आदित्यहृदय स्तोत्र

श्लोक 1 (yuddha.105.1)

ततो युद्धपरिश्रान्तं समरे चिन्तया स्थितम्। रावणं चाग्रतो दृष्ट्वा युद्धाय समुपस्थितम् ॥ 105.1 ॥

tato yuddhapariśrāntaṃ samare cintayā sthitam| rāvaṇaṃ cāgrato dṛṣṭvā yuddhāya samupasthitam || 105.1 ||

तब युद्ध से थके हुए, चिंतामग्न खड़े राम को, और उनके सामने पुनः युद्ध के लिए उपस्थित रावण को देखकर,

श्लोक 2 (yuddha.105.2)

दैवतैश्च समागम्य द्रष्टुमभ्यागतो रणम्। उपगम्याब्रवीद्राममगस्त्यो भगवान् ऋषिः ॥ 105.2 ॥

daivataiśca samāgamya draṣṭumabhyāgato raṇam| upagamyābravīdrāmamagastyo bhagavān ṛṣiḥ || 105.2 ||

उस युद्ध को देखने के लिए देवताओं के साथ वहाँ आए हुए भगवान ऋषि अगस्त्य ने राम के पास जाकर यह कहा:

श्लोक 3 (yuddha.105.3)

राम राम महाबाहो शृणु गुह्यं सनातनम्। येन सर्वानरीन्वत्स समरे विजयिष्यसे ॥ 105.3 ॥

rāma rāma mahābāho śṛṇu guhyaṃ sanātanam| yena sarvānarīnvatsa samare vijayiṣyase || 105.3 ||

"हे राम, हे महाबाहु राम! यह सनातन गुह्य रहस्य सुनो, जिसके द्वारा, हे वत्स, तुम युद्ध में समस्त शत्रुओं पर विजय पाओगे।

श्लोक 4 (yuddha.105.4)

आदित्यहृदयं पुण्यं सर्वशत्रुविनाशनम्। जयावहं जपेन्नित्यमक्षय्यं परमं शिवम् ॥ 105.4 ॥

ādityahṛdayaṃ puṇyaṃ sarvaśatruvināśanam| jayāvahaṃ japennityamakṣayyaṃ paramaṃ śivam || 105.4 ||

यह आदित्यहृदय है — पवित्र, समस्त शत्रुओं का नाशक, नित्य जप करने से विजय देने वाला, अक्षय और परम कल्याणकारी;

श्लोक 5 (yuddha.105.5)

सर्वमङ्गलमङ्गल्यं सर्वपापप्रणाशनम्। चिन्ताशोकप्रशमनमायुर्वर्धनमुत्तमम् ॥ 105.5 ॥

sarvamaṅgalamaṅgalyaṃ sarvapāpapraṇāśanam| cintāśokapraśamanamāyurvardhanamuttamam || 105.5 ||

समस्त मंगलों में मंगलतम, समस्त पापों का नाशक, चिंता और शोक को शांत करने वाला, तथा आयु बढ़ाने वाला सर्वोत्तम स्तोत्र है।

श्लोक 6 (yuddha.105.6)

रश्मिमन्तं समुद्यन्तं देवासुरनमस्कृतम्। पूजयस्व विवस्वन्तं भास्करं भुवनेश्वरम् ॥ 105.6 ॥

raśmimantaṃ samudyantaṃ devāsuranamaskṛtam| pūjayasva vivasvantaṃ bhāskaraṃ bhuvaneśvaram || 105.6 ||

किरणों से युक्त, उदय होते हुए, देवों और असुरों दोनों द्वारा नमस्कृत, उस विवस्वान भास्कर, भुवनों के स्वामी की पूजा करो।

श्लोक 7 (yuddha.105.7)

सर्वदेवात्मको ह्येष तेजस्वी रश्मिभावनः। एष देवासुरगणान् लोकान् पाति गभस्तिभिः ॥ 105.7 ॥

sarvadevātmako hyeṣa tejasvī raśmibhāvanaḥ| eṣa devāsuragaṇān lokān pāti gabhastibhiḥ || 105.7 ||

क्योंकि यह समस्त देवताओं का ही स्वरूप है, तेजस्वी और किरणों का उद्गम है; अपनी किरणों से यह देव-दानव समूहों तथा समस्त लोकों की रक्षा करता है।

श्लोक 8 (yuddha.105.8)

एष ब्रह्मा च विष्णुश्च शिवः स्कन्दः प्रजापतिः। महेन्द्रो धनदः कालो यमः सोमो ह्यपांपतिः ॥ 105.8 ॥

eṣa brahmā ca viṣṇuśca śivaḥ skandaḥ prajāpatiḥ| mahendro dhanadaḥ kālo yamaḥ somo hyapāṃpatiḥ || 105.8 ||

यह ही ब्रह्मा है, विष्णु है, शिव है, स्कंद है, प्रजापति है; यह ही महेंद्र, धनद (कुबेर), काल, यम, सोम और जलों के स्वामी वरुण भी है।

श्लोक 9 (yuddha.105.9)

पितरो वसवः साध्या अश्विनौ मरुतो मनुः। वायुर्वह्निः प्रजाः प्राण ऋतुकर्ता प्रभाकरः ॥ 105.9 ॥

pitaro vasavaḥ sādhyā aśvinau maruto manuḥ| vāyurvahniḥ prajāḥ prāṇa ṛtukartā prabhākaraḥ || 105.9 ||

यह पितृगण, वसुगण, साध्यगण, दोनों अश्विनीकुमार, मरुद्गण और मनु है; यह वायु, अग्नि, समस्त प्रजा, प्राण, ऋतुओं का निर्माता और प्रकाश का स्रोत है।

श्लोक 10 (yuddha.105.10)

आदित्यः सविता सूर्यः खगः पूषा गभस्तिमान्। सुवर्णसदृशो भानुर्हिरण्यरेता दिवाकरः ॥ 105.10 ॥

ādityaḥ savitā sūryaḥ khagaḥ pūṣā gabhastimān| suvarṇasadṛśo bhānurhiraṇyaretā divākaraḥ || 105.10 ||

यह आदित्य, सविता, सूर्य, आकाशचारी खग, पूषा, किरणों वाला, स्वर्ण के समान भानु, हिरण्यरेता और दिन का निर्माता दिवाकर है।

श्लोक 11 (yuddha.105.11)

हरिदश्वः सहस्रार्चिः सप्तसप्तिर्मरीचिमान्। तिमिरोन्मथनः शम्भुस्त्वष्टा मार्तण्डकोऽंशुमान् ॥ 105.11 ॥

haridaśvaḥ sahasrārciḥ saptasaptirmarīcimān| timironmathanaḥ śambhustvaṣṭā mārtaṇḍako'ṃśumān || 105.11 ||

जिसके हरित अश्व हैं, जो सहस्ररश्मि है, सात घोड़ों वाला, किरणों से युक्त, अंधकार का नाशक, शंभु, त्वष्टा और मार्तण्ड है, वह अंशुमान है।

श्लोक 12 (yuddha.105.12)

हिरण्यगर्भः शिशिरस्तपनोऽहस्करो रविः। अग्निगर्भोऽदितेः पुत्रः शङ्खः शिशिरनाशनः ॥ 105.12 ॥

hiraṇyagarbhaḥ śiśirastapano'haskaro raviḥ| agnigarbho'diteḥ putraḥ śaṅkhaḥ śiśiranāśanaḥ || 105.12 ||

यह हिरण्यगर्भ, शीतलता देने वाला, तपाने वाला, दिन का कर्ता, रवि है; अग्निगर्भ, अदिति-पुत्र, शंख और शिशिर का नाशक भी है।

श्लोक 13 (yuddha.105.13)

व्योमनाथस्तमोभेदी ऋग्यजुःसामपारगः। घनवृष्टिरपां मित्रो विन्ध्यवीथीप्लवंगमः ॥ 105.13 ॥

vyomanāthastamobhedī ṛgyajuḥsāmapāragaḥ| ghanavṛṣṭirapāṃ mitro vindhyavīthīplavaṃgamaḥ || 105.13 ||

आकाश का स्वामी, अंधकार का विदारक, ऋग्, यजुः और साम — तीनों वेदों का पारगामी; घनी वर्षा करने वाला, जल का मित्र, और विंध्य के आकाश-मार्ग में तीव्र गति से चलने वाला है।

श्लोक 14 (yuddha.105.14)

आतपी मण्डली मृत्युः पिङ्गलः सर्वतापनः। कविर्विश्वो महातेजा रक्तः सर्वभवोद्भवः ॥ 105.14 ॥

ātapī maṇḍalī mṛtyuḥ piṅgalaḥ sarvatāpanaḥ| kavirviśvo mahātejā raktaḥ sarvabhavodbhavaḥ || 105.14 ||

यह तपाने वाला, मंडलाकार, स्वयं मृत्यु, पिंगल वर्ण, सबको तपाने वाला है; कवि, विश्वरूप, महातेजस्वी, सबका प्रिय और समस्त सृष्टि का उद्गम-स्थान है।

श्लोक 15 (yuddha.105.15)

नक्षत्रग्रहताराणामधिपो विश्वभावनः। तेजसामपि तेजस्वी द्वादशात्मन्नमोऽस्तु ते ॥ 105.15 ॥

nakṣatragrahatārāṇāmadhipo viśvabhāvanaḥ| tejasāmapi tejasvī dvādaśātmannamo'stu te || 105.15 ||

नक्षत्रों, ग्रहों और तारों का अधिपति, विश्व का निर्माता, तेजस्वियों में भी तेजस्वी — हे द्वादशात्मा, तुम्हें नमस्कार हो!

श्लोक 16 (yuddha.105.16)

नमः पूर्वाय गिरये पश्चिमायाद्रये नमः। ज्योतिर्गणानां पतये दिनाधिपतये नमः ॥ 105.16 ॥

namaḥ pūrvāya giraye paścimāyādraye namaḥ| jyotirgaṇānāṃ pataye dinādhipataye namaḥ || 105.16 ||

पूर्व पर्वत को नमस्कार, पश्चिम पर्वत को भी नमस्कार; ज्योतिर्गणों के स्वामी को नमस्कार, दिन के अधिपति को नमस्कार।

श्लोक 17 (yuddha.105.17)

जयाय जयभद्राय हर्यश्वाय नमो नमः। नमो नमः सहस्रांशो आदित्याय नमो नमः ॥ 105.17 ॥

jayāya jayabhadrāya haryaśvāya namo namaḥ| namo namaḥ sahasrāṃśo ādityāya namo namaḥ || 105.17 ||

जय को, जयभद्र को, हरित अश्वों वाले को बार-बार नमस्कार; हे सहस्रांशु, बार-बार नमस्कार; आदित्य को बार-बार नमस्कार।

श्लोक 18 (yuddha.105.18)

नम उग्राय वीराय सारङ्गाय नमो नमः। नमः पद्मप्रबोधाय प्रचण्डाय नमोऽस्तु ते ॥ 105.18 ॥

nama ugrāya vīrāya sāraṅgāya namo namaḥ| namaḥ padmaprabodhāya pracaṇḍāya namo'stu te || 105.18 ||

उग्र को नमस्कार, वीर को नमस्कार, विविध वर्णों वाले सारंग को बार-बार नमस्कार; कमल को जगाने वाले को नमस्कार, हे प्रचंड, तुम्हें नमस्कार हो।

श्लोक 19 (yuddha.105.19)

ब्रह्मेशानाच्युतेशाय सूर्यायादित्यवर्चसे। भास्वते सर्वभक्षाय रौद्राय वपुषे नमः ॥ 105.19 ॥

brahmeśānācyuteśāya sūryāyādityavarcase| bhāsvate sarvabhakṣāya raudrāya vapuṣe namaḥ || 105.19 ||

ब्रह्मा, शिव और अच्युत के भी नियंता को, सूर्य को, आदित्य के तेज को नमस्कार; तेजस्वी, सर्वभक्षक और रौद्र स्वरूप वाले को नमस्कार।

श्लोक 20 (yuddha.105.20)

तमोघ्नाय हिमघ्नाय शत्रुघ्नायामितात्मने। कृतघ्नघ्नाय देवाय ज्योतिषां पतये नमः ॥ 105.20 ॥

tamoghnāya himaghnāya śatrughnāyāmitātmane| kṛtaghnaghnāya devāya jyotiṣāṃ pataye namaḥ || 105.20 ||

अंधकार के नाशक को, शीत के नाशक को, शत्रुओं के नाशक को, अपरिमित आत्मा वाले को नमस्कार; कृतघ्नों के नाशक, देव, ज्योतियों के स्वामी को नमस्कार।

श्लोक 21 (yuddha.105.21)

तप्तचामीकराभाय हरये विश्वकर्मणे। नमस्तमोभिनिघ्नाय रुचये लोकसाक्षिणे ॥ 105.21 ॥

taptacāmīkarābhāya haraye viśvakarmaṇe| namastamobhinighnāya rucaye lokasākṣiṇe || 105.21 ||

तपाए हुए स्वर्ण के समान कांतिवाले, हरि, विश्व के निर्माता को नमस्कार; अंधकार के नाशक, तेज-स्वरूप, समस्त लोकों के साक्षी को नमस्कार।

श्लोक 22 (yuddha.105.22)

नाशयत्येष वै भूतं तदेव सृजति प्रभुः। पायत्येष तपत्येष वर्षत्येष गभस्तिभिः ॥ 105.22 ॥

nāśayatyeṣa vai bhūtaṃ tadeva sṛjati prabhuḥ| pāyatyeṣa tapatyeṣa varṣatyeṣa gabhastibhiḥ || 105.22 ||

यह प्रभु ही समस्त प्राणियों का नाश करता है, और यही उन्हें पुनः उत्पन्न भी करता है; यही पालन करता है, यही तपाता है, और यही अपनी किरणों से वर्षा भी करता है।

श्लोक 23 (yuddha.105.23)

एष सुप्तेषु जागर्ति भूतेषु परिनिष्ठितः। एष चैवाग्निहोत्रं च फलं चैवाग्निहोत्रिणाम् ॥ 105.23 ॥

eṣa supteṣu jāgarti bhūteṣu pariniṣṭhitaḥ| eṣa caivāgnihotraṃ ca phalaṃ caivāgnihotriṇām || 105.23 ||

समस्त प्राणियों में स्थित होकर, जब वे सोए रहते हैं तब भी यह जागृत रहता है; यही अग्निहोत्र है, और यही अग्निहोत्र करने वालों को मिलने वाला फल भी है।

श्लोक 24 (yuddha.105.24)

देवाश्च क्रतवश्चैव क्रतूनां फलमेव च। यानि कृत्यानि लोकेषु सर्वेषु परमप्रभुः ॥ 105.24 ॥

devāśca kratavaścaiva kratūnāṃ phalameva ca| yāni kṛtyāni lokeṣu sarveṣu paramaprabhuḥ || 105.24 ||

यह ही देवता है, यही यज्ञ है, और यही यज्ञों का फल भी है; समस्त लोकों में जो भी कर्म होते हैं, वह परम प्रभु ही उन सबका आधार है।

श्लोक 25 (yuddha.105.25)

एनमापत्सु कृच्छ्रेषु कान्तारेषु भयेषु च। कीर्तयन् पुरुषः कश्चिन्नावसीदति राघव ॥ 105.25 ॥

enamāpatsu kṛcchreṣu kāntāreṣu bhayeṣu ca| kīrtayan puruṣaḥ kaścinnāvasīdati rāghava || 105.25 ||

हे राघव, जो भी पुरुष विपत्तियों में, कठिनाइयों में, दुर्गम वनों में और भय के अवसरों पर इसका कीर्तन करता है, वह कभी दुःख में नहीं डूबता।

श्लोक 26 (yuddha.105.26)

पूजयस्वैनमेकाग्रो देवदेवं जगत्पतिम्। एतत्त्रिगुणितं जप्त्वा युद्धेषु विजयिष्यसि ॥ 105.26 ॥

pūjayasvainamekāgro devadevaṃ jagatpatim| etattriguṇitaṃ japtvā yuddheṣu vijayiṣyasi || 105.26 ||

एकाग्रचित्त होकर इस देवाधिदेव, जगत्पति की आराधना करो; इस स्तोत्र को तीन बार जपकर तुम युद्धों में विजय प्राप्त करोगे।

श्लोक 27 (yuddha.105.27)

अस्मिन् क्षणे महाबाहो रावणं त्वं वधिष्यसि। एवमुक्त्वा ततोऽगस्त्यो जगाम स यथागतम् ॥ 105.27 ॥

asmin kṣaṇe mahābāho rāvaṇaṃ tvaṃ vadhiṣyasi| evamuktvā tato'gastyo jagāma sa yathāgatam || 105.27 ||

हे महाबाहु, इसी क्षण तुम रावण का वध कर दोगे।" ऐसा कहकर अगस्त्य मुनि जिस प्रकार आए थे, उसी प्रकार वहाँ से चले गए।

श्लोक 28 (yuddha.105.28)

एतच्छ्रुत्वा महातेजा नष्टशोकोऽभवत्तदा। धारयामास सुप्रीतो राघवः प्रयतात्मवान् ॥ 105.28 ॥

etacchrutvā mahātejā naṣṭaśoko'bhavattadā| dhārayāmāsa suprīto rāghavaḥ prayatātmavān || 105.28 ||

यह सुनकर महातेजस्वी राघव का शोक उसी क्षण नष्ट हो गया; अत्यंत प्रसन्न होकर, शुद्ध-मन राघव ने इस स्तोत्र को स्मरण में धारण कर लिया।

श्लोक 29 (yuddha.105.29)

आदित्यं प्रेक्ष्य जप्त्वा तु परं हर्षमवाप्तवान्। त्रिराचम्य शुचिर्भूत्वा धनुरादाय वीर्यवान् ॥ 105.29 ॥

ādityaṃ prekṣya japtvā tu paraṃ harṣamavāptavān| trirācamya śucirbhūtvā dhanurādāya vīryavān || 105.29 ||

सूर्य की ओर देखकर स्तोत्र का जप करते हुए वीर्यवान राम को परम हर्ष प्राप्त हुआ; तीन बार आचमन कर पवित्र होकर उन्होंने धनुष उठा लिया।

श्लोक 30 (yuddha.105.30)

रावणं प्रेक्ष्य हृष्टात्मा युद्धार्थं समुपागमत्। सर्वयत्नेन महता वधे तस्य धृतोऽभवत् ॥ 105.30 ॥

rāvaṇaṃ prekṣya hṛṣṭātmā yuddhārthaṃ samupāgamat| sarvayatnena mahatā vadhe tasya dhṛto'bhavat || 105.30 ||

रावण को देखकर, प्रसन्नचित्त होकर वे युद्ध के लिए आगे बढ़े, और पूरे प्रयास से उसके वध के लिए दृढ़संकल्प हो गए।

श्लोक 31 (yuddha.105.31)

अथ रविरवदन्निरीक्ष्य रामं। मुदितमनाः परमं प्रहृष्यमाणः। निशिचरपतिसंक्षयं विदित्वा। सुरगणमध्यगतो वचस्त्वरेति ॥ 105.31 ॥

atha raviravadannirīkṣya rāmaṃ| muditamanāḥ paramaṃ prahṛṣyamāṇaḥ| niśicarapatisaṃkṣayaṃ viditvā| suragaṇamadhyagato vacastvareti || 105.31 ||

तब सूर्यदेव राम को देखकर, प्रसन्नचित्त होकर परम हर्षित हुए, और निशाचरराज के विनाश को निकट जानकर, देवगणों के मध्य खड़े होकर एक ही शब्द बोले: "शीघ्रता करो!"