्धमशिवं शिवाः॥॥ 106.27 ॥

gṛdhrairanugatāścāsya vamantyo jvalanaṃ mukhaiḥ| praṇedurmukhamīkṣantyaḥ saṃrabdhamaśivaṃ śivāḥ|||| 106.27 ||

गिद्धों के पीछे-पीछे चलती हुई सियारिनें, अपने मुखों से अग्नि उगलते हुए, रावण के मुख को देखकर उग्रता से अशुभ स्वर में चीत्कार करने लगीं।

श्लोक 28 (yuddha.106.28)

प्रतिकूलं ववौ वायू रणे पांसून् समुत्किरन्। तस्य राक्षसराजस्य कुर्वन् दृष्टिविलोपनम्॥॥ 106.28 ॥

pratikūlaṃ vavau vāyū raṇe pāṃsūn samutkiran| tasya rākṣasarājasya kurvan dṛṣṭivilopanam|||| 106.28 ||

युद्ध-भूमि में विपरीत दिशा से वायु चलने लगी, धूल को ऊपर उड़ाती हुई और उस राक्षसराज की दृष्टि को धुँधला करती हुई।

श्लोक 29 (yuddha.106.29)

निपेतुरिन्द्राशनयः सैन्ये चास्य समन्ततः। दुर्विषह्यस्वरा घोरा विना जलधरोदयम्॥॥ 106.29 ॥

nipeturindrāśanayaḥ sainye cāsya samantataḥ| durviṣahyasvarā ghorā vinā jaladharodayam|||| 106.29 ||

बिना किसी मेघ के प्रकट हुए, भयंकर वज्रपात उसकी सेना पर चारों ओर से गिरने लगे, जिनकी गड़गड़ाहट असह्य थी।

श्लोक 30 (yuddha.106.30)

दिशश्च प्रदिशः सर्वा बभूवुस्तिमिरावृताः। पांसुवर्षेण महता दुर्दर्शं च नभोऽभवत्॥॥ 106.30 ॥

diśaśca pradiśaḥ sarvā babhūvustimirāvṛtāḥ| pāṃsuvarṣeṇa mahatā durdarśaṃ ca nabho'bhavat|||| 106.30 ||

सभी दिशाएँ और उपदिशाएँ अंधकार से ढँक गईं, और धूल की भारी वर्षा से आकाश देखना कठिन हो गया।

श्लोक 31 (yuddha.106.31)

कुर्वन्त्यः कलहं घोरं सारिकास्तद्रथं प्रति। निपेतुः शतशस्तत्र दारुणा दारुणारुताः॥॥ 106.31 ॥

kurvantyaḥ kalahaṃ ghoraṃ sārikāstadrathaṃ prati| nipetuḥ śataśastatra dāruṇā dāruṇārutāḥ|||| 106.31 ||

भयंकर बोली बोलती हुई सारिका पक्षियाँ, परस्पर घोर कलह करती हुई, सैकड़ों की संख्या में उस रथ पर आ गिरीं।

श्लोक 32 (yuddha.106.32)

जघनेभ्यः स्फुलिङ्गाश्च नेत्रेभ्योऽश्रूणि संततम्। मुमुचुस्तस्य तुरगास्तुल्यमग्निं च वारि च॥॥ 106.32 ॥

jaghanebhyaḥ sphuliṅgāśca netrebhyo'śrūṇi saṃtatam| mumucustasya turagāstulyamagniṃ ca vāri ca|||| 106.32 ||

उसके घोड़ों की जाँघों से चिंगारियाँ और नेत्रों से आँसू लगातार बहने लगे — मानो वे एक साथ अग्नि और जल दोनों बरसा रहे हों।

श्लोक 33 (yuddha.106.33)

एवंप्रकारा बहवः समुत्पाता भयावहाः। रावणस्य विनाशाय दारुणाः सम्प्रजज्ञिरे॥॥ 106.33 ॥

evaṃprakārā bahavaḥ samutpātā bhayāvahāḥ| rāvaṇasya vināśāya dāruṇāḥ samprajajñire|||| 106.33 ||

इस प्रकार के अनेक भयावह और भयंकर अपशकुन रावण के विनाश की सूचना देते हुए प्रकट हुए।

श्लोक 34 (yuddha.106.34)

रामस्यापि निमित्तानि सौम्यानि च शिवानि च। बभूवुर्जयशंसीनि प्रादुर्भूतानि सर्वशः॥॥ 106.34 ॥

rāmasyāpi nimittāni saumyāni ca śivāni ca| babhūvurjayaśaṃsīni prādurbhūtāni sarvaśaḥ|||| 106.34 ||

वहीं राम के लिए शांत और शुभ शकुन, विजय की घोषणा करते हुए, सब ओर प्रकट होने लगे।

श्लोक 35 (yuddha.106.35)

निमित्तानीह सौम्यानि राघवः स्वजयाय वै। दृष्ट्वा परमसंहृष्टो हतं मेने च रावणम्॥॥ 106.35 ॥

nimittānīha saumyāni rāghavaḥ svajayāya vai| dṛṣṭvā paramasaṃhṛṣṭo hataṃ mene ca rāvaṇam|||| 106.35 ||

अपनी विजय सूचित करने वाले इन शुभ शकुनों को देखकर राघव अत्यंत हर्षित हुए और रावण को मानो पहले ही मृत मान लिया।

श्लोक 36 (yuddha.106.36)

ततो निरीक्ष्यात्मगतानि राघवो रणे निमित्तानि निमित्तकोविदः। जगाम हर्षं च परां च निर्वृतिं चकार युद्धे ह्यधिकं च विक्रमम्॥॥ 106.36 ॥

tato nirīkṣyātmagatāni rāghavo raṇe nimittāni nimittakovidaḥ| jagāma harṣaṃ ca parāṃ ca nirvṛtiṃ cakāra yuddhe hyadhikaṃ ca vikramam|||| 106.36 ||

तब शकुन-शास्त्र के ज्ञाता राघव ने युद्ध-भूमि में अपने पक्ष के उन शकुनों को देखकर हर्ष और परम शांति प्राप्त की, तथा युद्ध में और भी अधिक पराक्रम दिखाया।